شنهو الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مجامله والا بكيفه

[kooool]

بسم الله الرحمن الرحيم والصلاة على الرسول صلى الله عليه وسلم

احيانا اذا جلسنا في اجتماعات او لقاءات وبدا واحد يتكلم وابتسم لاززم الواحد فينا يرد عليه بإبتسامه بس المشكلة اذا تكررت هالابتسامات هل لاززم نبتسم مجاملة له ؟؟؟؟ احتمال مودي او مزاجي مايسمح اللي يجعل ابتسامتي مب عدله وكأنها مجاملة واااضحة ومب ردة فعل طبيعية واذا برطمت مب حلوه يبتسم في وجهك وانت لا ...اووووووووووف الحل ؟؟؟؟؟؟

[sara jsm]

الحل انك ماتقعد تناظر فيهم عشان يبتسمون لك ,,
قاعد في اجتماع او لقاء او جمعه عادي حط عيونك على شي ثاني ,,

[شويهينــه]

صح كلام سارا

لاتقعد اطالع فيهم

صد وركز في الاجتماع

[kooool]

صحيح كلامكم بس المشكلة وش كثر بقعد اطالع في اشياء ثانيه

[Miss]

طول الاجتماع وانتوا تناظرون بعض !!

صد عنه أشياء وايد في قاعة الاجتماع تقدر اتناظره

هذا هو الحل ما فيه حل غيره لانه اذا ابتسم لازم بترد بابتسامه

[فيزيائية]

لاتطالعه ...سَو نفسك تفكر أو تتأمل !!

[ريم الشمال]

اذا محاور لك في الاجتماع فكر انك تسئله في مجال الاجتماع وتوسع نطاق الحديث والحوار
أما أذا كنت انت وهو طرف في الاصغاء لشخص يقوم بالحوار في الاجتماع ركز نظرك وتفكيرك عليه و حول نظرك عن الشخص المبتسم
ريم الشمال

[ANONYMOUS]

اقرا الاجنده او المينتس اوف ميتينغ الف مره

[kooool]

بعضهم يحاول يسوي نفسه لطيف وانت لازم تبادله هاللطف اللي نزل عليه من السماء مره وحده ..بعد التفكير والتجوال في الراي شفت ان الابتسامة تعتمد على الشخص المبتسم ..ان كانت عفوية ..تكون مريحة للمتلقى والناظر لها ...بعض الابتسامات ودك انها يوقف الزمن عندها وتلتقط لها صورة وترووووح ..شكلي خرفت اخر الليل ههههه ..

[حليتان*]

يااخوي ابتسم له الابتسامه ابلاااش خخخخخخخخ


امزح معاك ..بالعكس تدري اذا كان مودك على قولتهم مب ذاك الزود ..اذا حد ابتسم لك نفسيتك اتعدل :)

وفي الاول والاخير الابتسامه في وجه اخيك صدقه و ادل ع التسامح

[بـــــــنت النوخـّــــذه]

لاتبتسم هز راسك له

[لافوشيا]

اجتماع شغل يعني شغل وبس بدون ضحك ومجاملات وان الشخص الاخر قام يكرر ضحكاته اذن لا تعطيه اهتمام وركز بموضوع الاجتماع والشغل فقط وعدم الخروج عن نطاق العمل حتى لايفقد جديته

[ضي البدر]

اجتماع شغل يعني شغل وبس بدون ضحك ومجاملات وان الشخص الاخر قام يكرر ضحكاته اذن لا تعطيه اهتمام وركز بموضوع الاجتماع والشغل فقط وعدم الخروج عن نطاق العمل حتى لايفقد جديته



درر يالافووو درر ماشاءالله عليج..:nice:

وانا اقول بادله بالأبتسامة وبعد هزة راس وبعدها نظرة سريعة واخرها استأذن وقوم شوي ورد بعدها يمكن ينشغل بشي ثاني .. أو ناظر الارتيفيشل بلانتس ..!!! ولا الفاين ولا قلاص الماي وطرقع أصابعك وناظر الساعة والا خلص الأجتمــــــــــــــــاع .. والحمدلله..:victory:

[yosif1]

يعتمد على القعدة اي اجتماع رسمي

لابد من هز الراس والابتسامه

خبرك معظم الاجتماعات مع الاجانب والهنود

اما ان كانت القعدة غير رسمية

وكان في ناس اول مره تقابلهم لابد المجامله

وصدقني شذية احسن لان في بعض الاوقات

تنحط في موقف بايخ بدون المجامله

اما ان يزعل منك اذا تغشمرت معاه

او تكون شخصية الناس حساسة وغير

محتمله

[kooool]

يسلموااا جميعا على الردود ..لاتعليق صرااحة لانها وفت وكفت