&& ابي نصيحتكم يا اخوان .. ضروري الله يخليكم &&

[خليفـة]

السلام عليكم ورحمة الله وبركاته

عندي موضوع حابب اخذ رايكم فيه

واتمنى منكم النصيحة لاخوكم خليفـة


عندي عقار

زيادة عن حاجتي

في البداية كان التخطيط اني استثمره عن طريق عرضه للأجار

ولكن الآن .. شخص عارض يشتريه مني بفايدة 70% من راس المال الأجمالي
( أرض + بنيان + تشطيب )

اش رايكم يا أخوان :

أبيع واخذ فايدتي الـ 70% الحين ؟

ولا أخليه للإيجار وادخل راس مالي بعد 10 على الأقل
وبعدها ابتدي في تحصيل الفائدة ؟

وامشي على مبدأ : العقار هو الولد البار !


انتظر نصايحكم بارك الله فيكم

[البركان]

والله ياخوك المال يحب الخفيه

السؤال اللى يطرح نفسه هل راس المال +70% يجيبون لك عقار ثانى او عندك فكره ثانيه تستثمر فيها المبلغ

[خليفـة]

والله ياخوك المال يحب الخفيه

السؤال اللى يطرح نفسه هل راس المال +70% يجيبون لك عقار ثانى او عندك فكره ثانيه تستثمر فيها المبلغ

بارك الله فيك اخوي البركان على المشاركة الطيبة والهامة
نعم اخوي
راس المال + الـ +70% يجيبون لي عقار أكبر
وسيكون أفضل بحالة اضفت القليل له

ولكن الفرق .. ان هناك اختلاف بين عقار تشتريه جاهز وبين عقار تبنيه بنفسك

[اهل قطر]

خذها نصيحه العقار ولدك البار

لا تفرط في حلالك , الفلوس تروح وتجي

ولكن الارض لا

[خليفـة]

خذها نصيحه العقار ولدك البار

لا تفرط في حلالك , الفلوس تروح وتجي

ولكن الارض لا

بارك الله فيك اخوي اهل قطر
المشكله انها مب أرض
عبارة عن فيلا وشغل عدل
ولكن الفايدة تخلي الواحد يفكر مليون مرة
اليوم الأمور طيبة
بكرة الله العالم !

في انتظار المزيد من الأراء لطفاً

[قناص 787]

ماشاالله عليك اخوي خليفه انت من الناس اللي حنا ناخذ منهم النصيحه

وانا من المتابعين لنصايحك اخوي بسسسسسس اذا بغيت نصيحتي

بقولها لك وانشاالله انها بتفيدك 100% والنصيحه هي انك تستخير

وربي بيسهل لك امورك باذن الله وربي يرزقك الخير

[خليفـة]

ماشاالله عليك اخوي خليفه انت من الناس اللي حنا ناخذ منهم النصيحه

وانا من المتابعين لنصايحك اخوي بسسسسسس اذا بغيت نصيحتي

بقولها لك وانشاالله انها بتفيدك 100% والنصيحه هي انك تستخير

وربي بيسهل لك امورك باذن الله وربي يرزقك الخير

بارك الله فيك اخوي speed 4 ever على كلامك الطيب
وماقصرت يالغالي

من استشار يالغالي ما خاب ان شاء الله
وفي مثل هالأمور النصيحة لابد منها اخوي

اما مسألة الأستخارة .. فهذا أمر لاخلاف عليه

بارك الله فيك على النصيحة الثمينة والمرور الطيب

[g2006]

اخوي بو خليفة الله ايبارك لك في حلالك ويزيدك انشاء الله اذا مب محتاج لاتبيع والموقع العقار لة دور كبير

[خليفـة]

اخوي بو خليفة الله ايبارك لك في حلالك ويزيدك انشاء الله اذا مب محتاج لاتبيع والموقع العقار لة دور كبير

والله يالغالي مب محتاج للأمانة
ولكن ايش هدف كل شخص يعمل تحت مظلة الأستثمار ؟
اليس جَني الأرباح !

بارك الله فيك اخوي

وفي انتظار المزيد

[قطري طموح]

بودعي اخوي من رايي توكل على الله وبيع العقار وفايدة 70% والله موهينه وبعد البيع توكل على ربك وانطلق للاستثمار وبسرعه في عقار ثاني افضل من الاول وانشالله بهذي الطريقه تبيع بفايده وتشتري مره ثانيه وتبيع وتشتري وبكذا بتحقق ارباح انشالله وبتتوسع اكثر .
الله يوفقك ويوسع عليك رزقك .

[خليفـة]

بودعي اخوي من رايي توكل على الله وبيع العقار وفايدة 70% والله موهينه وبعد البيع توكل على ربك وانطلق للاستثمار وبسرعه في عقار ثاني افضل من الاول وانشالله بهذي الطريقه تبيع بفايده وتشتري مره ثانيه وتبيع وتشتري وبكذا بتحقق ارباح انشالله وبتتوسع اكثر .
الله يوفقك ويوسع عليك رزقك .

بارك الله فيك اخوي قطري
كلامك هذا هو نفسه الي افكر فيه
ولكن .. انا اقول اخذ راي الشبيبة واصحاب الخبرة الاستثمارية
والله يقدم الي فيه الخير ان شاء الله

مشكور وماقصرت يالغالي .. وفي انتظار الربع الآخرين

[بويوسف]

هلا بالطيب الغالي .. الله يزيدك من نعيمه وفضله ويبارك لك ..

انه اقول بعد ما تتأكد من قيمة الارض حاليا وتتأكد ان الفايدة بتكون القيمة الاجمالية بسعر الارض الحالي مضافا لها 70% فايدة .. فتتوكل على الله وتبيع على شرط انك تشتري ارض وتحاول تبني عليها فلتين مثلا .. او فيلا اكبر وبمواصفات افضل خصوصا بأن ماشالله الخبرة زادت وتراكمت والموضوع بيكون بإذن واحد احد اسهل وإن كان يحتاج الى فترة زمنية قد تكون من سنة الى سنتان ..

[captin]

اول شي

الله يبارك لك في حلالك ويزيدك من فضله

إذا كانت نسبة الربح بـ 70 % ما شاء الله تبارك الله

وشخص مثلك عاقل وعارف شلون يتصرف في فلوسه
ومحدد انه يحط المبلغ الناتج من هالبيعة
في مشروع ثاني وبيكون أكبر ومربح , توكل على الله

بــــــــــــــــــــــــــــــــــــــــــــيع

دائما الخوف من بعض عديمي القدرة على التصرف اللي ممكن يبيعون بعض الأصول
ويحطون الناتج منها في مستلزمات ترفيهية ( سيارات , سفر ورحلات , أدوات ومواد منزلية
زائدة عن الحاجة, مواد أستهلاكية , تغيير أثاث المنزل دون حاجة وغيرها)
تصرفات ما تدل على حسن التصرف عند بعض الأشخاص

لأن الاستثمار هو فعلا نقل رأس المال بين شراء وبيع لتنميته
والوصول إلى أكبر ربحية ممكنة مع تجنب المخاطر دائما.

وما خاب من استشار

[شموخ دائم]

,

,



مرحبا

الله يبارك لك في حلالك

انا سعيد اشوف شاب نشط يبذل الجهد ويستثمر من ناحيه
ويساهم في الحركه الاقتصاديه والعمرانيه لبلده من ناحيه ثانيه
الله يوفقك يارب ويزيد الشباب امثالك
ويحقق كل طموحاتك

انا مع الاخوان

بيع

:)

واستثمر من جديد

واتمنى لك التوفيق


,

,

اخوك


شموخ دائم

[البدع]

اذا عندك عقار غيره ،،،، فبيعه

واذا هو العقار الوحيد الي عندك فلاتبيعه

ترى في حركة الفلوس بركة

وبالتوفيق

[خليفـة]

هلا بالطيب الغالي .. الله يزيدك من نعيمه وفضله ويبارك لك ..

انه اقول بعد ما تتأكد من قيمة الارض حاليا وتتأكد ان الفايدة بتكون القيمة الاجمالية بسعر الارض الحالي مضافا لها 70% فايدة .. فتتوكل على الله وتبيع على شرط انك تشتري ارض وتحاول تبني عليها فلتين مثلا .. او فيلا اكبر وبمواصفات افضل خصوصا بأن ماشالله الخبرة زادت وتراكمت والموضوع بيكون بإذن واحد احد اسهل وإن كان يحتاج الى فترة زمنية قد تكون من سنة الى سنتان ..

أسعدني مرورك اخوي بويوسف
اخي الكريم
سعر الأرض وقت شرائي : 800.000 ريال
حالياً تسوى : 1.150.000 ريال
سعر البناء وقت بدايتي كان : 890 ريال للمتر
حالياً : لن يقل عن 1050 ريال كحد أدنى لنفس المواصفات

القيمة الأجمالية لبنائي : 1.850.000 ريال
القيمة الحالية الي حصلت عليها الآن : 2.700.000 ريال

بفائدة بالضبط : 68.5% أي ما يقارب الـ 70%

النية : اني أبيع .. وأزيد مبلغ أضافي لرأس المال الأجمالي
واشتري أرض تجارية بمنطقة مرغوبه بشكل أكبر .. وبناء عمارة عليها .. ولتكن البداية بعمارة متواضعة الحجم والمساحة : 8 شقق على سبيل المثال .

والله أعلى وأعلم



اول شي

الله يبارك لك في حلالك ويزيدك من فضله

إذا كانت نسبة الربح بـ 70 % ما شاء الله تبارك الله

وشخص مثلك عاقل وعارف شلون يتصرف في فلوسه
ومحدد انه يحط المبلغ الناتج من هالبيعة
في مشروع ثاني وبيكون أكبر ومربح , توكل على الله

بــــــــــــــــــــــــــــــــــــــــــــيع

دائما الخوف من بعض عديمي القدرة على التصرف اللي ممكن يبيعون بعض الأصول
ويحطون الناتج منها في مستلزمات ترفيهية ( سيارات , سفر ورحلات , أدوات ومواد منزلية
زائدة عن الحاجة, مواد أستهلاكية , تغيير أثاث المنزل دون حاجة وغيرها)
تصرفات ما تدل على حسن التصرف عند بعض الأشخاص

لأن الاستثمار هو فعلا نقل رأس المال بين شراء وبيع لتنميته
والوصول إلى أكبر ربحية ممكنة مع تجنب المخاطر دائما.

وما خاب من استشار


بارك الله فيك اخوي كابتن
وكلامك عين العقل
شاكر لك اثرائك للموضوع اخوي


,

,



مرحبا

الله يبارك لك في حلالك

انا سعيد اشوف شاب نشط يبذل الجهد ويستثمر من ناحيه
ويساهم في الحركه الاقتصاديه والعمرانيه لبلده من ناحيه ثانيه
الله يوفقك يارب ويزيد الشباب امثالك
ويحقق كل طموحاتك

انا مع الاخوان

بيع

:)

واستثمر من جديد

واتمنى لك التوفيق


,

,

اخوك


شموخ دائم

اخوي شموخ .. رأيك سيكون له تأثير كبير في قراري
وذلك من واقع ثقتي الكبيرة في نظرتك الأستثمارية
ولا على المشاركين قصور
بارك الله فيك على مرورك الجميل
:)


اذا عندك عقار غيره ،،،، فبيعه

واذا هو العقار الوحيد الي عندك فلاتبيعه

ترى في حركة الفلوس بركة

وبالتوفيق

عندي عقار غير اخوي الوعب ولله الحمد
وكلامك سليم 100% : تحريك الفلوس فيها بركة
ولكن التخطيط له دور .. والتوفيق من عند الله سبحانه
شكرا لمرورك الطيب اخوي

[البركان]

توكـــــل على الله وبيع وخلك سهل بالبيع وسهل بالشراء والله يسهل امورك وخل عينك على الارض التجاريه والعماره تجيب عماره

[AL_MUTAEM]

ربي يوفقك اخوي خليفه ..

كما تعلم هناك المهم ولكن نجد الاهم ..

فأدارة المال شي مهم ولكن الاهم اي اتجاه تتخذه ..

انا من رأي الاخوان بأن تبيع فنسبة الفائده ممتازه واتمنى ان تجد الارض التي تبحث عنها .

[خليفـة]

توكـــــل على الله وبيع وخلك سهل بالبيع وسهل بالشراء والله يسهل امورك وخل عينك على الارض التجاريه والعماره تجيب عماره
بارك الله فيك اخوي الركان
شاكر لك مرورك الكريم .. وشاكر لك ابداء رأيك الطيب يالغالي



ربي يوفقك اخوي خليفه ..

كما تعلم هناك المهم ولكن نجد الاهم ..

فأدارة المال شي مهم ولكن الاهم اي اتجاه تتخذه ..

انا من رأي الاخوان بأن تبيع فنسبة الفائده ممتازه واتمنى ان تجد الارض التي تبحث عنها .

كلامك سليم اخوي 100%
هناك المهم .. وهناك الأهم
جزاك الله خير على المرور الطيب
والنصيحة الغالية

[بوحارب]

بودعي انا كنت ببيع عقاري وبفايده 25% تقريبا

بس ماصار نصيب

نصيحتي لك بيع واشتر ارض وابن مرة ثانية :)

ترى الناس غنت من الحركة هذي

وخل عنك نظام الشيبان اجار وعوار راس

[الفكر الحر]

ما شاء الله تبارك الله الله يبارك لك

أولا استخير

ثانيا انظر : هل تستطيع شراء أرض في موقع بنفس مميزات الموقع الحالي وتبني عليها عقار بنفس مميزات العقار الحالي ؟

إذا كنت تستطيع فتوكل على الله وبع ومن الثمن اشتر أرض وعمرها ويصبح عندك عقار له نفس مميزات العقار المباع + فرق السعر الذي استفدته

و70% ربح ممتاز

الله يبارك لك

[almaf1a]

رأيي دام البيت مب بيت العمر
ال70% حلوه وتسوى التعب الي تعبته في البيت خصوصا انك بانيه للاسترباح منه
بالتوفيق

[خليفـة]

ما شاء الله تبارك الله الله يبارك لك

أولا استخير

ثانيا انظر : هل تستطيع شراء أرض في موقع بنفس مميزات الموقع الحالي وتبني عليها عقار بنفس مميزات العقار الحالي ؟

إذا كنت تستطيع فتوكل على الله وبع ومن الثمن اشتر أرض وعمرها ويصبح عندك عقار له نفس مميزات العقار المباع + فرق السعر الذي استفدته

و70% ربح ممتاز

الله يبارك لك


رأيي دام البيت مب بيت العمر
ال70% حلوه وتسوى التعب الي تعبته في البيت خصوصا انك بانيه للاسترباح منه
بالتوفيق

بارك الله فيكم وما قصرتوا يالربع
انا استخرت .. وقررت اخلي البيت للإيجار
وقررت اشتري قطعة أرض بمكان اخر .. وابتدي عليها مشروع جديد

بصراحة .. مب هاين علي ابيع بيت اشتغلت فيه شغل نظيف بمعنى الكلمة
واحتمال مع مرور الوقت انتقل لهذا البيت .. وأجر البيت الي انا فثيه حالياً

جزاكم الله خير وما قصرتوا .. والله يوفقني وإياكم لما يحبه ويرضاه

خليفـة