..>>> مقــترح لصالات الافراح <<<...

[شبح الصمت]

بسم الله الرحمن الرحيم

,, اللهم صلي وسلم على سيدنا محمد وعلى آله وصحبـه وسلم ,,

>> أقــتـــراح لحل جزء من أزمـة الشباب / الفتيات المقبلين على الزواج <<


بدخل بالموضوع وهو ,, صالة وخيـمة أعراس في كل منطقه سكنيـة ,,

الحيـن ماشاء الله أعضاء المجلس البلدي والدور الي يقومون فيـه من أجل خدمة أهالي منطقتهم أو الأخد بآراء المناطق السكنيه التي تحت آيديهم ,,


إذا أمكن عمل الآتي ..
1- توفير أرض بمساحة من 3000 لغاية 5000 متر
2- بناء صالة أفـراح للنساء
3- تأجيرها بمبلغ لا يتجاوز 10 آلاف ريال ,,
4- توفير خيمة كبيرة للمعاريس بجميع معداتها


وبالتالي تكون أنحلـت جزء من مشكلة المقبلين على الزواج لانه صالات الافراح حاليا للحريم أقل صالة مع الأكل 50 ألف الى 150 ألف غير الكوشه والحركات ,,

فلو استطعوا عمل هذا المقترح والأخذ به بعين الأعتبار والجديه ,,

طبعا في ناس لهم وجة نظر ويبون في فنادق وفي ناس على قدهم وهذا الشيء مهب عيب ولا فيه مستحى مد ريلك على قد الحافك ,,

أو أن يتم عمل قطيـه من أهل المنطـقه والتبرع بأرض من أحد الأشخاص الذين لديهم القدره على دعم عيالنا وبناتنا ,,

والي عنده مقترح أفضل يعرضه ,,

صراحة جاء على بالي وقلت اطرحه يمكن يحصل له مكان ويطلع على النور ,,


ودعواتكم الطيبه لا تحرمونا منها

[شبح الصمت]

:fight::fight:

[Doha Sun]

كانت فيه صالة السلطان رخيصة والناس ذبحه عليها .. ماخلوها التجار اصحاب الصالة والهوامير انقفوها من مكانها كانت حالة ازمة ..
والله المستعان مافي حل الا( الخيام ) ولا العرس في البيت مثل اعراس اول

[شبح الصمت]

كانت فيه صالة السلطان رخيصة والناس ذبحه عليها .. ماخلوها التجار اصحاب الصالة والهوامير انقفوها من مكانها كانت حالة ازمة ..
والله المستعان مافي حل الا( الخيام ) ولا العرس في البيت مثل اعراس اول




أرحم الله والديج أختي

قصدي أنه كل منطقة تسوي لها صالة أفراح أو اذا ما يبون حق الحريم للشباب خيمه كبيرة وتكون تحت إدارة المسؤول عن المنطقه

تكلفه أقــل وخيمه راقيـه

خبرج الحين لازم المظهر الخارجي أهم من الداخلي

:secret:

[BeN QaTaR]

وآلله مآآفي إلآآ كل قبيلة إتحط مبلغ ويشتروون خيمة بكآآمل معدآآتهآآآ

عشآآآن لين صآآر عرس ف آلمنطقة إتكون آلخيمة موجودة وخلصنآآآ

خلنآآ إنسآآعد بعض مآآفي إلآ كذآآ

[شبح الصمت]

وآلله مآآفي إلآآ كل قبيلة إتحط مبلغ ويشتروون خيمة بكآآمل معدآآتهآآآ

عشآآآن لين صآآر عرس ف آلمنطقة إتكون آلخيمة موجودة وخلصنآآآ

خلنآآ إنسآآعد بعض مآآفي إلآ كذآآ




الله يجزاك خير

مقصدي من الكلام انه اهالي المنطقه آيا كانت القبايل الي تسكن فيها وغيرها وغيرها مب شرط قبيلة معيـنه يوكلون موضوعهم للمنتخب في منطقتهم وهو يقوم بالموضوع كامل ..

