بغيت رايكم يا اعضاء المنتدى الكرام

[واثق بالله]

بسم الله الرحمن الرحيم

السلام عليكم ورحمة الله وبركاته

أخواني / اخواتي اعضاء المنتدى

الموضوع وما فيه باختصار ان واحد من الربع ولده على وشك انهاء الثانويه والولد
فيه طقه يعني خفيف عقل ولاهو بتكانه

ف أبوه له نيه يزوجه وفي نفس الوقت يبيه
يكمل تعليمه الجامعي .. فشاورني في الموضوع فقلت له باللي وصانا فيه رسولنا
صلى الله عليه وسلم يامعشر الشباب ... الى اخر الحديث.

ويقول انه شاور غيري ف انصحوه ان لايستعجل في الموضوع وان الاولويه للتعليم الجامعي لان عقله بيكبر وبيعرف اشلون يتصرف مع زوجته ام عياله وشلون بيمشي
امور دنياه بعكس اللي تو مخلص الثانويه
للحين تفكيره مانضج

فكرت في الموضوع وجتني هالفكره اني اطرحها عليكم للنقاش ويمكن نطلع براي
سديد انقله لوالد الشاب

لاتبخلوا علينا بارائكم النيره ومشورتكم الصادقه


وفقكم الله لما يحب ويرضى

[هدهد سليمان]

مع الرأي الثاني .. لتطق الحرمه منه !

[الأصيلة]

فيه طقه يعني خفيف عقل ولاهو بتكانه
طيب هل واثق إن الزواج بيركده...؟
واش ذنب بنت الناس تبدأ حياتها مع مخروش؟
أكيد العروس 17 سنة وأقل يعني بعد هي مب ركاده...

انصح رفيجك يا أخوي يصبر ويغير معاملته لولده ويكلمه على إنه رجال وقد المسوؤلية ولازم يكمل دراسته ويلقى وظيفة يعتمد فيها على نفسه
وإلا الولد بيقعد طول عمره عالة على أهله...
والزواج كان يركد الشاب ويعقله في الزمن الماضي
اما الحين فالعكس إلا بيهمل نفسه ودراسته وشغله..
من تجربة أحد معارفنا...
هذه وجهة نظري...

[طارق العلي]

من وجهة نظري انا ضد تزويج البزران واللي للحين يشربون حليب نان رقم 1 حق المواليد وتلقى رضاعته للحين بغرفته

اخوي ان ادعو هذا الاب ان لا يستعجل بتزويج ولده وخاصه وهو للحين في الثانوية ولا يورط بنات الناس معاه

خله اول شي يكمل دراسته وبعدين يشتغل ويكون نفسه وذيك الساعه يزوجه اذا عقل

[intesar]

هالجيل مو مال زواج .. خلهم يكملون جامعة ويشتغلون سنة وبعدها يتزوجون .. يكونون ركدوا شوي حرام بنت الناس ايش ذنبها تعيش مع خفيف عقل .. وبكرة تجيب له طفل .. ويضيع بينهم ..

دمتم بود ..

[بصمة قطرية]

قول له تحمل لا تزوجه ..
حرام اش ذنب البنت ..
خله لين يركد بعدها يفكر يزوجه ..
من غير شي وحالات الطلاق مرتفعه في قطر بالذات عند صغار السن ..
دراسته أولى في هالفترة ..
وان شاء الله بيركد الله يهديه ~

[بـــــــنت النوخـّــــذه]

يكمل دراسه احســــــــــــــن العرس لاحق عليه ودامه مهب تكانه كيف بيتزوج الزواج يبغيله عقل وحكمه والعقل والحكمه مايجون بالزواج 000

بوجهة نظري اي شاب صغير لايستعجل بالزواج لان كثرت حالات الطلاق000

مشكله مجتمعنا لي شافو شخص مطيور قالو زوجوه طيب الزواج هذا مايبغيله عقل مايبغيله مسؤوليه 0ترى السالفه مهب فقط محصوره بجانب واحد الزواج له جوانب عده0

وايام اول كانو يزوجون عيالهم صغار لانهم قد المسؤوليه 000
يكمل دراسته والله يستر عليهم دنيا وآخره 00

[المـهـفـة والـســفـرة]

لاحول ولاقوة الإ بالله ,,,, والله يعين هلأب على المسئولية الكبيرة.
وبارك الله فيك يااخوي صاحب الموضوع لسعيك الطيب.

