شخص في البيت [الأرشيف] - منتديات شبكة الأسهم القطرية

واقعية

19-03-2011, 12:16 AM

السلام عليكم و رحمة الله و بركاته

سؤال للسيدات

ماذا تفعلين لو شككت بوجود شخص يحاول دخول البيت؟

موقف واجهني و حبيت اشارككم فيه

مرة كنت اشتغل بالليل (( حدود الساعة 2)) في الصالة و لمحت شي اسود خارج الشباك

كانه طرف رأس احد يطل من الدريشة

البيت دور واحد ، و كنت بروحي و عيالي نايمين و الشغالات كذلك

يعني كلمة خفت بسيطة....

حاولت اتظاهر اني ما شفت شي

بكل هدوء طفيت اللاب توب و رتبت الاوراق في الشنطة

دخلت غرفتي و ع طول قفلت باب الغرفة (( و 999 ))

بس بعدها شكيت قلت يمكن قطو اسود لاني شفت واحد في عند باب الحوش من كم يوم ...... يمكن شي ثاني

و انا معاهم ع الخط قلت لهم بروح اطل من الدريشة مرة ثانية و اشوف في احد بره و الا لا

ما لقيت حد و لا شي فالغيت البلاغ

بس صج هذيك الليلة ما نمت (( عندي عصا مخليتها احتياط ))

و لكن السؤال :

ماذا تفعل اذا اكتشفت وجود شخص يتلصص عليك في الليل

هل انت مستعد لو تفاجأت بوجود شخص داخل البيت

و السؤال خاصة للسيدات : لو كنتي في البيت لوحدك بدون وجود محرم يدافع عندك في هذه الليلة

كيف يمكن للمرأة ان تعد نفسها لمواجهة مثل هذه المواقف و تتصرف بسرعة (( يعني بالنسبة لي زين تذكرت مكان الجوال ))

خالص تحياتي

واقعية

مريومة

19-03-2011, 12:31 AM

اولا اقفل البيبان كلها

وبعدين اطل من الدريشة علشان اتأكد ان في شخص

واذا تأكدت اتصل حق احد من الاهل يجي

وبس

واقعية

19-03-2011, 12:40 AM

اولا اقفل البيبان كلها

وبعدين اطل من الدريشة علشان اتأكد ان في شخص

واذا تأكدت اتصل حق احد من الاهل يجي

وبس

اتفق معاج و ما اتفق معاج

اتفق معاج في التأكد من قفل الابواب في الليل

و ما انفق معاج في اني اطل من الدريشة مثل ما انا سويت

لان بعدين لما فكرت فيها

صح اني كنت ع الخط مع 99 لما كنت اطل بس

لو كان عنده شي و كسر الشباك و طاح الجوال من يدي

صعب اني ادوره في هالموقف

و خاصة ان زوجي و اخوي كانوا مسافرين في هذيك الايام

تحياتي ع المرور

واقعية

لافوشيا

19-03-2011, 12:41 AM

PARIS

19-03-2011, 12:45 AM

اتصل على احد من الاهل ... او الجيران ... اعتقد مابيقصرون

واقعية

19-03-2011, 12:46 AM

واقعية

19-03-2011, 12:49 AM

اتصل على احد من الاهل ... او الجيران ... اعتقد مابيقصرون

اهلي مسافرين (( يعني اللي ممكن اتصل لهم))

ساكنة جديد و ما اعرف حد من الجيران

حاول مرة اخرى

تحياتي ع المرور

بـــــــنت النوخـّــــذه

19-03-2011, 12:57 AM

السلام عليكم و رحمة الله و بركاته

سؤال للسيدات
و السؤال خاصة للسيدات : لو كنتي في البيت لوحدك بدون وجود محرم يدافع عندك في هذه الليلة

كيف يمكن للمرأة ان تعد نفسها لمواجهة مثل هذه المواقف و تتصرف بسرعة (( يعني بالنسبة لي زين تذكرت مكان الجوال ))

خالص تحياتي

واقعية

:eek5:

اختي اشطلع الحين صج فيه حد ولا يتراوالج ؟؟؟؟؟؟؟؟؟؟؟؟؟؟؟؟؟؟؟؟

وبالنسبه لسؤالج طبعا" بتصل باخواني هلي جماعتي اذا (تأكدت ان فعلا" فيه حد ) اما تخيلات بتعوذ من ابليس وبروح انخش بين عيالي 00

بس انتي ماشاء االله اتصلتي بالشرطه انا اخاف اتصل بالشرطه اهههه الساني بينربط 0يعني بتصير مشكلتين حرامي والساني مربوط من الخوف 0

بس جواب نهائي بتصل بهلي او اخواني اذا تأكدت 0ان فعلا" فيه حد 0 او بحط كاميرات مراقبه خارجيه ويكون عندج شاشه اتشوفين فيها وايد ناس حاطينها 000

اخبر وحده زوجها رايح مهمه واهي ماشاء الله ماتحب تترك بيتها واتروح بيت اهلها فقال لها زوجها اخذي نعلي وجواتيي كلهم (تكرمون ) وصفيهم عند باب الصاله عشان اذا لاقدر الله حد فكر يدخل بيشوف هالنعل وبيشرد اههه

والله يستر عليج دنيا وآخره

واقعية

19-03-2011, 01:05 AM

:eek5:

اختي اشطلع الحين صج فيه حد ولا يتراوالج ؟؟؟؟؟؟؟؟؟؟؟؟؟؟؟؟؟؟؟؟

وبالنسبه لسؤالج طبعا" بتصل باخواني هلي جماعتي اذا (تأكدت ان فعلا" فيه حد ) اما تخيلات بتعوذ من ابليس وبروح انخش بين عيالي 00

بس انتي ماشاء االله اتصلتي بالشرطه انا اخاف اتصل بالشرطه اهههه الساني بينربط 0يعني بتصير مشكلتين حرامي والساني مربوط من الخوف 0

بس جواب نهائي بتصل بهلي او اخواني اذا تأكدت 0ان فعلا" فيه حد 0 او بحط كاميرات مراقبه خارجيه ويكون عندج شاشه اتشوفين فيها وايد ناس حاطينها 000

اخبر وحده زوجها رايح مهمه واهي ماشاء الله ماتحب تترك بيتها واتروح بيت اهلها فقال لها زوجها اخذي نعلي وجواتيي كلهم (تكرمون ) وصفيهم عند باب الصاله عشان اذا لاقدر الله حد فكر يدخل بيشوف هالنعل وبيشرد اههه

والله يستر عليج دنيا وآخره

بصراحه

اول شي سويته الصبح اني رحت لنفس الدريشة لانه اذا كان قطو

فبيكون في اثر لان كان قبلها بكم يوم الجو مغبر و للحين ما نظفنا

و ما كان في اثر يعني اللي كان يطل شكله كان حرامي بس ما ادري ليه طل و راح

يعني بعض الامور الثانية اللي صارت معاي قبل تاكد هالموضوع

طبعا بالنسبة للاتصال بالشرطة ... فكنت اعيد الكلام مرتين من الخوف

لاني تميت فترة في الصالة تظاهرت فيها ان ما فيني شي

بس شغلت الكاميرة اللي كنت مركبتها من بعد ذاك اليوم

جزاج الله خير

ahad

19-03-2011, 01:15 AM

Dawn

19-03-2011, 01:21 AM

يعني شقح السور الخارجي علشان يدخل !!

وطل من الدريشه !!

ورجع يشقح علشان يطلع !!!

ممممم صج ماعنده سالفه هالحرامي

واقعية

19-03-2011, 01:22 AM

اممم ,, حرامي ؟

اخاف مب حرامي,, يعني حد يعرفكم.. ويدري انه محد عندج ؟؟؟؟؟؟؟

هذا اللي في بالي,,

لو انا ماتصل على الشرطة على مايجون الا انا علي السلام ..اتصل بجيراني او ريلي يفزع حد ينقذني.. شكلي عشت الموقف..

خوفتيني انا بروحي في البيت ,,:(:(:(

ما اظن حد يعرفنا ... يمه اذا حد بالعمالة يدري ان ماعندي حد بيروح فيها

الشرطة اتصلت فيهم قبل لما لقيت باب الحوش مفتوح بالليل ( حدود الساعة 1 ))

و جو بعد 3-4 دقايق تقريبا

اللي ممكن اتصل فيهم مسافرين يعني لو اتصلت بهم ماراح يجون الا بعد ما اكون انا انتهيت

الخوف ضروري حتى الواحد ياخذ احتياطه

الله معاج يحفظج

تحياتي ع المرور

واقعية

19-03-2011, 01:25 AM

يعني شقح السور الخارجي علشان يدخل !!

وطل من الدريشه !!

ورجع يشقح علشان يطلع !!!

