يلا غدا ؟

[MR X]

زمان كان الكل يتجمع على الريوق والغدا والعشاء مع انه كان الاكل بسيط,ومع الوقت بدا الاكل يزيد وبدا الناس مايتجمعون لا على ريوق ولا على غدا ولا على عشاء, صرنا نشوف الاب يتغدا او يتعشى مع ربعه, والعيال يتعشون مع اصدقائهم, والام تتعشى بروحها, الجدة يروح لها اكلها لين غرفتها.

هل الاكل مع بعض هو لمجرد الاكل والا الموضوع اكبر من ذلك علشان الالتقاء والكلام والفضفضة وحل المشاكل وغيرها من الامور, هل للحين الاسر ياكلون مع بعضهم على الغدا والعشاء والريوق والا المواعيد اختلفت بينهم وصار كل واحد ياكل بمفرده؟

[بيرق قطر]

للحين والحمد الله الاجتماع اليومي موجود على الاكل او غير ذلك ولاكن كل هذاء يتوقف على راعي المنزل اي صاحب الكلمة على جميع اسرتة اما اذا كان صاحب البيت امطنش لها الموضوع لن يكون فية اجتماع اسري وذلك لوجود الشيطان بيننا ( فرق تسد ) .

وتحياتي للجميع

[آنــه]

عاد الاجتماعات على الوجبات قائم
بس الاجتماعات تكون متفاوته
يعني اللي في البيت احيانا يكون اثنين من البيت يخلص دوامهم في وقت متقارب من الثاني فينتظر الثاني لين يجي يتغدى
طبعا الكبار في السن بعد صلاة الظهر غداهم جاهز ويتغدون بس الاصغر من الكبار يكونون ينتظرون اللي جايين من الدوام

ربي يخلي كبار السن وجمعات الاهل

[ام السعف]

الحمدلله وربي لا يغير علينا ،، دام انهم في البيت
الكل لازم يكون على الغدى او العشى ،، ومرات كثيرة على الريوق ،،

وان رحنا بيت الوالد الله يعطيه الصحة والعافية نتعمد
الأكل ما يكون الا بيمعة كاملة من المتواجدين ،،

طبعا اللي دوامه يحتم عليه انه يطول ماله مكان مابيننا في غيابه ،،

[موضي قطر]

اللمه حلوه وفيها بركه

[غزلان]

الغدا والعشا كلنا مع بعض اما الريوق مرات نجتمع كلنا ومرات بسبب اختلاف الأوقات كلن بروحه

ومافي احلى من اللمه الله لايغير علينا يارب

[سهيل قطر]

الحمدلله على كل حال


والله بدت تختفي الصراحه بسبب اوقات الدوامات وكل واحد يأكل بروحه ما عدا يوم الجمعه ...الكل يكون موجود


الله أجمعنا على طاعته

[بـــــــنت النوخـّــــذه]

ليش على الغدى كلن يقول تقريره لهذا اليوم يعني موجز الاخبار وعلى العشى التفصيل 0؟؟؟

[La Bella]

:weeping:
أي والله راحت الأيام الحلوة

[تحداني]

هل الاكل مع بعض هو لمجرد الاكل والا الموضوع اكبر من ذلك ؟؟

الموضوع أكبر من ذلك بكثير .. يكفي وجودهم مع بعض
.. لمه في السوالف .. ولمه في الأحداث الي حصلت طول اليوم
ولمه في اتخاذ قرار معين .. ولمه عشان نراضي الزعلان ونونس الفرحان
ونهدي الفايز والربحان


وزحمة الحياه وسرعتها .. ما تركت لنا مساحات كبيره وايد نلتقي فيها
عسى الله لا يحرمكم كل غالي ويجمعكم على موائد الفرح والموده والحب والمناسبات الجميله


جملكم الله برضى الرحمن

[فيزيائية]

وهو فيه شي يفتح النفس أكثر من جمعة أحبابنا ؟؟
أكيد الدوامات المتأخرة تأثر بالموضوع بس بالويكند الكل حاضر وماله عذر.