وبالنسبة للحلول :

1- أقترح على الأب أن يطللب من ولده أن يبحث عن مقاول
لبناء ملحق في بيتهم , وأن يكون من أجمل الملاحق مهما كان الثمن.

2- أن يوكل المهمة لولده لأتمام بناء هالملحق من طابوق
وحديد وأسمنت ,,, ولا يساعده أحد من أخوانه ههه.

3- أدعو الأب لترك الولد ,, يستقل بروحه في حجرته لين يملّ ويزهق
ويحس بالوحدة بهالغرفة ,,, لين يفكر بزوجة وهو مقتنع هههه.

4- أن سوى هالحلول أتوقع الولد ,,, قد المسئولية.:nice:

وأن شاء الله ,,, وأدعوالرحمن من كل قلبي ,,, أن ينير بصيرة
هالولد على تقدير مسئولية الحياة الدنيا .

ولدكم
طالب أول ثانوي.

[واثق بالله]

ماشاء الله ... اشوف كل اللي ردوا

متفقين على نفس الراي ...

وجهة نظري ... دام ان الوالد

قادر على ان يتكفل فيه هو ويا

مرته ويمكن عياله ف ليش لا ؟!

وأكيد أن البنت بتكون من قرايبهم

ك بنت عم او بنت خال يعني

من الدرجه الاولى وبتمشي معاه


ودامكم كلكم متفقين على نفس الراي

فيمكن يكون رايكم هو الراي السديد


واللي له مداخله من الاعضاء وحاب

يحط رايه فجزاه الله خير ...

[واثق بالله]

مع الرأي الثاني .. لتطق الحرمه منه !


بارك الله فيك ياهدهد سليمان

رايك ونحترمه

صدقت يمكن تشرد المره منه

[واثق بالله]

فيه طقه يعني خفيف عقل ولاهو بتكانه
طيب هل واثق إن الزواج بيركده...؟
واش ذنب بنت الناس تبدأ حياتها مع مخروش؟
أكيد العروس 17 سنة وأقل يعني بعد هي مب ركاده...

انصح رفيجك يا أخوي يصبر ويغير معاملته لولده ويكلمه على إنه رجال وقد المسوؤلية ولازم يكمل دراسته ويلقى وظيفة يعتمد فيها على نفسه
وإلا الولد بيقعد طول عمره عالة على أهله...
والزواج كان يركد الشاب ويعقله في الزمن الماضي
اما الحين فالعكس إلا بيهمل نفسه ودراسته وشغله..
من تجربة أحد معارفنا...
هذه وجهة نظري...


جزاج الله خير اخت الاصيله

لا مهب واثق ان الزواج بيركده

يمكن ينخرش اكثر ..

رايج ونحترمه

[خوي الدرب]

طيب وش ذنب بنت الناس تغشونها بأبو طقة على قولتك ؟!

[واثق بالله]

من وجهة نظري انا ضد تزويج البزران واللي للحين يشربون حليب نان رقم 1 حق المواليد وتلقى رضاعته للحين بغرفته

اخوي ان ادعو هذا الاب ان لا يستعجل بتزويج ولده وخاصه وهو للحين في الثانوية ولا يورط بنات الناس معاه

خله اول شي يكمل دراسته وبعدين يشتغل ويكون نفسه وذيك الساعه يزوجه اذا عقل


مشكور وبارك الله فيك ياطارق العلي

وايضا رايك ونحترمه مثل الجماعه اللي

قبلك .. يمكن يحن للرضاعه واللهايه ويخلي

بنت الناس ويرد يدور حضن امه ...

