يا معشر النساء .. ياحوامل ممكن تفيدوني ؟؟

[أم المها]

انا باخر السادس وكني عجيز رجولي خونت فيني بالحسره اوقف عليهم
وظهري خلاص متدمر وفوق هذا كله دوامي متعب ياقاعده من أول الصبح لين 2
ياواقفه طول اليوم ومره تحت ومره فوق كرهت حالي وبصراحة ابي حل
او ابي دكتورة تعطيني وجه .. ابي اريح ومو قادره ابغي يوم واحد اجازه مايعطوني
شلون لو ابي اقولها ابي اريح كم يوم:weeping:
عموما ابي دكتوره نساء وولادة شاطره وماعندها زحمة واهم شي تعطي اجازة
مستشفى حمد اروح من اول الصبح عندهم لين اخر الظهر ومافي فايده " وحاطيني مع الحالات الغير عاجله " <<هذا وانا طايحه طيحه خشنه من الدرج
والشرطة بس فالحه الدكتوره تدقدق عالكمبيوتر وتكتب علاج <<محسسيني اني فالكمبيوتر موقدامهم
وفوق الدوام وشغل البيت الليل كله ما انامه من الوجع هذي اول حمله اتعب فيها كذا :( ومحد معبرني
افيدوني الله يجزاكم خير

والسموحه ان كان مكان الموضوع غلط

[ميموري]

الله يقومج بالسلامه

بالنسبة للتعب مأجوره باذن الله

ومن ناحيه افضل دكتوره اذا تبين كعلاج عندج ايفا في مجمع المنصور

ومن ناحية سونار وتلفزيون لو لا قدر الله مشكله عندج مريم سلمان

واذا من ناحيه اجازه اعتقد مستشفى النساء مايقصر

ماعندي خلفيه عن الاجازات والله

انا يوم حملت خذت اجازه بلا راتب 7 شهور

ان شاء الله حد يفيدج من البنات في موضوع الاجازه الطبيه

[أم المها]

تسلمين حبوبه .. بس بسالج عن الاجازه بدون راتب ماتعتبر غياب ؟؟

[بنت قطريه]

ما عليج شر فديتج ..... اتصلي في عيادة الدكتورة سميرة الطائي وعن تجربه والله بتعطيج اجازة قد ماتبين لانها تراعي اذا شافت الوحده حامل وتعبانه انا كانت حامل وكنت ماخذه اجازتي وقالت لي الغيها وبتعطيني كل اسبوع وكنت توني شهرين شلون انتي اكيد بتعطيج وهي ماتقصر بس كلمي السكرتيرة وقولي لها عن حالتج وهي بيتبلغ الدكتورة ... وربي يتمم عليج على خير إن شاء الله

[طماطه]

رووحي الاهلي .. يعطوونج اجازات بالهبل .. ومستشفى النساء والولاده بعد مايقصرون يعطوون بالاسابيع للحوامل .. اشبكي الاجازات في بعض وبتنحل مشكلتج .. ^_^ كلنا نسوي جي ..
انا خذت ثلاث شهور اجازات مرضيه مشبوووكه ..

[المقهوره]

عياده الدوحه يعطونك

[ضي البدر]

الله يسلمج ويسهل عليج ويقومج بالسلامه حبيبتي أم المها ..
:nice:
اذا بغيتي رايي النساءوالولادة كلش لا اطبينه مانصحج فيه .. عندج خيارين الله يسلمج

الأول :... مستشفى الأهلي عند دانيز احسان ماشاءالله عليها من وجها بترتاحين وحبوووبة واجازاتها بالأسبوع ومعها تقرير طبي مفصل وموقع من مدير المشفى ..

الثاني :... عيادة الدوحة عند سلمى ممتازة وحبوبة وتعطيج الي تبينه على كيفج انتي بس أمريها تعجبج ..

وكلهن عراقيات والنعم فيهن والله جربي وبترتاحي وبتدعين لي .. بس هــــــــاه روحي الصبح بدري ,, العصر مافي امل وزحمة ..

والله يعافيج ويقومج بالسلامة يارب .. ادعيلي وانتي تربين..!!:shy:

[الدمعه]

من قال مستشفى الولاده مايعطون ..

عندج العياده المسائيه يعطون بالهبل وموعدج كل اسبوع يعني يدوب بداومين يوم

او ماداومين بعد ..

اختي اللحين عنده حراره وهي حامل عطاها 9ايام اجازه ..

وكان اصلا كل ماتروح الموعد مثلا يوم الثلاثاء يعطيها عقبه ييومين المهم انج ماتداومين

باقي الاسبوع ..

والحمله اللي قبل ماتداوم كله اجازات ..

[المقهوره]

@_@ تحريض نسائي هاه هههههههههههههههههههههههههههه

الي مافيها شي تداوم


والي فيها الله يساعدها بتحصل من يساعدها


ليش الاستغلال في موضوع الاجازات


ترى تخربون على بعض الناس والله


اذكر سنه من السنوات كانت عندنا وحده والله حملها تعب وشكبرها صايره وفي الشهر التاسع

وباقي على موعد ولادتها اسبوع فقط

ويوم جات للدكتور قال لا وزاره العمل مشدده نعطي احد

قالت طيب اخاف اولد بالدوام

قال اسف اسمحي لي ما اقدر وهلاكلام كان سنه 2010


يعني ناس خربت على ناس بصراحه

[أم المها]

يعطيكم العافيه خواتي جميع من دون استثناء

اختي المقهوره والله انا مسقطه قبل هالحمله ثلاث مرات وفوق هذا كله فيني الضغط
وخبرج شغل البيت + الدوام + معابل اليهال <<انتحار سريع هههههه
الحمدلله على كل حال
والله انا ما اطمع اكثر من ثلاث ايام بس حمد من يوم ( بكري)= اول بيبي لي.. وهم مخيسين النفس علي
مع اني والله يشهد ماتدلع بس ماعندهم الا هالكلمة " ماتستحقين"
شدعوى حد قالهم اني سوبرومن !!!
ولما سويت حادث الله يشهد لو لا الحزام كان رحت ملح ..
وعلى ذالك جاتني ضربه على بطني ورقبتي فيها ألم مو طبيعي
ولين اليوم ألم ظهري .. تخيلوا بس يومين اجازه هههههههههه حتى اللي كتب التقرير يوم شاف الاجازة لف على الدكتوره قالها هذي اقل شي تعطينها أسبوع قالت مايصير قوانين .. وانا طول ما انا مداومه راسي متيبس
الحمدلله على كل حال وللعلم انا من اللي يحبون الدوام مو من النوع اللي يبون ينامون والراتب يجيهم على طبق من ذهب
بس مدري ليه حظي عوج مع الدكاتره

[ميموري]

الله يقومج بالسلامه ام المها

وان شاء الله تبلغين باللي في بطنج

وانا مع المقهوره

ترى صج ناس يخربون على ناس

[أم المها]

:( الله كريم ..

ولاهنتو جميع

[أم المها]

شكلي بتوكل على الله وباخذها بدون راتب كلها الا 3 ايام او يومين على الاقل ارتاح شوي
بس بضبط لي وحده من الدكاتره يمكن في حد يعرف يشخص حالتي صح

والله يجزاكم الجنة

[venum]

شكلي بتوكل على الله وباخذها بدون راتب كلها الا 3 ايام او يومين على الاقل ارتاح شوي
بس بضبط لي وحده من الدكاتره يمكن في حد يعرف يشخص حالتي صح

والله يجزاكم الجنة

اختي ام المها الله يقومج بالسلامة

عن تجربة زوجتي كانت عند الدكتورة رفا في مستشفى العمادي

روحي لها وان شاء الله ماراح تقصر وياج

[أم المها]

اختي ام المها الله يقومج بالسلامة

عن تجربة زوجتي كانت عند الدكتورة رفا في مستشفى العمادي

روحي لها وان شاء الله ماراح تقصر وياج

تسلم اخوي ان شاء الله اشوفها

[بصمة قطرية]

الله يكون في عونج اختي ويتمم لج على خير ..
ان شاء الله يكونون البنات فادوج ..
الله يعين كل حامل والله ان الحمل هم وتعب ..
انقهر لما تجي دكتورة قاسية وما تحس بالمسكينه اللي قدامها وهي تعاني
وتتألم من الحمل ..
أحمد ربي اني ارتحت من ســوالف الحمل ..
انا كنت أتابع في الولادة وانا مش موظفة ..
كنت كل ما أروح لهم يقولون لي تبين إجازة ..؟
مادري هل عشان حالتي كانت صعبة وايد ..؟
كنت أشوف الموظفات يروحون وينقعون بالساعات
وهم ينتظــرون بس عشان ياخذون إجازة يوم أو يومين ..
مرت أخوي كانت تتابع في العيادة المسائية وكانوا يعطونها إجازات بالهبل ..
كل اسبوع اجازة ..
روحي العيــادة المسائية وان شــاء الله تطلعين لج بإجازة أقلها تريحين شــوي ~

[بوعبدالرحمن5]

ويقولون نبي زيادة نسل :rolleyes2:


الله يقومكم بالسلامه ان شاء الله .

[أم المها]

الله يكون في عونج اختي ويتمم لج على خير ..
ان شاء الله يكونون البنات فادوج ..
الله يعين كل حامل والله ان الحمل هم وتعب ..
انقهر لما تجي دكتورة قاسية وما تحس بالمسكينه اللي قدامها وهي تعاني
وتتألم من الحمل ..
أحمد ربي اني ارتحت من ســوالف الحمل ..
انا كنت أتابع في الولادة وانا مش موظفة ..
كنت كل ما أروح لهم يقولون لي تبين إجازة ..؟
مادري هل عشان حالتي كانت صعبة وايد ..؟
كنت أشوف الموظفات يروحون وينقعون بالساعات
وهم ينتظــرون بس عشان ياخذون إجازة يوم أو يومين ..
مرت أخوي كانت تتابع في العيادة المسائية وكانوا يعطونها إجازات بالهبل ..
كل اسبوع اجازة ..
روحي العيــادة المسائية وان شــاء الله تطلعين لج بإجازة أقلها تريحين شــوي ~

ان شاء الله

يعطيج العافية

[أم المها]

ويقولون نبي زيادة نسل :rolleyes2:


الله يقومكم بالسلامه ان شاء الله .

محد اعترض بس من يقدر :weeping:

[خليفـة]

سبحان الله في أمر الحريم
:rolleyes2:

كلكم تفننتوا في تعليم الأخت كيفية الحصول على اجازة طبية
ودليتوها المستشفيات بالتفاصيل
ولا وحده فيكم قدمت لها نصايح طبية تخفف عليها تعبها وألامها !!!

ماشاء الله عليكم .. تدلون المستشفيات الي تعطي اجازات واحد واحد .. زنقة زنقة
:tease:

[بو روضة]

دكتورة ايفا مجمع المنصور الطبي افضل دكتورة في قطر

[بصمة قطرية]

سبحان الله في أمر الحريم
:rolleyes2:

كلكم تفننتوا في تعليم الأخت كيفية الحصول على اجازة طبية
ودليتوها المستشفيات بالتفاصيل
ولا وحده فيكم قدمت لها نصايح طبية تخفف عليها تعبها وألامها !!!

ماشاء الله عليكم .. تدلون المستشفيات الي تعطي اجازات واحد واحد .. زنقة زنقة
:tease:

احنا ردينا على استفسارها ..:eek5:
ما يصير نغير الموضــوع ~:tease:

بعدين بتصير ثورة ثورة وبيتسكر الموضوع ~ :tease::tease::tease:

[مريومة]

رايي اتقدم استقالتها ابرك لها وترتاح في البيت :)

شاللي حادها على هالتعب

الله يعينج ويقومج بالسلامة

[%حورية قطر%]

العيادات الخاصه بيعطووونج روحي عند ساميه النمله ولا سميره الطائي ولا هيا الكواري في عيادة الكيالي :nice:

:secret:

والله يسهل عليج

[سهم طايش]

رايي اتقدم استقالتها ابرك لها وترتاح في البيت :)

شاللي حادها على هالتعب

الله يعينج ويقومج بالسلامة

و لي قدمت استقالتها انتي بتصرفين عليها !!

ما احتدت على الشغل الا محتاجة

[بـــــــنت النوخـّــــذه]

مشددين بالاجازات مهم نفس قبل امر جايهم

انا اقترح عليج انج تكتبين كتاب تدخلين على مديرج \ مديرتج وتتتكلمين معاهم ان حالتج ماتسمح المكوث في العمل ساعات طويله وان شاء الله بيتساهلون معاج 000

وسؤال : في حاله غيابج هل في وحده تمسك مكانج ؟؟؟

الله يهون عليج

[عندما اريد]

الله يشااافيك
اكيد نقص كالسيوم
العظام ماتتحمل خلاص ولا تشيل

اكثري من الاستغفارر نصيحه

وقولي ( اللهم سخر لي قلب من احوجتني اليه
واكفني شر من يقدر علي ولا اقدر عليه )

ولا تنسين الصدقه حتى لو ريال واحد او خمسه او عشرة
لعامل نظافه في الشارع او حد مثله محتاااج
وانويها للشفاء وان الله يعينك على امور الحياااة

كان الله في عونك
(( وهن على وهن ))
احتسبي وابشري بالاجر

[شعنونة قطر]

عيادة الجزيره وتعطي اجازات

[أم المها]

الله يجزاكم جميع

وبخصوص أني اقدم استقاله عشان اجازه يوم او يومين ليش سنتين وانا مادري والا دهر!!!
كلها يومين وخلاص عفتهم لأخذهم بإذن مديري بدون راتب
أنا ما تدلعت وقلت ابي شهر ترا كلها كم يوم .. وانا والله لو مهب متوجعه كان داومت
عموما مشكورين جميع

الله لايهينكم

[hnony]

ياحبيبتي الله يهوون عليك ويقومك بالسلامه

[مريومة]

و لي قدمت استقالتها انتي بتصرفين عليها !!

ما احتدت على الشغل الا محتاجة

يا اخوي في الدوحة محد يموت من الجوع ولو عليه ديون


الله يجزاكم جميع

وبخصوص أني اقدم استقاله عشان اجازه يوم او يومين ليش سنتين وانا مادري والا دهر!!!
كلها يومين وخلاص عفتهم لأخذهم بإذن مديري بدون راتب
أنا ما تدلعت وقلت ابي شهر ترا كلها كم يوم .. وانا والله لو مهب متوجعه كان داومت
عموما مشكورين جميع

الله لايهينكم

المقصد يا اختي تقدرين تاخذين اجازة بدون راتب

بدل ما تسومين ويهج لعلان وفلتان بسبة اجازة وانتي تعبانة وهم يرفضون


وفي النهاية الشغل ما بيفيدج اذا صار فيج شي لا سمح الله

مثل وحدة معانا اول ما تزوجت كلت حبوب منع الحمل علشان ما تحمل في بداية شغلها

والحين صار لها اكثر من 6 سنوات متشفقة على اليهال

الله يعطيها