مشاهدة النسخة كاملة : :::...خاو لك ابدوي...ولا اتخاوي لك احضري...:::...احم
The Master
22-03-2011, 05:28 PM
احم احم...ثم احم...
ابصراحه موضوعي اليوم يتكلم عن ظاهره امنرفزتني...وماتوقعت الناس لهالدرجه اعقولها سطحيه...ومظهريه...طبعا البعض مب الكل...اسمعوا هالموقف...
كنت في المجلس...واتصل بي واحد من الربع...وقال لي يابوحسن انا مار عليك حبيت اسلم واسولف معك...قلت له يا مرحبا بك...وهالشخص صديق لي من اسنين...وماشفت منه الا كل خير...
فا لما سكرت...سألني واحد من الشباب في المجلس...قال لي من هذا...قلت له واحد من الربع جاي بعد شوي...اسمه خالد محمد...
على طول قال لي من منه؟؟؟
قلت له ليه؟؟؟ قال لي بس سؤال...قلت له من " ال........ "عقب ما سمع القبيلة قال ايييييه...خير ان شاء الله...
قلت له وكأنه مب عاجبك...قال لي لا ابد...قلت له قول قول وش عندك...قال لي وش لك فيهم؟؟؟!!!
قلت له نعم ؟؟!! وش هذي وش لك فيهم بعد؟؟؟ جديدة؟؟؟ ممكن اتقول وش اللي مب عاجبك...؟؟!!
قال لي ...يبا خاو لك ابدوي ابرك لك...اتعرف له ويعرف لك...وثوبك من ثوبه...وطبايعه من طبايعك...
قلت له والنعم فيهم لكن الحضري وش اللي يعيبه؟؟؟
قال لي...مايعيبه شي...بس انا اقول لك...بكره اذا اسألوك العرب من ربعك...تفتخر لما اتقول لهم افلان بن افلان الفلاني...ومحد ينقد عليك...واتعلم منه السلوم السنعه...والعوايد الطيبه...وكلام ارجال...
طبعا انا رديت عليه...وهالرد خلنا نحتفظ فيه ولجا وقته بنقوله لكم...
اترك لكم المشاركه...واسمع ارائكم...ونظرتكم لمثل هالامور...هل معها او ضدها...
ما انقول ان هالنوعيه من الناس واجد...لكنها موجوده...
وعلى فكره تراها من الصوبين...يعني حتى الحضر عندهم نفس هالتفكير...لكن اسباب اخرى تختلف عن اللي في المثال...
اتمني عدم الغلط او التعدي على فئة من الفئات...وايكون النقاش جاد...واهم شي نوصل لهدف...
وان شاء الله توصل الفكره لهالناس اللي تفكيرها كذا...
وفي انتظار مشاركاتكم...
ومعا من احل اصلاح المجتمع :nice:
الخاتم
22-03-2011, 05:35 PM
كلنا اخوان وربع عسى الله لايفرقنا عن بعض
عزيزوف
22-03-2011, 05:36 PM
ما صار الا الخير كل واحد يصلح موتره
واثق بالله
22-03-2011, 05:39 PM
ماله داعي الموضوع من الاساس
لانه بيثير النعرات القبليه ....
ارجو من الاداره اغلاق الموضوع
انا اشوف ان الموضوع ماله هدف غير إثارة الفتن واتمنى من إدارة المنتدى حذفه
meshwar
22-03-2011, 05:40 PM
ياليت في البداية بس نعرف هالنقطتين
مامعنى بدوي ؟؟
ومامعنى حضري ؟؟
وماعلاقة القبيلة في البداوة والتحضر
لان المفهوم مغلوط من اصله
يعني
هل كل بدوي قبيلي ؟؟
وهل كل حضري مش قبيلي ؟؟
من هذا المنطلق اعلاه
لما نفهمه راح نتحاور ان شاء الله
سكرمر
22-03-2011, 05:41 PM
شوف اخوي صاحب الموضوع
مسئله انك تخاوي واحد عشان تتعلم منه السنه والعلوم الطيبه وكلام رجال
هالشي غلط لان الواحد يتعلم هالاشياء من ابوه واعمامه مو ينتظر يكبر ويخاوي ناس عشان يعلمونه ويمكن يكون هاللى تتعلمه غلط
هالمقوله ان خاو لك بدوي ولا تخاوي لك حضري
انا ضدها وهالمقوله غلط فى غلط
وماتجي الا فى النفوس اللى عندها ضعف شخصيه
تحياتي لكم ومشكور على موضوع المهم [/size][/center]
سهم عتيج
22-03-2011, 05:42 PM
الموضوع تحت المقص اذا خرج عن النص..
The Master
22-03-2011, 05:43 PM
كلنا اخوان وربع عسى الله لايفرقنا عن بعض
مافي شك...
لكن ودنا ب ايصال رساله للعقول المتحجره...واللي في قلبها التفريق والكبر...
وابد مابه اي خلاف...:nice:
The Master
22-03-2011, 05:45 PM
ماله داعي الموضوع من الاساس
لانه بيثير النعرات القبليه ....
ارجو من الاداره اغلاق الموضوع
وجهة نظر...واحترمها...
وان شاء الله العقول تفتحت...واكبرت...
الا من اللي انا ذكرتهم في المثال...هذول الله يعينا منهم...ويعين المجتمع من افكارهم :nice:
meshwar
22-03-2011, 05:46 PM
من الاخير
مخاوا
بلال بن رباح
وسلمان الفارسي
ابرك بكثير من ذو الخويصره وابي جهل
وابو جهل كان من سادات قريش
ولكن النقطتين اللي استفسرت عنهم سابقا
مازلت اطلب جواب لهم من اي عضو
البدع
22-03-2011, 05:46 PM
ياليت في البداية بس نعرف هالنقطتين
مامعنى بدوي ؟؟
ومامعنى حضري ؟؟
وماعلاقة القبيلة في البداوة والتحضر
لان المفهوم مغلوط من اصله
يعني
هل كل بدوي قبيلي ؟؟
وهل كل حضري مش قبيلي ؟؟
من هذا المنطلق اعلاه
لما نفهمه راح نتحاور ان شاء الله
هذا الكلام السليم
في ايام الرسول كان هناك عربي واعرابي
والاعرابي هو الي يسكن البادية
والرسول صلى الله عليه وسلم ليس اعرابي
ولهذا يكثر من قوا اعرابي في الاحاديث
البحث خلط بشكل واضح بين الاثنين
ZURICH
22-03-2011, 05:47 PM
الموضوع يصب في العنصرية ومالة اتجاة اخر
والرجولة مب مرتطبة في بدوي وحضري
الرجولة قول وفعل و ( اساس ) نابع من التربية الحكيمة
والنعم بالجميع
ولكن تسالي احد المغفليين بهذى المنتدى من اصحاب العقول الحره
سياتيك بكلام لم ينزل الله به من سلطان
أذان المغرب الان أن شاء الله سيكون شاهد على ما كتبت
The Master
22-03-2011, 05:49 PM
ياليت في البداية بس نعرف هالنقطتين
مامعنى بدوي ؟؟
ومامعنى حضري ؟؟
وماعلاقة القبيلة في البداوة والتحضر
لان المفهوم مغلوط من اصله
يعني
هل كل بدوي قبيلي ؟؟
وهل كل حضري مش قبيلي ؟؟
من هذا المنطلق اعلاه
لما نفهمه راح نتحاور ان شاء الله
اكيد ان المفاهيم مغلوطه...
والناس تفكيرها تغير...وصارت تهتم ب المظهر...والاسم...
وخذ على ذلك لما الواحد يبغي يتقدم لناس...هل بيعرف انهم بدو ولا حضر من اسم القبيلة؟؟؟ اكيد في مجتمعنا القطري اي بيعرف...لان حنا اشوي...واعدادنا قليلة...وصار شي معروف من ومن...
وبس...
يعني لما اسالك انا عن قبيلة معينه اذا انت كنت من هل قطر...عن قبيلة افلانيه...شي بديهي بتعرف اذا ابدوي ولا احضري...:nice:
ولا وش قولك؟؟؟:telephone:
The Master
22-03-2011, 05:51 PM
ههههههههههههههههههههههههههههه
شوف اخوي صاحب الموضوع
مسئله انك تخاوي واحد عشان تتعلم منه السنه والعلوم الطيبه وكلام رجال
هالشي غلط لان الواحد يتعلم هالاشياء من ابوه واعمامه مو ينتظر يكبر ويخاوي ناس عشان يعلمونه ويمكن يكون هاللى تتعلمه غلط
هالمقوله ان خاو لك بدوي ولا تخاوي لك حضري
انا ضدها وهالمقوله غلط فى غلط
وماتجي الا فى النفوس اللى عندها ضعف شخصيه
تحياتي لكم ومشكور على موضوع المهم
الله ينور...وتفكير جميل...واتمنى الاكثار من هالرسايل الطيبه...
وهالمشاركات اللي اتفيد القارئ...مب احذف او سكر الموضوع بدون فائدة تذكر للقارئ...
احييك اخوي...:nice:
MoneyMaker
22-03-2011, 05:53 PM
سوالف بزران
مالي ومال الناس
22-03-2011, 06:04 PM
, , , ,
العلم يرفع بيوتاً لا عماد لها . . . والجهل يهدم بيوت العز والشرف ِ
هارودز
22-03-2011, 06:11 PM
ماله داعي هذا الموضوع
The Master
22-03-2011, 06:12 PM
الموضوع تحت المقص اذا خرج عن النص..
احم :secret:
لا ماعليك ربعنا كفو...ويعجبونك...:nice:
The Master
22-03-2011, 06:16 PM
الموضوع يصب في العنصرية ومالة اتجاة اخر
والرجولة مب مرتطبة في بدوي وحضري
الرجولة قول وفعل و ( اساس ) نابع من التربية الحكيمة
تقدر اتقول عنصريه...وايضا جهل...وايضا كبر...وايضا تاريخ :)
احييك على اخر جملة...وتشكر على المداخلة الطيبه...:nice:
ألعب بعيد
22-03-2011, 06:17 PM
شر البلية مايضحك
اقول ..
حضري بدوي اهم شي مسلمين ورايتنا قطرية
مونديال
22-03-2011, 06:18 PM
The Master
ملاحضة توقيعك مايصب في نفس اتجاه التفاخر
والتقليل من الغير وهو ذكر القبيله
المعنى كلامك مناقض لافعالك
كلي فخر اني ساس قحطان...وعزوتي ربعي واخواني...
ماهمني كلام فلتان ولا عفطان...يبقى الذيب...ذيب...والباقي خلاوي
meshwar
22-03-2011, 06:21 PM
ياليت بس مانتكلم في الشخص صاحب الموضوع
ونتكلم في موضوعه
خاصه وانه معارض لفكرة المثل المذكور في العنوان
وطلب رايكم في الموضوع نفسه
The Master
22-03-2011, 06:21 PM
والنعم بالجميع
ولكن تسالي احد المغفليين بهذى المنتدى من اصحاب العقول الحره
سياتيك بكلام لم ينزل الله به من سلطان
أذان المغرب الان أن شاء الله سيكون شاهد على ما كتبت
ماعليك زود...
طبعا مب الكل...والكل راضي بعقله...وايضا هم قله...والكثير من الاعضاء اللي رأيهم بوزن دوله...ولولا ذلك كان ماشفنا منتدى الاسهم لما هو عليه الان...
يامرحبا بك...
The Master
22-03-2011, 06:23 PM
, , , ,
العلم يرفع بيوتاً لا عماد لها . . . والجهل يهدم بيوت العز والشرف ِ
احييييك على هالبيت...
احسنت اخوي...
ولو شاركتنا ب رأيك...وتوضيح بعض النقاط بيكون افضل...
ومنكم نستفيد :nice:
موضي قطر
22-03-2011, 06:24 PM
الموضوع مادري وش تقصد فيه ؟!!
على العموم الحضر والبدو شبعنا من عقد المقارانات بينهم لأنه مافيها انصاف ابداً
وكلن فيه حقه " من الطيب والردى " سواء بدوي ولا حضري
بس لي ملاحظة فيه اعضاء ردوا وسبحان الله كن لهم ردود في موضوع " مجمع وذنان " وادهشتني ردودهم الحين سبحان الحي الذي لا " يتغير "
على فكره البدوي تطلق على اللي " يشد وينزل " من ما كان يكون بس السؤال عاد به بدو ؟!!
أنا اشوف " البداوة في عصرنا الحالي اصبحت مرادفة للترف ومظاهرة الباذخة "
والله يالربع هالموضه قربت تندثر .... معظم البدو الحين مخاوين لهم حضران والعكس .... هي تعتمد على الراحه النفسيه مع الشخص اللي قدامك ....
ـ
ـ ان اكرمكم عند الله اتقاكم
ـ
ـ واليوم ... وخلنا انكون صريحين .... اللي عنده قرش yeswa قرش .... واللي معندوش ... يقول انا فلاااااان وجدي فلااااااان وجد جدي فلااااااااااااااان ماتعرفونه ! عسى ماشر ياخوي .... عرفناه ولا ماعرفناه وش بنستفيد !
ـ
ـ المهم ياخوان ... كل واحد يسنع وزارته ومسائكم سكر :nice:
The Master
22-03-2011, 06:28 PM
The Master
ملاحضة توقيعك مايصب في نفس اتجاه التفاخر
والتقليل من الغير وهو ذكر القبيله
المعنى كلامك مناقض لافعالك
كلي فخر اني ساس قحطان...وعزوتي ربعي واخواني...
ماهمني كلام فلتان ولا عفطان...يبقى الذيب...ذيب...والباقي خلاوي
احم...:eek5::secret:
طبعا انت طلعت بره النص...وبره الموضوع...فا مانبغي انتفرع...واتوقع انت كا عضو او قارئ...يهمك اهداف الموضوع...مش تفكير راعيه...
والا وش قولك :)
والشي الاهم عشان فضولك...اللي في التوقيع...حق فئة معينه...كانك منهم فا هذا شي ثاني :secret: ...احم
مونديال
22-03-2011, 06:28 PM
ياليت بس مانتكلم في الشخص صاحب الموضوع
ونتكلم في موضوعه
خاصه وانه معارض لفكرة المثل المذكور في العنوان
وطلب رايكم في الموضوع نفسه
من تكلم في شخص صاحب الموضوع
لاتخلط الامور ؟؟
وصاحب الموضوع محشوم ولا الترجمه غلط
انا اتكلم عن مايقال وما هو موجود من بيت شعر
The Master
22-03-2011, 06:30 PM
ياليت بس مانتكلم في الشخص صاحب الموضوع
ونتكلم في موضوعه
خاصه وانه معارض لفكرة المثل المذكور في العنوان
وطلب رايكم في الموضوع نفسه
:nice:
العقل الحر
22-03-2011, 06:32 PM
يوجد الكثير من يفرق بين العرب في ميولهم الحضرية والبدوية
ونعم يوجد من هم حاضرة العرب ومن هم بادية العرب ... وفي الحقيقه لا يوجد فرق كبير بينهم في القدم السحيق واتسعت الفجوة في 300 سنه السابقه حتى قامت تنحصر في نطاق ضيق الان وبدات تظهر الهويه الوطنيه اكثر من اي وقت سابقا
وكل من يدعي انى فلان حضري وينزل من مقدارة ... كأن فيه نقص وشك في اصله والعكس صحيح
اهل قطر اخوة ومعرفه ونسب بينهم كانوا حضر ولا بدو ... وكل من يدعي ويدخل بمداخلات سيئه وقله في الادب وتتهم المجتمع باصل ونسب الشخص وتجعله من الحثالة ( هذا من بيئته العفنه التي تربى فيها ) وعقله الشاذ عن الفطرة الذي اتخذ طريق لوحدة وتكبر على ربعه واهله وجعل نفسه مقدس وغيرة حثاله بسبب فعلا ما .... فهؤلاء لا يستحقون حتى الاتفات لهم
والصراخ على قد الالم ... والكلام موجه لشخص معين لا هو ذكر ولا انثى ... وافهمي ياجارة
مونديال
22-03-2011, 06:34 PM
احم...:eek5::secret:
طبعا انت طلعت بره النص...وبره الموضوع...فا مانبغي انتفرع...واتوقع انت كا عضو او قارئ...يهمك اهداف الموضوع...مش تفكير راعيه...
والا وش قولك :)
والشي الاهم عشان فضولك...اللي في التوقيع...حق فئة معينه...كانك منهم فا هذا شي ثاني :secret: ...احم
ليش برع الموضوع انا اتكلم عن ماكتب منك
وهذا يتناقض مع ماتتكلك وهو التفاخر بالقبيله وهو نوع من العنصريه
واكبر دليل ردك على
كأنك منهم ... من تقصد منهم الحضر او البدو
والله لايوجد فرق حتى يكون في تفسير واضح للبداوه الحاليه
لانعه الواقع الحالي بغض النظر عن الاسم الكل حضر
ولا انا منهم .... (( نعم انا حضري ))
موضي قطر
22-03-2011, 06:35 PM
يوجد الكثير من يفرق بين العرب في ميولهم الحضرية والبدوية
ونعم يوجد من هم حاضرة العرب ومن هم بادية العرب ... وفي الحقيقه لا يوجد فرق كبير بينهم في القدم السحيق واتسعت الفجوة في 300 سنه السابقه حتى قامت تنحصر في نطاق ضيق الان وبدات تظهر الهويه الوطنيه اكثر من اي وقت سابقا
وكل من يدعي انى فلان حضري وينزل من مقدارة ... كأن فيه نقص وشك في اصله والعكس صحيح
اهل قطر اخوة ومعرفه ونسب بينهم كانوا حضر ولا بدو ... وكل من يدعي ويدخل بمداخلات سيئه وقله في الادب وتتهم المجتمع باصل ونسب الشخص وتجعله من الحثالة ( هذا من بيئته العفنه التي تربى فيها ) وعقله الشاذ عن الفطرة الذي اتخذ طريق لوحدة وتكبر على ربعه واهله وجعل نفسه مقدس وغيرة حثاله بسبب فعلا ما .... فهؤلاء لا يستحقون حتى الاتفات لهم
والصراخ على قد الالم ... والكلام موجه لشخص معين لا هو ذكر ولا انثى ... وافهمي ياجارة
فيه واحد/ه من الناس مادري " ذكر ولا أنثى " ينطرون ردك :shy:
The Master
22-03-2011, 06:36 PM
الموضوع مادري وش تقصد فيه ؟!!
على العموم الحضر والبدو شبعنا من عقد المقارانات بينهم لأنه مافيها انصاف ابداً
وكلن فيه حقه " من الطيب والردى " سواء بدوي ولا حضري
بس لي ملاحظة فيه اعضاء ردوا وسبحان الله كن لهم ردود في موضوع " مجمع وذنان " وادهشتني ردودهم الحين سبحان الحي الذي لا " يتغير "
على فكره البدوي تطلق على اللي " يشد وينزل " من ما كان يكون بس السؤال عاد به بدو ؟!!
أنا اشوف " البداوة في عصرنا الحالي اصبحت مرادفة للترف ومظاهرة الباذخة "
مادري وش اقصد فيه؟؟؟
يالربع حد يترجم كلامي في بداية الموضوع...لان احس ان فهم البعض غير عن فهمنا :rolleyes2:
ومن جاب المقارنه...لا بالله مادري وش فهمتي :secret:
اكيد الكل والنعم فيهم...
وياريت ما ندخل في نوايا الاعضاء...او انركز في ردودهم...كلن وحر برايه...وايقول اللي يقوله...هو يتحمل المسؤوليه...ومب حنا اللي نحكم على الناس من خلال كم كلمه في النت...ولا وش قولك؟؟؟ :)
البدو مرادفة للترف؟؟؟ هذي جديده...
على العموم مانبغي نطلع بره الموضوع...وياريت انركز في الموضوع وهدفه...
ويامرحبا بك...
موضي قطر
22-03-2011, 06:41 PM
مادري وش اقصد فيه؟؟؟
يالربع حد يترجم كلامي في بداية الموضوع...لان احس ان فهم البعض غير عن فهمنا :rolleyes2:
ومن جاب المقارنه...لا بالله مادري وش فهمتي :secret:
اكيد الكل والنعم فيهم...
وياريت ما ندخل في نوايا الاعضاء...او انركز في ردودهم...كلن وحر برايه...وايقول اللي يقوله...هو يتحمل المسؤوليه...ومب حنا اللي نحكم على الناس من خلال كم كلمه في النت...ولا وش قولك؟؟؟ :)
البدو مرادفة للترف؟؟؟ هذي جديده...
على العموم مانبغي نطلع بره الموضوع...وياريت انركز في الموضوع وهدفه...
ويامرحبا بك...
اخوي الماستر لما اسألك انا ولاغيري وش تقصد بالموضوع ترا قريته ويمكن غيري شبع من قراءته مب ترد وتقول حد يترجم كلامي الدليل الردود مافيه 2 يتشابهون وكلن وفهمه .. وبالنسبة للمقارنة انت قارنت وخلصت يمكن بمفهومك انها مب مقارنة بس على حسب فهمي اللي " على قدي " هي مالها اسم الا المقارنه هذا رايي :(
والبداوة فعلاً في عصرنا صارت ترف :)
العقل الحر
22-03-2011, 06:45 PM
الموضوع مادري وش تقصد فيه ؟!!
على العموم الحضر والبدو شبعنا من عقد المقارانات بينهم لأنه مافيها انصاف ابداً
وكلن فيه حقه " من الطيب والردى " سواء بدوي ولا حضري
بس لي ملاحظة فيه اعضاء ردوا وسبحان الله كن لهم ردود في موضوع " مجمع وذنان " وادهشتني ردودهم الحين سبحان الحي الذي لا " يتغير "
على فكره البدوي تطلق على اللي " يشد وينزل " من ما كان يكون بس السؤال عاد به بدو ؟!!
أنا اشوف " البداوة في عصرنا الحالي اصبحت مرادفة للترف ومظاهرة الباذخة "
شفتي شلون تغيرت بعض النفوس ! سب وقذف في مكان ومدح في مكان اخر .. تناقض عجيب يدل على النفوس المريضه التي لا تعرف من هم بضبط .. هل هم نساء ام رجال !
فيه واحد/ه من الناس مادري " ذكر ولا أنثى " ينطرون ردك :shy:
ههههههههه ... ذبحتهم ذبح ... والمشكله اسلوب مافيه وطعن في خلق الله وسب وقله ادب والادارة ساكته ... امر غريب
وياليت بروحي ... بل الاغلبية لاحظ ذلك
واستميح صاحب الموضوع العذر وخروجي عن الموضوع
وشكرا لك
sara jsm
22-03-2011, 06:47 PM
ماعندي مشكلة في رفقه البدوي او الحضري او حتى الاجنبي
اهم شي الشخص عنده اخلاق وادب وسمعه طيبه :)
اختلاف الحضارات والثقافات ماراح تاثر على تربيتي ,,
ومافي فرق بين الناس الا بالتقوى مثل ماقال رسولنا الكريم ,,
يعطيك العافية عالموضوع اخوي :victory:
The Master
22-03-2011, 06:48 PM
يا جماعة الخير...خلكم في الموضوع نفسه...وافيدوا القراء...والمتابعين...
واتركوا عنكم الاعضاء...وحلوا مشاكلكم ابعيد عن موضوعي...
واتمنى الادارة ب اخذ الاجراء اللازم في بعض المشاركات...اللي صارت واللي بتصير...
الكبير الله
22-03-2011, 06:48 PM
بالعادة ما اشارك في مثل هالمواضيع بس !! اشوفها كثرت فالمنتدى .. ونتائجها معروفة .. وتعتبر مدخل من مداخل الشيطان فلا تكونوا اعوان الشيطان .. هذا الموضوع يقود الى العنصرية والعنصرية تقود الى التفريقة .. والرسول صلى الله عليه وسلم حذر منها وقال (اتركوها فأنها منتنة ) يعني ريحتها خايسة جيفة واللي يراقب الاوضاع الحالية الدائرة في العالم العربي والخليج يدرك انا في امس الحاجة الى الابتعاد عن مثل هالامووور (هذي رسالة للجميع)
اما صاحب الموضوع / انت وين رايح وبعدين انت سؤالك انت اول من يعرف اجابته قبل لا تطرحة فالمنتدى وتقدر تعمم فكرة جليسك (اللي جالس معاك فالمجلس وقالك الكلام) << عرفته
المهم ما تعمم فكرة واحد على مجتمع وصب اهتمامك وجهدك على تغيير فكرتة (الي مهوب عاجبتك) ولا تشعل الفتن .... اول بركات موضوعك اشتبكوا اثنين والثالث احمرت اوداجة من الغيض
Mr. H
22-03-2011, 06:50 PM
الحقيقة هي , لغة التعميم هي لغة الجهلاء. لا يصح أن نقول كل الحضر ما منهم خير ولا نقول كل البدو و نعم .. فيه كذا و كذا.
لكن
في الموروث و التاريخ و المتعارف عليه أن البدو أطيب " عادةَ" من غيرهم سواء حضر أو قرويين أو فلاحين أو غيرهم باشياء كثيرة و هذا ما يختلف عليه اثنين ..
لكن نقول الموضوع " نسبة و تناسب " ..
و مع اني قبيلي .. لكن حقيقة أتمنى ان تلغى القبائل و يبقى فلان بن فلان و انتهينا
nadeemy
22-03-2011, 06:51 PM
اقول الله يحقظكم يا اهل قطر بدو وحضر
انظروا حولكم وشوفوا العالم يغلي والعياذ بالله
الناس تموت والامن معدوم والبطون جايعه , وتراها مب بعيده , ماهي بافريقيا ولا امريكا الجنوبيه لا لا , شوفوها في البحرين , بعض الناس صار لها اسبوع ما طلعت من بيوتها و لا مدارس ولا جامعات , شوفوها في اليمن بلد حاله واقف والموت يلفه من كل صوب , ليبيا , سوريا
الناس نحسدكم على نعمة الامن والامان
استغرب كل هذا يحدث حولنا واحنا : انت بدوي , وانت حضري
اقول نصيحه خلكم احسن من المراقب اللي يقول ان المقص جاهز وخلوا الموضوع ينزل
ولا قصور في راعي الموضوع ولا تشكيك في نواياه
والله من وراء القصد
الأصيلة
22-03-2011, 06:53 PM
عقدة النقص أشوفها ها الأيام اطفحت على السطح...
ايش سالفة بدوي وحضري بعد...!
ليش السنع والعلوم الطيبة مقتصرة على قبايل معينة وفخايذ محددة...
المشكلة اخوي ماستر موضوعك يحتاج إلى مناقشات ومداخلاتك
وهالنوع من المداخلات تزعل الكثير وتسبب مشاكل وبلبلة وتوتر مابين الأعضاء والقراء
فنبتعد أحسن عنها...
إذن مافيه شيء ينقال في صميم الموضوع الحين
فالأفضل تتراجع عن طلب الآراء في الحوار اللي دار بينك وبين صديقك البدوي...
انا احساس
22-03-2011, 07:00 PM
اللي اشوفه ان كل من الطرفين يقلد الاخر
في بدو يتحيضرون
وفي حضر يتبدون
وحلاة الثوب رقعته منه وفيه :)
chillis
22-03-2011, 07:02 PM
انا اقول يتسكر لان بيثير الفتن
الأصيلة
22-03-2011, 07:03 PM
اللي اشوفه ان كل من الطرفين يقلد الاخر
في بدو يتحيضرون
وفي حضر يتبدون
وحلاة الثوب رقعته منه وفيه :)
مثل الغراب اللي يبغي يقلد مشية الحمامة
وتوهق...!!!
مروا علي ها النوعية ..وأكسروا خاطري...
سارهـ ~
22-03-2011, 07:04 PM
صاحب الموضوع نيتة طيبه ومو قصده شيء
واحنا فاهمين بما فيه الكفاية ان هالفروقات مايحطها الا الجهلة
لان فالواقع مالها وجود
متى ماكانت اخلاق الشخص عالية واسلوبة طيب هني رفجته تنشرى
وعن نفسي احب اتعرف ع الجميع واحتك بكل النااس هاي هوايتي فالدنياا :)
وتسلم خيو ع الموضوع :)
روح الاطلس
22-03-2011, 07:04 PM
اتمنى ان تلغى هذه المسميات ( بدوي وحضري)
صح بعض القبايل تعرف انها بدوية او كانت بدوية لكن عيالها الحاليين ماعادوا بدو بسبب التمدن والمدنية
البعض يستخدم هذه المسميات للاستهزاء
بدوي ... وووع دفاشه
حضري ... اوووه ماله أصل
هذي احد صور الاستهزاء للي يستخدمون هذي المسميات
من ناحية خاوي بدووي او حضري اشوف ماله دخل يمكن صاحبك دارج يسمع بالمجالس هالعبارات
لكن الكرم والشهامة عند الاثنين يعتمد على الشخصية والتربية والاخلاق
وانا ادعو من خلال موضوعك لنفي وترك استخدام هذه المسميات اللي ماعادت ( واقعيا) تعني شيء
The Master
22-03-2011, 07:05 PM
طيب سؤال...
للي قال الموضوع ماله داعي او قال فتنه...او قال تفرقة...
لو هالسالفة مب صدق...او مش موجودة...هل بتصير الفتنه...هل بتصقر التفرقة...
الوكاد...اغلبكم يدري ويعرف بهالشي لكن يغض النظر...او ينكر وجودها...والله العالم ب اسبابها...
فا خذوها قاعده...
مافي دخان بدون نار...
وفي النهاية وجهة نظركم واحترمها...
وفيني الجرأة عشان اتكلم في هالامور اللي ما اتصير الا في الخفايا...وكلت من القلوب...
الأصيلة
22-03-2011, 07:06 PM
انا اقول يتسكر لان بيثير الفتن
:nice:
الأصيلة
22-03-2011, 07:09 PM
طيب سؤال...
للي قال الموضوع ماله داعي او قال فتنه...او قال تفرقة...
لو هالسالفة مب صدق...او مش موجودة...هل بتصير الفتنه...هل بتصقر التفرقة...
الوكاد...اغلبكم يدري ويعرف بهالشي لكن يغض النظر...او ينكر وجودها...والله العالم ب اسبابها...
فا خذوها قاعده...
مافي دخان بدون نار...
وفي النهاية وجهة نظركم واحترمها...
وفيني الجرأة عشان اتكلم في هالامور اللي ما اتصير الا في الخفايا...وكلت من القلوب...
احنا نقصد فتنة هنا في المنتدى وفي الموضوع نفسه
مب على مستوى المجتمع...
المناقشة في الموضوع عقيمة ومارح نوصل لـ نتيجة...
وكل واحد بيضطر يغالط الثاني..
واحنا في غنى عن هالنعرات اللي مامنها فايده
ولو هي صحيح موجودة لكن المفروض نطفي نارها مانشعلها في المنتديات ووسائل الإعلام...
انا احساس
22-03-2011, 07:22 PM
اهل البحر .....حضر
واهل البر .....بدو
مااعتقد انها معادلة صعبه ....بس في ناس تفسر على مزاجها
وبالاخر بنرجع للتراب
سارهـ ~
22-03-2011, 07:27 PM
احنا نقصد فتنة هنا في المنتدى وفي الموضوع نفسه
مب على مستوى المجتمع...
المناقشة في الموضوع عقيمة ومارح نوصل لـ نتيجة...
وكل واحد بيضطر يغالط الثاني..
واحنا في غنى عن هالنعرات اللي مامنها فايده
ولو هي صحيح موجودة لكن المفروض نطفي نارها مانشعلها في المنتديات ووسائل الإعلام...
اسمحيلي بعلق ع كومنتج :)
هاي مب حل يصكر الموضوع !
كل واحد عقله فراسة ويعرف خلاصة نفس مافي ناااس بتعترض
وبيكبرون الموضوع في نااس بتتكلم بتفاهم فكل واحد واسلوبه
صاحب الموضوع ماياب طاري قبيلة معينة ولاهالموضوع يمس احد فينا بشكل شخصي
اهو تكلم عن شي وللاسف حاصل عندنا ومافيها شي لو تبادلنا الاراء وتناقشنا بعيد عن الزعل
وسوء النية
وفالنهااية الاختلاف فالرأي لايفسد للود قضية :)
The Master
22-03-2011, 07:31 PM
اختي الاصيلة...
اسمحي لي اخالف مبدأك...وفي نظري هو مبدا النعامه اللي تطمس راسها في التراب...
هذي تعتبر مشكلة في المجتمع وفي بعض التوجهات...
ومن خلال هالموضوع انحاول انوصل فكرة وتوضيح لمثل هالناس...او للجيل الجديد اللي يتم تكوينه الحين...
وش ذنب الولد اذا كان ابدوي او احضري لكن بيئته مختلفه انه يتم وحيد بدون ربع?! كله عشان شي تافه?
وليه هالتفكير وهالنظرة لامور منتهين منها...
رسالتي واضحه وان شاء الله مابه فتنه او غيرة...الكل عاقل وامثمن كلامه...وعارف وش يقول...
وماعليهم شر...
سارهـ ~
22-03-2011, 07:31 PM
اهل البحر .....حضر
واهل البر .....بدو
مااعتقد انها معادلة صعبه ....بس في ناس تفسر على مزاجها
وبالاخر بنرجع للتراب
:nice:
حليتي المعااادلة ماشاء الله علييج :)
الصريحه
22-03-2011, 07:58 PM
والله اليوم لاحضري ولابدوي التربيه والدين والاخلاق هي اللي تحكم
مالي ومال الناس
22-03-2011, 08:05 PM
احييييك على هالبيت...
احسنت اخوي...
ولو شاركتنا ب رأيك...وتوضيح بعض النقاط بيكون افضل...
ومنكم نستفيد :nice:
, , , ,
العلم يرفع بيوتاً لا عماد لها . . . والجهل يهدم بيوت العز والشرف ِ
دامك طلبت رايي انا حاضر
البداوة والحضارة في الوقت الحاضر ممزوجه ببعضهما
شلون ؟
اللي اصله بدوي حاضراً مهندس وطبيب واستاذ جامعه وساكن قصر , اين البداوه في حياته ؟
اللي اصله حضري حاضراً مهندس وطبيب واستاذ جامعه وساكن قصر , اين الحضاره الجديده في حياته ؟
اذن الحضاره هي وجود شئ متطور ويكون متخلف عنه فئه اخرى
وربما لو قارنا شعبنا بشعوب أخرى لوجدنا شعبنا كله غير متحضر امام علمهم وتطورهم المرتفع :)
اما رأيي من ناحية التربية والاخلاق :
ونعم الاخلاق بالبدو والحضر جميعاُ
فوالله انني افخر بمصاحبة بدو وحضر وكلاهما يرفعون الراس , لان التربيه والدين هي من تحدد شهامة الرجل سواء بدوي او حضري
واما من ناحية الأصل :
فيكفينا قوله تعالى:
( يا أيها الناس إنّا خلقناكم من ذكر وأنثى وجعلناكم شعوباً وقبائل لتعارفوا إن أكرمكم عند الله أتقاكم إن الله عليم خبير)
والسلام ختام
شعنونة قطر
22-03-2011, 08:08 PM
اختي الاصيلة...
اسمحي لي اخالف مبدأك...وفي نظري هو مبدا النعامه اللي تطمس راسها في التراب...
هذي تعتبر مشكلة في المجتمع وفي بعض التوجهات...
ومن خلال هالموضوع انحاول انوصل فكرة وتوضيح لمثل هالناس...او للجيل الجديد اللي يتم تكوينه الحين...
وش ذنب الولد اذا كان ابدوي او احضري لكن بيئته مختلفه انه يتم وحيد بدون ربع?! كله عشان شي تافه?
وليه هالتفكير وهالنظرة لامور منتهين منها...
رسالتي واضحه وان شاء الله مابه فتنه او غيرة...الكل عاقل وامثمن كلامه...وعارف وش يقول...
وماعليهم شر...
بما انها ماتوصل للقتل وولطائفيه :shy: ولاحد بيموت فماتعتبر مشكله
انا بعد افضل يتسكر الموضوع روسنا مدحوبه دحب من هالحروب وش لنا حضر بدو بدو حضر حضر بدو بدو حضر دار بيت بيت دار زنقه !
wadha-qa
22-03-2011, 08:08 PM
والله بتحصل في البدو الزين و الشين
و في الحضر بعد بتحصل الزين و الشين
ما له داعي هالتفرقه لان اهم شي الاخلاق والسمعه الطيبه
خوي الدرب
22-03-2011, 08:12 PM
بعض الأخوة يقول : إن هذا الموضوع ماله داعي من أساسه
وأنا أرد على هذا الأخ الذي يقول بهذا القول .
بيد أن ردي بصيغة سؤال :
هل الموضوع من أساسه صدق ؟!
الـقـاسـي
22-03-2011, 08:24 PM
اغلب الاعضاء اللي ردوا يقولون الموضوع بيثير الفتن اي فتن اللي تتكلمون عنها ,, مراح تثير الا اللي قلبه مريض ..
مسئله انك تخاوي بدوي عشان تتعلم السنع والعلوم الطيبه هالشي صحيح لكن مب مقتصر على البدو فقط سابقا الناس يرسلون عيالهم عند البدو يتعلمون ويتسنعون جيب لي نفس البدو اللي قبل وانا اقول لك لاتخاوي الا بدوي ..
اما الحين صار موروث البدو وموروث الحضر هوايه مثل الحداق والمقناص وغيرها من هالامور صحيح لازالت فيه فئه نوعا ما محتفظه بموروثها لكن اللي صاير الحين امتزاج بين البدو والحضر معاد يفرقون الا ببعض الكلمات وطبيعه الحياه لكن معاد تقدر تقول ال فلان احسن من ال فلان الا لما تعاشرهم ..
اانا بدوي وعندي عيال خالتي وعمتي حضر وماعمري حسيت بفرق نهائيا وربعي حضر ماعمري قد سمعت من شيباني لاتخاوي حضر او حسيت بهالشي اصلا ..
فماله داعي ننفخ في موضوع هو ماله اي اساس في الوجود ..
ممنوع اللمس
22-03-2011, 08:27 PM
واللـه ان موضـوعك فالصمــيم
ويستآهل تقييم لو في تقييم
والله انك صدقت
قبل فتره كنت مع واحد من الربع وقالي بنمر مجلس قريب وراعي المجلس انا ماعرفه بس نزلت اسلم
على طول سألني راعي المجلس انت من منه؟ حتى لا سأل عن اسمي ولا هم يحزنون
بس كان ردي محـرج شوي... قلت له انا مسـلم...
وجلس يلف ويدور لين ماعرف القبيله واموت واعرف وش استفاد مادري
نتفـه
22-03-2011, 08:41 PM
اذا كان في حد من الحضر او البدو بيدخلني الجنه دلوني عليه خل اتعلم منه التقوى والخوف من الله في كل امور الحياه اكثر واكثر ,,
ان اكرمكم عند الله اتقاكم ,,
القبيله مالها خص بتصرفات الانسان فالواحد قاعد يفخر باجداده كمثال ,, والنعم اكيد لكن لازم يمشي على خطاهم ويكون اهل للمفخره ان هو الانسان اللي فيه كل الصفات اللي يتشرف بها اي شخص يتعرف عليه ولا ويتعلم منه بعد ,,
وجهة نظر .. مافي اصل ولا فصل مكتوب له الجنه ترا ,, كل واحد يشيل اعماله ,,
سواء ولد اصل والا ولد قبايل والا حضري والا بدوي والا ايا كان ,,
وجهة نظري :)
Emarati
22-03-2011, 08:46 PM
هالأيام اللي عنده فلس يسوى فلس للأسف :d
يعني لا فيها بدوي ولا حضري
والرفيق الصالح اللي يحب لي الخير ، مب اللي من قوم فلان وعلان
بناسبه مثلا :d
يعطيك العافية
صعبة وصوفه
22-03-2011, 08:50 PM
اخوي الماستر كلامك يحمل شي من الصحة
عادات وسلوم البدو او الحضر تفرررق،، لاحد يجي ويقول الناس تطورت وماحد يسكن بالبر وماعاد في فرق وغيره من الاسطوانه المعتاده،، لااا في فرررق،،، العادات تبقى غير بين الحضري والبدوي، وعشان اوضح الصورة اكثر خل واحد منكم يجرب يروح لمجلس واحد حضري ويشوف سلومهم وبعدين يجرب يروح لمجلس البدوي ويشوف الفرق،،،
طبعا انا هنا مااقول هذا والا هذاك احسن كلهم فيهم الخير والبركه بس بغيت اوضح انه رغم التطور العمراني الا انه العادات ماتغيرت ولا راح تتغير،،،
وسلامتكم
الـقـاسـي
22-03-2011, 08:53 PM
اخوي الماستر كلامك يحمل شي من الصحة
عادات وسلوم البدو او الحضر تفرررق،، لاحد يجي ويقول الناس تطورت وماحد يسكن بالبر وماعاد في فرق وغيره من الاسطوانه المعتاده،، لااا في فرررق،،، العادات تبقى غير بين الحضري والبدوي، وعشان اوضح الصورة اكثر خل واحد منكم يجرب يروح لمجلس واحد حضري ويشوف سلومهم وبعدين يجرب يروح لمجلس البدوي ويشوف الفرق،،،
طبعا انا هنا مااقول هذا والا هذاك احسن كلهم فيهم الخير والبركه بس بغيت اوضح انه رغم التطور العمراني الا انه العادات ماتغيرت ولا راح تتغير،،،
وسلامتكم
ومراح تتغير العادات اصلا طال الزمان ولا قصر
ANONYMOUS
22-03-2011, 08:54 PM
اذا جيت ع الاساس
ان اكرمكم عند الله اتقاكم
والمرء على دين خليله
سواء بدوي ولا حضري ولا غيرهم
ولكن الناس صارت تهتم بالقشور الدنيويه وتترك الاساس
نتفـه
22-03-2011, 08:57 PM
اذا جيت ع الاساس
ان اكرمكم عند الله اتقاكم
والمرء على دين خليله
سواء بدوي ولا حضري ولا غيرهم
ولكن الناس صارت تهتم بالقشور الدنيويه وتترك الاساس
هاي زبدة الحجي من اللي بغيت اقوله ولكن ماعرف اصيغ هههههههههههه :nice:
intesar
22-03-2011, 09:00 PM
للأسف حتى الجيل الجديد عنده عقدة الأصل .. هذا بدوي وغيره حضري ولا هولي أو عجمي .. وهذا لمسته .. بحق شي يحزن لأننا أهل قطر بالرغم من طيبتنا وكرمنا الا أن العنصرية تحكمنا .. والموضوع فعلا يبيله نقاش لأن هالعنصرية ما نشوفها الا بدوحة الخير .. لو رحت أي دولة ثانية ماراح يقول لك شنهي عيلتك أو فخيذتك .. أصل الانسان بأخلاقه لا بإسم عيلته ..
دمتم بود ..
hamoor4ever
22-03-2011, 09:04 PM
بدوي حضري شالفرق اهم شي اخلاق الانسان اللي يفكر جذيه انسان مريض بتفكيره ويحتاج علاج ، وبصراحه اضحك على هالفئه من هالناس
المـهـفـة والـســفـرة
22-03-2011, 09:10 PM
احم احم...ثم احم...
طبعا انا رديت عليه...وهالرد خلنا نحتفظ فيه ولجا وقته بنقوله لكم...
وفي انتظار مشاركاتكم...
ومعا من احل اصلاح المجتمع :nice:
كح كح ..... ثم كح هههه.
لاهنت يالقحطاني ع الطرح , ولي طلب صغير على قدي.
لما دار الحوار بينك وبين خويك , شنهو كان ردك
وش قلت له وبماذا أجابك صديقك أو رفيجك
عساه ماأنحرج منك , وهو مجابلك , ويالس جدامك.
وشرايك بالكلمات والحكي , أو الحجي.
يارب مرّ عليك منه وأستوعبت شي ههههه.:nice:
بكل عيون مبققة , لردك على خويك ,
وأن كان بيرد علينا وياك ,, فيهلابك ومرحبابه.
أخوك الصغير
طالب أول ثانوي.
:nice:
والله من عرفنا الدنيا والبدو مع الحضر مافيه دوام ولا مكان ولا مجلس الا تلاقي فيه بدوي وحضري
سوالف لا تخاوي حضري ياما حضر فيهم مرجلة وشهامة اكثر من البدو والعكس صحيح ..
اعتقد الموضوع راح يسبب حساسية للبدو والحضر اللي قلوبهم سود على بعض اما العاقل مقتنع وخالص
الأصيلة
22-03-2011, 10:31 PM
اختي الاصيلة...
اسمحي لي اخالف مبدأك...وفي نظري هو مبدا النعامه اللي تطمس راسها في التراب...
هذي تعتبر مشكلة في المجتمع وفي بعض التوجهات...
ومن خلال هالموضوع انحاول انوصل فكرة وتوضيح لمثل هالناس...او للجيل الجديد اللي يتم تكوينه الحين...
وش ذنب الولد اذا كان ابدوي او احضري لكن بيئته مختلفه انه يتم وحيد بدون ربع?! كله عشان شي تافه?
وليه هالتفكير وهالنظرة لامور منتهين منها...
رسالتي واضحه وان شاء الله مابه فتنه او غيرة...الكل عاقل وامثمن كلامه...وعارف وش يقول...
وماعليهم شر...
مافيه شيء يدعي لـ أن نطمس رؤوسنا في التراب مثل النعامة...
والموضوع عادي وعندنا استعداد للنقاش ولكن
من تجارب المواضيع المشابهه سابقا
اخذنا درس منها...
فالبعض تأخذه الحمية والعصبية القبلية ويتخيل الكلام موجه له شخصيا ويبدأ التوتر...
ماقلته عن تجربه
وفي نفس الوقت لا نريد أن نخسر إخواننا في المنتدى لـ سبب الفروق بين البدوي والحضري...
ومثل ماعلقت سابقا من يظن أن هذا او ذاك أفضل من غيره فهذا يعود للشعور بالنقص....
فكم من حضري أفضل من بدوي وكم من بدوي أفضل من حضري
وكم حضري تفوق على البدوي في بعض النواحي
في حين أن هناك نواحي أخرى تفوق البدوي فيه وبجدارة...
فلامجال هنا للمقارنة الدقيقة...
يمكن قصده ان طبع هالصديق غير عن طبعك ..
يعني راي صديقك انه لا تمشي الا مع اللي يشبهك .. نفس العادات ونفس التقاليد ..
هو صراحه في فرق بين البدوي والحضري بس في العادات والتقاليد .. يعني اللي يروح لبيت حضري ويروح لبيت بدوي بيشوف الفرق ..
لكنه فرق هامشي يعني مهب مهم وعلى اساسه اشوف اذا بمشي معاه او لا ..
اذا هالصديق ما يضرني ولا راح تكون فيه مشكله كبيره اذا مشيت معاه فوين المشكله ؟!!
اللي يفرق بين مسلم ومسلم العمل الصالح ..
لكن ترى طبع رفيقك موجود في كل مكان ..
هبوب الكوس
22-03-2011, 11:12 PM
كل جواد لة كبوة
وكبوتك هذا الموضوع
حصل خير
بس عندي ملاحظه صغيرة بخصوص الاخ الي يقول يخاوي ابدوي تكون حالات شاذة لاتذكر
تحياتي للجميع
الرادار
22-03-2011, 11:19 PM
رابع اصيل في زمانك يشاكيك ... والى شاف خملاتك عن الناس غطاك .
