المساعد الشخصي الرقمي

مشاهدة النسخة كاملة : روضة با العصافير



طواش
15-03-2011, 12:20 AM
روضة با العصافير

روضة تقع شمال شرق الخرسعة

من عنده صور لها ؟؟

جرح الزمان
15-03-2011, 12:33 AM
شيك مواضيع اخونا عاشق الشهادة في قسم السياحة والسفر

طواش
15-03-2011, 12:37 AM
شيك مواضيع اخونا عاشق الشهادة في قسم السياحة والسفر

هل ورد ذكر روضة با العصافير عنده ؟

جرح الزمان
15-03-2011, 12:39 AM
هل ورد ذكر روضة با العصافير عنده ؟

ما ادري ... مب متأكد

بس ليش هالروضه بالذات >> فضولي :shy:

وهم قطر
15-03-2011, 12:52 AM
اخوي طواش وش بقيت منها بالضبط

من فتره صايد كراوين فيها روضه كبيره وحولها عزب واجد

طواش
15-03-2011, 06:53 AM
ما ادري ... مب متأكد

بس ليش هالروضه بالذات >> فضولي :shy:


ودي بصور حق اشجارها وعصافيرها

chillis
15-03-2011, 07:51 AM
ويه وانا من اليوم عبالي روضه اطفال والله بغيت اسال شالروضه الي اسمها بالعصافير :×

السهم الشمالي
15-03-2011, 12:26 PM
السلام عليكم

أدخل على هذا الرابط

http://wikimapia.org/#lat=25.3108022&lon=50.9730381&z=18&l=0&m=b&v=8&search=%D8%B1%D9%88%D8%B6%D8%A9%20%D8%A7%D9%84%D8% B9%D8%B5%D8%A7%D9%81%D9%8A%D8%B1

وبالتوفيق بإذن الله .

طواش
15-03-2011, 05:14 PM
اخوي طواش وش بقيت منها بالضبط

من فتره صايد كراوين فيها روضه كبيره وحولها عزب واجد


ما نوع الأشجار البرية التي فيها ؟؟؟

وما هي أنواع العصافير التي تقطنها ؟

طواش
15-03-2011, 05:21 PM
ويه وانا من اليوم عبالي روضه اطفال والله بغيت اسال شالروضه الي اسمها بالعصافير :×

من الممكن إنشاء روضة أطفال باسم الروضة .

ليش لا

طواش
15-03-2011, 05:37 PM
السلام عليكم

أدخل على هذا الرابط

http://wikimapia.org/#lat=25.3108022&lon=50.9730381&z=18&l=0&m=b&v=8&search=%d8%b1%d9%88%d8%b6%d8%a9%20%d8%a7%d9%84%d8% b9%d8%b5%d8%a7%d9%81%d9%8a%d8%b1

وبالتوفيق بإذن الله .

وفق الله الجميع

أشكرك على هذا الرابط المفيد .

ولكنه لم يقربني من المعلومة التي أبحث عنها .

طواش
22-03-2011, 10:49 PM
وددت لو أحد الأعضاء زودني بصور لاشجار وعصافير با العصافير أكون له شاكرا

واثق بالله
22-03-2011, 11:20 PM
ويه وانا من اليوم عبالي روضه اطفال والله بغيت اسال شالروضه الي اسمها بالعصافير :×

اضحك الله سنك


الروضه مهب بعيده من منطقة ام العظام

منطقة ال شايق الشهاوين

واكيد ان شجرها السمر والوسج والسدر
اللي انا خابره في ذيك المناطق

طواش
22-03-2011, 11:29 PM
اضحك الله سنك


الروضه مهب بعيده من منطقة ام العظام

منطقة ال شايق الشهاوين

واكيد ان شجرها السمر والوسج والسدر
اللي انا خابره في ذيك المناطق

هل عندك صور لأشجارها وعصافيرها ؟

واثق بالله
22-03-2011, 11:39 PM
لا والله ماعندي صور

لكن ان قدرت احصل على صورها

ببلغك في اقرب وقت ..

