::: غيمة صناعية لتظليل وتبريد ملاعب 2022 :::

[STAR]

غيمة صناعية لتظليل وتبريد ملاعب 2022

تتحرك بالريموت كنترول



http://www.alarab.com.qa/admin/articles/images/186503391_b9.jpg



كشف الدكتور سعود عبد الغني -رئيس قسم الهندسة الميكانيكية والصناعية بجامعة قطر- عن تصميم وبناء غيمة صناعية طائرة تستخدم لتظليل وتبريد الملاعب المفتوحة لاستخدامها في كأس العالم 2022 المقرر تنظيمه بالدوحة.

وأضاف المحاضر بكلية الهندسة بالجامعة في تصريحات خاصة لــ «العرب» أن المشروع العلمي يتم بالتعاون مع واحة العلوم والتكنولوجيا عضو مؤسسة قطر للتربية والعلوم وتنمية المجتمع.

وأوضح أن الغيمة تتحرك باستخدام أجهزة التحكم عن بعد (الريموت كنترول)، وقال «قمنا بتصميم النموذج الأولي ونقوم حاليا بمفاوضات مع واحة العلوم والتكنولوجيا لتغطية مصروفات إنشاء نموذج أولي يتم تجربته».

وأوضح أن الغيمة تصنع من مواد كربونية خفيفة، وقال «الغيمة تصنع من مواد محلية الصنع 100 %، وتعمل بـ 4 محركات بالطاقة الشمسية، وتطير على ارتفاعات عالية لحجب أشعة الشمس المباشرة وغير المباشرة للتحكم في درجة حرارة الملاعب المفتوحة».

وكشف سعود عن أن النموذج الأولي يتكلف 500 ألف دولار، وقال «عندما يتم تحويل الأمر إلى النمط التجاري ستقل التكلفة».

وعدد استخدامات الغيمة حيث يمكن استغلالها في الشواطئ لتظليل «البلاج»، وفي مواقف السيارات لتظليل «الباركينج»، وقال في المستقبل يمكن أن تطلب الغيمة بالموبايل مثلا فتأتي لتظلل سيارتك.

وتنشر «العرب» صورة مفترضة للغيمة، بالإضافة إلى جزء من عمليات البناء التي قام بها فريق قسم الهندسة الميكانيكية والصناعية بكلية الهندسة بجامعة قطر.

الجدير بالذكر أن قطر كانت قدمت ملفا يتضمن إمكانية تنظيم كأس العالم في ملاعب مكيفة الهواء للتغلب على درجات الحرارة العالية التي تصل إلى 50 درجة مئوية في فصل الصيف، وأبدى كثيرون ترحيبهم بنقل البطولة إلى الشتاء منهم سيب بلاتر رئيس الفيفا، لكن بعض المسؤولين اعترضوا على ذلك بداعي أنه من الصعب تغيير مواعيد بطولات الدوري في أوروبا.



المصدر جريدة العرب
http://www.alarab.com.qa/details.php?docId=179742&issueNo=1190&secId=16

[بو الجوري]

يـ الله بحسن الخاتمه :..

شكراً على النقل :..

[الأستاذ]

كلٌ يغني على ليلاه ... وأنا على ليلى اٌغني

ـــــــــــــــــــــــــــــــــــــ
أقترح أن يكتب تحت هذه الغيمة :
أمطري حيث شئت فسيأتيني خراجك ...
والله يخارجنا على خير ...

[بوعمير]

عسى ما تطيح على روس العالم في الاستاد، بعدين وش هـ الغيمة الي بـ 500 الف دولار نبي شي فوق الـ 20 مليون دولار ما يسير حنا أغنى دولة بالعالم ونسوي غيمة بـ 500 الف دولار بس !!!

[البيرق]

الفكرة ممتازة والله يوفقهم


عسى ما تطيح على روس العالم في الاستاد، بعدين وش هـ الغيمة الي بـ 500 الف دولار نبي شي فوق الـ 20 مليون دولار ما يسير حنا أغنى دولة بالعالم ونسوي غيمة بـ 500 الف دولار بس !!!



العملية بسيطة وتطبيقها تحدي والتكنولوجا مساعدة في ذلك
وعملها نفس عمل الطائرات الورقية ومطورة بتجهيزات تحكم ومراوح
والله يوفقهم

[ALRAYYAN]

فيها مطر ولا

:omen2:

[STAR]

نبيها تمطر وتثلج... بس غريبة انا اشوفها مظلة اكثر من انها غيمة..!!

[Rider]

كل شي بيخترعونه حق كاس العالم وأرضاء الأجانب بس مافيه اختراع حق مصلحة القطريين الله المستعان

[الرادار]

بعد تساقط الامطار وتغير النتيجه ,, فريق أ يكون فائز على فريق ب
بعد المطر الصناعي فاز ب على أ .
هل يحق ل أ الأحتجاج وطلب الغاء نتيجة المباراة.

[La Bella]

بالونة هيليوم شكلها مستطيل او على شكل غيمة بحجم تغطي مساحة الملعلب
مصنوعة من مادة تستحمل الشمس pvc أو أي نوع أخر
المقاس
90 إلى 120 متر طول
45 إلى 90 متر عرض
والسمك متروك لهم

72787
أقتراح والتكلفة أتوقع أقل من السابقة بكثير

[شبعان]

اقول حق الباش مهندس والطلبه اشغلوا جهدكم ووقتكم في شي مفيد مادام عندكم هالمواهب والعبقريه الفتاكه!! كاس العالم تقام بين منتصف شهر 6 الى نهاية شهر 7 .. ودرجة الحراره في "الظل" مب اقل من 40 وبعدين المباريات راح تقام قريب من وقت الغروب فشنهو الفايده من هالاختراع ؟

[جوهرة قطر]

مشاء الله تبارك الرحمن :omg:

[موضي قطر]

مايصير يخترعون غيمة تمطر في " حوي المديونين :(

[Q8JP]

500 الف دولار 170 الف دينار شوية ما اتوقع
اذا صاروخ توماهوك بمليون دولار .. الغيمة 500 شوية خل يسوون وحدة
كبر الكويت تبرد علينا دامها رخيصة

[راعي المواجيب]

اظن المشروع بيفشل ..

بعد ثلاث شهور من المطر بيطلع لهم فقع بالملعب

[بـــــــنت النوخـّــــذه]

اتصدقين نسيت سالفه كأس العالم

هالثورات ماخلونا انتابع اخر المستجدات في التحضيرات لكأس العالم وكملوها بمساهمه قوات قطريه الحين خلاص عيونا مبحلقه بالقنوات الاخباريه لا اسمع لا ارى لا اتكلم فقط متابعين الاحداث 00

[ولد البدر]

ليش ما يغطون الملعب من الأصل وخلاص بلا غيمة بلا .......... ويخلون السقف يفتح إذا الجو زين

[شموع قطريه]

الناس في حروب وثورات وذبح ومذابح واحنا نوقع صفقات مع موردين غيوم وخرابيط ..
وين هالصفقات عن جامعة قطر اللي يتنقلون الطلاب من مبنى التأسيسي لين مبنى الجامعه تحت لواهيب الشمس ..
وين هالغيمه عن مصليات العيد يحطونها تبرد على المصلين في الصيف ..
ولا بس هالغيمة تطلع حق ناس وناس ..
وشلون اللاعبين بيلعبون بأعصاب هاديه وفوق روسهم جسم معلق اشكبره لو يطيح فوق راسهم استووا عصيده ..
ولنفرض اللي يتحكم بالريموت ياته النوده وضغط على زر الريموت وهد عليهم الماي كله ولا سكرها بالغلط ونزلت على نوافيخهم :) .. كلها احتمالات واردة :)

[alsenator]

لو يفكونا ويسوون كاس العالم في الشتا ابرك

[عضو المنتدى]

غيمه تتحرك بالريموت

وإذا نبغيها تمطر ...تمطر؟

حشى الدجال طلع ههههههه

[عضو المنتدى]

ياريت يعدلون المنطقه الصناعيه

وبعدين يفكرون في هالسوالف

[قطريه ماركه]

شكلها جنها مركبة فضائية !!!!!!!!

