مواقف مضحكة لنا واحنا اصغار

[المليونير الفقير]

السلام عليكم ورحمة الله وبركاته


اخواني اخواتي لاحد يستحي ولاينحرج لان الصغار مرفوع عنهم القلم وماعليهم اي لوم فاتمنى الي يذكر موقف مضحك يذكره ودمتم سالمين

[رذاذ]

مره كسرت جرس الاندار مال الحريق في المرور مدينة خليفة .. كنت بصف ثالث ابتدائي

كان مكتوب لكسر الزجاج اضغط هنا ضغط الا صوووت الجرس ترررررررررررررررررر
وتصفقت تصفق من الوالد الله يرحمه لووووووووول

والناس تطلع ويشفون شسالفه وانا اصيح

[المليونير الفقير]

مره كسرت جرس الاندار مال الحريق في المرور مدينة خليفة .. كنت بصف ثالث ابتدائي

كان مكتوب لكسر الزجاج اضغط هنا ضغط الا صوووت الجرس ترررررررررررررررررر
وتصفقت تصفق من الوالد الله يرحمه لووووووووول

والناس تطلع ويشفون شسالفه وانا اصيح

ههههههههههههههههههههههههههههههههههههه مالج حل

[المليونير الفقير]

نريد مزيد من المواقف:nice:

[Miss]

يوم كنت صغيره كنت انا واختي نلعب على التانكي .. وكان فيه شوي ماي .. والدرام قبل كان له مغطاه سهل انك تبطلها وتسكرها .. قلت لها شرايج ندخل نلعب في الماي ههههههههههههههههه يوم دخلت سكرت عليها مغطاة الدرام وشردت ههههههههههههههههههههههههه يوم درت امي صطرتني تصطر :(

[حليتان*]

هههههههههههههههههه مالكم حل

[المليونير الفقير]

يوم كنت صغيره كنت انا واختي نلعب على التانكي .. وكان فيه شوي ماي .. والدرام قبل كان له مغطاه سهل انك تبطلها وتسكرها .. قلت لها شرايج ندخل نلعب في الماي ههههههههههههههههه يوم دخلت سكرت عليها مغطاة الدرام وشردت ههههههههههههههههههههههههه يوم درت امي صطرتني تصطر :(

هههههههههههه هاي نذاله:nice:

[المليونير الفقير]

كمان وكمان

[أبو الـمها]

يوم كنت صغيره كنت انا واختي نلعب على التانكي .. وكان فيه شوي ماي .. والدرام قبل كان له مغطاه سهل انك تبطلها وتسكرها .. قلت لها شرايج ندخل نلعب في الماي ههههههههههههههههه يوم دخلت سكرت عليها مغطاة الدرام وشردت ههههههههههههههههههههههههه يوم درت امي صطرتني تصطر :(

صراحه مالكم حل

[المليونير الفقير]

كمااااااااااااااااااان

[بصمة قطرية]

ذكرتوني يوم سببت عاهة مستديمة لأخوي وشردت بيت الجيران ..
جني ما سويت شي بريئة ..:secret:
المسكين لين اليوم الأثر موجود ..:weeping:
ضربته بحديدة في صبع رجله الإبهام ..
ثبتت الحديدة سيده في الأرض ..
أنا شفتها جذي وأخوي يصارخ والدم في كل مكان إختفيت عن الانظار ..
لين اليوم حاسة بتأنيب ضمير ..:weeping:

[بوسيف الهاجري]

رذاذ
طلع نثيه
:telephone:

[المليونير الفقير]

ذكرتوني يوم سببت عاهة مستديمة لأخوي وشردت بيت الجيران ..
جني ما سويت شي بريئة ..:secret:
المسكين لين اليوم الأثر موجود ..:weeping:
ضربته بحديدة في صبع رجله الإبهام ..
ثبتت الحديدة سيده في الأرض ..
أنا شفتها جذي وأخوي يصارخ والدم في كل مكان إختفيت عن الانظار ..
لين اليوم حاسة بتأنيب ضمير ..:weeping:

هههههههه لاتخافين ياما ناس فيهم علامات من شقاوة الصغر:nice:

[المليونير الفقير]

...... .....