طواش
22-03-2011, 11:49 PM
اضحك الله سنك


الروضه مهب بعيده من منطقة ام العظام
منطقة ال شايق الشهاوين

واكيد ان شجرها السمر والوسج والسدر
اللي انا خابره في ذيك المناطق

المنطقة المجاورة لروضة با العصافير اسمها أم العظام ولا أم العضام ؟



لا والله ماعندي صور

لكن ان قدرت احصل على صورها

ببلغك في اقرب وقت ..

شكرا لك ما تقصر

شيط ويط
23-03-2011, 07:15 AM
جاري البحث عن صورها وعصافيرها يا طواش :)

واثق بالله
23-03-2011, 01:20 PM
اسمها ام العظام طال عمرك

طواش
23-03-2011, 10:09 PM
جاري البحث عن صورها وعصافيرها يا طواش :)

ما تقصر ، عساك على القوة

طواش
23-03-2011, 10:19 PM
اسمها ام العظام طال عمرك

وعمرك .

هل أنت متأكد ؟

ما هي طبيعة أرضها ؟

وما هو الشيء البارز في هذه الأرض ؟

حسن
23-03-2011, 10:26 PM
بالعصافير روضه عند ام العظام من الغرب على مااعتقد وفيها اعزب لبن شايق من الشهاوين

طواش
23-03-2011, 10:30 PM
بالعصافير روضه عند ام العظام من الغرب على مااعتقد وفيها اعزب لبن شايق من الشهاوين

محتاجين - يا أخوك - صور لأشجارها ولعصافيرها .

وصور لأم العضام .

حسن
23-03-2011, 10:35 PM
ياطواش روضه عاديه مثل روض قطر وام العضام روضه واحذاها بيوت من الجنوب والشرق واذا تبي ادليك ام العضام بوصفلك اياها البريه والبحريه

حقيقه
23-03-2011, 10:36 PM
روح وصورها

وبتتعرف عليها احسن عالطبيعه

طواش
23-03-2011, 10:43 PM
ياطواش روضه عاديه مثل روض قطر وام العضام روضه واحذاها بيوت من الجنوب والشرق واذا تبي ادليك ام العضام بوصفلك اياها البريه والبحريه

أخي الفاضل :

كل روضة من روض قطر لها خاصية لا تشاركها فيها روضة ثانية .

ممكن تذكر لي نوع شجرها .

ونوع أرض أم العضام .

طواش
23-03-2011, 10:48 PM
روح وصورها

وبتتعرف عليها احسن عالطبيعه

صحيح كلامك بس مثل ما فهمت من الإخوان إنها مناطق فيها أهلها وما لي حق أدخل عليهم

بدون استئذان لمجرد إني أرغب في التصوير.

حسن
23-03-2011, 10:53 PM
اخوي طواش بالعصافير روضه اصغر من ام العضام وشجرها سدر كبار والقاع عادي في شوي من الوعر بس الحين في خط قار لين ام العضام تطلعله من طريق دخان عقب النصرانيه

حسن
23-03-2011, 10:54 PM
صحيح كلامك بس مثل ما فهمت من الإخوان إنها مناطق فيها أهلها وما لي حق أدخل عليهم

بدون استئذان لمجرد إني أرغب في التصوير.

روح صور ولاحد بيقولك شي وان حد كلمك قولهم انه من طرف حسن:victory:

طواش
23-03-2011, 10:57 PM
اخوي طواش بالعصافير روضه اصغر من ام العضام وشجرها سدر كبار والقاع عادي في شوي من الوعر بس الحين في خط قار لين ام العضام تطلعله من طريق دخان عقب النصرانيه

با العصافير شجرها بس سدر ؟

أم العضام أرضها مستوى واحد ولا فيها ارتفاع ؟

حسن
23-03-2011, 11:00 PM
با العصافير شجرها بس سدر ؟

أم العضام أرضها مستوى واحد ولا فيها ارتفاع ؟

الروضه عني نازله شوي وحوليها حزوم من الجنوب والشرق مرتفعه شوي بس فيها زرع وبيوت

واثق بالله
23-03-2011, 11:01 PM
يالطواش

كل روض قطر اكثر شجرها السدر

بشكل عام مع وجود السمر والعوسج

اما ان فيه شي يميز ام العظام هذا شي

ماخبرته .. فيها مساطيح وحزوم صغيره

وبالنسبه ان اسمها ام العضام هذا شي

جديد علي اللي اعرفه من يومي بزر

ام العظام

طواش
23-03-2011, 11:03 PM
روح صور ولاحد بيقولك شي وان حد كلمك قولهم انه من طرف حسن:victory:

قول وفعل يا بوعلي .


الروضه عني نازله شوي وحوليها حزوم من الجنوب والشرق مرتفعه شوي بس فيها زرع وبيوت

تعني با العصافير ولا أم العضام ؟

طواش
23-03-2011, 11:06 PM
يالطواش

كل روض قطر اكثر شجرها السدر

بشكل عام مع وجود السمر والعوسج

اما ان فيه شي يميز ام العظام هذا شي

ماخبرته .. فيها مساطيح وحزوم صغيره

وبالنسبه ان اسمها ام العضام هذا شي

جديد علي اللي اعرفه من يومي بزر

ام العظام

إوصف لي حزومها وأنا أقول لك هي أم العظام ولا أم العضام .

حسن
23-03-2011, 11:09 PM
طواش وشلك في بالعصافير ولا ام الصوي ياخي روح صور روضه الهيشميه

واثق بالله
23-03-2011, 11:12 PM
والله يالطواش انا مهب من اهلها

واخر مراحي لها منذ مبطي

ومثل ماقلت لك مافيها شي ملفت للنظر

سواء حزوم والا غيره

الا ان كانك تقصد بروق دخان

بقولك صح

تراك شوقتنا نروح نستكشفها

وهم قطر
23-03-2011, 11:13 PM
اخوي طواش

الروضه فيها سمر كبير وسدر ومرخ

وأم العضام منطقه طامنه وحوليها حزوم ووعره المنطقه

وبأمكانك تروح على راحتك وتصور الي تبيه وفيها شارع غار

وأهلها مايروحون الا في الشتاء وهذه الأيام ويكند بس

واذا تبيني أخاويك ابركها من ساعه

طواش
23-03-2011, 11:14 PM
طواش وشلك في بالعصافير ولا ام الصوي ياخي روح صور روضه الهيشميه

؟؟؟؟؟؟؟؟؟؟؟؟ لماذا ؟؟؟؟؟؟؟؟

حسن
23-03-2011, 11:21 PM
؟؟؟؟؟؟؟؟؟؟؟؟ لماذا ؟؟؟؟؟؟؟؟

لان السنه ماجاهم مطر والقاع اشلح املح كان تصور موهن

طواش
23-03-2011, 11:24 PM
والله يالطواش انا مهب من اهلها

واخر مراحي لها منذ مبطي

ومثل ماقلت لك مافيها شي ملفت للنظر

سواء حزوم والا غيره

الا ان كانك تقصد بروق دخان

بقولك صح

تراك شوقتنا نروح نستكشفها

استكشفها وقل لنا ولك الفضل

اسمها لم يأت من فراغ

سـ ع ـود
24-03-2011, 02:25 AM
الله يا روضة بالعصافير وام عظام
وصل صيتهم الانترنت هههههههههه
امر اخوي انا من سكانها
وماشاء الله ماتوقعت حد من الاعضاء يعرفها
واهم شي اللي افتو من الموجود ومن اللي مب موجود فيها

هههههههه

طواش
24-03-2011, 02:38 PM
اخوي طواش

الروضه فيها سمر كبير وسدر ومرخ

وأم العضام منطقه طامنه وحوليها حزوم ووعره المنطقه

وبأمكانك تروح على راحتك وتصور الي تبيه وفيها شارع غار

وأهلها مايروحون الا في الشتاء وهذه الأيام ويكند بس

واذا تبيني أخاويك ابركها من ساعه


الشكر الجزيل ما قصرت

طواش
24-03-2011, 03:07 PM
الله يا روضة بالعصافير وام عظام
وصل صيتهم الانترنت هههههههههه
امر اخوي انا من سكانها
وماشاء الله ماتوقعت حد من الاعضاء يعرفها
واهم شي اللي افتو من الموجود ومن اللي مب موجود فيها

هههههههه

ما دام إنك من أهلها إوصف لنا هاتين الروضتين :
با العصافير وأم العضام

طواش
26-03-2011, 12:12 AM
طواش وشلك في بالعصافير ولا ام الصوي ياخي روح صور روضه الهيشميه

ليش روضة الهشيمية بالذات ؟؟؟

واثق بالله
26-03-2011, 12:58 AM
اللي اعرفه اسمها لهشميه

وام عظام هو الاسم الصحيح

مثل ماذكر سعود

لعديد
26-03-2011, 04:39 PM
روضة با العصافير

روضة تقع شمال شرق الخرسعة

من عنده صور لها ؟؟



توجد أيضاً روضة با العصافير
شمال غرب الخراره بالقرب من اطوار

طواش
26-03-2011, 11:06 PM
اللي اعرفه اسمها لهشميه

وام عظام هو الاسم الصحيح

مثل ماذكر سعود

ما دمت مصر على : أم العظام . فسّر لنا معناها

ولو تفضلت معنى با العصافير والهشمية .

شكرا لك

طواش
26-03-2011, 11:36 PM
توجد أيضاً روضة با العصافير
شمال غرب الخراره بالقرب من اطوار

ما هو سبب التسمية ؟؟؟

واثق بالله
27-03-2011, 10:47 PM
ما دمت مصر على : أم العظام . فسّر لنا معناها

ولو تفضلت معنى با العصافير والهشمية .

شكرا لك


بالنسبه ل أم عظام وبا العصافير
فهو واضح من الاسم

اما لهشميه ما أقدر أفتي فيها

طواش
28-03-2011, 03:14 PM
بالنسبه ل أم عظام وبا العصافير
فهو واضح من الاسم

اما لهشميه ما أقدر أفتي فيها

في ظنك إنهم سمّوها با العصافير لوجود عصافير فيها .

وسمّوا الثانية أم العظام لوجود عظام فيها ؟

واثق بالله
29-03-2011, 10:27 PM
نعم ... اعتقد ذلك

khaleeji
29-03-2011, 10:44 PM
يالربع اذكروا الله

في الماضي كان اكثر القيعان والروض و المساطيح وكذلك العيون مسماه

فبعضها تسمى بالنبت او الشجرالغالب فيها مثل الغاف او السعيدي والعيون تسمى باسم اهلها وقد تكون باسماء اخرى غير واضحة المعنى مثل ام طاقة وام العظام الخ

ومن خلال هذي الاسماء كان يتم وصف الاماكن ومعظمها لا يعرف او هناك اختلاف في سبب تسميتها

هذا الي عندي اما عن ام العظام اذا تهمكم ممكن تسالون احد من شيبان ال شايق الي نازلينها من زمان