[واثق بالله]

هالجيل مو مال زواج .. خلهم يكملون جامعة ويشتغلون سنة وبعدها يتزوجون .. يكونون ركدوا شوي حرام بنت الناس ايش ذنبها تعيش مع خفيف عقل .. وبكرة تجيب له طفل .. ويضيع بينهم ..

دمتم بود ..


بارك الله فيك يارامو

رايك ونقدره ومثل ما

قلت الضحيه بيكون

الاطفال ....

[واثق بالله]

قول له تحمل لا تزوجه ..
حرام اش ذنب البنت ..
خله لين يركد بعدها يفكر يزوجه ..
من غير شي وحالات الطلاق مرتفعه في قطر بالذات عند صغار السن ..
دراسته أولى في هالفترة ..
وان شاء الله بيركد الله يهديه ~


جزاج الله خير اخت بصمه

رايج ونحترمه .. وحالات

الطلاق عندنا حدث ولا حرج

مثل ما ذكرتي ....

[الخزرجي قطر]

اتفق معكم في الراي ان الزواج حاليا بالنسبه لظروف الولد مش مناسبه
ولكن يتطلب بذل جهد اكبر من افراد العائله في انخراط الولد في المجتمع دون خجل ومتابعته من الاسره
تكليفه القيام ببعض الاعمال اعطاؤه الثقه في نفسه خلوه في البدايه يعتمد على نفسه ومراقبة تصرفاته
الله يشفيه ان شاالله ويعين اهله الله يجعله في ميزان حسناتهم ان شاالله

[فيزيائية]

كل يوم نسمع عن حالات طلاق بعد اقل من كذا شهر زواج
والسبب ابو طقة وام طقة.....
نصيحة للأب أن يحمّله بعض المسئوليات في البيت وغيره حتى يصقل رجولته ...

[بوحارب]

لازم يخليه يختلط مع شباب ويتعلم منهم السلوم الطيبة

ولازم يطلع شوي في الشارع ويشوف الدنيا ويختلط مع الصالح والطالح عشان يعرف الفرق بينهم بعدين

ولااااااايزوجة ويظلم بنت الناس فيه

ترى بعض البنات تطلع من بيت ابوها تبي واحد يربيها مرة ثانية :)

والله يعينه على ولده

[راعي البيرق]

مع احترامي للاب ان كان ولدك طقة او هفة عليك ان تعوده يجلس مجالس الرجال والشيبان يسمع كلامهم ويتعلم الثقل والاتكانة منهم .
لان العلاج عندهم اي حركة نص كم على طوول اما زفة او طقة بالعصا عالراس وبيستعدل
جرب ومو خسران شي

[طواش]

أنا مع عدم الاستعجال بتزويج الولد حتى يسترشد.

لأن الزواج مسؤولية كبيرة .

[انتثر لك عطر]

الموضوع وما فيه باختصار ان واحد من الربع ولده على وشك انهاء الثانويه والولد
فيه طقه يعني خفيف عقل ولاهو بتكانه

