عندي فكره من اجتهادي الشخصي ياليت تشاركوني الراي

[XXX]

السلام عليكم ورحمة الله وبركاته


اخواني وخواتي مافي حد ماتطري عليه يوميا سالفة الديون والهم من وراها

في ناس تاييد تسديد الديون ( انا واحد منهم ) وناس ما تاييد التسديد


عندي فكره ترضي الكل انشالله


وهو ان الدوله تحط في حساب كل مواطن ومواطنه مبلغ وقدره تقريبا 500,000 او اكثر

يكون المبلغ ف البنك المركزي بما انه بنك الدوله الرئيسي

المبلغ المذكور يكون كـ وديعه

مايقدر اي شخص يكسرها

الفاىده الشهريه تعود لكل مواطن ف حسابه الوديعه ... يمكن تكون 15000 ريال شهريا تقريبا (اسف ماعندي خبره بنسبة الارباح )


ومن طرف ثاني الوديعه يتم التجاره فيها من قبل البنك المركزي وتعود فاىدة الفلوس للدوله

في هذي الحاله يكون المواطن مستفيد

والدوله مستفيده

الفلوس تلف وترجع للدوله + الارباح باذن الله




اخواني وخواتي هاي مجرد راي

ياليت لو استفيد منكم

كل الشكر لكم

[ام الحنايا65]

الله كريم انشاالله

[سهم احمر]

يعطيك العافيه أخوي xxx

بس نصيحة مني لا تتعب نفسك وتعصر مخك وتبذل جهد

:strong:con2::anger3::weeping:

[XXX]

هههههه اشكر لكم مروركم

بس حبيت اني اساهم ف اقتصاد البلد شوي هههه

[نوفا91]

ماقصرت اخوي يعطيك العافيه ..
لكن الديون هذي لا انا ولا انت والا الشعب كله له يد ..لو بيدنا كان نسقط ونفجر بهالديون <<تحمست شوي ..

[الجوكر90]

السلام عليكم
ههههههههههههه
يعني يحطون وديعه حق كل مواطن ومايقدر يستخدمها او يسحبها بس الارباح له
يعني جنك تقول مشووا راتب حق كل واحد
لان مافي فرق بين الي تقول عنه وانهم يمشون لنا رواتب شهريه
وبالتوفيق ان شاء الله

[بوعبدالرحمن5]

زين يا جماعه انا عندي اقتراح ...خلونا الحين من سقط الديون والكلام اللي نسمعه من كم سنه !!

ونبادر احنا بمساعدة بعض بتكوين لجنه من بعض الاعضاء وكل اخ مديون يكتب لنا كم السلفه اللي عليه وكم القسط الشهري .

وعليه اي حد من الاعضاء يقدر يساعد سواء بمبلغ او بدفع قسط شهر واحد وهكذا .

انا اقدر ارتب لكم الموضوع وافكر لكم في الايه بس الحين نبي نعرف اذا موافقين علشان نبداء .


وانا مستعد من الحين وقسم بالله العظيم اني اتبرع بقسط شهر .

خلونا انتحرك ومحد يستحي ياجماعه ولحد يتفلسف ويقول في ناس بتستغل او ناس خذت قسط للعبه او الفشخره ..معليه هم بعد بنسدد له ومالكم خص ليش ماخذ السلفيه محد خذ الا محتدوهم الاغلب واشاذ لا حكم له .

يعني بالعربي ( قطري يقول ابي مساعده نعطيه لو مب محتاج دام قال ابي انتهى ومانبي حجي وايد )

قسم بالله اعرف ناس تبي تساعد وخاصتا ربعنا هلقطر بس مب عارفين شلون يوصلون لهم وانا اعرفهم شخصيا ومستعدين يدفعون وهم مب
موجودين في المنتدى .

والامر متروك لكم ..

تحياتي

[النائب]

زين يا جماعه انا عندي اقتراح ...خلونا الحين من سقط الديون والكلام اللي نسمعه من كم سنه !!

ونبادر احنا بمساعدة بعض بتكوين لجنه من بعض الاعضاء وكل اخ مديون يكتب لنا كم السلفه اللي عليه وكم القسط الشهري .

وعليه اي حد من الاعضاء يقدر يساعد سواء بمبلغ او بدفع قسط شهر واحد وهكذا .

انا اقدر ارتب لكم الموضوع وافكر لكم في الايه بس الحين نبي نعرف اذا موافقين علشان نبداء .


وانا مستعد من الحين وقسم بالله العظيم اني اتبرع بقسط شهر .

خلونا انتحرك ومحد يستحي ياجماعه ولحد يتفلسف ويقول في ناس بتستغل او ناس خذت قسط للعبه او الفشخره ..معليه هم بعد بنسدد له ومالكم خص ليش ماخذ السلفيه محد خذ الا محتدوهم الاغلب واشاذ لا حكم له .

يعني بالعربي ( قطري يقول ابي مساعده نعطيه لو مب محتاج دام قال ابي انتهى ومانبي حجي وايد )

قسم بالله اعرف ناس تبي تساعد وخاصتا ربعنا هلقطر بس مب عارفين شلون يوصلون لهم وانا اعرفهم شخصيا ومستعدين يدفعون وهم مب
موجودين في المنتدى .

والامر متروك لكم ..

تحياتي

بو عبدالله جزاك الله خير .
بما أن الدولة ليس بغستطاعتها تسديد ديون المواطنين لأسباب تحتفض بالحق بعدم الإباحه بها .

فالحل موجود وله من الفؤائد الكثير في الدنيا والآخره واكبر فائده هي تفعيل مبدا التكاتف والوصل .
وهذا الحل لن يكون إلى بيد سمو الأمير حفظة الله .
فسمو الأمير يقدر يطلب من صندوق الزكاة والجمعيات الخيرية في قطر أن تسدد ديون القطريين الذين إقترضوا على رواتبهم وليس ديون الشركات والتجار . فقط دين البنك الذي يخصم من راتب الموظف .

هذا اقرب حل نسأل الله أن يرى النور . وعلى جميع الأعضاء أن يوصلون هذه الفكرة إلى سموة او إلى احد الأشخاص المقربين لسموة الكريم .

للعلم / واحد من المواطنين فقط زكاته 250 مليون فما بالك بالآخرين .

حفظ الله البلاد والعباد من كل مكروه .

[qatari911]

فعلا فيه شيوخ يبون الاجر يتبرعون بالملايين
واتذكر مره شيخ ساعد 3 عوائل ودفع ديون عيالهم
جزاه الله خير
احسن من ان نتبرع للي في الخارج

[بوعبدالرحمن5]

بو عبدالله جزاك الله خير .
بما أن الدولة ليس بغستطاعتها تسديد ديون المواطنين لأسباب تحتفض بالحق بعدم الإباحه بها .

فالحل موجود وله من الفؤائد الكثير في الدنيا والآخره واكبر فائده هي تفعيل مبدا التكاتف والوصل .
وهذا الحل لن يكون إلى بيد سمو الأمير حفظة الله .
فسمو الأمير يقدر يطلب من صندوق الزكاة والجمعيات الخيرية في قطر أن تسدد ديون القطريين الذين إقترضوا على رواتبهم وليس ديون الشركات والتجار . فقط دين البنك الذي يخصم من راتب الموظف .

هذا اقرب حل نسأل الله أن يرى النور . وعلى جميع الأعضاء أن يوصلون هذه الفكرة إلى سموة او إلى احد الأشخاص المقربين لسموة الكريم .

للعلم / واحد من المواطنين فقط زكاته 250 مليون فما بالك بالآخرين .

حفظ الله البلاد والعباد من كل مكروه .


معاك بوعبدالرحمن :nice:


اخي الفاضل الحين احنا مب في صدد موضوع اسقاط الديون او ما يجب على الدوله ان تفعل !!

الحكومه الموقره ما قصرت قبل وان شاء الله ما راح تقصر بعد وياخي العزيز من فينا كامل ؟؟ لا بد ان هناك عيوب واخطاء واذا على مستوى المؤسسه الصغيره هناك اخطاء وعيوب وهناك ناس معارضه وناس مؤيده بل على مستوى اداره صغيره هناك من يمدح المدير ويرى ان جميع قراراته سليمه وهناك من يرى انه في مسار الخطاء وجميع قرارته على هواه .

علينا التحلي بالصبر والتفائل وعلينا ان نبشر بعضنا بالخير وان نوحد الصفوف انا متأكد تماما ان الجميع يقصد الخير سواء اللي مو عاجبه واللي عاجبه .

والكلام كثير والموضيع اكثر وما راح انخلص .


ولكن انا ابيك تنسى هالموضيع كلها وخلنا نفكر في مساعدة البعض باللي نقدر عليه والليد الوحده ما تصفق وانا خوك .

ياخي خلنا نستغل الوقت ونحاول انحط ايدنا بأيد بعض دامنا متواجدين وعايشين يعني لوقطري واحد بس واحد ندفع له قسط شهر واحد بس واحد ونريحه بس شهر واحد سوينا لو شي بسيط جدا ادري بتقول زين ما حليت مشكله ...ادري ما حليت مشكله بس حاولت .


والله مشكلتي ما عندي اسلوب كتابه واحس ودي اعبر واوصل شي بس الكتابه تخوني .

عموما اتمنى وصلت الفكره واتمنى تتم الموفقه لو نجربها ما راح نخسر شي بأذن الله .

والله يجيب اللي فيه الخير والصلاح

تحياتي لك

[Alpinestars]

الاقربون اولى بالمعروف

ان شاء الله يكون خير قطر لها مب للغيرها والخارج

اهل قطر اولى من اي دوله

تحياتي ..