استفسار : بغـيت اقتـراحـاتكم / احسـن دولـه لشـهر ( 5 ) ... ؟

[طماطه]

انـا ان شاءالله نـاويه اسافـــر شهــر ( 5 ) .. لان الزحـمه تـكون اخـف بس مـب عـارفة ووين !! :)

دول شرق اسيا او اوروبا ؟؟؟؟

بغـيت اقـتراحـاتكم .. شـنو احـسن الـــدول .. ^__^

عشان يــمديــنا نحـــجز من الحـــين ..



والســفره بس لـ شخــصين ,, :victory:

[بو خليفه 123]

كم فترة الاجازه ؟

كم المبلغ المطروح للسفره كامله ؟

اسأله مهمه تساعدنا على تسهيل الاقتراحات ..


اخاف اكتب لك تفاصيل عن امريكا و تطلع اجازتك اسبوع فقط ..

[طماطه]

نـاوويين نـقعد 12 يــوم ..

المبلغ مبدئـيا 50 الـف .. { على حسب الدولـه } ممكن نـزيد شوي اذا البـلده تستاهـل ..

اكتب عن امريكا .. وشلون جوها بيكون في شهر 5 .. والاماكن السياحيه .. وتكفي 12 يوم ؟؟

[المستثمرVIP]

اختي وين شهر 5 محتاجين اصواتكم في الانتخابات
ههههههه
تقبلي مروري

[المليونير الفقير]

المالديف

[M!$s ĀŁ!eN]

الهند ..

[أسير الاسهم]

ما عرفنا جوكم .؟

تبون تسوق ؟ طبيعه ؟ معالم تاريخيه ؟

[طماطه]

فكره حلوه المالديف .. على كوالالمبور .. على سنغافوره ..

احنا نبي اماكن سياحـــية ( طبيعه ) بالدرجة الاولى .. وماتخلى اكيد من التسوق ..

[أسير الاسهم]

كوالالمبور كم يوم والجزر الحلوه الهاديه في تايلاند وآخر يومين تسوق في العاصمه بانكوك

[Doha Sun]

اوروبا افضل ( طبيعة وتسوق وكل شي فيها )
شرق اسيا اعصاير وتسونامي

[القلم الصريح]

روحي سويسرا(انترلاكن) + المانيا (ميونخ) + زلامسي( النمسا) + سالزبورغ ( النمسا) + فينا (النمسا) + البندقية (ايطاليا )

كلة بفيزا وحده ( الشنغل )

[طماطه]

روحي سويسرا(انترلاكن) + المانيا (ميونخ) + زلامسي( النمسا) + سالزبورغ ( النمسا) + فينا (النمسا) + البندقية (ايطاليا )

كلة بفيزا وحده ( الشنغل )

خووش مخطط .. :nice:

[طماطه]

كوالالمبور كم يوم والجزر الحلوه الهاديه في تايلاند وآخر يومين تسوق في العاصمه بانكوك

محتاره بين شرق اسيا واوروبا .. :rolleyes2:

[طماطه]

اوروبا افضل ( طبيعة وتسوق وكل شي فيها )
شرق اسيا اعصاير وتسونامي

اي صح ..

بس ماظن كوالالمبور بعد .. @@

[خشوف]

روحي شرق اسيا حلوه لانه الجو بيكون احلى من الصيف هذا تقرير لي
http://www.qatarshares.com/vb/showthread.php?t=284363
او روحي اوربا ميونخ وزيلامسي وفينا وهذا تقرير لي
http://www.qatarshares.com/vb/showthread.php?t=391739

[abu abdulla]

شرق اسياء الجو ماراح يساعد بيكون حر ورطوبه وامطار
وذا المده 12 يوم ما ينفع تضيعونها في التنقل من مدينه الى مدينه ولذا اقترح لكم(( برشلونه)) اسيانيا . القطريه تروح لها دايركت وفنادقها اسعارها مقبوله وجوها بيكون ممتاز ومدينه جميله على البحر وفيها التسوق والطبيعه واقري عنها بتحصلين الكثير وقريب منها عدة مدن تروحون لها بالسياره او القطار ما تزيد عن نصف ساعه في نفس اليوم تروحون لها وترجعون

[كايد الوكره]

اشوف شهر 5 مناسب لـ فرنسا + لندن
5 ايام فرنسا واسبوع في لندن

بعيد عن زحمه الخليجيين في الصيف

[طماطه]

يعطيكم العافييييه على اقتراحاتكم .. ^_^ وفعلا انا مابي الزحمه ^_^

[sout qatar]

اذا طبيعه عليج بسويسرا وفينا

[Mr. H]

وش تحبون ؟؟ الطبيعة ولا المدن و الحداثة و الفخامة ؟؟ لو الاولى روحي شرق آسيا .. عندك تايلاند - ماليزيا - اندونيسيا - المالديف

لو حياة المدن روحي أوربـا ... و كل دولها تقريبا حلوة .. اللهم أوربا الشرقية .. طخة اوكرانيا و رومانيا و هالدول

[عربسات]

الدول الاسيويه في عز الشتا جوهم حار اخبر من كم سنه في شهر واحد (يناير) رحت ماليزيا طول الطلعات شورت وتيشرت كت ههههههههههههه صيفهم نفس ما قال بوعبدالله امطار وحر

[Dana’1]

احس امريكا حلوة شوارعها والدوارة فيها سياحة على ما قال ابوي:)

انا جربت سنغافورة وما ليزيا وتو من شهر تقريبا اخوي راح لها عشر ايام الي هي ماليزيا الجزر والعاصمة بلاد حلوة ونظيفة وعائلية بس احس شرق آسيا الحين متلوثة عقب زلزال اليابان وهالنووي والله أعلم
بس غنية بالطبيعة والاسواق من الراقية للشعبية وجوها استوائي مافيها براد يعني

تركيا رحنا لها شهر 8 كانت البلاد حلوة وجوها دافي وفي الشمس حر وفي الفية براااد تقريبا نفس اوربا بس على شرقي شوي:)
انا ما رحت اوربا بس هلي يعني امي وابوي راحولها كثيير وتقريبا كل دول اوربا لكن مدحو وحبو تركيا عليها من ناحية الجو العام مساجد طبيعة متاحف وحضارتها والاهم أكل واسواق هههه بس يوم نروح كانت غالية الحين يمكن ارخص شوي والشعب لا عربي ولا انجليزي الا ما ندر وفي استنبول"اسطنبول" عصبين شوي
بس تمشون احنا عايلة كبيرة ومشينا امورنا:)

وبصفة عامة احس السفر هالايام يخوف مشاكل ثورات زلازل وغيرها ههه<<<<تحطيم
اضحك معك الي كاتبة ربي بيصير والله يحفظنا ويحفظكم ويسهل لكم ويحفظ كل المسلمين آمين يارب العالمين

[الفتى]

المالديف

بل المالديف 12 يوم أكيد تتغشمر



روحي سويسرا(انترلاكن) + المانيا (ميونخ) + زلامسي( النمسا) + سالزبورغ ( النمسا) + فينا (النمسا) + البندقية (ايطاليا )

كلة بفيزا وحده ( الشنغل )

جدول حلوا بس يبيله اكثر من 12 يوم


أقتراحي
روحي
ميلان(( مكان حلو وفيه تسوق بس لازم سيارة و تلفون يومينا خط من ساعتين إلى ثلاث ))
فنيسيا (( مكان رهيب و رمنتك 3 أيام ))
روما (( روما تاريخ 3 أيام ))

طبعاً انا كانت رحلتي العام شهر 2 تقريباً جي ،، و كان الجو بارد أهم شيء بأيطاليا قبل لا تفكرين جيكي على الجو لأنه حر عندهم بالصيف شوفي شهر خمسه شلون

يمدحون جولد كوست (( Gold Coast )) بس مكلفة التذاكر - كان خاطري أروح بالصيف :sorry: