المساعد الشخصي الرقمي

مشاهدة النسخة كاملة : طالب منكم المشوره ..... عاجل


ALRAYYAN
22-03-2011, 08:24 AM
السلام عليكم
.
.
.
.
.
.
.
عندي وحده من الاهل توها مخلصه ثانويه ونسبتها للاسف ضعيفه 51% وحاب اقدم لها

وين تنصحوني اقدم لها .. اماكن مافيها اختلاط وفيها خصوصيه

وشالمطلوب لو حبيت اقدم لها في ادارة العمل (برزان) وهل تنصحوني اودي اوراقها هناك او لا ؟

شاكر لكم
أم المها
22-03-2011, 08:32 AM
ايوة قدم لها في برزان انا نسبتي 54 هههه وكان علي دور ثاني والحمدلله توظفت
مم انا كنت مقدمة 2008 وطلبوا السيفي
والبطاقه الشخصية
وشهادة الثانوية
ولو عندها دورات تجيب معها الشهادات
بيعطونك فورما وانت تعبيها
واعتقد عندها مجال تحدد الاماكن اللي هي خاطرها فيها

والله يوفقها يارب
ALRAYYAN
22-03-2011, 08:44 AM
ايوة قدم لها في برزان انا نسبتي 54 هههه وكان علي دور ثاني والحمدلله توظفت
مم انا كنت مقدمة 2008 وطلبوا السيفي
والبطاقه الشخصية
وشهادة الثانوية
ولو عندها دورات تجيب معها الشهادات
بيعطونك فورما وانت تعبيها
واعتقد عندها مجال تحدد الاماكن اللي هي خاطرها فيها

والله يوفقها يارب

جزاج الله خير اختي ام المها وعسى الله يوفقج ويستر عليج دنيا وآخره :)
M!$s ĀŁ!eN
22-03-2011, 08:46 AM
الله ولي التوفيق ان شاء الله
اي وديها اداره العمل ..
بو خليفه 123
22-03-2011, 08:46 AM
نعم في برزان اخوي بو ناصر و لكن يفضل تكتب في طلبها مكان العمل عدم الاختلاط لان اتجاه ادارة العمل هذه الايام هي الى البنوك كـ اغلبيه .


الله يستر على هلك و يوفقهم ..
نوفا91
22-03-2011, 08:47 AM
مووفقين وان شاء الله تلاقي الوظيفه باقرب وقت ..
be cool
22-03-2011, 08:49 AM
قدم اوراقها في برزان وقدم بعد في مدارس لاني ماظن بتلاقي مكان مافيه اختلاط غير المدارس
ALRAYYAN
22-03-2011, 08:52 AM
بارك الله فيكم على كلامكم وتجاوكم السريع ياخوان ,, هذا العشم فيكم

طيب في اماكن تنصحوني اتوجه لها دايركت ؟؟
طماطه
22-03-2011, 08:54 AM
كل الوزارات خلط ماعدا المدارس ..
al3grab
22-03-2011, 09:30 AM
دور واسطه اول للاسف هذا هو الوظع
الـقـاسـي
22-03-2011, 09:58 AM
اتوقع اخوي مافي الا المدارس
المقهوره
22-03-2011, 10:46 AM
المدارس مافيها خلط

والمؤسسات الاجتماعية فيها خلط بس خفيف ارحم من غيرها خاصه فيه اقسام كلهم بنات مع بعض ويادوب المسؤل رجل ولا يدري بعد شسالفه
راعي البيرق
22-03-2011, 10:48 AM
51 %
اممممم
وزارة الاوقاف احسن مكان
المقهوره
22-03-2011, 10:52 AM
51 %
اممممم
وزارة الاوقاف احسن مكان

وزارة الاوقاف = واسطه
مستثمر قطر
22-03-2011, 11:00 AM
بسم الله الرحمن الرحيم
وبعد
انصحك انها اتقدم على كل شي
لا تسفه شي بالمرة
ثانيا اشوف انها تاخذ دورة لغة انجليزيه ودورة كمبيوتر
وقدم على برزان وغيرة
واخيرا وليس اخرا
ما خاب من استشار الناس واستخار الله
فالاهم هو الاستخارة
استخر ربك وشف سواة الله ويش هي
الله يوفقك ويوفق جميع اخوانا اللي يدورون الوظائف ويرزقهم بالرزق الحلال
ALRAYYAN
22-03-2011, 11:54 AM
بارك الله فيكم .. وبيض الله وجيهكم
بوخالد911
22-03-2011, 12:00 PM
مووووفق
Abdulraman
22-03-2011, 12:14 PM
كلية المجتمع هل فيها اختلاط
رُفق المجنّا
22-03-2011, 12:26 PM
السلام عليكم
.
.
.
.
.
.
.
عندي وحده من الاهل توها مخلصه ثانويه ونسبتها للاسف ضعيفه 51% وحاب اقدم لها

