افكر جديا بالخروج من سوق الدوحه !!

[علي]

افكر جديا في الخروج من سوق الدوحه والانتقال الى سوق السعوديه او الكويت

بالرقم اني حققت ارباح كبيره الا انني لم اشعر بألامان بالرقم ان وجودي في السوق اكثر من سنتين

دائما تشعر بالتوتر

عدم الاستقرار

اماصعود بدون عرض
اوهبوط بدون طلب

فسوقنا كانه اعمي يقودنا خلفه بالرقم اننا نبصر
يقول الشاعر:

اعمى يقود بصيرا لقد ظل
من كانت العميان تهديه :con2:

[الرمز]

السبب 5 %

[علي]

والله يا ولد عمي مثل ما ايقولون تعددت الاسباب والموت واحد اشكرك على المرور

[الكونكورد]

السبب 5 %

نعم اوافقك الراي..السبب 5%

[علي]

مره 5% مره10% مره الهوامير مره الزمارير مره السستم لخخخخخ

هذه شماعة الاخطاء

الحقيقه لاتوجد خطط واضحه من الاداره تخبط قرارات عشوائيه اموت واعرف من الي حدد طرح دلاله يوم الجمعه واعتقد هذا واضح

[الجوري]

نفس الحال بسوق السعوديه او الكويت التوتر ملازمك ملازمك


ومادامك حققت ربح ====قول الحمدلله رب العالمين


والبركه فيما جاك من الخالق

[إنتعاش]

شعور عادي وطبيعي جدا اخي الكريم

والله يلوم اللي يلومك

ولكن من ناحية ثانيه لما تنظر للسوق الآن انظر له نظرة المستثمر واترك عنك نظرة المضارب

فهذه الفتره كما ذكرتم . . . تسبب القلق للكثير من المضاربين

نصيحتي لك ان كنت خارج السوق راقب السوق الآن

وحاول الدخول بشكل تدريجي في الشركات القوية واللي ما تخوف ابدا ً


واجعل نظرتك لا تقل عن 8 اشهر او 10 حتى


صدقني ستحقق ارباحا مجزيه جدا جدا

وبنفس الوقت مريح بالك و اعصابك بدال ما تتابع الشاشه يوميا . . .


والله يوفقك على كل حال

ويوفقنا جميعا

[علي]

الحمدالله


ياليت القناعه من اطباعي دايما يطرى علي بيت المتنبي لا تقنع بما دون النجوم وشكرررررررررررررررا على الرور

[علي]

اشكرك يا انتعاش والله انك بلسم لجروح وانت راعيها وشكررررررررررررررررررراااااااااااا على المرور

[الغشيم]

شباب انتو دايما تقولون ان السبب هي 5في الميه طيب ليش الخمسه في الميه هي السبب ولما يسون الارتفاع عشره بيكون زين ليش ؟؟؟ مع انه لي صار اللمت داون بتكون مصيبه العشره في الميه :eek3:

[ابوعلي اليافعي]

اخوي علي اذا كنت فالسوق من سنتين فانك ستلاحض ان الفتره الحاليه الي نمر فيها هي فتره استثنائيه ولم تمر على السوق مثلها في السنوات الماضيه وبعتقادي ان السبب هو دخول شريحه كبيره الى السوق والاستثمار فالاسهم دون دراسه مسبقه ومعرفه مما ادى الى حدوث هذه الربكه والتقليد للغير في البيع والشراء ..

اعتقد ان هذه الشريحه من المستثمرين تحتاج الى فتره للتعلم والمعرفه واتخاذ القرار دون تاثر بالغير ..وهناك فئه اخرى ستخرج من السوق دون عوده اليه وعندها ستلاحظ بان السوق قد بدء يستقر وياخذ وضعه الطبيعي ويعود الى سابق عهده..

[الشرقية]

والله انك صادق السوق ماعاد ينفع بشئ ولا يعرف لها اتجاه او ينفع معه تحليل


كل ما اعلنت شركة ارباح قوية نزل السهم سوق ومستثمرين عكس الاتجاه .!!!!!!!!1

[متسلف وفي الاخير]

صدقتو والله قبل لواحد يقدر يضارب ويطلع بكم ريال ربح مع انه الكل راهن على ارتفاع البورصه بعد دخول الاجانب لكن حدث شي غير معقول وخالف كل التوقعات والتكهنات اللي كانت جميع الاوساط تنقلها في الجرايد وفي الاذاعه
شي غريب ناس وايد اخسرت والله يعوضهم خير انشالله
صدق المثل اللي يقول يود مجنونج لا يجيك اجن منه

[موادع قطر]

في ناس دخلت السوق جديد وقامت تتخبط وفعلن خربو على الناس الباقيين بيع بيع اشتر اشتر؟؟

فعلن صار السوق معقد والله يعين الي شاري اسهم بالغالي قبل دخول الاجانب الي حقق ارباح وباقي عنده راس مال مافيها شي لو اتجه الى سوق لكويت؟؟

انا افكر في سوق لكويت افضل ......وسوقنى ماينعاف بس لين اتحسن الاوضاع اشوي

وبصراحه سوقنى يبيله شركات وساطه كثيره واحد باله وسيع ايجنن الي مايتجنن

[عارف الحال]

في ناس دخلت السوق جديد وقامت تتخبط وفعلن خربو على الناس الباقيين بيع بيع اشتر اشتر؟؟

فعلن صار السوق معقد والله يعين الي شاري اسهم بالغالي قبل دخول الاجانب الي حقق ارباح وباقي عنده راس مال مافيها شي لو اتجه الى سوق لكويت؟؟

انا افكر في سوق لكويت افضل ......وسوقنى ماينعاف بس لين اتحسن الاوضاع اشوي

وبصراحه سوقنى يبيله شركات وساطه كثيره واحد باله وسيع ايجنن الي مايتجنن

حياك الله فى الكويت
وترى سوق الكويت ما يخوف وراكد وارتفاعاته معقوله ومدروسه معه العقود ومدتها

وانشالله ماتندم وسوق الكويت جذاب للمضاربه وخصوصا معه (الاوسط برو)
يعطيك حركه الاسهم لايف مثل اللى ببورصه الكويت
وطبعا البيع والمشترى بالانترنت وانت فى الدوحه

[الشراكة]

أتوقع أن السوق خلال أسابيع سينشط به التداول على حسب سعر أسهم الشركات التي ستكون مغرية للشراء مثل اليوم العقارية لاكن ليس بأرتفاع قوي للسوق . وفي نظري أن خروجك يأخ على أذا كنت ربحان في أسهم فأخرج أو اذا كنت خسران فأنطر إلى 6 شهور تقريبا لكي يرتفع السوق ثانياً . والله الموفق...

[علي]

مشكور اخوي على النصيحه وشكرا على المرور

[مضارب كويتي]

اخوي علي .....
انا انصحك بشراء سهم إستراتيجي في بورصة قطر مثل الناقلات والعمل علي إستخدام اسلوب المضاربة السريعة في بورصة الكويت وخاصة اسهم الجناعات

[علي]

اشكرك اخوي مضارب اكويتي على المرور والنصيحه والحقيقه انا ارسلت اخوي قبل يومين لكويت على شان ايشوف السوق بنفسه والله ايجيب الي فيه الخير

[المسكين]

خلك مع كلام الاخ انتعاش لان كلامه منطقي الصراحه

[بوحظين]

حط في بطنك بطيخه صيفي .... واستنا 2006 ..... و تذكر بوحظين

[فلان]

طول بالك يا خوي الفرج قريب

[رحال]

حسبي الله على اللي ألف 5% مورطتنه في الطلوع والنزول ياريت يحذفونها ويفكونه منها وليش الا نتحار

البطيء من لم يمت بالسيف مات بغيره تعددت الا سباب والموت واحد !!!

[قناص الاسهم]

اوافقك الراي والاوضاع ما تطمن والله
وعلى قولة الشاعر الباب الي يجيك منه الريح... لا تلحسه كله..قصدي سده واستريح :court:

[الخبير المالي]

شعور عادي وطبيعي جدا اخي الكريم

والله يلوم اللي يلومك

ولكن من ناحية ثانيه لما تنظر للسوق الآن انظر له نظرة المستثمر واترك عنك نظرة المضارب

فهذه الفتره كما ذكرتم . . . تسبب القلق للكثير من المضاربين

نصيحتي لك ان كنت خارج السوق راقب السوق الآن

وحاول الدخول بشكل تدريجي في الشركات القوية واللي ما تخوف ابدا ً


واجعل نظرتك لا تقل عن 8 اشهر او 10 حتى


صدقني ستحقق ارباحا مجزيه جدا جدا

وبنفس الوقت مريح بالك و اعصابك بدال ما تتابع الشاشه يوميا . . .


والله يوفقك على كل حال

ويوفقنا جميعا


وانا مع راي اخوي انتعاش فلابد من الكل انه يغيير طريقة استثماره من المضاربة والتي اسميها المقامرة
والتوجه الى الاستثمار متوسط او طويل الاجل وانشالله الكل راح يلاحظ الفرق

[بوحظين]

اذا مب محتاج ... اصبر .. و انسى

[m_taha123]

نعم اوافقك الراي

[خالد علي علي]

شباب لاتخاافووون السوووق ماراح ينباق كله ماعليكم الي هبط بكره او الي الي بعدوه بيرتفع وانشالله الايام الجايييييه بتكووون قوووي السوووق القطري مطل علي انفتااااااااااااح اقتصادي كبيراو ومايعلم فيه اله الله ونشالله بتشووفوون المؤشر يتخطاء 15000 نقطه

[المراقب]

الاستثمار غير علاج، والنصراف عن المضاربة وهذا عين العقل في هذه الفترة.

[منصور]

تبي تطلع من سوق الدوحه

اطلع محد برادك ترا الباب يفوت جمل

[علي]

سويته يا منصور رجعت الموضوع في الصفحه الاولى لكنك نسيت ان وايد كانوا امؤيدين