[ام السعف]

هل الاكل مع بعض هو لمجرد الاكل والا الموضوع اكبر من ذلك ؟؟

الموضوع أكبر من ذلك بكثير .. يكفي وجودهم مع بعض
.. لمه في السوالف .. ولمه في الأحداث الي حصلت طول اليوم
ولمه في اتخاذ قرار معين .. ولمه عشان نراضي الزعلان ونونس الفرحان
ونهدي الفايز والربحان


وزحمة الحياه وسرعتها .. ما تركت لنا مساحات كبيره وايد نلتقي فيها
عسى الله لا يحرمكم كل غالي ويجمعكم على موائد الفرح والموده والحب والمناسبات الجميله


جملكم الله برضى الرحمن

وحشتينيا :shy:

زين جمعنا هالموضوع من عقب اخر موضوع التقينا فيه

سبحان الله اللمة حلوة :shy:

[تحداني]

وحشتينيا :shy:

زين جمعنا هالموضوع من عقب اخر موضوع التقينا فيه

سبحان الله اللمة حلوة :shy:




:)
ما يوحشك غالي " الله يرضى عليج يارب "
وعسى الله لا يحرمك لمه الاهل والاحباب
وأنا عن نفسي أرآكي في كل موضوع تضعين فيه الكثير من الإبداع


عذرا صاحب الموضوع


جملك الله برضى الرحمن

[intesar]

فعلا الاكل صاير مجرد للأكل .. اختلاف المواعيد ومدارس العيال كونت هذا التشتت .. التكنولوجيا والعولمة .. كبرت هذه الفجوة .. ياحلاة أول والاوليين .. عرفتوا ليش أحب الكبار بالسن ..
لأنهم هم اللي يلمون الشمل والعيلة .. فعلا لما الواحد يجتمع مع عيلته على طاولة الطعام يسمع اخبارهم ومشاكلهم ويسمع علوم البلد.. وأحلى شي ضحكاتهم وقفشاتهم .. فعلا أفتقد هالشي في بيتي لأسباب .. اختلاف المواعيد .. بس علومهم واخبارهم كلها عندي من ما ادخل البيت لين .. خخخخ
دمتم بود ..

[برزان]

المشكله الرئيسيه والاهم هي جمعة الغدا ...
اهم جمعه واجملها .... المشكله هالاشغال الي ماتنتهي الا العصر
عفسة البطح ...

ليش مايخلون الناس اتداوم من 6 الصبح والساعه 1 مرخصين ...
مالنا ومال نظام هالغرب .

[الرايــق]

للاسف الاجتماع فقط يوم الجمعة ....

مواعيد الشغل اذبحتنا ..

[الرايــق]

المشكله الرئيسيه والاهم هي جمعة الغدا ...
اهم جمعه واجملها .... المشكله هالاشغال الي ماتنتهي الا العصر
عفسة البطح ...

ليش مايخلون الناس اتداوم من 6 الصبح والساعه 1 مرخصين ...
مالنا ومال نظام هالغرب .

واللي يداوم من الساعة 3 الظهر للساعة 1 بالليل :omen2:

[n00r]

يوم الجمعه هو اليوم الوحيد اللي نقدر نتجمع فيه مع بعض


أحلى الايــــام عندي

[n00r]

واللي يداوم من الساعة 3 الظهر للساعة 1 بالليل :omen2:




على الاقل تلحق على الغدى مع هلك :victory:


والعشا مع ربعك


في كل الاحوال فيه لمه :shy:

[سهم عتيج]

موضوع اجتماعي احب استمتع بآراءه

موضوع الاجتماع على الغدى والعشى والريوق موضوع حلو وفيه ملخص الحياة اليومية للاسرة.. وهو يشبه اجتماع مجلس الوزراء الاسبوعي او البرلمان في الدول الأخرى..

يعني المواضيع المطروحة فيه خلاصة الكلام ويتم طرحها على الجميع ومن الجميع,, ومن خلالها يستطيع الأب والام يوميا توجيه الأبناء بعد الأخذ والعطا في الكلام ومراقبة سلوكياتهم اذا لاحظوا فيه انحراف.. لأن الأبن او البنت قد يطرحون كلام عام وقد يؤمنون به,, وممكن الأب والأم يستشفون من هذا الكلام السلوك اللي ممكن يتخذه أبناؤهم لو لم يتم توجيههم سواء بصحة الكلام من عدمه..


وبمناسبة الكلام عن الجمعة الأسرية في البيت,, كنت أتمنى أن يتم طرح موضوع منفصل عن أسباب انفصال الأسرة عن بعضها مع انهم عايشين في نفس البيت ومستانسين مع بعض..

يعني لو يتم نقاش طريقة تصميم البيت وهل له دور مستقبلا في اتحاد الأسرة او نفورها عن بعض على مدى السنين.. وليش بيوت أول كان تصميمها بسيط ولكنه يجبر الأسرة على الالتقاء دائما حتى لو كان الكل زعلان..

[ام السعف]

يعني لو يتم نقاش طريقة تصميم البيت وهل له دور مستقبلا في اتحاد الأسرة او نفورها عن بعض على مدى السنين.. وليش بيوت أول كان تصميمها بسيط ولكنه يجبر الأسرة على الالتقاء دائما حتى لو كان الكل زعلان..

لأن يا اخونا سهم ،، السفرة كانت وحدة والصينية وحدة واللي تطاله يدك اخذه
والا بيروح عليك :shy:

قبل دياية وحدة كانت تكفي الكل وتضطر الكل يتواجد على السفرة
اليوم 4 ديايات ان وصل على السفرة وصل وان ما وصل حرام
ينقطون برع ينحطون له في صينية مع بيبسي وصحن سويت
وعلى سريره :shy:

[بصمة قطرية]

الحمد لله ..
ســواء في بيتي ولا بيت هلي الغدا والعشا لازم الكل موجــود ..
أصـلاً حــلاة اليمعـــات بالذات هالأوقــات ~
الواحــد بنفسه ما يشتهي ياكــل ..
حتى عيالي عودتهم اذا انحط الأكل كلهم موجودين ولا مافي أكل بعدين ..:secret:

[عندما اريد]

فعلا
الاجتماع على الصحن يصفي القلوب اصلا
عشان كذا الناس كانوا يتحملون بعض فيما سبق
مو مثل الحين
الصحون تتباعد
والقلوب تتباعد

[MR X]

للحين والحمد الله الاجتماع اليومي موجود على الاكل او غير ذلك ولاكن كل هذاء يتوقف على راعي المنزل اي صاحب الكلمة على جميع اسرتة اما اذا كان صاحب البيت امطنش لها الموضوع لن يكون فية اجتماع اسري وذلك لوجود الشيطان بيننا ( فرق تسد ) .

وتحياتي للجميع

راعي البيت هو المسؤول عن هذي العادة الطيبة والشيطان هو المسؤول عن كل الاشياء الى تفرق اهل البيت الواحد شكرا على المشاركة




عاد الاجتماعات على الوجبات قائم
بس الاجتماعات تكون متفاوته
يعني اللي في البيت احيانا يكون اثنين من البيت يخلص دوامهم في وقت متقارب من الثاني فينتظر الثاني لين يجي يتغدى
طبعا الكبار في السن بعد صلاة الظهر غداهم جاهز ويتغدون بس الاصغر من الكبار يكونون ينتظرون اللي جايين من الدوام

ربي يخلي كبار السن وجمعات الاهل

الله يخليها ويطول في اعمارهم وهم سبب الجمعة الحلوة وشكرا على المشاركة

[MR X]

الحمدلله وربي لا يغير علينا ،، دام انهم في البيت
الكل لازم يكون على الغدى او العشى ،، ومرات كثيرة على الريوق ،،

وان رحنا بيت الوالد الله يعطيه الصحة والعافية نتعمد
الأكل ما يكون الا بيمعة كاملة من المتواجدين ،،

طبعا اللي دوامه يحتم عليه انه يطول ماله مكان مابيننا في غيابه ،،

الله لا يغير عليكم ودام في جمعة على الاكل يعني في كلام ودام في كلام يعني في ترابط وفي روح مشاكة تجمع الكل شكرا لك على المشاركة




اللمه حلوه وفيها بركه

يد الله مع الجماعة واللمه جماعة وفيها بركة شكرا لك على المرور

[ANONYMOUS]

صعب الاجتماع وخصوصا للاسر اللي افرادها مشتتين في وقت الخروج من العمل من 1 ظهرا لين 3 العصر

الا اذا اتفقوا ان يكون الغدا 4 العصر


اما الاسر اللي تطلع نفس الوقت.. ضروري يقعدون مع بعض

وش وراهم

[MR X]

