المهرجان البحري وموقف بايخ حصل لي ولغيري !!!

[qtrose]

بالأمس ( الخميس ) ورغم إرتباطي بزيارة بعض الأقارب لمناسبات خاصة فيهم من خطوبة ، ولادة ، ...الخ . إلا أنني فضلت إني أتفرغ لعيالي حفظهم الله. قررت إني آخذهم للمهرجان البحري والي مدحوه لي زميلاتي بالعمل. إتصلت بزوجي المسكين وهو مشغول جداً هالأيام في عمله. في البداية سمح لي آخذ الأطفال مع الخادمة بنفسنا ، لكني أصريت أنه يجي معانا لأني مش متعودة أسوق سيارتي في الدوحة ومن كثر قعدتي بالبيت صرت ما أدل الدوحة ولا حتى أعرف أسماء مناطق ويامة ضيعت . وافق أبونا الله يجزيه الخير أنه يجي معانا وأستأذن من مسؤله وعلى الساعة 3.30 العصر طلعنا من البيت ووصلنا هناك تقريباً الساعة 4 العصر . لما وصلنا هناك زوجي مسك الطابور الطوييييييل علشان ياخذ لنا تذاكر لعرض الفقمات ، وبهالأثناء طلب مني علشان ما نضيع الوقت اني آخذ الأطفال في جولة بين الخيام ونشوف الفعاليات. الساعة 5.15 تقريباً جاب التذاكر وقال المسؤولين مشترطين أن كل طفلين يكون معاه شخص بالغ ، يعني 2 من عيالي معاي و2 مع أبوهم والخادمة نخليها تنطر برع، لما قربنا من مكان العرض وما تتخيلون شلون الزحمة صايرة ، قامت بنتي الي عمرها سنتين تحن وتصيح من الزحمة فطلبت من الخادمة تمسك لي اياها فقال أبونا دخلوا داخل وأنا بنطركم برع . المهم لما قعدنا وقبل العرض بكم دقيقة قامت وحدة من الموظفات والي للأسف شوهت واجهة العرض وقامت تتكلم بأسلوب حاد : ( جاتنا أوامر الخدم يطلعون ! ) ولما ناقشتها، قالت لي أنا مالي خص ، كلمي المسؤلة . جات المسؤلة ( خليجية ) ! وعليها لبس رياضي وطبعاً سفور الله يستر علينا وعلى عيالنا وقالت لي الخدم لازم يطلعون عشان نعطي أكبر قدر من المكان للأطفال ! قلت لها والخدم مالهم رب ؟! قالت: لهم رب بس العرض للأطفال والأولوية لهم ، قلت لها طيب بنتي الصغيرة من بيمسكها ؟ ردت علي بكل وقاحة : مش إنت الأم ؟ إمسكيها إنت ! ، طبعاً هي لا حجاب ولا عباية ، عليها لبس رياضة تتنطط وتقفز وتركض مثل ما تبي ، لكن أنا مع عبايتي وشيلتي ونقابي وين أقدر أمسك بنتي العسرة قدام خلق الله ! والله يا ناس صعب علينا احنا المنقبات نراكض ورا الصغار ، الوحدة فينا مع حشرة الناس ومع عدد الأطفال أمسكهم بنفسي ، يا إن الزوج يساعد أو الخادمة تتعاون! طبعاً ولأني شايفة خير ولله الحمد وأبونا طول الله بعمره سفرنا لأماكن كثيرة و زرت عالم البحار بأمريكا وشفت عروض الدلافين والحيتان ، قلت أنا مش ميتة على عرض الفقمات مالكم ! لكن بصراحة أنا طالعة لأن ما يشرفني أقعد بمكان ما فيه تنظيم وترتيب ! وللأسف حاطين ناس همج ما عندهم اسلوب ولا حسن إدارة !
وسامحوني على الإطالة.

[(عبدالله)]

المهرجان البحري على روعة العروض اللي قدمها الا انهم كانوا فاشلين في طريقة توزيع التذاكر على الجمهور وكذلك على طريقة توضيح الإرشادات بحيث ان الواحد لازم يعرضون عليه القواعد قبل لايقرر انه يوقف في الطابور الطويل.

الامر الثاني وقاحة بعض المشرفين او المشرفات بالأسلوب المترفز وفي طرقة تعاملهم مع الجمهور.

الله يعينج اختي وماجورة ان شاء الله

[حسن]

صراحه ولا تزعلين المشرفه معاه حق انتي وابو العيال رايحن لازم بعد الخدامه اللي سارت ميدليه في كل مكان رازينها

[Bu Rashid]

مشكوووره اختي بطرح الموضووووع
والله يبارك فيك وفي عيالك والله يخليهم لك ويتربووون في عزكم

أختي اول امس تكلم احد الاخوة القطريين في وطني الحبيب وطالب بان تكون المقاعد
للاطفال مع اولياء الامور واخراج الخدم
وفعلا فعلوا ذلك استجابة لهذى الطلب من خلال وطني الحبيب

انا ضد هذى القرار .. الخدم يهتمون بالاطفال مع بعض العوايل
ولهذى يجب معاملتهم جزء من العائله وعدم التفرقه

رضى الناس غاية لا تدرك

[المزن الرياني]

المشرفه على حق ولبسها ماله خص بالموضوع
وجات شكاوي بوطني الحبيب ,الخادمات اكثر من الاطفال بالعروض

[أسد الجزيرة]

السبب المقاعد محدودة حوالي 250 كرسي و الاطفال لهم الاولوية

[بوهلال]

ليش رازه الخدامه معاكم...ونتي شغلتك حريم اخر زمن...

[hamoor4ever]

مدري شنو المشكله بالضبط ؟؟ ادخال موضوع انها خليجيه سفور مدري شدخله ، والنقاب والعبايه هل تمنع ان انتي تمسكين بنتج ؟؟ بعدين اختي الكريمه دام مب قادره تمسكين عيالج بالطلعه ماكان فيه داعي للخروج والخدامه مفروض مكانها البيت وبصراحه معاهم حق يعني احنا نطلع نستانس وياعيالنا نلاقي خدم بالهبل ورانا بسبب ان كل طفل له خدامه ، اقول بس تركو عنكم الدلع ومسكو عيالكم

[جبل]

السلام عليكم ورحمة الله


أختي عفوا !! انتي وبوعيالج غلطانين !

اولا : مالج حق توصفين الموظفه بأنها سفور او خليجية او او او ! هي كانت تنفذ اوامر جاتها من ادارة المهرجان وماله خص لبسها او شكلها بتنفيذ هذه الاوامر لانها لو سمحت لج ولغيرج تدخلون الخدامات هي اللي بتتعاقب لانها ما نفذت الاوامر اللي ياتها من الادارة !

ثانيا : الخدامه ما كان لها داعي اصلا وانتي طالعه مع عيالج وابوهم طلعه عائلية !
يمكن بس مب اكيد يكون لج حق انج ما تقدرين على بنتج وانتي بعباتج و نقابج ومادري ايش مثل ما قلتي بس كان المفروض ابوها هو اللي يتعبل بها مب الخدامه ! ليش خليتي الابو يطلع والخدامه تدش !!


ثالثا : اسمحيلي الموضوع ماله داعي !

ما تعرفون تمدحون شي لين النهاية لازم كل شي يسوونه لكم تطلعون فيه مليون عيب !

صج ما يعجبكم العجب !

لو ما كنتي موديه الخدامه معاج كنتي نقدتي على الناس اللي مودين خداماتهم وياهم ومضيقين على اليهال !


اتمنى ان رأيي ما يزعجج بس هذا هو الصج

[المستعينه بالله]

الصراحه العوائل القطرية مالهم مكان في المهرجان

أندش المهرجان ونحس بالغربه والخجل خاصه عيالنا.. كأن داخلين مهرجان مب في بلادنا .

عوائل فلبينية وهندية وباكستانية وشامية ترسو المكان وزحمه كبيرة

عيالهم ماخلوا مكان حق عيالنا .

وما ستنسنا في المهرجان بسبب هالزحمة

ولاتوجد مواقف سيارات .

ياريت يخصوص ساعه بس حق هالقطر المظلومين في المهرجان البحري:(

[لمعة الالماس]

المهرجان روعه

وانا مع انه الخدم برع

اذا كل عائلة جابت معاها خدامة والا ثنتين والكراسي محدوده

فالأولوية للأطفال واهلم لان وايد ناس تبي تدخل

والمفروض البنت يمسكها أبوها خاصة انج تقولين طلعتوه من الشغل عشان يروح معاكم فليش تم برع العرض

القرار صائب

[الشامخ]

المهرجان زحمه كله هنود واجانب وهمج مافي احترام او ذوق وتنظيم سي جدا ،،، نطالب بتخصيص ايام للقطريين والخليجين ،

[هبوب الكوس]

حصل خير

زيارة الاقارب احسن لا زحمه ولاغيره

ولا يمنعون دخول الخدم

[chillis]

انا اشوف الخدامه مالها داعي واللبس الي ذكرتيه مايخصه وهي نفذت اوامر فقط وبعدين شدخل النقاب بمسكت العيال وبخصوص انه اجانب ليش هالعنصريه تراهم اوادم مثلنا ومايجوز نقول هالكلام الناس سواسيه كاسنان المشط لكن للاسف عند بعضنا اسنان المشط غير متساوي شي طويل وشي اقصر وهذا رايي بس

[ذيب ولد ذيب]

من وجهة نظري كلام المنضمه صحيح اذا كل وحده خذت خدامتها ماخلينا مكان للاطفال !

وسالفة ان النقاب يخرب على المره هذا عذر مش واقعي , ما ادري هل العيال بتربطينهم بالنقاب مثلاً ؟؟ هذا عذر حريمنا ! والله اني اشوف الوالده اقول الله يعطيها العافيه ولاعمرها اشتكت من النقاب مثل بنات اليوم ,,

وموضوع التنظيم مفروض يكون هناك تنظيم افضل سواء على مستوى ساحات العروض الكبيره او يكون هناك كاونترات للتذاكر ووقفة الطابور مالها داعي اذا كان هناك تنظيم ,,

[المفترسه]

اول شي لا تزعلين من كلامي
شحقه كاتبه تفاصيل حياتج وشغل ريلج وقعدتج وطلعتج مب شي الصراحه
والحين جايه تتشكين انج ماتقدرين تشلين بنتج لانج متنقبه خوش عذر
هاي وانتي متنقبه يعني ملتزمه المفروض محد يزخ بنتج ويشلها الا انتي لانج امها
مب تقطين اعيالج عالخدم وانتي وش شغلتج الا ترزون الخدم وراكم وتقطون اعيالكم عليهم
وبخصوص السافره المتبرجه الله يهديها ويستر عليها ماله داعي التشهير

[بسك يازمن]

للامانه

انا كأب مااتذكر اني طلعت طلعه عائليه مع ام عيالي واعيالي واخذنا معنا الخدامه مع ان

زوجتي منقبه وعبايه وشيله ووو وعندي طفل مو طفله عسر واعسر بنفس الوقت

لكن ان اخذ معاي الخدامه !!!! احسها عيب في حقي ،، لازم العيال احنا الي نربيهم والطلعه نخليها فرصه لتصحيح وتوجيه العيال وسلوكهم. او اقعدهم بالبيت الى ان يتربون وتكون الطلعه لهم مكافأه، لكن من الخطأ ان اعمل بالمثل

ماقدرت على الحماره فاتشطرت على المسؤوله اقصد البردعه

المهرجان انا رحته ومعاي الاولاد وامهم وكان يوم عادي بنص الاسبوع والله سهالات ومع وجود الزحمه الخفيفه والتي لاتذكر الا انن اخذنا راحتنا.

العوايل القطريه وغير القطريه، اعتقد هذي شويه صعبه، ان نفرق بينهم لانهم بشر، وقطر تنادي بحقوق الانسان والمساواه ، ونجي هنا ونفرق، وبعدين شفيهم ا لهنود !! على الاقل عندهم نووي ياحظي

واخيرا، الي يحب الراحه لايروح في الويكند ويتشكى،

[شموخ قطر]

المهرجان زحمه كله هنود واجانب وهمج مافي احترام او ذوق وتنظيم سي جدا ،،، نطالب بتخصيص ايام للقطريين والخليجين ،

انا اؤيد هالراي لان الاجانب ماخلونا نستانس وضيقوا علينا من الزحمه

والكل يشتكي المفروض تكون في ايام مخصصه فقط للقطريين

[العقل المدمر]

ما شا الله وايد حلو اسلوب اعضاءنا في النصيحه :(

[الراقيه سبشل]

الصراحه العوائل القطرية مالهم مكان في المهرجان

أندش المهرجان ونحس بالغربه والخجل خاصه عيالنا.. كأن داخلين مهرجان مب في بلادنا .

عوائل فلبينية وهندية وباكستانية وشامية ترسو المكان وزحمه كبيرة

عيالهم ماخلوا مكان حق عيالنا .

وما ستنسنا في المهرجان بسبب هالزحمة

ولاتوجد مواقف سيارات .

ياريت يخصوص ساعه بس حق هالقطر المظلومين في المهرجان البحري:(



لاتعليق بصراحة على كلامج :)

:thumbdown:

[الأصيلة]

انا اؤيد هالراي لان الاجانب ماخلونا نستانس وضيقوا علينا من الزحمه

والكل يشتكي المفروض تكون في ايام مخصصه فقط للقطريين

:nice::nice::nice:

[feva qatar]

المشرفه على حق ولبسها ماله خص بالموضوع
وجات شكاوي بوطني الحبيب ,الخادمات اكثر من الاطفال بالعروض

:nice: صح لسااانك

المشرفة السفور .. المساله شخصية وكيفها في دينهاا

وعلى فكرة .. التعليق على الزوج بكتابة ( ابونا ) :secret: مالها داعيي .. :victory:

[الباحثة م]

يوم الأربعاء آنـا شفت بنتيــن في العشرين تقريباً ومعاهم 3 خدامـات .. قاعدين كلهم في نفـس الصفّـة في عرض الفقمـة !!!

ليش محد طلعهـم ..

[qtrose]

أشكركم على ردودكم الراقية ، بيض الله وجيهكم ...

يقول المثل : الي يده في الماي مو مثل الي يده في النار !!!

اولاً: الحمد لله عيالي وأنا أعرف أربيهم وهم أهم شي في حياتي

أتنازل عن كل شي في هالدنيا إلا عيالي دوم معاي وين ما رحت .

محد يقدر يشككني في تربيتي لهم .

والي يقول شاطرة تقطين عيالج على الخدم فما أقول إلا ( جزاك الله خير !!!

وأحسنت ما قصرت ). يعني الحين أنتوا الي مستغنيين عنهم :funny:

ثانياً: الي يقول لبسج للنقاب مش عذر، أقول لك جرب البس نقاب واتمشى

مع أربع أطفال وأغلبهم حركيين، والجو هوا !!! أتحداك لو تتحمل نص ساعة !!!

يعني بالله عليك لو واحد فيهم فجأة ركض ، تبيني أركض وراه قدام الناس! :omen2:

والله انك بتحرم تطلع معاهم مرة ثانية.