ممممم صج ماعنده سالفه هالحرامي

بصراحه هذا شي ما فكرت فيه

بديت افكر انه مسلط

او انه القطو الاسود بس ما يصير يوقف ع الدريشة بدون اثرع الرمل

تحياتي ع المرور و الفكرة

البحار00

19-03-2011, 01:35 AM

عندي له حلين لا ثالث لهم

اما السكتون ولا الشوزن

قطري10

19-03-2011, 01:40 AM

مافي الا حل واحد وهو قراءة أذكار الصباح والمساء واذكار النوم وكل شئ تمام

حقيقه

19-03-2011, 02:08 AM

لاتسكرين الليتات اللي برى والصاله
والتلفزيون

وما بيفكر انه يدش
لانه بيحس انه فيه حد صاحي وفيه عالم داخل

حقيقه

19-03-2011, 02:13 AM

اما اذا تعرفين المنطقه اللي انتي فيها
ينتشرون فيها المحششين والسكارى ف لازم تبلغين المركز

ولاتخافين من المتعاطين مايخوفون

hnony

19-03-2011, 03:47 AM

مووقف صعب ماعرف وش بسوي..

بس عموماً انا اذا خفت اتنح ماقدر اتحرك ..

مرره كنت ناسيه اقفل باب اللشقه .. ودخلت علي وحده شكلها سكرانه ومضيعه شقتها .. المهم انا من الخوف ساكته بس اطالع فيها وهي مو بعقلها مو مستوعبه انها مو شقتها ..بعدين استوعبت و قالت سوري وطلعت .. احس لو ماستوعبت كنت بقولها تفضلي من الروعه هههههههه

wadha-qa

19-03-2011, 07:24 AM

الحياة الخالدة

19-03-2011, 07:35 AM

اختي تاكدي من الخدامات اللي عندج انهم ما يدخلون حد بيتكم و انتي ما تدرين خاصه اذا غرفه الخدم برا فاكيد هم اللي يدخلونه

و اهم شي قفلي كل الابواب عدل و لو تقدرين تحطين كيمرات تصور باب الخدامات و الباب الخارجي للبيت يكون زين بس عشان يطمئن قلبج .

واذا بتطلين من الدرايش لازم تكونين مطفيه الليتات على اساس هو ما يقدر يشوفج لان اذا الليت مفتوح اللي برا بيشوف كل شي .

بالضبط أختي واقعية ..

و تأكدي من السايق اذا عندكم ..
لأن في بعضهم يصنعون خمور محلية و يتاجرون فيها من بيت معازيبهم ..
و هم يا غافلين لكم اللـــــه .. :(

و هالقصة صارت مع ناس أعرفهم عز المعرفة ..

الله يحفظكم من كل شر ..

هبوب الكوس

19-03-2011, 07:42 AM

http://www.mstaml.com/imagesData/1047498.jpg

مافي الا عصا الكهرب على طول في الراس بينسدح :nice:

عندما اريد

19-03-2011, 08:31 AM

الحمدلله جات سلامات
الله يحفظنااااااااااا
احاتي هذا الشئ

المهم
انتبهي عالخدم
وتاكدي انهم نايمين
ولا تبينيين خوفك لهم
لانهم الي عارفين ان زوجك مب موجود

انتبهي ايضا للباب الخارجي وسكريه بمفتاح اذا سافر زوجك عشان الشك يزول
وقولي دايما
اللهم اني استودعتك بيت ومالي ونفسي واولادي وكل ما اعطيتيني

اقول شرايك ندخل تجنيد اجباري مع الرجاجيل نقوي قلوبنا :)

الله يحفظنا ويحفظكم
وبيت كل مسلم

العقل المدمر

19-03-2011, 09:02 AM

ذكرتيني فسالفه وحده من الاهل
درايشهم اللي تحت بحدايد
مره زوجها مسافر وهي بروحها فالبيت ماتعرف حتى شاللي خلاها تدخل الميلس
شافت ريول تحت الستاره !!
بس ما شا الله قلبها قوي
راحت بالعدال خذت المفتاح وقفلت باب الميلس من برى واتصلت فالشرطه علطول
وبس اخرتها طلعت الخدامه مدخلته !!

موضي قطر

19-03-2011, 09:47 AM

الله يحفظكم اختي انتي مشكلتك مشكله أنه اهلك وزوجك مسافرين

وساكنه بيت جديد .. وانا اقرا قصتك قلبي وقف شلون انتي :(

اعتقد انتي مركبه كاميرا خليها شغاله على طول ودايماً تأكدي من البيبان اذا مقفولة واحرصي انه الجوال يكون على الشاحن عشان مايطفي وانتي تتصلين في الشرطه :telephone:

chillis

19-03-2011, 09:59 AM

اتصل بالجيران على طول لانهم الاقرب وماراح يقصرون بس بعد ما اقفل كل شي عدل

BIG-VEGA

19-03-2011, 10:14 AM

والله لو بدالج كان اغمى علي الصراحه ماتحمل اشوف شي يطل على واسود نص الليل
يعني انا كنت بتصل بالنجده واطلبهم يجوني البيت ويشوفون شسالفه بس المهم اني اتاكد ان جميع الابواب مغلقه ومافي اضاءه ابدااااا

اشفيه الاسود ... لون ملكي :shy:

ذكرتوني
مره كنت داخل البيت ع الساعه 1 فالليل ....
وانا عند باب الحوش ... اشوف في اخر البيت صوب الملحق وحده طويله وشعرها لين ركبها وبيضه بس ملامح الويه ماتبين
تميت واقف متسمر وهي واقفه اتطالعني فتره بسيطه وراحت من ورا البيت

يومها اصلا البيت مافيه نسوان ... واصلا بيت خوال :)

والله السالفه جد

قطر دزاين

19-03-2011, 10:20 AM

اختي بعد انشار العماله السائبة معاد فيه امان ناس يجون من بلادهم مجرمين جاهزين بالذات نيبال وسيرلنكا و البنغال ما كثرت السرقات ومشاكل القتل والاجرام الى بعد ما ادخلو البلد
يجب الحرص من هولا

chillis

19-03-2011, 10:21 AM

BIG-VEGA

19-03-2011, 10:34 AM

:omg: والله وشسويت

سويت نفس مايسوي اي مواطن خال ينحط في هاي الموقف :)

... خفت طبعا
ورقدت وانا مشغل القران والليتات كلها :shy:

chillis

19-03-2011, 10:37 AM

سويت نفس مايسوي اي مواطن خال ينحط في هاي الموقف :)

... خفت طبعا
ورقدت وانا مشغل القران والليتات كلها :shy:

لو انا منك عمري مارد للبيت ذي ولا افكر

BIG-VEGA

19-03-2011, 10:41 AM

لو انا منك عمري مارد للبيت ذي ولا افكر

يه ... بيتنا بعد :eek5:
وين عيل اروح :rolleyes2:

بعدين هاي موقف واحد ..... خلوني ساكت :secret:

موضي قطر

19-03-2011, 12:02 PM

اشفيه الاسود ... لون ملكي :shy:

ذكرتوني
مره كنت داخل البيت ع الساعه 1 فالليل ....
وانا عند باب الحوش ... اشوف في اخر البيت صوب الملحق وحده طويله وشعرها لين ركبها وبيضه بس ملامح الويه ماتبين
تميت واقف متسمر وهي واقفه اتطالعني فتره بسيطه وراحت من ورا البيت

يومها اصلا البيت مافيه نسوان ... واصلا بيت خوال :)

والله السالفه جد

اي والله ملك الألوان

بسألك سالفتك صدق ؟! :omg:

ضي البدر

19-03-2011, 12:18 PM

ماشاءالله عليج يالواقعية .. والله ثم والله اني اول ماقريت قصتج خفت واغرقت عيناي بالدموع بس الحمدلله مادمعت ولا صحت .. صج موقفج لا احسد عليه ولاااااا بعد فيج قوة اتطلين من وراه افرضي وانتي اتطلين وانتي مدنعة يكون الكائن الغريب وراج ويتلج من ارقبتج... يمااااااااااااااااه والله لاروح فيها وبشربة ماي بعد..:eek5:

خرعتيني الله يهداج!!:weeping: انتي باي منطقة؟؟ واول شي اتسوية قبل السكن تاخذين ارقام جيرانج.. وصح كلام خواتي حرصي من الخدامات والسايق الله ياخذهم.. يمـــــــــــــــاه ..:eek5:

بس الحمدلله في عجرة تحت الكرفاية.. وسكين بلاستيك في الدرج+قفشة+نوتيلا !!!!:shy:...

الحمدلله على سلامتج وسلامة اليهال.. والله يحفظنا ويديم علينا الأمن والأمان..

ضي البدر

19-03-2011, 12:21 PM

اشفيه الاسود ... لون ملكي :shy:

ذكرتوني
مره كنت داخل البيت ع الساعه 1 فالليل ....
وانا عند باب الحوش ... اشوف في اخر البيت صوب الملحق وحده طويله وشعرها لين ركبها وبيضه بس ملامح الويه ماتبين
تميت واقف متسمر وهي واقفه اتطالعني فتره بسيطه وراحت من ورا البيت

يومها اصلا البيت مافيه نسوان ... واصلا بيت خوال :)

والله السالفه جد

لا لا لا حراااام عليك مو ناقصين..!! من صجك؟؟ انتو وين ساكنييين؟؟
في الوكرة ,, الخور ,, ام سيعيد ,, ولا الصناعية عند الفيتنامييين .. يمـــــــــــــــــــــــاه:secret:

فيزيائية

19-03-2011, 12:54 PM

انا وحدة اخاف على بناتي كل ماسافر ابونا نومتهم بغرفتي وقفلت الباب
وكل ماسمعت صوت فتحت شاشة الكاميرات وعلى هالحال طول الليل
....