[Qa6ar]

الفال لنا يسمحون لنا بالمخفي من الشمس وعن منه فلان وفلان

[Dawn]

يا جماعه صلوا عالنبي

اذا هالاختراع من قطريين ويشتغل بالطاقه الشمسيه وخامات صنعه كلها خامات محليه هذا انجاز حلو لقطر ..

ان شاء الله تكون بدايه لاختراعات افضل وارقى وافيد للمجتمع ،، وبالتوفيق لهم ان شاء الله

[أسير الاسهم]

يالربع قويه

[toomi9]

يا جماعه صلوا عالنبي

اذا هالاختراع من قطريين ويشتغل بالطاقه الشمسيه وخامات صنعه كلها خامات محليه هذا انجاز حلو لقطر ..

ان شاء الله تكون بدايه لاختراعات افضل وارقى وافيد للمجتمع ،، وبالتوفيق لهم ان شاء الله

زين
الله يوفقهم يارب

[بوحارب]

حركاااااات

[hamoor4ever]

فلوسهم بحر حق الخرابيط ، لين جات حق المواطن القطري صار ماعندهم بيزات

[قطر دزاين]

خلاص بحجز وحده للعزبه اذا فيها مطر:)

[jeep-srt8]

يسونها بالشتاء ويكون الجو طبيعي اجمل بكثير وجو الدوحة بالشتاء هو الاجمل عالمياً

مافي داعي للخساير

بس ما نقول الا الله يوفقنا لما فيه الخير

[QatarSupport]

شنو شعووورك غيمه تهد عليك ثلج او مطر

في عز صيفنا .. !!

ما اتوقع ان الثلج او المطر يمديه يوصلك من الحراره على طول بيتبخر

و بتروح فلووسك بلووووشي ..!!

و مثل ما ذكر احد الاخوان ..

اغلبيه المباريات بتكون مسياااان يعني من قريب المغرب

يعني مالها فايده ابدن ابدن

انا اشوف لو جامعه قطر تركز على تطوير منشائتها و تصحيح الاخطاء اللي تصير فيها

افضل لها بكثير

[STAR]

إذا الريموت طاح عند يد اليهال؟‏!‏‏!‏

[QatarSupport]

إذا الريموت طاح عند يد اليهال؟‏!‏‏!‏

هذا بلى ابوك يا عقاب

راحت على اللاعبيه .. اجزم واكد ان لاعبين المنتخبات الافرنجيه " الاوروبيه "

راح يسيحوون من الحراره:nice:

[خوي الدرب]

المشكلة لا يخرب الريموت وتطيح الغيمة على الملعب

[الموضوعي]

عندي احساس ان كاس العالم ماراح يتم سنة 2022 او قطر راح تفلس قبلها ويحطون الحرة في المواطن لأن نيته مب زينه وتفكيره مب كروي و مب متقوقع اومنبطح

[AL_MUTAEM]

اللي عرفناه ان الملاعب راح تكون مكيفه والمباريات تكون بالمساء يعني اي شمس اللي يتكلمون عنها ؟؟

[بـــــــنت النوخـّــــذه]

ابي ينزل ثلج في قطر 000خاطري اشوف الثلج عندنا نازل يصير

[موضي قطر]

[quote=بــــــــــــنت النوخـّـــــــــــــذه;7067228]ابي ينزل ثلج في قطر 000خاطري اشوف الثلج عندنا نازل يصير[/quote



فسكره حبيبتي تدلين الثلاجة اللي طلعتي لي منها الآيس كريم وماعطيتيني منه :(

[al-sadd]

ماشاء الله على بعض الردود !
يعني قبل اتقولون مافي اختراعات ! ويوم سوالكم ماتبونه !
والصناعه بتكون 100% من موارد الدوله !
شتبون اكثر من جي !
هذ بدال ماتمدحونهم وتقولون الله يوفقهم

