المساعد الشخصي الرقمي

مشاهدة النسخة كاملة : أحسن مطعم ؟


pink pearl
20-03-2011, 04:14 PM
السلام عليكم ورحمة الله


أنا عندي مناسبة بسيطة وودي أعزم أفراد عايلتنا على العشاء في مطعم راقي وحبذا لو كان مسكر نقدر نآخذ راحتنا فيه :
اللي في بالي لحد الحين هو :

فينيسيا - بندروزا - هل فيه اقتراحات بعد ؟ وكم أسعارهم ؟ اشرايكم ؟
وشنو الأحسن بوفيه ولا طلب ؟

ويعطيكم العافية
بصمة قطرية
20-03-2011, 04:17 PM
على حسب نوع الأكل ..
يعني شامي - هندي - بحري ....
مطعم الربوة أكله وايد حلو وأعتقد في جلسات عائلية .
راعي البيرق
20-03-2011, 04:17 PM
نجمة الهند
بوسيف الهاجري
20-03-2011, 04:18 PM
مطعم حمود الي في فريق بن عمران
خوش سبجي عنده
راعي البيرق
20-03-2011, 04:19 PM
ولا مطعم بدرية في فريج محمود
فيزيائية
20-03-2011, 04:24 PM
عندج مطعم فندق الليوان بصراحة حلو وبوفيهه سعره زين
وانا لو منج مافي احلى من باربيكيو بالبيت مع هالجو الحلو !
أخو من طاع ربه
20-03-2011, 04:28 PM
آووه عجيب مطعم بخاره وفيه مكان للعائلات وسعره ااوكي
Realistic
20-03-2011, 04:28 PM
مطعم كرافان اظن عندهم مكان مسكر للمناسبات الي مثل هاذي

همم مطعم المجلس اخبر كان عندهم مناطق مسكره للعوايل بس مادري اذا للحين وله لا ..
(العديم)
20-03-2011, 04:30 PM
كلها مطاعم أكل عليها الدهر وشرب مافيه شي جديد ؟؟؟؟؟؟
خليفـة
20-03-2011, 04:31 PM
مطعم بخارة
صوب التنس والاسكواش
شغل مرتب ومكان راقي
وسعره معقول

بالعافية ان شاء الله

:)
بصمة قطرية
20-03-2011, 04:32 PM
في مطعم هندي في ابراج ازدان ..
للأسف ما اذكر اسمه ..
اكله رهيييييييييييييييييب ..
وفي مكان للعائلات ويسكرونه ببارتشن ..
راقي جداً المطعم ..


اذا ما خاب ظني اسمه
أنجاري في إبراج إزدان
طماطه
20-03-2011, 05:05 PM
المطعم البحري ( لــوزار ) عجييييييب ..

واذا تبين بــوفيه .. عندج مطعم ( البيت الشـــامي ) اظن بس في الويكند نظام البوفيه ..

والاثنين اسعارهـم ممتازه .. وتناسب العوايـــل ..
قلب قطر..!
20-03-2011, 05:31 PM
ابل بيز

اشاز

كمبسكي << لذيذ

شرق

بخاره

شبستان

رويال تندور

اصفهان سوق واقف فوق قسم عائلات

الماريوت المطعم الهندي لذيذ

مطعم فالستي تحت مجابل نوندلز هاوس لذيذ بعد

ريشو فالستي فوق

اوبرا

هديارد

هاي اللي في بالي الحين وكلهم اماكن عائليه

والله يوفقكم
Miss
20-03-2011, 06:24 PM
ان شاء الله يفيدونج الاعضاء

وبالعافيه عليكم حبيبتي
بو خليفه 123
20-03-2011, 07:11 PM
ليه ماتروحون جنوب او شمال قطر و تنصبون لكم كشته هناك و تشبون الضو و تسوون لكم احلى باربكيو ..

يقدرون العيال يلعبون براحتهم بدون اي احراج او ازعاج و يقدرون النساء ياخذون راحتهم مع محارمهم



اتمنى لكم امسيه سعيده ان شاء الله ..
حليتان*
20-03-2011, 07:40 PM
طجين فسوق واقف عائلي وتريب <<فوق مهب تحت (تحت كل شيشه)
حليتان*
20-03-2011, 07:42 PM
مطعم حمود الي في فريق بن عمران
خوش سبجي عنده

لا لا

تصدق وشو الي دش فخاطري (فالوده) :victory:
pink pearl
20-03-2011, 08:26 PM
جزاكم الله خير

لكن ياريت توضحون لي الموقع مع الأسعار ؟
شمعة الدوحه
20-03-2011, 11:34 PM
مطعم بخارة
صوب التنس والاسكواش
شغل مرتب ومكان راقي
وسعره معقول

بالعافية ان شاء الله

:)

توني كنت برشح لها هالمطعم

أكله لذيذ و ماعليه كلام

وفيه بارتشنات يعني يقدرون يوسعون لكم المكان ويسكرونه اذا العدد كبير

بس تعطينهم خبر بالاول
pink pearl
21-03-2011, 01:32 PM
جزاكم الله خير ما قصرتوا
محتارة بين فينيسيا وبخارة وكرافان
رذاذ
21-03-2011, 01:37 PM
الاحسن بوفيه

واطلبيه من البيت الشامي الى بالسد

40 شخص بـ 2800 ريال شاملة
مع الطاولات والكراسي ولا يطيج 10 زيادة من الكراسي والاكل فعليا يكفي 50 شخص

توكلي ع الله .. بوفيه بالبيت .
ضي البدر
21-03-2011, 01:40 PM
عليكم كلكم بالعافية .. وان شاءالله قدرتي اختي تاخذين الأفضل لج.. مع تمنياتي لكم بقضاء أحلى الأوقات بالأوبن داااااي:nice:
بوحارب
21-03-2011, 01:41 PM
ديوانية البخاري :)
بصمة قطرية
21-03-2011, 03:18 PM
جزاكم الله خير ما قصرتوا
محتارة بين فينيسيا وبخارة وكرافان

بخاره وكرافان يغلب عليه الأكل الهندي ..
مطاعم هندية ~
طبعاً بخارة أحلى ما يبي له كــلام ~
pink pearl
21-03-2011, 09:14 PM
مشكورين صج صج ما قصرتوا
الله يعطيكم العاافية
ولد الشقب
22-03-2011, 11:37 PM
البيت الشامي اللي عند قطر لديكور
بوسلمان 2010
23-03-2011, 08:16 AM
لا يفوتكم المطعم في فرضة الخور كيمه مو طبيعيه مع روتي ومحروق شوي وشاي
بو الجوري
23-03-2011, 08:32 AM
هلا أختي همسات :.. و مرحبا بعضويتج الجديده :.. :)


المهم إذا من الإختيارات ( فينيسيا ) :.. توكلي على الله :..
أنا من كم سنه رحت هناك وفي عندهم تحت نفس الصاله مسكره بستاير :..
تكفي 30 تقريبا :.. و سويت فيها بوفيه :..
chillis
23-03-2011, 08:33 AM
فندق ميلينيوم بوفيه وحلو ومافيه ناس كلش الظاهر مادلوه للحين
pink pearl
23-03-2011, 07:44 PM
مشكورين وجزاكم الله خير
f@bulous
26-03-2011, 07:39 PM
بوفيه عندج
الماريوت وايد حلو اكلهم وبعد من ضمن البوفيه متوفر الاكل البحري
والسعر والله مااعرف بالضبط بس الشخصين يطلعون بحدود ال 450 مع المشروبات والضرايب

الشيراتون بعد حلو البوفيه عنهم ويوم الاربعاء يكون البوفيه بحري
السعر تقريبا للشخصين بحدود ال500 مع المشروبات والضرايب

واذا بغيتي بوفيه اكل هندي طبعا الاعضاء ماقصروا فالمطاعم
بس حبيت اضيف مطعم رويال جاردن ف الخور حلو اكله بس ماعندي فكره عن السعر
لاني رايحته من زمان ممكن تتصلين وتسالين

نجي لاورد الطلب

يعجبني ريشو ف السيتي وسعره يعني العاده نروح 3 او 4 اشخاص
تطلع الفاتورة بحدود ال 400 لين ال 500 يعني انا اشوفه غالي شوي
بس قعدته وايد مريحه

اشاز ف فيلاجيو حلو واسعارة بعد حلوة

هيديارد حلو وقعدته حلوة واسعاره شوي غاليه ب النسبه للمطاعم العاديه

عندج بعد بيتزا لاند اللي اعرفه الفرع ف ام صلال ماعرف اذا لهم فرع 2
حلو اكلهم وقعدتهم بعد حلوة وسعرهم بعد حلو

بعد عندج شبستان وايد حلو اكله واسعاره حلوة ب لنسبه للخدمه واتوقع ممكن لو بتروحون 20 شخص يقفلون لج القاعه كامله لج ممكن تتصلين وتستفسرين اكثر منهم

من المطاعم اللي نحب نروحها ك عيله

بخارى اللي جنب الاسكواتش والماريوت بس تروحين بدري
وتاخذين الطاولات من اللي فوق بجنب البوفيه
وريشو

اتمنى اني قدرت اساعدج