[المليونير الفقير]

:waiting::waiting::waiting:

[أمير المحبه]

انه عندي موقف قديم صار لي

كوميدي شوي :)

اخبر مره على ايام ام سعيد كنت قاعد فالحوش تقريبا نص الليل

امبسط فالحوش المهم واحد يناديني من بعيييد يا فلاان يافلاان

اقوله من يقول محمد هاي واحد من الربع المهم

قلت له صبر الحين بجيك وحنا ايامنا مثل الحاراه

جوف شلون باب الحاره تقريبا جذي المهم طلعت وتميت اناديه محمممد

وينك يقولي احذا الشجر المهم رحت ورحت ورحت والمكان صخه ومضلم

هاي المحمد مابين اناديه مايرد والله ماتغشمر المهم اكثر من مره اناديه مايرد

رديت البيت البيت اتصلت فيه قلت له تستهبل انت قالي ليش قلت له السالفه

يقولي والله العظيم ماطلعت من البيت وساعتها عرفت السالفه

اثري اللي يناديني كان جني شرايك فالقصه حلوه :)

[الحياة الخالدة]

أيــام ما كنت في مرحلة الطعش ( قبل العشرينات ) ( الله يرحم ذيج الأيام ) ..
كنا رايحيــــن بيت جدي ( الله يرحمه و يغفر له ) ..
و جدتي ( الله يرحمها و يغفر لها ) طبعا على ذيج الأيام كانت تربي غنم و دياي و بط في البيت ..

المهـــم ان اليهال كانوا يستانسون لما تطلع لهم المواليد الصغار من الغنم ( مادري العنز مادري شيسمونها ) .. :nice:

شلكم بطولة السالفة ..
طلعت جدتي من الحوطة تويس صغير في الحوش .. و انا واقفة من بعيد متخرعــة ..
كلهم قالوا لي تعالي ما يسوي شي .. ما يقدر يقوم من مكانه .. و هو أصلاً مريض ..
و هو مسوي نفسه وديع و منكســــر ..
مني مناك لين تشجعت و قربت .. توني بقعد يمهم ..
و الا يقوم من مكانه ( شقول عنه ) .. و يركض وراي .. :eek5:
دوروني عاد انا من الخوف ما تبين الا غبرتي ..

و من يومها صار عندي عقدة من كل الحيوانات ( الله يعزكم ) و الطيور و الحشرات ..
الصاحــــي منهم و المريض .. القوي و الضعيف .. :secret:
دنيــــا ما فيها أمان .. و الثقة انعدمت نهائي ..

[toghma]

بااااااال يا كثرها المواقف وانا اصلا شخص شيطان :)
بذكر شئ عن الحيوانات دامكم لين الحين على نفس الموجة

كان عمري 14 سنة رحت مع ربعي حضيرة في (الروضة) يوم كانت بررررر ، وهناك الناطور كل اسبوع يركبنا الحصان ويخلينا نأكله مكعبات سكر ، في اسبوع رحنا والناطور ما كان موجود استغلينا الفرصة وفتحنا علبة السكر وقمنا نعطيه والحصان ما يقول ( لا ) ، لين ما خلص القوطي ونفس الوقت وصل الناطور والمفاجأة ، ، ، ، الحصان صاده اسهال !!! ـ مب اسهال مثل إلي يصيدنا ، ، لكن ذي كأنه (ولف ) مفتوح وشاردين عنه ـ هههههههه ـ امحق تشبيه .
بس ما انطقينا من أحد .

[ضي البدر]

انا من يوم يومي ذربة وعاقلة وهادية ومخي كبير ويوزن قطر كلها .. هم هم.. محد مثلي ولا حد بيصير مثلي ..دوم الي يشوفني يقول سابقة عمري .. احم لا حد يطقني بعين !!:shy::tease::shy:

[هبوب الكوس]

ذكرتوني يوم سببت عاهة مستديمة لأخوي وشردت بيت الجيران ..
جني ما سويت شي بريئة ..:secret:
المسكين لين اليوم الأثر موجود ..:weeping:
ضربته بحديدة في صبع رجله الإبهام ..
ثبتت الحديدة سيده في الأرض ..
أنا شفتها جذي وأخوي يصارخ والدم في كل مكان إختفيت عن الانظار ..
لين اليوم حاسة بتأنيب ضمير ..:weeping:







أيــام ما كنت في مرحلة الطعش ( قبل العشرينات ) ( الله يرحم ذيج الأيام ) ..
كنا رايحيــــن بيت جدي ( الله يرحمه و يغفر له ) ..
و جدتي ( الله يرحمها و يغفر لها ) طبعا على ذيج الأيام كانت تربي غنم و دياي و بط في البيت ..

المهـــم ان اليهال كانوا يستانسون لما تطلع لهم المواليد الصغار من الغنم ( مادري العنز مادري شيسمونها ) .. :nice:

شلكم بطولة السالفة ..
طلعت جدتي من الحوطة تويس صغير في الحوش .. و انا واقفة من بعيد متخرعــة ..
كلهم قالوا لي تعالي ما يسوي شي .. ما يقدر يقوم من مكانه .. و هو أصلاً مريض ..
و هو مسوي نفسه وديع و منكســــر ..
مني مناك لين تشجعت و قربت .. توني بقعد يمهم ..
و الا يقوم من مكانه ( شقول عنه ) .. و يركض وراي .. :eek5:
دوروني عاد انا من الخوف ما تبين الا غبرتي ..

و من يومها صار عندي عقدة من كل الحيوانات ( الله يعزكم ) و الطيور و الحشرات ..
الصاحــــي منهم و المريض .. القوي و الضعيف .. :secret:
دنيــــا ما فيها أمان .. و الثقة انعدمت نهائي ..






انا من يوم يومي ذربة وعاقلة وهادية ومخي كبير ويوزن قطر كلها .. هم هم.. محد مثلي ولا حد بيصير مثلي ..دوم الي يشوفني يقول سابقة عمري .. احم لا حد يطقني بعين !!:shy::tease::shy:


http://www.lebaneseinisrael.com/X/wp-content/uploads/2009/10/P479531.jpg

[نوفا91]

^^^^
عسى بس مافي اصابات !!

[المليونير الفقير]

اشكركم على المرور وعلى هالسوالف الحلوه الي ماتنمل


ونريد المزيد:ok2:

[الباحثة م]

انه عندي موقف قديم صار لي

كوميدي شوي :)

اخبر مره على ايام ام سعيد كنت قاعد فالحوش تقريبا نص الليل

امبسط فالحوش المهم واحد يناديني من بعيييد يا فلاان يافلاان

اقوله من يقول محمد هاي واحد من الربع المهم

قلت له صبر الحين بجيك وحنا ايامنا مثل الحاراه

جوف شلون باب الحاره تقريبا جذي المهم طلعت وتميت اناديه محمممد

وينك يقولي احذا الشجر المهم رحت ورحت ورحت والمكان صخه ومضلم

هاي المحمد مابين اناديه مايرد والله ماتغشمر المهم اكثر من مره اناديه مايرد

رديت البيت البيت اتصلت فيه قلت له تستهبل انت قالي ليش قلت له السالفه

يقولي والله العظيم ماطلعت من البيت وساعتها عرفت السالفه

اثري اللي يناديني كان جني شرايك فالقصه حلوه :)

بسم الله .. هاي كوميدي !!!!!

[الحياة الخالدة]

http://www.lebaneseinisrael.com/X/wp-content/uploads/2009/10/P479531.jpg


كل يرى الناس بعيــــن طبعــه .. :secret:


اشكركم على المرور وعلى هالسوالف الحلوه الي ماتنمل


ونريد المزيد:ok2:


حياك اللــــه ..
شاركنا بمواقفــــك عاد .. :secret:

[مونديال]

احسن شي احنا نتسبح في درام الماي حق البنيان
وصاير لونه اخضر والبعوض يسبح فيه
واحنا متعجبين من وين هل سمك لصغير دخل
والي تنصاد على طول نبلعها ... الله سلمنا ... مادري عشان على نياتنا ولا العبط ولا الغباء الزايد

[المليونير الفقير]

احسن شي احنا نتسبح في درام الماي حق البنيان
وصاير لونه اخضر والبعوض يسبح فيه
واحنا متعجبين من وين هل سمك لصغير دخل
والي تنصاد على طول نبلعها ... الله سلمنا ... مادري عشان على نياتنا ولا العبط ولا الغباء الزايد

ههههههههههههههههههههههههههه الله سلم

[حـ ن ـيـ ن]

لعبة من المفتش انا المفتش دور على اللص

اكيد انكم لعبتوها:nice:

العجيب اني في كل مرة اطلع اللص وكل مرة المفتش يقول حـ ن ـيـ ن اللص :(

واتعاقب على حسب شروط اللعبه ...:cry2:

وكنت افكر ليش كل مرة انا اللص :con2: و وشلون يدري انه انا اللص:eek5:

وبعدها اذا بالاوراق على الارض وشلتهم

والصدمة ان كل الاوراق مكتوب فيها حرامي:anger1:

[المليونير الفقير]

لعبة من المفتش انا المفتش دور على اللص

اكيد انكم لعبتوها:nice:

العجيب اني في كل مرة اطلع اللص وكل مرة المفتش يقول حـ ن ـيـ ن اللص :(

واتعاقب على حسب شروط اللعبه ...:cry2:

وكنت افكر ليش كل مرة انا اللص :con2: و وشلون يدري انه انا اللص:eek5:

وبعدها اذا بالاوراق على الارض وشلتهم

والصدمة ان كل الاوراق مكتوب فيها حرامي:anger1:

ههههههههههههه صادوك فزاويه :nice:

[أمير المحبه]

بسم الله .. هاي كوميدي !!!!!

ليش انا لقيت شي كوميدي وقلت لا :weeping:


بتذكر ورد :)

[R 7 A L]

في الثمانينيات يوم كان عمري 11 سنة
كنت في ذاك الوقت مدلل من الوالد الله يرحمة واي شي ابغية من اخواني الكبار ينفذونة بدون نقاش
المهم كنا مخيمين صوب دخان وطلعت انا واخوي الكبير على جمس ومعنا الخيام بعد ماعبينا بترول في محطة الشحانية قلت لخوي ابي اسوق وحنيت علية قال الحين انزل للبقالة وبعدين بنشوف المهم بعد مارجعت مشينا يوم تعدينا دوار الشحانية حنيت علية لين وافق المهم اول ماسقت السيارة وكنت حافي :shy: يمكن مشينا كيلوين ولا سيارة الشرطة ورانا ومشغلين الونان والرمقات انا هنا خفت قلت لة ويش اسوي قال وقف اول ما وقفت جانا شرطي وقال انزل قلت ماقدر :weeping: قال اقول لك انزل نزلت وانا حافي وكان منظري يحزن ويضحك بنفس الوقت المهم قال لخوي خلاص هالولد بنودية معنا للمركز وانت توكل على الله انا هنا بغيت ابكي خنقتني العبرة مادري وين بيودوني اخر شي اخوي وين لاحظ اني باصيح قام وكلم الشرطي وقال لة خلاص اخرمرة وامسحها في وجهي وبعد الزور وافق الشرطي هنا قالت للشرطي والله العظيم وقمت احلف لة انة خلاص ماراح اسوق لين اخذ ( الكتشة )

عاد بعدها بكم سنة اخوي علمني وقال هذا مقلب مسوية مع رفيقي الشرطي يوم نزلت للبقالة :anger1::anger1:

قالت عموماً مقلب ولا مو مقلب ماراح اتعودها

[نوفا91]

في الثمانينيات يوم كان عمري 11 سنة
كنت في ذاك الوقت مدلل من الوالد الله يرحمة واي شي ابغية من اخواني الكبار ينفذونة بدون نقاش
المهم كنا مخيمين صوب دخان وطلعت انا واخوي الكبير على جمس ومعنا الخيام بعد ماعبينا بترول في محطة الشحانية قلت لخوي ابي اسوق وحنيت علية قال الحين انزل للبقالة وبعدين بنشوف المهم بعد مارجعت مشينا يوم تعدينا دوار الشحانية حنيت علية لين وافق المهم اول ماسقت السيارة وكنت حافي :shy: يمكن مشينا كيلوين ولا سيارة الشرطة ورانا ومشغلين الونان والرمقات انا هنا خفت قلت لة ويش اسوي قال وقف اول ما وقفت جانا شرطي وقال انزل قلت ماقدر :weeping: قال اقول لك انزل نزلت وانا حافي وكان منظري يحزن ويضحك بنفس الوقت المهم قال لخوي خلاص هالولد بنودية معنا للمركز وانت توكل على الله انا هنا بغيت ابكي خنقتني العبرة مادري وين بيودوني اخر شي اخوي وين لاحظ اني باصيح قام وكلم الشرطي وقال لة خلاص اخرمرة وامسحها في وجهي وبعد الزور وافق الشرطي هنا قالت للشرطي والله العظيم وقمت احلف لة انة خلاص ماراح اسوق لين اخذ ( الكتشة )