BIG-VEGA

19-03-2011, 01:01 PM

اي والله ملك الألوان

بسألك سالفتك صدق ؟! :omg:

الله يشهد اني صادق

لا لا لا حراااام عليك مو ناقصين..!! من صجك؟؟ انتو وين ساكنييين؟؟
في الوكرة ,, الخور ,, ام سيعيد ,, ولا الصناعية عند الفيتنامييين .. يمـــــــــــــــــــــــاه:secret:

خخخخخخ
لا مب فيتنام ..في الدوحه ... وتحديدا المعموره

بعدين اشفيكم !!!!
حسستوني اني انا الوحيد الي شفت هاي الاشياء :rolleyes2:

شيزكيك

19-03-2011, 01:26 PM

ماشاء الله عليك

لو انا ماقعدت في الصالة بروحي او الستاير مكشوفه وماراح اطل خير شر من الدريشه

الله يحفظنا

بس تدرون كل يوم اقروا أية الكرسي تحمي البيت وتحفظة

خليفـة

19-03-2011, 01:35 PM

اعتقد ابو العيال مفروض يتدخل لو كان موجود
اما لو كان غير موجود لأي سبب .. فأعتقد ان ما عليج خوف دامج وصلتي لمرحلة انج تشيلين عصا ههههههههه
الله يحفظكم جميع
:)

BIG-VEGA

19-03-2011, 01:45 PM

اعتقد ابو العيال مفروض يتدخل لو كان موجود
اما لو كان غير موجود لأي سبب .. فأعتقد ان ما عليج خوف دامج وصلتي لمرحلة انج تشيلين عصا ههههههههه
الله يحفظكم جميع
:)

شكلها راعيه هوشات يوم كانت في المدرسه :p

:happy:

ولد ازغوى

19-03-2011, 04:45 PM

الله يشهد اني صادق

خخخخخخ
لا مب فيتنام ..في الدوحه ... وتحديدا المعموره

بعدين اشفيكم !!!!
حسستوني اني انا الوحيد الي شفت هاي الاشياء :rolleyes2:

:omg: المعموره
يعني قريب من معيذر :rolleyes2:
تحشيش تايم من الروع هههههههههههه

sara jsm

19-03-2011, 08:18 PM

اختي احسن شي اخذي لج دورة لمدة شهر للكاراتيه اوالتايكوندو
والله بتستفيدين منها وااااااايد ,, خاصة في هالمواقف ,,
واذا تبين باطرش لج روابط فيديو يعلمج طرق الدفاع عن النفس ونقاط الضعف في جسم اي انسان ,,
والله احمي نفسج بنفسج ,, وحتى لو دخل عليج واحد مسلح تقدرين بحركة وحدة تقلبين عليه ,,
اهم شي يكون انس مب شي ثاني :(

مونديال

19-03-2011, 08:33 PM

انا عن نفسي لكل حادث حديت
لاكن صار لاحد جيرانا
كان الرجال بروحه في البيت وسمع اثنين يتكلمون وكانو شاكحين من على درام البيت
المهم الاخ ماحسسهم ان في البيت حد واتصل بالشرطه لين اوصلو
وصارت المفاجئه للحراميه لانه الشرطه وصلو بسكان
يوم قربو الشرطه الحبيب تحرك وحسو الحراميه فيه وانخشو
دخلو الشرطه دوروهم ومسكوهم
وهذا عين العقل لانه لو طلع لهم من البدايه
ماتدري ايش لسلاح الي عندهم

واقعية

19-03-2011, 09:09 PM

الله يجزيكم خير ع الردود
انا كنت بعيده ع النت طول اليوم

الوحدة لازم تعرف تتصرف و مش تخاف و بس

انا لو كنت ف وقت غير هالوقت كان ممكن اتجمد مكاني من الخوف و ما اتصرف

بس الحمدلله انا استفدت من بعض الاخطاء اللي سويتها في مواجهة الموقف

يعني ما كان لازم اقرب من الشباك وايد

و بعدين الحين صرت انتبه من الشغالات لان ما عندي سايق اخاف منه

و اخيرا: انا ما كنت راعية هوشات ف المدرسة بالعكس كنت خوافة

بس الدنيا علمتني

تحياتي و القصد من وراء الموضوع ان كل وحدة تصور سناريو لموقف مثل هذي حتى تعرف تتصرف

شاكرة للجميع مروركم الكريم

مشتاقة لقطر

20-03-2011, 04:18 AM

انا اسوي العكس اخاف فجاة بالقوووو..

