ضروري...بخصوص كلية المجتمع؟؟ [الأرشيف] - منتديات شبكة الأسهم القطرية

مشاهدة النسخة كاملة : ضروري...بخصوص كلية المجتمع؟؟

لاجل QT

23-03-2011, 03:31 PM

السلام عليكم

ممكن حد من الاعضاء يدلنى وين مكان كلية المجتمع الخاصة بالبنات...؟؟؟

وهل التسجيل في نفس الكلية ولا في مكان ثانى؟؟؟

وشنهو المطلوب حق التسجيل ؟؟

لان عجزت وانا اتصل عليهم ولاحياة لمن تنادي محد يرفع السماعة خير شر 3 شهور اتصل محد يرد علي:(

ياريت حد يفيدني ويساعدنى:shy:

لاجل QT

23-03-2011, 04:11 PM

:weeping:ساعدونى

بصمة قطرية

23-03-2011, 04:21 PM

مساء الورد ~
اختي كان عندهم تسجيل من فترة بسيطة ..!! :(

بسم الله الرحمن الرحيم
الســلام عليكم ورحمة الله وبركاته

تسجيل كلية المجتمـع بالعربي ~
نود إعلامكم بإنه قد تم فتح باب التسجيل لإمتحان تحديد المستوى الخاص بالكلية ..
ونظراً لرغبتنا بخدمة جميع الطـلاب نرجو منكم
زيارة مبنى الكلية وذلك لتحديد واختيار موعد وتاريخ الإمتحـان ~

الأحد
13/3/2011
من 9 ص 10 ص 11 ص 12 ص 1 م ..
الأثنين
14/3 /2011
من 9 ص 10 ص 11 ص 12 ص 1 م ..
الثلاثاء
15/ 3 /2011
بأي وقت
من الساعه 9 صباحاً وحتى 1 ظهراً م ..

( التسجيل في مبنى الخليج الغربي للبنين ومبنى الدائري الثالث للبنات )

هذه التواريخ ليست لأيام الإمتحان إنما للتسجيل
لإمتحان القبول فقط ..
التسجيل للإمتحان سوف يكون على حسب الأولوية في الحضور حتى يتم شغل جميع مقاعد الإمتحان عندها سيتم وقف التسجيل ..

يجب على الطالب حضور الجلسات التعريفية وذلك لأخذ موعد الإمتحان ..
الرجـــاء إحضار البطاقة الشخصية ومبلغ 150 ريال نقداً رسوم التسجيل للإمتحان ..
وشكــراً ..

قسم التسجيل بكلية المجتمع ..

كما وصلني من كلية المجتمع ~
ياليت نزلت الخبر هني ~ :(

المخفي

23-03-2011, 04:29 PM

لين الحين في تسجيل او خلص

بصمة قطرية

23-03-2011, 04:32 PM

ارقامهم ~

44011350
44011351

التسجيل خلص ..
واحتمال في تسجيل في شهر خمسة ~

لاجل QT

23-03-2011, 08:02 PM

ارقامهم ~

44011350
44011351

التسجيل خلص ..
واحتمال في تسجيل في شهر خمسة ~

مشكور اخوي المخفي على المرور

بصمة قطرية جزاج الله خير ماقصرتى حبيبتى...اتصلت عليهم وقالو وقفو التسجيل خلاص..والتسجيل الجاي في شهر 9..والدخول الكلية في شهر 1

بس شنهو هالنظام الغريب ..من سبق لبق..يعنى اللى فاتة التسسجيل ينطر سنة على شان يسجل...مش المفروض الجامعة او الكلية تحتوي جميع خريجين الثانوية...شنهو يسون اللى فاتهم التسجيل ليش ينطرون شنهو ذنبهم؟؟؟والله قهر:anger1:

حتى التعليم صار بالدور وبالطابور:anger1:

خليفـة

23-03-2011, 08:13 PM

بالتوفيق الشيخة ان شاء الله

:)

تحداني

23-03-2011, 08:20 PM

http://www.qatarshares.com/vb/showthread.php?t=443248

هذا الموضوع للأخت " شمعة الدوحه " راح يفيدج وايد ان شاء الله
الله يوفقك ويجملك برضى الرحمن

بصمة قطرية

24-03-2011, 01:07 AM

مشكور اخوي المخفي على المرور

بصمة قطرية جزاج الله خير ماقصرتى حبيبتى...اتصلت عليهم وقالو وقفو التسجيل خلاص..والتسجيل الجاي في شهر 9..والدخول الكلية في شهر 1

بس شنهو هالنظام الغريب ..من سبق لبق..يعنى اللى فاتة التسسجيل ينطر سنة على شان يسجل...مش المفروض الجامعة او الكلية تحتوي جميع خريجين الثانوية...شنهو يسون اللى فاتهم التسجيل ليش ينطرون شنهو ذنبهم؟؟؟والله قهر:anger1:

حتى التعليم صار بالدور وبالطابور:anger1:

الله يوفقج حبيبتي ~
مجرد ما يفتحون باب التسجيل راح ابلغج ولا يهمج ..

