أبي اشتري فولكس واجن "" طوارق "" ايش رايكم؟؟

[RJ83]

السلام عليكم

حبيت أسأل عن أرائكم الشخصية في السيارة "" طوارق "" لاني ناوي اشتريها ان شاء الله.. بصراحة هي على الشكل ما عليها كلام بس اللي ابي اعرفه اذا فيها عيوب وما هي احسن مميزاتها.. وشنو الفرق بين أنواعها .. لاني لما رحت الوكالة قالوا لي انها 6 انواع تختلف بالمميزات.. رقم 1 فل ابشن ورقم 6 ستاندر.. ابي اعرف الفرق بين الباقي 3و4و5 شنو.. ياليت حد يوضح لي وينصحني ..

ولكم خالص الشكر

[قطرية عسل]

اشترها اخوي
روعـــــــــــــــــــــــــــــــــــــــــــــــ ــــــة

[RJ83]

مشكورة اختي على الرد بس انا حبيت اعرف الاشياء اللي ذكرتها بعد

[Smart]

كم سعرها؟

[RJ83]

النوع رقم (1) 215.000 ريال
النوع رقم (2) 195.000 ريال
الباقي ما سألت عنهم بس اقل نوع سعره ما يقل عن 160.000ريال

[قطرية عسل]

اخوي شاريها ويمدحها
ان شاء الله الشباب بيفدونك اكثر

[الراهب]

ما انصحك في مواتر غيرها ارخص وأبرك وفي الأخير انت صاحب القرار
والله يوفقك

[لمت داون111]

السلام عليكم

اخوي كلمه حق صادفت واعرف كذا واحد شراها او عند واحد من ربعه ومحد مدح فيها غير منظرها خارجيا فقط ! وعلي كلام رفيجي قال من داخل مب ذاك الزود بالنسبه لألماني وفوق ذي يقول قطع غيارها نار و هي فور ويل علي الفاضي تراها ماتستحمل الحفر والمطبات كثر مايستحمل البورش والرنج ويقول المكينه حساسه ويبليها استعمال نااااااااعم من قلب وهذا صعب جدا بالنظر الي شوارعنا الحلوه ! مجرد كلام سمعته من ناس مقربين لي ووصلته لك يالغالي وانا انصحك اذا خاطرك في ألماني عليك بالكياان وخذ لك العادي بمواصفات الاس وعقب اقلبه اس من برع وبيكلفك كل هذا بحدود ال250 ( اذا ماخاب ظني)
والسموحه لو حطمتك بس مابغيتك تنغش فيها لمجرد شكلها وموفق يالغالي

[البندر]

والله رأيي بصراحة خوش سيارة وكشخه وهي عند واحد من ربعي وقال لي ثراها أريف من الكايان
بس والله سيارة حلوه (شمحوووووووطه)
خخخخخ

[RJ83]

شكرا على الردود وانتظر المزيد ..

[hamoor4ever]

اخوي بصراحه انا ماجربتها بس اغلب الناس اللي عندهم اياها يمدحونها ..

وحاسب اخوي من الكيان كل اللي اعرفهم باعووره يقول لك وعر

خذ لك في اكس ار وريح بالك

[ملكة البورصة]

اخوي العزيز انا بصراحه عندي الثنين البورش والطوراق والله اني احب استخدم الطوراق مليون مره اكثر من البورش اول شي من داخل اوسع من البورش وافخم وبسيطه جدا بس عيبها من داخل يبيلها اهتمام يعني القطع اللي عالقير مايبيلها خشونه لان الغطاء مصنوع من ماده مادري ايش اسمها بس ناعمه يعني اذ حطيت عليه شي وسحبته بالقوه وتقشرت ذيج المنطقه من شي يتشوه المنظر يعني سياره دلع من داخل ,,, ومش وعره مثل الكايين تعجبك عالخط تهد معاك هد ماشاء الله ماتحس فيها ووووووووووووووووووو بعد فالزحمه اذ بتزرق يبيلك تحاسب شوي قومتها شوي ثقيله بس والله عجيبه البورش مو داش مزاجي وسياره ممله هاي كلام حد مجرب............. وتوكل على الله وخذها والفرق بين الانواع حسب المواصفات بعضها فل اوبشن هايدرولك وفتحه وزينون وتلفزيون وتيلفون شاشه نافيقيتر وبعضها فتحه وسنسرات ورناجت 18 يعني على حسب انت لا تكثر خذ الوسط اظن قيمتها فال 175اذ مازيدوها وربك يوفقك وروووح ياراعي الطوارق

[RJ83]

شكرا على الردود ان شاء الله باخذها قريب..
حد عنده كلام اكثر عنها

[عبدالملك]

الطوارق :
مميزاتها :
جمال المنظر
تستعمل سيدان ورباعي
راسية على الخط بدون كلام
العيب بالنسبة لنا في السعودية :
قطاع الغيار باهضة التكاليف
ليس لها وكيل متميز يعطي السيارة قوة من ناحية الصيانة كما هو الحال مثلا في تويوتا والجمس

إن كان لا يهمك الكلفة المادية لقطع غيارها ولديك سيارة أخرى تستعملها عند صيانة السيارة دوريا فقد يكون شرائها مناسبا

[البندر]

اخوي بصراحه انا ماجربتها بس اغلب الناس اللي عندهم اياها يمدحونها ..

وحاسب اخوي من الكيان كل اللي اعرفهم باعووره يقول لك وعر

خذ لك في اكس ار وريح بالك
كلامك اخوي 10/10
ما عليك كلام كلك صح VX-R وريح بالك

[RJ83]

الطوارق :
مميزاتها :
جمال المنظر
تستعمل سيدان ورباعي
راسية على الخط بدون كلام
العيب بالنسبة لنا في السعودية :
قطاع الغيار باهضة التكاليف
ليس لها وكيل متميز يعطي السيارة قوة من ناحية الصيانة كما هو الحال مثلا في تويوتا والجمس

إن كان لا يهمك الكلفة المادية لقطع غيارها ولديك سيارة أخرى تستعملها عند صيانة السيارة دوريا فقد يكون شرائها مناسبا

------------
انا بعد سمعت ان قطع غيارها غالية.. وانها تحتاج فترة طويلة عند صيانتها.. حتى عندنا في الدوحة.. والا انا غلطان؟؟

[Za3em_Qatar]

خذ لك تويوتا وبلا عوار راس ولا غيره احسن واظمن في كل مكان تقدر تحصله قطع غيار وموتر يستاهل

هذا مجرد رأي لا أكثر

[RJ83]

هلا اخوي زعيم قطر انا معاك في رايك 100% وانا عندي تويوتا.. بس حبيت آخذ الطوارق كنوع من التجديد وفي نفس الوقت حبيت اخذ اراء مختلفة عن هذه السيارة علشان أتأكد انها تستحق اني اخذها وما اندم.. وانا اللي سمعته من الاغلبية تقريبا ان السيارة ما عليها كلام بس المشكلة في قطع الغيار انها غالية وغير متوفرة دائما.. وان في الفحص الدوري قد تبقى السيارة يوم او اكثر في الوكالة.. وحبيت أتأكد من هالمعلومتين من اللي عنده اي خلفية.