الغدا والعشا كلنا مع بعض اما الريوق مرات نجتمع كلنا ومرات بسبب اختلاف الأوقات كلن بروحه

ومافي احلى من اللمه الله لايغير علينا يارب

الله لا يغير علينا هالعادات الحلوة وشكرا على المشاركة


الحمدلله على كل حال


والله بدت تختفي الصراحه بسبب اوقات الدوامات وكل واحد يأكل بروحه ما عدا يوم الجمعه ...الكل يكون موجود


الله أجمعنا على طاعته

تختفي بالتدريج يمكن الدوامات ويمكن محد فيه صبر ينتظر الباقي يجتمعون مع بعض شكرا لك

[الباحثة م]

الدوامات واختلاف اوقاتها تجعل الاجتماع على وجبة الغدا صعبة

[MR X]

ليش على الغدى كلن يقول تقريره لهذا اليوم يعني موجز الاخبار وعلى العشى التفصيل 0؟؟؟

وهذا الشيء الحلو باللمه انه ماتنقطع الاخبار الكبار عن الصغار واخبار الكبار بينهم وبين بعض شكرا على المرور


:weeping:
أي والله راحت الأيام الحلوة

نحاول نرجعها حتى لو كان رجوعها صعب شكرا لك

[MR X]

هل الاكل مع بعض هو لمجرد الاكل والا الموضوع اكبر من ذلك ؟؟

الموضوع أكبر من ذلك بكثير .. يكفي وجودهم مع بعض
.. لمه في السوالف .. ولمه في الأحداث الي حصلت طول اليوم
ولمه في اتخاذ قرار معين .. ولمه عشان نراضي الزعلان ونونس الفرحان
ونهدي الفايز والربحان


وزحمة الحياه وسرعتها .. ما تركت لنا مساحات كبيره وايد نلتقي فيها
عسى الله لا يحرمكم كل غالي ويجمعكم على موائد الفرح والموده والحب والمناسبات الجميله


جملكم الله برضى الرحمن

هذا الى كنت ابي اوصل له التواصل في زحمة الحياة يقضى على مساحات التواصل بينا وبين باقي افراد الاسرة فالجمعة وطاولة الطعام او قعدة الاكل توفر لنا هالمساحة الى نحتاجها شكرا لك على المشاركة


وهو فيه شي يفتح النفس أكثر من جمعة أحبابنا ؟؟
أكيد الدوامات المتأخرة تأثر بالموضوع بس بالويكند الكل حاضر وماله عذر.

الدوامات المفروض يصير لها توحيد علشان الاسرة تجتمع مع بعضها مايصير نتحجج بالشغل ونهمل الاسرة اهم شيء ممكن يساهم في تقدم المجتمع

[MR X]

فعلا الاكل صاير مجرد للأكل .. اختلاف المواعيد ومدارس العيال كونت هذا التشتت .. التكنولوجيا والعولمة .. كبرت هذه الفجوة .. ياحلاة أول والاوليين .. عرفتوا ليش أحب الكبار بالسن ..
لأنهم هم اللي يلمون الشمل والعيلة .. فعلا لما الواحد يجتمع مع عيلته على طاولة الطعام يسمع اخبارهم ومشاكلهم ويسمع علوم البلد.. وأحلى شي ضحكاتهم وقفشاتهم .. فعلا أفتقد هالشي في بيتي لأسباب .. اختلاف المواعيد .. بس علومهم واخبارهم كلها عندي من ما ادخل البيت لين .. خخخخ
دمتم بود ..

الاوليين كانت حياتهم اسهل ومافيها كل هالتفاصيل بالحياة كل مازادت هالتفاصيل تقل مساحة الالتقاء على حساب هالتفاصيل ودمتي بود وشكرا على المشاركة


المشكله الرئيسيه والاهم هي جمعة الغدا ...
اهم جمعه واجملها .... المشكله هالاشغال الي ماتنتهي الا العصر
عفسة البطح ...

ليش مايخلون الناس اتداوم من 6 الصبح والساعه 1 مرخصين ...
مالنا ومال نظام هالغرب .

لازم يكون في توحيد للدوام بين الكل علشان يوفرون الوقت للاسر انها تجتمع مع بعضها المشكلة لو صار توحيد وظلت الاسرة ما تجتمع وشكرا على المشاركة

[MR X]

للاسف الاجتماع فقط يوم الجمعة ....

مواعيد الشغل اذبحتنا ..

نعم بس لو كان عندنا نية انه نجتمع ماراح تفرق معانا مواعيد الشغل بس هذا مايعني اني اختلف معاك بالعكس نتمنى توحيد الدوامات وان كان هالشيء صعب شكرا على المشاركة


يوم الجمعه هو اليوم الوحيد اللي نقدر نتجمع فيه مع بعض


أحلى الايــــام عندي

يوم الجمعة استثنائي في كل بيوتنا شكرا على المشاركة

[MR X]

موضوع اجتماعي احب استمتع بآراءه

موضوع الاجتماع على الغدى والعشى والريوق موضوع حلو وفيه ملخص الحياة اليومية للاسرة.. وهو يشبه اجتماع مجلس الوزراء الاسبوعي او البرلمان في الدول الأخرى..

يعني المواضيع المطروحة فيه خلاصة الكلام ويتم طرحها على الجميع ومن الجميع,, ومن خلالها يستطيع الأب والام يوميا توجيه الأبناء بعد الأخذ والعطا في الكلام ومراقبة سلوكياتهم اذا لاحظوا فيه انحراف.. لأن الأبن او البنت قد يطرحون كلام عام وقد يؤمنون به,, وممكن الأب والأم يستشفون من هذا الكلام السلوك اللي ممكن يتخذه أبناؤهم لو لم يتم توجيههم سواء بصحة الكلام من عدمه..


وبمناسبة الكلام عن الجمعة الأسرية في البيت,, كنت أتمنى أن يتم طرح موضوع منفصل عن أسباب انفصال الأسرة عن بعضها مع انهم عايشين في نفس البيت ومستانسين مع بعض..

يعني لو يتم نقاش طريقة تصميم البيت وهل له دور مستقبلا في اتحاد الأسرة او نفورها عن بعض على مدى السنين.. وليش بيوت أول كان تصميمها بسيط ولكنه يجبر الأسرة على الالتقاء دائما حتى لو كان الكل زعلان..

شكرا على المشاركة الطيبة اخوي وانا معاك تصميم البيوت اختلف يعني صارت الغرف كانها اجنحة منفصلة عن بعضها واسرفنا في تكبير البيوت على الفاضي والمليان يعني تصاميم زمان كانت البيوت ملمومه وكلن يعرف عن اوضاع الثاني ولازم نجتمع طيب غصب


الحمد لله ..
ســواء في بيتي ولا بيت هلي الغدا والعشا لازم الكل موجــود ..
أصـلاً حــلاة اليمعـــات بالذات هالأوقــات ~
الواحــد بنفسه ما يشتهي ياكــل ..
حتى عيالي عودتهم اذا انحط الأكل كلهم موجودين ولا مافي أكل بعدين ..:secret:

وهذا شيء مهم يخلي الجمعة تستمر قانون ناكل جميع او تنتظر الوجبة الى بعدها قانون عسكري بس يخلينا نلتقي مع بعض

[MR X]

فعلا
الاجتماع على الصحن يصفي القلوب اصلا
عشان كذا الناس كانوا يتحملون بعض فيما سبق
مو مثل الحين
الصحون تتباعد
والقلوب تتباعد

الفلوس تزيد الصحون تتباعد القلوب تصير اقسى بين افراد الاسرة الواحدة صدقت وشكرا لك


صعب الاجتماع وخصوصا للاسر اللي افرادها مشتتين في وقت الخروج من العمل من 1 ظهرا لين 3 العصر

الا اذا اتفقوا ان يكون الغدا 4 العصر


اما الاسر اللي تطلع نفس الوقت.. ضروري يقعدون مع بعض

وش وراهم

4 متاخر على الغدا وخصوصا اذا كان العيال يوصلون بدري بس مايمنع الاجتماع على العشا يعوض الغداء وشكرا لك

[MR X]

الدوامات واختلاف اوقاتها تجعل الاجتماع على وجبة الغدا صعبة

مواعيد الدوامات شكلها المتهم الاول والاخير الله يعين الجميع