المساعد الشخصي الرقمي

مشاهدة النسخة كاملة : مقابلة رآس غاز ..... ضروري


bo yousef
23-03-2011, 12:37 AM
السلام عليكم ...

بغيت تفيدوني بكم معلومه جزاكم الله خييير ...

عندي مقابلة قريبه في شركة رآس غاز ..

ياريت تفيدوني عن المقابلة الشخصية برآس غاز اذا عندكم خبر ..

الصراحه متوترة ومب عارفه ؟؟

كم شخص يقابلني ؟؟ الاسئلة بالعربي ولا الانجلش ؟؟

شنو طبيعة الاسئلة ؟؟

ياريت تفيدوني بمعلوماااات اكثررر ؟؟

وجزاااكم الله كل الخير ...
بوحارب
23-03-2011, 12:49 AM
ماعندي علم

لكن

الله يوفقك ويشرح صدرك :)
شنايدر
23-03-2011, 12:53 AM
مرحبا اختي . . .

هو بشكل عام يعتمد اذا مقدمه على وظيفه ولا بعثه . . .

كان لي تجارب كثيره معهم بعد ما تخرجت من الثانويه وكان سيفي ممتاز جدا
قبول جامعات
ايلتز
و
و
و
المهم قبضوني الباب ههههههه

بس توقعات الان لاني قابلت بعض من افراد ال hr وتقريبا عرفتهم وعرفت شخصياتهم ..

اعتقد انج توج مخلصه الثانويه واذا تبين بعثه ولا وضيفه اعتقد بتاخدينها لانهم يفضلون البنات وخاصه في البعثه . . .

شلون مستواج في اللغه ؟
فتى الدوحة
23-03-2011, 12:57 AM
مرحبا أم يوسف ما أدري بو يوسف :nice:

أهم شي في المقابلات هدوء الأعصاب والثقة بالنفس
وتحطين في بالك إن الله إذا كاتب لج هالوظيفة صدقيني بتاخذينها
أما من ناحية بالعربي أو بالإنجليزي أعتقد والله أعلم أنه لازم يختبرونج في اللغة الإنجليزية كون الشركة معنية في قطاع الغاز ( يعني الكلام بالعربي في البيت والشارع مب عندهم ) :secret:

وبالتوفيق إن شاء الله
AL_MUTAEM
23-03-2011, 01:54 AM
بالتوفيق بويوسف ..

اتمنى البحث عن مكان اخر للتوظيف لان شركة راس غاز اذا لا تعرف احد فلن تترقى ومكانك سر ..

الدليل هناك جامعيين بنفس درجاتهم الوظيفيه من سنه 2005 وهناك انسان شهادة اول متوسط ترقى ترقيات سريعه وبنص سنه اي خلال ستة اشهر واحده من الدرجه 11 الى السابعه فقط لان له اخ مدير اداره ..!!

ولاننسى دور الاجانب فتجد الهندي يترقى بسرعة الصاروخ فقط لانه يجلب شهادات جامعيه فخلال سنتين بكارليوس وسنه ماجستير ولو بغى الدكتوراه بشهر ومعترف بها من الشركه وانت يا القطري لو رحت وخذيت الشهادات من نفس الجامعه يقبضونك الباب ..!!

انا ما ابيك تتحسف بس الكلام اعلاه متأكد منه مليون بالميه ولي صديق موظف بهالشركه وطلع منها قبل كم يوم واسأل كم قطري طلع من راس غاز بس سنه 2010 ؟؟
بعيد النظر
23-03-2011, 02:03 AM
ما عندي الا الله يوفقج ..
ويعيينج , بصراحة تجربتي سيئة معاهم !


لكن من باب المقابلات ..
يفضل تكون اجاباتج بالانجليزي !
وتكون ثقتج بنفسج عالية !

والاهم من هاي كله لو حاول يلخبطج بسؤال ..
عطييه اجاابه تفر مخه , يعني لا تمين ساكتة وتقولين مادري !!



وموفقة ان شاء الله
ALRAYYAN
23-03-2011, 02:06 AM
ربي يوفقج .. بس ليش مسجله بنك رجال اختي ؟؟
شيط ويط
23-03-2011, 07:18 AM
عندي واحد من الربع سوى مقابله هناك .. احاول اتصله جواله مغلق كلمت اخوه يقولي مسافر ع السفينه مع الشغل .. الله يوفقج
باسكن روبنز
23-03-2011, 08:06 AM
تكلمي بهدوء وبثقه بالنفس ،

وخلج طبيعيه بدون تصنع يعني آخذي رآحتج وخلج كووول ،

بس لاتطيحين الميـآنه هههه والله يوفقج ،
oceanrose
23-03-2011, 08:16 AM
شوف ياخوي نصيحتي لك :

أولا: خلك واثق ولا تتوتر
ثانيا: خذ لك وقت وادخل على الموقع وشوف لك كم شي عن راس غاز معلومات بسيطه عن الشركه
ثالثا: خلك واثق وبشوش يعني في المقابلات عليهم طريقه ينرفزون الواحد لا تبين لهم هالشي خلك ريلاكس
واذا ما عرفت السؤال او ما فهمته قوله لو سمحت ممكن تعيد السؤال (ابتسامه صغنونه ونظرتك ثابته )
رابعا: خلك متمكن من بعض الاساله في اساله مقابله في الانترنت بصراحه عن تجربه لاحظت انهم يستخدمونها في المقابلات وبالانجليزي.
اذا لك خبره سابقه يعني كنت تشتغل ... سالوك ليش تترك قول ادور فرص عمل جديده تحمل تطلع عيوب عملك علشان ما تكون نظرتهم لك انك انسان سلبي ...

واهم شي توكل على الله

وربي يوفقك