سـ ع ـود
30-03-2011, 12:06 AM
الهشميه وانت رايح ام عظام تكون على يدك اليسار وحاليا فيها مخيم ولي العهد ومخيمات البنهادي الشهاوين
ام عظام مش روضه منطقه بس في اخرها روضة قري موزه وانت رايح صوب الخرسعه على اليمين تكون
بالعصافير اول ماتشرف على ام عظام فيه لفه يمين تاخذها لين ينقطع الشارع عند مجلس حمد بن مسفر ال حشيفان الشهواني وتاخذ يمين وتحصل الدوره مالت المطايا مسويها حمد بن مسفر تقبضها سيده وبالعصافير تكون يسارك وتعدى روضة بالعصافير لين نهاية الدوره بتكون قدامك العكرش مسمينها الريف القطري على وزن الريف الانجليزي ههههههههه
اي استفسار انا في الخدمه
محدثكم سـ ع ـود من قلب الحدث :)

طواش
30-03-2011, 12:07 AM
نعم ... اعتقد ذلك

وإن طارت العصافير من با العصافير

ونظفوا أم العضام من العظام

ماذا سيكون اسم كل روضة ؟

طواش
30-03-2011, 12:24 AM
يالربع اذكروا الله

في الماضي كان اكثر القيعان والروض و المساطيح وكذلك العيون مسماه

فبعضها تسمى بالنبت او الشجرالغالب فيها مثل الغاف او السعيدي والعيون تسمى باسم اهلها وقد تكون باسماء اخرى غير واضحة المعنى مثل ام طاقة وام العظام الخ

ومن خلال هذي الاسماء كان يتم وصف الاماكن ومعظمها لا يعرف او هناك اختلاف في سبب تسميتها

هذا الي عندي اما عن ام العظام اذا تهمكم ممكن تسالون احد من شيبان ال شايق الي نازلينها من زمان

لا إله إلا الله

أوافقك في رأيك القائل بأن بعضها تسمى بالنبت أو الشجر الغالب فيها

وأخالفك في أن لبعضها أسماء غير واضحة المعاني

ونحن ننتظر منك جوابا بعد أن تسأل شيبان الشايق

حسن
30-03-2011, 05:21 AM
لا إله إلا الله

أوافقك في رأيك القائل بأن بعضها تسمى بالنبت أو الشجر الغالب فيها

وأخالفك في أن لبعضها أسماء غير واضحة المعاني

ونحن ننتظر منك جوابا بعد أن تسأل شيبان الشايق

طواش جننتنا وبعدين قولي شلون تنشدهم وهم الله يرحمهم في القبور فهمني:)

واثق بالله
30-03-2011, 04:51 PM
وإن طارت العصافير من با العصافير

ونظفوا أم العضام من العظام

ماذا سيكون اسم كل روضة ؟


يبقى الاسم كما هو عليه

لانه قد ترسخ في عقول الناس

ومن الصعب تغيره ...

طواش
30-03-2011, 06:49 PM
الهشميه وانت رايح ام عظام تكون على يدك اليسار وحاليا فيها مخيم ولي العهد ومخيمات البنهادي الشهاوين
ام عظام مش روضه منطقه بس في اخرها روضة قري موزه وانت رايح صوب الخرسعه على اليمين تكون
بالعصافير اول ماتشرف على ام عظام فيه لفه يمين تاخذها لين ينقطع الشارع عند مجلس حمد بن مسفر ال حشيفان الشهواني وتاخذ يمين وتحصل الدوره مالت المطايا مسويها حمد بن مسفر تقبضها سيده وبالعصافير تكون يسارك وتعدى روضة بالعصافير لين نهاية الدوره بتكون قدامك العكرش مسمينها الريف القطري على وزن الريف الانجليزي ههههههههه
اي استفسار انا في الخدمه
محدثكم سـ ع ـود من قلب الحدث :)

مشكور وما قصرت على الدلالة يا سعود

هل تعرف معاني أسماء هذه المناطق؟

طواش
30-03-2011, 09:52 PM
طواش جننتنا وبعدين قولي شلون تنشدهم وهم الله يرحمهم في القبور فهمني:)

إنشد ذريتهم، لابد أخذوا عنهم العلوم

طواش
30-03-2011, 10:09 PM
يبقى الاسم كما هو عليه

لانه قد ترسخ في عقول الناس

ومن الصعب تغيره ...

