من وين اجيب لهم الخبرة ؟؟

[المحقق كونان]

السلام عليكم و رحمة الله و بركاته

انا مواطن عندي شهادة دبلوم و مب محصل وظيفة :weeping:

كل ما اسوي مقابلة

يقولون لي ماعندك خبرة و احنا نبي واحد عنده خبرة

يعني انا خريج جديد من وين اجيب لهم الخبرة !!

مادري شسوووي !! تعرفون مكان يوظف بدون خبرة

:weeping:

[^NoOOoR^]

كرهت جملة (( خبرة لا تقل عن ......
الحمدالله توظفت وعندي خبرة 7 سنوات :)

[قطر دزاين]

طال عمرك مو عيونك زرق او راسك فيه دهن او عيونك صغار او حبيب البي
لو عندك وحده من ها الصفات كان حصلت وظيفه ومدير بعد
:)

[الصريحه]

الله يعينك حاججهم قل لهم كل واحد لما اشتغل اول مره ماكان عنده خبره وانا قطري ويحق لي ومعاي شهاده وخل عندك ثقه بالله والدعا والاستغفار

[hnony]

هذا الشي الي معقدني ..

يعني مايستوعبون اننا تونا تخرجنا وين نجيب لهم خبره

[^NoOOoR^]

من عراقيل التقطير في بعض الاماكن اشتراط الخبرة

[موضي قطر]

بالذمة اللي عنده خبرة مب كان خريج جديد في مجال العمل واكتسب الخبرة ؟!!

[Max Speed]

عقول متحجرة و ادارة فاشلة اللي تطلب خبرة لا تقل عن ........... من الخريجيين

ما اعرف كيف يفكرون ؟؟؟؟؟؟؟؟؟؟ :anger1::anger1:

[بـــــــنت النوخـّــــذه]

وينهم الي يقولون لايوجد بطاله في المجتمع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حرام الشباب مايحصلون وظيفه والله حرام 00صراحه قلبي يعورني لما اسمع عن شاب وخريج ومواطن ولا عنده وظيفه

انا اتمنى المؤسسات بالدوله او الوزارات تتعاون مع منتدى الاسهم كونه اكثر استقطابا" لاكبر شريحه في المجتمع لعرض اعلانات للوظائف في اماكن العمل بقسم خاص يخصص للوظائف والتخصصات المطلوبه

التأهيل مقدور عليه ترى في كل وزاره تصرف لهم الدوله بارك الله فيهم ميزانيه لتأهيل الموظف 00
قوم(ن) تعاونو ماذلو يا هل الخير

[ريومه87]

لا ولا يفوووتك بعد رفيجتي اللي عندها خبره 3 سنوات راحت المقابله الا يقولها المدير ترى احنا مانبي نوظف اللي عندهم خبره سابقه :secret:
والله وحيرررررونا شسالفه انا اخبر كل الوظايف يبون خبره وهاي طلع العكس
هي لعبه ولا شنو:anger1:
الله يوفقك اخوي ان شاءالله ويرزقك بالوظيفه يارربي

[clouds]

ههههه انا دخلت موقع احد الموسسات ابي اقدم على وظيفه ودخلت على التوظيف كل الوظايف عاديه وظالين اغللب الشهادات ماجستير واذا بكالريوس يكون عنده خبره اقل شي 10 سنين!!!شدعوه مب من زين الوظايف اللي عارضينها اصلا

[شيط ويط]

الله يعينك اخوي

[The Master]

الله يعينك...
لكن شوف لك شي يقبل شهادتك الحاليه...
القصد لا اتروح لشي جامد...ابتدي من تحت وبعدين روح فوق...
والدنيا مستويات...واذا بغيت توصل اركب درجه درجه...مب علي طول الادوار العلويه...اتمنى انك فهمتني عدل...

ماني مثل غيري...ادافع عنك...وما اعطيك حلول...
وانما اقول لك الصدق...وبه تتقدم...

والله يعينك...يارب...

[captin]

سالفة تضحك والله

زين الخبرة من وين بتيي الا إذا خذوك ومريت ببرنامج تاهيلي
وطوروك وعطوك المهام بالتدريج بعدها بتبتدي تكتسب الخبرة بالتدريج
وهذا مشوار طويل حتى اللي اشتغل عشرين سنة الى اليوم قاعد يكتسب
الخبرة لان مجال العمل يتطور وكل يوم يطلع فيه شي جديد .

عموما ارجع قول لهم انا ابي وظيفة لخريج جديد مو من شروطها
وجود خبرة عملية سابقة

والله يوفقك

[mohd89]

الله يعينك وتحصل وظيفه
انصحك تكمل بكالوريوس بعدين ادور وظيفه

[هبوب الكوس]

مالك الا العسكرية الوحيدة الي ماتقبل العيون الزرق تحب العيون عسلية :nice:

[المحقق كونان]

كرهت جملة (( خبرة لا تقل عن ......
الحمدالله توظفت وعندي خبرة 7 سنوات :)

الله يوفقج


طال عمرك مو عيونك زرق او راسك فيه دهن او عيونك صغار او حبيب البي
لو عندك وحده من ها الصفات كان حصلت وظيفه ومدير بعد
:)

خلاص بركب عدسات و بصبغ شعري لووووول :nice:


الله يعينك حاججهم قل لهم كل واحد لما اشتغل اول مره ماكان عنده خبره وانا قطري ويحق لي ومعاي شهاده وخل عندك ثقه بالله والدعا والاستغفار

وهذا الي بيصير .. اشكرج على النصيحه


هذا الشي الي معقدني ..

يعني مايستوعبون اننا تونا تخرجنا وين نجيب لهم خبره

للاسف عقول متحجره .. مادري من وين نجيب لهم الخبرة


من عراقيل التقطير في بعض الاماكن اشتراط الخبرة

ياريت يخصصون وظايف للخريجين الجدد


بالذمة اللي عنده خبرة مب كان خريج جديد في مجال العمل واكتسب الخبرة ؟!!

اي بس مايحسووون


عقول متحجرة و ادارة فاشلة اللي تطلب خبرة لا تقل عن ........... من الخريجيين

ما اعرف كيف يفكرون ؟؟؟؟؟؟؟؟؟؟ :anger1::anger1:

صاااادق .. المشكله كلهم نفس الشي


وينهم الي يقولون لايوجد بطاله في المجتمع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حرام الشباب مايحصلون وظيفه والله حرام 00صراحه قلبي يعورني لما اسمع عن شاب وخريج ومواطن ولا عنده وظيفه

انا اتمنى المؤسسات بالدوله او الوزارات تتعاون مع منتدى الاسهم كونه اكثر استقطابا" لاكبر شريحه في المجتمع لعرض اعلانات للوظائف في اماكن العمل بقسم خاص يخصص للوظائف والتخصصات المطلوبه

التأهيل مقدور عليه ترى في كل وزاره تصرف لهم الدوله بارك الله فيهم ميزانيه لتأهيل الموظف 00
قوم(ن) تعاونو ماذلو يا هل الخير

اقتراح جميل اختي بنت النوخذه .. و لكن الوزارات يقولون ماعندها شاغر لين ينزلون الميزانية :rolleyes2:


لا ولا يفوووتك بعد رفيجتي اللي عندها خبره 3 سنوات راحت المقابله الا يقولها المدير ترى احنا مانبي نوظف اللي عندهم خبره سابقه :secret:
والله وحيرررررونا شسالفه انا اخبر كل الوظايف يبون خبره وهاي طلع العكس
هي لعبه ولا شنو:anger1:
الله يوفقك اخوي ان شاءالله ويرزقك بالوظيفه يارربي

ههههه ضحكني هالمدير

الله يوفق الجميع

[المحقق كونان]

ههههه انا دخلت موقع احد الموسسات ابي اقدم على وظيفه ودخلت على التوظيف كل الوظايف عاديه وظالين اغللب الشهادات ماجستير واذا بكالريوس يكون عنده خبره اقل شي 10 سنين!!!شدعوه مب من زين الوظايف اللي عارضينها اصلا

ولا بعد اذا حصلو واحد عنده خبره 10 سنوات بيقولون عمرك كبير


الله يعينك اخوي

و يعين جميع المسلمين


الله يعينك...
لكن شوف لك شي يقبل شهادتك الحاليه...
القصد لا اتروح لشي جامد...ابتدي من تحت وبعدين روح فوق...
والدنيا مستويات...واذا بغيت توصل اركب درجه درجه...مب علي طول الادوار العلويه...اتمنى انك فهمتني عدل...

ماني مثل غيري...ادافع عنك...وما اعطيك حلول...
وانما اقول لك الصدق...وبه تتقدم...

والله يعينك...يارب...

والله ياخوك انا مابي شي جامد على قولتك .. يعني ابي وظيفه على قد شهادتي

و اشكرك على النصيحه الطيبه :)





سالفة تضحك والله

زين الخبرة من وين بتيي الا إذا خذوك ومريت ببرنامج تاهيلي
وطوروك وعطوك المهام بالتدريج بعدها بتبتدي تكتسب الخبرة بالتدريج
وهذا مشوار طويل حتى اللي اشتغل عشرين سنة الى اليوم قاعد يكتسب
الخبرة لان مجال العمل يتطور وكل يوم يطلع فيه شي جديد .

عموما ارجع قول لهم انا ابي وظيفة لخريج جديد مو من شروطها
وجود خبرة عملية سابقة

والله يوفقك

الانسان يتعمل من الدنيا و يسكب الخبره لكن ربعنا عقولهم مقفلة .. خبره و خبره

و الله يوفق جميع المسلمين


الله يعينك وتحصل وظيفه
انصحك تكمل بكالوريوس بعدين ادور وظيفه

حاليا مالي نيه اكمل .. ابي اتوظف

و الله يعين الجميع



مالك الا العسكرية الوحيدة الي ماتقبل العيون الزرق تحب العيون عسلية :nice:

ليت كل الاماكن ماتقبل العيون الزرق :nice:

[V.I.P_QATAR]

هههه ضحكتني يالغالي هذا وانت دبلوووووم
شووف المصيبه الاكبر اعرف شخص
عنده بكلوريووووس
وتخصص مطلوب في قطر
وماخذ الــ 5 على الكليه
وتقديره جيد جداً
وعنده شهاده مشاركة في موتمرات داخل الجامعه وخارج الجامعه
وعنده شهادة خبرة ادارية من جهة عمله السابقه 7 سنوات خبرة ادارية
وعنده دورات ومتفوق في تخصصه
وراح وقدم على اكثر من جهة ويقووووولوووون له لازم اتجيب ليفل 4 في الانجليزي او مانشغلك تخيل واحد مخلص من المدارس الحكومية ودخل تخصص من قبل لايحطون التاسيسي يعني واحد مادرس انجليزي ويقولون له لازم انجليزي قالهم زين شغلوني وخلوني تحت مسمى متدرب ؟؟ لمده 6 شهور ودخلوني معهد اذا ماجبت انجليزي افصلوني يقولون له لا مايصير لازم انت اتجيب اللغه احنا مانوديك ولا نوظفك الا باللغه الانجليزية معا العلم مكان الوظيفه لا يقوم على الانجليزية بل هو يعتمد على اللغه العربيه تخيل مدير التوظيف يقول له روح ادرس 3 حصص في معهد على احسابك وبتجيب ليفل 4 ههههههههههههه
لو الواحد بيدرس 3 حصص ماعينت احد ماطرود من جامعه قطر
انا اموت واعرف ليش مايتم توظيف القطري وبعدين يرسلونه ياخذ للغه ويطور

[تحداني]

ماذا يعني شهاده خبره والطالب خريج جديد " خلوني اقول لكم "

هناك الكثير من الشركات والوزارات تطرح في الصيف ما يسمى بالعمل الجزئي .. او العمل الصيفي .. كلا على حسب تخصصه .. يعني المهندسيين تلقونهم يروحون قطاعات البترول والطاقه والصناعه

والاداره والاقتصاد يروحون قطاعات البنوك .. والمال والمصارف
والتعليم .. في قطاعات التعليم او في الوزارات ..