وشاكر لك مرورك

[Doha Sun]

تهقى بيصير اللي احنا نبغيه ولا اللي الهوامير يبغون ( الفنادق والصالات )

[sara jsm]

تعرف اخوي شنو احسن حل ,,
ان المقبلين عالزواج مايسون عرس ومظاهر مالها داعي ,,
يكتفون بعشى وطقطقه خفيفة بالبيت ( اشهار ) وخلااااااااااص ,,
هالحفلات شنو راح تضيف لحياه اي شخصين ؟؟ غير الديون !!
استانسوا وافرحوا بشكل مصغر في قاعات صغيرة ,, مب شرط 500 بطاقه موزعه :o

[موضي قطر]

وهم الأهل والبنات يفكرون بعقل في سالفة المهور وماصاحب الأعراس من مظاهر البذخ اللي ما انزل الله بها من سلطان

[toomi9]

خوش فكره
ننتظر التنفيذ

[شبح الصمت]

تهقى بيصير اللي احنا نبغيه ولا اللي الهوامير يبغون ( الفنادق والصالات )


شوفي اختي الانسان تختلف

في ناس ترضى بالخيام وفي ناس تبي صالات كبيرة كلا وفلوسه

وليش ما يخلونا دام القرار من العضو المرشح في المجلس البلدي

هذا اختي إلا اقتراح ينطرح على طاوله يا أما يحصل موافقه أو رفض

أقل ما فيها السعي فيه

والله يوفق الجميـع



تعرف اخوي شنو احسن حل ,,
ان المقبلين عالزواج مايسون عرس ومظاهر مالها داعي ,,
يكتفون بعشى وطقطقه خفيفة بالبيت ( اشهار ) وخلااااااااااص ,,
هالحفلات شنو راح تضيف لحياه اي شخصين ؟؟ غير الديون !!
استانسوا وافرحوا بشكل مصغر في قاعات صغيرة ,, مب شرط 500 بطاقه موزعه :o


اختي فرحة العرس لها جو ثاني يوم يقبل الواحد على الزواج ويكلم أهله وربعـه ويشوفهم حولينه أختي ترى والله أحساس وشعور ويفرحهم صج عزايم وخساير بس بالعقل والتفكير وعدم التعجل في التنفيذ يتم الوصول إلى الحد من التقليل من مصاريف الاعراس ..
وارحم الله والديج على المداخله

[شبح الصمت]

وهم الأهل والبنات يفكرون بعقل في سالفة المهور وماصاحب الأعراس من مظاهر البذخ اللي ما انزل الله بها من سلطان

امين امين


خوش فكره
ننتظر التنفيذ


يارب تطلع على واقع الحياة مب منحكره وسط هالصفحات ووسط هالمواضيع الكريمه والمنتدى العامر فيكم يارب وفي آرائكم ومقترحاتكم

[ضي البدر]

حلوة الفكرة ليش لا .. لكن للأسف كلام على ورق .. وياريت فعلاً حد هنا في المنتدى من المهتمين طبعاً يشوف ويهتم ويعطي الفكرة حقها في قبولها وهل ممكن تحقيقها على أرض الواقع ..

يعطيكم العافية وموفقين يارب ..:nice:

[Doha Sun]

خلنا نشوف اعضاء المجلس البلدي الجدد وش هو جديدهم

[شبح الصمت]

حلوة الفكرة ليش لا .. لكن للأسف كلام على ورق .. وياريت فعلاً حد هنا في المنتدى من المهتمين طبعاً يشوف ويهتم ويعطي الفكرة حقها في قبولها وهل ممكن تحقيقها على أرض الواقع ..

يعطيكم العافية وموفقين يارب ..:nice:



يعطيج العافيه

اختي ضي البدر لاحدن يستهين بمنتدى الاسهم القطرية

منتدى الاسهم القطرية فيه جحافله من عقول ومن مناصب ومن ومن ألخ ,,

فأتوقع كل شيء نكتبه يوصل لهم ويدرون فيه

بس نتمنى أن يوصل لهم

ويريح فئات المجتـمع من شبابنا المقبلين على الزواج

وعلى فكره يمكن أن ينتفع فيها بأمور أخرى ...

تدرين أمور أخرى ( مثل العزء )

محاضرات دينية ( للرجال / النساء )

ورشات عمل لاهالي المنطقة

مسابقات للاطفال

مسابقات للكبار

خلال الأعياد تنفتح ويتجمعون العالم ويسلمون على بعض

ليش ما يصير هالشيء اتوقع راح يجمع فئات كثيرة من الشباب والشابات احسن من الدواره والملل نروح نشارك صح والا لا



خلنا نشوف اعضاء المجلس البلدي الجدد وش هو جديدهم


:nice:

[الصايغة]

اخواني وخواتي بوفر عليكم المناقشة ما يعطون تصريح لقاعات افراح انا اعرف شخصية في البلد قدموا وما عطوهم قالوا أوامر عليا حاول يعرف من وين الاوامر العليا محد رد عليه ما في امل كلش لهالمشروع انه يصير

[شبح الصمت]

اخواني وخواتي بوفر عليكم المناقشة ما يعطون تصريح لقاعات افراح انا اعرف شخصية في البلد قدموا وما عطوهم قالوا أوامر عليا حاول يعرف من وين الاوامر العليا محد رد عليه ما في امل كلش لهالمشروع انه يصير


اختي ارحم الله والديج

هذه الشخص الي تكلمين عنه كان يبيه تجاري مشروع له يستفيد منه

هذه عضو المجلس البلدي التابع للمناطق الي تحت يده يقدر انه يتابع هالموضوع ما اتوقع أنه صعبة

أحنا طرحنا مشروع واتوقع يخدم المنطقه والمناطق الي حوله !

الله يجيب الي فيه الخير

[بويعقوب]

خوش فكره يالشبح :)

[شبح الصمت]

خوش فكره يالشبح :)


ارحم الله والديك يابويعقوب

هالافكار اطلعت بفضلكم ياخوك

وعلى وعسى تطبق على أرض الواقع

:)

[شبح الصمت]

أخواني خواتي الأفاضــل الكرام ,,

بعد التفكير في الفكره الي طرحتها حصلت في ثغرات واجد فيـها ,,

وهي كيفية التنسيق للأعراس لبعض الشباب أو بعض الفتيات عند وجود الصالة وعدم التضارب في مواعيد الأعراس لجميـع الأطراف وآراضهم ,,

فمدري هل فكرتي مؤيدين لها أن تكون صالة أفراح

أما أن تكون صالة لاقامة المحاضرات الدينية وما شابه ومسابقات للأطفال وغيرها من الأمور التي يستفيد منها المجتمـع ,,

ننتظر آرائكم ومقترحاتكم ,,

[بنQATARت]

ماشاء الله عليك يالشبح فكرتك وايد حلوة وعملية
وعندي اضافة عليها لو تسمح

بس لابد من تعاون اكثر من جهة

1- الأندية كل نادي ينشأ صالة ويخصصها لشباب النادي ومشجعية وسكان المناطق القريبة من النادي ويكون اجرها لايزيد عن 10 الاف ويكون دخلها للنادي لتطويره ودعم داخلي بدل ميكون كلة دعم من الحكومة

2- قاعات المدارس الرياضية لا يتم استغلالها فقط يكون استعمالها في الصباح اثناء الدوام فلو تم تأجيرها للحفلات الصغيرة والخطوبة او عشا أو حفل لأعراس الرجال سيكون دخل ثاني جيد لدعم المدارس التي تشتكي من الميزانية

3- يأتي دور البلديات كل بلدية وكل مرشح يجب ان يطالب بقطعة ارض وانشاء صالات افراح تكون البلدية مسؤولة عن القاعة وتنظيم المواعيد وايضاً يكون الريع لتطوير المنطقة واصلاح الشوارع ......

وسلامتكم

[شبح الصمت]

ماشاء الله عليك يالشبح فكرتك وايد حلوة وعملية
وعندي اضافة عليها لو تسمح

بس لابد من تعاون اكثر من جهة

1- الأندية كل نادي ينشأ صالة ويخصصها لشباب النادي ومشجعية وسكان المناطق القريبة من النادي ويكون اجرها لايزيد عن 10 الاف ويكون دخلها للنادي لتطويره ودعم داخلي بدل ميكون كلة دعم من الحكومة

2- قاعات المدارس الرياضية لا يتم استغلالها فقط يكون استعمالها في الصباح اثناء الدوام فلو تم تأجيرها للحفلات الصغيرة والخطوبة او عشا أو حفل لأعراس الرجال سيكون دخل ثاني جيد لدعم المدارس التي تشتكي من الميزانية

3- يأتي دور البلديات كل بلدية وكل مرشح يجب ان يطالب بقطعة ارض وانشاء صالات افراح تكون البلدية مسؤولة عن القاعة وتنظيم المواعيد وايضاً يكون الريع لتطوير المنطقة واصلاح الشوارع ......

وسلامتكم


ارحم الله والديج على الاضافة الطيبه والبنود الي ذكرتيها

اللهم وفقنا لما تحب وترضى