ف أبوه له نيه يزوجه وفي نفس الوقت يبيه
يكمل تعليمه الجامعي





وعليكم السلام ورحمة الله وبركاتة

لا حول ولا قوة الا بالله

الزواج ليس هو الحل ولا اكمل الدراسه لا احدهم راح يعقله ويخلي عقله ثقيل !! ولكن على والده عرضه على دكتور مختص ودكتور نفسي لمعرفه حالته بالضبط هل مافيه مرض عضوي ام نفسي وطيش شباب ومراهقه او هناك قصور في نمو العقل وسبب له اعاقه بالعقل وقد تكون خفيفه غير واضحه للجميع فقط لمن يحتك معه ويتكلم ويجلس معه يكتشف ان الشخص غير سوي او طفل بهئية رجل وان عقله لم يتعدى مرحله سنيه معينه ومايحتاجه من علاج او مثل ماذكرت امر نفسي مع مراجعه الدكتور النفسي ومحاولة والده ادماجه في المجتمع من جديد وفي مجالس الرجال والاحتكاك معهم وانا الوم والده في المرتبه الاولى مفروض من اول مالمس بولده هالامر قام وعالجه لا السكوت حتى يصل الى اخر مراحل الثانويه العامه وبعدها الحل في عينه هو اسهل الطرق الزواج زوجه ويعقل ولا الدراسه لا الزواج يهب العقل ولا الدراسه ولازم يعرف حالة ولده عشان يقدر يتعامل معه ولكن شكله والده يبي يفتك من مسؤوليته وجد اسهل الطرق الزواج أتمني من والده أن يتقى الله بنفسه ومايرضاه لبناته يرضاه على بنات الناس فلا اعتقد ان تقدم له احد بحالة ولده راح يزوجه بنته


الزواج ليس هو العلاج السليم لمن هم خفيف العقل أتقوا الله في بنات الناس حرام تظلمون بنت الناس وتظلمونه لانه ماهو بتكانه ولا هو قادر يتحمل مسؤوليته نفسه بيتحمل مسؤوليته بيت هل أهله عندهم الاستعداد وقت الخطبه أن يتركون تمجيد أبنهم ويصارحون أهل البنت بعيوبه فاأن قبلو الله يوفقهم ويتحملون نتائج قرارهم وان رفضوا كان افضل لطرفيين ولا خدعوا بنت الناس وكان الطلاق فالاخير هو الحل الاسهل عند اهل الولد ولكن هو الضربه القاضيه لبنت قد مايتجاوز عمرها العشرينات


أتمني من صاحبك عدم التهاون في حالة ولده ومحاولة علاجه بدل من تدبيسه بدراسه او زواج وهو ماهو قادر على ذلك

[نورالهدى]

مع إحترامي لرغبة الأب فهي خطأ 100%
فيها ظلم للطرفين
أنا اشوف الولد يكمل تعليمه وينخرط أكثر في الحياة
ويتعلم عشان تدب فيه روح المسؤلية
ويكون قد الزواج
والله ييسرله اللي فيه الصالح

[مضاد]

طيب وش ذنب بنت الناس تغشونها بأبو طقة على قولتك ؟!


مش شرط تكون بنت , ممكن ( سكند هاند ) تمشي الحال :shy:


هو وهي , بيكونو ربحانين :victory:

[باسكن روبنز]

لايستعجـل ،

[oceanrose]

فيه طقه ويزوجه ... شوف اخوي الولد يعني عمره 18 او 20 كم عمر الزوجه يا 17 او 20
يعني هو ما شاء الله مخه على قده راح يقدر يتحمل مسؤوليه بيت وزوجه .

يكمل دراسه ويشتغل في الاول وبعدها يتزوج لا تتوهق المره فيه

[تباشير الفجر]

وعليه عليها البنت الي بتاخذه حتى لو كانت بنت عمه ولا بنت خاله مب معناته بتستحمله عشانه من قرايبها ....
انا من رايي مب هذا الحل وفكرة الابو غلط غلط غلط مب عشان يعقل ولده اينن بنت الناس ....

[برزان]

الجيل القديم كان تزويجه احد الحلول وفعلا كان يركد لكن في هالوقت .... صعب لان العقليات متغيره والحياه مفتوحه وخصوصا في غياب البيئات الاجتماعية الي لها وزن في حل المشاكل ودحر الافكار الغريبة او المسببات التافهه ....

الخلاصه يالشيخ الي اشوفه من وجهة نظري و الله أعلم ...انه ايخليه يدرس في الفتره الحاليه ..ا بينشغل عنه و بيعطيه نوع من القرصه في بعض المسؤوليات وهو بيحاول يتاقلم معاها يايستمر او يترك ...في هذه المرحله بينشى عنده سلوك ويحتاج متابعه ايضا يا اما يكون ايجابي او يرجع عكس عن قبل وبزياده . لهذ لابد من الاب المتابعه له في مرحله الدراسه ومن ثم المحاولة في وضع هدف لمدة 3 سنوات تهيئتة للزواج حتى يعطيه ثقه في انفس وايضا يستشعر باهميته معنى الزواج وفي نفس يلاحظه سلوكه هل في محاولة للتغير ام لا .

لاكن مره وحده كذا ...لو انا مكانه باقوله خبطتين في الراس توجع :)

الله ايسر له ان شاء الله ويقر عين ابوه به .

[شبح الصمت]

مع الرآي الثاني

وخذ من ناس خبره

خله يكبر ويفهم الحياة ولا يلعوز بنت الناس معاه

خله يشوف الدنيا ويحس اشوي ويتعلم ويشوف العالم ويخالط البشر

والله يحفظه من كل مكروه والشباب والبنات كلهم يارب

وانا جاء وبيعرس قول لنا نجي نسلم عليه ونرزف له

[واثق بالله]

يكمل دراسه احســــــــــــــن العرس لاحق عليه ودامه مهب تكانه كيف بيتزوج الزواج يبغيله عقل وحكمه والعقل والحكمه مايجون بالزواج 000

بوجهة نظري اي شاب صغير لايستعجل بالزواج لان كثرت حالات الطلاق000

مشكله مجتمعنا لي شافو شخص مطيور قالو زوجوه طيب الزواج هذا مايبغيله عقل مايبغيله مسؤوليه 0ترى السالفه مهب فقط محصوره بجانب واحد الزواج له جوانب عده0

وايام اول كانو يزوجون عيالهم صغار لانهم قد المسؤوليه 000
يكمل دراسته والله يستر عليهم دنيا وآخره 00


اللهم امين ...

بارك الله فيج يابنت النوخذه

رايج محل تقدير

والله ويعطيج العافيه ...

[واثق بالله]

لاحول ولاقوة الإ بالله ,,,, والله يعين هلأب على المسئولية الكبيرة.
وبارك الله فيك يااخوي صاحب الموضوع لسعيك الطيب.

وبالنسبة للحلول :

1- أقترح على الأب أن يطللب من ولده أن يبحث عن مقاول
لبناء ملحق في بيتهم , وأن يكون من أجمل الملاحق مهما كان الثمن.

2- أن يوكل المهمة لولده لأتمام بناء هالملحق من طابوق
وحديد وأسمنت ,,, ولا يساعده أحد من أخوانه ههه.

3- أدعو الأب لترك الولد ,, يستقل بروحه في حجرته لين يملّ ويزهق
ويحس بالوحدة بهالغرفة ,,, لين يفكر بزوجة وهو مقتنع هههه.

4- أن سوى هالحلول أتوقع الولد ,,, قد المسئولية.:nice:

وأن شاء الله ,,, وأدعوالرحمن من كل قلبي ,,, أن ينير بصيرة
هالولد على تقدير مسئولية الحياة الدنيا .

ولدكم
طالب أول ثانوي.


مرحبا بك ...وحياك الله

بارك الله فيك ....

والشكر لمقترحك العجيب

اللي بيبين اذا كان يقدر يتحمل

المسؤوليه والا لا ؟

[واثق بالله]

طيب وش ذنب بنت الناس تغشونها بأبو طقة على قولتك ؟!


المسأله ماتوصل لدرجة الغش

ياخوي الدرب

المسأله مشروع زواج والولد

صاحي لكن تقدر تقول يبي له

شي يثقله ويركده ...