ثالثاً: الي تقول ليش كاتبة قصة حياتج وليش زوجك طالع من الشغل، ترى أنا

ما كتبته عبط ! القصد أن على هالعنوة والتعب والوقوف في طابور لأكثر من ساعة

المفروض من سبق لبق !! مش لما يجي دور العرض الناس الي كانت واقفة من

أول العصر يطردونهم والي توهم جايين يدخلونهم ، فهمتي؟ ولا أفهمج بعد؟


رابعاً: الي يقول ما في داعي تقولين أبونا ؟؟ شنو الي مزعلك ؟ عسى ماشر ؟

اي نعم أبونا وعمنا وجدنا بعد ، عندك مانع ؟؟؟!


خامساً: الي يقول ما يعجبكم العجب ، الحمد لله عاجبنا لكن الي ضيق خلقي سوء

تنظيم المهرجان ، يعني لازم أكون سلبية مثلك وأقول أن المهرجان عظمة على عظمة !

ونقعد نجامل ! لازم ننتقد السلبيات علشان يتعلمون وما يكررون الخطأ مرة ثانية !

[qtrose]

ونسيت أرد على الي تفكيرهم ضيق وانتقدوني على نقدي للمسؤولة

السفور ! الي قصدته ، و للأسف مش أي واحد يفهم المقصد ،

أن حضرتها لابسة لبس رياضي track suit وتقارن نفسها بوحدة

لابسة خيمة ،حريصة أن ما يظهر شي مناه سواء الوجه أو الشعر أو غيره !!!

يعني تخيلوا لو أثناء العرض تحركت بنتي الصغيرة وقامت أختها الثانية

تلحقني ، ووو . شلون راح يكون شكلي ؟؟؟ راح أتحرك مثلها ؟؟ صدق الي

قال : الي يده في الماي مو مثل الي يده في النار !




عندكم وحدة تفصخ حجابها وتلبس لبس يخالف الشرع والعادات ؟؟؟

المفروض ان نحن نستنكر المعاصي مب نشوف ونسكت أو ندافع ! واه خزياه !

يا حسافة على ....:omen2:

[ANONYMOUS]

انا اقترح يطردون اولياء الامور ويخلون الخدم مع الاطفال لان الخدم احن ع الاطفال :p

[جبل]

أشكركم على ردودكم الراقية ، بيض الله وجيهكم ...

يقول المثل : الي يده في الماي مو مثل الي يده في النار !!!

اولاً: الحمد لله عيالي وأنا أعرف أربيهم وهم أهم شي في حياتي

أتنازل عن كل شي في هالدنيا إلا عيالي دوم معاي وين ما رحت .

محد يقدر يشككني في تربيتي لهم .

والي يقول شاطرة تقطين عيالج على الخدم فما أقول إلا ( جزاك الله خير !!!

وأحسنت ما قصرت ). يعني الحين أنتوا الي مستغنيين عنهم :funny:

ثانياً: الي يقول لبسج للنقاب مش عذر، أقول لك جرب البس نقاب واتمشى

مع أربع أطفال وأغلبهم حركيين، والجو هوا !!! أتحداك لو تتحمل نص ساعة !!!

يعني بالله عليك لو واحد فيهم فجأة ركض ، تبيني أركض وراه قدام الناس! :omen2:

والله انك بتحرم تطلع معاهم مرة ثانية.


ثالثاً: الي تقول ليش كاتبة قصة حياتج وليش زوجك طالع من الشغل، ترى أنا

ما كتبته عبط ! القصد أن على هالعنوة والتعب والوقوف في طابور لأكثر من ساعة

المفروض من سبق لبق !! مش لما يجي دور العرض الناس الي كانت واقفة من

أول العصر يطردونهم والي توهم جايين يدخلونهم ، فهمتي؟ ولا أفهمج بعد؟


رابعاً: الي يقول ما في داعي تقولين أبونا ؟؟ شنو الي مزعلك ؟ عسى ماشر ؟

اي نعم أبونا وعمنا وجدنا بعد ، عندك مانع ؟؟؟!


خامساً: الي يقول ما يعجبكم العجب ، الحمد لله عاجبنا لكن الي ضيق خلقي سوء

تنظيم المهرجان ، يعني لازم أكون سلبية مثلك وأقول أن المهرجان عظمة على عظمة !

ونقعد نجامل ! لازم ننتقد السلبيات علشان يتعلمون وما يكررون الخطأ مرة ثانية !






ونسيت أرد على الي تفكيرهم ضيق وانتقدوني على نقدي للمسؤولة

السفور ! الي قصدته ، و للأسف مش أي واحد يفهم المقصد ،

أن حضرتها لابسة لبس رياضي track suit وتقارن نفسها بوحدة

لابسة خيمة ،حريصة أن ما يظهر شي مناه سواء الوجه أو الشعر أو غيره !!!

يعني تخيلوا لو أثناء العرض تحركت بنتي الصغيرة وقامت أختها الثانية

تلحقني ، ووو . شلون راح يكون شكلي ؟؟؟ راح أتحرك مثلها ؟؟ صدق الي

قال : الي يده في الماي مو مثل الي يده في النار !




عندكم وحدة تفصخ حجابها وتلبس لبس يخالف الشرع والعادات ؟؟؟

المفروض ان نحن نستنكر المعاصي مب نشوف ونسكت أو ندافع ! واه خزياه !

يا حسافة على ....:omen2:



بخصوص الخيمة أختي !! محد اجبرج تلبسينها ! مب لازم تلبسين خيمة !

<<< اذا وصفج للعباية اللي ساترتج من راسج لين ريولج انها خيمة ! على الدين والدنيا السلام !

لا حول ولا قوة الا بالله ,,

ترى حريمنا كلهم يلبسون عبايات نفسج يعني شي مب جديد ! ويطلعون معانا ومع العيال والحمدلله اكثر من عيالج وما ناخذ معانا الخدامات !

مب عذر مب عذر مب عذر

لين ركض واحد منهم خلي ابوه يحلقه ! تطلعينه من شغله وتخلينه ينطركم عند الباب وتدشين بروحج مع اليهال واتمين تتحلطمين على المهرجان والاداريين ! مالج حق !

[Dawn]

ونسيت أرد على الي تفكيرهم ضيق وانتقدوني على نقدي للمسؤولة

السفور ! الي قصدته ، و للأسف مش أي واحد يفهم المقصد ،

أن حضرتها لابسة لبس رياضي track suit وتقارن نفسها بوحدة

لابسة خيمة ،حريصة أن ما يظهر شي مناه سواء الوجه أو الشعر أو غيره !!!






عندكم وحدة تفصخ حجابها وتلبس لبس يخالف الشرع والعادات ؟؟؟

المفروض ان نحن نستنكر المعاصي مب نشوف ونسكت أو ندافع ! واه خزياه !

يا حسافة على ....:omen2:


شكلج مغصوبه على الستر يوم قلتي خيمه ،،،، وبعدين ترا اغلب البنات لقبيليات في قطر يلبسون العبايه والنقاب والشيله واللي تضيف الخمار .. واللي تحط شيله عالنقاب و الخ يعني الكل يستر حسب ذوقه .. ليش تتكلمين كأن انتي الوحيده في العالم اللي مستره ؟؟؟؟؟

وبالنسبه للسفور محد قال ان المسؤوله ذات دين واخلاق لكنهم قالوا ( اشدخل ) سالفة سفورها ؟؟؟؟؟ بموضوعج وهي تنفذ القوانين مبين انها ما جات استقصدتج انتي بس ....

بس واضح انج حاطه سفورها علشان العالم تاخذ الجانب اللي فيه منقبه ورايحه مع ( ابوها ) ولعيال والخدامه ،،،، وتكره الجانب التنظيمي للمهرجان اللي فيه وحده خليجيه و ( سافره ) ما تستحي على ويهها ..

يعني الزبده بس حطيتي هالسفور علشان الاعضاء يتعاطفون معاج ...

انا الصراحه كسر خاطري ابوج يوم طلعتيه برع وخذتي الخدامه ،،،، يا خساره طلعته من الشغل بس ...

بس لا حظت الاعضاء ما شاء الله عليهم واعيين ووقفوا مع الحق وما خذتهم العاطفه ... شي طيب والله

[روح الاطلس]

اشفيكم كليتوها يمه منكم بسسسس

الاخت تشتكي من طريقة رد المشرفين واسلوبهم
هو صح قهر وحده تنطر ساعتين مع اطفال عشان التذاكر وبالاخير يحصل ماحصل

واللي يقول منقبه وتمسكين الاطفال هو بصراحه صعبه شلون بتقدر تمسك هذا وذاك بعباتها ونقابها!! النقاب يقيد الحركة نعم مو مثل اللي لابسه لبس رياضه!

بس غريبه الزحمة اللي تقولون اجانب وهنود يعني هل التذاكر رخيصة ؟؟

[جبل]

اشفيكم كليتوها يمه منكم بسسسس

الاخت تشتكي من طريقة رد المشرفين واسلوبهم
هو صح قهر وحده تنطر ساعتين مع اطفال عشان التذاكر وبالاخير يحصل ماحصل

واللي يقول منقبه وتمسكين الاطفال هو بصراحه صعبه شلون بتقدر تمسك هذا وذاك بعباتها ونقابها!! النقاب يقيد الحركة نعم مو مثل اللي لابسه لبس رياضه!

بس غريبه الزحمة اللي تقولون اجانب وهنود يعني هل التذاكر رخيصة ؟؟


التذاكر ببلاش بدون مقابل !

وخلوا الاجانب والهنود وغيرهم يستانسون والا تبون الوناسه لكم انتوا والباقي لا !

ايش هالعنصرية !

واحنا ما اختلفنا على عبايتها مادري خيمتها ومسك عيالها هي يايبه ابوهم معاها ليش ما يدخل يمسك عياله !!! ليش تخالف !! مع انها كانت تقدر ما تخالف !

احيانا احس ان الناس تقرأ وما تفهم ! بس مع الخيل يا شقرا

[خليفـة]

لاتزعلين مني يا بنت قطر :

مسالة سفور الموظفة .. حسابها عند ربج مو عندج انتي
وكم من سافرة تتمتع بأخلاق عالية اكثر مما تتمتع به المُحجبة والي تلبس حتى قفازات
( يعني : مسألة السفور مش مقياس للحكم على اخلاق الانسانه الي امامي )

مسألة الأطفال والخدامة .. هذا واجبج انتي كأم ان تمسكي بنتج وتديرين بالج عليها
بمعنى : ان كان في مجال تمسكين أطفالج خير وبركه .. وان كنتي تشوفين فيها مشقة
ماله داعي تروحين معاهم هالمكان البحري من الأساس

يعطيج العافية
وان شاء الله تتقبلين ردي ومروري بصدر رحب

خليفـة
:)

[أبو الـمها]

التذاكر ببلاش بدون مقابل !

وخلوا الاجانب والهنود وغيرهم يستانسون والا تبون الوناسه لكم انتوا والباقي لا !

ايش هالعنصرية !

واحنا ما اختلفنا على عبايتها مادري خيمتها ومسك عيالها هي يايبه ابوهم معاها ليش ما يدخل يمسك عياله !!! ليش تخالف !! مع انها كانت تقدر ما تخالف !

احيانا احس ان الناس تقرأ وما تفهم ! بس مع الخيل يا شقرا

صادق والله
عنصريه لابعد حدود

[ra3shat hadab]

بالأمس ( الخميس ) ورغم إرتباطي بزيارة بعض الأقارب لمناسبات خاصة فيهم من خطوبة ، ولادة ، ...الخ . إلا أنني فضلت إني أتفرغ لعيالي حفظهم الله. قررت إني آخذهم للمهرجان البحري والي مدحوه لي زميلاتي بالعمل. إتصلت بزوجي المسكين وهو مشغول جداً هالأيام في عمله. في البداية سمح لي آخذ الأطفال مع الخادمة بنفسنا ، لكني أصريت أنه يجي معانا لأني مش متعودة أسوق سيارتي في الدوحة ومن كثر قعدتي بالبيت صرت ما أدل الدوحة ولا حتى أعرف أسماء مناطق ويامة ضيعت . وافق أبونا الله يجزيه الخير أنه يجي معانا وأستأذن من مسؤله وعلى الساعة 3.30 العصر طلعنا من البيت ووصلنا هناك تقريباً الساعة 4 العصر . لما وصلنا هناك زوجي مسك الطابور الطوييييييل علشان ياخذ لنا تذاكر لعرض الفقمات ، وبهالأثناء طلب مني علشان ما نضيع الوقت اني آخذ الأطفال في جولة بين الخيام ونشوف الفعاليات. الساعة 5.15 تقريباً جاب التذاكر وقال المسؤولين مشترطين أن كل طفلين يكون معاه شخص بالغ ، يعني 2 من عيالي معاي و2 مع أبوهم والخادمة نخليها تنطر برع، لما قربنا من مكان العرض وما تتخيلون شلون الزحمة صايرة ، قامت بنتي الي عمرها سنتين تحن وتصيح من الزحمة فطلبت من الخادمة تمسك لي اياها فقال أبونا دخلوا داخل وأنا بنطركم برع . المهم لما قعدنا وقبل العرض بكم دقيقة قامت وحدة من الموظفات والي للأسف شوهت واجهة العرض وقامت تتكلم بأسلوب حاد : ( جاتنا أوامر الخدم يطلعون ! ) ولما ناقشتها، قالت لي أنا مالي خص ، كلمي المسؤلة . جات المسؤلة ( خليجية ) ! وعليها لبس رياضي وطبعاً سفور الله يستر علينا وعلى عيالنا وقالت لي الخدم لازم يطلعون عشان نعطي أكبر قدر من المكان للأطفال ! قلت لها والخدم مالهم رب ؟! قالت: لهم رب بس العرض للأطفال والأولوية لهم ، قلت لها طيب بنتي الصغيرة من بيمسكها ؟ ردت علي بكل وقاحة : مش إنت الأم ؟ إمسكيها إنت ! ، طبعاً هي لا حجاب ولا عباية ، عليها لبس رياضة تتنطط وتقفز وتركض مثل ما تبي ، لكن أنا مع عبايتي وشيلتي ونقابي وين أقدر أمسك بنتي العسرة قدام خلق الله ! والله يا ناس صعب علينا احنا المنقبات نراكض ورا الصغار ، الوحدة فينا مع حشرة الناس ومع عدد الأطفال أمسكهم بنفسي ، يا إن الزوج يساعد أو الخادمة تتعاون! طبعاً ولأني شايفة خير ولله الحمد وأبونا طول الله بعمره سفرنا لأماكن كثيرة و زرت عالم البحار بأمريكا وشفت عروض الدلافين والحيتان ، قلت أنا مش ميتة على عرض الفقمات مالكم ! لكن بصراحة أنا طالعة لأن ما يشرفني أقعد بمكان ما فيه تنظيم وترتيب ! وللأسف حاطين ناس همج ما عندهم اسلوب ولا حسن إدارة !
وسامحوني على الإطالة.





اتفق معاج في شغلة وحدة بس
ان اسلوب المسؤولة مش حلو لما قالت لج "امسكيها انتي......."


انا كسر خاطري ابو العيال موقفته برا :( .. ومدخلة الخدامة.. :omen2:
هو الاولى يشوف فرحة عيالة ولو خيرتي الصغارية بيختارون ابوهم .... :victory:

[فيزيائية]

شوفي اختي...
انا مقدرة كلامج وتعب الام مع عيالها بالطلعات .....
انا كنت موديه عيالي مع زوجي وشغالتين مب بس يشوفون اليهال بعد يستانسون معاهم...
ولو كنت مكانج كنت باخلي الشغالات بره واحترم القانون مع ان عندي 2 تحت 3 سنين ...بس اقدر اهتم فيهم وقت العرض لانا بنكون قاعدين بمكان واحد..
واللي علقوا بخصوص العائلات الاسيوية والاجانب بالعكس محترمين وماسكين عيالهم بكل أدب واحترام لكل القوانين ومن حقهم يستمتعون ....