لا يا أخي الواثق بالله

أرض قطر عريقة تضرب بجذورها في التاريخ

وأهلها لهم نفس عراقتها

وعادة ما تكون للمسميات عند هؤلاء معان ثابتة عميقة

لذا اسمح لي برفض فرضيتك

وليتسع صدرك للحوار حول هذه المسميات وغيرها على هذه الأرض الطيبة

واثق بالله
30-03-2011, 10:55 PM
بارك الله فيك يا أخي طواش

صدري متسع للحوار حول أسباب هذه

المسميات وغيرها على هذه الارض

الطيبه ...

ومنك نستفيد من علمك وخبرتك في

هذا المجال ..

واثق بالله
30-03-2011, 11:09 PM
الهشميه وانت رايح ام عظام تكون على يدك اليسار وحاليا فيها مخيم ولي العهد ومخيمات البنهادي الشهاوين
ام عظام مش روضه منطقه بس في اخرها روضة قري موزه وانت رايح صوب الخرسعه على اليمين تكون
بالعصافير اول ماتشرف على ام عظام فيه لفه يمين تاخذها لين ينقطع الشارع عند مجلس حمد بن مسفر ال حشيفان الشهواني وتاخذ يمين وتحصل الدوره مالت المطايا مسويها حمد بن مسفر تقبضها سيده وبالعصافير تكون يسارك وتعدى روضة بالعصافير لين نهاية الدوره بتكون قدامك العكرش مسمينها الريف القطري على وزن الريف الانجليزي ههههههههه
اي استفسار انا في الخدمه
محدثكم سـ ع ـود من قلب الحدث :)



استفسار من الاخ سعود

ليش ماوصل القار ل السلميه (المظافره)
دام انه وصل ل ام عظام وام صوي

بغيت تذكرني ب اسم مكان السديري
( المفقاعي ) ؟ لاني جيتهم مره وحده مبطي
من سنين و ين مكانهم من ام عظام والا
العوينه ؟

الله لا يهينك ...

سـ ع ـود
31-03-2011, 06:21 AM
مشكور وما قصرت على الدلالة يا سعود

هل تعرف معاني أسماء هذه المناطق؟


ان شاء الله بجيب لك الجواب الشافي :)

سـ ع ـود
31-03-2011, 06:28 AM
استفسار من الاخ سعود

ليش ماوصل القار ل السلميه (المظافره)
دام انه وصل ل ام عظام وام صوي
هذا السؤال توجهه للمكتب الهدنسي الخاص التابع للديوان الاميري
حسب ماعرفت ان القار هم اللي مسوينه بأمر من ولي العهد حفظه الله من الشارع الرئيسي لين ام عظام اللي اعرفه ان سبب عدم شبكه مع شارع الخرسعه علشان مايكون طريق مختصر للشاحنات اللي جايه من سلوى والعكس ويسببون ازعاج
بغيت تذكرني ب اسم مكان السديري
( المفقاعي ) ؟ لاني جيتهم مره وحده مبطي
من سنين و ين مكانهم من ام عظام والا
العوينه ؟
والله ياخوي السديري مار علي من قبل لاكن ان كاني ماني بزال اذا تعديت الهشميه مكانه يكون على يمين الشارع لاكن بسير اليوم على ام عظام وبجيب لك العلم الصحيح
الله لا يهينك ...
ومن يقول :)




ناخذ اتصال ثاني ونقول الو؟؟؟ :telephone:

واثق بالله
01-04-2011, 02:32 PM
بارك الله فيك ياسعود ..

السديري اسم شخص وليس اسم مكان

اعتقد انه اسم سيف المفقاعي وذريته

وانا بغيت اسم مكانهم ؟

-----------------------------
طرالي منطقتين مضيع وينهم

( لعشره ) و ( لوبره )

اذا تدلهم عطني الوصف


ولاهنت يالدليله ...