مخالفات لضبط بطء السرعة

[ولد البدر]

كشف مصدر مسؤول بإدارة المرور عن دراسة الاستعانة برادارات تسمى (النقطة، نقطة) لمواجهة مخالفات زيادة وبطء السرعة بين الإشارات والدوارات، حيث يمكن لتلك الرادارات رصد السرعة التي تسير بها السيارة وتحدد الفترة التي من المفترض ان يصل فيها الى النقطة التالية للموقع الموجود به الرادار وفي حال وصولها في وقت أقل من تلك الفترة فان سائقها يكون قد تجاوز السرعة المقررة على الطريق أما اذا وصل في وقت اكبر فإنه يكون قد سار ببطء وفي الحالتين يمكن قياس السرعة التي كانت تسير عليها السيارة.منقول عن جريدة الراية القطرية

[بوعبدالعزيز1]

احنا ناقصين كفايه الرادار وذبحنا

[الرادار]

بسهم فلوس
دراسة الاستعانة برادارات تسمى (النقطة، نقطة)

الظاهر الي حاط الدراسه متاثر بزنقه زنقه

[ولد البدر]

صاج أخوي بوعبد العزيز1 الرادار مثل ما قالوا زي المنشار طالع واكل ونازل واكل 0 بس زين حق اللي تشوفهم يخففون والإشارة خضراء يوترون الأعصاب كله خايفين تصير حمراء

[الرادار]

من هنا اقترح اان يذكر من هو المصدر المسوول الي قاعد يصرح؟؟ وما يحط اسمه

[al-sadd]

اموت واعرف شنهي هاذي الدراسات الي بهدلونها فيها !
شكثر رادارات ! وبعدها جابولنا الرادارات المتحركه وصارت اكثر من الثابته
والحين يبون يجيبون لنا هالرادار "النقطه نقطه" !! حتى الاسم غبي !!!
وبعدين مع المرور !!! اعوذ بالله !!! ياخوي خلاص فكونا من شركم
الواحد بيصير متعقد !
انزين يالي عاملي فيها ذكي وحاط دراسات ومخططات وحالتك حاله سوؤال :
افرظ الي يسوق سهى ولو لوهله بأي شي مثلا يسولف مع الي معاه ولا يتعبث بالراديو او الي هو
وتاخر ! بعد بيصيده الرادار بو "النقطه نقطه" مالكم ؟!!
هذا انا فامريكا ! والله ثم والله عمري بحياتي كلها ماشفت رادار واحد ثابت او متحرك !
غير اللهم من يوم جيت !! وصارلي سنه ونص تقريباً شفت مرتيين شرطي قاعد بموتره وعنده رادار !!
غير هذا عمري ماشفت !!

امس البالون واليوم الرادار "النقطه نقطه"
باجر الله واعلم شبيصير

[العقل المدمر]

لا تكفوووون يالمرور
احنا راضين بالناس البطيئين واللي مسوين زحمه
بس فكونا من راداراتكم :(

[La Bella]

بسهم فلوس
دراسة الاستعانة برادارات تسمى (النقطة، نقطة)

الظاهر الي حاط الدراسه متاثر بزنقه زنقه

هاهاهاي حلوة منك على الصبح

[làst çhàncè]

بس هذا اللي فالحين فيه دراسه شلون تخالفون العالم وتنهبون افلوووسه

[PathFinder]

واللي توقف على يمين الشارع ليتكلم بالجوال او يطرش مسج بلاك بيري راح يصيده زنقه زنقه

[ثابت]

لحول ولا قوة الا بالله

شكلي بقط اليسن عليهم ولا عاد ابي اسوق

رواتبنا راحت فيها وسبه هالرادارات الي مخشش في كل مكان

[سوق واقف]

هذا ظلم والله

[abn qatar]

كاس العالم على الابواب يبغون فلوس فوق اصعدي فوق اصعدي

[vip1982]

وإذا كانت المعصرة بين رادارين ووقفت اشرب كاسة كرك لازم أخلي الكاسة معي إثبات :(

[ALRAYYAN]

واذا الواحد بنشر بين الرادرين وخذ له ساعه وهو يضرب جيك .. شيسوي بالله

يمر على رادار بو نقطه وهو يدربح لهم التاير المبنشرعشان مايخالفونه ولا شالموضوع

احس ان ادارة المرور موظفين ناس بس لتاليف هالسوالف

[Doha Sun]

يعنى كم نمشي في الشارع .. وذا الرادار مثل المنشار طالع واكل ونازل واكل
الله يرحمنا برحمته

[boamir]

الله يعيينا على زنقه زنقه
الحين انا مريت على النقطه الاولى
وعقبها وقفت نص ساعه عاليمين وبعدين مشيت على سرعة 180 ومريت على النقطه الثانيه بيحسبها لي مخالفة سرعة ولا بطـئ ؟؟؟ بما إني تأخرت وايد على النقطه الثانيه لكني عديت منه بسرعة كبيره !!!!

