المساعد الشخصي الرقمي

مشاهدة النسخة كاملة : احسن مركز او مستشفى للعلاج الطبيعي



الشمالي111
20-03-2011, 10:44 PM
السلام عليكم ورحمه الله وبركاتة


وين احسن مكان للعلاج الطبيعي انا الدكتور قالي روح الرميله بس فيه ناس قالو زحمه

وبغيت منكم اذا فيه حد جرب علاج طبيعي مع العلم الاصابة في مفصل الكف وصار لي اكثر من شهرين يدي كانت مثبته بحديد واليوم والحمد لله فكيت الحديد

واكون شاكر لكم

الأصيلة
20-03-2011, 11:07 PM
مافيه أحسن من سبيتار وبلا منازع
دقة في المواعيد
خبرة في العلاج والأجهزة المطورة...

Thamer_Qat
21-03-2011, 10:59 AM
مافيه أحسن من سبيتار وبلا منازع
دقة في المواعيد
خبرة في العلاج والأجهزة المطورة...


فعلا وتكلفة المواعيد والعلاج مب وايد

الشمالي111
21-03-2011, 11:33 AM
مافيه أحسن من سبيتار وبلا منازع
دقة في المواعيد
خبرة في العلاج والأجهزة المطورة...



بروح لهم اليوم

وجزاتس الله الف خير

الشمالي111
21-03-2011, 11:36 AM
فعلا وتكلفة المواعيد والعلاج مب وايد

الله يعطيك العافيه بس هل فيه حد جرب العلاج الطبيعي عندهم

سوق واقف
21-03-2011, 11:44 AM
مافيه أحسن من سبيتار وبلا منازع
دقة في المواعيد
خبرة في العلاج والأجهزة المطورة...

:nice:

خزامئ
21-03-2011, 01:50 PM
مركز الحياه اطبي
في الوعب
عندهم ثنتين واحدها اسمها منوليزا والثانيه مايا
وفيه هنديه ماتعرف شغلها ماعجبني

محمد11
21-03-2011, 01:56 PM
سبيتار

المعالجين المختصين للكتف

هركليز : جنوب افريقي ( ابيض البشره )

نوكليتا : ايطاليا

العلاج دايما يكون في قروب مصابين بالكتف

على حسب الاصابة الي يعاني منها

وممكن تكلم المسؤل هناك وتقول ابي اخصائي لنفسك بروحك
اسم المسؤل جلال بالحاج وايضا يقوم باشراف العلاج بعد لو تحب
بس على حسب عدد المرضى الموجودين

وعندك بعد :
محسن حسناوي ( تونسي ) :nice:

بس الاحسن تكون في قروب ( اصابات الكتف )

انا مسوي عملية عندهم ( عند دكتور حسبي الله عليه ) تم انهاء خدماته

والحمدالله العلاج الطبيعي كان جدا ممتاز معنا العمليه كانت مش لابد ..

بس اهم شي انك ماتستعجل بالعلاج الطبيعي

اي استفسار اخوي انا حاضر ...

خبره في سبيتار من ايام ( مركز الطب الرياضي

ضي البدر
21-03-2011, 02:01 PM
استفسار ؟؟ ماعليه اخونا طارح الموضوع.. اسبيتار فيه خبيرات نساء للعلاج الطبيعي؟؟

أفيدونا الله يجزاكم الجنة ..

ويعطيكم العافية..

محمد11
21-03-2011, 02:11 PM
استفسار ؟؟ ماعليه اخونا طارح الموضوع.. اسبيتار فيه خبيرات نساء للعلاج الطبيعي؟؟

أفيدونا الله يجزاكم الجنة ..

ويعطيكم العافية..



اي نعم اختي في

الشمالي111
21-03-2011, 04:38 PM
جزاكم الله خير

الشمالي111
21-03-2011, 04:40 PM
سبيتار

المعالجين المختصين للكتف

هركليز : جنوب افريقي ( ابيض البشره )

نوكليتا : ايطاليا

العلاج دايما يكون في قروب مصابين بالكتف

على حسب الاصابة الي يعاني منها

وممكن تكلم المسؤل هناك وتقول ابي اخصائي لنفسك بروحك
اسم المسؤل جلال بالحاج وايضا يقوم باشراف العلاج بعد لو تحب
بس على حسب عدد المرضى الموجودين

وعندك بعد :
محسن حسناوي ( تونسي ) :nice:

بس الاحسن تكون في قروب ( اصابات الكتف )

انا مسوي عملية عندهم ( عند دكتور حسبي الله عليه ) تم انهاء خدماته

والحمدالله العلاج الطبيعي كان جدا ممتاز معنا العمليه كانت مش لابد ..