انا اشوف الفكره حلوه وبتكون لنا الاولويه في الصنع ان شاءالله على الاقل في المجال العربي
وبالعكس اذا نجحت الفكره ولا اكبر راس عن الغرب يقدر يتكلم !
وهذا اذا بيدل بيدل على كلمه الدوله ! اذا اوعدو بشي فبيسونه
وان شاءالله قدها والى الامام

[بـــــــنت النوخـّــــذه]

:p
[quote=موضي قطر7067228][/quote



فسكره حبيبتي تدلين الثلاجة اللي طلعتي لي منها الآيس كريم وماعطيتيني منه :(

:p

اهههه اي ادلها بس صغيره ماتكفيني :looking:

ابي ينزل ثلج علينا ابي اطلع بالشارع واسوي رجل الثلج واحذف اليهال بالثلج والله وناسه اذا صج يصير اعتقد اختراع يشكرون عليه وممكن يستغلونه يحطونه بقاعه كبيره يسمونها مدينه الثلج <<<تحلم وايد

انا مع المسؤولين في اختراع هالغيمه لان بنستفيد منها اكيد

[موضي قطر]

:p[QUOTE=;7067235][FONT="Courier New"][SIZE="5"][B]

:p

[COLOR="Navy"]اهههه اي ادله بس صغيره ماتكفيني :looking:

ابي ينزل ثلج علينا ابي اطلع بالشارع واسوي رجل الثلج واحذف اليهال بالثلج والله وناسه اذا صج يصير اعتقد اختراع يشكرون عليه وممكن يستغلونه يحطونه بقاعه كبيره يسمونها مدينه الثلج <<<تحلم وايد

انا مع المسؤولين في اختراع هالغيمه لان بنستفيد منها اكيد





عاد انا خاطري اسوي رجل الثلج والبسه الفولاغ واصور معاه واطرشها لام السعف :p

[naklan]

غيمة صناعية لتظليل وتبريد ملاعب 2022

تتحرك بالريموت كنترول

http://www.alarab.com.qa/admin/articles/images/186503391_b9.jpg

وكشف سعود عن أن النموذج الأولي يتكلف 500 ألف دولار، وقال «عندما يتم تحويل الأمر إلى النمط التجاري ستقل التكلفة».

وعدد استخدامات الغيمة حيث يمكن استغلالها في الشواطئ لتظليل «البلاج»، وفي مواقف السيارات لتظليل «الباركينج»، وقال في المستقبل يمكن أن تطلب الغيمة بالموبايل مثلا فتأتي لتظلل سيارتك. وتنشر «العرب» صورة مفترضة للغيمة، بالإضافة إلى جزء من عمليات البناء التي قام بها فريق قسم الهندسة الميكانيكية والصناعية بكلية الهندسة بجامعة قطر.

المصدر جريدة العرب
http://www.alarab.com.qa/details.php?docId=179742&issueNo=1190&secId=16




حشا بوليسي مهيب غيمه تتصل وتحلقك وتضلل سيارتك

تطلب الغيمه دلفري هذي كنتاكي :telephone:

احلام يقضه ذكروني بمسلسل سوق المقاصيص يوم سعد الفرج

يبي يزرع في لكويت شجر تفاح ابو فسيوه :eek5:

وتتكلف 500 الف دولار ,, اخ ,, اخ يالقولون

ضرب عندي القولون :anger1:

[eXpert*]

بدون تعليق علي بعض الردود
بس تعقيب واحد المقال ذكر ان الهدف مستقبلاً يكون المشروع تجاري ،، ويمكن استغلاله لاهداف غير تغطيه الملاعب .
واللي يقولون ليش مايسوون الكـــــأس في الشتاء اقوله مرحب الساع ،، لتنظيم البطوله له شروط ومنها ان الكاس يكون في هذه الفتره من السنه وهي متعارف عليها من زمان.

الله يوفق جامعه قطر وواحه العلوم والتكنولوجيا الي خطى سديده .

