المساعد الشخصي الرقمي

مشاهدة النسخة كاملة : للبيع لكزس ال اكس570 2011


al_qa76ani
18-03-2011, 12:30 AM
السلام عليكم


للبيع لكزس ال اكس570

اللون لؤلؤي ابيض

موديل 2011

ماشي 30000

الموتر مافيه صبغ ولاضربات نضيف وبحاله الشركة طبعا الموتر شركة عبدالغني (موتر أخوي)

عليه عازل مع ضمان ٥سنوات السياره الشكل الجديد يعني باللحيه

من الداخل عودي والكراسي برتقالي ..طبعا غير موجود بالشركه
شبيه بهالصوره تقريبا
http://uaesm.maktoob.com/up/uploads/780087dc8a.bmp
http://uaesm.maktoob.com/up/uploads/691de870ce.bmp
alwahesh
18-03-2011, 12:36 AM
كم طالب فيها الشيخ
Rider
18-03-2011, 06:04 AM
310 الف انا اشراي ترى ماشيه وايد
al_qa76ani
18-03-2011, 03:01 PM
كم طالب فيها الشيخ

اعلى سعر طال عمرك وحاليا واصله 345

310 الف انا اشراي ترى ماشيه وايد


السياره طلبيه خاصة وعشان فرقية اللون تدفع 30 الف زياده والشركة مافيها هالمواصفات الحين والدفعات الجديدة راح تتاخر لان اليابان منكوبة وانت تدري غير انه احتمال السيارات الجاية من هناك فيها مخاطره بنسبة الاشعاع ... والسياره ممشى الدوحه وبحالة الوكاله حتى القراطيس اللي عليها شركة ولا شمت ريحة الرمله ولا اطلعت من حدود بوسمره واكثر عدد من الاشخاص ان وجد فيها ما يزيدون عن الثلاثه في الغالب. وكثير اللي عرض 345 بس ماراح نبيع بهالسعر حاليا ورقمها فوق الكشخه مش مميز وماراح ينزل من عليها واللون ابيض لؤلؤي يعني الملكي والشكل الداخلي للنخبه والسموحه سعرك حلو بس لموديلات 2010 .علا فكره الاسود نفس المواصفات اصفار 370 معارض 380 شركه فما بالك بالابيض لؤلؤي شركه ورقم ومواصفات وشكل 2011 شركه مش تركيب او تزويد.
بوسالم90
18-03-2011, 11:33 PM
كلامك في محله
الذيبـــ
19-03-2011, 08:16 AM
هالكلام مايدخل العقل اخوي اسمحلي و بالنسبه انه طلبيه و زياده ٣٠ الف ريال هالكلام بعد غلط
لان ولد عمي ماخذ له واحد من الوكاله ب ٣٧٠ الف ريال و نفس الموصفات

وانا اسف على المداخله
أبو تميم
19-03-2011, 10:23 AM
بالتوفيق انشالله
الصيفي قطر
19-03-2011, 02:01 PM
اخوي والله مادري سعرك احسه فوق لكن الله يوفق لان الموتر فالوكاله ب370 اصفار

يعني انا مارح ادفعلي 345الف على موتر ماشي 30الف

والله يوفقك انشالله ويبلك سعرك واسمحلي عالمداخله فديت خشمك
sout qatar
19-03-2011, 04:22 PM
اخبر اول مانزل ال 2011 شفت واحد فالوكالة لؤلؤي من داخل نفس لون الي عندك وكان في شهر 10 وسألت عن سعره وقالي 375 ألف وكان السعر قبل الخصم وقالي الموظف من داخل سواء بيج ولا اسود ولا برتقالي كلهم نفس السعر ومافي شي اسمه طلبيه خاصه ومايفرق فالسعر الا الي رنجاته 18 وبدون سبايلرات هو الارخص وبس