[واثق بالله]

اتفق معكم في الراي ان الزواج حاليا بالنسبه لظروف الولد مش مناسبه
ولكن يتطلب بذل جهد اكبر من افراد العائله في انخراط الولد في المجتمع دون خجل ومتابعته من الاسره
تكليفه القيام ببعض الاعمال اعطاؤه الثقه في نفسه خلوه في البدايه يعتمد على نفسه ومراقبة تصرفاته
الله يشفيه ان شاالله ويعين اهله الله يجعله في ميزان حسناتهم ان شاالله


اللهم امين ...

بارك الله فيك يالخزرجي

والله يبارك لك في ذريتك

[واثق بالله]

كل يوم نسمع عن حالات طلاق بعد اقل من كذا شهر زواج
والسبب ابو طقة وام طقة.....
نصيحة للأب أن يحمّله بعض المسئوليات في البيت وغيره حتى يصقل رجولته ...


جزاج الله خير ام نونيه

ومشكوره على النصيحه

والله يبارك لج في ذريتج

[ضي البدر]

الرأي السديد والي يفرض نفسه بقو .. هو انه لا يستعجل بتزويج الولد بروحه مطيووور وموملحق على عمره فشلووون تربطوونه بزواج راح اتكون نهايته الفشل!! عطوه مجال يكبر ويكتشف ويعرف ويفرق وأخيراً بيعرف يختار..

وموفقين ان شاء الله..

[اميررة قطر]

لا لايزوجه لان فهالسن مايكون ناضج مافي الكفايه ومتركد وعاقل وعادي يطلقها بعد سنتين ثلاث والسبة طيش وعدم احساس بالمسئوليه وحزتها يمكن يكون فيه يهال وتسبب بتفكيره الغير ناضج بتفكك اسره من واقع اشوفه وخصوصا بهالسن مافي نضج مافي صبر مافي تركد

[اميررة قطر]

وعليه عليها البنت الي بتاخذه حتى لو كانت بنت عمه ولا بنت خاله مب معناته بتستحمله عشانه من قرايبها ....
انا من رايي مب هذا الحل وفكرة الابو غلط غلط غلط مب عشان يعقل ولده اينن بنت الناس ....


واذا تزوج قريبته لاقدر الله وصار انفصال الحال راح يكون ادهى وأمر عزة الله ماراح تنتهي المشاكل (لا لتزويج البزران)

[حقيقه]

وجهة نظري ... دام ان الوالد

قادر على ان يتكفل فيه هو ويا

مرته ويمكن عياله ف ليش لا ؟!





ياسلام
والشيخ ولده اش وظيفته ماغير يخلف بهالاطفال وبس

خل يدور له وحده عقلها خفيف نفس ولده
ماتفهم وبيستانسون على بعض

التم المتعوس على خايب الرجا

حرام بنت الناس تنظلم والسبب التفكير الغلط

[باسكن روبنز]

8
8
وآنتـي صــح ياحقيقـه ،:nice:









بصـرآحه آستغرب بعض العقـول (الصغيـرونه) آلي همهآ في المـآده وتدآبيـر مصـآريف العـرس! ،

ياجمآعـه لحد يزعـل من كلامـي بس كلمة حـق وبقولهـآ ،

الزوآج يبيله رجـآل مب (ذكـآره) ،

مصـأريف العرس تتدبر مثل ماندبرهآ لموآتـر كشخـه وسفـرآت وفخشـره ،;)

وآلي مب قــدهآ لايتزوج ويظلم نفسه وبنت النـآس ويـآه ،

[النائب]

أنا اشوف إن الأب هو ابوطقه ليش مستعجل على تزويج الولد المفروض يتركه يكمل تعليمة ويشوف وضعه بعد مايلتحق بالعمل يمكن الولد يركد .

الإستعجال مامنه خير .

[نوفا91]

لايزوجه وخله يكمل دراسته وكلها سنه سنتين يكبر وبيعقل ان شاء الله..

[واثق بالله]

لازم يخليه يختلط مع شباب ويتعلم منهم السلوم الطيبة

ولازم يطلع شوي في الشارع ويشوف الدنيا ويختلط مع الصالح والطالح عشان يعرف الفرق بينهم بعدين

ولااااااايزوجة ويظلم بنت الناس فيه

ترى بعض البنات تطلع من بيت ابوها تبي واحد يربيها مرة ثانية :)

والله يعينه على ولده


اللهم امين

بارك الله فيك يابو حارب

والشكر لنصيحتك ....

[واثق بالله]

مع احترامي للاب ان كان ولدك طقة او هفة عليك ان تعوده يجلس مجالس الرجال والشيبان يسمع كلامهم ويتعلم الثقل والاتكانة منهم .
لان العلاج عندهم اي حركة نص كم على طوول اما زفة او طقة بالعصا عالراس وبيستعدل
جرب ومو خسران شي


جزاك الله خير ياراعي البيرق

والشكر لتوجيهك ...

[واثق بالله]

أنا مع عدم الاستعجال بتزويج الولد حتى يسترشد.

لأن الزواج مسؤولية كبيرة .



الله يرحم والديك ياطواش

كلامك في محله .....

[واثق بالله]

وعليكم السلام ورحمة الله وبركاتة

لا حول ولا قوة الا بالله

الزواج ليس هو الحل ولا اكمل الدراسه لا احدهم راح يعقله ويخلي عقله ثقيل !! ولكن على والده عرضه على دكتور مختص ودكتور نفسي لمعرفه حالته بالضبط هل مافيه مرض عضوي ام نفسي وطيش شباب ومراهقه او هناك قصور في نمو العقل وسبب له اعاقه بالعقل وقد تكون خفيفه غير واضحه للجميع فقط لمن يحتك معه ويتكلم ويجلس معه يكتشف ان الشخص غير سوي او طفل بهئية رجل وان عقله لم يتعدى مرحله سنيه معينه ومايحتاجه من علاج او مثل ماذكرت امر نفسي مع مراجعه الدكتور النفسي ومحاولة والده ادماجه في المجتمع من جديد وفي مجالس الرجال والاحتكاك معهم وانا الوم والده في المرتبه الاولى مفروض من اول مالمس بولده هالامر قام وعالجه لا السكوت حتى يصل الى اخر مراحل الثانويه العامه وبعدها الحل في عينه هو اسهل الطرق الزواج زوجه ويعقل ولا الدراسه لا الزواج يهب العقل ولا الدراسه ولازم يعرف حالة ولده عشان يقدر يتعامل معه ولكن شكله والده يبي يفتك من مسؤوليته وجد اسهل الطرق الزواج أتمني من والده أن يتقى الله بنفسه ومايرضاه لبناته يرضاه على بنات الناس فلا اعتقد ان تقدم له احد بحالة ولده راح يزوجه بنته


الزواج ليس هو العلاج السليم لمن هم خفيف العقل أتقوا الله في بنات الناس حرام تظلمون بنت الناس وتظلمونه لانه ماهو بتكانه ولا هو قادر يتحمل مسؤوليته نفسه بيتحمل مسؤوليته بيت هل أهله عندهم الاستعداد وقت الخطبه أن يتركون تمجيد أبنهم ويصارحون أهل البنت بعيوبه فاأن قبلو الله يوفقهم ويتحملون نتائج قرارهم وان رفضوا كان افضل لطرفيين ولا خدعوا بنت الناس وكان الطلاق فالاخير هو الحل الاسهل عند اهل الولد ولكن هو الضربه القاضيه لبنت قد مايتجاوز عمرها العشرينات


أتمني من صاحبك عدم التهاون في حالة ولده ومحاولة علاجه بدل من تدبيسه بدراسه او زواج وهو ماهو قادر على ذلك


مشكوره وبارك الله فيج اختي

فعلا يجوز ان عنده مرض نفسي

وعرضه على طبيب وتشخيص

حالته افضل من تزويجه .....