شباب من يدليني على ارخص مكان لشراء بطاريات السيارة

[الـخـور]

السلام عليكم ورحمة الله وبركاته

اخواني الاعضاء انا ودي اشتري بطارية لسيارتي تكون نوعيتها جيدة وسعرها زين

لان المحلات مع الاسف كل واحد يحط سعر على كيفه .. الي يزود 100 ريال والي يزود احيانا 200

ابغي محل امين وسعره ممتاز وشكرا

[الخارجية]

الشيخ اذا عندك حد رايح الحسا ارخص من قطر 200 ريال او 250 ريال أو روح الغرافة عن كافيتريا النعيمي جنبه محل يبيع انواع البطريات وخذ ضمان المحل علشان اذا اختربت ترجعها له في المحل

[boamir]

في واحد بالغرافه متخصص بطاريات سياره
ومكانه الله يسلمك وانت رايح من اشارات الغرافه إلي سوق الجوالات صوب التكويعه
قبلها عاليمين في مسجد وقبل المسجد عاليمين تحصل كافتيريا النعيمي جنبه قراج بعد القراج بالزاويه تحصل محل زينه يبيع بطاريات

شوف يالغالي الاي سي ديلكو تحصله حول 420 ريال وسمعت إنهم رفعوا اسعارهم
اهم شي تاخذ لك بطاريه عليها ضمان سنه او سنه ونص وفي بطاريات ب 360 وعليها ضمان سنه بس نوعيه ثانيه

وفي بطاريه نسيت اسمها بس سعرها تقريبا 550 ريال الكترونيه تتم معاك حول ال3 سنين
نفس بطارية الشركه في الفيكسار

إنت روح هناك واسأل عن كل شي وبتحصل إلي تبيه إن شاء الله
بس اهم شي تاخذ لك بضمان سنه او اكثر لأنه بعض البطاريات الالكترونيه اول مايخلص الضمان اليوم الثاني تخترب على طوول ! يعني لاتاخذ ضمان 6 شهور

[khalid 88]

خذ بطارية الوكاله من شارع 10 او 13 بالصناعيه

لا وبو ماي هذه معمره ماشاء الله معاي سنتين

ايس ديلكو مال 8 شهور ولا سنه بالكثير وبتقعد مع الشركه تتهاوش عالبطاريه

او مثل ماقالوا الشباب ضمان المحل احسنلك

[khalid 88]

تراها ارخص من السوق على فكره

[العساس]

الفارس

[abdulla4u]

مال الشركه لايعلى عليها وعندك عقبها الايسي دلكوو خذها من محل وضمان سنه ...

[حليتان*]

روح الايسي دلكو

بطاريتهم عليها ضمان سنه

[ابو علاوي]

حتى البطارية نزلتو موضوع عنها ههههههه
اشتري اي سي ديلكو باودر وريح حالك

[الـخـور]

جزاكم الله خير

ماخاب من استشار منها فايده لي وفايده لكل من يزور الموضوع

[قطر603]

في الاحساء ارخص بوايد شوف لك حد رايح ويجيب لك من هناك
وبالتوفيق انشالله

[ولـد الخليج]

عنك محلات يوسف الكواري ( في الصناعيه واشارات مجنون وطريق سلوى) خذلك بطارية بو ماي بـ 280 ريال انا دايما اشتري من عنده وتتم عندي حول 3 سنوات واكثر بس اهم شي شيك عالماي بس

[Mody]

اخوي مالك الا الحسا بطارية اصلية للجمس في الوكالة على 650 ريال
هي نفسها من الحسا شريتها ب 250 ريال - شوفلك حد رايح من الشباب
لو قايللي كان يبتها لك توني معود من اسبوع

[الزجاجي]

ممكن نوع سيارتك

ونصيحه خذ لك بطاريه الكترونيه من غير تعبئه للاسيد

[BuFaisal]

اخواني حاسبوا من الحسا هالايام لان فيها مشاكل ومواتر شباب اعرفهم تكسرت من أهل الحسا
ما تسوا تروحون هالايام وخصوصا الي رايح مع عياله او اهله