تسجيل الدخول

مشاهدة النسخة كاملة : أستفسار بخصوص dell datd Backup upgrade


المـهـفـة والـســفـرة
14-03-2011, 09:19 PM
السلام عليكم ورحمة الله وبركاته.
ياأخوتي الكرام :
أولاً :

أنا من المستخدمين اللي نادر مايجلس ع الكمبيوتر .
وثانياً :

وهلايام كل ماأستخدم الكمبيوتر
يطلع لي مربع على يمين الشاشة مكتوب عليه :

dell datd safe LocaL Backup upgrade

وكل ماأضغط عليه يفتح لي صفحة
يقولون لي سو Next ولما اتابع تطلعي صفحة
يبون فيها فلوس بالدولار :eek5:
ومادري الصراحة شسالفة
وشالحل معاه.

والكمبيوتر نوعه :
http://www13.0zz0.com/2011/03/14/18/353139187.jpg
أبي شرح وافي << طرارة ويتشرط هههه.
القصد من الشرح الوافي : مابي أتوهق بالعربي:nice:
راعي الدتسن
14-03-2011, 11:26 PM
والله ماعندي خبره فالكمبيوتر حدي ادش المنتدى بس :rolleyes2:
ان شاء الله الشباب بيفيدونك
abozqm
15-03-2011, 12:19 AM
dell datd safe LocaL Backup upgrade

ما هو الا برامج يعمل لك نسخة احتياطية من الملفات اللي على الجهاز
ودائما ينزل على أجهزة dell على انه نسخة تجريبية ( وهذه تعطيك صلاحيات محدوده) وإذا حبيت تستخدم كل الصلاحيات فبيطلب منك شراء النسخة كاملة من البرنامج وهو المقصود بكلمة Upgrad

على سبيل المثال برنامج norton مكافح الفيروسات ممكن تحمله مجانا نسخة تجريبية وإذا حبيت تشتريه تحصله على CD في محلات الكمبيوتر نفس الشئ

والحل انك تتجاهل الرسالة أو تمسح البرنامج من control panel ثم add and remove programe

وياريت أكون عرفت اوصلك ولو جزء من طلبك

تقبل تحياتي
ولد العلي
15-03-2011, 12:29 AM
أعتقد هذا البرنامج من شركة "ديل"
وهو لنسخ بيانات الهارديسك (Backup نسخة احتياطية)
ولتحديث البرنامج "upgrade" اضغطي على المربع
وأعتقد هذا البرنامج ديمو (Demo) يعني دعاية
أو فترة السماح لإستخدام البرنامج انتهت
علشان جذي يطلبون منك قيمة تحديث البرنامج " بالدولار $ "
المـهـفـة والـســفـرة
15-03-2011, 12:41 AM
بيض الله وجيهكم .
أششششواا فكرتها سالفة ويبون مني فلوس
واخرتها أطلعت دعاية ههه غربل لهم الله.:d

مشكورين وماقصرتوا على ردودكم
,, لاخلا ولاعدم.
شمعة الدوحه
15-03-2011, 07:55 AM
اي هذي فلوس انت متسلفها من عزيزنا ديل ويبيك ترجعها له :tease:
المـهـفـة والـســفـرة
15-03-2011, 01:52 PM
اي هذي فلوس انت متسلفها من عزيزنا ديل ويبيك ترجعها له :tease:
هههه أضحك الله سنج .
ممكن طلب تأجيل لين أخر الشهر. :D

مشكورة على هالطلة الطيبة
بارك الله فيج.
:nice: