:::...بغيت اسألك عن افلان...وش بتقول عنه؟؟؟...:::...احم

[The Master]

احم احم...ثم احم...

اقروا اللي صار...


ترن ترن...ترن ترن...
هلا ومرحب...وش حالك يا بوحسن...عساك ابخير...هلا وغلا ب بوعلي...
حد حولك...لا لا ابد...امرني...الا يابوحسن بغيت اسألك عن ولد عمك جاسم علي...تسألني عنه؟؟؟...اوووووه ليكون متقدم حق ناس؟؟؟...اي نعم متقدم حق ناس...واسألوني عن الرجال...وما اعرفه...فا بغيت اسألك عنه...

الله يسلمك الرجال......................................


انتهى الموقف...
وقلت له اللي عندي...

لكن عشان انخلي الموضوع نقاش...ونستفيد منكم يا اعضاء الاسهم...
ودي اسمع رايكم...ومشورتكم...ووجهة نظركم...في هالموضوع...

المطلوب...حطوا نفسكم مكاني...وجاكم اتصال يسألونك عن واحد اتعرفه...او للحريم عن وحده اتعرفينها...ويسألونك عنها...

وش راح يكون ردك...
هل بتكون صادق واتقول اللي اتعرفه...كان فيه خير ولا شر...
ولا بتكذب عشان ما تقطع رزق الرجال ولا المره...
ولا بتكذب...وعذرك ان الواحد اذا تزوج بيتغير...
ولا بتمتنع عن الاجابه ب "ما ادري"..."لا اعلم"...

طبعا ادري ابكم محد بيركز على الردود اللي انا كتبتها...وبتكتبون اللي في بالكم..."نفس موضوع عربة الجمعيه...احم"
لكن حطيت الاجوبه...عشان اتفكرون...لا اكثر...

وبعدين باحط وش عندي...وايش اللي قلته للرجال...
وكذلك عندي سؤال متعلق في هالموضوع...لكن عقب ما اسمع الاجابات...:victory:

طبعا هالموضوع او الموقف...صادف ناس كثار...وما اعرفوا وش يتصرفون...او يقولون...

فا لعل هالموضوع يفيدهم...ويفيدنا...ونسمع وجهات النظر...:nice:
ولنا تعقيب بعدين...:)

[sara jsm]

وش راح يكون ردك...
هل بتكون صادق واتقول اللي اتعرفه...كان فيه خير ولا شر...
ولا بتكذب عشان ما تقطع رزق الرجال ولا المره...
ولا بتكذب...وعذرك ان الواحد اذا تزوج بيتغير...
ولا بتمتنع عن الاجابه ب "ما ادري"..."لا اعلم"...

طبعا ادري ابكم محد بيركز على الردود اللي انا كتبتها...وبتكتبون اللي في بالكم..."نفس موضوع عربة الجمعيه...احم"
لكن حطيت الاجوبه...عشان اتفكرون...لا اكثر...

^ ^ صباحك خير ,,
زين عطيتنا مجال نقول اجوبتنا هالمرة ,, :p
عني ( راح اقول الشي الزين في الشخص ,, واخفي الشي المب زين )
ماراح اكذب بس راح اخش ,, لان يمكن الواحد يتغير ,, طبعا اذا كان هالشي في السلوك ,,
وفي النهاية كل شي نصيب ,, يمكن اللي انا مااحب اقوله غيري يقوله ,,
بس اهم شي مااكون سبب في اني اخرب اي ارتباط ,,
ويعطيك العافية اخوي عالموضوع ,, :victory:

[Chambray]

عن نفسي باقول الزين والي مب زين
هذا زواج مب لعبه

[nadeemy]

موضوع فعلا مهم وحلو حق النقاش
وايد انسالت عن شباب , اما بحكم المعرفه العائليه او بسبب اطلاعي على اوضاعهم بحكم العمل لكن ولله الحمد اغلب من سالت عنهم كانوا شباب خيرين ولا ازكي على الله احد , لذلك تكون المهمه سهله , لكن ما فيه شخص يخلو من العيوب , العيوب الخفيفه والتي يمكن اصلاحها احاول اذكرها بطريقه لا تسيء للشخص مثلا ان يكون مبذر على اشياء تافهه موبايلات , سيارات , او انه يكون كثر سفرات ورحلات او سهرات , او مجمعات
لكن احيانا تكون العيوب قاتله وخطيره وصعبة الاصلاح وهنا اعتقد انه يجب ان لا تخفى الحقيقه
( ومن يكتمها فانه اثم قلبه ) وفي كل الاحوال دائما اختم كلامي بان على السائل ان يسال غيري
وعندي امثله كثيره نطرق لها بعد ما نشوف ردود الاخوان
واسف على الاطاله الموضوع عجبني:)

[المفترسه]

الصراحه اسحب نفسي من السالفه
وشلي بعوار الراس عقب يقولون فلانه اللي قالت

[STAR]

راح اقوول الصج سواء زين ولا شين..

لكن للاسف اغلب الشباب يغطون على بعض ‏
علشان كل واحد مايفضح الثاني خخخخ

بس عن نفسي والله اقووول الصج حتى لو فيها قطع ارزااق..

هاااذي زواااااج مب لعبة وبنت النااااس مب لعبة ‏...

[الـقـاسـي]

شوف اخوي في اشياء مراح تضر لو ما انقالت يعني تكون اشياء ممكن لو عرفوها بتشوه صورته وعدم ذكرها خير من ذكرها ..
لكن مدام الرجال سئلك وأمنك واستشارك الواجب انك تقول الحقيقه لأن المستشار مؤتمن انا عن نفسي طحت في هالموقف اكثر من مره وفي مره كان اللي انسئلت عنه انسان صدق ماينفع فنصحت الرجال بكل صراحة وقلت له غض النظر لكن مابينت له ليش مابي افضح الرجال مهما كان ..

[موضي قطر]

الصراحة مطلوبه خاصة انه موضوع ممكن يتطور ويتم الزواج فالموضوع أمانه

اكثر منه اخذ رأي وانا اذا علي بقول كل

اللي اعرفه والقرار بعدها لهم

[chillis]

عن نفسي بقول الزين والي مهب زين انا كان جامد راح اقوله لانه زواج وعشرة عمر للابد حرام البنت تنظلم ابها

[قدها وقدود]

اللي اعرفه بقوله ...


وبقوله روح اسأل فلان وفلان لان هم ربعه الروح بالروح ودووم معاه ولاتعتمد عليي انا بس

[The Master]

كل الشكر عالتفاعل...:nice:

طيب السؤال... على اي اساس انت حكمت على الشخص؟؟؟
يعني وش هي مصادرك؟؟؟

وهل تضمن ان كلامك صحيح ميه ب الميه في الشخص اللي تكلمت عنه؟؟؟ :con2:

[المهاجر]

اهلين يالماستر


طبعا هالموضوع جدا مهم بالنسبه للي راح ينسمع منك عن هالشخص

لانه في النهايه راح ينبي على اساسه بيت او ينلغي البنيان

لذلك بالنسبه لي وحصلت معاي كثير

يختلف الأمر على حسب السائل فاذا كان واحد علاقتي معاه علاقه قويه

واعرف ان كلامي اللي باقوله له بيكون بيني وبينه

وما راح يقول المهاجر قالي هالكلام

باقوله الصدق سواء كان هالشخص زين او شين
يعني باقول عيوبه وزينه
ماراح اخش شي ابد

اما اذا كان الشخص السائل علاقتي معاه عاديه او انه السؤال عن طريق وسيط اعرفه
فهنا يختلف الأمر

اذا كان الرجال زين وما فيه شي شين بامدحه له وباقوله عنه اللي اعرفه

اما اذا فيه شي مب زين واشوف انه ما يصلح

بارد عليه ما ادري وافضل انك تسأل عنه غيري

[: بوحمود :]

يامرحبا اخونا الماستر

عن نفسي الصدق ثم الصدق اذا اعرفه مظبووووووووووط

ولاراح ازيد ولا انقص

وبنصحه بان يسال عند غيري ولاياخذ على شهادة شخص واحد

واذا المعرفه سطحيه باعتذر منه

تحياتي لك

[فيزيائية]

<<<امس كنت افكر بنفس الموضوع ...المهم

باقول الصج ولاعلي من حد ...
الدنيا دوّارة بكرة حد يخطب بناتي فمثل ماغشيت او سكت بيسكتون !!
ووايد ناس يقولون مانبي مشاكل ومادري وشو ...او جملة الله بيهداهم
اوكي بتكونون سعيدين اذا تزوجوا وبعد فترة سمعتوا ان فلان طلق فلانة وبينهم يهال ؟؟؟
ترضونها على اهلكم ؟؟

وشكرا لصاحب الموضوع..

[فيزيائية]

كل الشكر عالتفاعل...:nice:

طيب السؤال... على اي اساس انت حكمت على الشخص؟؟؟
يعني وش هي مصادرك؟؟؟

وهل تضمن ان كلامك صحيح ميه ب الميه في الشخص اللي تكلمت عنه؟؟؟ :con2:

انا عن نفسي ماراح اعلق الا على الشخص اللي اعرف اخلاقه ودينه واطباع بيتهم وعاشرته بمواقف مختلفة
اما اني سمعت عنه لا طبعا مايصير احكم على انسان ماشفت منه شي...

[الحياة الخالدة]

يمكن مرة وحدة بس انحطيت في هالموقف ..

كنت أنا و صديقتي في دوامنا .. جات بنتين ثانيين و سألونا عن زميل كان معانا أثناء الدراسة ..
احنا نعرف انه طبعه صعب و مزاجي .. سألناهم ( و احنا ما ندري بالسالفة خبر خير يعني ) .. ليش تسألون .. قالوا بس جذيه و احنا صدقناهم على النية .. ما حبينا نغتاب الريال .. قلنا انه إنسان زين ..

عرفنا عقب فترة ان وحدة فيهم تزوجتـــه .. قلنا يالله .. الله يهنيهم و يسعدهم ..

بعد سنين شاءت الأقدار اني ألتقي مع هالبنت .. و كانت تشتكي من زوجها و تعاتبني .. تقول ليش يوم سألناكم ما قلتو لنا الصج .. قلت لها انتو ما قلتو انها سالفة زواج و الا كنا بنقول لج ..
و بالفعل .. حتى بعد ما ياتهم العيال .. استمرت بينهم المشاكل و انتهت للأسف بالطلاق ..

الشــــاهد ..

لو أحد سألني عن شخص متقدم للزواج .. ما راح أتردد بذكر محاسنه و عيوبه ..
لأن المسألة مسألة حياة و عشرة و تقرير مصير ..و احنا مسؤولين عن كل كلمة نقولها من غير ما نظلم أحد ..

شكراً لك أخي الماستر ..
و عذراً للإطالــــة .. :)

[حليتان*]

بقول الي يستاهل القول

[الأصيلة]

فيه أمور تنقال وبكل صراحة إذا كانت تأثر فعلا على الحياة الزوجية
على أن أكون متأكده منها 100% حتى ما أغش من سألني..
أما بعض الأمور فالأفضل الصمت وإدعاء عدم المعرفة إذا كانت أمور لاتؤثر على الحياة الزوجية..
بالنسبة للبنت المفروض الستر عليها قدر المستطاع إذا كان الواحد يعرف شي عنها...
إلا الأشياء الواضحة جدا وللجميع لكن مايكون في الأخلاق...
وأكيد الزواج يغيير في البنت أكثر من الرجل والعيال يزيدونها ركادة وعقل...

شكرا على الموضوع أخ ماستر

[فيزيائية]

فيه أمور تنقال وبكل صراحة إذا كانت تأثر فعلا على الحياة الزوجية
على أن أكون متأكده منها 100% حتى ما أغش من سألني..
أما بعض الأمور فالأفضل الصمت وإدعاء عدم المعرفة إذا كانت أمور لاتؤثر على الحياة الزوجية..
بالنسبة للبنت المفروض الستر عليها قدر المستطاع إذا كان الواحد يعرف شي عنها...
إلا الأشياء الواضحة جدا وللجميع لكن مايكون في الأخلاق...
وأكيد الزواج يغيير في البنت أكثر من الرجل والعيال يزيدونها ركادة وعقل...

شكرا على الموضوع أخ ماستر
اسمحيلي فيه ناس مايتغيرون (اقصد للأحسن) بالعكس تزيد مساوئهم بعد الزواج...
وتنتقل للابناء ....

[intesar]

بصراحة لازم الحقيقة والصراحة تنقال .. لو كانت الأخلاق كلش زفته .. لا تفضحه ولكن قول لهم اصرف النظر وما أنصح .. بجذيه ما شوهت سمعته .. وأنقذت عائلة أو امرأة <<

دمتم بود ..

[ضوى]

سالوني مرة عن بنت معانا في الشغل وهالبنت الله خير اخلاق وادب وذوق مافي منه في بنات هالزمن طبعا قلت اللي اعرفه عنها في حدود عملها معاي واللي اشوفه منها في العمل ، وقلت لهم خارج العمل مالي اي معرفة شخصية بها والافضل سؤال الجيران عنها او احد المقربين منها ، واكيد حكمي عليها بيكون مبني على اساس تعاملها معاي ومع باقي الموظفين وطريقة كلامها واسلوبها حتى بالرد عالتلفونات

المراد اني باقول الحقيقة من غير اي زيادة او نقصان ، ولو كانت البنت مب شئ كلمة واحدة تكفي الله يصلحنا واياها من غير الخوض في اي تفاصيل تمس السمعة او الاخلاق او خلافه ، فبعتقادي هذه الكلمة تحمل الكثير واللبيب بالاشارة يفهم

[The Master]

كل الشكر على مشاركتكم...ولنا عوده ان شاء الله...

[The Master]

طبعا الكل قال رايه...وشي جميل...
صحيح في منا قال مالي شغل...وناس قالت باقول الصدق لانها ذمه...وناس قالت باقول اللي يفيد الزواج ومب اي شي ينقال...

طيب الحين لنفرض...انك قلت رايك في الرجال...او المرأة...

طبعا محد فينا ينكر ان لكل انسان له اسلوب في الكلام...يعني في ناس من كلمتين تفهم وش قصدهم...وناس يشرحون ساعات ماتفهم لهم...

لنفرض انك قلت رايك...واللي كان يكلمك فهم كلامك غلط...

ووصل لك الكلام ان تم الرفض منك انت...ومن كلامك...
وان افهموا كلامك غلط...

وش بتكون ردة فعلك؟؟
هل بتتصل في اللي كلمك واتقول له وتشرح له عدل...
ولا بتطنش ولا كأنه الموضوع يخصك...انا سويت اللي علي وهذي مشكلتهم...

هل بتحس بتأنيب الضمير انك ظلمت الرجال...
ولا بتحط اللوم على اللي كلمك انه ما افهمك؟؟؟


انتظر اجاباتكم...
الرجال والنسوان
اللي شاركوا وقالوا رايهم...او اللي وده يشارك...مافي اشكال...

ترا في النهايه هذي الاشيا اتصير...وانا القصد من موضوعي توضيح للناس من الاشيا اللي اتصير..وكيف نقدر انتفاداها...

فا انتظر منكم المشاركه...

ويامرحبا بكم...:nice:

[هبوب الكوس]

ان كان الشخص مدمن قول ولا اتردد انه مدمن

ولكن في امور ممكن الواحد يغض الطرف واكثرها بعد الزواج يهتدي ويبتعد عنها

لكن الله يعين الي فيه حاله نفسية من بيعرف :con2:

[كفاحي]

اشكرك على طرحك هذا الموضوع المهم والحساس واحب اشارك برأيى الشخصى والمتواضع

اعتقد ان الموضوع( السؤال عن المتقدم) ليس فقط سؤال وجواب!! وهذه من الأخطاء التي
يقع فيها البعض!!

من وجهة نظري يترتب على الموضوع أمور كثيرة قبل السؤال؟؟
- يجب ان يكون السأل من طرف( المخطوبة) شخص ثقة وعنده حكمه ويعرف يحكم
و يقدرالامور الي تستحق تنقال عن المتقدم والامور الصغيره التي لاتستحق ذكرها
- ولايسأل الا ناس كفو و تخاف الله ومشهود لهم بالصدق والامانة والحكمة وتقدير الامور

بعد هذه الخطوات بأذن الله ماراح تحصل الا الجواب الصحيح
سوى كان الشخص مناسب او غير مناسب للزواج
و التوفيق من الله سبحانه وتعالى

[حقيقه]

هذا زواج موضوع مب سهل فيه حياة انسانه وانسان

بقول الصدق وان كانت فيهم عيوب بقولها عشان عقب محد يلومني وانا بلوم نفسي اكثر

وبالاخير بتكون نهاية هالزواج تعيسه

وحتى ان كان موضوع ثاني غير الزواج بعد بقول

[meme~qatar]

انا بقول كل اللي عندي سواء كان ايجابي او سلبي
لان الزواج عشرة عمر
واذا ماقلت كل شي
واكتشف احد الطرفين عيب الطرف الثاني اللي انا ماذكرته
بيتم يدعي علي
وماعتبر ذكر السلبيات من ضمن النميمة في هالحالة

يسلموا على المواضيع اللي تمس الحياة بشكل واقعي
واللي تبتعد عن (ادعاء) المثالية الزايدة والذوق في جميع المواقف

[أرج ــوآنه]

هل بتحس بتأنيب الضمير انك ظلمت الرجال...
ولا بتحط اللوم على اللي كلمك انه ما افهمك؟؟؟



،


آنت ماذكرت شلون كان السؤال وماهو ردك؟؟
ولكن،،
آنت متآكد انهم آفهموا غلط آو آنت عطيتهم المعلومآت بالغلط فيه فرق،،

على كل حآل:
هذا زوآج فيه بناء آسره ويجب ان لا يكون فيه شيء اسمه مجاملآت،،
اذا آحد سآلني عن شخص رآح آذكر كل مزآيـــــــــــاه الي آعرفها وبكل صدق،،
وبالنسبه لعيوبه اذا كآنت كبآير بذكرها كما آني آحث السائل يسأل غيري لتآكد،،
واذا كانت عيوبه صغيره وممكن انها تتطور هم آذكرها ولكن بتصغيرها مثال:
تطوفه دائماً صلاة الفجر مع الجماعه>> هذا آخر ما يفكر فيه الناس يالله رحمتك
على العلم آنه جميييييييييييييييع فروضه في المسجد،،
ولكن مع الوقت ممكن يتغير ويواظب على صلاة الفجر،،




هذا مالدي،،

[ريم الشمال]

السؤوال للزواج لابد من قول الحقيقة وليس وجهة نظري انا
وانما هو يسئل وانا اجاوب واذا لم يسئل عن شئ وانا اعرفه لا اتبرع في قوله لأنه يمكن يكون بنسبه له عادي بس لأني قلت هذا شئ فقد لفتت انتباه
يكون شئ لا يؤثر في قراره ولكن يؤثر في فرصة المتقدم للزواج في الموافقه عليه بسرعه

[The Master]

ان كان الشخص مدمن قول ولا اتردد انه مدمن

ولكن في امور ممكن الواحد يغض الطرف واكثرها بعد الزواج يهتدي ويبتعد عنها

لكن الله يعين الي فيه حاله نفسية من بيعرف :con2:

اووووه على طاري الحاله النفسيه عندي ناس يعجبونك...من اول كلمتين على ردين...يشخصون حالتك...ويقولون لك...انت مريض نفسيا...لا وفوق هذا يعالجونك بعد...وبالقوه :rolleyes2:

ها ادليك عليهم...خوش ناس :secret: ...احم

تشكر على مرورك يا الكوس...
واستانس لما يكون الهوا كوس...:nice:

[The Master]

اشكرك على طرحك هذا الموضوع المهم والحساس واحب اشارك برأيى الشخصى والمتواضع

اعتقد ان الموضوع( السؤال عن المتقدم) ليس فقط سؤال وجواب!! وهذه من الأخطاء التي
يقع فيها البعض!!

من وجهة نظري يترتب على الموضوع أمور كثيرة قبل السؤال؟؟
- يجب ان يكون السأل من طرف( المخطوبة) شخص ثقة وعنده حكمه ويعرف يحكم
و يقدرالامور الي تستحق تنقال عن المتقدم والامور الصغيره التي لاتستحق ذكرها
- ولايسأل الا ناس كفو و تخاف الله ومشهود لهم بالصدق والامانة والحكمة وتقدير الامور

بعد هذه الخطوات بأذن الله ماراح تحصل الا الجواب الصحيح
سوى كان الشخص مناسب او غير مناسب للزواج
و التوفيق من الله سبحانه وتعالى



هلا ومرحب اخوي كفاحي...

ابصراحه ردك ماشاء الله عليه...ترتيب"ولا ايهونون باقي الربع والاعضاء اللي شاركوا في الموضوع...ماقصرتوا ورايتكم بيضه"...واعجبني...فا الله ينور خيو :nice:

واحييك على المواصفات اللي ذكرتها...والطريقه في السؤال...الله يجزاك خير عليها...وان شاء الله الناس تستفيد خيو...وهذا هدفنا من الموضوع...:)

تشكر عالمرور من جديد...ولا تقطعنا خيو...يامرحبا الساع :nice:

[The Master]

هذا زواج موضوع مب سهل فيه حياة انسانه وانسان

بقول الصدق وان كانت فيهم عيوب بقولها عشان عقب محد يلومني وانا بلوم نفسي اكثر

وبالاخير بتكون نهاية هالزواج تعيسه

وحتى ان كان موضوع ثاني غير الزواج بعد بقول

وجهة نظر...واحترمها...وتشكرين على طرحها اختي...

لكن السؤال...اخر سطر اللي بالاحمر...مافهمت...يعني وشو غير الزواج؟؟؟ هل ممكن مثال عشان نستفيد وتوصل الصوره...

لاهنتي...

[The Master]

انا بقول كل اللي عندي سواء كان ايجابي او سلبي
لان الزواج عشرة عمر
واذا ماقلت كل شي
واكتشف احد الطرفين عيب الطرف الثاني اللي انا ماذكرته
بيتم يدعي علي
وماعتبر ذكر السلبيات من ضمن النميمة في هالحالة

يسلموا على المواضيع اللي تمس الحياة بشكل واقعي
واللي تبتعد عن (ادعاء) المثالية الزايدة والذوق في جميع المواقف

يا هلا ومرحب اختي ميمي قطر...

اشكرك على وجهة نظرك...واللي اساسها ابراء الذمه...ومن حقك اتقولينها...واتوقع ان في كثير من الناس يتفقون معاك فيها...

تشكرين على المشاركه...وابداء الرأي...

اما عن اخر فقرة...
ومن قال سالم اختي...وهذا اقل شي انسويه لكم...ولباقي القراء...
فا حنا هنا في هالمنتدى لاثراءه ب الاراء والافكار اللي اتفيد الشارع القطري...والناس...واللي هم في النهايه اهلنا وجماعتنا...
ومب حنا اللي انزل مواضيع سخيفه...ومالها اي معنى...يا بالفيت انها انسانيه...ظاهريا...اما باطنها الله العالم وش فيه...واتكون فيه عداوات...وكره...بين الاعضاء...

كل همنا الرقي في التفكير...والاصلاح في المجتمع...وهذا ما نسعى اليه من خلال ما نطرح من مواضيع...وعسى الله يعطينا على قد نيتنا...ويبعد عن الاشكال اللي تلعب في الماء العكر...ويجعل حيلهم بينهم...

وعن المثاليه...مايحتاج اتكلم عن نفسي...الكل يعرف من هو الماستر...ومن هو علي...والحمدلله على كل حال...وانحاول انطور من نفسنا وسلوكنا...ومحد كامل الا سبحانه...
اما اللي يدعون المثاليه...فا اكيد انهم اطفحوا الحين...وبانت نواياهم...وافكارهم...
وانكشف المستور...

فا محد غبي...والكل يعرف من صادق ومن يدعي المثاليه...كما يقول...

واشكرك على مرورك الجميل...

وجملك الله برضاه يارب...:nice:

[مسمس12]

اقول اعرفة معرفة سطحية واصرف الموضوع


لان احيانا يكون الشخص فيه عيوب بس لما يدور بنت الحلال يكون متغيرويصير احسن ومرات العكس مايتغير فليش الواحد ايوهق نفسه وتطيح السالفه علي ويدعون علي