عيب والله

[La Bella]

جاني أتصال من الموظفة بالمحل وتخبرني أن في ثنتين جاو المحل وحدة بحدود ال 45 والثانية أصغر شوي
وحدة راحت صوب الأكسسوارات والثانية عند البجامات
الي بحدود ال 45 لابسه نقاب وتمت تلقط من الاكسسوارات وتحطهم بشنطتها
والموظفة تسوي نفسها ماتشووفها وبعد ما ترست شنطتها جاتها الموظفة وقالت لها ليش تسوين كذا ليش قامت تقول أنا مش حرامية والخ وأرتفع الصوت
وفتحو شنطتها :anger1: سارقة وش قد أكسسوارات
والمحل مراقب بالكيمراء يعني لو أبي أسوي لها مشكله أقدر
بس عشان عمرها والله خليتها تروح

[المفترسه]

اجانب ولا قطريات:omg:

[La Bella]

اجانب ولا قطريات:omg:

زي قطري بس مش قطريات
وعلى طول طلعت من المحل بسرعة وطلعت من المجمع بكبرة

[موضي قطر]

اختي لابيلا المفروض بلغتي عليهم بغض النظر عن سنهم هذا رايي ..
و الله يعين والحمدلله قلتي مب قطريات

[أبو الـمها]

المفرووض بلغتي عليها
والي سويته بيكون (( العفو عند القدره ))[

[هدهد سليمان]

في ميزان حسناتك .. وان شاء الله يكون درس لهم .. من ستر على مسلم ستر الله عليه ..

[الباحثة م]

اللـه يهديـهم ..

[tarek]

لازم تخبر مره ثانيه( وان شاء الله ما تنعاد )
وأذكرك بقول الرسول والله لو ان فاطمه بنت محمد سرقت لقطعت يدها وحاشها ان تفعل ذلك
الاجدر ان تخبر عنها وحصل خير ونسال الله ان يرشدها الصواب وتكف

[La Bella]

اختي لابيلا المفروض بلغتي عليهم بغض النظر عن سنهم هذا رايي ..
و الله يعين والحمدلله قلتي مب قطريات

الله يستر عليهم يمكن لاني أول مره تصيدني هذي الحركة خليتهم يروحون

[ra3shat hadab]

جاني أتصال من الموظفة بالمحل وتخبرني أن في ثنتين جاو المحل وحدة بحدود ال 45 والثانية أصغر شوي
وحدة راحت صوب الأكسسوارات والثانية عند البجامات
الي بحدود ال 45 لابسه نقاب وتمت تلقط من الاكسسوارات وتحطهم بشنطتها
والموظفة تسوي نفسها ماتشووفها وبعد ما ترست شنطتها جاتها الموظفة وقالت لها ليش تسوين كذا ليش قامت تقول أنا مش حرامية والخ وأرتفع الصوت
وفتحو شنطتها :anger1: سارقة وش قد أكسسوارات
والمحل مراقب بالكيمراء يعني لو أبي أسوي لها مشكله أقدر
بس عشان عمرها والله خليتها تروح




اختي البوق مش عــــــــــيب

.
.
.
.
.
البوق حراااااااااااااااااااام يالغالية

ولبست نقاب عشان تسهل على روحها ومحد يكشفها لكن امر الله فوق كل شي
ليتــــــــج مبلغة عنها..
لانها لو ما تأدبت بـ تبوق محل ثاني
هالأشكال ما تتوب.

وما تشوفين شر حبيبتي

[وحيد-الشوق]

بل شالعالم ذيلا الواحد اذا ماعنده يروح يبوق يعني ؟؟؟ استغفر الله

وايد طيبة كنتي معاهم لو احد غيرج كان راوهم النجوم في عز القايله

[عندما اريد]

لعيب والغلط
الي انتي سويتيه
ان انتي خليتيهم كذا
يؤذون غيرك
اللي مثلهم ماينسحى منهم
ابد ابد ابد ابد

المفروض تصير عبره لها في حياتها
وتصير هي بنفسها عبره لمن يعتبر

استغفر الله العظيم

لا وليتها ماخذه ذهب او الماس
اكسسواااااااااار لا يودي ولا يجيب
يعني تسرق وتعصي ربي عشان شي تافه

استغفر الله
ولا الشين وقوي عين
انها تنكر بعد

لا لا
رفعتو الضغط عندي
يااااااالله
حسبي الله عليهم من اشكال ملوا البلد

[طارق العلي]

وجهة نظري يجب على الجهات المختصة تنظيف البلاد والعباد من هولا اللصوص ووضعهم خلف القضبان

وكذالك تنظيف جميع الاسواق من التجار واصحاب المحلات الحرامية اللي يتلاعبون بارزاق الناس البسطاء

ووضعهم داخل سرداب تحت الارض يكون قريب من الاسواق ويسمونه سجن العسيري او سجن واقف

[La Bella]

المفرووض بلغتي عليها
والي سويته بيكون (( العفو عند القدره ))[

حظهم أني كنت بمزاج رايق اليوم :)

[لله الحمد]

ياما شفنا .. هالبوقات في محلاتنا .. بس الصراحه نسامح مادري ليش ..

نقول مافي امل نسامح .. اذا شفنا مرة ثانيه .. بس بعدين ينكسر الخاطر ..

يعطيج العافية الشيخه على العفو

[بو راشد 1]

من زمان واحد من الجماعه عندة محل عود، المهم لما يمسكون واحد يبوق يبلغون عليهم الشرطه و على طول ابعاد (الداخليه ما عندهم كيري ميري) قال ما يسوى عليهم، ايسوى؟
اذا صادو الحرامي يوقعه على ورقه اعتراف و تعهد انه ما يبوق و يدفعه غرامه 500 ريال و يحطها في صندوق الجمعيه الخيريه اللي في محله و يخليه يروح لحاله.

[راعي المها]

الله يعينج لين الحين ماشفتي شي ووفقج في مشروعج

[شيط ويط]

محلج اي صوب ؟

[بـــــــنت النوخـّــــذه]

اذا كل من شاف حرامي وخلاه قال بستر عليه ادمرت الدنيا

[La Bella]

محلج اي صوب ؟

مجمع وذنان الدور الاول

[خليفـة]

حظهم أني كنت بمزاج رايق اليوم :)

معناة كلامج لما تكونين بمزاج رايق تتسامحين لأبعد الحدود !
ولما يكون مزاجج متعكر ما تتسامحين بسهولة !

باختصار قصدج انج : مزاجية !

عموما .. الي سويتيه غلط الشيخة .. وكان الأولى والأجدر انج تبلغين عليهم الجهات المختصة حتى ينظفون البلاد من هالاشكال القذرة .. وفي مثل هالأمور المزاجية مالها مكان الشيخة
لانج بهالطريقة تساعدين في انتشار هالآفة الخطيرة للأسف والسبب المزاجية الي انتي ذكرتيها .

الله كريم

[La Bella]

معناة كلامج لما تكونين بمزاج رايق تتسامحين لأبعد الحدود !
ولما يكون مزاجج متعكر ما تتسامحين بسهولة !

باختصار قصدج انج : مزاجية !

عموما .. الي سويتيه غلط الشيخة .. وكان الأولى والأجدر انج تبلغين عليهم الجهات المختصة حتى ينظفون البلاد من هالاشكال القذرة .. وفي مثل هالأمور المزاجية مالها مكان الشيخة
لانج بهالطريقة تساعدين في انتشار هالآفة الخطيرة للأسف والسبب المزاجية الي انتي ذكرتيها .

الله كريم

مرحبا أخوي خليفة
وحدة بعمر 45 او أكبر أكيد عندها عيال بالمدارس حرام أحرمهم ويتلتهون
بسبب نزوة الأم

[راعي الدتسن]

في ميزان حسناتك ..

[خليفـة]

مرحبا أخوي خليفة
وحدة بعمر 45 او أكبر أكيد عندها عيال بالمدراس حرام أحرمهم ويتلتهون
بسبب نزوة الأم

الله يرحب بج الشيخة
اسمحي لي اختلف وياج بهالنقطة
الي بهذا العمر وتسوي هالسوايا .. ماتستحق تكون أم من الاساس
وتستحق اقصى عقوبة
وما أبالغ لو قلت انها تستحق حرمانها من أطفالها لو كان لها أطفال
حتى تعرف كم كانت رخيصة في نظر نفسها ونظر الاخرين لما كانت تبوق من حلال الغير

انا أكد لج الشيخة انج مب أول وحدة تبوق من محلها
انتي كنتي بتكونين الأخيرة لو انج بلغتي عليها .. وتسببتي في ابعادها
وكنتي بتريحين الناس من شرها
ولكن .. وللأسف الشديد
كنتي بمزاج رايق
وقررتي تمشينها

الله يعين الي بتبوق من محله غيرج في المرة الجاية .. والله يعوضه خير مسبقاً

خليفـة

[ام ناصر1]

في ثواب والديج ...من ستر على مسلم ستره الله في الدنيا والآخرة ...
وطيبتج نادره هالايام ....

[بـــــــنت النوخـّــــذه]

ياشين اللي يقلدون الناس بالردود اخوي خليفه كلمة الجهات المختصه وكلمة ينظفون البلاد حقتي انا قلتها قبلك شوف ردي

عندك كلمات واجد بالقاموس العربي . . . او مب لازم تقول ينظفون كان قلت بلدية واحنا بنفهمها

ماعندك سالفه 000يا فنان الكوميديا الاول في الخليج المصطلحات مكتوبه باسمك اهههه ::looking::

[روح الاطلس]

جميل جدا

العفو عند المقدرة

احتسبي الاجر

وزين خليتيها تولي ماتدرين يمكن الاحسان لها بيعدل سلوكها

احيانا تصرفات بعض الاشخاص تكون من دوافع نفسيه ممكن مش محتاجه اصلا للاكسسوار بس حاجة نفسية تعودت تنشل وتتمتع بالنشل لكن بالعفو ممكن تتغير ( اقول ممكن)

[(بوطلال)]

والهدف من الموضوع؟

سويتي عمل خير يكون بينج وبين ربج ماله داعي تخبرين الكل عنه .

اما اذا القصد دعايه لمحلج فهالطريقه حلوه وجديده علينا .

[La Bella]

والهدف من الموضوع؟

سويتي عمل خير يكون بينج وبين ربج ماله داعي تخبرين الكل عنه .

اما اذا القصد دعايه لمحلج فهالطريقه حلوه وجديده علينا .

سبحان الله تصدق عاد نسيت أحط عنوان محلي في أي مجمع بالموضع عشان تكون الدعاية أقوى :rolleyes2:
الهدف من الموضوع أخوي مش دعايه التنبية على التجار من أصحاب النفوس الدنية

[طارق العلي]

والهدف من الموضوع؟

سويتي عمل خير يكون بينج وبين ربج ماله داعي تخبرين الكل عنه .

اما اذا القصد دعايه لمحلج فهالطريقه حلوه وجديده علينا .


ههههههههههه اخوي ابو طلال الاخت تنبهنا من الحرامية اللي في الاسواق كان هذا الحرامي زبون او تاجر ! !

بأمانه اخوي بكل زنقه وبكل سوق وبكل محل وبكل مول بتحصل الحرامي وبتحصل الشريف من الطرفين ! !

بعض التجار واصحاب المحلات حرامية ومايخافون الله . . . لنا الله اخوي ولهم الحسره والغم على كل ريال حرام يدخل في خزائنهم من عرق الناس الغلابه

[La Bella]

اختي البوق مش عــــــــــيب

.
.
.
.
.
البوق حراااااااااااااااااااام يالغالية

ولبست نقاب عشان تسهل على روحها ومحد يكشفها لكن امر الله فوق كل شي
ليتــــــــج مبلغة عنها..
لانها لو ما تأدبت بـ تبوق محل ثاني
هالأشكال ما تتوب.

وما تشوفين شر حبيبتي



معاج أختي البوق حرام وتصرفها عيب
والله راح يحاسبها أن شاالله

[weeks]

الله يستـر عليك دنيا وأخره زي ماسترتي عليهن

يا أخوان الشغلات الي زي كذا أدعو لهم بالهدايه

الله يصلحهم ويرشدهم للطريـق الصحيح