احتمال في تسجيل في شهر خمسة ~
وفعلاً التسجيل عندهم للي يسجل قبل .. :(

لاجل QT

24-03-2011, 02:53 PM

الله يوفقج حبيبتي ~
مجرد ما يفتحون باب التسجيل راح ابلغج ولا يهمج ..

احتمال في تسجيل في شهر خمسة ~
وفعلاً التسجيل عندهم للي يسجل قبل .. :(

خليفة شكرا لمرورك الكريم
وتحدانى الزمن شكرا للاهتمام وللرابط انشالله يفيدنى

اما بصمة قطرية تعالى هنا هاتى بوسة:)
على هالبشارة :) انشالله يفتحون التسجيل في شهر 5 ..ميتة قهر ان فاتنا التسجيل :weeping:

ام-سعود

24-03-2011, 03:08 PM

كل شي يصير في كلية مافيها لوائح ولا انظمة ولا قوانين ... للحين هي مب موجودة على خريطة الاجهزة الحكومية ... الله يعينكم ترى كل يوم وكل ساعة قرار يختلف عن اللي قبله

لاجل QT

24-03-2011, 03:40 PM

كل شي يصير في كلية مافيها لوائح ولا انظمة ولا قوانين ... للحين هي مب موجودة على خريطة الاجهزة الحكومية ... الله يعينكم ترى كل يوم وكل ساعة قرار يختلف عن اللي قبله

شنسوى ياام سعود على الاقل احسن من جامعة قطر وطلباتها التعجيزية يبون ساعات تطوع والاليز ...اخبر قبل عقب الشهادة الثانوية نسجل في الجامعة لا اختبارات قبول ولا شي...الكل كان لة مكان في الجامعة

اما الحين اللى يصير شي لايطاق فعلا.. تعجيز من قلب:(

عذاب

24-03-2011, 04:51 PM

انااا رحت هنااكــ وسجلت من عندهم عن طريق موقعهم في الانترنت ,,

وتقدرون وانتو قاعدين بالبيت تسجلون عن طريق الموقع ,,

وبعد ماسجلت قالي الموضف راجعنا عشان امتحان القبول ,, عشان تحجز كرسي ...
بس للحين ماراجعت ,..
والي يبي يسجل يسجل بالنت ويراجعهم ,,,

لاجل QT

24-03-2011, 11:13 PM

مستر بن

28-03-2011, 12:29 PM

44011351
44011350

بيرق قطر

28-03-2011, 12:38 PM

:rolleyes2:صراحة الاكادمية بتاخذ منك وقت طويل وفي الاخير مالك الى دبلوم عاد اي دبلوم الله اعلم

بوخالد911

28-03-2011, 12:43 PM

هلا

الموقع :

ونتي جاية من اشارات رامادا رايحة صوب اشارات طالب الخوري
ع اليمين

بتشوفين الأولى للتمويل
ومسجد
ومباني

اهنييه هالصووب

مستثمر قطر

28-03-2011, 12:45 PM

بالتوفيق

بصمة قطرية

28-03-2011, 02:12 PM

خليفة شكرا لمرورك الكريم
وتحدانى الزمن شكرا للاهتمام وللرابط انشالله يفيدنى

اما بصمة قطرية تعالى هنا هاتى بوسة:)
على هالبشارة :) انشالله يفتحون التسجيل في شهر 5 ..ميتة قهر ان فاتنا التسجيل :weeping:

:shy:
فديتج والله ~ :shy:
سلامتج من القهر حبيبتي ..
لا تنقهرين ولا تتضايقين مالج نصيب في التسجيل هالمره ..
عساها خيره ان شاء الله ..:)
ان شاء الله بس يفتحون التسجيل بعطيج خبر ..:)

لاجل QT

28-03-2011, 05:06 PM

مستر بن & بيرق قطر & بوخالد (هالصوب وين عاد بوخلود على بالك ادل:weeping::rolleyes2:) & مستثمر قطر & اخيرا وليس اخرا بصمة :nice:

تسلمون جميعا على المرور الطيب لاخلا ولاعدم جميعا:shy: