استفسار أيهم افضل تمويل بنك الدولي او الأولى للتمويل!!!!!!!!

[==النور==]

استفسار أيهم افضل تمويل بنك الدولي او الأولى للتمويل!!!!!!!!

بشتري اذا الله سهل سيارة عليها 100الف على الوطني قسطه 2400

قال لي مايصير تتحمل الاقساط حسابك مب عندنا لان حسابي على الدولي الاسلامي

سالت الدولي قال لامانع ننقل المديونية علينا طبعا في ارباح ..

اما الاولى للتمويل من موقعهم حاسبة الاقساط..وفي ارباح ...

السؤال ايهم افضل ..من ناحية :
-سهولة سداد المديونية والاجراءات .
-الملكية حرة او مرهونة.
-مستقبلااااالو حبيت ابيع السيارة باقساطها ..هل في اشكاليات.

الرجاااء اللي مجرب لايبخل علينا .

[المنكوب]

الاولى انا عن نفسي ثلاث مواتر ماخذ من عندهم واللحين قاعد اخلص الموتر الرابع

[==النور==]

جزاك الله خير يالمنكوب

استفسار لو تكرمت ..الملكية حرة او مرهونة؟؟
وواذا حاب تبيع المونر باقساطه يصير او فيه اشكاليات .

[al_qa76ani]

قطرالدولي الاسلامي نسبتهم 5 ونص والملكيه مرهونه

الاولى يعتمد 7 وملكيه مرهونه او 7 ونص وملكيه حره

بنك قطر الوطني تحويل الراتب ويحسب عليك 5ونص لغاية ميتين وخمسين وبعدين يحسب عليك 7 او 8 او 9 لباقي المبلغ

المهم ان كلهم نفس الشروط ما يتجاوز القسط نص الراتب ولا يكون اكثر من سبع سنوات للتسديد

بس الفرق بين الاسلامي والربوي اذا جيت تسدد كامل البنك الربوي يطيح الفايده بلا عوار راس بس ياخذ واحد بالميه الاسلامي يقولك يمكن اطيح ويمكن لا علا حسب مزاج المدير يمكن متهاوش مع زوجته رحت فيها ملح .

[BuFaisal]

خلك بالاسلامي ولا تفكر بالربوي

اشتر اخرتك لان عواقب الربا معروفة وحرب على الله ورسوله

[==النور==]

مشكووورين اكييد اولا رضا الله ورسوله

لارضى بغير المعاملات الاسلامية .....

[بن رومي]

الدولي افضل

[BuFaisal]

مشكووورين اكييد اولا رضا الله ورسوله
لارضى بغير المعاملات الاسلامية .....

جزاك الله خير

بهذه الحالة انصحك تمر على الاولى للتمويل وبعدها الدولي وتتأكد كم بياخذون منك وعلى كم سنة
انا جربت الدولي الاسلامي بقروض كبيرة ومتوسطة ولم اعاني من اي مشكلة
بعد ما تشوف عرض الاثنين بيكون القرار اسهل لك
اعتقد الدولي هالايام مسوين عروض حلوه

الله يوفقك

[mazag]

الدولي نسبتهم قليله الاولى فوائد عاليه

[وارث العز]

قطرالدولي الاسلامي نسبتهم 5 ونص والملكيه مرهونه

الاولى يعتمد 7 وملكيه مرهونه او 7 ونص وملكيه حره

بنك قطر الوطني تحويل الراتب ويحسب عليك 5ونص لغاية ميتين وخمسين وبعدين يحسب عليك 7 او 8 او 9 لباقي المبلغ

المهم ان كلهم نفس الشروط ما يتجاوز القسط نص الراتب ولا يكون اكثر من سبع سنوات للتسديد

بس الفرق بين الاسلامي والربوي اذا جيت تسدد كامل البنك الربوي يطيح الفايده بلا عوار راس بس ياخذ واحد بالميه الاسلامي يقولك يمكن اطيح ويمكن لا علا حسب مزاج المدير يمكن متهاوش مع زوجته رحت فيها ملح .
الشيخ انا شاري سيارة من الدولي ومش عميل عندهم والملكية حرة !!!! وقيمة السيارة 380 الف !!!!!!!!!!!!!!

[الخارجية]

أخوي عليك بالدولي أنا اول مرة اسمع ان الدولي يرهن السيارة هل هذا الكلام اكيد .. الدولي انزل فائدة 2.45 العرض ساري الا هذا اليوم الحياة فرص

[ALKUWARI-90]

انا شاري 3 سيارات عن طريق الدولي وفوايدهم قليله

والملكيه حره .. اول مره اسمع انه الملكيه مرهونه

واذا راتبك يسمح وعندك عرض سعر المعرض او الوكاله تستلم الموتر خلال ساعه

[احمد بن علي]

الدولي الاسلامي تجربه عن اكثر من 10 سنوات

والحمدلله مرتاح

ومافي افضل من الاسلامي

[al_qa76ani]

الشيخ انا شاري سيارة من الدولي ومش عميل عندهم والملكية حرة !!!! وقيمة السيارة 380 الف !!!!!!!!!!!!!!


ما شاء الله راتبك يسمح و بدون كفيل حلوو يعتمد على الفرع بعد اذا المرقاب صحيح سمعت اذا اللي مقابل سينما الخليج معقدين شوي !!

يعطيك العافيه وفعلا الدولي الاسلامي نسبته قليله

[أسير الاسهم]

ما شاء الله راتبك يسمح و بدون كفيل حلوو يعتمد على الفرع بعد اذا المرقاب صحيح سمعت اذا اللي مقابل سينما الخليج معقدين شوي !!

يعطيك العافيه وفعلا الدولي الاسلامي نسبته قليله


شدخل يالربع .. فرع عن فرع يفرق !؟ :omg:

[al_qa76ani]

أخوي عليك بالدولي أنا اول مرة اسمع ان الدولي يرهن السيارة هل هذا الكلام اكيد .. الدولي انزل فائدة 2.45 العرض ساري الا هذا اليوم الحياة فرص


كلام حلووو ومن اسمك بعد لو تجيني احط الفايده على البنك بعد .. :)

[al_qa76ani]

شدخل يالربع .. فرع عن فرع يفرق !؟


صحيح خسب ما سمعت وشفت بعيوني والله يوفق

[الرادار]

الدولي ملكيه حره و ٢.٤٢ ٪

[BuFaisal]

شدخل يالربع .. فرع عن فرع يفرق !؟ :omg:

المفروض والمنطق يقول لا

[أسير الاسهم]

إذا صدق فرع عن فرع يفرق ؟ ونتأكد من هالمعلومه والله لأنفظ عرشهم ؟ شهالنظام الفاشل ؟ حلوه ذي على حسب المزاج ؟

المفروض يكون هناك نظام واضح ومتبع في البنك بكل فروعه

طيب وش يختلف بالضبط فرع عن الآخر ؟

[الفارس111]

خوي انا من عملاء الدولي الاسلامي من سنين طويلة واي سيارة تاخذه منه لا يرهنها واول مره اسمع انه يرهن السيارة ومعاملتهم ممتازه جدا وكفاية انه اسلامي

[BuFaisal]

طيب وش يختلف بالضبط فرع عن الآخر ؟

انا بالدولي الاسلامي الرئيسي ومن سنين اتعامل مع فرع الغرافة والريان
حتى بالتسهيلات البنكية ما ارجع لبنكي
النظام واحد وما فيه فرق

[بو نايف]

الدولي نسبتهم قليله الاولى فوائد عاليه



ما قل ودل

[الدوحة قطر]

اتوقع كل البنوك الاسلامية تعطيك الموتر حر

يعني المصرف معروف عنه هالشي واللحين الشباب يقولون الدولي

وانا في قطر الوطني الاسلامي نفس الشي يوم خذت سيارة عن طريقهم تسجلت في الملكية نقدا

[==النور==]

مشكووووووووورييييييييييييييييييييين يالطيبين على نصحكم وتعاونكم

ودعيت لكم ...بالخير .....جاري ع رض السعر على الدولي والاولى وبنشوف الاقل تكلفة ...

بس الاهم الفتوى الشرعية ..بجواز هذه المعاملة ...
دعواتكم

[باسكن روبنز]

الأقل تكلفه مصرف قطر الآسلامـي ،

بس بخصوص الملكيه مادري ،

تقدر تتصل السنتر كول وتسألهم وبالمره تقولهم آنك تبي القسط بمبلغ معيـن وبيقولون لك على كم سنه ،

وآحلى شي في البنوك الآسلاميه آن المرابحه ثابته ومتحدده من البدايه بالدرهم ،

وبالتوفيــق أخـووي ،