المساعد الشخصي الرقمي

مشاهدة النسخة كاملة : الmath and English والمدارس المستقلة والمدارس الخاصة


MBI
23-03-2011, 12:14 AM
السلام عليكم
بعد ما اكتشفت واقتنعت من كلام ولدي وكلام الناس انه المدارس المستقلة فاشلة فأحبيت أني انقل ولدي السنة الجايه مدرسة نيوتن ولازم يجب 50 بالميه على الاقل فا ممكن تساعدوني شلون اقويه في الانجليزي والرياضيات علما بانه جيد جدا ويبغي يتعلم ودخل ال els ويقول ما استفدة واجد
واللي يعرف مدرس وله شي يفيدني علما بانه ولدي رايح g10
شيط ويط
23-03-2011, 07:25 AM
للرفع واتمنى حد من الاخوان يفيدك لان ماعندي خلفيه ع الموضوع

وبالتوفيق لولدك
MBI
27-03-2011, 02:36 PM
Thanks alot
الصريحه
27-03-2011, 04:07 PM
مثل ما سمعت السنه الجايه للأسف هذي. المادتين بترد عربي كان افضل لو تتم بالانجليزي وعندك مدرسه اوفاز ممتازه تبدا بالتدريج مع الطفل ويصير بلبل انشالله
ام السعف
27-03-2011, 04:14 PM
السلام عليكم
بعد ما اكتشفت واقتنعت من كلام ولدي وكلام الناس انه المدارس المستقلة فاشلة فأحبيت أني انقل ولدي السنة الجايه مدرسة نيوتن ولازم يجب 50 بالميه على الاقل فا ممكن تساعدوني شلون اقويه في الانجليزي والرياضيات علما بانه جيد جدا ويبغي يتعلم ودخل ال els ويقول ما استفدة واجد
واللي يعرف مدرس وله شي يفيدني علما بانه ولدي رايح g10

هو ولدك رايح الصف الأول الثانوي ؟

يعني بيدرس نظام igcse بعد سنة على طوول ،، النصيحة انك اتحط له
مدرسين اثنين لمادة اللغة انجليزية لو ميزانيتك تسمح لك ،،
الأول : يكون مدرس عربي يدرس انجليزي ( يشرح له الأمور الصعبة عليه )
الثاني يكون انجليزي بحت يفهم منه اللكنة مع شرح الدروس ،،

بشوف لك ارقام مدرسين عرب + مدرس امريكي اصله عربي بس
لكنته امريكية ،، ان لقيتهم باطرشهم لك على الخاص ،،

عندي مدرس مصري للرياضيات كان يأسس عيالي في الجبرا في الصيف
اشوف عيالي كانوا مرتاحين منه ،، رقمه عند ولدي من يرد من السفر
ان شاءالله ماانسى يارب راح اطرشه لك ،،
ام السعف
27-03-2011, 04:15 PM
مثل ما سمعت السنه الجايه للأسف هذي. المادتين بترد عربي كان افضل لو تتم بالانجليزي وعندك مدرسه اوفاز ممتازه تبدا بالتدريج مع الطفل ويصير بلبل انشالله

بيردون الرياضيات والانجليزي عربي :eek5:

اعتقد تقصدين بيردون العلوم والرياضيات صح ؟ :shy:
PP
27-03-2011, 06:39 PM
اقدر اقول ان الرياضيات في المستقلة قوية جداَ

" وفي النهاية يعتمد على المدرسة والمدرس !! "
بالنسبة لي, الصف 11 كان سهل وكله اشياء عادية عن graphs و logarithms و الـ natural logs
vectors , quadratic formulae واشياء كثيرة

اما 12 فكله Calculus التفاضل والتكامل
اشياء ياخذونها بالجامعة " من كثر ما ندرسهم , حسيت ان ما فيه شي جديد بالجامعة ! "

اما الانجليزي , فـ فيه الف طريقة يقوي نفسه
قدامك British council كل صيف دخله دورة غير ايام الدراسة !
جامعة قطر تقدم دورات للـ IELTS و ACT
افضل شي انك تجهزه للأمتحانين من الآن وراح يطور انجليزيته تلقائياَ .
اعرف ناس كانوا يتأسسون من الثالث الاعدادي " G9"

ونصيحة , شوف اذا كانت المدرسة السبب
لان التدريس يتغير من كل مدرسة


:)