.. بنتي وجواهر وقلب وين وين غايب عني يومين )

[شيط ويط]

http://s.alriyadh.com/2007/03/23/img/233913.jpg






من كم يوم بنتي - الله يحفظها - ذات الستة أعوام ونيف :eek5: جايتني ..وتطربني بأغنية (قلب وين وين غايب عني يومين) :rolleyes2: .. هاااااه ؟؟ .. اشوي تضحك .. وتقلب الموجه وتسمعني ( شقول لامى من انروح انكسرت شيشه) :eek5: .. هااااه ؟؟

واطالعها وتضحك ههههه .. ولا زلت مذهول .. البنت بازت ياقدعان :eek5:

طبعا سالتها من وين جايبه هالكلام والاغاني .. تقولي من (جواهر) .. من ذي جواهر .. قالت طالبه ويانا في الباص :rolleyes2: ..

وياكم في الصف ؟؟ .. تقول لا صف ثاني :rolleyes2:

الغرابة في الموضوع اشلون قدرت تحفظ هالكلمات بهالسرعه .. على الاقل اسرع من حفظ ( ويل لكل همزة لمزة) .. اللي طلعت عيونا في البيت ومب راضيه تنطقها صح واحنا نحفظ فيها :rolleyes2:


تبا (للباص) الذي أصبح رقما صعبا في (تربية أبنائنا) .. :rolleyes2:

على كثر ما نتعب في التربيه .. عادي أي عامل خارجي ممكن (ينسف) كل شي بلمح البصر :rolleyes2:

وش الحل برايكم في هالموضوع ؟؟ .. وهل فيكم حد واجه مثل هالمشكله ؟؟ :rolleyes2:

الموضوع للنقاش

[Al-Enazi]

دخلها تحفيظ القران.......واقنعها ان الاغاني حرام..الله يحفظها ان شاء الله

[شبح الصمت]

الموضوع بسيط مب في موظفه في الباص

شنهي شغلتهم يحاول انه محد يغني والا يتلفظ بكلامات سيئة

وداخل المدرسة وفي الصف

ابنائنا في خطر والله من بعض الاطفال

ولا نلقي اللوم على الاطفال ترى والله الطفل مسكين ويتعلم من من الكبير السوالف

الأهل اهم الاساس يسولفون ويسبون قدام الطفل وهو يروح يعد الكلام على الي حواليه

الله يحفظ اعيالنا وبناتنا يارب ويستر عليهم فالدينا والاخرة

[حراير قطر]

حالتي نفس حالتك

الله يحفظ ولدي الكبير يحفظ كل شيء

الا القرآن مب راضي يحفظه :(

الله يعينا على تربيتهم ويهديهم ويصلح بالهم

انت اتأسسه على شيء واتشوفه شيء ثاني

تأثير المدرسه ما لنا الا اندرسهم بالبيت

والله يصلح شأنهم ان شاء الله ...

[بنت قطريه]

الله يعينك شر لابد منه وانا اشوف بنات أخوي يغنون هالاغاني ولا بعد يرقصون عليها ومااقدر اقول شي لاني ادري اذا تكلمت بيقولون لي الا يهال الله يعينك وان شاء الله تلقى طريقه علشان مايحفظون الاغاني

[بوخالد2]

انصحكم بدورس تحفيظ القران

لشغل وقت الفراغ اللى هو الظهر و العصر بنسبه للاطفال

يكون راجع من الدرس و لايشوف الا العشا و الرقاد للمدرسه

[shadad]

اخبر يوم كنت في التسعينات وتحديدا في 1992 كانوا يخلونا نسمع القران بالباص, مدرسة خليفة النموذجيه اللي ورا غرناطه ...ايام والله .
احن لايام وزارة التربية والتعليم .
اعتذر عن المقدمه, اخوي / اختي عليك توعيتها لهاي المواضيع وصدقني بتتفهم لانها صغيره والصغير يسمع على طول من الوالدين .
الله يخليهم لك ويوفقك ان شاء الله . تقبل تحياتي .

[مستـريــح البـــال]

الله المستعان ،،

على الاقل كلمات مفهومه وتعرف معناها ،،

عن نفسي مره من المرات بنت اختي، دشت البيت وتغني بكلمات غير مفهومه ( يمكن لي ) ،،

ويوم سألتها اطلعت اغنيه مادري نشيده فرنسيه ،،

وانا على بالي تأثرت من هنديه والا باكستانيه معاها في الباص ،،

وللحين ماعرف معناها ولا اعرف انطق حتى كلمه منها :anger1:

فأطالب ومن تحت قبعة هذا الموضوع بأن يتم استغلال فترة جلوس الاطفال في الباص بما هو مفيد ،،

كالقران،،

او برامج دينيه للاطفال ،،

او حتى افتح ياسمسم ،،

لك كل الاحترام ، وربي يعين

[جرح الزمان]

الله يعينك

انا عدوي الأول والأخير الباص

الحمد لله اني متفرغ وأوصل عيالي بنفسي

[شيط ويط]

دخلها تحفيظ القران.......واقنعها ان الاغاني حرام..الله يحفظها ان شاء الله

سجلتها في دار للتحفيظ قالوا لنا ع الويييتنغ ليست :rolleyes2: .. بس عموما هي ماشاء الله عليها حافظه ونشتغل عليها في البيت .. اما سالفة الاقناع في ان الاغاني حرام .. اعتقد مب في سن يسمح لها انها تقتنع .. تقريبا قاعد اوجهها وابين لها ان هالشي غلط .. خصوصا اللي في مثل سنها ما اظن تستوعب اللي قاعده تردده :rolleyes2:

الله يجزاك خير على المداخله

[فرحة ايامي]

مساء الخير

لابد اننا سنواجهها اخي الفاضل

اليوم غداً سواء الرفقة. غير المحمودة كانت في الباص كانت في المدرسة كانت في رحلة سنواجه كثير من السلوكيات التي تنقل الى أبنائنا من الاخرين وتتدخل. في. طريقة تربيتناً لهم0

ما علينا سوى تحصينهم بقيمناً وتركهم في رعاية الخالق ومناقشتهم دوما بما هو صح وما هو خطاء لأننا. بلا شك لن نستطيع عزلهم من الاختلاط بالاخرين 0ً

ولن نستطيع حمايتهم. ابد الدهر. نحن مطالبون بتحصينهم باخلاقياتنا وتركهم يتعلمون من مدرسة الحياة تحت السمع والبصر0

فهم اكبادناً. التي تمشي على الارض شيط ويط0

شكرًا لك

[ميموري]

الخطر يحف ابنائنا من كل صوب

والله ان الواحد ماينام الليل من التفكير في مستقبل ابناءه

في البدايه من المدرسه وخطر السواقين وخطر العماله السايبه في البلاد

تاثير الخدم على اللغه والافكار

تاثير القنوات الساقطه

تاثير المهرجانات الغنائيه الراقصه بكل ركن في البلد


وفي الاخير تقولي رفيجتها بقد عمرها حافظه اغاني

وبنتك ترددها

مسيرها تميز وتعرف

الكلمة اللي استفزتني من موضوعك وخلتني اقول هالشي هي




على كثر ما نتعب في التربيه .. عادي أي عامل خارجي ممكن (ينسف) كل شي بلمح البصر :rolleyes2:

[شبح الصمت]

اخبر يوم كنت في التسعينات وتحديدا في 1992 كانوا يخلونا نسمع القران بالباص, مدرسة خليفة النموذجيه اللي ورا غرناطه ...ايام والله .
احن لايام وزارة التربية والتعليم .
اعتذر عن المقدمه, اخوي / اختي عليك توعيتها لهاي المواضيع وصدقني بتتفهم لانها صغيره والصغير يسمع على طول من الوالدين .
الله يخليهم لك ويوفقك ان شاء الله . تقبل تحياتي .




ارحم الله والديك هذا المفروض قرآن للشيخ السديس ومابه قصور على باقي المشايخ ماشاء الله عليهم

ياخي الله يهديك اخوي اخوي شيط ويط اخوي يعني الاسم والصورة ياخي ما يبيلها كلام على طوووول :shy:

[أسير الاسهم]

يا حليلها ههههههههههههه مستطربه عند ابوها :nice:



انا انصدمت من أخوي لصغير صف اول ويغني :dance

المشكله بروحه كذا جالس ومستطرب العوود ومتكي فالمجلس :omen2:

راحت على الباب الايمين فوق مكسيما // والشاص عيا حلال القوم يلحقها

اطالع ذا اخوي والا عربجي من هالصيع اللي فالشوارع :omg:

الا والله اهوو :swoon:

اخس يالمستطرب من وين سامع ذا الاغنيه :waiting:

والله العيال معي فالفسحه وفالصف :unsure:

خوش والله شاص ومكسينا مهب مكسيما بعد :D خرباااااانه الدعوى



يا جماعه عيالنا كبرروو قبل وقتهم ؟؟

[شيط ويط]

الموضوع بسيط مب في موظفه في الباص

شنهي شغلتهم يحاول انه محد يغني والا يتلفظ بكلامات سيئة

وداخل المدرسة وفي الصف

ابنائنا في خطر والله من بعض الاطفال

ولا نلقي اللوم على الاطفال ترى والله الطفل مسكين ويتعلم من من الكبير السوالف

الأهل اهم الاساس يسولفون ويسبون قدام الطفل وهو يروح يعد الكلام على الي حواليه

الله يحفظ اعيالنا وبناتنا يارب ويستر عليهم فالدينا والاخرة

الموظفه اجنبية اظن (اندونيسيه) .. بس مادري اذا من شغلها تهديهم عن اللعب والمشاغبة في الباص والا لا .. بتلحق على من والا من ؟؟؟ :rolleyes2:

والله يهدي الجميع ويعين الاباء على تربية ابنائهم

يعطيك العافيه خالي

[حراير قطر]

الله يعينك

انا عدوي الأول والأخير الباص

الحمد لله اني متفرغ وأوصل عيالي بنفسي

انا اوصل عيالي واخذهم من المدرسه

بس بعد عيالي متأثرين منهم ومن شيطانتهم

تأثير مو من الباص بس حتى بالصف

اقولهم غلط عيب هالكلام ما في امل يردون

ولين وصلت حدي عليهم ردوا علي فلان بالصف قال هالشيء :rolleyes2:

[شيط ويط]

حالتي نفس حالتك

الله يحفظ ولدي الكبير يحفظ كل شيء

الا القرآن مب راضي يحفظه :(

الله يعينا على تربيتهم ويهديهم ويصلح بالهم

انت اتأسسه على شيء واتشوفه شيء ثاني

تأثير المدرسه ما لنا الا اندرسهم بالبيت

والله يصلح شأنهم ان شاء الله ...


الله يحفظهم ويصلح الحال .. التربية صارت هم هالايام

[Doha Sun]

حزنت على حالتها .. اقنعها بالقران ولا لا تخلي الباص يمر عليها

[برق لمع]

شيط ويط طالبتك ما تردني !!!
غير الصورة ماقدر اقرا موضوعك وانا خايفة
ترى ما اعلق بعدين واحرمك من مشاركاتي القيمة لوووول:weeping:

[بويعقوب]

الله يعينك على تربية العيال في هالوقت الصعب

:weeping:اهداء لك ولكل الآباء والامهآآآت :weeping:

http://img847.imageshack.us/img847/9081/7365812p.jpg (http://img847.imageshack.us/i/7365812p.jpg/)

[شيط ويط]

شيط ويط طالبتك ما تردني !!!
غير الصورة ماقدر اقرا موضوعك وانا خايفة
ترى ما اعلق بعدين واحرمك من مشاركاتي القيمة لوووول:weeping:

تم التغيير بعد ضغوطات مورست علينا :rolleyes2:

مادري مورست تنكتب كذيه والا لا :secret:

[Xx QATARI xX]

الله يحفظها وتشوفها عروس

السنه مدخل بنتي كي جي 2 ،، عقب ماخذت على الوضع وتعرفت على صديقاتها
تعال اسمع سوالف العفاطي ،، :nice:

هالزمن صعب واللي جاي اصعب
عسى الله يحفظهم من كل مكروه
قولو آميـــــن

[شيط ويط]

انصحكم بدورس تحفيظ القران

لشغل وقت الفراغ اللى هو الظهر و العصر بنسبه للاطفال

يكون راجع من الدرس و لايشوف الا العشا و الرقاد للمدرسه

الله يجزاك خير اخوي بوخالد .. عندنا دار تحفيظ في الفريج وتصدق من العام ع الوييتنغ لست يقولون مافي مكان :rolleyes2:

[شيط ويط]

اخبر يوم كنت في التسعينات وتحديدا في 1992 كانوا يخلونا نسمع القران بالباص, مدرسة خليفة النموذجيه اللي ورا غرناطه ...ايام والله .
احن لايام وزارة التربية والتعليم .
اعتذر عن المقدمه, اخوي / اختي عليك توعيتها لهاي المواضيع وصدقني بتتفهم لانها صغيره والصغير يسمع على طول من الوالدين .
الله يخليهم لك ويوفقك ان شاء الله . تقبل تحياتي .

على ايام الباص العنابي .. والله فكره حلوه تشغيل القرآن وان شاء الله يتم تعميمها .. سواء قرآن او حتى أناشيد محببه للأطفال

التوعية موجوده والبنت قريبه مني واااااجد .. وتسمع كلامي .. بس بعد الموضوع يحتاج متابعة ومراقبة وتعزيز المفاهيم الطيبة .. والله يعين

يعطيج العافيه على المشاركة

[بويعقوب]

الله يجزاك خير اخوي بوخالد .. عندنا دار تحفيظ في الفريج وتصدق من العام ع الوييتنغ لست يقولون مافي مكان :rolleyes2:

وشتنطر بعد .. :anger1:

امسك عصاتك وحفظ عيالك في البيت :nice:

[شيط ويط]

الله المستعان ،،

على الاقل كلمات مفهومه وتعرف معناها ،،

عن نفسي مره من المرات بنت اختي، دشت البيت وتغني بكلمات غير مفهومه ( يمكن لي ) ،،

ويوم سألتها اطلعت اغنيه مادري نشيده فرنسيه ،،

وانا على بالي تأثرت من هنديه والا باكستانيه معاها في الباص ،،

وللحين ماعرف معناها ولا اعرف انطق حتى كلمه منها :anger1:

فأطالب ومن تحت قبعة هذا الموضوع بأن يتم استغلال فترة جلوس الاطفال في الباص بما هو مفيد ،،

كالقران،،

او برامج دينيه للاطفال ،،

او حتى افتح ياسمسم ،،

لك كل الاحترام ، وربي يعين

الله يعين الجميع .. وافكار طيبة وان شاء الله ادارات المدارس تأخذ بها ..

وان شاء الله الاباء والامهات ينتبهون لعيالهم

[شيط ويط]

وشتنطر بعد .. :anger1:

امسك عصاتك وحفظ عيالك في البيت :nice:

هذا احنا شغالين عليهم انا والمعزبه .. بس بيني وبينك انا اكتشفت انه مافيني صبر .. والتزاماتي والشغل مضيقين علي .. بس مع ذلك شغال عليها ههههه ...

هي بس لو تحفظ ويل لكل همزة لمزه .. الامور طيبه ان شاء الله :telephone:

[شيط ويط]

نراكم بعد الفاصل

[be cool]

مساء الخير

لابد اننا سنواجهها اخي الفاضل

اليوم غداً سواء الرفقة. غير المحمودة كانت في الباص كانت في المدرسة كانت في رحلة سنواجه كثير من السلوكيات التي تنقل الى أبنائنا من الاخرين وتتدخل. في. طريقة تربيتناً لهم0

ما علينا سوى تحصينهم بقيمناً وتركهم في رعاية الخالق ومناقشتهم دوما بما هو صح وما هو خطاء لأننا. بلا شك لن نستطيع عزلهم من الاختلاط بالاخرين 0ً

ولن نستطيع حمايتهم. ابد الدهر. نحن مطالبون بتحصينهم باخلاقياتنا وتركهم يتعلمون من مدرسة الحياة تحت السمع والبصر0

فهم اكبادناً. التي تمشي على الارض شيط ويط0

شكرًا لك

:victory::victory: أأيدج الراي

[المقهوره]

المسألة مب مسألة باص

الي في الباص في المدرسه وفي الفرصه

يعني مب ال باص هو العيب والي خلاها تحفظ

هي الي اسمعت منها الطالبه الي معها


يعني سواء في باص ولا في الفرصه نفس الشي بتقعد تحفظ الي تسمعه


انا ولد اختي عمره 4 سنوات بالروضه
واحنا نوصله بالسياره

ومره جاينا مستانس يقول حاااااااااااااااااابه حبه على قلبي حبه حبه


والحين اسمعه يقول زنقه زنقه

صار سياسي الاخ

بذمتكم هذا وش اسوي فيه

[Abdullah_89]

عادي عيال هالزمن

بنت اخوي 5 سنوات عمرها عندها مسابقة قرآن وقاعده امها تحفضها الآيآت شوي الا البنت تقلب وتغني ويوم زفيتها الا تقولي والله العظيم : ( ساعه اقرى قرآن وساعه أغني ) قصدها ( ساعه لربك وساعه لقلبك )

بالله عليكم على ايام قبل وين الواحد فيه خير يفكر فالاغاني جدام القران :(

هاي نظام المستقله وهاي التعليم ومايسوي

هاي الرايح الله يستر من الجاي

[ANONYMOUS]

ياريال زين ماجات تقول

فهششتوها

فطارت

:p

[chillis]

الطفل يلقط اسرع ويحفظ اسرع من الكبير لان المخ عندهم نظيف الله يحفظها لك

[دااانة قطر]

المسألة مب مسألة باص
الي في الباص في المدرسه وفي الفرصه
يعني مب ال باص هو العيب والي خلاها تحفظ
هي الي اسمعت منها الطالبه الي معها
يعني سواء في باص ولا في الفرصه نفس الشي بتقعد تحفظ الي تسمعه
انا ولد اختي عمره 4 سنوات بالروضه
واحنا نوصله بالسياره
ومره جاينا مستانس يقول حاااااااااااااااااابه حبه على قلبي حبه حبه
والحين اسمعه يقول زنقه زنقه
صار سياسي الاخ
بذمتكم هذا وش اسوي فيه


صدقتي والله المشكله مو بالباااص
المشكله في النااس اللي يحتكون فيهم عياالنا
وللاسف أحنا نربي ونتعب وغيرنا في لمح البصر يهد كل مب شرط حتى من المدرسه أحيااانا الأهل والزياارات والتعاارف له دور

يعني معقوله نقفل على نفسنا الباااب ولا نحتك بأحد
وإن قلت هذا غلط يقول شمعنى فلاان هله مايقولونشي شمعنى فلااان كذا
وحتى المداارس ينهون عن شي وفي نفس الوقت يتلفظون بألفااظ عجيبه
من أسبوع راجعت مدرسة بنتي استفسر عن شغلااات وأغلب المدرساات يشتكون منها ماتحب تشاارك في الصف لكنها حركيه المهم بعد ماخلصنا وانا مع الأخصاائيه امشي في الممراات الي بين الصفوف الا بناات ماشااء الله طول وعرض ويسبون بعض بألفااظ انا استحيت منها والأخصاائيه ولا تكلمت قمت سألتها السب عاادي عندكم قاالت هالصفوف مب تحت إشراافي ؟؟!!:eek5:
في قلبي اقول اكيد مب تحت إشراافج معطينها بناات على قدها مرااعين حجمها مسكينه


المهم الله يحفظ لنا عياالنا ويقدرنا على تربيتهم وتوجيهم وارشاادهم

[sara jsm]

اصلا احين التربيه والبيئة والمجتمع تغير ,,
قبل كنا نشوف التلفزيون ونسمع اغاني اقرع مقيرع طاح بالطاسه ,,
بس ماكانت تتعلق في ذاكرتنا او نغنيها ,, لان 24 ساعه لعب في السكيك
يدوب حافظين اغاني الالعاب ( فتحي ياورده \وانا الذيب باكلكم )
بس احين ماقمنا نخلي هالعيال يطلعون وكله محكرينهم بالبيت قدام التلفزيون من الخوف عليهم ,,
فطبيعي يتعلمون الزين والشين من التلفزيون ,,
وبيئة المدرسة تاثر بشكل كبييييييييييير ,, عندي بنت اخوي امس قاعدة تغني اغنية شاكيرا مالت كاس العالم ,,
تقول في المدرسة يحطون لهم وقت الرياضة ( واكا واكا ) :rolleyes2:
الله يستر على الاجيال اللي للحين ماجت ,,
ويهدي الباقي ان شاءالله ,,

[المقهوره]

صدقتي والله المشكله مو بالباااص
المشكله في النااس اللي يحتكون فيهم عياالنا
وللاسف أحنا نربي ونتعب وغيرنا في لمح البصر يهد كل مب شرط حتى من المدرسه أحيااانا الأهل والزياارات والتعاارف له دور

يعني معقوله نقفل على نفسنا الباااب ولا نحتك بأحد
وإن قلت هذا غلط يقول شمعنى فلاان هله مايقولونشي شمعنى فلااان كذا
وحتى المداارس ينهون عن شي وفي نفس الوقت يتلفظون بألفااظ عجيبه
من أسبوع راجعت مدرسة بنتي استفسر عن شغلااات وأغلب المدرساات يشتكون منها ماتحب تشاارك في الصف لكنها حركيه المهم بعد ماخلصنا وانا مع الأخصاائيه امشي في الممراات الي بين الصفوف الا بناات ماشااء الله طول وعرض ويسبون بعض بألفااظ انا استحيت منها والأخصاائيه ولا تكلمت قمت سألتها السب عاادي عندكم قاالت هالصفوف مب تحت إشراافي ؟؟!!:eek5:
في قلبي اقول اكيد مب تحت إشراافج معطينها بناات على قدها مرااعين حجمها مسكينه


المهم الله يحفظ لنا عياالنا ويقدرنا على تربيتهم وتوجيهم وارشاادهم

انا الي استغرت منه هالشي

فعلا يوم رحت اجيب اختي من المدرسه الثانوية

اشوف البنات واصلين الشارع طالعين وشعورهم ياسلامممممممم عرس فالين الشعر

والمشرفه قاعده تصارخ ادخلوا داخل

والي رايحه صوب الباص شعرها كشف وصدرها طالع حدث ولا حرج من اشكالهم عرس
وكحل وروج والخ


اقول لا اختي شدعوه هالمشرفه ماتقول لهم شي

تقول لا هذه مسؤوله للبنات الي بالطابق الي فوق

ومشرفه الطابق الي تحت بليده والبنات ماخذين راحتهم

امححححححححححححق مستقلة

الله يرحم ايامنا
لو خالفنا بلون القميص يرجعونا بالباص مثل الغنم
نبدل ونرجع

وهذول مكياج وخرابيط واشكال ماتقول طالبات

[شيط ويط]

المسألة مب مسألة باص

الي في الباص في المدرسه وفي الفرصه

يعني مب ال باص هو العيب والي خلاها تحفظ

هي الي اسمعت منها الطالبه الي معها


يعني سواء في باص ولا في الفرصه نفس الشي بتقعد تحفظ الي تسمعه


انا ولد اختي عمره 4 سنوات بالروضه
واحنا نوصله بالسياره

ومره جاينا مستانس يقول حاااااااااااااااااابه حبه على قلبي حبه حبه


والحين اسمعه يقول زنقه زنقه

صار سياسي الاخ

بذمتكم هذا وش اسوي فيه

انا ولدي النتفه ماسك على (هرمنا) لا ويحط يده على راسه .. وعقب يضحك ضحكه خبيثه :rolleyes2:

[شيط ويط]

ياريال زين ماجات تقول

فهششتوها

فطارت

:p


هي كانت تقول

طائر النورس حلق حلق حلق بالجناحين وصفق صفق صفق :rolleyes2:

بس مره وحده اقلبت :rolleyes2:

[شيط ويط]

الله يعينك

انا عدوي الأول والأخير الباص

الحمد لله اني متفرغ وأوصل عيالي بنفسي

انا قبل كنت اوصلها .. وكانت ظروفي تسمح .. لكن السنه ذي ما سمحت لان يطلعون بدري وانا اطلع متأخر من الدوام .. فصار تضارب مصالح :rolleyes2:

والا الود ودي انا اوديها واجيبها .. يكفي طول السكة نسولف

افتقدت ذيك اللحظات :weeping:

[جرح الزمان]

انا ولدي النتفه ماسك على (هرمنا) لا ويحط يده على راسه .. وعقب يضحك ضحكه خبيثه :rolleyes2:

من شابه أباه .......

[شيط ويط]

مساء الخير

لابد اننا سنواجهها اخي الفاضل

اليوم غداً سواء الرفقة. غير المحمودة كانت في الباص كانت في المدرسة كانت في رحلة سنواجه كثير من السلوكيات التي تنقل الى أبنائنا من الاخرين وتتدخل. في. طريقة تربيتناً لهم0

ما علينا سوى تحصينهم بقيمناً وتركهم في رعاية الخالق ومناقشتهم دوما بما هو صح وما هو خطاء لأننا. بلا شك لن نستطيع عزلهم من الاختلاط بالاخرين 0ً

ولن نستطيع حمايتهم. ابد الدهر. نحن مطالبون بتحصينهم باخلاقياتنا وتركهم يتعلمون من مدرسة الحياة تحت السمع والبصر0

فهم اكبادناً. التي تمشي على الارض شيط ويط0

شكرًا لك

هذا ما نعمل عليه جاهدين .. لكن الفيروسات هذه الايام اصبحت اكثر ضرارا وفتكا وتطورا عن ذي قبل :rolleyes2:

شكرا لك

[بصمة قطرية]

لا حول ولا قوة الا بالله ~
الله يحفظ عيالنا ويستر عليهم ..
انا عيالي كل يوم طالعين لي بشي من هالمــدارس والباصات ~
ولا قلب قلب ..!!
انا ما كنت أعرفها ولا عمري سمعتها ..:eek5:

الحين ماسكين على زنقة زنقة ثورة ثورة ..:rolleyes2::rolleyes2:
شكلهم بيسوون علي ثورة ..:tease: :secret:

[شيط ويط]

من شابه أباه .......

هو من ناحية يشبهني في الخبث ما اكذب عليك فيه مني وانا اصغير :p

[شيط ويط]

الخطر يحف ابنائنا من كل صوب

والله ان الواحد ماينام الليل من التفكير في مستقبل ابناءه

في البدايه من المدرسه وخطر السواقين وخطر العماله السايبه في البلاد

تاثير الخدم على اللغه والافكار

تاثير القنوات الساقطه

تاثير المهرجانات الغنائيه الراقصه بكل ركن في البلد


وفي الاخير تقولي رفيجتها بقد عمرها حافظه اغاني

وبنتك ترددها

مسيرها تميز وتعرف

الكلمة اللي استفزتني من موضوعك وخلتني اقول هالشي هي

الله يستر .. والله موضوع التربية اصبح هم .. ومتاهه .. هذا الهم يحتاج لمتابعة ومراقبة وحنان .. الواحد يجتهد .. والباقي على الله .. متى ما اراد يكتب الخير في العيال مافيه مفر .. والعكس نفس الشي ..

[سهم احمر]

الله يقدرنا على تربية عيالنا ويستر عليهم دنيا وأخرة

[Abdulraman]

الله يجعلها من حفظة القرآن وتترك هالمسخره والاغاني

[شيط ويط]

ارحم الله والديك هذا المفروض قرآن للشيخ السديس ومابه قصور على باقي المشايخ ماشاء الله عليهم

ياخي الله يهديك اخوي اخوي شيط ويط اخوي يعني الاسم والصورة ياخي ما يبيلها كلام على طوووول :shy:

غيرناها خلاص ههههه وتصير هالاخطاء والالتباسات .. عاد تخيل الاخت (شيط ويط ) :p

[missperfect]

يحليلها الله يحفظها
عادي كل عيالنا جذي خلها تعيش يومها تفرفش توها صغنونه خلها تغني وترقص وتلعب مع أبوها معليه شيط ويط تكبر وتنسى

[missperfect]

هي كانت تقول

طائر النورس حلق حلق حلق بالجناحين وصفق صفق صفق :rolleyes2:

بس مره وحده اقلبت :rolleyes2:

:telephone:
خلها بآخذها حق ولدي هالفرفوشه :omen2:

[نــــظــــره]

((قلب قلب وين وين غايب علي يومين))

من صجك خايف على بنتك اخوي شيط ويط عشان غنت هالاغنيه:eek5:
تدري لو غنت غيرها بقول معاك
لاتخاف كلها ايام معدودات وترد على 00 طائرالنورس 00 وبابا تلفون 00

[ahad]

يحليلها هههههههههههه

الله يخليها لك

[shadad]

ارحم الله والديك هذا المفروض قرآن للشيخ السديس ومابه قصور على باقي المشايخ ماشاء الله عليهم

ياخي الله يهديك اخوي اخوي شيط ويط اخوي يعني الاسم والصورة ياخي ما يبيلها كلام على طوووول :shy:

ما فهمت قصدي ...انا كنت اقصد ان الفراشه كانوا يلزمونا بالتسميع. يعني احنا اللي نقرا :)
اما بالنسبة لموضوع الاسم . السموحه على الخطا الفني ما ادري راعي الموضوع غير الصورة والا التبس علي . :nice:

[فيزيائية]

عندنا وعندكم خير
احنا عرس واحد كفيل يدمر اخلاق بناتي سنة كاملة
طووول الوقت يغنون ..........
وانا كنت ضد قناة طيور الجنة بس الحين حطيتها لهم على الاقل كلماتها مافيها قلة ادب ...مثل اللي يكررونه من اغاني ...
انا مستغربة عيل اللي في بيوتهم مشغلين الاغاني 24 ساعة شلون عيالهم ؟؟

[غزلان]

السبب الرئيسي لهاالشي انه ماعاد هناك عالم للأطفال وعالم الكبار ساحوا على بعض
قبل كان الطفل من الصغر له برامج خاصه في التلفزيون يشوفها وبعدها يقفل الجهاز وله اغانيه الخاصه يعني في حدود عالمه الى عرف انه ممنوع يتعداه اما بوقتنا فاختلط الحابل بالنابل واصبح عالم واحد لكل الأعمار ..مثال جواهر لو ماحصلت حرية سماع الأغنية المذكوره بدون اي تنبيه وتحذير من والديها ماكان عرفتها


والله يخلي لك البنوته لمفرفشه

[دااانة قطر]

انا الي استغرت منه هالشي

فعلا يوم رحت اجيب اختي من المدرسه الثانوية

اشوف البنات واصلين الشارع طالعين وشعورهم ياسلامممممممم عرس فالين الشعر

والمشرفه قاعده تصارخ ادخلوا داخل

والي رايحه صوب الباص شعرها كشف وصدرها طالع حدث ولا حرج من اشكالهم عرس
وكحل وروج والخ


اقول لا اختي شدعوه هالمشرفه ماتقول لهم شي

تقول لا هذه مسؤوله للبنات الي بالطابق الي فوق

ومشرفه الطابق الي تحت بليده والبنات ماخذين راحتهم

امححححححححححححق مستقلة

الله يرحم ايامنا
لو خالفنا بلون القميص يرجعونا بالباص مثل الغنم
نبدل ونرجع

وهذول مكياج وخرابيط واشكال ماتقول طالبات



الله المستعاان

[الصريحه]

الله يعينك. ......جيبوا لها محفظه في البيت ........وكلموا المدرسه يحطون لهم قران وبرامج للاطفال في الباص افضل للنش والتربيه

[الأصيلة]

عندنا وعندك خير
من الحين مايحفظ ها الأغاني الساقطة
كثر ما أجبر بنتي على حفظ القرآن وفعلا تحفظ
لكن أيضا تحفظ بعضا من هذه الكلمات التي تستوردها من الصديقات وبنات العم ...
هذه مشكلة المشاكل التي تواجه المربيين الآن...
فكرة تشغيل الناشيد الدينية والقرآن في الباص فكرة طيبة ...
المشكلة أن هذه الأمور البسيطة يغفل عنها الكثير
مع ان وسائل الدعوة كثيرة ومتعددة ويسيرة...

[شيط ويط]

يا حليلها ههههههههههههه مستطربه عند ابوها :nice:



انا انصدمت من أخوي لصغير صف اول ويغني :dance

المشكله بروحه كذا جالس ومستطرب العوود ومتكي فالمجلس :omen2:

راحت على الباب الايمين فوق مكسيما // والشاص عيا حلال القوم يلحقها

اطالع ذا اخوي والا عربجي من هالصيع اللي فالشوارع :omg:

الا والله اهوو :swoon:

اخس يالمستطرب من وين سامع ذا الاغنيه :waiting:

والله العيال معي فالفسحه وفالصف :unsure:

خوش والله شاص ومكسينا مهب مكسيما بعد :D خرباااااانه الدعوى



يا جماعه عيالنا كبرروو قبل وقتهم ؟؟

ههههههههههههههههههههه اهم شي الشاص هههه

صدقت والله هالسوالف وين نعرفها ؟؟ :rolleyes2:

[شيط ويط]

انا اوصل عيالي واخذهم من المدرسه

بس بعد عيالي متأثرين منهم ومن شيطانتهم

تأثير مو من الباص بس حتى بالصف

اقولهم غلط عيب هالكلام ما في امل يردون

ولين وصلت حدي عليهم ردوا علي فلان بالصف قال هالشيء :rolleyes2:

الله يعين ويصبرنا عليهم

[شيط ويط]

حزنت على حالتها .. اقنعها بالقران ولا لا تخلي الباص يمر عليها

والله انا حزين اكثر على (جواهر) :weeping:

والباص لا مفر منه .. ع الاقل هالسنه :rolleyes2:

[شيط ويط]

الله يعينك على تربية العيال في هالوقت الصعب

:weeping:اهداء لك ولكل الآباء والامهآآآت :weeping:

http://img847.imageshack.us/img847/9081/7365812p.jpg (http://img847.imageshack.us/i/7365812p.jpg/)

ههههههه والله الكاريكاتير في وقته ومعبر :eek5:

[شيط ويط]

الله يحفظها وتشوفها عروس

السنه مدخل بنتي كي جي 2 ،، عقب ماخذت على الوضع وتعرفت على صديقاتها
تعال اسمع سوالف العفاطي ،، :nice:

هالزمن صعب واللي جاي اصعب
عسى الله يحفظهم من كل مكروه
قولو آميـــــن

اللهم امين ويحفظ لك البنوته .. :nice:

[شيط ويط]

:victory::victory: أأيدج الراي

:nice:

[ورقــة أمــل]

احنا نغنيها في الدوام وقت البريك نفس بنتك جي :shy:


بالنسبة لي اشوفها عادي الا ياهل صعب تمنعها في هالسن لان تاثير صديقاتها بيكون عليها اكبر وللحين ماتعرفف اذا الاغاني حلال ولا حراام

يمكن لو كبرت شوي بتفهم اكثررر ولو اني اشك في ذلك لان الاغاني صارت في كل مكان والاغلبية يسمعونها وهم يدرون انها حرااام....

بس ممكن تبدل لها هالاغاني باغاني اطفال او اغاني مفيده واناشيد بتحبهم اكثر وتقولها ان هالكلام اللي تتفوهين به عيبون ومب حق الحلوين الشطار اللي مثلج.. واذا رددتيها مرة ثانيه بحرمج من شي معين مثل طلعه حق الالعاب او شي هي تبيه اتوقع بتقتنع اكثررر

[Miss]

عندنا دار تحفيظ في الفريج وتصدق من العام ع الوييتنغ لست يقولون مافي مكان :rolleyes2:

بتقعد تنطر واايد .. يبلها محفظه البيت وافتك وسجلها في مسابقة القران كل سنه ..
احنا نعتقد ان عيالنا بيتعلموون منا بس .. لكن كل مكان يقدرون يتعلمون منه الصح والغلط ..
بنت اخووي توها تمهيدي وكانت سيده من فتره اذا امها قالت لها روحي جيبي شنطتج تقلد كلام امها باستهزاء تخيل .. واحنا انطالعها مستغربين انه اول مره تسويها .. يوم هاوشتها امها قالت لها عاادي ماما اكيه حنين تسوي جيه :rolleyes2:

[enjood]

فديتها بنتك مب هينه حافظه اغاني بعد ههههههه

احنا الي عندنا طايحين في طيور الجنه وطختها =)

عمومن بنتك بهالعمر شي طبيعي بتسمع وبتتاثر بالاطفال الي حوالينها بس صدقيني هي فتره طفوله لااكثر واذا اكبرت ان شاء الله بتبطل وبتقول لك لنا الله هههههه

[الخـود]

في هالزمن الكل يشارك في تربية الأبناء
و عوامل خارجية كثيرة تأثرفي تربية الأبناء
اهم شي نغرس فيهم الوازع الديني بشكل جيييد

[الرويـس]

يارجال

احنا ما طلعنا الا على هالباص (بخيره وشره)
هرمنااااااااااااااااا وهرم آبائنا من قبل وسيهرم من بعدنا ابنائنا
:(
انا كانت عقدتي في آيه قوله تعالى ( ويل يومئذ للمكذبين ) المرسلات .. :( < مالومها :(

[شيط ويط]

عادي عيال هالزمن

بنت اخوي 5 سنوات عمرها عندها مسابقة قرآن وقاعده امها تحفضها الآيآت شوي الا البنت تقلب وتغني ويوم زفيتها الا تقولي والله العظيم : ( ساعه اقرى قرآن وساعه أغني ) قصدها ( ساعه لربك وساعه لقلبك )

بالله عليكم على ايام قبل وين الواحد فيه خير يفكر فالاغاني جدام القران :(

هاي نظام المستقله وهاي التعليم ومايسوي

هاي الرايح الله يستر من الجاي

الله يحفظها لكم ان شاء الله ..:nice:

[شيط ويط]

الطفل يلقط اسرع ويحفظ اسرع من الكبير لان المخ عندهم نظيف الله يحفظها لك

صحيح والاهم اشلون نخليه يلقط الاشياء الايجابية والطيبه .. تحياتي لج

[شيط ويط]

صدقتي والله المشكله مو بالباااص
المشكله في النااس اللي يحتكون فيهم عياالنا
وللاسف أحنا نربي ونتعب وغيرنا في لمح البصر يهد كل مب شرط حتى من المدرسه أحيااانا الأهل والزياارات والتعاارف له دور

يعني معقوله نقفل على نفسنا الباااب ولا نحتك بأحد
وإن قلت هذا غلط يقول شمعنى فلاان هله مايقولونشي شمعنى فلااان كذا
وحتى المداارس ينهون عن شي وفي نفس الوقت يتلفظون بألفااظ عجيبه
من أسبوع راجعت مدرسة بنتي استفسر عن شغلااات وأغلب المدرساات يشتكون منها ماتحب تشاارك في الصف لكنها حركيه المهم بعد ماخلصنا وانا مع الأخصاائيه امشي في الممراات الي بين الصفوف الا بناات ماشااء الله طول وعرض ويسبون بعض بألفااظ انا استحيت منها والأخصاائيه ولا تكلمت قمت سألتها السب عاادي عندكم قاالت هالصفوف مب تحت إشراافي ؟؟!!:eek5:
في قلبي اقول اكيد مب تحت إشراافج معطينها بناات على قدها مرااعين حجمها مسكينه


المهم الله يحفظ لنا عياالنا ويقدرنا على تربيتهم وتوجيهم وارشاادهم

هههههههههههههههههههههههههه

اللهم آمين

[شيط ويط]

اصلا احين التربيه والبيئة والمجتمع تغير ,,
قبل كنا نشوف التلفزيون ونسمع اغاني اقرع مقيرع طاح بالطاسه ,,
بس ماكانت تتعلق في ذاكرتنا او نغنيها ,, لان 24 ساعه لعب في السكيك
يدوب حافظين اغاني الالعاب ( فتحي ياورده \وانا الذيب باكلكم )
بس احين ماقمنا نخلي هالعيال يطلعون وكله محكرينهم بالبيت قدام التلفزيون من الخوف عليهم ,,
فطبيعي يتعلمون الزين والشين من التلفزيون ,,
وبيئة المدرسة تاثر بشكل كبييييييييييير ,, عندي بنت اخوي امس قاعدة تغني اغنية شاكيرا مالت كاس العالم ,,
تقول في المدرسة يحطون لهم وقت الرياضة ( واكا واكا ) :rolleyes2:
الله يستر على الاجيال اللي للحين ماجت ,,
ويهدي الباقي ان شاءالله ,,

بااااال غبار فتحي ياورده هههههه .. كله كوم وسالفة افتح يدي .. خذ المقص .. قص خشمك .. رجع المقص .. خذ الورده .. شمها .. ههههههههههه اشلون تشمها وخشمك مقصوص هههه

اظن الزمن هو الزمن احنا اللي تغيرنا تطورنا وطورنا التقنيه وقامت تأثر فينا وفي عيالنا

والمدارس طبعا لها دور كبير

نسأل الله السلامة للاجيال الحالية والقادمة

[شيط ويط]

انا الي استغرت منه هالشي

فعلا يوم رحت اجيب اختي من المدرسه الثانوية

اشوف البنات واصلين الشارع طالعين وشعورهم ياسلامممممممم عرس فالين الشعر

والمشرفه قاعده تصارخ ادخلوا داخل

والي رايحه صوب الباص شعرها كشف وصدرها طالع حدث ولا حرج من اشكالهم عرس
وكحل وروج والخ


اقول لا اختي شدعوه هالمشرفه ماتقول لهم شي

تقول لا هذه مسؤوله للبنات الي بالطابق الي فوق

ومشرفه الطابق الي تحت بليده والبنات ماخذين راحتهم

امححححححححححححق مستقلة

الله يرحم ايامنا
لو خالفنا بلون القميص يرجعونا بالباص مثل الغنم
نبدل ونرجع

وهذول مكياج وخرابيط واشكال ماتقول طالبات


الله يستر عليهم ويعين كل الاباء والامهات على تربية ابنائهم وبناتهم

[المفترسه]

وتطالبون بزيادة النسل بعد

انا اذكر مره كنت في صف خامس وكانوا في بنات
يغنون ويطبلون:dance في الباص اغنيه المسيجينه وانا اطالعهم
دخلت البيت بدون ما احس وانا اقول (انا اللي باعوني
باعوني بدينار):whistling: جان تسمعني الوالده وتلشطني بالهوز الحلي:cry2:
تصارخ منهو اللي باعج هاه هههههههههه والله ايام

[نوفا91]

انا ذبحني اخوي وانا احفظه جزء عاما ولا راضي يحفظ اتم معاه لين ما يجيني صداااااااااااااع ..
اما الاغاني ع طووول يحفظها ولا مشير على اغنيه ..صفوا يابنات صفوا ابي اشوف من اللي خذت بالي مادري قلبي المهم ذبحـــــــــــــــــــــــــني :(

[طماطه]

شـر لابـد منه ..

بس اللي عليكم انكم تعلمـونها القـران والتـربيه الحسـنه ..

لان الحين ترديد الاغاني صار شي عااادي جدااا .. اذا ماسمعتها في الباص راح تسمعها في السياره اثناء تشغيل الراديو .. او اذا راحت بارتي .. او اذا حضرت عرس حد من المقربين .. او او او او ......... الخ

[تحداني]

وين الحل ؟؟ وهل احد واجهه نفس الموضوع ؟؟

ما اعتبره مشكله كبيره وايد .. الطفل يتعامل معها بعفويه ويسمعها
مثل ما يسمعونها الكبار بعفويه وخاصه الغير ملهوفين على الغناء ولا يعرفون معانيها
مريت ومر الكثير من الشباب والبنات بمراحل الغناء
وسمعنا الكثير للمطربين والمطربات .. هو صح الشي هذا خطأ ومرفوض
لكن للأسف البعض استطاع التغلب عليه والبعض لم يستطع
والبعض يفضله لنفسه ويرفضه لأطفاله


الله يحفظها يارب
عندي بنات أخوي تائهين ما بين الغناء والقرآن
تحفظ سوره من القرآن .. واغنيه يرددها الكبار قبل الصغار

والاب توب .. والايفون وسهوله استخدامه
سهل لهم الوصول لما كان من الصعب الوصول له
اليوتيوب .. الصفحه الرئيسيه في لابت توب الغاليه


جملك الله برضى الرحمن

[بونو]

نفس المعاناه اخوي .. مع انها ماتروح بالباص ... بس المدرسه كفايه ... الله يستر على الجيل اللي جاي

[الـقـاسـي]

الله يحفظ لك بنتك ويجعلها من الصالحات حافظة للقران

[ضي البدر]

هههههههههههههه .. عبالي داشة عرس قلت بشوف شسالفة.. ويحليلها البنوتة الله يحفظها ان شاءالله وتختم القرآن وتفرحووون فيها .. اما بخصوص ارفيجتها في الباص فصج البنات الي اكبر منها بتاخذ منهم كل الحركات سواء كانت حسنة ام سيئة والله نفس حالة اختي كل فترة اتجينا بكم كلمة ولا أغنية ولا مكان عمري مادري عنه انه في الدوحة وأشياء وايد خلها على الله والله يتسر على بناتنا وبنات المسلمين..

انزين حطو لها طيور الجنة ولا براعم:victory: .. الا برنامج ميم هالمهرج السقيم..!!:secret:

[meme~qatar]

الله يحفظها لكم

بس اسجل اعجابي بجملة ( ذات الست سنوات ونيف)
وجملة ( التي اصبحت رقما صعبا في تربية ابناءنا )

دخلوها تحفيظ القران بتستفيد والله
انا الحين مدخلة عيالي ومستفيدين والله

[وهم قطر]

الله يحفظ لنا عيالنا من كل شر

المفروض انحبب الاطفال في حفظ القران بطرق عديده

منها التنافس بين طفلين أو أكثر

أو ولي الأمر يقول من الي حافظ سوره الحمد بعطيه كذا شئ

ويحاول بقدر الامكان تقليل من مشاهدة قنواة الاطفال الي يكثر فيها الاغاني

مثل طيور الجنه

[شيط ويط]

الله يحفظها لكم

بس اسجل اعجابي بجملة ( ذات الست سنوات ونيف)
وجملة ( التي اصبحت رقما صعبا في تربية ابناءنا )

دخلوها تحفيظ القران بتستفيد والله
انا الحين مدخلة عيالي ومستفيدين والله

يجي مني صح :rolleyes2:

[بعيد النظر]

والله هـ الجييل مصييييييبة
من كل النوااحي ..

عقول اكبر من سنها + لسان طوييييييييييييييل !
والاحتراام ممسوح من قاموسهم !

والمصيبة الاكبر انهم ما يخافون من شي
لا عقاب ولا حرمان ولا عقال ولا اي شي !!


والله يهدييهم و ويصلحهم

[weeks]

الله يطرح فيها الخير والبركـه
الاخوان ماقصروو

قلب قلب وين وين غيب عليا يومين

[اعالي الجنان]

للحين ماشفت شي شيطو ويطو هذي ولاشي
الله يستر على عيالنا زمنا ذي زمن اغبر
الله يخلي لك بنتك وينبتها نبات حسن
عليك انك توعيها وان هالشي مايصير
وشوي شوي دخل مفهوم الحلال والحرام بافعالها وتصرفاتها

[البنـدري]

الباص من يومه وهو هادم للتربية

اخبر لما كنت صغيره ماركب الباص الا وقت الرحلات وطبعا اسمع اغاني العجب العجاب اللي ماسمعت بها من قبل -كان حدي اغاني الكرتون اللي اعرفها-

الله يعينك ياخوي ع التربيه اللي صايره حدها متعبه في هالعصر

[بو خليفه 123]

أنا اقول نخطبها حق خليفه ولدي وهو بيسنعها لك ..


توكلنا على الله ؟ :nice:

[شيط ويط]

أنا اقول نخطبها حق خليفه ولدي وهو بيسنعها لك ..


توكلنا على الله ؟ :nice:

نتشرف طال عمرك :shy:

بس ما ظنتي البنت توافق .. لان مزعجتنا في البيت تقول تبي تتزوج الشيخ تميم :rolleyes2:

[..الاميرة..]

[IMG](قلب وين وين غايب عني يومين) :rolleyes2: .. هاااااه ؟؟ .. اشوي تضحك .. وتقلب الموجه وتسمعني ( شقول لامى من انروح انكسرت شيشه) :eek5: .. هااااه ؟؟
[/COLOR][/SIZE][/B]


والله سامعتها في عرس ان ماخاب ضني .. :secret:

طاح سوق حمامه نوحي نوحي !!



عيال هالزمن صعبين الله يعينكم على تربيتهم ..

[..الاميرة..]

نتشرف طال عمرك :shy:

بس ما ظنتي البنت توافق .. لان مزعجتنا في البيت تقول تبي تتزوج الشيخ تميم :rolleyes2:


ههههههههههههههههههههههههههههههه نفس الحاله عندنا ايش فيهم بنات هلايام .. :omg:

[شيط ويط]

الباص من يومه وهو هادم للتربية

اخبر لما كنت صغيره ماركب الباص الا وقت الرحلات وطبعا اسمع اغاني العجب العجاب اللي ماسمعت بها من قبل -كان حدي اغاني الكرتون اللي اعرفها-

الله يعينك ياخوي ع التربيه اللي صايره حدها متعبه في هالعصر


يعطيج العافيه وشكرا ع المداخله

[سويسرا]

الحل للعيال مركز تحفيظ القران فالمسجد

والبنت مركز فتيات المستقبل عند فاطمه العلي بارك الله فيها

[ضحية البورصة]

والله يا صديقي عندنا وعندك خير ، نفس الحاله كل يوم يا اغنيه يا نكته بايخه ،، لا واللحين مصارعه بعد

[R 7 A L]

الله يحفظها لك يابو ويط


لو عندي خبرة او تجربة كان افتيت لك فيها بس للحين ماعندي خبرة :)


بس مثل ماقالوا بعض الاخوة والاخوات عليها بفر موجتها 180 والتاثير عليها باشياء اخرى بعيدة عن الاغاني









تحياتي

[بوخالد911]

الله يعيينا

[نوراا]

من وجهه نظري احنا نقوم بالي علينا من توجيه وتعليم وربك فالنهايه يهدي من يشاء والله يجعل عيالنا من المهتدين انشاء الله بس المشكله احنا نفسنا نسمع اغاني فالبيت والسياره والاعراس ونستغرب ونتخرع ليش عيالنا يغنون شي غريب والله اكيد بيغنون دام احنا سامحين هالشي فبيوتنا وسياراتنا وكله على الاف ام والقنوات نفرفر بس الله يهدينا ويهديهم انشاالله

[ابو علاوي]

الموضوع اكبر من باص او مدرسة او رفيق بالشارع او بمكان اخر


الموضوع اننا محاصرين من كل مكان بانواع الفساد السمعي والبصري على القنوات وفي الشارع والسوق و و و


يبيلها مدبر يدبرها ويطلع من عواقبها سليم

[مشتاقة لقطر]

الله يحفظها ويحفظ عيالنا

[ابوخالد السل]

ما في داعي لتظخيم الامر الطفل في هذا السن يحاكي ما يسمع واذا دققنا عليه في الطالعه والنازله بنتعب وفي نفسك الوقت بنلفت انتباه ونرسخ مثل هذه الاشياء الفقاعية في اللاوعي لنحاول ان نتجاهل الامر الا اذا تحول الى مشكلة مستحكمة نحاول نغير بيئة الطفل

[ابوخالد السل]

وحتى في مراكز تحفيظ القرآن العظيم يمكن للطفل ان يلتقط بعض الاشياء السلبية فالمراكز قائمة على التحفيظ كما نلاحظ وليس لها اي دور تربوي او ضبط سلوك او تعديل له

[لاجل QT]

وويييي شيط ويط عندك وعندى خير..:nice:

انا اللى عندى مستطربين على الاخر يغنون رد الزيارة علينا ياحلو الاطباع ماعدت اقوى فراقك اكثر من اسبوع:eek5:

بس مايقولون الزيارة لا.. يفكرونها رد السيارة:p

بالنسبة للقران الحمدالله يحفظون ماشالله بسرعة

وقلب قلب هابين فيها الكبار والصغار لاعت جبودنا منها في كل مكان نسمعها:(

الحل: ان كل ماتحفظ سورة على قد سنها ..عطها هدية مكافة كاتشجيع لها وشوف النتيجة عن تجربة:)

ومبدال الاغاني اشتري لها اشرطة فيها اناشيد دينية..خبرك الياهل يحب يغرد في البيت :)الله يحفظهم

والله يحفظلك بنتك ويهدي جواهر:)

[@شيخة@]

الحل بسيط اختي خلي بنتج تروح بالسياره خخخخخ احسن لج من الباص ونقووول قلب قلب وين وين غايب علينا يومين *___*

[بو منيرة]

استعينو بالله يا جماعه .... الله الي يربي احنا ما بيدنا شي ... ادعو لعيالكم في تهجدكم

انا الحمدلله امس بنتي منيرة الله يحفظها سمعت لي عالتلفون قل هو الله احد .. وسورة الفيل ... وسورة القارعه وعمرها 3 سنوات ... الفضل بعد الله لمركز أحمد بن علي السادة فالغرافة

[حلم الجميع]

عااااادي اشفيها خليها تستطرب خخخخخخ بنتي ادق رقبه علي اغنية خلاني وراح عني ونساني خخخخخخخ

تعبت نفسيا منها كل ما سمعت الاغنية دقت الرقبة ^__^