[شنايدر]

بالونة هيليوم شكلها مستطيل او على شكل غيمة بحجم تغطي مساحة الملعلب
مصنوعة من مادة تستحمل الشمس pvc أو أي نوع أخر
المقاس
90 إلى 120 متر طول
45 إلى 90 متر عرض
والسمك متروك لهم

72787
أقتراح والتكلفة أتوقع أقل من السابقة بكثير

:nice:

[المخباط]

حلوة الفكرة :nice:
ليش ما يسوون تراي في نفس توقيت البطولة اعتقد شهر 6
وتكون مباراة ودية لمنتخبات اوربية
ونشوف الجو واللعب كيف بيسير مع الغيمة هل بتكون ناجحة ولا محتاجة تعديلات
واظن الغيمة بتكون عبارة عن جهاز تبريد عن طريق دفع الهواء البارد يعني مثل(المكيف الصحراوي)
يالله انشالله ينجح ونستخدم الفكرة في كذا مجال ومكان :victory:

[الأصيلة]

عندي احساس ان كاس العالم ماراح يتم سنة 2022 او قطر راح تفلس قبلها ويحطون الحرة في المواطن لأن نيته مب زينه وتفكيره مب كروي و مب متقوقع اومنبطح

هذا مب احساس إلا فأل شؤم...
أحد يتوقع لـ بلاده الشر ...
لاحول ولاقوة إلا بالله...

الله يكفي قطر وأهلها ها التوقعات السيئة ويعطيهم الخير وين ماكان ويزيدهم منه ...

[نورالهدى]

العلم في تطور
ماشاء الله

[الأصيلة]

العلم في تطور
ماشاء الله

جزاك الله خير على ها التشجيع يانور الهدى...
والله أشوف الردود واتحسر..
وأقول الحين عرفت من يكسر عزوم الشباب القطري ويبتر الإبداع من جذوره...
الله لو ها الكلام في اليابان كان طاروا ووقعوا بها الإختراع...

[ام السعف]

عاد انا خاطري اسوي رجل الثلج والبسه الفولاغ واصور معاه واطرشها لام السعف :p[/B]

اكره الثلج :(
I hate snow

[hamoor4ever]

هذا مب احساس إلا فأل شؤم...
أحد يتوقع لـ بلاده الشر ...
لاحول ولاقوة إلا بالله...

الله يكفي قطر وأهلها ها التوقعات السيئة ويعطيهم الخير وين ماكان ويزيدهم منه ...

حد توقع ايقاف نصف مشاريع دبي ؟! حد توقع تسميه برج دبي بأسم برج خليفه حد توقع ارسال جميع الضرائب والرسوم الماليه من اماره دبي الى ابوظبي ؟ انا ماتوقع ان قطر تفلس قبل 2022 لان الباين ان فلوسهم زايده لكن لازم الصرف يكون حسب دراسات مش عشوائي وانا والله اعلم اعتقد ان الصرف حسب دراسات ومعطيات ومش عشوائي ان شاء الله في دولتنا

[مشتاقة لقطر]

للامام ؟؟؟؟؟؟؟؟

[برق لمع]

بصراحة انا اقرا الموضوع واضحك لان جد شر البلية ما يضحك
يبردون على روسهم في الملاعب ؟؟ واحنا من يبرد على قلوبنا ويهتم فينا ، هم كلها اسبوعين ويروحون بلادهم لكن احنا طول عمرنا تحت شمس قطر فاعتقد ان احنا اولى بهالغيمة العجيييييبة

صبراً جميل والله المستعان !!

[be cool]

اختراع وتكنولوجيا روووووووووووووعه جد جد خيااااااااااااال وابدااااع

والله شي ولا في البال ,,,, بالتوفيق القطر الرائده في جميع المجالات,,,

[جرح الزمان]

بدون تعليق علي بعض الردود
بس تعقيب واحد المقال ذكر ان الهدف مستقبلاً يكون المشروع تجاري ،، ويمكن استغلاله لاهداف غير تغطيه الملاعب .
واللي يقولون ليش مايسوون الكـــــأس في الشتاء اقوله مرحب الساع ،، لتنظيم البطوله له شروط ومنها ان الكاس يكون في هذه الفتره من السنه وهي متعارف عليها من زمان.

الله يوفق جامعه قطر وواحه العلوم والتكنولوجيا الي خطى سديده .

:victory:

[al-buainain]

والي يبي ايأجرها ثلاث اشهور له خصم <<<<<<<<<<<---- ايخطط حق ايام الوسم

[rashid_qatar]

شلنا بعوار الراس والخساير وصرف اموال ودعايات للرياضة حافظوعلى اموالنا ومانبي صرف على الرياضة نبي تعمير البلد ومنح المواطنين اموال واراضي لتعديل اوضاهم ابرك من تصرفونها على الرياضة والاجانب وقناة الكاس

[سهم احمر]

يعني بناكل فــــــقــع وايد سنة 2022

الله يستر من الايام الجاية جان ما يسون لاعب يتحرك برموت بعد ويصرفوووووووووووووووووووووووووون عليه بيززززززاااات واااايد

:eek5::eek5::eek5:
:eek5::eek5::eek5:

[سهم احمر]

بصراحة انا اقرا الموضوع واضحك لان جد شر البلية ما يضحك
يبردون على روسهم في الملاعب ؟؟ واحنا من يبرد على قلوبنا ويهتم فينا ، هم كلها اسبوعين ويروحون بلادهم لكن احنا طول عمرنا تحت شمس قطر فاعتقد ان احنا اولى بهالغيمة العجيييييبة

صبراً جميل والله المستعان !!

الله المستعان والفوز بجنة الفردوس

[بوراشد82]

ياجماعة هذا اختراع جميل لكن قدر الله اختربت المراوح هاذي ولاتقولون ماتخترب مابتطيح وتعرض حياة الناس للخطر وتشتت الانتباه !!!

وين المواطن الي اخترع النخلة الكترونية الي ماتكلف شي يذكر ولاتولد حرارة وفي نفس الوقت تبرد الجو من 40 الى 24-18 درجة ؟؟؟

اي صج نسيت واعتذر للحكومة وللاعضاء نسيت اقول انه قطري !

[الموضوعي]

متأكدين في كاس عالم 2022

[منابر خالده]

اسعدني هالخبر
مشكور ويعطيك العافيه

[STAR]

اشكركم عالمروووور...

[..الاميرة..]

فيها مطر ولا

:omen2:


صحيح اذا فيها قولوا لنا بحضر المباره بس عشان المطر .. omen

[عبسي]

ماسووا اختراع يشيل ديون المواطنين بدل :secret:هالغيمه !!

[المفترسه]

ياليت يسوون هالغيمه في شهر 7 و8

[بـــــــنت النوخـّــــذه]

ياليت يسوون هالغيمه في شهر 7 و8

اهههههههههههههه
المفترسه توقيعج وصورتج الرمزيه :p

عفوا" ستار على المداخله :shy:

[المفترسه]

اهههههههههههههه
المفترسه توقيعج وصورتج الرمزيه :p

عفوا" ستار على المداخله :shy:

اقول ارقصي وافرحي وهلوسي الدنيا سهالات
:nice:

[ام ناصر1]

ممكن تاجير هالغيمة للصيف...القادم

[نوفا91]

اخس ياجامعه قطر وهذا وانا طالبتكم ماكلمتوني ولاعطيتونا خبر ع الاقل مسج..


انزين الحين بيسوون وحده والا بالجمله ؟؟<سؤال وجيه

لاني افكر اشتري خبركم صيف وماعندنا مكان نطلع بس دام بيسوون هالخيمه يعني نقدر نروح اسباير ..
فديييييييييت المنتجات الوطنيه ..

بصراحه نبي نقرا ع جامعه قطر يعني انجاز ماحصلش زيوو ابدا ..

[سهيل قطر]

الله المستعان

[نوفا91]

:victory:لجامعة قطر..

[كاشف الغطاء]

ان شاء الله نشوف هالاختراع على ارض الواقع