التامين الصحي للمواطن

[الروقي]

اخواني تعرفون ان العلاج في مستشفى حمد والمواعيد والزحام في الطواري يضطر الواحد يروح او يودي واحد من افراد العائله ا والاطفال الى مستشفى او عياده خاصه و كما تعلمون ان المواطن القطري لايوجد لديه تامين صحي للاسف مثل الاجانب فكل مارحت لاي مستشفى خاص يقول لي وين بطاقة التامين الصحي وارد عليه واقول له هذي بطاقة البنك اسحب منها لاني ماعندي تامين صحي
وتلاقي الاجانب من حوالي كل واحد معاه بطاقة تامين صحي وهو مرفوع الراس بكل ثقه مايهمه يسوي كل الفحوصات بالاف الريالات وانا يالله اتعالج بس من المرض الي اشتكي منه بالي اقدر عليه من المبلغ الي عندي ماادري وش اقول الا ......

الله كريم

[بو الجوري]

هلا أخوي :..

بس للعلم التأمين الصحي مب للأجانب بس :.. و في قطريين وايد وأنا منهم عندنا تأمين صحي :..

يعني اللي شغالين فالبترول عندهم سواء قطري وإلا أجنبي :..
و اللي شغاليين فالجزيره :..و كيوتل و اكثر من مكان :..

يعني جهة عملك هي المسؤوله عن توفير التأمين الصحي لموظفينها :.. مب الدوله :..

لأن الصراحه وايد أسمع ناس تقول الأجنبي له تامين وإحنا لأ :..

يعني مثلا في جهة عملك هل الأجانب لهم تأمين والقطريين لأ !!!

تقبل مروري :.. :)

[OTOsan]

هلا أخوي :..

بس للعلم التأمين الصحي مب للأجانب بس :.. و في قطريين وايد وأنا منهم عندنا تأمين صحي :..

يعني اللي شغالين فالبترول عندهم سواء قطري وإلا أجنبي :..
و اللي شغاليين فالجزيره :..و كيوتل و اكثر من مكان :..

يعني جهة عملك هي المسؤوله عن توفير التأمين الصحي لموظفينها :.. مب الدوله :..

لأن الصراحه وايد أسمع ناس تقول الأجنبي له تامين وإحنا لأ :..

يعني مثلا في جهة عملك هل الأجانب لهم تأمين والقطريين لأ !!!

تقبل مروري :.. :)


جزاك الله خير يابو الجوري ..وفرت علي تعب الرد :)

جهة العمل هي المسؤولة عن توفير مثل هذا التأمين .. يعني احنا قبل كان عندنا تأمين للقطريين والاجانب .. وبعدها جات سنوات الجفاف شلو التأمين عن الكل ..وردينا للمراكز الصحية :)

[chillis]

وايد اجانب الي يشتغلون بالحكومه ما عندهم تامينات صحيه التامينات الصحيه للي يشتغلون بالخاص سواء قطري او اجنبي ما تفرق

[قطريه ماركه]

ان شاء الله يكون في تأمين صحي لـ كافة وزارات الدولة ....

[بنـ الدحيل ـت]

السلام عليكم

كيف نحصل على تأمين صحي

للذين في البند المركزي ..؟؟

[بونو]

والله يالربع التأمين الصحي زين ومفيد ... بس لاحظت شيين :

الزحمه في كل مكان لازدياد عدد المراجعين في كل المستشفيات ... يعني مثلا ... مره وديت بنتي التطعيم في الأهلي وتحسفت ... 3 ساعات وانا انطر .... في المركز الصحي 15 دقيقه وانت خالص...

الملاحظه الثانيه ... لاحظت ان زياراتي للمستشفى زادت وااااجد عن قبل .... مادري يمكن لان فيها فتاوى بوجود شبهه فيها ... الله اعلم .....

بس عموما ... التأمين شي جيد وينفع اكثر مما يضر

[الروقي]

ياجماعه مافيه الا المؤسسات الخاصه والبترول وكهرماء الي فيها تامين لكن الاكثريه العظمى من المواطنين ماعندهم تامين صحي اقصد احنا الي ينطبق عليهم الموارد الحيوا ... اسف اقصد البشريه هم الي ماعندهم وقالوا في الجرايد بنسوي كل مره يقولون ولا سمعنا شيء

[الصريحه]

ان شاء الله يكون في تأمين صحي لـ كافة وزارات الدولة ....

ان شاء الله يكون فيه

[wadha-qa]

احنا الاجانب بس عندهم التامين !!!

[BuNooR]

اللي يبي تأمين صحي يقدر يشتري التأمين من الشركات المعروفه مثل qic

[chillis]

احنا الاجانب بس عندهم التامين !!!

الشركات الخاصه والبنوك التامين شامل كل موظف سواء قطري اجنبي هندي ايراني ما تفرق