واقلب الموجة واركض برع اخرع الحرامي ..واسال من ؟؟ من .. ؟ يعني اكون ماخذة شي بيدي ..

اسمع بال9 مللي ولا شفته .. خاطري اجربه ..ههههه

كركم

20-03-2011, 05:41 AM

انا بطلع عليهم وبصارخ عليهم وبقول ....من انتم ؟؟! والحقهم زنقة زنقة

جنوب الدوحه

20-03-2011, 06:42 AM

والله على كثر ازدياد العماله من الخارج قمنا نسمع عن سرقات عجيبه غريبه وبطرق احترافيه وحتى في البيوت .. طبعا اهم شي تكون الشبابيك عليها حمايه او شبك واقفال الابواب و خاصه الباب الرئيسي خاصه وقت النوم ..

ولــكن ساعات ^_^ وخاصه فليل الواحد تجيه تخيلات ان هناك واحد يطل او تحسين ان هناك شخص مشا بجنبك .. يمكن احد من اخوان بودرياه ^_^ طبعا امزح

والله لا يرويك مكروه ..

ثرية

20-03-2011, 06:56 AM

لو كنت بروحي في البيت باااقفل على رووحي باااب الغرفه وباتصل 999

كاروهات

20-03-2011, 06:58 AM

انا غير ..........

انا اذا شفت شي

سبحان الله

جسمي كله يوقف ما اقدر اتحرك ولا حركة حتى الكلام ما اقدر اقول شي

من الخوف متسمته لا يمكن اتحرك

توني من يومين اسولف ويا ريلي واقوله صدقني انا لو اشوف حرامي باكون واقفة انطره بس يجي يذبحني

انا ريلي دوم مناوب ليل ما ارقد اتم اراقب الدرايش من دريشة لين دريشة ...........
الله لا يروينا اي مكروه

khaldoon

20-03-2011, 07:45 AM

موضوعج ذكرني بيوم من الايام كان كل اللي في البيت نايميين و انا متمدد على الكنباية اتفرج على التليفزيون الساعه 12 بالليل و مسكر باب الغرفه و كل شي هادي جدا جدا و كنت شبه نائم

و مره واحده اسمع صوت خبطة قوية جدا على باب الغرفه اللي انا فيها ....يعني مب باب البيت ولا صوت من بره....يعني اصبح الموضوع لاول وهلة حسيته انه اختراق لكامل البيت وصولا للغرفه اللي انا فيها ...قمت مذعور من هول الخبطة القويه على الباب و بدون اي نوع من انواع الاستعداد فتحة الباب فلقيت ابني عمره 7 سنوات صحي من النوم و يبي يروح الحمام اجلكم الله و متوه بالطريق و هو مستعجل مع انه الحمام في الجهة الثانيه و مب قريب من غرفة المعيشة فبدل ما يدخل الحمام جاي على غرفة المعيشة و مش شايف الباب المسكر و ضربه براسه و خلني انط من مكاني

رذاذ

20-03-2011, 08:06 AM

الخدم هم اساس المصايب .. صكي باب البيت وعيالج جمعيهم بحجره وحده والخدم معكم ... الين يرجع ابو العيال..

مشالله انا اشهد بمثل هالبلاغات الفزعة اول الموجودين مال لايقل عن 5 دقايق موجودين ... الله يعطيهم العافية
اتصير وايد ..

مره بعد حزة المغرب وطبعا بالعاده الاهل يطالعون تلفزيون ولا يدرسون .. ومع بدايه اليل .. تقريبا

سمعت صوووت ضربة قوية .. وانا غرفتي في مشاهده للباب وحوش البيت الامامي وليتات الحوش شغاله ..

طلعت لقيتهم كلهم موجودين بالبيت الا اختي الصغيره توقعت انها نايمه ومن كذا تطمنت عليهم بدايه ..

طلعت الحوش الا لقيت طشت الى يغلسون به عندنا اثنينه ومتحركين لنص الحوش ومادري من حطهم ..

شوي الا الطشت يرتفع عن الارض والثاني يرتفع عن الارض .. والركب عندي كنهم مسمار ولا يبون يتحركون من مكانهم ..

اشوي الا اسمع ((( فتحي يا وردة ... صكري يا ورده ونفس الصوت الضربة ))

طلعت اختي الصغيره تلعب مع بنت الجيران .. ومنخشين تحت الطشت ..

ما اوصف لكم ضربات القلب كيف كانت .. يومها اتذكر امتحانات الثانويه العامه وسقطت لأول مره بحياتي بمادتين التاريخ والشريعية هههههههههههههههههههههههههههههههه

شيط ويط

20-03-2011, 08:19 AM

الله يستر عليكم

باسكن روبنز

20-03-2011, 08:26 AM

اما اذا تعرفين المنطقه اللي انتي فيها
ينتشرون فيها المحششين والسكارى ف لازم تبلغين المركز

ولاتخافين من المتعاطين مايخوفون

شدراج ،:eek5:

باسكن روبنز

20-03-2011, 08:28 AM

المـرآه آلي تبقى دوم بروحهآ بالبيت ع آساس ظروف عمل زوجهآ وآخوانهآ ،

لازم تحتمي بعده خاصه للدفاع عن النفـس ،

وواجب ع محآرمهآ آنهم يدبرون لهـآ ،

الدوحه آمان لكن المشآكـل موجوده والحذر وآجب ،

آقول الله يخلي السوق الصينـي بـس ،:secret:

قدها وقدود

20-03-2011, 08:50 AM

اعتقد ان هذا تنبيه لج ..

فلازم اتركبين حدايد على كل الدرايش في البيت والاحتياط واجب

وكلمي الهنود ان مايطلعون من في الحوش ويقفلون كل البيبان قبل النوم

ولازم تحفظين الارقام المهمه في الجوال .. الشرطه الاسعاف الخ

الله يحفظكم وعليكم بالمعوذات

بنت الاول

20-03-2011, 08:57 AM

والله انا عن نفسي ما راح اشك بقدارتي ولو لحظة ...شي اسود وطويل يطل من الدريشة ...اول شي بدخل غرفة عيالي ...وبقفل على نفسي ومب مخليه اي احد في جوالي مب متصلة عليه يعني بتكون ليلة ولا في الخيال واذ ما حصلوا شي معناة اني لي شفته جني ما يبله تفكير ....وعن نفسي اخليه له البيت بكبره مب الدريشة بس .......شفتوا الشجاعة شسوي ............

الصريحه

20-03-2011, 08:58 AM

الحمد لله
موقف مايسر

راعي ال VXR

20-03-2011, 10:51 AM

http://www.muslimedia.net/images/d/d0/Quran_aya_2_255.png

طماطه

20-03-2011, 11:01 AM

صـارت لي .. بس مابلغــت الشــرطه ..

اكتفيت بالاتصال عــلى القريبين منــي .. واخرتــها يقولون مـــافي شــي .. والمشكله اني نفسج بـروحي فالبيت واليهــال رقــود ..

بس اغلب توقعاتنا انها قطــاوه لاني سمعت بس اصوات بدووون ماشوف شي ..

شبح الصمت

20-03-2011, 11:07 AM

الله يستر عليكم

هالموقف صار لأخوي

اهو حجرته برى البيت قعد مسكين يبي يدخل البيت الا يشوف واحد صوب المواتر يطلطل واخوي مسكين ذاك اليوم مريض وفيه صخونه ما يقدر يشل عمره المهم الا يناديه

يقوله هي انت تعال شتسوي قاله ولا شيء قاله تعال شنو ولا شيء ومسكين يتصل فيني وانا طبعا في سابع نومه المهم

تخيلوا يقوله اش تبي يقوله ادور مكان ارقد فيه قاله مكان ترقد فيه وداش بيوت العالم المهم يبي يلحقه ويحط رجله ويركض قلت له ليش ما بلغت قال ياخي انا بروحي اتصل فيك ومخي معتفس ..

ثاني يوم الصبح قالي السالفه قلت ابلغ الحين بيقولون لي ليش ما بلغت حزتها ,,

الحبيب يقولي قصير وشعره مفلفل ووحده من عيونه مضروبه يقولي استغفر الله العظيم شكله يخوف ,,

تحملوا تخلون البيبان الكبيره مبطله تحملوا

الدوحة امان والحمد لله بس في ناس اعوذ بالله ما تخاف

الألماسي

20-03-2011, 11:56 AM

سين سؤال لو دخل بيتي و ثورت عليه . . و فنقــّـش . .!

من الغلطان . .!

: $

شبح الصمت

20-03-2011, 11:57 AM

سين سؤال لو دخل بيتي و ثورت عليه . . و فنقــّـش . .!

من الغلطان . .!

: $

دفعا عن النفس

بس من وين لج مسدس الماي الي في يدج !!!!

:eek5:

رذاذ

20-03-2011, 12:00 PM

سين سؤال لو دخل بيتي و ثورت عليه . . و فنقــّـش . .!

من الغلطان . .!

: $

في حال السرقة والتعدي عليك وبيان انه مشاجره في يكون دفاع ع النفس .

في حال انه مغلط بالبيت او سكران او او .... الغلط عليك

الأفضل :telephone: تبلغ واذا تشاحن معك عليك به والأفضل تكون الاصابه مب انه يفنقش

هذا والله اعلم

حراير قطر

20-03-2011, 12:06 PM

لو منج بطلت الباب وقلت له حياك :omg:

واكون ماسكه شيء بيدي

واول ما يدخل اصكه على رأسه :secret:

هذا اذا كان من الانس :rolleyes2:

اقول شخبارج اختي :shy:

فرحة ايامي

21-03-2011, 04:46 PM

واقعية يمسيك بالخير

توقعت الدنيا تقوم ولا تقعد وتهب لنجدتك بعد هذا الموضوع .. وبدلاً من أن يصل موضوع الثورات الى الآلاف كان الأجدر بموضوعك أن يصل لالاف الردود .. ما بال القوم لا يفقهون.. صلاح الدين عشرون عاماً يؤسس البنية التحتية في فلسطين وبعد ذلك اعد جيوشه لمحاربة الصليبين.

بناء البيت من الداخل أهم من الخارج.

أنت تقولين أنا فتاة.. وحيدة في البيت مع أطفال هناك من تسلل الى منزلي في الليل أطل برأسه من النافذة وتصرخين في المنتدى ولا حياة لمن تنادي.

ماذا تريد الناس لكي تتفاعل مع هذه القضية هل تريد أن يذبحك الداخل مثلاً.. لا حول ولا قوة الا بالله .

شكرا لمن تفاعل مع قضيتك.. مع اني لا أعرف من أنت ولا تعرفينني ولكن أحزنني ندائك دون مجيب في حين القوميين يصفقون لموضوع الثورات.

وأنت في نظري أهم من أية ثورة كحالة انسانية.. اقرأي موضوع سهم بن سهم عن العمالة الوافدة كأن الكاتبة تشملك بالقضية.

حفظك الله وأطفالك ولا تخافي أبدا لا تخافي فالمجرم ذليل.

qatari555

21-03-2011, 11:02 PM

تتصل على احد من اهلها وامورها بتمشي

meeemz

22-03-2011, 12:28 AM

تحملي من الخدم خالي مره دخل بيته وسمع صوت دخل غرفه من الغرف لقى ريول تحت السرير طلعت الخدامه مدخله هندي صديقها

meeemz

22-03-2011, 12:29 AM

طبع قفل عليه وهو مايدري

الفكر الحر

22-03-2011, 01:17 AM

أقفل الأبواب تمام

أجهز أقرب سلاح

أتصل في أحد من أهلي و الجيران ( الأقرب اتصل فيه الأول )

اتصل على الأمن

النهار

22-03-2011, 03:02 AM

جربي هذه الطريقه ومجربه لوكان متلصص او حرامي مايوطط في المنطقه ويمكن مايطلع من بيته سنه وعمره مايفكر يدش بيت بعدها
لوعندش كاميرا فلاشها يكون قوي خلي الفلاش يشتغل ورا بعض ولو من بعيد الحرامي يقول في نفسه كم صوره هذى ماخذه انفذ بجلدك
هذه الطريقه قالت عنها جارتنا تقول ابوعيالها راح العمره بعد كم حوالي الساعه 2:30 الفجر سمعت خرشخشه والبيت دورين ماشافت شي جابيت الكميرا وهات ضرب فلاشات يمين وشمال الاتشوف هالنيبالي من كثر الخرعه يصفق في الطوف مو عارف من وين يطلع من كثر ماهو خايف مادرى من وين يطلع بيى يشقح من فوق الطوفه طاح برعه وتعور تعويره محترمه ولد جارهم توه راجع من عندربعه الايشوف هالنيبالي شقح وطاح من فوق الطوفه مو قادر يصلب طوله على طول امسكه وكم طراق اتصال بالشرطه جات خذته
وفي طريقه ثانيه ولعي شراخيه وقطيها في الحوش لو كان حرامي شرد ولو قطوه ماتوطط مره ثانيه