قانون خصم الرواتب

[^NoOOoR^]

مساكم الله بالخير و السرور و دهن العود
عندي استفسار وابي رد قانوني ..
بما إني في مدرسة مستقلة فصاحبة الترخيص نزلت تعميم يمنع منعا باتا غياب يومي الخميس أو الأحد (( غياب غير متواصل طبعا ))
ومن تغيب في هاليومين يعتبر غياب بلاراتب و يخصم من الراتب بل ويعتبر غياب 3 أيام ماضية وليست لاحقة ..
يعني ان غبت الخميس و داومت الاحد يعتبر غيابي الخميس و الاربعا و الثلاثاء غياب بلاراتب
وان غبت الاحد يعتبر غيابي احد و خميس و اربعاء
وسؤال ..
هل هذا التعميم يطابق قوانين الموارد البشرية ؟؟؟
و وين المجلس الأعلى عن مثل هالتعاميم ؟؟مع أن كل مدرسة فيها ملف للتعاميم التي توصلها من المجلس الاعلى فليش ما تطالب المدارس أيضا بملف للتعاميم الداخلية ؟؟؟

[mannoo66]

واللي تقول لك خصم 300 من راتبك اذا مانزلتي مع الطالبات في طابور للكافتريا او على البيت او خلال التنقل بين الصفوف؟؟؟؟؟؟؟؟؟؟؟؟؟ نطر الراتب من جيبهم؟؟

[هارودز]

الله يكون في عونكم

[الـمـحـنـك]

الحمدالله وشكرا هاي اكيد يبون يوفرون الفلوس يمكن لغرض خاص والله اعلم

لكن بس هاي مالها حل الي تخصم 300 اذ مانزلتي مع الطالبات ههههههههههههههههههههه

تحيا الحريه والله اااه يابطني

[mannoo66]

:
الحمدالله وشكرا هاي اكيد يبون يوفرون الفلوس يمكن لغرض خاص والله اعلم

لكن بس هاي مالها حل الي تخصم 300 اذ مانزلتي مع الطالبات ههههههههههههههههههههه

تحيا الحريه والله اااه يابطني

حسسسسسسسبي الله على مديرات المدارس خلونا مضحكه :( :weeping:

[hamoor4ever]

لاتسكتون عن حقكم كبرو الموضوع

[العقل الحر]

عادي اختي

هذا المعمول به في الدولة

[almaf1a]

مطابق لقانون المواد البشريه

[قطرية مثقفة]

أحنه في مدرستنا كل 3 أيام تأخير صباحي خصم يوم واحد راتب ،،،،، كل 3 أيام عدم حضور طابور الصباح لفت نظر ،،،،،، ماقول إلا حسبي الله ونعم الوكيل ،،،،،

[الرمـــاح]

الله يكون في عونكم

[intesar]

لا لا اشتكي عليهم هذا مو من قوانين الموارد البشرية

[ملاك]

ليش اختارت هاليومين ؟؟

اكيد بسبب كثرة الغياب هاليومين بدايه الاسبوع ونهايه الاسبوع

واذا ثبت هالشي اكيد معاها حق مليون بالميه ..

اليوم في الدوره التدريبيه في معهد التنميه معانا مديرة مدرسه وصاحبه ترخيص

اتصلت لها موظفه عندها تقول اليوم الخميس 12 مدرسه غايبه ؟؟!!

هل يعقل يعني ؟؟

وقالت يوم الاحد بحاسبهم وبتبع معاهم اسلوب ثاني

وبصراحه انا اشوف معاها حق شنو هالتسيب والاهمال 12 مدرسه غايبه اشدعوه من بقى في

المدرسه عيل

[Dawn]

يحليلكم ذكرتوني بالذي مضى

انا استقلت وافتكيت ولله الحمد

لكن من اسمع والا اقرا معاناة اي وحده تشتغل في المستقله يعورني قلبي لاني مجربه وحاسه بالذل اللي انتو عايشينه الحين ،،،