و
اختار الصاحب الذي اذا جار الزمان يجود
واذا ضاقت الدنيا ،،، باع الدنيا واشتراك
بدوي او حضري
كلهم فيهم خير
الأصيلة
22-03-2011, 11:20 PM
يمكن قصده ان طبع هالصديق غير عن طبعك ..
يعني راي صديقك انه لا تمشي الا مع اللي يشبهك .. نفس العادات ونفس التقاليد ..
هو صراحه في فرق بين البدوي والحضري بس في العادات والتقاليد ..
يعني اللي يروح لبيت حضري ويروح لبيت بدوي بيشوف الفرق ..
لكنه فرق هامشي يعني مهب مهم وعلى اساسه اشوف اذا بمشي معاه او لا ..
اذا هالصديق ما يضرني ولا راح تكون فيه مشكله كبيره اذا مشيت معاه فوين المشكله ؟!!
اللي يفرق بين مسلم ومسلم العمل الصالح ..
لكن ترى طبع رفيقك موجود في كل مكان ..
ممكن نستفيد ونعرف الفروق بين بيت الحضري وبيت البدوي
بما أن صاحب الموضوع عطانا الضوء الأخضر للمناقشة ......
عطا محمد
22-03-2011, 11:33 PM
"انما المؤمنون اخوة" وقال تعالى ايضا "ان اكرمكم عند الله اتقاكم"
فالاخوة المبدأية الاسلامية تنفي اي اعتزاز باي وطنية ضيقة او قومية مقيتة ...
والمعيار عند خالقنا والاعلم بنا الذي يتفاضل به المسلمين التقوى ...
ومن حيث الواقع الانساني ما يبني خلق ما لدى الناس افكارهم حول هذا الخلق ومشاعرهم نحوة...
ومدى اقتناع الشخص لهذا الفكر يتحول الى مفهوم ينعكس على سلوكة ..
ومن هنا نستنتج اخي الكريم بان المكون لسوك الفرد ومدى اقتناعة به لا مكان ولادتهم او البيئة التي نشئ فيها ...
وكخاتمة ذهبية في الاقوال والافعال
"الاصل في القول التقيد بالحكم الشرعي"
"الاصل في الافعال الاباحة ما لم دليل التحريم"
صعبة وصوفه
22-03-2011, 11:34 PM
ممكن نستفيد ونعرف الفروق بين بيت الحضري وبيت البدوي
بما أن صاحب الموضوع عطانا الضوء الأخضر للمناقشة ......
ودي اتلقف واجاوب بس خوفي يجيني هجوم عكسي ارض جو :secret:
فخلني ساكت احسن واللي يبي يعرف الفرق بسيطه يزور مجلس حضري ومجلس بدوي وتجيه العلوم على طول :nice:*
The Master
22-03-2011, 11:40 PM
جاني اتصال من شخص عزيز...وقال لي...
يابوحسن انت لما نزلت موضوعك خاو لك ابدوي ولا اتخاوي لك احضري...
هل كنت تقصد الحضر اللي هم قبايل قطر مثلا ال.... وال....
والبدو هل قطر هم ال..... وال.....
ولا كنت تقصد البدو ب هل قطر ال.....
والحضر قصدتهم الناس اللي اصلهم مب قطر او الخليج العربي...
قلت له الثانيه...
قال لي...موضوعك لما انا قريته اول مره فهمته انك تقصد المثال الاول...لكن لاني اعرفك واعرف تفكيرك عرفت انك تقصد الثاني...
المهم...
يا اعضاء منتدى الاسهم القطريه...
القصد من موضوعي ان هذا خويي اصله مش من قبايل العرب ومب من الخليج...
وهالانسان يعز علي...ورفجته لي من اسنين...
واللي نرفزني كلام خويي اللي في المجلس معاي...وانا استنكرت كلامه وموقفه اتجاه هالفئه من الناس...
فا ودي اسمع رايكم...هل معاي حق في استنكار اللي قاله...ولا اتشوفون ان كلامه صح...
ولكم المايك الحين...
وان شاء الله توصل لكم الفكره صح...مب نفس اول مره...:rolleyes2:
احم :secret:
هبوب الكوس
22-03-2011, 11:42 PM
انتو يالحريم وش عرفكم بعلوم مجالس الرجاجيل وقاعدين لوك لوك
بس حق السوالف والهذره
اقول استريحو بس
chillis
22-03-2011, 11:47 PM
جاني اتصال من شخص عزيز...وقال لي...
يابوحسن انت لما نزلت موضوعك خاو لك ابدوي ولا اتخاوي لك احضري...
هل كنت تقصد الحضر اللي هم قبايل قطر مثلا ال.... وال....
والبدو هل قطر هم ال..... وال.....
ولا كنت تقصد البدو ب هل قطر ال.....
والحضر قصدتهم الناس اللي اصلهم مب قطر او الخليج العربي...
قلت له الثانيه...
قال لي...موضوعك لما انا قريته اول مره فهمته انك تقصد المثال الاول...لكن لاني اعرفك واعرف تفكيرك عرفت انك تقصد الثاني...
المهم...
يا اعضاء منتدى الاسهم القطريه...
القصد من موضوعي ان هذا خويي اصله مش من قبايل العرب ومب من الخليج...
وهالانسان يعز علي...ورفجته لي من اسنين...
واللي نرفزني كلام خويي اللي في المجلس معاي...وانا استنكرت كلامه وموقفه اتجاه هالفئه من الناس...
فا ودي اسمع رايكم...هل معاي حق في استنكار اللي قاله...ولا اتشوفون ان كلامه صح...
ولكم المايك الحين...
وان شاء الله توصل لكم الفكره صح...مب نفس اول مره...:rolleyes2:
احم :secret:
حيرتنا معاك كل شوي لك كلمه الحين الموضوع تحول بطريقه غير اول عممت الفرق بين البدوي والحضري عامه الحين غيرت قلت حضري مهب قطري اصل :) انت تبي تنشر الفتنه وبس الظاهر ومتناقض بكلامك والدليل توقيعك
The Master
22-03-2011, 11:50 PM
حيرتنا معاك كل شوي لك كلمه الحين الموضوع تحول بطريقه غير اول عممت الفرق بين البدوي والحضري عامه الحين غيرت قلت حضري مهب قطري اصل :) انت تبي تنشر الفتنه وبس الظاهر ومتناقض بكلامك والدليل توقيعك
اوكي :playball:
captin
23-03-2011, 12:00 AM
صج عندنا تخلف للحين فيه
ناس تفكر بها التفكير !!!
وين بنخطي للامام في مجال التقدم والعلوم
والتكنولوجيا وبناء دولة حضارية متقدمة
ما فيها ابن فلان وفلتان وانا من الناس الفلانيين
وانا بدوي اصيل وانا حضري ومن هالخرابيط
و التخلف اللي لاينم عن مقدار ذرة من عقل
الله المستعان
كن ابن من شئت واكتسب أدباً يغنك محموده عن النسب
إن الفتى من قال ها أنذا ليس الفتى من يقول كان أبـي
الأصيلة
23-03-2011, 12:08 AM
انتو يالحريم وش عرفكم بعلوم مجالس الرجاجيل وقاعدين لوك لوك
بس حق السوالف والهذره
اقول استريحو بس
إن شاء الله
بس سؤال...يعني الوحدة منا ماتعرف شي عن مجلس ابوها واخوها وزوجوها أو ولدها...؟؟؟
معقول الله يهديك...
بالعكس المرأة تشارك في إعداد هالرجل صاحب المجلس وتربيه على العلوم الزينة والسنع والكرم...
وياما نسوان سنعت رجال وربتهم أحسن من تربية الرجال...
المرأة جزء لاستجزأ من الرجل...
وهي المدرسة الأولى اللي يتربى فيها الطفل ويكتسب الزين والشين..
ابن قطر
23-03-2011, 12:13 AM
البدوي والحضري اخوان
والمواطنة تشمل الجميع دون استثنااااااااااااااء
بو روضة
23-03-2011, 12:13 AM
انا اقووول سكرووو الموضوع لان
بثير الفتن
هبوب الكوس
23-03-2011, 12:22 AM
إن شاء الله
بس سؤال...يعني الوحدة منا ماتعرف شي عن مجلس ابوها واخوها وزوجوها أو ولدها...؟؟؟
معقول الله يهديك...
بالعكس المرأة تشارك في إعداد هالرجل صاحب المجلس وتربيه على العلوم الزينة والسنع والكرم...
وياما نسوان سنعت رجال وربتهم أحسن من تربية الرجال...
المرأة جزء لاستجزأ من الرجل...
وهي المدرسة الأولى اللي يتربى فيها الطفل ويكتسب الزين والشين..
لا يعرفون كل شيء
بس في من يدس السم بين الكلام طبعاً الكلام ليس موجه لج
بس المقصوده تعرف نفسها
وسلامتج :nice:
المـهـفـة والـســفـرة
23-03-2011, 12:26 AM
جاني اتصال من شخص عزيز...وقال لي...
يابوحسن انت لما نزلت موضوعك خاو لك ابدوي ولا اتخاوي لك احضري...
هل كنت تقصد الحضر اللي هم قبايل قطر مثلا ال.... وال....
والبدو هل قطر هم ال..... وال.....
ولا كنت تقصد البدو ب هل قطر ال.....
والحضر قصدتهم الناس اللي اصلهم مب قطر او الخليج العربي...
قلت له الثانيه...
قال لي...موضوعك لما انا قريته اول مره فهمته انك تقصد المثال الاول...لكن لاني اعرفك واعرف تفكيرك عرفت انك تقصد الثاني...
المهم...
يا اعضاء منتدى الاسهم القطريه...
القصد من موضوعي ان هذا خويي اصله مش من قبايل العرب ومب من الخليج...
وهالانسان يعز علي...ورفجته لي من اسنين...
واللي نرفزني كلام خويي اللي في المجلس معاي...وانا استنكرت كلامه وموقفه اتجاه هالفئه من الناس...
فا ودي اسمع رايكم...هل معاي حق في استنكار اللي قاله...ولا اتشوفون ان كلامه صح...
ولكم المايك الحين...
وان شاء الله توصل لكم الفكره صح...مب نفس اول مره...:rolleyes2:
احم :secret:
قمت أترقع :tease:
مرة ثانية تعلم :
دونت بوت يور سلف أن باااد بوزيشن.
قال رفيجي قال.
انا اشوف ان الموضوع ماله هدف غير إثارة الفتن واتمنى من إدارة المنتدى حذفه
اخوي ماستر امن من الااقلام المميزه بصراحه في المنتدى , ولكن للاسف اتوقع ماوفقت في طرح هالموضوع لانه موضوع حساس وبيسوي مشاكل مالها داعي ,
][ iMedia ][
23-03-2011, 12:28 AM
:stop:
موضي قطر
23-03-2011, 12:28 AM
جاني اتصال من شخص عزيز...وقال لي...
يابوحسن انت لما نزلت موضوعك خاو لك ابدوي ولا اتخاوي لك احضري...
هل كنت تقصد الحضر اللي هم قبايل قطر مثلا ال.... وال....
والبدو هل قطر هم ال..... وال.....
ولا كنت تقصد البدو ب هل قطر ال.....
والحضر قصدتهم الناس اللي اصلهم مب قطر او الخليج العربي...
قلت له الثانيه...
قال لي...موضوعك لما انا قريته اول مره فهمته انك تقصد المثال الاول...لكن لاني اعرفك واعرف تفكيرك عرفت انك تقصد الثاني...
المهم...
يا اعضاء منتدى الاسهم القطريه...
القصد من موضوعي ان هذا خويي اصله مش من قبايل العرب ومب من الخليج...
وهالانسان يعز علي...ورفجته لي من اسنين...
واللي نرفزني كلام خويي اللي في المجلس معاي...وانا استنكرت كلامه وموقفه اتجاه هالفئه من الناس...
فا ودي اسمع رايكم...هل معاي حق في استنكار اللي قاله...ولا اتشوفون ان كلامه صح...
ولكم المايك الحين...
وان شاء الله توصل لكم الفكره صح...مب نفس اول مره...:rolleyes2:
احم :secret:
احمممم ثم احمممممم
هالمره بعد بتقول اني محتاجه مترجم ؟ :(
اذا خويك يعرفك فاغلبنا على ما اظن لااااا
طيب انت شتت تفكيري ومافهمت من
تقصد بـ
الحضر اللي هم قبايل قطر مثلا ال.... وال....
والبدو هل قطر هم ال..... وال.....
ولا كنت تقصد البدو ب هل قطر ال.....
والحضر قصدتهم الناس اللي اصلهم مب قطر او الخليج العربي...
قلت له الثانيه...
يعني البدو صاروا فئتين بناء على ردك انت وصديقك والحضر صاروا مب من اهل الخليج :eek5:
اقول اخوي الماستر وبدون زعل والله يعلم اني اقدرك بس موضوعك فيه شي " مب واضح" ماقدرت استوعب توضيحك الثاني ابد :telephone:
ملاحظة الفقرة اللي بالنص بالأحمر مقتبستها من ردك بالحرف لأني مافهمتها
chillis
23-03-2011, 12:36 AM
قمت أترقع :tease:
مرة ثانية تعلم :
دونت بوت يور سلف أن باااد بوزيشن.
قال رفيجي قال.
:nice::nice:
The Master
23-03-2011, 12:41 AM
قمت أترقع :tease:
مرة ثانية تعلم :
دونت بوت يور سلف أن باااد بوزيشن.
قال رفيجي قال.
شنسوي...انت حكرت لي...يابو اول ثانوي:secret:
روح نام قبل لا يجيك ابوك :funny: ...احم
وعن الموضوع...تابعنا...وخل عنك السوالف..."طبعا اقصد اذا رجعت من المدرسه بكره الظهر زين يا ولدي :tease: "احم...
The Master
23-03-2011, 12:46 AM
اخوي ماستر امن من الااقلام المميزه بصراحه في المنتدى , ولكن للاسف اتوقع ماوفقت في طرح هالموضوع لانه موضوع حساس وبيسوي مشاكل مالها داعي ,
اشكرك على كلامك...وشهادة اعتز فيها وانا اخوك...
ووجهة نظرك واحترمها...
ومب شرط العقول اتشابه...كلن وله تفكيره وتوجهه...اهم شي نبتعد عن الخطأ...
ويامرحبا بك...:nice:
The Master
23-03-2011, 12:49 AM
احمممم ثم احمممممم
هالمره بعد بتقول اني محتاجه مترجم ؟ :(
اذا خويك يعرفك فاغلبنا على ما اظن لااااا
طيب انت شتت تفكيري ومافهمت من
تقصد بـ
الحضر اللي هم قبايل قطر مثلا ال.... وال....
والبدو هل قطر هم ال..... وال.....
ولا كنت تقصد البدو ب هل قطر ال.....
والحضر قصدتهم الناس اللي اصلهم مب قطر او الخليج العربي...
قلت له الثانيه...
يعني البدو صاروا فئتين بناء على ردك انت وصديقك والحضر صاروا مب من اهل الخليج :eek5:
اقول اخوي الماستر وبدون زعل والله يعلم اني اقدرك بس موضوعك فيه شي " مب واضح" ماقدرت استوعب توضيحك الثاني ابد :telephone:
ملاحظة الفقرة اللي بالنص بالأحمر مقتبستها من ردك بالحرف لأني مافهمتها
:rolleyes2: اتصدقين ولا انا...:secret:
لكن انقول...الصباح رباح :tooth:
موضي قطر
23-03-2011, 12:54 AM
:rolleyes2: اتصدقين ولا انا...:secret:
لكن انقول...الصباح رباح :tooth:
يعني ترويني انك تفرش اسنانك انك بترقد ؟! :(
خلاص انا بطلع بس الله لا يهينك اتمنى اني بكره اقرأ ردك علي ..
خبرك " فهمي على قدي :)
صادق و ياما سمعت هالحوار اكثر من مره و في اكثر من مكان وكنت اتضايق من هالتفكير
انا احب البدو و احب الحضر و احب الهوله و احب البيض و احب السمر احب كل الناس بدون عنصريه نهائياً وبدون تحيز للي انا منهم
المحترم احترمه لو ماهو مني واللي مب محترم ماحترمه لو هو مني
الدنيا حروب و فتن واحنا للحين هذا بدوي و اصيل وهذا حضري و هذا هولي
متى بنتطور و يتطور تفكيرنا
كلٍ فيه الزين و الشين
اهم شي الدين و التقوى
بيرق قطر
23-03-2011, 01:00 AM
انا اشوف ان الموضوع ماله هدف غير إثارة الفتن واتمنى من إدارة المنتدى حذفه
واعتقد كلنا على بيرق واحد وكلنا قطر
فأ اتمنى من الادارة حذف الموضوع ومسحة
علماً ان الفتنة اشد من القتل
وشكراً
عتيج الصوف
23-03-2011, 01:02 AM
يا أيها الناس إنّا خلقناكم من ذكر وأنثى
وجعلناكم شعوباً وقبائل لتعارفوا إن أكرمكم عند الله أتقاكم إن الله عليم خبير
الـقـاسـي
23-03-2011, 01:03 AM
ياماستر انت مواضيعك زينه وانا من المتابعين لها لكن من تدخلوا ربعك في مواضيعك وانت معتفس فوق تحت ,,
لاتزعل من هالكلام لكن مواضيعك اللي قبل بدون ماتدخل فيها مواقفك مع ربعك افظل بمليون مره من الحاليه
The Master
23-03-2011, 01:04 AM
يعني ترويني انك تفرش اسنانك انك بترقد ؟! :(
خلاص انا بطلع بس الله لا يهينك اتمنى اني بكره اقرأ ردك علي ..
خبرك " فهمي على قدي :)
مابك اقصور...
لكن صدقيني...بكره لجيتي...بتكون عندك اسأله غير هالسؤال...لان الموضوع بيتطور...Good Night :nice:
المهاجر
23-03-2011, 01:05 AM
السلام عليكم ورحمة الله وبركاته
مساء الخير اخواني وخواتي الاعضاء الكرام
يعطيكم العافيه على نقاشكم وان كانت هناك بعض الردود اللي يفترض
ان لا تكتب ولكن نحن دائما نعطي العذر فربما لم يفهم مقصد طارح
الموضوع والهدف منه
واحب ان اوضح لكم ما فهمته من الموضوع
اولا الاخ الماستر قصد من البدو جميع قبائل اهل قطر او غير اهل قطر
والذين ينتمون لقبيله من القبائل المعروفه حضرهم وبدوهم اهل البر واهل البحر
وقصد من الحضر من لاينتمي لقبيله من القبائل المعروفه سواء كان قطري
او من الدول المجاوره وغير المجاوره
وربما قد خانه التعبير
ثانيا الاخ الماستر من المنتقدين لهذه النظره والفكر الرجعي لدى البعض
ممن يرون ان مصاحبة غير المنتسب لقبيله من القبائل قد يسيء له وقد
يكتسب منه صفات ليست من سلوم العرب والبداوه ودلل على ذلك
ان لديه صديق لاينتمي لقبيله وانه يعتز بذلك الصديق وقد استاء من نظره
وفكر ابن عمه وقريبه الذي قال له ذلك الكلام
وقد طرح الموضوع لإستبيان وجهة نظركم في هذه النظره والفكر الرجعي
علها تساهم في تغير هذه النظره السلبيه لدى البعض
لذا نتمنى ان تثرون الموضوع بالنقاش المفيد لكي نحقق الهدف من الموضوع
فقد نساهم في تغير هذه السلبيه والرجعيه
فهل فهمي صحيح اخوي الماستر وهل هذا ما تقصده؟
ويعطيكم العافيه،،
ابو عبدالله5
23-03-2011, 01:08 AM
صادق الي فيه دين و اخلاق بدون تمييز
The Master
23-03-2011, 01:09 AM
ياماستر انت مواضيعك زينه وانا من المتابعين لها لكن من تدخلوا ربعك في مواضيعك وانت معتفس فوق تحت ,,
لاتزعل من هالكلام لكن مواضيعك اللي قبل بدون ماتدخل فيها مواقفك مع ربعك افظل بمليون مره من الحاليه
هلا بك اخوي القاسي...
تشكر على هالاطراء...وكلامك في عين الاعتبار...لكن اقول لك...انتظر شوي...وتابع...واذا انا قلت كل اللي عندي...عقبها من حقك اتقول وش رايك في الموضوع...كان انتقاد او مدح...
واما عن ربعي...انتظر علي...لانك ماتدري وش بيقولون لي بكره :)
حياك الله...:nice:
The Master
23-03-2011, 01:11 AM
السلام عليكم ورحمة الله وبركاته
مساء الخير اخواني وخواتي الاعضاء الكرام
يعطيكم العافيه على نقاشكم وان كانت هناك بعض الردود اللي يفترض
ان لا تكتب ولكن نحن دائما نعطي العذر فربما لم يفهم مقصد طارح
الموضوع والهدف منه
واحب ان اوضح لكم ما فهمته من الموضوع
اولا الاخ الماستر قصد من البدو جميع قبائل اهل قطر او غير اهل قطر
والذين ينتمون لقبيله من القبائل المعروفه حضرهم وبدوهم اهل البر واهل البحر
وقصد من الحضر من لاينتمي لقبيله من القبائل المعروفه سواء كان قطري
او من الدول المجاوره وغير المجاوره
وربما قد خانه التعبير
ثانيا الاخ الماستر من المنتقدين لهذه النظره والفكر الرجعي لدى البعض
ممن يرون ان مصاحبة غير المنتسب لقبيله من القبائل قد يسيء له وقد
يكتسب منه صفات ليست من سلوم العرب والبداوه ودلل على ذلك
ان لديه صديق لاينتمي لقبيله وانه يعتز بذلك الصديق وقد استاء من نظره
وفكر ابن عمه وقريبه الذي قال له ذلك الكلام
وقد طرح الموضوع لإستبيان وجهة نظركم في هذه النظره والفكر الرجعي
علها تساهم في تغير هذه النظره السلبيه لدى البعض
لذا نتمنى ان تثرون الموضوع بالنقاش المفيد لكي نحقق الهدف من الموضوع
فقد نساهم في تغير هذه السلبيه والرجعيه
فهل فهمي صحيح اخوي الماستر وهل هذا ما تقصده؟
ويعطيكم العافيه،،
وعليكم السلام ورحمه الله وبركاته...
بيض الله وجهك اخوي المهاجر...
احسنت...ورايتك بيضه...وتشكر على هالتوضيح...اللي اتمنى يوصل لباقي الاعضاء...
وبارك الله فيك...ولاهنت عالمداخله الطيبه المثريه...:nice:
الفارس
23-03-2011, 01:28 AM
الكلا المقلوط انك فتحت الموضوع الى مالة داعي ياخوي خل مواضيعك موزونه مهب الى تسمعة تقولة انت في منتدي الصغير قبل الكبيريقراة اتمنا منك في مواضيعك القادمه ان نستفبد منك احنا الكبار وقبنا الصغار
ALRAYYAN
23-03-2011, 02:00 AM
ماعجبني الموضوع .. مع كامل تقديري واحترامي لشخصك الكريم اخوي ذ ماستر
The Master
23-03-2011, 02:40 AM
اصبروا علينا...وان شاء الله توصل لكم الفكره...
ما اتخلون طبعكم...عجوليييين :secret:
(بوطلال)
23-03-2011, 02:49 AM
على كلامك احضري ومب من قبايل قطر او الخليج او من قبايل العرب مابقى غير لحضري من اصل ايراني . اذا تسئل عن الراي فيهم هم اهل علم وتجاره وعقل وذوق وشغل وماسكين مناصب في لبلاد ووزارات تقوم عليها لبلاد ورفقتهم طيبه . والنعم فيهم وفي ناس منهم بعشره من بعض الي تتكلم عنهم
@السفير@
23-03-2011, 03:02 AM
اخوي العزيز لم توفق فلموضوع وذلك لعدم توضيحك له
صوت الضمير
23-03-2011, 03:11 AM
ياولد العم مدري ليه بعض العرب عندنا في المنتدى لاطرينا قبيلة
تحسسوا .. ماعرف وش السبب..
مع اني مااشوف انه بالموضوع شي.. وصدق وكل قطر يتفقون على انه
هناك بدو وهناك حضر.. وكل كتب التاريخ وكتب الانساب تؤكد كلامي
البدو من كانوا يسكنون في اوساط شبه الجزيرة والحضر هم من سكنوا السواحل..
هذا بالنسبه للي دخلوا عرض بالموضوع.. ودققوا بالكلمات ولاجاوبوا على سؤالك..
اخاوي كل طيب واشتريه .. سواء كان بدوي والا حظري والا اعجمي
ماتفرق عندي .. لاني أرى خلق الشخص قبل لا أرى نسبه وشكلة
أبداع
ممنوع اللمس
23-03-2011, 03:44 AM
متاااابع
The Master
23-03-2011, 04:42 AM
عقب مادققت في الردود...خاصه بعد بياني الاخير...والتوضيح لكم...وش كنت اقصد...
لاحظت انكم فهمتوا شي ثاني غير عن اللي كنت ابغي اوصله لكم...
لما ذكرت انا البدو...كنت اقصد قبايل قطر كلها...
اما الحضر في الموضوع قصدت فيه الناس خارج الجزيره...
وطبعا مثل ما انتوا عارفين اقصد ابهم اصحاب البشره السمراء...
انا طبعا بينت وجهة نظري واعتراضي لهالافكار والعقليات...
وحبيت اسمع رايكم في هالامر...خاصه انهم منا وفينا...وربعنا...والبعض صار اخوانا ومن جماعتنا...
فا ودي اسمع رايكم...ودلك لتثقيف هالعقول الحجريه...
هالعقول اللي فيها عنصريه...وتاخذ اي موقف سلبي اتجاههم...
وانتظر مشاركاتكم...وارائكم...
وان شاء الله لنا عوده الضحى...
ولكم المايك...:nice:
الحياة الخالدة
23-03-2011, 05:02 AM
عقب مادققت في الردود...خاصه بعد بياني الاخير...والتوضيح لكم...وش كنت اقصد...
لاحظت انكم فهمتوا شي ثاني غير عن اللي كنت ابغي اوصله لكم...
لما ذكرت انا البدو...كنت اقصد قبايل قطر كلها...
اما الحضر في الموضوع قصدت فيه الناس خارج الجزيره...
وطبعا مثل ما انتوا عارفين اقصد ابهم اصحاب البشره السمراء...اي السود...
انا طبعا بينت وجهة نظري واعتراضي لهالافكار والعقليات...
وحبيت اسمع رايكم في هالامر...خاصه انهم منا وفينا...وربعنا...والبعض صار اخوانا ومن جماعتنا...
فا ودي اسمع رايكم...ودلك لتثقيف هالعقول الحجريه...
هالعقول اللي فيها عنصريه...وتاخذ اي موقف سلبي اتجاههم...
وانتظر مشاركاتكم...وارائكم...
وان شاء الله لنا عوده الضحى...
ولكم المايك...:nice:
أخوي الماستر
صبحك الله بالخيـــــر
الصراحة تقسيمتك غريبــــة :omg:
على أي أساس قسمت ؟؟!!
هل هي وجهـــة نظر شخصية ..
والا مستندة على أسس معينــــــة !!
و بعدين كلمة السود !! هاذي بنفسها قمة العنصريــــة !! و انت في نفس السياق تقول انك ضد العنصرية
صح يمكن ما تقصدها .. و يمكن هي للتوضيح فقط ..
لكني أشوفها قوية .. و تجرح اخواننا و اخواتنا أصحاب البشرة السمراء .. و كأنهم من كوكب أو عرق آخر تماماً ..
مسامحة أخوي .. بس كلمة في خاطري .. و ما قدرت أخليهـــــا ..
الله يهدينا وياكم لكل خير .. و يطهر قلوبنا و قلوبكم من الكبــــر .. :)
عقب مادققت في الردود...خاصه بعد بياني الاخير...والتوضيح لكم...وش كنت اقصد...
لاحظت انكم فهمتوا شي ثاني غير عن اللي كنت ابغي اوصله لكم...
لما ذكرت انا البدو...كنت اقصد قبايل قطر كلها...
اما الحضر في الموضوع قصدت فيه الناس خارج الجزيره...
وطبعا مثل ما انتوا عارفين اقصد ابهم اصحاب البشره السمراء...اي السود...
انا طبعا بينت وجهة نظري واعتراضي لهالافكار والعقليات...
وحبيت اسمع رايكم في هالامر...خاصه انهم منا وفينا...وربعنا...والبعض صار اخوانا ومن جماعتنا...
فا ودي اسمع رايكم...ودلك لتثقيف هالعقول الحجريه...
هالعقول اللي فيها عنصريه...وتاخذ اي موقف سلبي اتجاههم...
وانتظر مشاركاتكم...وارائكم...
وان شاء الله لنا عوده الضحى...
ولكم المايك...:nice:
هههههههههه
يا سلام يعني على كلامك الهولي بدوي ؟؟
والاعجمي بدوي ؟؟؟
واليمني اللي من جنوب الجزيره بدوي !!! لانه مب من ذوي البشره السمراء !!!!!!!!!!!!!!!!
بس السمر لا لانهم سمر فهم مب قبيليين و مب بدو :eek5: !!
خخخخخ
اسمحلي تقيسمتك غير منطقيه ولا قد سمعت حد من القطريين يقسم المجتمع بهذي الطريقه الغريبه ..
ومبين ان قصدك ما كان متوجه لهالطريق لكن شكلك انصدمت من ردود الاعضاء .. لانهم طلعوا واعيين .. وعرفوا شنهو لقبيلي والمب قبيلي .... وطلع مجتمعنا ولله الحمد متماسك وماله في العنصريه والخرابيط هذي ... :)
وفعلا ما وفقت في طرح الموضوع ،، والمفروض ينحذف بعد ردك الاخير
الرادار
23-03-2011, 05:23 AM
تبغي تكحلها عميتها
اليوم ابدا انت مش في الفورمه
صخن قول معاي ،، احم احم
او قول يا حسين يابن عبد الرزاق العاوووووول
كفاحي
23-03-2011, 05:28 AM
لما ذكرت انا البدو...كنت اقصد قبايل قطر كلها...
اما الحضر في الموضوع قصدت فيه الناس خارج الجزيره...
وطبعا مثل ما انتوا عارفين اقصد ابهم اصحاب البشره السمراء...اي السود...
:nice:
حسب كلامك ( قبائل قطر كلها بدو)!!؟
والحضر!! صاروا من خارج الجزيرة واصحاب البشره السمراء!!؟
هذه معلومات جديدة لهدرجة كانت معلوماتنا خطاء:)
أشكرك أخوي نورتنا!!
The Master
23-03-2011, 05:34 AM
تم تعديل الرد السابق...والعذر من اخواني السمر...ماكان قصدي شي الاساءة...على العين والراس...
وبخصوص الاستلام يعني...احم
انتوا قولوا وش رايكم واتركوا عنكم الهذرة الزايدة...وعقبوا على الموضوع...
انا رايي ان ( صديقك ) متخلف عقليا
وما يعرف يميز القبيلي من البدوي وحالته حاله المسكين
لازم يصادق قطريين علشان يفهمونه هالاشيا البديهيه في المجتمع القطري ،، الولد بو 13 سنه يعرف القبيلي من البدوي من الحضري من الهولي .. الخ الخ الخ ... وصديقك ما يعرف ليش ؟؟ هو من كم سنة عايش بقطر ؟؟؟ توه جديد علينا يعني والا شسالفته ؟؟
كفاحي
23-03-2011, 06:22 AM
تم تعديل الرد السابق...والعذر من اخواني السمر...ماكان قصدي شي الاساءة...على العين والراس...
وبخصوص الاستلام يعني...احم
انتوا قولوا وش رايكم واتركوا عنكم الهذرة الزايدة...وعقبوا على الموضوع...
اخوي انت لم تنقل موضوع صاحبك فقط بل قمت بتقسيم اهل قطر
وتقسيمك يدل ان ماعندك اي معرفة عن قبائل قطر هم بدو او حضر!؟
الدليل انك ذكرت ان كل قبائل قطر كلهم بدو!!!؟
وهذا خطأ ولايقول بمثل هالكلام من عنده معلومات عن أهل قطر!!
التعقيب على الموضوع
من يتكلم في مثل هالمواضيع او ينقلها بهذه الطريقة!!؟
تدل ان عنده عقدة نقص وعدم ثقه في اصله!
اسمح لي على كلامي الصريح ولكنه قلته بناء جرأتك في الطرح واختيارك للموضوع !!:)
مشتاقة لقطر
23-03-2011, 06:22 AM
موضوع غريب صراحة ..
بس متابعة ..
كاروهات
23-03-2011, 06:44 AM
أنا اشوف " البداوة في عصرنا الحالي اصبحت مرادفة للترف ومظاهرة الباذخة "
وهذي من علامات الساعة ................. بس ما ادري الصغرى ام الكبرى
الله المستعان
أستاندر
23-03-2011, 07:19 AM
الظاهر انك تثير الفتن بين القبائل والعوايل القطرية او ان صديقك هذا اسمحلي اقولك اياها جاهل وعنصري لاقصى حد .
al.wajbah
23-03-2011, 07:34 AM
المناقشة في الموضوع عقيمة ومارح نوصل لـ نتيجة...
صاحب الموضوع .. انت شتبي توصل له ؟؟
نقاش من أجل تغيير الواقع ؟؟
من خلقنا وهذا هو الواقع .. البدوي بدوي والحضري حضري
بغض النظر عن تقسيمك الجديد !!
وكلنا له ربع من الصوبين والحمدلله متعايشين مع بعض ومتقبلين بعض رغم مزايانا ومساؤنا !!
ووقت المزاح يبدا كل واحد يعلق على الثاني ويوصل لدرجة الزعل ثم يتلاشى
لمكانة الآخر في قلب كل واحد كأصدقاء ونسابه ووو الخ ..
بالعربي الفصيح ..
متفاهمين ومتعايشين ومتكيفين على الوضع ع الآخـــــر !!
وموضوعك (بغض النظر عن نيتك من طرحه) إلا أنه ماراح يغير شي سوى إثارة النعرات فقــــط !!!!
Master_qtr
23-03-2011, 08:08 AM
وبـــــــــــــكل صراحه ..انا اشوف الموضوع تعدااا محيط الخوه..او مسألة اخااف من كلام المجتمع ..او ليش امشي معا فلان ..ولد فلان ....الموضوع وصل للتلاعب بالارزاق ..
تلاقي البدوي اذا مسك منصب ..مايوظف الا عيال عمه ..وتعال خل يوظف غير بدوي ..انواع الانتقادات ..
عــاد تعال للحضري اذا مر عليه أسم البدوي ..يدخل في الارشيف ويدور عن قوانين ماقبل القرن السابع عشر ..ضد هذا الموظف ..اذا طالب ترقيه ..او دوره ..او ..او
ولاتقولون هذا مو موجود ..مايصير الواحد يخش راسه مثل النعامه ...هذي مشكله موجوده وانا ملاحظها ..مثل ماغيري ملاحظها ..معاي بدو ..ومعاي حضر..وكلن يشتكي ..
تحياتي قبل مايتسكر الموضوع :nice:
oceanrose
23-03-2011, 08:09 AM
مدري شنو ارد على هالموضوع بس بصراحه ضحكني
يبه تطورنا ووصلنا القمر وما بعد القمر ... وانتهى عصر الجهل والقبليه والعنصريه
مافي بدوي ولا حضري ولا ابيض ولا اسود ... الحين الناس تنظر لعقلك ومعرفتك ولاحترامك لنفسك وللناس الي حولك... الواحد ما يقول انا ولد فلان ... الواحد يقول انا فعلت وفعلت ...كلنا بالفعل مو بالقول
لو الكل نظرتهم مثل صاحبك ... اقول له استـــــــــــــــــريح.:tease:
chillis
23-03-2011, 08:17 AM
الظاهر انك تثير الفتن بين القبائل والعوايل القطرية او ان صديقك هذا اسمحلي اقولك اياها جاهل وعنصري لاقصى حد .
:nice::victory::victory: اايدك ميه ميه
شبح الصمت
23-03-2011, 08:24 AM
اتوقع كل البشر كانوا بدو وتطورو
واسمح لي على هالكلمة اخوي الماستر
في ظني الانسان الي يطلق عليه اسم بدوي حاليا اهو الي يقطن الباديه وغير متعلم وجاهل !!
كلنا نعرف على من ينطق اسم البدوي وعلى من الحضري
وترى في قبايل يا كثرها يا كثرها ومن دون تحديد لو قلنا مثلا خويك من الــ ..... اهم شي ال لام وانت من الـ ..... وخويك الي معك قالك يا فلان من جايك قلت له خالد الـ ...... (مابي احدد اسم القبيله ) وفهموا يالربع بيرد عليك بيقولك ذا احضري لا تماشيه !! !! !!!
لا ياخوك لا فرق بين عربي واعجمي الا بالتقوى
وأسمح لي لو تساوت الأصابع ذيك الحزه بحكم على البشر انها تساوت ولحدن بكفو اماشيه
أسير الاسهم
23-03-2011, 08:28 AM
اعتقد في وقتنا هذا ما عاد به حضري وبدوي خلاص !؟
معنى البدوي: الي عايش فالبر مع حلاله حياة البدو // والحضري: اللي عايش في حياة المدن والحضاره
هذا معناتها ترى يا جماعه وحاليا ما عاد فيه شي اسمه بدوي وحضري
مااعتقد عاد احد يفكر هالتفكير والله انت بدوي والا احضري
مااقول انه ما فيه ناس مثلاا أصولهم بدو واجدادهم وآبائهم بدوو بس هذولا انتقلواا لحياة الحضر من وقت قريب يعني حاليا محسوبين حضر أي ساكنين المدن وعايشين التحضر
ولكن الحضر اللي يقولون عنهم حضر حاليا هذولا كانواا بدوو بعد قبل سنين اجداد اجدادهم واسبقوونا على الحضاره وحياة المدن وكانوا من اول من تحضر وعاش الحضاره
وهذا الحين يا جماعه ما عاد احد يفكر ذا التفكير العنصري اعتبره (حضريx بدوي)
MAZEN37
23-03-2011, 08:28 AM
مدري شنو ارد على هالموضوع بس بصراحه ضحكني
يبه تطورنا ووصلنا القمر وما بعد القمر ... وانتهى عصر الجهل والقبليه والعنصريه
مافي بدوي ولا حضري ولا ابيض ولا اسود ... الحين الناس تنظر لعقلك ومعرفتك ولاحترامك لنفسك وللناس الي حولك... الواحد ما يقول انا ولد فلان ... الواحد يقول انا فعلت وفعلت ...كلنا بالفعل مو بالقول
لو الكل نظرتهم مثل صاحبك ... اقول له استـــــــــــــــــريح.:tease:
وازيد انه صاحبك لو عنده مصلحه فلوس او شغل مع الرجال كان صار حبيب ورفيج ويمكن قام ينطره عند السياره:)
المقهوره
23-03-2011, 08:29 AM
والله انا خاويت بدو
وخاويت حضر
وخاويت خوال
وخاويت اجانب
بعض البدو مايسوى فص بصله ( مع احترامي الشديد)
انا في صداقاتي انظر للشخص واسلوبه
ما انظر لاسم قبيلته ولا جنسيته
المستقل
23-03-2011, 08:32 AM
موضوع يثير الفتن والحساسيات
وأتمنى إغلاقه
والله يحفظ هل قطر جميعاً
هبوب الكوس
23-03-2011, 08:38 AM
الغرب يصنع طائرات وصواريخ والشرق الأوسط ضاع نفطه بلاشي
حطوا لهم في صفحة العلم تاريخ
وحنا بماضينا نعيد النقاشي ( البدو و الحضر )
oceanrose
23-03-2011, 08:40 AM
الغرب يصنع طائرات وصواريخ والشرق الأوسط ضاع نفطه بلاشي
حطوا لهم في صفحة العلم تاريخ
وحنا بماضينا نعيد النقاشي ( البدو و الحضر )
:nice::nice::nice:
ALRAYYAN
23-03-2011, 08:49 AM
عقب مادققت في الردود...خاصه بعد بياني الاخير...والتوضيح لكم...وش كنت اقصد...
لاحظت انكم فهمتوا شي ثاني غير عن اللي كنت ابغي اوصله لكم...
لما ذكرت انا البدو...كنت اقصد قبايل قطر كلها...
اما الحضر في الموضوع قصدت فيه الناس خارج الجزيره...
وطبعا مثل ما انتوا عارفين اقصد ابهم اصحاب البشره السمراء...
انا طبعا بينت وجهة نظري واعتراضي لهالافكار والعقليات...
وحبيت اسمع رايكم في هالامر...خاصه انهم منا وفينا...وربعنا...والبعض صار اخوانا ومن جماعتنا...
فا ودي اسمع رايكم...ودلك لتثقيف هالعقول الحجريه...
هالعقول اللي فيها عنصريه...وتاخذ اي موقف سلبي اتجاههم...
وانتظر مشاركاتكم...وارائكم...
وان شاء الله لنا عوده الضحى...
ولكم المايك...:nice:
ويــــــن يالغالي .. هالناس وصلوا القمر وحكموا دول
ومنهم الحاكم والعالم و و و و و ... الخ
ورفيقك هذا للحين يقول خلهم عنك ووينهم منك ؟!!
الموضوع كان مب عاجبني .. والحين لا الموضوع ولا تفكير رفيقك الله يهديه .. مع العلم اني مش من ذوي اخوانا اصحاب البشره السمراء عشان لايروح تفكيرك بعيد
:nice:
غايه الطواش
23-03-2011, 08:50 AM
تدري عاد
حسسستني ان رفيك الاسمر يعرف السنع والعدال اكثر من ولد عمك البدوي ...
سلوم العرب والسنع والعدال مايبيلها اصل وفصل يبي لها تربيه سنعه
مجتمعنا القطري مجتمع صغير تلقى الفريج يضم جميع الاجناس والتربيه وحده ...الواحد يخاف على ولد جاره ويربيه مثل ولده "الاول مهب الحين"
للاسف يالماستر انت نقلت الموضوع بس ماوفقت في نقله او طريقه ايصاله او شرحه
اخوي بتقول الزبده والا اقولها عنك
تخاوي لك خال/هولي/ يمني والا تخاويي لك قبيلي
(مهب ذي الي تبي تقولي وماعرفت شلون )
ابو محمد7
23-03-2011, 08:50 AM
جاهلية وتخلف وعنصرية وغباء بعد وبعد عن الدين الاسلامي وقيمه الاجتماعية
وصدق اخونا هبوب الكوس الناس تطوروا وصاروا يتكلمون في الصناعة والتكنولوجيا والادوية سيارات وطائرات واي باد 1 والحين 2 وغيره وغيره من الابحاث اللي نسمع عنها كل يوم
واحنا قاعدين نتكلم في هالمواضيع اللي مامنها فايدة
اللي يخاف ربه واخلاقه وتعامله مع الناس من احسن مايكون طيب وينفع البلاد والعباد هو اللي فيه الخير
R 7 A L
23-03-2011, 08:59 AM
للاسف هالمقولة خاطئة
اذا بغيت تعرف الرجال خاوة في سفر وبتعرف واحكم علية هو شخصياً وخلوا منك أصلة بدوي ولاحضري
انا هنا في الغربة اول ماوصلت صادفت قطريين من جميع الصفات
القطو السمين
23-03-2011, 09:04 AM
خلني اكتب عنك الهدف اللي في نفسك وبسبته كتبت الموضوع انت جعلت ان البدوي راعي السنع ومافيه خلاف ولكن الهدف من هذا كله تريد بعض الاعضاء اللي مايعرفون ايش يكتبون يطيحون سب في البدو وبعدين الى متى هذه العقليات التعبانه اصلا قطر كلها بدو الا الناس الي جايين فوق اللنجات هم الحضر وبعدين ايش النتيجة وهذه السوالف مااظهرت الامن كم سنة ايش الي تبي توصله ان الاعضاء يسبون بعضهم وانت ماكان لك قصد الا القصد في علباك وعيب علينا ان نحنا شعب واحد وكل واحد يتطنز على الثاني ياريت نحترم بعض
موضوع ماله هدف او غاية من الأساس
لأنك انت اصلآ عارف ان خويك على خطأ وهالعقلية فعلآ موجودة في مجتمعنا
لكن مايستاهل الموضوع انك تحطة في منتدى وانت ايضآ عارف ان المنتدى وبالذات
الأسهم القطرية .. يضم شريحة كبييييييييييرة من قبايل قطر وخارج قطر
والنهاية معروفة ومتوقعة .. اللي هي إثارة الفتنة
ونظرآ لإختلاف العقليات أكييييييد فيه ناس بتتحسس من موضوعك وبيكون النقاش
غير مجدي واللي بيغلط على الثاني واللي بيغلط عليك ( لأنك انت صاحب الشأن )
ولهم الحق في ذلك .. فـ ياليت الواحد قبل لايطرح الموضوع يجلس مع نفسه شوي
ويفكر في هدف الموضوع وشنهي الغاية منه وهل رأي الناس بيحل القضية أو لا ؟؟
الله يهديك ياخوي .. مايمدينا نسينا ( الجويهل )
رجعت وذكرتنا فيه :nice:
cobra
23-03-2011, 09:18 AM
السلام عليكم ورحمة الله وبركاتة
توجد عنصرية ولاكن بتغيرات المناخ والبيئة المحيطة والديمقراطية فصخو عبايتها ولبسوها مسمى جديد الفزعه يمكن مانلاحظها لان كلن في حاله وهمه الحياة الكريمة
لاكن ارجعو لترشيحات المجلس البلدي اكبر دليل على هالشي الحضري يرشح حضري والعكس صحيح
اما بخصوص صديقك نحب ننوه على عامل السن
اذا كان من كبار السن عذره معه لان وقتها كلن عايش في محيطه ولا يدري عن الثاني
اما اذا كان شاب لازم تعطيه كورس في احترام الشخص لشخصه وليس قبيلته
في الختام
دمتم بود
شبح الصمت
23-03-2011, 09:21 AM
تبون زبدة الحجي كلها ومضمونها ولا به زعل من كلامي
الي عنده فلوس والله ثم والله وهذا الصدق الي نشوفه في هالدنيا
وشو أصله نشوف خشوم تنقز له ونشوف ناس تحيي وتهلل
ودي تسأل خويك تقوله وش رايك في فلان ومهب ولد قبايل وعنده ملايين الدنيا وكذا وكذا !!!
نبي نعرف ردة فعله بيقولك ماشه والا خله !!
ياخوك الدنيا صارت مصالح والفلوس تغير النفوس ( مهب الكل طبعا )
الله يغفر لنا ويهدينا
بفلوسك تسوي لك عزوه وربـع وأسـم
المهاجر
23-03-2011, 09:31 AM
الموضوع اصبح قبلي عنصري وان كان صاحب الموضوع يهدف الى تغيير هذه النظره والفكر
الموجود لدى القله القليله بمجتمعنا المترابط المتحاب واللي ما شفنا هالشي موجود بينا
الا نادار ونادراً جدا
ولكن طالما ان اغلبية الردود والمشاركات قد بينت ان هذا الفكر مش موجود
وهذا بفضل من الله سبحانه وتعالى علينا
لذلك يغلق الموضوع
Powered by vBulletin® Version 4.2.5 Copyright © 2024 vBulletin Solutions Inc. All rights reserved.