المساعد الشخصي الرقمي

مشاهدة النسخة كاملة : فيدوني ضروري : (



الغلا101
23-03-2011, 10:59 PM
السلام عليكم ورحمه الله وبركاته
اليوم صدمني شي ، اتصلت فيني موظفه من التأسيسي بجامعه قطر
وطلبت مني أطلع من المحاضرة لأمر ضروري ، أستأذنت ورحت لهم
أكتشفوا حضراتهم ان نتيجتي في الاكوبليسر غلط :( يعني بعد مادرست هالفترة
اللي راحت قالوا عطيناج نتيجه مو نتجيتج وعلماً ان النتيجه مستوى رابع وانا ابتديت دراسه من اخر شهر 2 على هالمستوى وقدمت اكوزات وكل شي تمام ومثل اي وحده تدرس :(
عاد الحين بيعيدون اختبار الاكوبليسر ويقولون اذا جبتي اقل من مستوى 4 راح يروح
عليج اللي درسته علما اني اول سنه لي :( يعني هم يغلطون الغلطه وانا اتحمل
باجر عندي الاختبار وانا ابي حقي يعني الفتره اللي درستها و الاختبارات اللي قدمتها
و الوقت اللي ضاع :(


عذرهم انه تشابه اسماء :eek5:
انزين رقم القيد رقم البطاقه الشخصيه :(
انا مو ذنبي ان انا والبنت نفس الاسماء :(

فيدوني ايش اسوي :weeping:

عزيزوف
23-03-2011, 11:08 PM
الله يكون في عونج ويسهل عليج انشاءالله

abdo222
23-03-2011, 11:08 PM
الله يعينج ،، هذي جامعه قطر وهذي خربطتهم ،، مأساه والمشكله ما تقديرن تسوين شيء ،، مب نفس الجامعات المحترمه الي تقدرين تشتكين وتاخذين حقج ،، هذا اول المشوار وان شاءالله تكون اخر مشكله ،،،

استغفرالله
23-03-2011, 11:08 PM
هدديهم بترفعين عليهم قضية ...لان غلطتهم

المـهـفـة والـســفـرة
23-03-2011, 11:09 PM
:d

شر البلية ما يضحك .

وبعدين شموديج جامعة قطر ,
ماتقريين عنها ووين وصل مستواها وتقيمها,:(
ماأقول غير :
أن شاء الله تلقين حل وأجابة ,
وربي يهون عليج , ويفتح لج أوسع أبوابه .

أخوج طالب أول ثانوي.

أزهلها
23-03-2011, 11:12 PM
ماقول الا شدي حيلك بكره والله يوفقك ويعينك عليهم ..لاقدر الله مانجحتي قدمي شكوى ..

الرمـــاح
23-03-2011, 11:40 PM
الله يعينج يالغاليه

Bu Rashid
24-03-2011, 12:09 AM
هههههههههههههههههههه
شر البلية ما يضحك
هذه جامعة معترف بها بالمجلس الاعلى للتعليم
والجامعات العريقة بامريكا غير معترف بها
الله يعينكم على بلاويهم

bus3od
24-03-2011, 12:12 AM
والله اختي انا ما اعرف اقول لج تروحين حق من بس الاقرب مدير البرنامج التاسيسي

ولو انا منج اوصلها لأكبر راس لو توصل للدكتوره شيخه المسند و تأكدي انهم بيساعدونج

مثل هالغلطه تعتبر اهمال من الموظف المفروض يتحاسب عليه

hnony
24-03-2011, 01:27 AM
لا تسكتين لهم

إينشتاين
24-03-2011, 04:33 AM
انصحج بكرة الصبح تروحين لرئيس التأسيسي وإذا مانفع على طول تروحين للدكتورة شيخة بنت جبر آل ثاني نائبة رئيس الجامعة للشؤون الأكاديمية تري انسانة متفهمة وبتقدر وضعج بس اشرحي لها التعب الي تعبتيه في حضور المحاضرات والسهر في دراسة الكويزات والواجبات وغيره....
وأهم نقطة تركزين عليها الخطأ الفادح الي ارتكبوه وعطوج نتيجة شخص ثاني وانج مش المفروض تحملين خطأهم...

وإذا مافيه فايدة خلي آخر المطاف تروحين لمحامي تشرحين له الوضع ومعاج اوراق تسجيل المقررات واعتقد القضية مضمونة لأنه خطأهم.

اتمنى لج التوفيق واطلعينا على آخر المستجدات.

ALRAYYAN
24-03-2011, 04:53 AM
هالجامعه انا عانيت منها 4 سنوات ونص رغم اني مادرست فيها .. يكفي ان زوجتك او اختك تدرس فيها

انت يرتفع ضغطك من بلاويها

عسى الله يكون في عونج .. وانصحج برفع شكوى ووصليها وين ماتقدرين توصلينها لين تاخذين حقج

برق لمع
24-03-2011, 11:16 AM
ارفعي ايدج فوق وقوللي يا الله وربج بيفرجها باذنه لا تلجئين لاحد غير الله

الجوكر90
24-03-2011, 01:32 PM
السلام عليكم
الشيخه بقولج شي
اطلعي ذكيه وقولي الخطاء من اي موظف عشان اروح واعرف منه السالفه
خذي اسمه وروحي له وقولي له اذا انا نزلت عن هالمستوى راح اشتكي عليك انت وع الخطاء الي سويته وشرط ماتقعد فالجامعه صدقيني ع طول هو راح يراكض وراج وعادي يمشي السالفه

يعني شوفي بقولج الامتجان راح ينعاد بلا شك
وانتي ماراح تاخذين شي من السالفه حتى لو الخطاء منهم
بس خذي حقج من الموظف لان هو الوحيد الي يقدر يساعدج او انه ينطرد

وبالتوفيق ان شاء الله

بصمة قطرية
24-03-2011, 01:54 PM
لا تستكين عن حقج اختي ..
هم يغلطون وانتي تتحملين نتيجة غلطهم ..
قولي لهم مش مسؤوليتي اني اتحمل خطأكم بعد ما درستي هالفترة ..
نفرض انج ما جبتي هالمستوى تروح عليج الدراسة والتعب ووووو ..
اذا كنتي خجولة اختي اخذي معاج وحده جريئة ..
صدقيني لو كنتي ساكته حقج بيضيع ..
لكــن لو تكلمتي واصريتي ان الغلط هم يتحملونه وانج راح توصلينها لأكبر راس
والله بتاخذين حقج ..
الله يعينــج ويوفقج ..