[سحايب2010]

في عنصريه في بعض الردود

تبغون ايام للقطريين
اول مره اسمع مهرجان للقطريين
عليكم تفكير

على فكره هم بشر مثلنا

[ملاك]

اي والله

شكاوي وطني الحبيب على هالخدم اللي تارسين كتارا ومرتزين على هالكراسي والواحد مب قادر يتحرك ولا حتى يقعد

نشكر اداره المهرجان على هالبادره الطيبه بمنع الخدم

[Locale]

هههههه
حكموا على ردي بالتربيه اللي بربيها لعيالي

ليش ردي معني لك انت
اذا تحسست من البطحه فهو لك *

[La Bella]

المنظمين والله العظيم ما قصرو والف تحيه لهم. ودخلنا العرض يوم الثلاثا وتركنا الخدامات برع يشرفون باقي المهرجان ونترك مجال للناس بمشاهدة العرض

[حدالكلمه]

يمكن هي في تصرفها بعض الخطأ

بس يمكن زوجها مايحب زوجته كل شوي تقوم تنطط عند الرجاجيل وتندعس بين الصفوف وتشيل الصغير -- والا شلي يخليه يتنازل عن كرسية للخدامة ؟؟!! ولاتقولون هو لازم يقوم ورا عياله ترى اغلب الرجاجيل مالهم بارض على اليهال

من الاخر --- القاضي رااضي

[feva qatar]

أشكركم على ردودكم الراقية ، بيض الله وجيهكم ...

يقول المثل : الي يده في الماي مو مثل الي يده في النار !!!

اولاً: الحمد لله عيالي وأنا أعرف أربيهم وهم أهم شي في حياتي

أتنازل عن كل شي في هالدنيا إلا عيالي دوم معاي وين ما رحت .

محد يقدر يشككني في تربيتي لهم .

والي يقول شاطرة تقطين عيالج على الخدم فما أقول إلا ( جزاك الله خير !!!

وأحسنت ما قصرت ). يعني الحين أنتوا الي مستغنيين عنهم :funny:

ثانياً: الي يقول لبسج للنقاب مش عذر، أقول لك جرب البس نقاب واتمشى

مع أربع أطفال وأغلبهم حركيين، والجو هوا !!! أتحداك لو تتحمل نص ساعة !!!
يعني بالله عليك لو واحد فيهم فجأة ركض ، تبيني أركض وراه قدام الناس! :omen2:

والله انك بتحرم تطلع معاهم مرة ثانية.


ثالثاً: الي تقول ليش كاتبة قصة حياتج وليش زوجك طالع من الشغل، ترى أنا

ما كتبته عبط ! القصد أن على هالعنوة والتعب والوقوف في طابور لأكثر من ساعة

المفروض من سبق لبق !! مش لما يجي دور العرض الناس الي كانت واقفة من

أول العصر يطردونهم والي توهم جايين يدخلونهم ، فهمتي؟ ولا أفهمج بعد؟


رابعاً: الي يقول ما في داعي تقولين أبونا ؟؟ شنو الي مزعلك ؟ عسى ماشر ؟

اي نعم أبونا وعمنا وجدنا بعد ، عندك مانع ؟؟؟!


خامساً: الي يقول ما يعجبكم العجب ، الحمد لله عاجبنا لكن الي ضيق خلقي سوء

تنظيم المهرجان ، يعني لازم أكون سلبية مثلك وأقول أن المهرجان عظمة على عظمة !

ونقعد نجامل ! لازم ننتقد السلبيات علشان يتعلمون وما يكررون الخطأ مرة ثانية !




يختي مب لازم تلبسين النقاب اذا مب قادرة تستحمليينه ..وترا الوجة مب عورة الا اذا كان جمالها يفتن .. وبعديين فيه اماكن ثانية ماتحتاج مراكض ورى العيااال .. وديهم سيركس لاند والا العاب الستي .. اخذيهم لحديقة الحيوان ..

والا كان خليتي ابو العيال ( ابونا ) يدخل معاهم هو والشغالة وانتي انتظرتي برا ..لانج لابسة نقاب وماتقدرين تتحركيين باريحيية ..

[qtrose]

التذاكر ببلاش بدون مقابل !

وخلوا الاجانب والهنود وغيرهم يستانسون والا تبون الوناسه لكم انتوا والباقي لا !

ايش هالعنصرية !

واحنا ما اختلفنا على عبايتها مادري خيمتها ومسك عيالها هي يايبه ابوهم معاها ليش ما يدخل يمسك عياله !!! ليش تخالف !! مع انها كانت تقدر ما تخالف !

احيانا احس ان الناس تقرأ وما تفهم ! بس مع الخيل يا شقرا



حتى الأب ما دخلوه !!! ارتحت :anger1:

[ام ناصر1]

والله ما اشوف فيها شي اذا المرة تبغي اتودي الخدامة مع ولدها او بنتها يعني اهي( الام ) اللي بتلاحقه من مكان لمكان جدام الناس في هالزحمة ..ولا ابوه ...من صجكم والله ..
خلهم يعدون الخدامة من ضمن الاجانب اللي مزاحمين القطريين بكل مكان ..ومهرجان
..طيب اذا زوجة سفير او كبير بالمقام جات ومعها خدامتها ...كانوا بيطلعونها

[qtrose]

والعضووه تقصد بسفرها لابسه رياضه يعني حركت ام العيال المتستره
مو مثل الهبله اللي بالرياضه تنطنط فهمتوا ياشطــاااار ؟؟!!



وهو كل من خذا الخدامه برع صار الياهل تربية خدامه كلن يرى الناس بعين طبعه



واللي يقول انا اطلع وياالمدام وهي لابسه ومتنقبه اقوله انت ماتدري وين الله قاطك





واللي خلوا الموضوع بكبره وركزوا على ابونا
مادري يمكن بتاني ولا سيلاني
اول مره تسمع عيله قطريه تقول ابونا؟؟؟؟


الله يخلف عليكم



الحمد لله لقيت وحدة حاسة فيني ،،، الله يرفع قدرج أختي .


الكل واقف ضدي وبقوة ، الله يسامحكم !! قسماً بالله أمس حسيت اني

غريبة في بلادي والله اني حسيت بغصة! قلت خلني أفضفض لعيال ديرتي

في منتدى الأسهم !


سنين وأنا أتابعكم يا منتدى الأسهم القطرية !

سنين وأنا أزعل من نقد الذكور للنساء !!

دايماً المرأة من وجهة نظركم غلطانة !

دايماً المرأة من وجهة نظركم مقصرة !


والله اني زعلانة من سطحية تفكير بعض الأعضاء ، والله اني

أكتب وعيوني تدمع ، الله يسامحكم !

أشكركم على تفاعلكم معاي وعلى احساسكم المرهف !

أشكركم على أسلوبكم المهذب معاي .


هذا آخر رد أكتبه في هذا المنتدى الي كان يعز علي ،،،

حللوني وسامحوني اذا غلطت في حقكم .


أختكم بنت قطر :weeping:

[feva qatar]

اذا كل من جا جاب معاه شغالته بيزدحم المكاان .. وتقولون تبون تنظيم هذا التنظيم صار وماعجبكم
كل عايلة قطرية من زود الكسل لكل طفل شغالة لحالة .. لييه هالبطرة الزايدة
يشتكون من غلا المعيشة و الراتب مايكفي .. كل رواتبكم تصرفونها على الشغالات والسواقييين ..

علمو عيالكم يلعبون حواليكم مب لاشافو المكان مفتوح ركضو يتهابدون تقولون هادينهم على نفيعه ...

[المستعينه بالله]

والله ما اشوف فيها شي اذا المرة تبغي اتودي الخدامة مع ولدها او بنتها يعني اهي( الام ) اللي بتلاحقه من مكان لمكان جدام الناس في هالزحمة ..ولا ابوه ...من صجكم والله ..
خلهم يعدون الخدامة من ضمن الاجانب اللي مزاحمين القطريين بكل مكان ..ومهرجان
..طيب اذا زوجة سفير او كبير بالمقام جات ومعها خدامتها ...كانوا بيطلعونها



يعطيك الف عافية أختي :nice::nice::nice:

[ام ناصر1]

المره تقول ودت خادمة لطفلها ...ما قالت انها عندها 3 خادمات ومدخلتهم ...يعني وضعها عادي وطبيعي

[مملوحة الفال]

ترا الأم مب اخطبوط هي بتمسك هذا ولا ذاك ؟

[qtrose]

المره تقول ودت خادمة لطفلها ...ما قالت انها عندها 3 خادمات ومدخلتهم ...يعني وضعها عادي وطبيعي


شوفي حبيبتي ، هذول الذكور ، وأنتبهي قلت ذكور لأن في فرق بين

الذكر والرجل ، الله يسلمج لو كان فيهم خير كان حسوا بالي تحسه

المرأة ، مو يقعدون ينتقدونها ويعصرونها ويخلونها غلطانة أولاً وآخراً.




فمان الله

[MaRuKoO]

ماشاء الله تبارك الرحمن علي حلات لسانكم
بس هذا العشم فيكم اغلبية الاعضاء هني أسلوبهم فالنصح منفر ومبغض ومايدرون انه يعطي فكرة عن أخلاقهم :nice:



قال صلى الله عليه وسلم (اما بعثت للأتمم مكارم الأخلاق)
الي يبي ينصحها او يحببها على انها تطلع ويا عيالها وزوجها من غير الخدامه يا ينصحها باسلوب حسن وباخلاق يا يروح بقشر بصل :nice:
وانا احب ما على قلبي اطلع مع عيالي وزوجي من غير الخدامه ومستعده اعابلهم ويجرون نقابي كالعادة بس دام عايله بروحنا ومعاي ابوهم عسل على قلبي

[الرادار]

اشكر اداره الموقع لوضعها الأيه الكريمه

“مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ” .

الله المستعان .

[looking 2010]

“مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ” .

الله المستعان سبحان الله وبحمده سبحان الله العظيم
الله يعينج اختى عالردود بعضها ماتصر ابداا ##