المساعد الشخصي الرقمي

مشاهدة النسخة كاملة : وين احسن مكان للحماية


محمد2
21-03-2011, 11:24 PM
ابي اركب حماية لوجه الموتر (vx r)
وين احسن مكان من ناحية التركيب والسعر . وكم يكلفني تقريبا , الوجة +المرايتتن يمين ويسار
باسكن روبنز
22-03-2011, 12:13 AM
نصيحه لاتروح محل حمايه آلي الكل يتكلم عنه ،

ركبت عندهم على سلفرادو والتركيب عادي وأطرافه شوي متبطله وفوق هذا يصفر كل شهرين تسويله بولش ،

مر على محل تيتانيوم وبتدعيلي وللعلم العازل عنده مايصفرر وأرخص من كل المحلات بس خله يسجل لك بالورقه آن الحمايه مايصفر عشان يآكد على كلامه ،

آثنين من ربعي مركبين عنده على لكزس فورويل وصالون آكبر حجم ،

والله تحسفت آني مارحت لهم من البدايه ،
shgawia
22-03-2011, 01:03 AM
انصحك ماتروح لمحل الحماية انت ركبت عنده وصح كلام اخوي يصفر والتركيب تعيس والخدمة زفته وشامخين سيارتي بالموس ويوم كلمتهم قالوا لي حد صابغ الرفرف والمشكله ان محد يسوي السياره غيري والاطراف تتبطل شغلهم خربطه وغالي ع الفاضي واللي يدقق بيلقى العازل فيه نفخات واذا واجهتهم قالولك من الجو ولافي فايده
auto body
22-03-2011, 02:08 AM
افضل منتج بالسوق موجود عند الحماية للسيارات

ولاترمى الا الشجرة المثمرة

فروعهم السد والريان



وكفاية ان الضمان مدى الحياه وبوليش مجانا للسيارة بالكامل كل شهرين


وتقبل مروري بصدر رحب


العصر 4x4
engalaa_qa
22-03-2011, 10:06 AM
تيتانيوم ما يصفر و لا بوليش كل شهرين ؟؟؟
باسكن روبنز
22-03-2011, 10:44 AM
ضحكني آلي يقول شجره مثمره ،

حياااكم أراويكم تاريخ تركيب الحمايه آلي ماصار له شهر ،

وشوفوآ بعيونكم مستوى التركيب المثمـر ،:rolleyes2:

بس مشكله آلي يدافعون عن محلات ربعهم ،

ياريت آلي يتكلم يصدق بكلامه ترا فيها ذمة رقـآب والكلام محسوب عليه ،

للعلم جربت محل حمايه وجونسون لكن محل تيتانيوم شفت تركيبه على موترين مثل ماذكرت لك ،

وواحد من هالموترين صار له يمكن 4 شهور ولحد آلحين مافي أصفرار وآنا شايفه بعينـي يازينـه والله حتي راعي الموتر مرتآح ،

وآنصــحك تتصل له بالتلفون يعطيك سعر زيـن قبل لاتروح له عشان مايطمع فيك آن شافك جاي وبتركب ،

والسموحه للآطاله ،
الشامخ
22-03-2011, 10:53 AM
محل سكيورتي كار في العزيزية شغله مثل محل حماية وضمان على طول وكل شهرين بوليش مجاناً ومواد اصلية + اسعر مناسب جداً
engalaa_qa
22-03-2011, 10:55 AM
ممكن رقم محل تيتانيوم و العنوان
أسير الاسهم
22-03-2011, 11:00 AM
وكم يكلف الوجه والمرايات ؟ وهل ياخذ وقت التركيب ؟
محمد2
22-03-2011, 02:38 PM
اشكر جميج ألأخوان اللي تفضلوا بالمرور وابدو اراءهم ومقترحاتهم .
engalaa_qa
22-03-2011, 03:23 PM
خبرنا ايش صار معك ؟؟؟
محمد2
22-03-2011, 04:01 PM
خبرنا ايش صار معك ؟؟؟

اشوف اليوم العصر امر على التيتانيوم ان شاءالله
AQK
22-03-2011, 07:42 PM
افضل منتج بالسوق موجود عند الحماية للسيارات

ولاترمى الا الشجرة المثمرة

فروعهم السد والريان



وكفاية ان الضمان مدى الحياه وبوليش مجانا للسيارة بالكامل كل شهرين


وتقبل مروري بصدر رحب


العصر 4x4


انا سالت وقالو لي بولش بس على الحمايه مب سياره كامله
العابر
22-03-2011, 11:36 PM
اخوي توكل على الله وروح سكورتي كار ممتازين واسعارهم ممتازة واعتقد انهم مسوين عرض 25%
shgawia
23-03-2011, 01:51 AM
حتى انا عندي الفواتير واللي صار لي مع محل الحماية امحق محل بس
interista
23-03-2011, 02:17 AM
محل حمايه جربت عندهم على بورش وعلى مرسيدس صج خدمتهم حلوه بس سعرهم غالي وللأمانه شلت الحمايه بعد سنه وسالفة النفخات صادقين فيها الشباب موجوده ويوم كلمتهم قالو البورش سبورت وصعب يظبط قلت معليه والمرسيدس قالو لي نفس ماقالو للاخوان مثل الجو وهالكلام بس كخدمه ممتازه لان قالي لو بتغيره بجديد بسويه لك بلاش قلت له لا لان مب فاضي كل مره شيل وحط وبولش وغيره اما بالنسبه للعازل فركبته عند جونسون بس خليته يركبه عالجامات بدون شعار مادري ليش ماحب دعاية هالمحلات وشعارهم قالي فيه ناس يجوني بس ياخذون الشعار قلت له مايهمني ركب لي بدون الكلام المكتوب وللامانه عازل جونسون ماعليه كلام صار له فوق السنتين عالموتر بس عشان ماظلم محلات اخرى ماجربت غيره
doha_vip
23-03-2011, 05:30 PM
اخوي توكل على الله وروح سكورتي كار ممتازين واسعارهم ممتازة واعتقد انهم مسوين عرض 25%

عن اذن راعي الموضوع .. وين مكان المحل وشلون اسعارهم ؟؟