والله يوفقك في حلالك
قطر ديلر
19-03-2011, 04:52 PM
كم الرقم الي عليه اذا للبيع طرش لي ع الخاص
القطري554
19-03-2011, 05:28 PM
مادري سعر الكزس ارتفع عندي واحد ٢٠١١ شبه أصفار كم يسوا لؤلؤي بدون سبيلارات
BuFaisal
19-03-2011, 11:24 PM
جزا الله خير كل من رد ووضح

الله يوفقك يا راعي الموتر ببيعة طيبة
al_qa76ani
20-03-2011, 07:26 AM
الله يجزيكم خير على الكلام الطيب ...والحمد لله ماجبت شي من عندي الموتر طالع علي ب 380 الف يا اخوان ...وانا ما كذبت بعدين فيه نفسه 365 اصفار في المعارض بس مش ابيض ..انا اتكلم عن شي محدد له سوقه سواء اليوم او بكره وراعي السوق يعرف انا ايش اقصد ..وبعدين 20 مصنع تسكروا في اليابان وانا ما قلت انه ماراح يجي راح تتاخر الطلبيات وتقدرون تتاكدون بنفسكم وسعر السيارات ارتفع شي بسيط تقريبا للي يلاحظ وهذي سيارتي وانا حاط سعري و مثل مانتوا عارفين كل شي له سعره .. وكل شي حسب نظافته وجودته والسياره مب للكل واسمحولي في هذا الشي احيانا اللي مايناسبني اكيد يناسب غيري ..وبعدين يا اخوان روحوا الشركه وسالوا اذا لقيتوا بالبركه وانشاء الله تحصلونه بسعر يرضيكم.

ارفعوا الموضوع بدعوه طيبه ..واللي يبي يشتري هذا سعري واللي يشوفه غالي السوق موجود .
al_qa76ani
20-03-2011, 07:38 AM
كم الرقم الي عليه اذا للبيع طرش لي ع الخاص
قلت في الموضوع ان الرقم ماراح ينزل وانا كلمتي سيف طال عمرك.

هالكلام مايدخل العقل اخوي اسمحلي و بالنسبه انه طلبيه و زياده ٣٠ الف ريال هالكلام بعد غلط
لان ولد عمي ماخذ له واحد من الوكاله ب ٣٧٠ الف ريال و نفس الموصفات

وانا اسف على المداخله
جزاك الله خير ,,,ومسموح بالحل يالغالي وسمح الله ذنوبك ..مجرد استفسار بس الله يرضالي عليك ..ولد عمك يبيع ب 310 ؟؟؟

كلامك في محله


اخوي والله مادري سعرك احسه فوق لكن الله يوفق لان الموتر فالوكاله ب370 اصفار

يعني انا مارح ادفعلي 345الف على موتر ماشي 30الف

والله يوفقك انشالله ويبلك سعرك واسمحلي عالمداخله فديت خشمك
كلامك سليم بس السوق والاحوال تفرض نفسها وربنا يوفقك يالصيفي وتحصل النيسان اللي تدور عليه واذا لقيت بسعر طيب لا تنسانا وانا اخوك .
ماقصرت يابوسالم ..

مادري سعر الكزس ارتفع عندي واحد ٢٠١١ شبه أصفار كم يسوا لؤلؤي بدون سبيلارات
حلالك طال عمرك وانت ابخص والفرق عشرة الاف عن سعر السبيلرات مع فرقية الالوان حسب الطلب. وربي يوفقك الموتر ماعليه كلام خصوصا لي جات برمجة الصالون عليه لخاصية الوقوف الالي.

جزا الله خير كل من رد ووضح

الله يوفقك يا راعي الموتر ببيعة طيبة

حبيب وعزيز يابوفيصل وربي يخليلك فيصل وتشوفه من خيرة الناس مثلك وشرواك.
al_qa76ani
21-03-2011, 09:58 AM
الموتر حمايه وعليه عازل ضمان خمس سنوات ..
وتامينه شامل ب 14000

للرفع واخر سعري فيه نهائي 360 ودعواتكم ..
شقران قطر
22-03-2011, 02:46 AM
اللـــــــه يوفقــــك في بيعة سيـــارتك
بس اللــــون هذا متوفر فالسوق بسعر العادي