((,,البساطه و التواصل الاجتماعي بين الناس في قطر.. أيـام أول,,))

[كفاحي]

الفرق كبير بين أول والحين!؟
بكل امر نعايشه ونشوفه
الشوق الى( ايام اول) يجتاح كل شخص
لا سيما الذي عاش تلك اللحظات

وخصوصا التواصل بين الاهل والاصدقاء بالزيارات المتبادلة بين الناس
و حياة البساطه والقناعه والتواضع والحب والإحساس بالانتماء فيما بينهم
و الصادقة الصافية واكرام الضيف والنخوه للاخ والصديق والتعاون بينهم التي تعزز
الترابط الأخوي والتماسك الاجتماعي ، وزيادة الألفة والمحبة والاحترام فيما بينهم
والبعيدة عن أنانية المصالح

نذكر ايام اول
-عيال الفريج يرحون المدرسة مع بعض ويرجعون مع بعض
يلعبون من بيت الى بيت وفي الفريج والامور سهلات...والله حافظهم
لاعندنا مجمعات تجارية بس كنا مستأنسين.
- اول خدامة واحده في البيت شاله البيت كله
الحين اربع ولاتلحق بعد!!!
كنا لانفكر في رواتب ولا ديون ولا قوانين ولافواتير! كنا مرتاحين
الـ 500 ريال اتم معانا اسبوع... الحين في ساعة تخلص
- ايام اول كنا يوم الخميس نطلع مايقل عن 6 او 7 بيوت من الاهل مع بعض
رحلات للبر او البحر وعطلت الربيع كلها في البر كلنا على قلب واحد
ولايوجد تكلف بينا

- اخبر ايام اول اذا عندنا عزيمة في البيت مانروح المدرسة او نطلع بدري
نرجع البيت... حريم الفريج يتجمعون في البيت ويساعدون اهل البيت في الطبخ

-هذه القيم الأخلاقية والمظاهر كنا نحس بها في الماضي
اما هالايام اختفت مع الأسف!!!
وحل محلها كثرة مشاغل الناس اللامنتهيه!!والمصالح و النفاق والسطحية والمجاملة
وسوء الظن والإحساس بالغربة أحياناً ، ولم يعد غريباً أحياناً أن يجر التواصل أبعاداً من الكراهية والإساءة
والمشاكل ما كانت لتكون لولا هذا التواصل .


وإن كنا هنا لانعمم لكنها حقيقة وواقعاً لا مفر منه وقد تكون نسبياً
لكنني أقول أن التواصل الاجتماعي اليوم أصبح ضعيف وهدفه المجامله وأصبح يفتقد الكثير من ثماره الطيبة.

[Dawn]

ساعات الدوام الطويله في المدارس والعمل هي السبب

قبل كان الواحد يرجع بيته الساعه وحده بالكثير ،،، يتغدى يقيل يصلي العصر ويلقى وقت للتواصل مع الاهل والجيران ..


الحين مافيه وقت لأي شي الناس صارت ترجع بيوتها العصر تقريبا اضف عليها الزحمه اللي تضيع وقت اضافي وصعب لما يرجع الواحد تعبان من القعده او الوقفه لساعات طويله في الدوام انه يروح ويزور حد طبعا حتى لو ظروف عمله مريحه غيره لا ..

بعد التكنولوجيا لها دور في تغيير هذي العادات الاجتماعيه الحين صار التواصل بالتلفونات والانترنت فصاروا الناس يستغنون عن الزيارات لان عندهم بديل اسهل ..

[رحال]

أخي العزيز كفاحي .. يامن أبحرت بنا بالذكريات ونقلتنا الى ذلك

الماضي الجميل ، بالرغم من قسوته أحيانا الا أننا نفقده ونحن اليه

ليس حبا بالعودة بالعمر الى مامضى ؟؟؟ فهذا لن يتحقق !!!

ولكن حبا بطيبة الناس وفطرتهم في ذلك الوطر ..

لأنها كانت خالية من التعقيدات والتصنع والمثالية الزائفة والكبر

والمحاباة .. وهذا مانعيشة للأسف اليوم بالرغم من تطور

جميع نواحي الحياة .. الا أنها أصبحت مملة على الصغير

قبل الكبير !!!

ويقول المثل :

من فات قديمه تاه

" و "

قديمك نديمك ولو جديدك أغناك

ويالله بحسن الخاتمة لنا ولك وللجميع ان شاء الله ..

[BIG-VEGA]

موضوع يجيب البسمه:) ويجيب الحزن :(

ان شاء الله ترجع روح ذيك الايام

يعطيك العافيه

[الأصيلة]

لاشيء يبقى على حاله أبدا
كل الدهور تتبدل وتتغير وهذه سنة الحياة
ولكن تبقى الذكريات العبقة يفوح ذكراها في أعماقنا
ونسردها قصص وحكايات لأطفالنا ...
كل الشكر لك ياكفاحي على الموضوع الشيق..

[بـــــــنت النوخـّــــذه]

ألي يبغي العادات الاوليه ترجع يقدر يرجعها 0سهل جدا"

لكن الناس الي راحو الاولين كيف يرجعون :eek3:

0000

[تحداني]

نفتقد ليس " للبساطة " فقط أخي الفاضل
إنما نفتقد لكل ما يجعل الحياه أكثر راحة للإنسان في زمن كثرت فيه سبل الراحه
وتباعدت به القلوب وزاد شقاء الإنسان لنفسة وصنعوا لنفسهم سبل البعاد والكبر بين القلوب والناس

نفتقد للإنسانية الخاليه من مصالح
نفتقد للكثير من الأشياء في زمن التكنلوجيا .. والبروتوكولات المزيفه
والمظاهر الخداعه
والكذب والغدر وحب الناس للمال وجمع المال
ولا شئ في الحياه سوى المال
وأصبحوا الناس طبقات ومستويات وكلنا خلقنا رب العالمين من تراب



ولكن ويحك أيها الإنسان
فقط قليلا من الإنتظار ستجد ان الحياه لا تسوى شئ
فتوقفوا عن ما انتم ماضون فيه
فالحياه كقطار سيحط بنا جميعا لقبر لا يتسع لشخصان



سبحان الله


جملك الله برضى الرحمن

[ام السعف]

يا حبي للماضي ويا كثر تعلقي فيه ولين اليوم وانا اتخيل ذيك الأيام
ولين اليوم اتذكر حروف وبساطة ذيك الأيام ،،

بصراحة مرات كثييييرة احب اعيش حياة الماضي وبساطة الماضي

احب اشرب من البرادات الموزعة ومن نفس القلاص اللي
يشربون منه العالم ،، احب اشم ريحة شيرة الكنار واللوز

احب اليقط مع الدهن احب السمج المشوي مع العيش الشيلاني
احب اليريش مع اللبن احب المضروبة مع الروب ،،

كنا نزور وحدة والدة يابوا لنا ملال صغيرة فيها حسو
والقفشة كلش مب مالت شرب الحسو شكلها مالت تكاتيك ،،

وكانوا معانا حريم ما اعرفهم ،، صوت على بنتهم قلت لها يبي لنا قفشة مثل الناس
عاد يا مكثر ما تشرطت عليها يومها ( هيهيهي ) راحت طولت ،، قلت لهم
تدرون مافي احلى من زمان اول وشربت الحسو من الملة على طوول
وانا اقول لهم الله شميت ريحة الماضي ،، اشوي والا الشيخات كل وحدة
تبي اتشم ريحة الماضي :secret:

[ام السعف]

نفتقد ليس " للبساطة " فقط أخي الفاضل
إنما نفتقد لكل ما يجعل الحياه أكثر راحة للإنسان في زمن كثرت فيه سبل الراحه
وتباعدت به القلوب وزاد شقاء الإنسان لنفسة وصنعوا لنفسهم سبل البعاد والكبر بين القلوب والناس

نفتقد للإنسانية الخاليه من مصالح
نفتقد للكثير من الأشياء في زمن التكنلوجيا .. والبروتوكولات المزيفه
والمظاهر الخداعه
والكذب والغدر وحب الناس للمال وجمع المال
ولا شئ في الحياه سوى المال
وأصبحوا الناس طبقات ومستويات وكلنا خلقنا رب العالمين من تراب



ولكن ويحك أيها الإنسان
فقط قليلا من الإنتظار ستجد ان الحياه لا تسوى شئ
فتوقفوا عن ما انتم ماضون فيه
فالحياه كقطار سيحط بنا جميعا لقبر لا يتسع لشخصان



سبحان الله


جملك الله برضى الرحمن

تدرين ياصاحبة القلم الرشيق

احس الشي الوحيد اللي ما فقدته من الماضي هي البساطة وروحها
ولله الحمد ربي لا يغير علي ،،

احس ان البساطة في التعامل مع هالحياة تكسب الانسان روح وعطاء
واترفرش له حياته مع كل يوم تشرق فيه شمس يوم جديد :shy:

[تحداني]

معاج حق يا أم السعف .. واليوم لو مارستي كل طقوس البساطه
راح يقولون عنك انسانه مو كاشخه .. ما اتعرفين الذوق ما اتعرفين السنع
انتي من اي زمن .. يا أختي تطوري الناس تطوروا .. تعلموا تاكلون بقفاش وشوك
واتركوا عنكم شغل الغجر والبلشتيه :)

ام السعف
هالجيل قاعد يصنع لنفسه تاريخ مزيف
وحضاره غير حضارته
ونفس ما قال اخونا عبد الله في صوت الخليح في برنامج البراحه


هذا الزمن بعد 30 سنه عن ايش راح يتكلمون
وعن ايش راح يطرون

عن الحنه
ولا عن المدخن
ولا عن بيت الشعر
ولا عن الدايه
ولا عن البحر وسوالف البر

ما اعتقد

اكيد راح تكون سوالف اديور
وفالنتينو
ومطاعم
وكوفي شوب
وستايل
وماك
ونيله اتنيل هالزمن


جملك الله برضى الرحمن

[تحداني]

تدرين ياصاحبة القلم الرشيق

احس الشي الوحيد اللي ما فقدته من الماضي هي البساطة وروحها
ولله الحمد ربي لا يغير علي ،،

احس ان البساطة في التعامل مع هالحياة تكسب الانسان روح وعطاء
واترفرش له حياته مع كل يوم تشرق فيه شمس يوم جديد :shy:




صح من ينادي بالبساطه لا يمكن ان يفتقده مع نفسه .. ومع تصرفاته ومع سلوكه
ولكن انا افتقده في تعاملي مع كثير من شرائح البشر
البعض اعتبر البساطه تصنع
والبعض اعتبره وسيله للوصول الى هدف ما
والبعض اعتبره سذاجه وغباء وتقليل من قيمه وقدر تحداني الزمن وام السعف
والبعض اعتبرها مضيعه للوقت



أعرف ردج .. راح تقولين خل يقولون الي يقولونه
وخل يفسرونها بالطريقه الي اتعجبهم .. ولكن لا يمكن للتصنع الاستمرار
وإلا ستحط البساطه مجددا في تعاملنا

وانا اقول لج هم معاج حق


والله احيانا اشوف الخدامات في البيت قاعدين يسولفون .. اروح أقعد معاهم واسولف
نتكلم عن اعيالهم .. عن ابلادهم .. عن الغربه .. اسألهم عن اشياء ساعات احس انها سخيفه
وساعات احسها انها انسانيه وايد وغايبه عنه يمكن لان كل الناس حولنا
او يمكن لانه ما ذقنا الحرمان

لقيت البساطه عند شريحه من الناس المتواضعه
اكثر من الناس الي تعيش حياه الرفاهيه
لأنهم في غيبوبه الاثرياء وهوس الزمن الكاذب


جملك الله برضى الرحمن

[ام السعف]

معاج حق يا أم السعف .. واليوم لو مارستي كل طقوس البساطه
راح يقولون عنك انسانه مو كاشخه .. ما اتعرفين الذوق ما اتعرفين السنع
انتي من اي زمن .. يا أختي تطوري الناس تطوروا .. تعلموا تاكلون بقفاش وشوك
واتركوا عنكم شغل الغجر والبلشتيه :)

ام السعف
هالجيل قاعد يصنع لنفسه تاريخ مزيف
وحضاره غير حضارته
ونفس ما قال اخونا عبد الله في صوت الخليح في برنامج البراحه


هذا الزمن بعد 30 سنه عن ايش راح يتكلمون
وعن ايش راح يطرون

عن الحنه
ولا عن المدخن
ولا عن بيت الشعر
ولا عن الدايه
ولا عن البحر وسوالف البر

ما اعتقد

اكيد راح تكون سوالف اديور
وفالنتينو
ومطاعم
وكوفي شوب
وستايل
وماك
ونيله اتنيل هالزمن


جملك الله برضى الرحمن

ولا علي منهم والله ،، ابسط نفسي وعمري وحياتي واعيشها
بالكيفية اللي تدخل الوناسة في قلبي ،،

لقال لي بو العيال ام السعف اليوم العيد امشي نتعشى في مطعم
قلت له : على شرط انا اللي اختار ،
قال لي : ولا يهمج اختاري ،،

قلت له شفت المطعم الهندي اللي صوب سوق فالح صوب خياط حبيب
قال لي ايه اشبلاه قلت له عليه سندويشات كيمة
مع جباتي على كيفك والله ،، قال لي من صجج انت ؟:eek5:
قلت له صدقني بتلذذ ،، ورحنا وكلنا ،،

لطلعنا الصبح قال لي امشي نتريق في الكوفي الفلاني او الكوفي العلاني
قلت له ما افي احلى من الزرقا او اروما ،، سندويشات كيما او بيض
مع مرجي على كيفك يا بوفلان ردة فعله :secret:

حلويات باكستان السمبوسة الباكستانية ،، البخن القرنقعوه
سوااااااااااالف قديييييييييييمة واااااااااااايدة متمسكة فيها،

يقول لي اخوي ام السعف الكوفي الفلاني عنده آر كيك اوروبي
قلت له هرجيسة عنده آر كيك تنسى اسمك وانت تاكله ،،
وان ما لقيت عنده بتلقى عند الهندي اللي عند سوق الذهب ،،

حلويات باكستان السمبوسة الباكستانية ،، البخن القرنقعوه

سوااااااااااالف قديييييييييييمة واااااااااااايدة متمسكة فيها،

ومتماشيين مع الحاضر بس منغمسين في بساطة الماضي لأنها روح
نشطة تعطينا أمل في ان الحياة بعدها بخير،،

[كفاحي]

أشكركم جميعاً على الردود الطيبة دمتم سالمين

[الباحثة م]

إبائنا وأجدادنـا دايما يحدثونّـا عن المـاضي وحلاته وكيف الحيـاة كانت بسيطة..

مما يجعلنـي اتمنـى لو كنـت ولـدت في زمـن الابيـض والأسود .. حيث كان كل من يسكـن بالحي على قلب واحد

[intesar]

بالفعل الحين الواحد صار ما يتحمل عياله فما بالك بعيال الناس ..
الجمعه والقعده صارت فعل ماض .. الكل يركض ويركض محد راضي يوقف ولا ياخذ راحة ..
الله على أول يوم بالفريج .. الحين ما في شي اسمه فريج اللي تبدل وصار حوش ..
تدرون حتى الحوش ممنوع على عيالي لأن الصبيان والدريولية مكتتين ..
فعلا البساطة حلوة .. حلوة وايد ..

[R 7 A L]

ترى التكنولوجيا هي السبب

اول مافية تلفونات لو بغى الواحد يدور لة واحد يلف كل بيت على شان يدور لة
الحين يتصل لة ويخلص هو وياة بالتلفون