المشكلة من مكينة السحب أو من بطاقتي ؟؟؟

[الواعد]

السلام عليكم

اكيد البعض منكم صادفة هالمشكلة وهي مرات لما يحب الواحد

يدفع مبلغ المشتريات في اي جمعية يدفعها عن طريق السحب من البطاقة

ومرات ماينسحب المبلغ لكنه اصلا انسحب من الرصيد

وصاحب الجمعية يقول لك العملية فشلت ويعطيك الورقة ومكتوب فيها

transaction failed
card declined

انا اعتقد ان المشكلة من المكينة نفسها لأنه مرات تسوي هالشيء

مع بنوك معينة مثلا امس انا بطاقتي من المصرف والمكينة للوطني

وقبل كانت بطاقتي من الدوحة والمكينة من التجاري

والبطاقة شغالة 100% لكن ليش المكينة مااقبلتها ؟؟؟؟؟؟

بعدين المبلغ اللي انسحب متى بيرجع ؟؟؟ هل لازم اراجع البنك او بيرجع من نفسه ؟؟؟

بعدين لو حبيت اراجع اراجع بنكي صاحب البطاقة أو اراجع البنك اللي المكينة تابعة له ؟؟؟


http://www.thegrocer.co.uk/files/ImageGallery/Grocer.co.uk%20pics/paypoint%20terminal.jpg

[قلب صادق]

السلام عليكم ورحمة الله وبركاته

اخو انا صادفتني هذه المشكلة مرتين مرة في محلات سناء ومره في التموين العائلي
اول ما سحب المبلغ جاتني رساله من البنك نه تم سحب ملبغ كذا
وبعده بدقيقة جاتني رساله انه تم اعاده المبلغ
انا بنكي المصرف
طبعا الورقة اللي يعطيك ايها اذا لم يتم اعاده المبلغ هذه الورقة تعتبر ضمان ان الميغ لم يتم سحبه بس بصراحه ما اعرف تراجع البنك او تراجع المحل نفسه
اخوي دام انك في المصرف تقدر تتاكد من حسابك
ارسل رساله قصيرة اكتب فيهاbal وترسلها على الرقم 92699 وبتوصلك رساله مكتوب فيها المبلغ الموجود في حسابك بس لا تنسى ان ترسل من الرقم المسجل عندهم في البنك
ودمت في حفظ الله ورعايته

[الواعد]

مرحبا أخوي

وصلني مسج على طول انه انسحب
المبلغ وارسلت رسالة للتأكد من الرصيد
امس واليوم وطلع انه انسحب وللحين مارجع

[قلب صادق]

طيب اخوي انت راجعت المحل وشنو قالو لك

وياليت تتاكد من خدمة العملاء في البنك ممكن تتصل فيهم الحين وتتأكد منهم اذا كتن تراجعهم او تراجع المحل

وذا ما صار شئ عندك حماية المستهلك

وأن شاء الله مشكلتك بتنحل وبالتوفيق

[Al-Kuwari]

اخوي مر على البنك وود لهم الايصال وعب طلب عندهم وبيردونها لك ان شاء الله

[شيط ويط]

العادة تكون من البطاقة لان بعض البطاقات تصنيعها مادري طباعتها رديئة

[أم المها]

انا بعد صادفتني نفس المشكلة بس رد لي المبلغ فالحساب بعد نص ساعه تقريبا

[أبورودي]

لازم تنتظر 15 يوم على الاقل حتى يعاد لك المبلغ
واذا لم يعاد لحسابك بتراجع البنك ذلك نظام كل البنوك

[R 7 A L]

من المكاين مو من البطاقة

انا مرة في الحسا بغيت اسحب 4000 ريال طلعت البطاقة ولا طلع لي شي وجاني مسج على الجوال انة انسحب المبلغ ولاني محتاج هالمبلغ ضروري رفيقي الى معي عطاني بطاقتة قال جرب يمكن بطاقتك خربانة وصار لة نفس الشي طبعاً انا وهو في الدولي الاسلامي اتصلنا على الخط الساخن وسالت الموظف هل انسحب شي قال انسحب ورجع بعد خمس دقايق ولا شوي يجيني ويجي رفيقي مسج ان المبلغ تم اعادتة
غيرنا المكينة وشفنا رصيدنا مثل ما كان وسحبنا فلوسنا

[نورالهدى]

انا صار معي كده واتصلت على التليفون المكتوب خلف البطاقه في نفس اليوم
وخذ بياناتي وقدم بلاغ وقالي لا تسوي تليفون وتقدمي بلاغ ثاني
وخلال 10 أيام تم إعادة المبلغ
يعني ياتسوي بلاغ عن طريق التليفون او عن طريق خدمة العملاء في البنك
وطبعا الوصل احتفظ فيه

[بو خليفه 123]

عادةً هذي تكون فشل اتصال من مكينة الـ IPOS بينما بطاقتك تكون فعاله والرصيد متوفر و الاتصال بين كيوتل والبنك يفشل بربط الاتصال مع بطاقة بنكك ..

في بعض الحالات ينخصم المبلغ و يرجع اوتوماتيكياً بعد 3 ايام عمل الى الحساب , و اذا بعد هالـ 3 ايام مارجع يفضل انك تكون ماخذ نسخه من الايصال الي يبين رفض المعامله و تزور اقرب فرع لبنكك و تعمل معامله اسمها Dispute

و مال حلال مايضيع ان شاء الله


بالتوفيق