المساعد الشخصي الرقمي

مشاهدة النسخة كاملة : هاااام/ بخصـــــوص كليـــــــة المجتـــمع وفسخها العقد بين كليه (هيوستن)


القطــــــرية
15-03-2011, 01:51 AM
السلام عليكم

في أحد سمــــــــــع برنامج وطني الحبيب اليوم بخصوص كليـــــــــــــــة المجتـــــــــمع

فسخ عقد بين الكلية الام في (هيوستن) وكليه المجتمع في قطر

لسمــــــــــاع المقطع (http://www.qatarradio.net/archive/w_03_2011/14032011w2.mp3)

اذا حد عنده اي معلومات ممكن يفيدنا

وجزاكـــــــــم الله الف خير
صعبة وصوفه
15-03-2011, 02:46 AM
اذا ممكن اختي في اي دقيقة كان النقاش عن كلية المجتمع؟؟
لانه المقطع طووويل اكثر من ساعة
وشكرا
المتضرعه لله
15-03-2011, 09:07 AM
البارح سمعت عن البنات الي بالمسائي ان فيه كلام ان مش معترف بالشهاده وان مافيه تكمله بعد التخرج

ياليت حد يفيدنا قبل نتوهق
دايموند
15-03-2011, 09:12 AM
بانتظار حد يوضح لنا
تهامي باشا
15-03-2011, 09:35 AM
اذا راح تعترف فيها جامعة قطر ما عندكم مشكلة تقدرون تكملون هني
أما اذا ما في اعتراف خير شر تلاحقو على أعماركم ودورو لكم جامعة ثانية بسرررررعة
جوهرة قطر
15-03-2011, 11:05 AM
انا كنت حاسه لانى كنت بالصيف ابي اروح اخذ لى كورسات عندهم وقلت لهم انى فى كلية المجتمع قالو لي انها مش تبعها الصراحه انصدت قلت يمكن فى لخبطه او شي بس الحين اذا السالفه صج حرام نرجع جامعة قطر احسن وهالسالفه تقريبا من شهرين
شعنونة قطر
15-03-2011, 12:24 PM
الله يكون فعونكم
غشيمة فالبورصه
15-03-2011, 12:40 PM
لا حول ولا قوة الا بالله وانا وين ما اطقها عويه
كل ما حطيت عيني على مكان يطلع فيه شي
اتمنى احد ياخذ العلم من كليه المجتمع نفسهم
مستحيل المجلس الاعلى للتعليم بينكبونا واحانا حاطين املنا بالكليه
لتحسين وضعنا الدراسي والوظيفي

والا ترى بتقوم ثورة التعليم على المجلس الاعلى للتعليم
R.S.C
15-03-2011, 12:51 PM
إذا الكلام صحيح فـ بتكون فضيحه بصراحه
قبل اسبوعين تقريبا في قناة قطر شفنا النعيمي مدير المشروع
كان يقول ان الكلية هي نفسها فرع من كلية هيوستن اتوقع
وان الشهادة بتكون معترف بها بعد التخرج في نفس الجامعه في امريكا
وفي عدد من الجامعات المتفق عليها ,,
شموخ قطر
15-03-2011, 12:54 PM
المفروض يكون فيه تصريح واضح من المسؤولين

لان الطلبه محتارين ومب عارفين ايش السالفه
مريومة
15-03-2011, 02:04 PM
يبون يعفسونها مثل ما اعفسوا الكلية التكنولوجية قبل

قصوا علينا .. قالوا بيقبلونكم في الجامعة اتكملون

وخلونا انعيد الثانوية .. يامال العافية

لا تخطيط في التعليم

ولا تخطيط في الصحة

ولا تخطيط في الشوارع

عيل هاللي يتخرجون كل سنة وينهم وشيسوون في الديرة

كل شي من ردي لاردى
بـن عدوان
15-03-2011, 03:05 PM
انا امس كنت موجود عشان اسجل ...

في اخت كانت تشرح لنا .. قالت انه مب اي واحد يتخرج من الكلية يقدر يدرس في جامعه قطر على طول ..

لازم ييب معدل عالي !!

انزين وين الكلام لما قالوا انه الواحد يقدر يدرس على طول ؟

وقالت انه الواحد يقدر يكمل في امريكا !
ممنوع اللمس
15-03-2011, 04:03 PM
هالكليه من البدايه احسها تلف وتدور
قالو اختبا تحديد مستوى ويوم خلق الله دفعت واختبرت قالو لا هذا اختبار قبول بس وقبلو لفل 4 مادري 3 و 4
انا من دريت ان المجلس الاعلى للتحطيم حط يده في هالكليه وانا سحبت نفسي منهم وقلت وداعا عزيزيتي
كل يوم قرار وكل يوم راي
قبلو ناس وقالو الباقين في قائمة الانتظار وطرشو ايميلات لعدم توافر المقاعد
الحين وفرو مقاعد وفتحو تسجيل مره ثانيه؟؟؟ طيب واللي كانو في لستة الانتظار؟ وين راحو

خخخخخخ والله هالكليه غريبه عجيبه
قطرية فذة
15-03-2011, 04:27 PM
اللي فاز بالتخرج من الجامعه فاز خلاص الحين البقيه مالهم امل

اغلب الشعب بيصير ياثانويه او حده دبلوم

واللي حاصل ان ناس تدخل بواسطات

اللفه كلها معروفه

اكبر دليل اسئلوا اللي يشتغلون هناك داخل المجلس

عيالهم وين كملوا دراسه الجامعه؟؟
سعادة الوزير
15-03-2011, 04:44 PM
عاد شنسوي ، المسؤولين تراهم معذورين ، عدد القطريين وصل الى رقم فلكي ، 220 الف تقريبا!! .. يعني صار عندنا انفجار سكاني!! .. صعبه انهم يخلون هالاجانب الي على الله وعلى هالمليون ونص اجنبي في قطر بس ويلتفتون لتطويركم!!

وعجبي!!!!
تحداني
15-03-2011, 04:46 PM
لو الكلام صحيح
هاذي كارثه كبيره .. لان اكثير من الطلبه وخاصه الشباب
بانيين أحلامهم على اكمال الدراسه في " هيوستن " بعد التخرج


خلونا اندور ونسال ونتأكد
مع العلم انا ارسلت سؤال لاخوي " درع " في برنامج تواصل للدكتور النعيمي
وجاوب وقال يمكن للطالب اكمال الدراسه الجامعيه
صحيح قال لا تشغلون بالكم في بكرا " ما حبيت هالرد " لكن قال في امل


جملكم الله برضى الرحمن
شاعر المليون
15-03-2011, 05:06 PM
سؤال يدور تدور في بال كل طالب طبعا مش الموظفين في المجلس الاعلى للتعليم او هيئة التعليم العالي.

لماذا العشوائية في التخطيط كلية المجتمع موقعة عقد مع كلية هيوستن لمدة 5 سنوات على اساس الاعتراف واكمال الدراسة يجي المجلس الاعلى اللحين يفسخ العقد إيش السبب؟
تحداني
15-03-2011, 05:10 PM
د. ابراهيم النعيمي
هو المسؤول عن كليه المجتمع



جملك الله برضى الرحمن
مهاوي الشمال
15-03-2011, 05:44 PM
لو الكلام صحيح
هاذي كارثه كبيره .. لان اكثير من الطلبه وخاصه الشباب
بانيين أحلامهم على اكمال الدراسه في " هيوستن " بعد التخرج


خلونا اندور ونسال ونتأكد
مع العلم انا ارسلت سؤال لاخوي " درع " في برنامج تواصل للدكتور النعيمي
وجاوب وقال يمكن للطالب اكمال الدراسه الجامعيه
صحيح قال لا تشغلون بالكم في بكرا " ما حبيت هالرد " لكن قال في امل


جملكم الله برضى الرحمن

مشكوره اختي عالتوضيح

لاكن فعلاً كلام الدكتور يعتبر نكتة الموسم

هل من المعقول أن تصدر كلمة " لاتشغلون بالكم من بكرا" من دكتور جامعي

مافي أحد يكمل تعليمه الجامعي ألا وهو مشغول ببكرا

ودام هالكليه جديده على الناس أكيد بينشغلون بالتفكير في مستقبل دراستهم بعد تخرجهم من الكليه اللي ماتوفر الا الدبلوم ومن حقهم يسألون ويستفسرون عن مستقبلهم الدراسي ومن واجبه أنه يجاوبهم بكل شفافيه وبدون همزولمز.

يفترض من مسؤل في مثل منصبه أنه يكون أول المشغولين بالهم من بكرا فيما يتعلق بمستقبل الدراسه والطلاب في الكليه التي أستؤمن من قبل أولياء الأمر على أدارتها وتسيير شوؤنها.

هل عنده خطط لمستقبل الكليه ؟؟ أشك بعد هذا الرد منه
الجــــــآدل
16-03-2011, 01:43 AM
شهالكلااااااااااااام ؟!!!!!


لاااااااااا وشو مو معترف فيييييييها حرام علييييييييييهم
ضاااااااااااع مستقبلنا وين نروح!!!
ليش ؟ وين كلامهم لنا فاللقاء التعريفي وضمانهم لنا كل شي واحتساب الساعات في جامعة قطر
واكمال التعليم .؟ الظاهر بحول لتخصص الشريعه وارجع لجامعة قهـــر .
اااخ والله قهر احنا ابناء وبنات البلد شذبنــــآآآ شهالبهدله والله صار التعليم جهاااااااااااااد .
roma27
16-03-2011, 02:02 AM
حتى احلامكم وفرحتكم اللي يلاحظها كل من يقرأ ردود شبابنا الطموح لاكمال تعيلمه تحبط ،والله اني كنت افرح من قلبي لما اشوف واقرأ مواضيع تخص هذه الجامعه واهتمامكم بكل ما يخص بها اللي ممكن اي طالب يقدر يدخلها وبكل سهوله وموجوده في اغلب الولايات الامريكيه واخر شي يحصل اللي مش على البال حتى ان الواحد يقدر يشعر ان هناك امر ما غريب حدث لكن الله معاكم ما ضاع حق وراه مطالب ترى اهم شي في الدنيا التعليم ولا تيأسوا حاولوا اكمال تعليمكم في اي جامعه او كليه اخرى اذا لم يتوافر لكم الحظ والتوفيق والثقه في هذه الجامعه ،والله معاكم/
hich
16-03-2011, 02:18 AM
لسان حال الدكتور يقول

وأنطقت الدراهم بعد صمت * أناسا بعدما كانوا سكوتا
فما عطفوا على أحد بفضل * ولا عرفوا لمكرمة ثبوتا
ام السعف
16-03-2011, 07:04 AM
د. ابراهيم النعيمي
هو المسؤول عن كليه المجتمع



جملك الله برضى الرحمن

هو نفسه مالك مدرسة لندن ؟ اللي عليها كوبانات المجلس الأعلى للتعليم ؟
واللي تعتبر من ضمن 3 مدارس معترف فيها لمنح هالكوبونات ؟
al-sadd
16-03-2011, 07:48 AM
الله يستر !
واحد من الشباب يدرس فهالكليه
وسألته ويقولي ماسمع شي عن هالموضوع ولا حد جاب طاريه !
الله يستر
Cooki
16-03-2011, 05:03 PM
قسم بالله التعليم عندي خرابيط بخرابيط..:eek5::eek5:

مدارس .. خرطي ..

جامعاات ...خرطي..

كلياات .. بعد خرطي ..

مناهج .. خرطي ..

الحين كليه وتحت مظله المجلس الاعلى للتعليم

وحاطين لها ميزانيه كبيره ودكاتره واستف من امريكا .. واعلانات.. ودعااايه

واخرتها تطلع خرطي .... :rolleyes2::rolleyes2:

الصراحه الواحد مايدري شيقول ...

حسبي الله ونعم الوكيل

يالله تقويه بالانجليزي ..بلووووووشي ...:victory::victory:
سمو الاميره
16-03-2011, 09:01 PM
هههههههه استغفرالله حالنا يضحكـ لاجامعات عدله ولامدارس عدله والله حاااااااااااله

وفي النهاايه الانتساب مسكرينه يعني شنسوووي نقعد على الثاانويه

مااقول الا حسبي الله ونعم الوكيل
شموخ قطر
23-03-2011, 11:21 PM
ياجماعه محد عرف اش صارعلى الكليه ؟وشنو

مصير الطلبه الي يدرسون فيها؟
برونزيه
24-03-2011, 07:02 AM
صبااااح الخير..
من يومين اتصلت بقسم القبول فجامعه قطر وسالت الموظفه هل في عقد بين جامعه قطر وكليه المجتمع قالت لي حاليا لا بس يمكن على شهر 5 ومب اكيد ,,, الظاهر راح يأكلونه هوا مثل ماأكلونه اياه مع كليه شمال الاطلنطي .. حسبي الله على المجلس الاعلى الي قفلو كل شي بوجهنه
KHALiDiSH
24-03-2011, 12:30 PM
طالبوا بحقوقكم <--- مشكلتنا نتحلطم ولا نطالب بحقوقنا
الحل سهل
"العقد شريعة المتعاقدين"

اذا وعدو في البدايه ان الدراسه فيها راح تكون معترفه من جامعة هيوستن وتحت اشرافها والحين انسحبت جامعة هيوستن

يحق لكل طالب شاء على حسابه او تحت حساب اي هيئة رفع القضيه عليهم والزامهم بدفع جميع المصاريف والتعويضات الي يقدر يطالبها فيها قانونياً

راجع اي محامي شاطر ويقدر يجيب حقك منهم وبتعويض محترم


طالبوا بحقوقكم ولا تسكتوا

وخلو عنكم التحلطم وهم قالوا وهم سوو ... الي له حق يطالب فيه بالقانون.... عشان يتعلمون
وحتى لو كان حقك مظلوم من عند اكبرهيئة او وزارة
القانون كفيل بحماية حقوقكم
تحداني
24-03-2011, 01:40 PM
هو نفسه مالك مدرسة لندن ؟ اللي عليها كوبانات المجلس الأعلى للتعليم ؟
واللي تعتبر من ضمن 3 مدارس معترف فيها لمنح هالكوبونات ؟



اي نعم
هو نفسه .. مافي في هالبلد الا هالولد

:)


بس للأمانه طيب وصدره وسيع
وبطئ في تنفيذ القرارات وصلاحياته جدا محدوده


الله يعين

جملك الله برضى الرحمن
Q_Invest
07-05-2011, 05:03 AM
للرفع

من الواضح ان كلية هيوستن فيها مشاكل وشروط تعاقدها مع المجلس اﻻعلى للتعليم يخالف قوانين الوﻻية اللي فيها الكلية ... هذا اللي فهمته من الموقع :
http://www.insidehccs.com/indexb.htm