بس اهم شي انك ماتستعجل بالعلاج الطبيعي

اي استفسار اخوي انا حاضر ...

خبره في سبيتار من ايام ( مركز الطب الرياضي



جزاك الله خير وشكلي بزعجك

الشمالي111
21-03-2011, 04:41 PM
استفسار ؟؟ ماعليه اخونا طارح الموضوع.. اسبيتار فيه خبيرات نساء للعلاج الطبيعي؟؟

أفيدونا الله يجزاكم الجنة ..

ويعطيكم العافية..


الموضوع موضوع للكل لتعم الفائدة

NMN
21-03-2011, 05:51 PM
مساكم الله بالخير

( اسبيتـــاار ) انا سويت عمليه عندهم وسويت علاج طبيعي
والحين بعد اسوي علاج طبيعي عندهم
علاجهم وايد اوكي ودقه فالمواعيد

والعلاج حق القطريين على حساب وزارة الصحه :)

ra3shat hadab
21-03-2011, 06:32 PM
ألقِ نظره ..هنا .. :omen2:
http://www.qatarshares.com/vb/showthread.php?t=440264

الافضل اسبيتار ومن بعده مركز العلاج الطبيعي في مؤسسة حمد الطبية

ونصيحة اخت لا تفكر تروح مجمع الشفاء الطبي..
:telephone:

ALRAYYAN
21-03-2011, 06:50 PM
اخواني اذا يسمح لي صاحب الموضوع

انا عندي التهاب حاد في غشاء الركبه والدكاتره قالو لي

علاجها الراحه مع الادويه

السؤال : هل تحتاج علاج طبيعي ؟
وهل تنصحوني باسبيتار ؟ وخصوصا ان سبيتار قريب من بيتي وهذا يشجعني اني اروح صراحه

روح الاطلس
21-03-2011, 09:40 PM
مساكم الله بالخير

( اسبيتـــاار ) انا سويت عمليه عندهم وسويت علاج طبيعي
والحين بعد اسوي علاج طبيعي عندهم
علاجهم وايد اوكي ودقه فالمواعيد

والعلاج حق القطريين على حساب وزارة الصحه :)


كيف على حساب وزارة الصحة....؟؟؟

اللي اعرفه انه بفلوس وليس مجاني!!

wadha-qa
21-03-2011, 10:18 PM
سؤال مهم ... شخص عنده انزلاق غضروفي في 4 فقرات بالظهر هل هالمستشفى بيفيدونه ؟؟؟ و وين احسن مكان لعلاج هالحالات ؟

maskalrose
21-03-2011, 10:43 PM
مساكم الله بالخير

( اسبيتـــاار ) انا سويت عمليه عندهم وسويت علاج طبيعي
والحين بعد اسوي علاج طبيعي عندهم
علاجهم وايد اوكي ودقه فالمواعيد

والعلاج حق القطريين على حساب وزارة الصحه :)

كيف يا اخوي لاني عالجت عندهم ودفعت مبالغ ويكفي مقابلة الدكتور 350 ريال ولازم تصوير ام ار اي ويكلف 1300 ريال والعلاج الطبيعي كلفني 1600 ريال

كل هذا وانا معي تقرير بحالتي من دكتور الماني كنت قابلته في ميونخ والعلاج الي قالي بس علاج طبيعي ورحت لهم عشان العلاج الطبيعي بس وقعدت شهر ونص لين اقابل الدكتور ويوافق علي العلاج الطبيعي

والي اعرفه ان علاج اصابات الرياضيين هم المجاني والمواعيد علي طول خلال اسبوع يخلصونه

بس

هذه تجربتي عندهم ياريت اعرف كيف العلاج مجاني للقطريين ؟؟؟؟

maskalrose
21-03-2011, 10:49 PM
اخواني اذا يسمح لي صاحب الموضوع

انا عندي التهاب حاد في غشاء الركبه والدكاتره قالو لي

علاجها الراحه مع الادويه

السؤال : هل تحتاج علاج طبيعي ؟
وهل تنصحوني باسبيتار ؟ وخصوصا ان سبيتار قريب من بيتي وهذا يشجعني اني اروح صراحه

أنصحك بمراجعتهم لمعرفة سبب الالتهاب لان صح علاجها الادوية بس تاكد من سبب الالتهاب يمكن يكون شي بالغظاريف أواحتكاك الركبة
واجر وعافية

شيط ويط
22-03-2011, 07:28 AM
سبيتار .. بس مايندرى بفلوس والا مجانا

محمد11
22-03-2011, 07:27 PM
مساكم الله بالخير

( اسبيتـــاار ) انا سويت عمليه عندهم وسويت علاج طبيعي
والحين بعد اسوي علاج طبيعي عندهم
علاجهم وايد اوكي ودقه فالمواعيد

والعلاج حق القطريين على حساب وزارة الصحه :)


من وين جايب هالكلام اخوي ان حساب وزارة الصحه !!!!

تاكد من المعلومه اخوي ..

العلاج المجاني فقط للرياضييين وعن طريق النادي ومن ثم اللجنة الاولمبية


اخواني اذا يسمح لي صاحب الموضوع

انا عندي التهاب حاد في غشاء الركبه والدكاتره قالو لي

علاجها الراحه مع الادويه

السؤال : هل تحتاج علاج طبيعي ؟
وهل تنصحوني باسبيتار ؟ وخصوصا ان سبيتار قريب من بيتي وهذا يشجعني اني اروح صراحه

بالسلامه اخوي اول شي

ثاني شي اي نعم اخوي الالتهاب يبيله راحه طويله وممكن تستمر معاك سنه كامله
يبلك راحه ومع علاج طبيبي ( يكون خفيف ) سيكل _ لاستيك _ وتبعد ع الجري في الاماكن الصلبة
الكورنيش او الترتان _
واذا واذا واذا ودك تركض بشكل خفيف خذا ( جوتي وانت بكرامه )
ماركة adidass نوع ( aistar ) او Sopernova
الافضل او نوع اخوي

مثل ماصادني انا استمر الالتهاب 4 سنين بعد عمليتي ف الركبه ( عملية رباط الصليبي )
مافي دكتور عرف يحل مشكلتي ...
الابر الصينيه عالجة المشكله 6 شهور الحمدالله

بعدها الدكتور ( فولر ) مدير اسبيتار شافني وطلب مني بعد راحه
بس بعدها رحت اسوي ( حجامه مكان الالم ) والحمدالله راح الالتهاب الي كنت اعاني منه 4 سنين


سؤال مهم ... شخص عنده انزلاق غضروفي في 4 فقرات بالظهر هل هالمستشفى بيفيدونه ؟؟؟ و وين احسن مكان لعلاج هالحالات ؟

اسبيتار ترفض استقبال اصابات الظهر اخوي

بالسلامه ان شاء الله


كيف يا اخوي لاني عالجت عندهم ودفعت مبالغ ويكفي مقابلة الدكتور 350 ريال ولازم تصوير ام ار اي ويكلف 1300 ريال والعلاج الطبيعي كلفني 1600 ريال

كل هذا وانا معي تقرير بحالتي من دكتور الماني كنت قابلته في ميونخ والعلاج الي قالي بس علاج طبيعي ورحت لهم عشان العلاج الطبيعي بس وقعدت شهر ونص لين اقابل الدكتور ويوافق علي العلاج الطبيعي

والي اعرفه ان علاج اصابات الرياضيين هم المجاني والمواعيد علي طول خلال اسبوع يخلصونه

بس

هذه تجربتي عندهم ياريت اعرف كيف العلاج مجاني للقطريين ؟؟؟؟


غير مجاني ومكلف بعد


سبيتار .. بس مايندرى بفلوس والا مجانا


بفلوس اخوي

الشمالي111
22-03-2011, 08:16 PM
اخوي محمد 11 هل مواعيدهم تطول لين تقابل الدكتور

محمد11
22-03-2011, 08:35 PM
اخوي محمد 11 هل مواعيدهم تطول لين تقابل الدكتور


على حسب الدكتور اخوي

NMN
23-03-2011, 12:34 PM
كيف على حساب وزارة الصحة....؟؟؟

اللي اعرفه انه بفلوس وليس مجاني!!



اهوو صح بفلووس

الاسبوع اللي طاف رحت ابي ادفع حق العلاج الطبيعي اللي هو 10 جلسات بـ 1650 ريال
قالت لي انتي قطريه قلت لها ايه قالت القطريين على حساب وزارة الصحه تدفع لهم يعني المواطنين القطريين مايدفعوون وزارة الصحه تدفع عناا

NMN
23-03-2011, 12:37 PM
كيف يا اخوي لاني عالجت عندهم ودفعت مبالغ ويكفي مقابلة الدكتور 350 ريال ولازم تصوير ام ار اي ويكلف 1300 ريال والعلاج الطبيعي كلفني 1600 ريال

كل هذا وانا معي تقرير بحالتي من دكتور الماني كنت قابلته في ميونخ والعلاج الي قالي بس علاج طبيعي ورحت لهم عشان العلاج الطبيعي بس وقعدت شهر ونص لين اقابل الدكتور ويوافق علي العلاج الطبيعي

والي اعرفه ان علاج اصابات الرياضيين هم المجاني والمواعيد علي طول خلال اسبوع يخلصونه

بس

هذه تجربتي عندهم ياريت اعرف كيف العلاج مجاني للقطريين ؟؟؟؟



انا قبلك دفعت مبالغ وايد

هالقرار توووه صااادر

NMN
23-03-2011, 12:38 PM
سبيتار .. بس مايندرى بفلوس والا مجانا

حق القطريين ببلاش

NMN
23-03-2011, 12:41 PM
من وين جايب هالكلام اخوي ان حساب وزارة الصحه !!!!

تاكد من المعلومه اخوي ..

العلاج المجاني فقط للرياضييين وعن طريق النادي ومن ثم اللجنة الاولمبية



اخوي محمد 11

هالكلام بأذني سمعته وقايلينه لي

القطريين على حساب وزارة الصحه وهالقرار تووه صاادر

وتبي تتأكد هذا رقم الاستقبال 44132000 وخلهم يحولونك صوب العلاج الطبيعي واسألهم :)

روح الاطلس
23-03-2011, 12:56 PM
يا ان ام ان .. اي حالة يستقبلونها ولا بس اصابات الرياضه؟؟

واللي يسوون علاج طبيعي في مركز الفيزوثرابي اللي تابع لحمد يقدرون يحولون لسبيتار؟

NMN
23-03-2011, 01:06 PM
يا ان ام ان .. اي حالة يستقبلونها ولا بس اصابات الرياضه؟؟

واللي يسوون علاج طبيعي في مركز الفيزوثرابي اللي تابع لحمد يقدرون يحولون لسبيتار؟


بشكل عام حق العظام

مو شرط يكون رياضي اللي يتعالج عندهم

انا مب رياضيه

يعني مثل الم الركبه > اللي اتعالج منه حاليا

بس ماعندي خبره عن الباقي


وبالنسبه حق التحويل ل اسبيتار والله مادري




والسمووحه

الشمالي111
23-03-2011, 05:33 PM
اليوم مريت عليهم في اسبيتار علشان اقابل الدكتور لتحويلي على العلاج الطبيعي وقالو لي زحمه وفل مواعيد بس قالت لي الممرضه فيه دكتور زاير من امريكا دكتور عظام وتخصص اصابات في اليد واخذت لي موعد مع الدكتور وقلت اجي اقولكم واسم الدكتور Cassdy وهو يجي الدوحه كل ثلاث شهور او اربع ويقعد اسبوعين
ويرد واعتقد انه راح يجي يوم الاحد الجاي

محمد11
24-03-2011, 12:04 AM
اخوي محمد 11

هالكلام بأذني سمعته وقايلينه لي

القطريين على حساب وزارة الصحه وهالقرار تووه صاادر

وتبي تتأكد هذا رقم الاستقبال 44132000 وخلهم يحولونك صوب العلاج الطبيعي واسألهم :)

والله مادري ياخوي اذا تغير النظام ولالا ...

انا كوني لاعب ومسوي 4 عمليات ف الركبه
وعلى داريه تامه ف الاداره هناك

بس ممكن جايز لاني مارحت لهم من فتره تقريبا 6 شهور يمكن تغير النظام عندهم

لان سبيتار مخصص للرياضين فقط ..

دام الاحين زحمه ,,, فما بالك لو كان بالمجان ,,, شلون بيكون وضع العلاج الطبيعي لغير الرياضين اخوي !!! صح ولا

لان الزحمه تكون هناك بشكل كبير للرياضييين