بنتي تبي تتخصص احصاء -ادارة

[امـ محمد]

السلام عليكم ورحمة الله وبركاته

الموضوع واضح قدامكم بنتي تبي تتخصص احصاء ادارة:telephone:

وللحين مترددة

هي تحب في الرياضيات وشاطره فيه

وهل تخصص مطلوب

وين تقدر تشتغل فيه

الله يوفقك كل من يرد علي ويرزقه الجنة :victory:

[bus3od]

اختي انا بتكلم عن جامعة قطر

ماعندنا شي اسمه تخصص احصاء اداره الاحصاء ماده من مواد الاداره بس مب تخصص

و ماده غلجه الصراحه ههههه

اذا هي تحب الرياضيات فأنصحها بالمحاسبه و الماليه تخصص حلو و مطلوب

هذا الي عندي و أتمنى باقي الاخوان يفيدونج بعد

[أم مريومه]

يوم الخميس كان في جامعه قطر يوم مفتوح للتعريف بالتخصصات
وكل تخصص فيه بروشور ومكتوب فيه كل شي حتى اماكن العمل مستقبلا

انا كنت اعرف بتخصصي للحضور وكان قسم ادارة واقتصاد والاحصاء يمي تقريبا ومالقيت وقت اقرا صراحه

الله يوفق بنتك انشالله وينولها الي في بالها

[الخـود]

لا اختي في تخصص احصاء عندنا
رفيجتي تخرجت من الجامعة و تخصصها احصاء وهو تخصص مو سهل بس حلو
وله مستقبل ومطلوب لان رفيجتي على طول اشتغلت لان في قلة في هالتخصص

بالتوفيق ان شالله

[مهل]

السلام عليكم

لاتغلطين غلطه ابهاتنا رحمة الله على الميتين منهم و يديم الصحه على الحيين .

كان المطلوب اهم شي انك تخلص جامعه وتقريبا اخر شي يجي في البال هو التخصص .

شخصيا درست ٣ تخصصات جامعيه و تخرجت عندي مواد زايده بسبب تغيير التخصصات .

نصيحتي خلي البنت هي الي تروح الجامعه و تبحث و تركز على اختيار التخصص من حيث العمل بعد التخرج .. الدراسه كلها ٤ سنين و تخلص .. اهم شي هي تعرف و تشوف وضع البنات الي مخلصين نفس التخصص الي هي تبيه . هل العمل ممتع و مناسب لها .

احلى شي تكون هوايه الشخص و ميوله هي تخصصه .
ولاتغترين في مدى شطارتها و درجاتها في ماده الرياضيات .
كما ذكرت انا غيرت تخصصات و السبب اني كنت جايب درجات عاليه جدا في المواد العلميه و هالشي غرني وخلاني اختار تخصص الهندسه و في الحقيقه كنت ميت على اني اتخصص اداره بعد ما احتكيت و عرفت بس للاسف على وقتي كان ممنوع طالب بتخصص علمي يحول الى تخصص ادبي بسبب له الطلبه الي مخلصين علمي في الثانوية.

خل تروح الجامعه و تلتقي مع البنات الي قريب يتخرجون من هالتخصص و تسئلهم مافيها شي خل تروح تلتقي مع دكتورات قطريات يدرسون هالتخصص و خل ينصحونها .
هذي تجربتي و نصيحتي و الله يوفقها بالدراسه و بالزوج الصالح :)

[إينشتاين]

تخصص الإحصاء موجود من سنة 2001 ومن ثم اضافوا عليه تخصص إحصاء-حاسب آلي وإحصاء-رياضيات ، والسنة هذي اضافوا تخصص إحصاء-إدارة اعمال واعتقد إنه افضل تخصص في الإحصاء.

التخصص مهوب سهل لكن إذا بنتك شاطرة في الرياضيات فما راح يكون عندها مشكلة في التخصص لأنه يعتمد بشكل اساسي على الرياضيات.

ومن ناحية المستقبل كل الي اعرفهم متخصصين إحصاء توظفوا على طول.

عندي سؤال: بنتك كم نسبتها وهل باستطاعتها تتخصص محاسبة لأني اشوفه اكثر تخصص مطلوب في سوق العمل.

اتمنى لها التوفيق وأهم شي تكون حابه التخصص وتحاول تكلم بنات من نفس التخصص وتسألهم اكثر.

والأهم من هذا كله الإستخارة فما خاب من إستخار.

[باسكن روبنز]

خلها تصلي وتستخير ،

وآذا مصره ومرتاحه على الآحصـآء خلها تقدم سبونسر في جهاز الآحصـاء عشان يمشون لها رآتـب ويتكفلون بمصاريف الكتب وغيره ،

لآن ع خبري آنهم محتاجين قطريين والمسأله كلها أتصال لقسم الموارد البشريه ،

الله يسهل لها دربهآ ويوفقهآ ،

[سما الوطن]

التخصص الجديد على ما اعلم ( هذا الفصل فقط تم اقراره )
واظنه تخصص له مستقبل ومطلوب بسوق العمل وبما ان بنتك شاطره بالرياضيات فلن تجد صعوبه بهذا التخصص حيث ان الاحصاء اسهل بمراحل عن الرياضيات

وعموما الافضل ان تستخير
والله يوفقها

[امـ محمد]

اول شي مشكورين فردا فردا شخصا شخصا رجلا رجلا امراة امراة

ترى نزلوا تخصص جديد احصاء ادارة

هي تحب الرياضيات وتخصص قالت لي كله رياضيات عموما الحمدالله جابت الايلز

بس للحين محتارة راحت سالت البنات اللي بالقسم وكلهم مدحوا لها القسم والتخصص

عموما انا مافي اي مشكلة بنسبة لي تدرس اللي تبي واللي هي تحبه لانه في النهاية هذا مستقبلها

بس من كلامكم التخصص جيد

وان شاء الله بتستخير

مشكورين اخواني اردها لكم =)

[ضي البدر]

أنصحج فيه أختي ام محمد وايد حلو التخصص ويمدحووونه وصج بتلاقي شغل وبسرعة خاصة في قطاع البترول .. والله يوفقها ونعم الأختيار.. واذا مارتاحت وعلى كلامج اتحب الرياصيات بعد عندها تخصص المحاسبة يدورونهم ادوارة والله يوفق كل طالباتنا ..

وموفقة انتي وبنتج يارب..:nice:

[باسكن روبنز]

مشكورين اخواني اردها لكم =)


العفــو ،
آآمممم دآمج بتردينهآ يالله خلج قدهآ وعرسيني بنتج ،:shy:










آمزح آمزح هههه والله يوفقهـآآآ وترفع رآسج عالـــي آن شالله ،

[Stars]

انا اللي اعرفه انها من مواد قسم الادارة يوم كنا ندرس بعين شمس
وهي مادة حلوة بس لو هي تحب الرياضيات خليها تتخصص بالمحاسبة
مادة حلوة ومستقبلها ماشي زي اللوز !!

[Stars]

انا اللي اعرفه انها من مواد قسم الادارة يوم كنا ندرس بعين شمس
وهي مادة حلوة بس لو هي تحب الرياضيات خليها تتخصص بالمحاسبة
مادة حلوة ومستقبلها ماشي زي اللوز !!

[رجل الجزيرة]

اذا هي تحب الرياضيات فأنصحها بالمحاسبه و الماليه تخصص حلو و مطلوب فالأفضل إنها تتخصص فيها.

[عناد2009]

اسمحيلي صاحبة الموضوع..
انا تخصص احصاء واشتغل محاسبه في وزارة وين تنصحوني اقدم اوراقي ؟

[شيط ويط]

دام التخصص جديد معناته مطلوب مستقبلا .. خليه اتوكل على الله دام تحب التخصص