ياليت تفيدوني .. موضوع يخص الصحه

[آنــه]

السلام عليكم ورحمة الله وبركاته

أخواني و أخواتي

ابي اسأل عن دكتور ممتاز خارج قطر
لإجراء عملية القرنية المخروطيه ( زراعة قرنيه )

ياليت اللي عملها يكتب لي وين سواها واسم الدكتور
لاني مقبله على هالعمليه ولحد الحين مو عارفه اروح لاي دكتور او اي بلد
وهنا ابدا ما راح اسويها لان من البدايه هم اللي تابعوني و وصلوني لهالحال
ولا انا قبل كان نظري زين

يا ليت تساعدوني يا جماعة الخير :shy:
شاكره لكم مساعدنكم وجهودكم مقدما

[مناحي السادس عشر]

ماتشوفين شر
اتصلي على مجمع ابن النفيس الطبي في البحرين
فيه دكتور اسمه سينق هندي
دكتور ممتاز جدا من تجارب واجد مع ماما
تقدرين تكلمينهم كاستشاره للدكتور المناسب
بس مدري اذا البحرين حد يقدر يروح لها الحين ولا لا

[آنــه]

مابي نفسي اروح البحرين الحين :(

انا قبل ما سويت عندهم اسويها الحين
مستشفياتهم معده للعمليات البسيطه الليزر والليزك
ترى انا رايحه من قبل للدكتوره هيفا وللدكتور العريض
بس محد مدح لي زراعة القرنيه عندهم

انا قبل قد رحت لوايد اماكن مثل المانيا بس للاسف الدكتور اللي كان يسوي العمليع مات :(
كان عشمي ان التكنلوجيا تنصفني وتصير الجراحه بالليزر بدون خيوط في العين
بس لحد اليوم التكنلوجيا ما انصفتني الا في تسهيل وتقليل مدة العمليه

والله يوفق لي ويكتب لي اني اسويها بسرعه وعند دكتور زين مب دكتور عليمي
بس ابي مساعدتكم في اسم الدكتور وتجربة اي احد
على الاقل اتطمن ان الدكتور زين

[المقهوره]

فيه ناس سووها في هالمستشفى في تايلند

rutnin eye hospital bangkok

والحمد الله امورهم طيبة

وهذا هو موقع ورقم الهاتف للمستشفى

Rutnin Hospital
( مستشفى متخصص بالعيون )
Address : 80/1 Sukhumvit 21 Road (Soi Asoke), Bangkok 10110, Thailand
Telephone : (662) 639-3399
Fax : (662) 639-3311
contact@rutnin.com : Email



وناس سووها بالامريكي

[المقهوره]

شوفي هالموقع

http://www.sharifeyecenter.com/page.asp?pageID=10&lang=arb

[الرادار]

الله يشفيج ان شاء الله

[آنــه]

لاهانت يمينج
مشكوره فديتج على المساعده
ما قصرتي وان شاء الله افيدج في فرح

[آنــه]

الرادار

الله يشفي مرضاك ومرضى المسلمين .. اللهم امين

[آنــه]

سبحان الله والحمدلله ولا اله الا الله والله أكبر

[نوفي]

ان شاءالله يارب تحصلين الدكتور الممتاز وتنجح عمليتج
عقبالي ان شاءالله اسوي الليزك

[آنــه]

والله يا نوفي اذا تبين افضل من الليزك
في عملية تثبيت قرنيه وفيه عمليه وايد زينه بعد اللي هي زرع عدسه فوق البؤبؤ
وايد افضل لان الليزك عمليته تصير بانهم يكشطون لج القرنيه ويشيلون منها طبقه إلى طبقتين
سألي الدكتور وشوفيشيقول لج ع هالعمليات