عاد بعدها بكم سنة اخوي علمني وقال هذا مقلب مسوية مع رفيقي الشرطي يوم نزلت للبقالة :anger1::anger1:

قالت عموماً مقلب ولا مو مقلب ماراح اتعودها

ههههههههههههههههههههه ياحرااااام ...صراحه اخوك ذيب وعرف اشلون يسنعك هههههه:tease:

[ضي البدر]

أكره حصة عندي التدبير المنزلي وخاصة قسم الخياطة والي يقهر أكثر ان رفيجاتي مب معاي في القسم الأول كنت حزينة وبروحي وكم مرة كلمت الأبلة عشان اتغيرني بس عاندت ومارضت.. المهم كانو يطلووون علي من المطبخ ويحروووني ان أبلتهم مو موجودة واحنا كانت أبلتنا تعجن اتعلمنا طريقة العجين وسوينا فطاير وقسمتنا ل4 مجموعات وكان دوووم بعد مانخلص انطرش الأكل حق المعلمات أو الضابطة والفراشات بعد .. انا اشسويت!!! كل الفطاير الي عندي بمجموعتي لفيتهم بدووون حشوة وكبرتهم بعد وبعضهم تدرووون اشحطيت فيهم!! خيووووط من قسم الخياطة:eek5: .. سوري لوعت اجبودكم تخيلو في ابلة اول ماكلت الفطيرة طلع لها خيوط صارخت ورجعت عبالها شعر وحدة من البنات<< اخيـــــــــــــــــــــــــــــــــــــــــــــــ ــــــــه.. والي عند الضابطة فاضية شنو الأبلة طنقرت وعصبت بس محد اعترف وخسست في الدرجات وماخذينا حصتها مرة ثانية وقالت مابيكم وطبعاً غير الزفة الي خذيناها.. بس شنو كنت خايفة.. أحسن يستاهلووون ليومكم مايدرووون..:tease:

آسفة عالإطالة .. ويعطيكم العافية ..:nice:

[الحياة الخالدة]

انا من يوم يومي ذربة وعاقلة وهادية ومخي كبير ويوزن قطر كلها .. هم هم.. محد مثلي ولا حد بيصير مثلي ..دوم الي يشوفني يقول سابقة عمري .. احم لا حد يطقني بعين !!:shy::tease::shy:


ههههههههههه ضيوووونة ..

واضح جداً .. واااااااضح انج كنتي عاقلة ..
يا سلام فطاير بحشوة الخيوووط .. و لا أحلى .. :secret:

[ضي البدر]

ههههههههههه ضيوووونة ..

واضح جداً .. واااااااضح انج كنتي عاقلة ..
يا سلام فطاير بحشوة الخيوووط .. و لا أحلى .. :secret:



هلا عيني .. هذا من طيب أصلج فديتج..:shy: عطينا من الزين..!! هاه حكي مخج اشوي طلعي شطانتج.. نـــــــــــــــــــــــاطرينج..:tease:

[بصمة قطرية]

http://www.lebaneseinisrael.com/X/wp-content/uploads/2009/10/P479531.jpg

خلك بعيد لا يطيرك الصــاروووووووووخ ~ :tease::tease:

[الحياة الخالدة]

هلا عيني .. هذا من طيب أصلج فديتج..:shy: عطينا من الزين..!! هاه حكي مخج اشوي طلعي شطانتج.. نـــــــــــــــــــــــاطرينج..:tease:


عطيتكــــم يالغالية ..
ردي رييــــوس و اقري .. :nice:

[toghma]

