شالحل مع هالدكتور !!

[نوفا91]

السلام عليكم ..
ماراح اطول وبدش بالموضوع ع طوول :weeping:


دكتوري فالجامعه ذبحني ويا الدرجات ...قاعد لي قعده ع اي شي ..يتعمد يسوي اي شي ينرفزني ..واللي يقهر اكثر اطرش له التقارير والواجبات يقول ماوصلني شي ولما اكلمه اقوله اني طرشت يقول لا ..واخر شي يقول تعالي لي المكتب عقب المحاضره وشيكي بنفسج والمشكله عقب لما اروح واشيك الاقيه موجود واحيانا يتعمد انه يضيع الوقت ويقول انا مشغول الحين عندي اجتماع ومن هالكلام ....واللي صج ينرفز اذا رحت لمكتبه تكون معاي وحده من رفيجاتي ..يلف صوبها يقول لها اي خدمه تقول لا بس جايه معاي يقول اسف انا ماقدر اشوف شغلي وازعاج ..!!!!!!!!!!! اي ازعاج ..والمشكله يرد بكل برووووود واخر مره عشان النشاط الحر قال ماوصله شي وتم يتكلم برود وباسلوب بنرفز انا هنييييه عصبت وبين علي اني تنرفزت منه ويرد باسلوب ابرد منه لا لا ليش معصبه مو انا اللي يتكلمون معاي بهالشكل ..!!


المشكله انا لي ثاني سنه واول كورس تخصص بروحي مضغوطه وابي من البدايه يكون المعدل عالي ..تكلمت مع اكثر من وحده اللي لهم كثير فالجامعه ع اساس اني اشتكي ع الدكتور الكل قال لا لان بيد الدكتور 50 % والباقي درجه الامتحان يعني يقدر يخسف بالمعدل ..ع الامتحان اذا حليت عدل عادي اقدر اكلمهم وهم يشوفون اذا الدكتور ظلمني بالدرجه والا لا ..لكن بالنسبه لدرجات النشاط والتقارير والكوزات ...متووهقه حدي :(

السموحه ع الاطاله ..

[روح الاطلس]

يمكن انتي تنرفزينه بعد؟!!

كوني حياديه أدي المطلوب منج وبس
مثلج مثل الطالبات
يبي واجباته بالوقت المحدد ارسليها له وعطيه نسخه مطبوعه بنفس الوقت
مايحب احد يتأخر
دشي على وقت المحاضرة

راجعي نفسج اولا ولا تتصورين احد بيستقعد لطالبة بدون سبب وبعد ماتراجعين نفسج فكري عدل قبل لا تشتكين الشكوى شنو بتسوي لج؟ بتحسن معدلج ولا بيهاوشونه لج؟ انتي بموقف ضعيف لاتحطين راسج براسه
اجتهدي وادرسي عدل وتعوذي من ابليس لاتحطين هالافكار براسج مستقعد ويناحس وبشتكي ومدري شنو
مو من صالحج

[هبوب الكوس]

السلام عليكم ..
ماراح اطول وبدش بالموضوع ع طوول :weeping:


دكتوري فالجامعه ذبحني ويا الدرجات ...قاعد لي قعده ع اي شي ..يتعمد يسوي اي شي ينرفزني ..واللي يقهر اكثر اطرش له التقارير والواجبات يقول ماوصلني شي ولما اكلمه اقوله اني طرشت يقول لا ..واخر شي يقول تعالي لي المكتب عقب المحاضره وشيكي بنفسج والمشكله عقب لما اروح واشيك الاقيه موجود واحيانا يتعمد انه يضيع الوقت ويقول انا مشغول الحين عندي اجتماع ومن هالكلام ....واللي صج ينرفز اذا رحت لمكتبه تكون معاي وحده من رفيجاتي ..يلف صوبها يقول لها اي خدمه تقول لا بس جايه معاي يقول اسف انا ماقدر اشوف شغلي وازعاج ..!!!!!!!!!!! اي ازعاج ..والمشكله يرد بكل برووووود واخر مره عشان النشاط الحر قال ماوصله شي وتم يتكلم برود وباسلوب بنرفز انا هنييييه عصبت وبين علي اني تنرفزت منه ويرد باسلوب ابرد منه لا لا ليش معصبه مو انا اللي يتكلمون معاي بهالشكل ..!!


المشكله انا لي ثاني سنه واول كورس تخصص بروحي مضغوطه وابي من البدايه يكون المعدل عالي ..تكلمت مع اكثر من وحده اللي لهم كثير فالجامعه ع اساس اني اشتكي ع الدكتور الكل قال لا لان بيد الدكتور 50 % والباقي درجه الامتحان يعني يقدر يخسف بالمعدل ..ع الامتحان اذا حليت عدل عادي اقدر اكلمهم وهم يشوفون اذا الدكتور ظلمني بالدرجه والا لا ..لكن بالنسبه لدرجات النشاط والتقارير والكوزات ...متووهقه حدي :(

السموحه ع الاطاله ..

مالج الا الصبر

[إينشتاين]

من حقك القانوني تشتكين عليه ولكن الشكوى فيها لفه طويلة وممكن مايكون عندك أدلة تثبت كلامك لو فتح تحقيق مع الدكتور....

فنصيحتي لك احذفي المادة لو الحذف لا زال مفتوح بس تأكدي قبل إن الدكتور مش محتكر المادة ومايطرحها إلا هو....

بالتوفيق

[نوفا91]

يمكن انتي تنرفزينه بعد؟!!

كوني حياديه أدي المطلوب منج وبس
مثلج مثل الطالبات
يبي واجباته بالوقت المحدد ارسليها له وعطيه نسخه مطبوعه بنفس الوقت
مايحب احد يتأخر
دشي على وقت المحاضرة

راجعي نفسج اولا ولا تتصورين احد بيستقعد لطالبة بدون سبب وبعد ماتراجعين نفسج فكري عدل قبل لا تشتكين الشكوى شنو بتسوي لج؟ بتحسن معدلج ولا بيهاوشونه لج؟ انتي بموقف ضعيف لاتحطين راسج براسه
اجتهدي وادرسي عدل وتعوذي من ابليس لاتحطين هالافكار براسج مستقعد ويناحس وبشتكي ومدري شنو
مو من صالحج


خيتو وانرفزه ليش اذا قلت لج اني اجي قبل المحاضره ب10 دقايق واسلم كل اللي مطلوب مني قبل الوقت المحدد وبالعكس ادرس للماده عدل وماعمري فكرت اني احط راسي براسه ...مستحيل ,,
بس اللي ينرفز اني انا ورفيجتي نطرش الواجب من نفس اللاب واجبها يوصل واجبي مايوصل شي ينرفز وكل ما اساله لقيت الواجب يرد علي عقب بعدين مشغول تعالي عقب المحاضره ..يخليني متوتره ..
ومشكوره خيتوو

[روح الاطلس]

معليه احسني الظن وانا ليه اقولج لا تفكرين بهالطريقة

لاني اعرف الدكاترة عدل
لاتكلمينه ولا شي

واطبعي له الواجب مطبوع وعطيه

ابدااا مو من صالحج الشكوى انسي الموضوع

ولو مو حابه تكملين احذفيها
بس الشكوى او انج تبينين له انه كذاب ماوصله الواجب او تحسسينه بعدم احترام ممكن ينقلب ضدج

( بعضهم الله المستعان فيهم عقد نفسيه :) ) انتبهي ولا تنسين ممكن تنجبرين تاخذين وياه اكثر من مقرر ساعتها شنو بتسوين؟؟ خاصة لو كان استاذ تخصص او محتكر بعض المواد ساعتها بتروحين فيها ووابشري بنزول المعدل ! نصيحة اسكتي عنه وانسيه

[A M A]

يمكن انتي تنرفزينه بعد؟!!

راجعي نفسج اولا ولا تتصورين احد بيستقعد لطالبة بدون سبب وبعد ماتراجعين نفسج فكري عدل قبل لا تشتكين الشكوى شنو بتسوي لج؟ بتحسن معدلج ولا بيهاوشونه لج؟ انتي بموقف ضعيف لاتحطين راسج براسه


هاذي المشكله إلي مرجعتنا لورى، دايماً نصدق ونساند الطرف الأقوى

السموحه أخوي - إختي روح الأطلس

وايد دكاتره مب بس في جامعة قطر في كل مكان فالعالم حتى في أمريكا يستقعدون
للطلاب وفي أمثله كثيره على ذلك

ساعات الدكتور ما يعجبه شكل الطالب فينفرزه ويتعامل معاه بحقاره

وأعرف طلاب فجامعة قطر يتشكون من الدكاتره وايد
لدرجة إنه في دكتور ما كان عاجبه إنه الكلاس معدله مرتفع
فراح نزل كل طالب درجه كامله يعني من أ إلى ب أو من a إلى b مب حتى a-

للأسف دكاترة جامعة قطر مادري على أي أساس شايفين نفسهم مع العلم الجامعه
من أسوىء الجامعات فالتصنيف العالم وما أعتقد عندهم الإعتراف الدولي
جامعه بحجم عشرة آلاف طالب ومصعبين الأمور

كليات إجتماعيه حتى مب جامعات يتجاوز عدد طلابها الـ 100 ألف ومستواها
التعليمي يتجاوز مستوى جامعة قطر بمراحل، لدرجة إنه من الخطأ مقارنة جامعة
قطر بهالكليات

،

بالنسبة لإختي صاحبة الموضوع، مالج إلا الصبر، والله يفرجها عليكم إن شاء الله

اخوكمـــ/ a m a

[FULL]

اذا كان عندك ما يثبت ، مثل رسائل الايميل بالواجب او البلاكبورد
او لو ظلمك بالدرجات الخاصة بالنشاط والواجبات

بامكانك رفع شكوى بشكل مباشر عليه عن طريق مكتب العميد اللي يتبع له الدكتور ، وانصحك تستفسري من سكرتارية العميد (بدون ما تذكرين لهم اسم الدكتور مبدأيا) وايضا اسألي العميد نفسه وقابليه واشرحي له الموضوع

وبالتوفيق ان شاء الله

[روح الاطلس]

هاذي المشكله إلي مرجعتنا لورى، دايماً نصدق ونساند الطرف الأقوى


اخوكمـــ/ a m a

بغض النظر عن مستوى الجامعه او الدكاترة اللي يعرفها الجاهل قبل المتعلم

مشكلة مثل اللي عند الاخت مانقدر ناخذها من جانب واحد

والحل الاسلم هو المشي جنب الحيط
نعم الدكتور بيده يرسب
وبيده يخسف بالمعدل
والمصيبه لو اضطرت تاخذ معاه اكثر من مقرر !!
ساعتها صج بيحطها في راسه وبعضهم ( نفسيات) مثل ماقلت

لذلك التفاهم افضل من طريقة الشكوى والخ
اما انها ترسل له الواجب وبنفس الوقت تذكره لما تشوفه بالمحاضرة او تقول له احتمال عندي مشكلة في الايميل وبعطيك الواجب مطبوع ( عشان تحكر له ومايكون له عذر) او على سي دي
وان كان فيه خير بعد يقول ما استلمت الواجب :) يعني تحاول تحط الغلط منها قدامه تقول له ايميلي احتمال فيه مشكلة او مافتح معك الخ

[شخص ما]

ممكن تقولين اي كليه واسم الدكتور:secret:؟للاحتيااط يعني اخااف اخذ عنده واصير انا الضحيه القادمه:(

[الباحثة م]

اللـه يكون بعـوونـج ..

شدي حيلج وسوي اللي عليـج .. وتوكلي على الله

[المتضرعه لله]

يابنتي لا تروحين بروحج وتجنبي المناقشات معه شكله يتلكك الله يكفيك شره

[بعيد النظر]

الله يعيييينج ويصبرج على بلواج ..
اخس موقف ممكن يصيد اي طالب جامعي !

والمشكلة الادارة دايما" عندهم الدكتور منزل من السما
و الطالب مب عاجبه العجب !!

وبعد فـ الدول العربية محد يقدر يكلم الدكتور لو وشو ..
ولو كلموه ودرى , بتمين 20 سنة تعيدين المادة !!



شدي حيلج وتوكلي ع الله ..
هذي شررر لا بده منه !

