استفسار : بخصوص فيزا الشنقن لفرنسا

[blueZircon]

السلام عليكم ورحمة الله وبركاته

قبل ثلاث ايام قدمت على فيزا الشنقن من السفاره الالمانيه واليوم استلمتها وعطوني اياها لمدة سنه

علماً بأن رحلتي بتكون ل فرنسا وثم فيينا

لكــن خايف ان بمطار فرنسا لما اوصل يسوون لي مشكله نظرا لانها هي وجهتي الاولى والفيزا اللي عندي شنقن المانيه , وانا مب فاضي ومستعد سفرتي تخترب لانها بتكون شهر عسل

فأرجو من اخواني الخبراء يفيدوني , هل اكنسل الفيزا الحاليه اللي عنددي واقدم مره ثانيه عن طريق السفاره الفرنسيه ام فيزتي الحاليه تؤدي الغرض

علماً اني سألت الموظفه بالسفاره الالمانيه , وقالت لي انه فرنسا مشددين من هالناحيه بس قالت لي اذا سألوك قول لهم ان عدد ايام رحلتك لفرنسا تساوي عدد ايام رحلتي في فرنسا

ملاحظه: تعامل السفاره الالمانيه كان جدا راقي وخلصوني وانا واقف في اقل من دقيقتين , حتى حجز بوكنج دوت كوم للفنادق ماقالوا عنه شئ , مشوا حجوزات البوكنج دوت كوم بدون اي مناقشه !

[وحيد-الشوق]

بقولك تجربتي من اسبوعين تقريبا لأني كنت متخوف

انا خذت الفيزا من السفارة الالمانية عطوني سنتين ونزلت في بلجيكا لأني رايح منطقة قريبة وفرانكفورت مطارهم بعيد علي

المهم تعاملهم كان راقي بس سألني موظف الجوازات انت ناوي تقعد في بلجيكا ولارايح المانيا قلت له بقعد كم يوم في بروكسل يمكن 3 او اربع ايام وبعدها بروح المانيا وسألني جاي سفر ولاسياحة قلت له سياحة وبس :nice:

[خشوف]

الفيزا هذي تدخل بها اوربا من غير لندن بدون اي مشاكل

[blueZircon]

يعطيك العافيه اخوي وحيد الشوق, المشكله اتتم على اعصابك طول الرحله , بس احس الامور سهالات وخصوصا ان تعامل فرنسا والدول الاوروبيه مع القطريين يختلف تمام عن باقي مواطني دول الخليج . لكن مايمنع انك تسوي حساب لهالشئ وانا من النوع اللي احب كلشئ يكون مرتب ومخطط له 100٪

[blueZircon]

يعطيك العافيه اخوي وحيد الشوق, المشكله اتتم على اعصابك طول الرحله , بس احس الامور سهالات وخصوصا ان تعامل فرنسا والدول الاوروبيه مع القطريين يختلف تمام عن باقي مواطني دول الخليج . لكن مايمنع انك تسوي حساب لهالشئ وانا من النوع اللي احب كلشئ يكون مرتب ومخطط له ١٠٠٪

[blueZircon]

الفيزا هذي تدخل بها اوربا من غير لندن بدون اي مشاكل
شكرا اختي خشوف واسجل اعجابي لتقريرج عن فرنسا وبروكسل والنمسا , انا ترى ماشي عليه حق شهر العسل :nice:

[sout qatar]

اخوي انا خذتها من الفرنسيه وعطوني لمدة اربع سنوات وانا خذتها ورحت سيده سويسرا ودخلت ولا حد كلمني او سالني ليش مارحت بالاول فرنسا مع ان الي في فالفرنسيه قالو لازم اول تروح فرنسا بعدها تروح للدول الي تبيها بس يقولون هالكلام عشان يجبرونك تروح الدوله الي طلعة عن طريقها الفيزا فعاد توكل على الله وماعليك واذا صادف الموظف قالك لازم بالاول تروح المانيا قولهم ان صادف ضرغ وضطريت تغير خط سير الرحلة

وبالتوفيق اخوي والله يباركلك ان شاء الله

[راعي 2006]

انا عن تجربتي سويت الشنغل في السفاره االفرنسيه لاني رحت السفاره الالمانيه وقالولي مايصير دامك بتروح فرنسا اول


ان شاءالله الي جرب يفيدك اما لاتاخذ تخمين الناس الي مو متأكدين وتخترب سفرتك

[هارودز]

عادي محد يقولك شي انا سويتها في السفارة الالمانية ودخلت بها فرنسا قبل المانيا

[blueZircon]

تسلمون يالربع ماقصرتوا, جزاكم الله الف خير

اكتشفت يوم دققت بفيزتي انهم كاتبين بالمحلاظات : R aut
يوم فسرتها عن طريق مواقع مختصه بالنت , طلع هالاختصار معناه الاتي:

ان السفاره الالمانيه قامت باستخراج فيزة الشنقن بالنيابه عن حكومة النمسا وبالتالي كأني مطلعه الفيزا من السفاره النمساويه

وعلى هذا الاساس دام وجهتي الثانيه بتكون للنمسا والاولى لفرنسا ماراح تكون هناك مشاكل لانه وجهتي الرئيسيه بتكون النمسا نظرا لاني بقعد فيها اكثر من فرنسا

[عربسات]

^^^^^^^^^^^
والله ياخوي ان حالي من حالك نفس الشي بس الفرق اني قدمتها عن الطريق السفاره الاسبانيه وعقدوا الموضوع معاي وايد.... على اساس اني بنزل في اسبانيا وبقعد غيها 5 ايام وبعدها بروح فرنسا وبتم فيها 6 ايام ؟؟؟ قالوا لي لا لازم تقدمها في سفارة فرنسا لانك راح تقعد فيها اكثر وبعد محاولات حثيثه استثنوا لي الموضوع ..

مع انه الموضوع ما يستاهل بس ما ادري ليش يخرعون الناس !!!