أكره حصة عندي التدبير المنزلي وخاصة قسم الخياطة والي يقهر أكثر ان رفيجاتي مب معاي في القسم الأول كنت حزينة وبروحي وكم مرة كلمت الأبلة عشان اتغيرني بس عاندت ومارضت.. المهم كانو يطلووون علي من المطبخ ويحروووني ان أبلتهم مو موجودة واحنا كانت أبلتنا تعجن اتعلمنا طريقة العجين وسوينا فطاير وقسمتنا ل4 مجموعات وكان دوووم بعد مانخلص انطرش الأكل حق المعلمات أو الضابطة والفراشات بعد .. انا اشسويت!!! كل الفطاير الي عندي بمجموعتي لفيتهم بدووون حشوة وكبرتهم بعد وبعضهم تدرووون اشحطيت فيهم!! خيووووط من قسم الخياطة:eek5: .. سوري لوعت اجبودكم تخيلو في ابلة اول ماكلت الفطيرة طلع لها خيوط صارخت ورجعت عبالها شعر وحدة من البنات<< اخيـــــــــــــــــــــــــــــــــــــــــــــــ ــــــــه.. والي عند الضابطة فاضية شنو الأبلة طنقرت وعصبت بس محد اعترف وخسست في الدرجات وماخذينا حصتها مرة ثانية وقالت مابيكم وطبعاً غير الزفة الي خذيناها.. بس شنو كنت خايفة.. أحسن يستاهلووون ليومكم مايدرووون..:tease:

آسفة عالإطالة .. ويعطيكم العافية ..:nice:


الله لا يهينج ـ ممكن تطبخين لنا بلاليط :)

[roma27]

والله رجعتتونا لايام زمان اذكر يوم كنت بالاعداديه كنت مش مذاكر القصبده وقالي المدرس يافلان سمع القصيده كان احط لكتاب داخل درج الطاوله وانا اشوف من الكتاب وبعد نصف من التسميع الا المدرس واقف وراي ونا مادري قاعد اسمع عاد تصور ويش سارلي ؟؟؟؟؟

[toomi9]

خخخخخخ
اخبر موقف صارلي من كم سنه
كان عندنا عزكم الله كلب كله شعر
يعني تحسونه متين من شعره بس هو ضعييف ونتبفه
وكنا حاطيفه فغرفه فـ الحوش وباب الغرفه حديد نفس باب السجن << ماتعرف تشرح شلون الباب خخخ
المهم
عاد مره كنت اتمشى فالحوش بريحااتي
الا الكلب مطلع راسه
انا عقدتي الحيوانات واخاف منهم
انا قلت لااا شمتن مايطلع من الباب
لفيت الا اسمع تك تك << ركضته
لفيت لاا اخ وراي
يركض يلحقني
وانا اررركض
واصااارخ
انادي الخدامات مافي حد معطني ويه
اركض وهو وراي مادري كم لفه ماخذه عـ البيت اخر شي
امي طلت علي من الدريشه تقولي شفييييج وانا اركض اقول يلحقني يلحقني طرشي الخدامات خخخخخخخ الكلب ضعفني هلكت من الركيض خخخخخخخخ

[المليونير الفقير]

يعطيكم العافيه والشعب يريد المزيد

[بو خليفه 123]

ايام الثانويه (اول ثانوي اتوقع) كنت ادخن و اذكر في احد الاماكن كنت داخل مكان عام و الزقاره في فمي ..

الا اعيّن الوالد رحمة الله عليه جالس في اول كرسي في ذاك المكان و يناظرني من بعيد ..

من زود الخوف طفيت الزقاره داخل فمي :(


الحمدالله عدت على خير ما صادني .. و ابشركم تركت التدخين :nice:

[بوسيف الهاجري]

ايام الثانويه (اول ثانوي اتوقع) كنت ادخن و اذكر في احد الاماكن كنت داخل مكان عام و الزقاره في فمي ..

الا اعيّن الوالد رحمة الله عليه جالس في اول كرسي في ذاك المكان و يناظرني من بعيد ..

من زود الخوف طفيت الزقاره داخل فمي :(


الحمدالله عدت على خير ما صادني .. و ابشركم تركت التدخين :nice:

عيني بعينك
:pilot:

[بـــــــنت النوخـّــــذه]

اههههه ضحكتوني والله استمتعت بقراءه سوابقكم يالشياطين :p

صراحه انا وايد لي مواقف مع التفهي 00
عموما خلوني امشي معاكم حبه حبه وكل ما تشجعت بدخل اقط شي 00:shy:

المهم كان يامكان في قديم الزمان بنت اسمها (0000) الي اهي بنت النوخذه كانت هذه الفتاه تكره ان ترى عصفور او حمامه في قفص <<<اففففففف يملل هالاسلوب باقلب عامي