يعني اللي يحر ويقهر ان نص رواتب المدرسات ( القطريات ) رايح على التدريس وبروحه الراتب يفشل ... بعد تجي المديره وتذل الموظفه عليه كانه طالع من جيب ابوها وتخصم بطريقه جنونيه كأنها جوعانه وطايحه في عصيده تلم وتلقط في هالفلوس من كل صوب .. من المدرسات والطالبات واولياء الامور والشركات اعنبوه ما تشبعون من الفلوس ؟ صج صج شي يحررررررر ويقهرررررر ،، اذكر مديره كانت تخصم بالهبل لدرجة ان وحده انخصم من راتبها 3 الاف ريال والسبب تأخير 10 او 5 دقايق .. يعني يسوى يروح هالمبلغ والبنت تجي وتداوم وتوقف للعصر في المدرسه .. ما تشوف انها اتم لبعد الدوام ؟ ما تشوف انها تدفع من جيبها على شغلها ؟ عالاقل المفروض فيه مراعاه وعمل شوية توازن بين العقاب والثواب .. مب كله عقوبات وجزاءات ..

واللي يقول هالقانون من الموارد البشريه لا غلط القانون اللي عليه خصم 3 ايام اذا غبت الخميس وبعدين في الاسبوع اللي بعده غبت الاحد .. هذا القانون المعروف .. الا اذا فيه تغييرات جديده مادري ..

بس انتو لا تستكتون ناقشوا المديره باحترام وشوفوا يمكن تحاول تعدل فيه لان لائحة الجزاءات المطبقه في المدارس كلها شغل المديره والنائبات .. وياخذون شويه من قانون الموارد ويزيدون عليه ..

[Dawn]

ليش اختارت هاليومين ؟؟

اكيد بسبب كثرة الغياب هاليومين بدايه الاسبوع ونهايه الاسبوع

واذا ثبت هالشي اكيد معاها حق مليون بالميه ..

اليوم في الدوره التدريبيه في معهد التنميه معانا مديرة مدرسه وصاحبه ترخيص

اتصلت لها موظفه عندها تقول اليوم الخميس 12 مدرسه غايبه ؟؟!!

هل يعقل يعني ؟؟

وقالت يوم الاحد بحاسبهم وبتبع معاهم اسلوب ثاني

وبصراحه انا اشوف معاها حق شنو هالتسيب والاهمال 12 مدرسه غايبه اشدعوه من بقى في

المدرسه عيل


اختي فيه اجراءات المفروض تتخذ تدريجيا قبل الوصول الى نقطه خصم 3 ايام ..

فيه اجتماع مع المنسقات واجتماع المديره مع جميع الموظفات ،،، فيه تعميم يوزع على كل الموظفات ,, فيه انذار شفوي فيه انذار كتابي

فيه تكريم للمميزات بالحضور ..

اشمعنى الخصم ؟؟؟
واشمعنى 3 ايام ؟؟؟؟

هل هذا يدل على خوف المديره على مصلحة الطالبات ؟؟

ام رغبتها بتجميع اكبر قدر ممكن من لفلوس من هالفقارى المساكين

[Dawn]

وبعدين الشي اللي اعتقد يضايق اي موظفه بالمستقله مب القانون وبس لا لا

الاسلوب للمديره

وهي تحسس الموظفه سواء مدرسه او اداريه ان الراتب هذا جاي من جيبها اذا رضت عنج عطتج الراتب كامل وذا ما رضت اخصمت على اتفه سبب ،،،،

شوفي ملاك انا ما صار معاي هالشي الحمدلله ،،، لكن كنت اشوف بنات وايد يتعرضون للذل من المديرات على اخطاء تافهه ،،

ما اظن ان هالشعور تحس فيه اي موظفه في اي وزارة الا بالعكس تحس ان راتبها يجيها من الدوله لانها خدمتها وتستحق تاخذ اجر تعبها ... واي مخالفه تكون بناء على قانون ثابت ومحدد ومطبق على الكل مب على ناس وناس وعالمزاج مثل اللي نشوفه في المستقلات ..

[La Bella]

أشدعوة على 5 وعشر دقايق تخصم عليهم
ليكون تدفع لهم رواتب من جيبها الخاص مثلا