وقامت وزاره العمل بقرار من جهات عليا على ان تكون مثل هذه الوظائف اجباريه في الصيف
لمن كان يريد الالتحاق بها ومن يرغب ان يطور نفسه .. وهو طالب جامعي
في الفتره هاذي يعطونه مكافأه مقطوعه .. مع شهاده خبره عن الفتره الي قضاها
وهذا ما يقصد بالخبره

لذلك انصح الكثير من الطلاب والطالبات ان يستفيدوا في الصيف
في تطوير انفسهم عن طريق هذه القطاعات .. وهناك تواصل دائم بين الشركات والمؤسسات .. واقسام الكليات التي تتبعون لها .. شهر " 5 " يمكنكم مراجعه كلياتكم
ستجدون ما اتكلم عنه حقيقه



جملكم الله برضى الرحمن

[منآكير]

نفسسس مشكلتــــــــــــي ... :(:(:(:(:(:(


الله يعين والله

[واقعي وصريح]

لحد يألف رجاءا الدولة مو مقصرة في دعم توظيف القطريين

[كفاحي]

سالفة تضحك والله

زين الخبرة من وين بتيي الا إذا خذوك ومريت ببرنامج تاهيلي
وطوروك وعطوك المهام بالتدريج بعدها بتبتدي تكتسب الخبرة بالتدريج
وهذا مشوار طويل حتى اللي اشتغل عشرين سنة الى اليوم قاعد يكتسب
الخبرة لان مجال العمل يتطور وكل يوم يطلع فيه شي جديد .

عموما ارجع قول لهم انا ابي وظيفة لخريج جديد مو من شروطها
وجود خبرة عملية سابقة

والله يوفقك




تأكيد لكلام الأخ captin

بالإضافة لوجود المؤهل المناسب لاتشترط الخبرة في التعيين الا للوظائف القيادية او الاشرافية .
او (الوظائف غير التخصصية ) و التي لاتتناسب مع المؤهل التعليمي للمتقدم للوظيفة
اما باقي الوظائف.. يتم تعينك على الوظيفه المناسبة لمؤهلك
كمتدرب حتى تكتسب الخبرة مع العمل وخصوصا انك خريج جديد
حسب قانون الموارد البشرية فترة التدريب لاتزيد عن 6شهور
بعدها يتم تثبيتك.


والله يوفقك

[ام السعف]

السلام عليكم و رحمة الله و بركاته

انا مواطن عندي شهادة دبلوم و مب محصل وظيفة :weeping:

كل ما اسوي مقابلة

يقولون لي ماعندك خبرة و احنا نبي واحد عنده خبرة

يعني انا خريج جديد من وين اجيب لهم الخبرة !!

مادري شسوووي !! تعرفون مكان يوظف بدون خبرة

:weeping:

لو اعرف كان فدتك،، بس مافي جهة رسمية ترجع لها :(

[oceanrose]

الزبده هم ما يبغون لا خبرة ولا يبغون توظيف

انا عندي خبرة فوق 8 سنين لما اقدم على وظيفه يقولون ما عندج التخصص المرغوب مع انه تخصصي
لو المشرف يعرف شغله كان عرف ان الدول المتقدمه جدا مهتمه فيه وله اهميه اقتصادية وسياسية بس
شتقول للي ما يبغاك تشتغل ولا الي يضحك يقول ما نبي خبرة نبي تخصص.

هم يضحكون علينا بفكره" التقطير" وفي الجرايد الجهه الفلانية زاد نسبة التقطير ولكن هل هذا صحيح
وباقي الطلبات المؤهله وين مكانها وكلها مرفوضه من غير تفسير واضح ومقنع وين راحت لا يكون
"سلة المهملات"

شي يقهر بصراحه ..ولما تسال يقولون نفس الاسطوانه القطري ما يشتغل القطري ما ينتج .. طيب الي يشتغل
وينتج وين يروح ... لازم يتم دراسه هالوضع مانبي بطاله وشباب جالسين في بيوتهم ينتظرون حد يغير هالنظره
السوده عن القطريين لازم وقفه حق ولا نسمح لاي كان يتجاوز ويكرر هالاسطوانه المشروخه

[عضو المنتدى]

الخبرة فوق 4 سنوات ..

وعدم توظيف مواطن يزيد عمره عن 30 سنة أو ( إلا يزيد عمره عن 27 سنة )

هالشرطين ما تصلح إلا لدولة عدد سكانه فوق 5مليون .

المفروض مجلس الوزراء يلغي هالشرطين للمواطنين

ونحن في دوله عدد موظفيها يقل عن 25000موظف قطري (والله أعلم) .