[بدون]

لا إله إلا الله

دكاترة جامعة قطر ما راح يتغير طبعهم

جربتهم ، و بعضهم إذا شاف على الطالب/ة بوادر النعمة تلكك له علشان ........

و هذي عن خبرة و الله على ما أقول شهيد ،،،

ما لج ألا تسوين اللي عليج بتسليم الواجبات على الموعد بالإيميل و مطبوع و انج تقولين

حسبي الله و نعم الوكيل

[فراشة ناعمة]

شوفي عزيزتي..

نصيحتي مني لج..إذا الدكتور قالج شي وهو اصلا غلط قولي له صح ومعاك حق..سكتي عنه قد ماتقدرين..

واذا قالج ماوصلني قولي له بكل هدوء انا ارسلته بس غريبة ماوصل ماعليه الحين بطرشه لك مرة ثانية..او خزنيه في سي دي وعطيه علشان يسكت ومايكون عنده عذر..

حاولي تجنبين اي تعليق منه..مثلا امتحني اوكي عنده..سلمي الواجبات والابحاث أول بأول علشان مايقولج اي شي..تجنبي تجبني النقاش معاه..جاوبي على قد سؤاله وبس..

ترى الدكاترة غير الحجي ماعندهم..وفي بنات كانوا يراددون الدكاترة تدرين ايش سووا فيهم؟

صاروا البنات يعيدون المادة والاخ مب راضي ينجحهم مع انهم شاطرات!!!

على العموم انا ماابي اخوفج..بس ابيج تكونين حذرة من تصرفاتج معاه..تخيلي انا مرة كنت اروح الاوفيس عند واحد من الدكاترة واعطيه بحوث كنت اسويها من نفسي واقوله دكتور هالمعلومة اللي قلت لنا عنها في لها قول ثاني غير اللي انت تقوله..واعطيه ادله واقوال واشياء كثيرة..شفت في عينه الوناسة ودايما يقولي بما اني ماطلبت هالشي منج بعطيج عليهم درجات..وانا على نياتي استانست حدي..ودرجاتي كانت اوكي بالامتحانات قلت باخذ عنده b+ بالاخير عطاني c+ ..صج قهههههر..تعلمت خلاص مااقول ولاشي..بس اجاوب على قد السؤال..

واذا بغيتي تروحين له الاوفيس ويااحد..حاولي تاخذين وحده معاج بنفس المقرر علشان يكون طلبكم واحد ويسكت وماتكونين بروحج..

أتمنى لج التوفيق في هالمادة وتاخذين فيها درجة عالية..ويبعدج من شره..دايما ادعي ربج من تشوفينه اللهم اكفنيهم بما شئت..

موفقة..

[مونديال]

هدديه بعمليه استشاديه اذا سقطك

[ANONYMOUS]

ونتي تطرشين الايميل

سوي نسخه bcc لعميد الكليه

او cc على حسب

وانا من رايي نفس الاخ اللي قال تحذفين الماده.. لان شكل هالدكتور واطي ..

[{meme}]

يمكن صج مايوصله شي لان انا كنت جي اطرش الواجبات على ايميل الدكتوره كل واحد بوقته
وبالاخير يوم عطتنا توتل الدرجات اكتشفت ان الواجبات ماكانت توصل لها يمكن ماوصل الا 2 او 3
فيمكن عندج مشكله فالايميل جيكي قبل

وبعد الدكاتره بالعماله يكون حاطج في باله ويبي ينرفزج فسكتي عنه وطبعي الواجبات وعطيه او بسي دي
الله يعينج وياما بتشوفيييييييين من هالجامعه

[نوفا91]

يمكن صج مايوصله شي لان انا كنت جي اطرش الواجبات على ايميل الدكتوره كل واحد بوقته
وبالاخير يوم عطتنا توتل الدرجات اكتشفت ان الواجبات ماكانت توصل لها يمكن ماوصل الا 2 او 3
فيمكن عندج مشكله فالايميل جيكي قبل

وبعد الدكاتره بالعماله يكون حاطج في باله ويبي ينرفزج فسكتي عنه وطبعي الواجبات وعطيه او بسي دي
الله يعينج وياما بتشوفيييييييين من هالجامعه

خيتو الواجبات والتقارير كلها توصله اكثر من مره تصير معاي ويوم اروح اتاكد معاه يقول السموحه مانتبهت بطلت واجبات مجموعه ثانيه :eek5:
ومره كان يصر ع ان التقرير ماوصله ورفيجتي يوم راحت تتناقش معاه ع التقرير تقول شافت تقريري موجود اعرفته من الايميل ..انا هنيييييييه شسوي ؟؟:weeping:
رفع ضغطي الله يرفع ضغطه :(

[{meme}]

روحي كلمي رئيس القسم لاتسكتين
لاتخافين مايقدر يسوي شي او ينزل من درجاتج لان لو صار هالشي في تظلم

وربي يوفقج

[سما الوطن]

خيتو وانرفزه ليش اذا قلت لج اني اجي قبل المحاضره ب10 دقايق واسلم كل اللي مطلوب مني قبل الوقت المحدد وبالعكس ادرس للماده عدل وماعمري فكرت اني احط راسي براسه ...مستحيل ,,
بس اللي ينرفز اني انا ورفيجتي نطرش الواجب من نفس اللاب واجبها يوصل واجبي مايوصل شي ينرفز وكل ما اساله لقيت الواجب يرد علي عقب بعدين مشغول تعالي عقب المحاضره ..يخليني متوتره ..
ومشكوره خيتوو

أختي على ما سمعت
من بدايه الفصل الدراسي في تغيير بنظام البريد في الجامعه
وكثر يعاني من النظام الجديد مثل ..دكاتره او موظفين
رسائل تضيع
رسائل ما توصل
اقصد ممكن فعلا يكون ايميلاتك ما توصله

[نوفا91]

::
أختي على ما سمعت
من بدايه الفصل الدراسي في تغيير بنظام البريد في الجامعه
وكثر يعاني من النظام الجديد مثل ..دكاتره او موظفين
رسائل تضيع
رسائل ما توصل
اقصد ممكن فعلا يكون ايميلاتك ما توصله

خيتو بعد البحث كان مطبوع ..وعطيته بعد يومين يقول فلانه انتي ماعطيتيني البحث ..

[القحطاني505]

أرى إنش تحذفين المادة أريح لش من وجع الراس

بعدين مثل ما قالت الأخت المتضرعة لله جزاها الله ألف خير تحملي تروحين لمكتبه بروحش لازم تاخذين معش وحده من البنات

[نوفا91]

أرى إنش تحذفين المادة أريح لش من وجع الراس

بعدين مثل ما قالت الأخت المتضرعة لله جزاها الله ألف خير تحملي تروحين لمكتبه بروحش لازم تاخذين معش وحده من البنات

رحت له المكتب تقريبا 3 مرات ومرتين طلع اللي معاي على اساس انه مايحب الازعاج ويخلص كل شي مع الطالب اللي يستفسر اي شي بخصوص مادته :(

[وسمي2016]

,,,,,

والله يعينكم طلاب وطالبات جامعة قطر

من شاف نظام القبول وطريقتهم,,,,

الله يعين كل محتد عليهم,,,,,,,,,,

[جغرافي قطر]

للاسف اختي ما فيه حل لمشكلتج نهائياً

ادعي عليه وخلي امج تدعي عليه

وتمصلحي معاه قد ما تقدرين ولما تخلصين الكورس امسحيه من ذاكترج للابد

انا كنت اسوي جيه

[المقهوره]

لا بصراحه بعض الدكاتره مب صاحيين

وعارفين ان الطالب ضعيف ومايقدر يشتكي لان النجاح بيد هالدكتور

وكلن ونصيبه مع هالدكاتره حسبي الله عليهم صاروا وباءءءءء

ولا احد يقول بشتكي على الدكتور وبربح ترى سوها ناس واجد واخسروا


اخذيه على قد عقله
واطبعي الواجبات وسلميها باليد افضل شي
ولا تتكلمين معه باستفزاز او عصبية
ترى الانسان يحس بالي قدامه حتى لو شاقه الحلج بضحكه يعرف مابي داخلك
خلك كووووووووووووول على طوووووووووووووووووووول