وين تنصحوني اقدم لها .. اماكن مافيها اختلاط وفيها خصوصيه

وشالمطلوب لو حبيت اقدم لها في ادارة العمل (برزان) وهل تنصحوني اودي اوراقها هناك او لا ؟

شاكر لكم



والله ما ودّي أحطمك ولكن تبقى أزاق ييسّرها المولى لـمن يشاء

أواجه نفس الموضوع .. متخرجه من سنة 2007 ولديها دورات عدّه

قدّمنا ع وزارة العمل + المعرض المهني + مدارس + الأوقاف + أي مكان لا يوجد فيه اختلاط يطري ع بالك ولكن لا فائدة

ولكن مثل ما قلت , هي أرزاق ويقسمها المولى سبحانه , والحمد لله أوّلاً وآخراً
مستر بن
22-03-2011, 12:38 PM
والله يالغالي ماا ادري .. بس استخير انت ... وشووف


الله يوفقكم
( أكاديمية )
22-03-2011, 12:47 PM
بالنسبة للأختلاط فهو موجود بكل الدوائر الحكومية بوقتنا الحاضر ..
لو هي ماتحبذ الأختلاط أنصحك أخوي بالمدارس المستقلة ..
فهم يقبلون الشهادة الثانوية العامة بأي نسبة المهم أجادة الكمبيوتر والدورات أن وجدت ..
فالأداريات والسكرتيرة عندنا ثانوية عامة ومساعدة المدرسة أيضا ً ، الله يوفقها ..
وحبيت أوضح لك التقديم يكون على المدرسة مباشرة ومن صاحبة الترخيص ..

موفقين خير
القطو السمين
22-03-2011, 01:06 PM
مستشفى النساء والولادة
محمد
22-03-2011, 01:15 PM
قبل التقديم الشيخ حاول تخليها تطور نفسها بدورة دبلوم في نيوهرايزن او غيرها و اعتقد نيوهرايزن البنات بوقت و الشباب بوقت يعني مب مختلط .. وتاخذ شهادة الـicdl لانها مهمة وفي نفس الوقت سهلة .. والله يوفقكم ..

على فكرة حاليا في سوق العمل الثانوي مطلوب اكثر من الجامعي و سهل توظيفه لكن مب بشهادة ثانوية فقط لازم شوية دورات و هالدورات بسيطة ان شاءالله مافيها صعوبة

بالنسبة للاختلاط .. الوزارات الي حد ما مافيه اختلاط يعني المكاتب مفصوله و بيئة العمل بروحهم لكن طبعا بنفس المبنى فيه شباب و المدير اكيد او غالبا بيكون رجال ..
ALRAYYAN
23-03-2011, 02:23 AM
يعطيكم العافيه جميعا .. رايتكم بيضه
The Master
23-03-2011, 02:38 AM
ابشر ماطلبت شي...:nice:

هو يعتمد انت وين ساكن...يعني انا خبرتي بره الدوحه...بما اني من سكان شمال الدوحه...

عندك مكانين وذلك حسب اطلبك...المدارس...
والمكان الثاني...البلديه... طبعا اذا بغيت رايي عندك البلديه...لا وحلاتها بلدية منطقتكم...يعني عز الطلب...اقريب...وترييح...
فوق هذا داواماتهم ماعليها كلام...اجازه على كيفك...وقمة الترييح...مب الكل...لكن اغلبهم...فا شوف لك بلدية من هالبلديات...وسمعت ان لهم نيه يبغون ناس...

بس المعاش...لك عليه...لكن اذا لبنت...يكفيها وزود :secret:

اموفقين يارب...
ALRAYYAN
23-03-2011, 09:09 AM
ابشر ماطلبت شي...:nice:

هو يعتمد انت وين ساكن...يعني انا خبرتي بره الدوحه...بما اني من سكان شمال الدوحه...

عندك مكانين وذلك حسب اطلبك...المدارس...
والمكان الثاني...البلديه... طبعا اذا بغيت رايي عندك البلديه...لا وحلاتها بلدية منطقتكم...يعني عز الطلب...اقريب...وترييح...
فوق هذا داواماتهم ماعليها كلام...اجازه على كيفك...وقمة الترييح...مب الكل...لكن اغلبهم...فا شوف لك بلدية من هالبلديات...وسمعت ان لهم نيه يبغون ناس...

بس المعاش...لك عليه...لكن اذا لبنت...يكفيها وزود :secret:

اموفقين يارب...

بارك الله فيك اخوي ذ ماستر ماقصرت بشوف بلدية الريان ان شاء الله