this is not your business

[أوركيدهـْ ~]

هلا بكم و100 غلا

أمس رحت مع خواتي المول ودخلنا محل نكست ..

شوي وأسمع صراخ وحده تهاوش وتصارخ ..

جاني الفضول أشوف وش اللي صاير

فجأه لقيت شغالتين وحده أندونيسيه والثانيه فلبينيه ..

الأندونيسيه ماسكه ولد صغير يمكن عمره 4 سنين

والفلبينيه ماسكه بنت عمرها حول ثلاث سنين

طلعت الفلبينيه تصارخ على البنت وتهزها بشكل غريب تبي تسكتها

وتشدها من إذنها وتصارخ عليها والبنت تصيح ابي حلاوه :weeping:

رحت قلت لها ليش تصارخين عليها ؟

ردت علي : this is not your business :rolleyes2:

قلت لها عطيني رقم ماما .. عطتني رقمها بكل برود وقررت اتصل فيها :telephone:

اتصلت عليها وبعد ماسلمت عليها قلت لها :

حرام عليج إختي .. تاركه العيال في يد الشغاله

قاعده تصارخ عليهم وتهاوشهم واليهال خايفين مو عدله جذيه ؟

قالت لي : وإنتي إشلج خص :rolleyes2:

أنا أمهم وإلا إنتي ؟؟؟ :rolleyes2:

بنتي واعرفها زين عنيده حتى انا مااقدر اتحمل عنادها وصراخها !!!!!!!!!!!!!!

رديت وقلت لها : أنا آسفه وإسمحيلي

قفلت الخط ودمعتي في عيوني .. :weeping:

ياخسارة إنه بمجتمعنا أمهات بهالتفكير والإستهتار

دام ماتستحملين اليهال ليش فكرتي تحملين 9 شهور وتجيبين عيال ؟؟

والله عيالها مثل الورده يجننون .. لكن ياخساره

....

نصيحه / لاتدزون عيالكم او تتركونهم مع الخدم بروحهم

ديرو بالكم عليهم ذولي أمانة في رقابكم


..

.

[روح الاطلس]

بعض الامهات مجرد ماكينه تفريخ!

[نتفـه]

بل ,, حرقوا دمج الام (الخلافه) مع احترامي الشديد لها ,, والخدامه اللي ترفع الضغط !!!!!!
الحين هاي جزاتج ؟!
ما اقول اله الحمدلله و الشكر على هالناس اللي ما تقدر نعمة الضنى ,,
وجزاج الله خير على الاهتمام ,,

[تحداني]

الأب يأمن الإعيال على الأم
والأم تأمن الإعيال على الخادمه

والضحيه هم الابناء
والخادمه لايمكن يحترق قلبها عليهم
إذا الأم تعجز عن تربيتهم وإمداراتهم مهمها كانت الضروف والاعذار



نصيحه لوجه الله
ما عليج من أحد في هالزمن .. لانج في كل الحالات انتي على خطأ


جملك الله برضى الرحمن

[==النور==]

اييييييييييييييييييييييييييييييييييييييييييييييييي ييييييييييييييييييييييييييييييه

من قلب ............................. وينهم من حديث الرسول صلى الله عليه وسلم

(( ياويل من ضيع من يعول )).....بينسأالون من رب العالمين ...

[MAZEN37]

بصراحه احي غيرتك والله يكثر من امثالك وما عليكي قصور
وما تخلي هالموقف يأثر سلب وواضح انه ام البنت ما عندها ذووق

[أوركيدهـْ ~]

بعض الامهات مجرد ماكينه تفريخ!

على قولتك .. تفريخ مثل الماكينه !

لا مشاعر ولا إحساس ولا حتى مسؤوليه !

[أوركيدهـْ ~]

الحين هاي جزاتج ؟!
ما اقول اله الحمدلله و الشكر على هالناس اللي ما تقدر نعمة الضنى ,,
وجزاج الله خير على الاهتمام ,,

شفتي عاد !!!

والله ام ماتقدر معنى الامومه ... ماتحس انه فيه زوجات الله مارزقهم ويتمنون عيال

وهذي لا همها ولا شيء .. هادّة العيال مع الخدم

[أوركيدهـْ ~]

نصيحه لوجه الله
ما عليج من أحد في هالزمن .. لانج في كل الحالات انتي على خطأ

جملك الله برضى الرحمن

جزاك الله الف خير .. لكن انا شايفه إني على صواب :)

[أوركيدهـْ ~]

اييييييييييييييييييييييييييييييييييييييييييييييييي ييييييييييييييييييييييييييييييه

من قلب ............................. وينهم من حديث الرسول صلى الله عليه وسلم

(( ياويل من ضيع من يعول )).....بينسأالون من رب العالمين ...

وليش .. هي همها هالشيء ؟؟ لو كان يهمها كان ماهدت العيال بروحهم مع الشغاله

تلاقينها داشه السينما وهادتهم مع الشغاله .. يايرودها !

[أوركيدهـْ ~]

بصراحه احي غيرتك والله يكثر من امثالك وما عليكي قصور
وما تخلي هالموقف يأثر سلب وواضح انه ام البنت ما عندها ذووق

والله أنا سويت اللي يملي علي ضميري .. وهي بكيفها لكن العيال كاسرين خاطري !

[تحداني]

جزاك الله الف خير .. لكن انا شايفه إني على صواب :)


ويجزيك يارب بمثله
اسفه على الكلمه ما كنت اقصدها .. بس ساعات تكون هي الحقيقه
لو تاخذينها من باب القناعه الشخصيه انتي مليون بالميه على صواب
لكن لو ربطيها بمصالح الغير راجح تلقين انج على خطأ وتدخلتي في امر لا يعنيج مثل ما سمعتي

احيانا ضمائرنا ما تتحمل بعض المشاهد
لكن مضطرين نغض النظر


جملك الله برضى الرحمن

[ورقــة أمــل]

بل من صجج لو انا مكانج بشرشح الخدامة وامهم فوقها

اهم شي ابرد حرتي

امحق ام والله هزوووولت

[البارح]

ما قصرتي اختي سويتي الي عليج

[غزلان]

يهملونهم مع الخدامات في المستشفى والمطاعم والألعاب وليصار شي فيهم قعدوا يولولون

كل ام تتحمل تصرفاتها في تربية عيالها

سويتي الى عليج اما الأم فلا تعليق على تصرفها

[تباشير الفجر]

حسبي الله عليها من ام الله لا يكثر من امثالها
الحين حاذفه العيال ولا تدري عنهم باجر لو فقدت واحد فيهم بتصيح دم والله شي يعور القلب ويقهر ناس اتمنى الذرية وهاذي مب حاسه بالنعمه الي عندها ..

[vtc-4800]

جزاج الله خير أختي و للأسف هاي حرام تكون أم

[pink pearl]

أولاً : الله يجزاااج كل خيير على هذا التصرف، أنتي أدتي النصيحة، ويارب في يوم من الأيام هالنصيحة تأثر في هالأم اللي أسميها عاقة في حق عيالها.

ثانياً : والله لو هالأم الله قدر لها ما تحمل كان حست بقيمة الضنى وراحت تراكض وراء علاج، لكن سبحان الله مرات الإنسان حوله آلآف آلآف النعم اللي مايقدر يحصيها ولا يحس فيها للأسف !!!
وحدة أعرفها صار لها 15 سنة بدون حمل ، والله كانت تتمنى وتدعي أن الله يحقق أمنيتها في هالضنى الغالي وبالفعل الله قدر لها وحملت والحين ولدها عمره 5 شهور ومهتمة فيه اهتمام أكثر من مثالي وبلا مبالغة لو أقول لكم أنه لو كح أو ارتفعت حرارته على طول على المستشفى، والحين هي فعلاً قاعدة مع ولدها وتركت أشغالها وقعدت تربيه هي بنفسها بدون شغالة، لأنها عرفت معنى كلمة "الضنى " .

ليش بعض أمهات هذا الزمن ما يحسون بمسؤولية أبنائهم ؟
لأنها مب عارفة دورها الأساسي كأم ومربية ومسؤولة عن ابنها ، وأكيد مب حاسة بقيمة هذي النعمة العظيمة اللي حرموا منها الكثير من الأزواج .

تأملوا حديث الرسول عليه الصلاة والسلام: "إذا مات ابن آدم انقطع عمله إلا من ثلاث: صدقة جارية وعلم ينتفع به أو ولد صالح يدعو له"
ياريت هالأم وأمثالها يشوفون هالحديث ويتمعنون فيه ، ويعملون به لأن لو رحنا عن هذي الدنيا، في يوم أحد من عيالنا بيدعي لنا ، الله يهديهم ويهدينا .

جزاج الله خير على النصح والله يكثر من أمثالج الشيخة .

[المفترسه]

الزواج والانجاب صار مجرد شو اجتماعي عند البعض عشان ينقال فلانه تزوجت وصارت ام واعيالها قاطتهم عالخدم والمصيبه يزعلون اذا احد صارحهم ونصحهم انا شفت مواقف كثيره مخزيه بس الواحد مايقدر يسوي شي يطالع ويسكت

[ra3shat hadab]

اشوف الخدامة ملسونا طالعة على معزبتها...
انا لو منج اروح حقوق الطفل واعطيهم رقم جوالها ويطلعون اسمها واسم زوجها.
واذا هي كفووو تقول لهم مالكم خص ...

[الراقيه سبشل]

ياحييييييييييييييييف على الامهات

[s4qatar]

من دخل في ما لايعنيه لقي ما لا يرضيه

[الـقـاسـي]

حسبي الله على هالام الله ينتقم منها حرقت اعصابي .. انتي ماقصرتي سويتي اللي مفروض تسوينه لكن شتقولين فالناس اللي مايخافون الله

[حسن]

انتي ماقصرتي واديتي واجبك ويجزاك الله خير لاكن الشره على الام الغبيه ويامكثرهم العدد يخوف

[intesar]

ناس بتموت على ياهل وناس ما تقدر النعمة اللي بيدها
الحمد لله رب العالمين ..

[فيزيائية]

انا اشوف ان الانسان يسوي اللي يمليه عليه دينه وضميره عند وجود خطأ مهما كانت ردة الأخرين....:)

مرة شفنا دريول يسطر يهال على ويهم ولما خذنا جوال الابو وكلمناه قال اي
يهال وشياطين !!!
ومرة وهي اللي ماراح انساها شفنا دريول حاط البنية ام 8-9 سنين في حضنة ويسوق فيها !! ولحقناه لين البيت ....
ولما طلعت لنا الام قالت دريولنا من زمان !!!:eek5: وغيرت السالفة ...
مب مهم ردهم المهم ان الدنيا تدور وممكن هالشي يصير لعيالنا ومثل ماسكتنا على الغلط بيسكت غيرنا ...:(

[بيرق قطر]

السئوال الى محيرني اطفال بها العمر مع الخدمات ( امهم وينهااااااااا منهم ) يعني وين بتكون في ضنكم ؟
انا طبعاً الاحظ الكثير من النساء يحضرون المجمعات التجارية الى فيهاااااااا العاب للطفال وخاصة العبة المطاطية التي تقط اعيالهاااااااااااا او اخوانهاااااااا فيهااااااااا محبوسين لمدة 3-5 ساعات وترجع لهم ( خاطري اعرف هالمدة وين تكون ؟ وبذات الاند مارك الى في ربع ساعة تزهق منة تلف المحلات كلهااااااااا وفوقهااااااااا بوسة .
تبون الصدق الشرهه مو عليهاااااااااااااااا على الثور الى تارك الخيط والمخيط للمرة وجالس يلف في الشوارع من مجالس وكافيهااااااااات وشيشة ومجمعات ؟

[العقل المدمر]

من دخل في ما لايعنيه لقي ما لا يرضيه


وتغيير المنكر وين ؟؟؟ :)
والساكت عن الحق وين ؟؟؟ :)
والامر بالمعروف وين ؟؟؟ :)

[وهم قطر]

ويجزيك يارب بمثله
اسفه على الكلمه ما كنت اقصدها .. بس ساعات تكون هي الحقيقه
لو تاخذينها من باب القناعه الشخصيه انتي مليون بالميه على صواب
لكن لو ربطيها بمصالح الغير راجح تلقين انج على خطأ وتدخلتي في امر لا يعنيج مثل ما سمعتي

احيانا ضمائرنا ما تتحمل بعض المشاهد
لكن مضطرين نغض النظر


جملك الله برضى الرحمن

نشوف بعض المشاهد مثل هذي المؤثره ومضطرين نغض البصر

الله يسامحك بس

الا يحاول اصور الموقف وبعدها بتصرف

واذا هذا رد الأم أو الاب بوصل له كلام واذا قام يهدد

اتصلت بحقوق الطفل وانا قدني مصور الموقف وراح يسنعونه والله

والله مارضاها وخليها بقلبي

[n00r]

وين الواحد يغض النظر عن هالاشكال !


مره شفت طفل صغير قاطع الشارع بروحه , عمره يمكن 3 سنوات او اقل يهبل ماشالله عليه

احتريت من امه واهمالها . والله كنت باخذه معاي البيت واخلي امه تحس شوي


بس خفت اتوهق وتحشرني امي .

[احساس الدوحة]

ذكرتيني بموقف مشابه

كنت في مستشفى حمد في قاعه الانتظار

والخدامه ماسكه بنت معاقه عمرها 10 سنوات تقريبا

وكل ما حاولت بس توقف تسحبها من ثيابها

كل ما تحاول تلف تشوف اللي حولها

تناظرها بنظره تخوفها

رحت وسألت الاداري عن اهل البنت

وقالي ابوها في قاعه انتظار الرجال

وناداه وكلمته وقلت له ترى الخدامه شديده مع البنت

وحاول تحط العين عليها

قالي للاسف وبكل برود ..

البنت معاقه ولازم تكون جافه معاها

قلت دام ابوها هاي منطقه الله اعلم في البيت اشلون تكون المعامله

الله المستعان

وجزاج الله الف خير اختي

[chillis]

هذي ام بالاسم بس ولكن شوفي من الي ترببيهم :) يعني مجرد مكينه تفرخهم فقط

[المقهوره]

اعرف وحده تحمل على 40 يوم

يعني تخلص الاربعين مافيه فتره نقاهه على طول حامل

وعندها تقريبا 7 حاليا

واذا جينا نسلم على العجوز الي في البيت نقول لها حرام عليك عيالك بالشارع والشباب يجون مسرعين بيدعمونهم ولا عيالك واقفين بالشارع

الي عمره سنتين والي سنه ولا 4 اسنين وانت ماشي اكبرهم عمره يمكن 9سنين

تقول وش اسوي فيهم عاجزه منهم


طيب يوم انك عاجزه تحملين وتجيبين عيال ليششششششششششششششش؟؟؟

وعقب ينط واحد ويقول انتوا تحسدون المرأه على كثره نسلها

يبه الي يبي يجيب درزن بيجيب بس فكر قبل لا تحمل ولا تقول لزوجتك احملي وجيبي ونثريهم
انك تأمن مكانهم وتأمن ال حياه الكريمه لهم
او تساهم في تربيتهم

مب الاب في المجالس والسوالف
والام حامل ومالها خلق ولا راقده ومشخره

ويوم طاح ولدها وانكسرت يده قالت هذه عين

وش عينه مالت عليك إلا اهماااااااااااااااااااالك

[Store]

جزاك الله الف خير .. لكن انا شايفه إني على صواب :)

انتي صح والله يهدي الام

[ضي البدر]

ويحليلج يازهرة البنفسج .. صج فيج خير وماعليج زود يالغالية سويتي الي عليج وزيادة تدرين لو انا الي ردت علي بهالرد البايخ شنو بحشرها في التليفووون الأم الهايته .. للأسف يامكثرهن هالأمهات الهايتااات وخاصة الحين بهالزمن الغابر .. الله يلطف علينا ويهديهن ان شاءالله .. حرام فيهن كلمة أم .. :anger1:

موفقة حبيبتي وماعليج من هالأشكال الوضيعة..

الله يخـــــــــــــــــــارجنا ..

[تحداني]

نشوف بعض المشاهد مثل هذي المؤثره ومضطرين نغض البصر

الله يسامحك بس

الا يحاول اصور الموقف وبعدها بتصرف

واذا هذا رد الأم أو الاب بوصل له كلام واذا قام يهدد

اتصلت بحقوق الطفل وانا قدني مصور الموقف وراح يسنعونه والله

والله مارضاها وخليها بقلبي





ويسامحك يارب

يا اخوي انا كنت اقصد بغض البصر عن تلك المواقف ان تقوم بمعالجه الموقف لحظتها مع الخادمه مثلا والطفل اما ان اتصل بالأم او اتصل بالأب وياخذونها الغير على انها خصوصيات وتدخل وتعدي ومالك شغل وأسمع كلام ماله أول ولا له تالي

فعل الخير هو امر انساني
ولكن ان اسمع ما لايليق بي بدافع تغير ما اراه من مناظر

الاهل على علم ودرايه اين ابنائهم
فلا يتوقعون في يوم من الايام ان حرص الغريب على فلذات اكبادهم
سيكون اضعاف حرصهم على اعيالهم


واليوم كنت على حق انت غلطان
كنت على غلط هو انت غلطان
وصارت الكلمه مهما كانت سماحتها ثقيله على مسامعهم



جملك الله برضى الرحمن

[الصريحه]

يارب رحمتك
اللهم انا نستودعك اطفالنا بعينك التي لاتنام

[toomi9]

حرام عليهم هـ العيال
اي والله نوت يور بزنس شكلها معلمه الخدامه بعد ترد نفس الرد

[قطريه ماركه]

وي مااااااالت على هالأم المهملة !!

الحمدلله و الشكر ...

[الدمعه]

ذكرتيني من فتره كتبت عن بنت اسمها غاليه من شفت الخدامه تخضها و ملزقه وجها

بوجه البنت وتصرخ عليها عشان مابغت تلعب في الالعاب .. بس الفرق ان البقره

اللي مع البنت عطت رقم البقره الثانيه .. اما انا عيت تعطيني رقم اهلها تقول مااعرفه ..

وماعليج انتي سويتي اللي يمليه عليج ضميرج .. بس صدقيني هالامهات اللي من

هالنوع ليكبروا ماراح يلاقون عيالهم حولهم .. اما في دار العجزه او عالخدم يسنعونهم ..

الله يعافينا ويعيننا على تربية عيالنا التربيه الصالحه .. والله يرزقج ويخليلج عيالج ..

بس سؤال وين حقوق الطفل من هذيلا الحريم وخدمهم ..

انا صرت اخاف اخلي بنتي الصغيره في البيت واروح مستشفى او مدرسه اللحين نص

الاجتماعات مااحضرها والسبب اني مااقدر اخليها في البيت ولااقدر اوديها معاي كل مره ..

[alsenator]

لا حول ولا قوة الا بالله

[ثابت]

للاسف اغلبية الحريم يعتمدون اعتماد كلي على الخدامة لدرجة لو كانت تقدر تخليها تحمل بدالها كان خلتها تشيل عناء الولادة شي مخزي ومحزن

[بوحمد111]

اختي العزيزه

بارك الله فيك وجزاكي الله خير بفعلتك هذه وسوف تؤجرين بإذن الله والمشكله في اللي يعتمدون على الخدم معظم عيالهم ( بدون تعليق ) مع ان العيال مالهم ذنب والله يسامح هذا النوع من الامهات

[حمد بن خالد]

بعض الامهات مجرد ماكينه تفريخ!

ههههههههههههههههه

صادق :nice:

[فتى الجود]

السلام علييكم

هذا هذا اللى ردت علييك أختى انتى متأكده انها الام ، اللى تربي بتطلع جيل !!!!!!!!!!!!!!!!! ؟؟؟؟؟؟؟؟؟؟؟؟

لا خـــــــــــوش جيل - تربية خدامات

ونستغرب من حلات الطلاق والبلاوي اللى تصير

لاحول ولاقوة الا بالله وأجـــــــــــرك على الله

[عقاب]

الا تستحق هذه النوعية من النساء ان تطلق او ان يعدد زوجها ارحم عقاب حفاظآ على ابنائه