عاد انا ماداني اشوف طير محبوس بقفص وكان في بيتنا في الحوش ابوي حاط قفص فيه طيور صغار يعني مجموعه قفاص وكل قفص فيه طيور صغار نطرتهم ينامون كلهم وهووووووووووووب الفجر قمت تسحبت وطيرت الطيور كلهم وشردت طلعت غرفتي والا الصبح اسمع ازعاج يبحثون عن المجرم والفاعل :D:D ولي يومكم هذا مايدرون من الفاعل

مادري تجيني ضيقه اذا شفت عصفور داخل القفص احس اني انا الي داخل مهب اهو :weeping:00

وسالفه ثانيه بما اني في نفس موضوع الطيور 00جماعتي من هواه القنص واقتناء طيور الصيد المهم واحد منهم دخل الطير معاه الصاله وحطه احذاه على زاويه ونزلت من غرفتي اتمخطر وجيت جلست بالكرسي الي احذى الطير سبحان الله والله اني ماشفته كلش لان الكراسي كانت بنيه وماركزت ماشوف الا ذاك الي نفض جناحه:eek5: اقسم الله ان بغيت استنزل بالارض خفت خوف زين ما استخفيت :anger1: ولا الي كان شايل الطير ميت ضحك منسدح على الارض واخته ماتعرف تحبي ولا تركض خلاص وقفت كل الحواس عندي :anger1:

الى اللقاء في الحلقه القادمه :nice:

[شويهينــه]

وسالفه ثانيه بما اني في نفس موضوع الطيور 00جماعتي من هواه القنص واقتناء طيور الصيد المهم واحد منهم دخل الطير معاه الصاله وحطه احذاه على زاويه ونزلت من غرفتي اتمخطر وجيت جلست بالكرسي الي احذى الطير سبحان الله والله اني ماشفته كلش لان الكراسي كانت بنيه وماركزت ماشوف الا ذاك الي نفض جناحه:eek5: اقسم الله ان بغيت استنزل بالارض خفت خوف زين ما استخفيت :anger1: ولا الي كان شايل الطير ميت ضحك منسدح على الارض واخته ماتعرف تحبي ولا تركض خلاص وقفت كل الحواس عندي :anger1:

الى اللقاء في الحلقه القادمه :nice:

:funny::funny::funny:

تذكرت موضوع قديم يشابه هالموضوع بدوره عشان تشوفون مواقف الاعضاء القدامى:tease:

[مستر بن]

ايام الثانويه (اول ثانوي اتوقع) كنت ادخن و اذكر في احد الاماكن كنت داخل مكان عام و الزقاره في فمي ..

الا اعيّن الوالد رحمة الله عليه جالس في اول كرسي في ذاك المكان و يناظرني من بعيد ..

من زود الخوف طفيت الزقاره داخل فمي :(


الحمدالله عدت على خير ما صادني .. و ابشركم تركت التدخين :nice:



الحمد لله ,, انك.. تركت ,,


انا مرة وحده جربت التدخين ف صف خاامس ,, وورى مسجد عمي ,,

هندي مر ,, كناا نسميية ,, ممدوو ..
خخخخخخخخخخخخ

بس زقرت ف مالتة ,,

[ألماسة]

أيام كنت ثالث ثانوي

في يوم جات ابلة الرياضيات وخذتنا الحصة الثانية والثالثة ونص الفرصه والرابعه .. والحصة الخامسة كانت كيمياء

تخيلوووو 3 حصص رياضيات ورا بعض :eek5:

وغير هذا كلت نص الفرصه علينا ... عاد انا عصبت وقلت لربعي والله ماحضر الحصة الرابعة ولازم تكونووون معاي :anger1:

كنا 3 بنات ... تمينا نتمشى وندش الصفوف اللي ماعندهم شي ونتخشش وانتو بكرامة بالحمامات بعيدا عن اعين الضابطات ... المهم مانحضر الحصة الرابعة

لييييييين نهايتها الا نسمع بالمايك : فلانه بنت فلان .. وفلانة بنت فلان ... وفلانة بنت فلان الحضور لمكتب المديرة حااالاً

ويتكرر النداء 3 مرات ( انفضحنا بالمدرسه )

نروح مكتب المديرة ... وهي معصبه حدها علينا والشرار يطلع منها .. ومتحلفة فينا عدل

الا تقول خلني بس اشوف درجاتكم نازلة في امتحانات الفصل الاول ( كنا 2 راسبات في المواد العلمية ووحدة منا ناجحة وبنسبه حلوة ماشاء الله )

تجي على اول اسم وكانت رفيجتي ... الا المديرة تهاوشني انا وتصارخ ... الا اقولها لو سمحتي مب انا فلانه ... واشر على رفيجتي عاد تلف عليها وتكمل صراخ

يجي الاسم الثاني وكان اسمي عاد المديرة على بالها اني انا الشاطرة .. وتلف على رفيجتنا اللي نسبتها حلوة وتهاوشها على انها انا :nice:

مسكينة رفيجتي تبي تنطق وتقول لها انا فلانة اللي نسبتي عاليه والمديرة مب معطتها مجال وتقول لها جــــــــــــــــــــــــــــــب ولج ويه بعد تبين تتكلمين وتردين...؟

وانا منفجررره ضحك خلاص بموت من الضحك وقتها

لين اخر شي جات تقول لي وانتي يافلانة ( اسم رفيجتي ) مفروض تكونين انتي العاقلة واللي تنصحينهم مب هم اللي يخربونج

ماتدري اني انا اساس البلا ههههههههه

المواقف وايد ... بس هالموقف من اكثر المواقف اللي لازال يتردد على ذاكرتنا انا وربعي فديتهم :victory:



وسوووري ع الاطالة حاولت اختصر بس ماعرفت :omen2:

[بـــــــنت النوخـّــــذه]

:funny::funny::funny:

تذكرت موضوع قديم يشابه هالموضوع بدوره عشان تشوفون مواقف الاعضاء القدامى:tease:

:anger1::anger1::anger1::anger1:

ترى يشبه الطير الي بتوقيعج

وعلى فكره الموضوع الي تقولين عنه اعتقد علقت فيه بنفس القصه خخخخخخخ

[المليونير الفقير]

اشكر الجميع على هالسوالف الحلوه ونريد المزيد

[بـــــــنت النوخـّــــذه]

عدنــــــــــــــــــــا مع الفضايح من جديد:nice:

عدوي اللدود الزهيوي00:anger1:0

من كثر ما انا اكرهه كره كره كره كره صادتني حاله نفسيه مره انزلت خصله من شعري على ارقبتي كان اوجه لرقبتي بكل ما اوتيت من قوه ضربه قوووووووووووووويه من الخوف حسبت هالخصله زهيوي صج ذيج المره من الصدمه:eek5: ماحست بالالم كثر ما انا فرحانه انه مهب زهيوي مع ان ضربتي قويه يعني يدي لين اضربت ماترحم :whistling:

الى اللقاء في الحلقه القادمه

[راعي ال VXR]

مررره خالي الله يرحمه ودانا بحر الغاريه انا وعيال العم على وقت الظهريه هاي تقريبا قبل 25 سنه فاااا ماحسبنا حسابنا انه بنتسبح المهم وصلنا شوي الا تشوقنا ونبي ننزل البحر ومافي هافات قمنا نزلنا بصراولينا والعالم بهافاتهم حوالينا وبعد ساعتين والا الخال قاعد يصارخ ويقول اطلعووو خلااااص بنرد بيوتناااا وحنا نستحي نطلع وكل شي مكشوف والخال معصصصب اطلعوو:anger3:.... قلنا له ياخال نستحي مافي مجال لين جا وقت الغروووب ... طلعنا

[المليونير الفقير]

مررره خالي الله يرحمه ودانا بحر الغاريه انا وعيال العم على وقت الظهريه هاي تقريبا قبل 25 سنه فاااا ماحسبنا حسابنا انه بنتسبح المهم وصلنا شوي الا تشوقنا ونبي ننزل البحر ومافي هافات قمنا نزلنا بصراولينا والعالم بهافاتهم حوالينا وبعد ساعتين والا الخال قاعد يصارخ ويقول اطلعووو خلااااص بنرد بيوتناااا وحنا نستحي نطلع وكل شي مكشوف والخال معصصصب اطلعوو:anger3:.... قلنا له ياخال نستحي مافي مجال لين جا وقت الغروووب ... طلعنا

هههههههه كان غمضت وطلعت.......................شدخل:p