حسسوني راالي والله Check Point

[R 7 A L]

اكثر قوانين مرور في العالم عندنا

[الـراسي]

بسهم فلوس
دراسة الاستعانة برادارات تسمى (النقطة، نقطة)

الظاهر الي حاط الدراسه متاثر بزنقه زنقه

حلوه هههههههههههههههه

[الـراسي]

طبعا كل مسار له سرعة معينه

وهذا الرادار مطبق في اوروبا وطبعا على كلام مدير المرور

انه نجح عندهم في اوروبا

الله يستر على ربعنا يبون يقارنونا باوروبا

[moonبنتnight]

ههههههههه
والله شر بلية ما يضحك 00
في دراسة قص راتب فنانين 000
لكن في زيادة دراسة سنين لما تطلع 00

[الـقـاسـي]

قرارات عشوائيه وبشكل يومي ويدل على انه البلاد تمشي بالبركة

[La Bella]

قرارات عشوائيه وبشكل يومي ويدل على انه البلاد تمشي بالبركة

خلها على الله بس

[ll vip ll]

الظاهر على سيكل ابرك
العالم وصلت القمر وهم على الرادار و المدخول
وين القانون المرور الخليجي الموحد اللي يتكلمون عنه ؟؟
لا حول ولا قوة الا بالله

[Qt.1]

الرادار هذا تم تطبيقه في الاامارات من فتره ,

[حلم الطفولة]

دار راسنا من الرادار دار دار دار

[SmartMan]

ما لك حل ياللمبي :)

[العقل الحر]

خبر جيد ومفرح لي

واريد مثل هذا الامر من زمان لكي لا يتاخر احد في مشوار ولا يقتل احد بسبب السرعه

واحسنتم وابارك لكم سيعيكم

[qatari555]

ارحمووونا من الرادارات كفايـــه

[حليتان*]

باااال

بالعكس راح يزيد من توتر السائقين


لكن الي افكر فيه من قريت الجريده هو ... شلون الرادار بيميز من موتر لي موتر !!

هل راح يكون يصور فيديو وراح يحسب الوقت من رقم الموتر !!


بهالحاله حتى الرادار ما بنشوف فلاشه :weeping: وبنتفاجا بالمخالفات :vampire:


وبنحلم فيها فالليل :cry:

بس من قراره ذي ؟

[alsenator]

زنقه زنقه يعني يبون فلوس
انا اشوف يحطون لوحات ارشاديه ابرك

[بعيد النظر]

والله بودي يطبقون هـ المخالفة , خصوصا" على خط 22 فبراير ..
بس بدون ما يستخدمون " نقطة , نقطة " ..

للي يمشي على الخط السريع 80 ولي وصل الرادار ..
كععععععع بريك ونزل السرعة لـ 60 !!




والله يعيين

[ام السعف]

بسهم فلوس
دراسة الاستعانة برادارات تسمى (النقطة، نقطة)

الظاهر الي حاط الدراسه متاثر بزنقه زنقه

نفس شعوري :(

[باسكن روبنز]

انا راضي بالرادار المنخش ومؤيد له على آستهتارات سرعة الشباب بس بشرط؟ ،

لايقعدون يسوون فيها توم اند جيري وينخشون عند الدواوير والاشارات وتسجل أرقام على غفله!! ،

السالفه فيها تطير فلووس هبـآء منثورا والله حرام عليهم هالحركات ،

الآ حـزام الآ مخفي الآ مادري وشو ،:anger1:

مره من القهر قلت للشرطي آن آخرتهآ بحط لي خدآمه ودريول يجيبوني ويودني ،

بآختصـآر آلي يغلط ويسرع ويستهتر يستحمل مايجيــه ،

[alsubaiai]

بسنا أفلوس ياسعد

بسنا أفلوس ياسعد


وافهم يافهيييييييييييييييم

[برق لمع]

بسهم فلوس
دراسة الاستعانة برادارات تسمى (النقطة، نقطة)

الظاهر الي حاط الدراسه متاثر بزنقه زنقه

:nice:

[MR.STOP]

هذا احنا

انتذمر ونخربط فالمنتديات :)

بس محد يطلع ويقول لاااااااااااااااااااااااااااا

(ولا حد يحاسب المسؤول) اللي يشيل ويحط ويرص قوانين في الدوله كانها ملك ابوه او ملكيته خاصه

وانت يالمواطن حتى في ملكيتك ماتقدر حط قانون بكيفك

بدل مافلوسنا تتكود فالبنك..المرور اولى :)

[cavok]

يبون فلوس باي طريقة خوشششششششششششششش مرور

[نتفـه]

رادار بو زنقه زنقه ههههههههههههه حلوه ,,
الا الاخوان في المـرور مـتمـللين والا شالسالفه ؟؟؟؟؟؟؟؟؟؟
اللي يمـشي على بيض بعد بيصيدونه هههههههههههههههههههههههههههههههههه مـحد سلمـ

[بوحارب]

لارجوع الى الوراء

ثورة ثورة
رادار رادار

الى الأمام نقطة نقطة هههههههههههههههههههه

[المستقل]

بسهم فلوس
دراسة الاستعانة برادارات تسمى (النقطة، نقطة)

الظاهر الي حاط الدراسه متاثر بزنقه زنقه


:app2: صراحه تعليق عجيب :nice: