<< ((help me )) ,, ساعدوني الله يرضى عليكم ,, >>

[شبح الصمت]

اللهم فرج هم كل مهموم

اللهم فك دين كل مديون

اللهم اغفر لنا ولهم يارب


(( الموقـف الأول ))



أحد يضرب عليك دريشة الموتر وأنت كنت لاهي بشغله تفاجئ !!

إلا بذاك الرجال الكبير الي وجه منور هلا هلا يوبه السموحه منك دقيقة بنزل لك من السيارة ,,

لا لا يا ولدي اجلس ,,

لا والله بنزل لك

تفضل يوبه آمرني !!

والله يا ولدي الظروف تعبانه والأمور مهب طيبه والي الله يقدرك عليه عطني ,,,

أفى يوبه لو ساعدتك شلي بساعدك فيه شيء بسيط ودي لك بشيء يكفي حاجتك ,,

والله ياولدي أني رحت أقدم على طلب مساعدة وقالوا لي اني مالي أحد وودي بمساعدة وعيالي محتاجين ,,

والله يوبه الود ودي اعطيك ,,

وتفضل هذا مقسومك تفضل أخذه والعذر والسموحه منك ,,

تخيلوا دمعة رجال كبير في السن وسط عيونه تبرق ,, :weeping:

وتحبه على راسه ويقوم يحبك ويدعي لك ,, :weeping:

شنو شعوركم لو حصل لكم هالموقـف ,,

كتبت هالموضوع من باب أنه لو أحد منكم حصـل له هالموقف وينكسر رجال كبير لاحيته غانمه وبيضاها في وجه ,,

يا هل ترى راح تساعدونه وتصدقونه والا راح تقول هذا لا قاعد يختــلق أعــذار وإلا راح تزاعقـون عليــه وتكشرون في وجـه !!!

وشنهي الأفكار الي راح تجي في بالكم لحظة أنك ما تشوفه ويلين قلبك له ,,

هل تتمنى أنك لو تقدر تسعى له في عمل خير أم أنك راح تقول مقسومه وخذه والله يعوضني والله يسمح دربه ,,


(( الموقف الثاني ))

يجيك شخص ماشاء الله الله معطه الصحه والعافيه وتوه يقدر يشتغل ويشل نفسه وتشم ريحة ريحة زقاره فايحه ويقولك عطني وساعدني !!

وياخذ فلوسك ويروح يشتري قدامك فيها زقاره !!

ولسانه طويل ويتكلم ويروح لجمعيات خيرية ويتهاوش معاهم وعنده مدخول ثاني ويهاوش فلان وعلان ويسوي له مشاكل ,,

كل هذه بس عشان ياخذ منك كم ريال ويروح يشرب فيهم زقاره أو الله العالم شلي يسويهم فيهم بعد !!


سؤال حيرني وأبي له جواب ,,

هل التسول صار مثل الشغله الواحد يمتهنا ويقول خلاص هذه مهنتي وراح أمشي عليها وراح اجني منها مبالغ ,,

أم أهي حاجه حاجه حاجه تجعل الشخص ضمير متحرك بسبب الفقر الذي يواجه ويجعله ينساق إلى هذا العمـل وطلب العيش ,,

أتمنى محد يظن فيني أني أبي قطع أرزاق أحد بس شفنا ناس ما تستاهل المساعدة وتساعد وناس في حاجتها ولا عيون تناظر عليها ,,

اللهم اغفر لي والوالدي ولجميع المسلمين الأحياء منا والأموات

[نوفا91]

والله ياخوي ماصرنا نعرف من الصاج فيهم من الكذاب ..يطلعون لك تقارير وصور خصوصا الفتره الاخيره والله واحد تم يراقبنا لين دشينا المحل ولحقنا ..هالايام زايدين بكثره والمشكله تنحرج ولازم تعطيهم ..

وواحد يقول علي ديه والا اخووي بيعدمونه :(<<هنيه شتسوي ..وحده بنتها فيها السرطان ,,واحد يروينا صوره ولده محترق ..

ماقول غير الله يستر على كل مسلم ..

[قطر love]

جزاك الله خير على الموضوع

والي صج صاير موديل


المشكله محد يدري ضروف الناس

كل الي عليك تدعيله وتعطيه الي بيدك والي تقدر عليه

واذا تقدر بعد مافي مانع انك تنشر الكلام او تاخذ منه رقم عشان تساعده في الجمع


ونفس ماقلت الحين اغلبهم مخلينها وظيفه

نفس ما تشوف حريم يطرون وبعد شويه يمر عليهم السواق وياخذهم وسيارات اخر موديل

الله يعين و الله ياخذ حق كل مظلوم


ويرزق كل محتاج :) ويفك كربته


جزاك الله خير

[خوي الدرب]

أخوي هل تريد نصيحة لوجه الله
من مد لك يد طلب العون فقدم ما تقدر عليه
فأن كان هو على خطأ فهو من يتحمل خطاء وأن كان على صواب فالحمدلله
وفي الحالتين أنت المستفيد فأنت تعطي لوجه الله وليس لوجوه الناس
وقد يكون الأمر أختبار من الله لإيمانك
فلن تندم إذا دفعت لمن يشحذك إلا في حالة أن الأمر يكون واضحة لك فهذا شيء ثاني
يقول حبيبنا عليه الصلاة والسلام
مانقص مال عبد من صدقة
فأنت في الحالتين ربحان

[شبح الصمت]

والله ياخوي ماصرنا نعرف من الصاج فيهم من الكذاب ..يطلعون لك تقارير وصور خصوصا الفتره الاخيره والله واحد تم يراقبنا لين دشينا المحل ولحقنا ..هالايام زايدين بكثره والمشكله تنحرج ولازم تعطيهم ..

وواحد يقول علي ديه والا اخووي بيعدمونه :(<<هنيه شتسوي ..وحده بنتها فيها السرطان ,,واحد يروينا صوره ولده محترق ..

ماقول غير الله يستر على كل مسلم ..


الله يستر عليهم ويبعد عنهم المرض والاذى
وجزاك الله خير اخوي


جزاك الله خير على الموضوع

والي صج صاير موديل


المشكله محد يدري ضروف الناس

كل الي عليك تدعيله وتعطيه الي بيدك والي تقدر عليه

واذا تقدر بعد مافي مانع انك تنشر الكلام او تاخذ منه رقم عشان تساعده في الجمع


ونفس ماقلت الحين اغلبهم مخلينها وظيفه

نفس ما تشوف حريم يطرون وبعد شويه يمر عليهم السواق وياخذهم وسيارات اخر موديل

الله يعين و الله ياخذ حق كل مظلوم


ويرزق كل محتاج :) ويفك كربته


جزاك الله خير


وجزاك ربي الف خير يالغالي وبيض الله وجهك
ياخوك ودك تاخذ بيد المحتاج وتساعده وغير المحتاج بس ليش ناس تخرب على ناس وهي مهب محتاجه



أخوي هل تريد نصيحة لوجه الله
من مد لك يد طلب العون فقدم ما تقدر عليه
فأن كان هو على خطأ فهو من يتحمل خطاء وأن كان على صواب فالحمدلله
وفي الحالتين أنت المستفيد فأنت تعطي لوجه الله وليس لوجوه الناس
وقد يكون الأمر أختبار من الله لإيمانك
فلن تندم إذا دفعت لمن يشحذك إلا في حالة أن الأمر يكون واضحة لك فهذا شيء ثاني
يقول حبيبنا عليه الصلاة والسلام
مانقص مال عبد من صدقة
فأنت في الحالتين ربحان

ارحم الله والديك كلام من طيب من شخص طيب
ونفس ما قلت
ما نقص مال عبد من صدقه
وعطه المقسوم
والي يتصدق لازم ما يتكلم بس النقطة أنه مثل هالحالات المفروض ناس تلتفت لهم ويشوفون اشلون حالتهم لانه في ناس محتاجه بالخفاء وتخاف تروح تقدم وما ينعطى له اهتمام
وفي ناس ماشاء الله مهب محتاجين بس مرض التسول
الله يغفر لنا ولهم يارب

[نوفا91]

احم احم
انا بنت :)

[شبح الصمت]

احم احم
انا بنت :)

السموحه أختي

[مهل]

السلام عليكم


عن نفسي انا غالبا ما اعطي حد من الناس الي تتسول سواء كبير او صغير سن (الصدقه و مساعده المحتاج ادل مكانها الرسمي)

وبخصوص اني امد اي مبلغ لو بسيط سبق و سويتها بداعي (واما السائل فلاتنهر) ولكن كانت ردة الفعل من الشخص المحتاج جدا سيئه

للاسف ودنا نساعد بالي نقدر عليه و ياهني عينه الي يكون سبب في تفريج كربه اسره ولو ل ليله واحده ولكن بكل اسف عيال الحرام ماخلو لعيال الحلال حاجه

[mooona]

اعتقد اللي يستغلون طرارة مهنة لهم هم من خارج الدولة اما اذا جاك قطري فاكيد في ظل الظروف الحالية وضعه بيكون تعبان والله يفك كربة كل مديون

[الرادار]

قال تعالى : ( فَأَمَّا الْيَتِيمَ فَلا تَقْهَرْ (9) وَأَمَّا السَّائِلَ فَلا تَنْهَرْ ) [الضحى: 9 ، 10]

[شبح الصمت]

السلام عليكم


عن نفسي انا غالبا ما اعطي حد من الناس الي تتسول سواء كبير او صغير سن (الصدقه و مساعده المحتاج ادل مكانها الرسمي)

وبخصوص اني امد اي مبلغ لو بسيط سبق و سويتها بداعي (واما السائل فلاتنهر) ولكن كانت ردة الفعل من الشخص المحتاج جدا سيئه

للاسف ودنا نساعد بالي نقدر عليه و ياهني عينه الي يكون سبب في تفريج كربه اسره ولو ل ليله واحده ولكن بكل اسف عيال الحرام ماخلو لعيال الحلال حاجه

حريتك اخوي الشخصية
ارحم الله والديك
وكلامك ما عليه عذاريب ولك حرية الاختيار ونفس ما تفضلت ادل وين تحط فلوسك


اعتقد اللي يستغلون طرارة مهنة لهم هم من خارج الدولة اما اذا جاك قطري فاكيد في ظل الظروف الحالية وضعه بيكون تعبان والله يفك كربة كل مديون

الله يستر عليهم يارب ويفك كربتهم



قال تعالى : ( فَأَمَّا الْيَتِيمَ فَلا تَقْهَرْ (9) وَأَمَّا السَّائِلَ فَلا تَنْهَرْ ) [الضحى: 9 ، 10]

ارحم الله والديك وبيض الله وجهك

[==النور==]

بالنسبة لي .........اولا اذكرهم بان الله مالك النعم وهو الاحق ان تطلبه ......

ثانيا ...اذكرهم بحديث الرسول صلى الله عليه وسلم ..ان الله يحب اليد العليا ويكره اليد السفلى .

يعني لاتطلب اعمل لتلقى مايكفيك ..واذهب ل المؤسسات المسؤلة عن ذلك...

ثالثا ...البعض يقبل كلامي ويبرر اعذاره ..والبعض ينسحب لشخص آخر ..

في الاخير ..لما اتذكر الاية الكريمة ( وَأَمَّا السَّائِلَ فَلا تَنْهَرْ ) اعطي ما اقدر عليه ..


موقف : مرة في شارع ال شافي دخل عامل اسيوي يطلب التبرع قلت له لماذا لاتعمل وين كفيل ؟

قال لي : يبغي مساعدة ارجع بلاد !! انا في مريض كلى..!!!ورفع قميصه وكان موجود كيس دم !!

طبعا صديت وخانني التعبير ؟؟؟قلت له روح صندوق زكاة ..وعطيته المقسوم ..وافكر كفيله شلون ينام قرير العين ؟؟
مثل هالموقف اترك لكم التعبير ؟

[صعبة وصوفه]

سبحان الله سيماهم في وجوههم
بمثل هالمواقف أتبع احساسي والحمدلله بالغالب ظني مايخيب
لانه المحتاج يبين عليه من ملامح وجهه، يعني حتى لو السائل لابس ابشع الملابس وهو اساسا مب محتاج يبين عليه،،، اما انك تحس بنفور من الشخص او قلبك ما يلين له... اما اللي صدق محتاج حتى لو ماسألني الحاجة تبين عليه،،

وبالاخير قلبك دليلك

[حقيقه]

اذا كبير بالسن وعنده عيال اشله مايروح الجمعيات الخيريه مابتقصر معاه

هذا نصب صارت وظيفه يشتغلون فيها الكل

انا مره

هندي بغى يكسر الدريشه مايعرف حتى يدق بهدوء قلت له اشتبي قالي بااكل عقب قلت له روح الا يفتح لي صدره وعليه لزقه يابلفيت مسوي عمليه زين ماحذفته باللي عندي

[الصريحه]

مااردهم لو شنو
الله لايعوزهم لحد من خلقه ويغنيهم عن الناس

[ودي أكون]

أخوي هل تريد نصيحة لوجه الله
من مد لك يد طلب العون فقدم ما تقدر عليه
فأن كان هو على خطأ فهو من يتحمل خطاء وأن كان على صواب فالحمدلله
وفي الحالتين أنت المستفيد فأنت تعطي لوجه الله وليس لوجوه الناس
وقد يكون الأمر أختبار من الله لإيمانك
فلن تندم إذا دفعت لمن يشحذك إلا في حالة أن الأمر يكون واضحة لك فهذا شيء ثاني
يقول حبيبنا عليه الصلاة والسلام
مانقص مال عبد من صدقة
فأنت في الحالتين ربحان

أنا مع هالاخ ..

في كلا الحالتين راح اعطيه .. لاني يوم اعطيه، اعطيه لوجه الله

واللي بيطلب وهو مو محتاج .. فهذا ماكذب علي كذب ع نفسه .. وراح يجيه اليوم اللي يكون فيه صج محتاج ولا حد راح يعطيه ..

بالنسبه لصغار السن خلهم ع صوب .. انا ماشفت وان شاءالله ماشوف ..

بس أنا انصح اللي يشوف شايب في حاله قاعد او اتشوفه يالس يدور بين معصره والثانيه .. او اتحس من وجه ان محتاج ومسكين .. وعزة نفسه ماتسمح له يقول هات .. او اتشوف ثوبه قلبك يعورك او .. او

والله هالشياب لا تفرطون فيهم ترا فيهم الخير والبركه والله .. انزل وروح له وعطه من نفسك .. شوف الابتسامه شوف الرحمه اللي اتكون ع وجهه .. شوف وشوف ..

بعض الناس صدق محتاجه لا تنطرونهم يطلبون منكم .. دام عندكم روحوا عندهم ومدوا يدكم مع كلمة طيبه .. والله انها تسوا الدنيا ومافيها ..




والله العظيم اني احيانا اتمنى اني اكون ولد عشان اسوي امور ابي اسويها وماقدر اسويها بحكم اني بنت ..:weeping:

الله يوفقنا وياكم لعمل الخير يارب .. ويسهل علينا هالطريج يارب

[شبح الصمت]

بالنسبة لي .........اولا اذكرهم بان الله مالك النعم وهو الاحق ان تطلبه ......

ثانيا ...اذكرهم بحديث الرسول صلى الله عليه وسلم ..ان الله يحب اليد العليا ويكره اليد السفلى .

يعني لاتطلب اعمل لتلقى مايكفيك ..واذهب ل المؤسسات المسؤلة عن ذلك...

ثالثا ...البعض يقبل كلامي ويبرر اعذاره ..والبعض ينسحب لشخص آخر ..

في الاخير ..لما اتذكر الاية الكريمة ( وَأَمَّا السَّائِلَ فَلا تَنْهَرْ ) اعطي ما اقدر عليه ..


موقف : مرة في شارع ال شافي دخل عامل اسيوي يطلب التبرع قلت له لماذا لاتعمل وين كفيل ؟

قال لي : يبغي مساعدة ارجع بلاد !! انا في مريض كلى..!!!ورفع قميصه وكان موجود كيس دم !!

طبعا صديت وخانني التعبير ؟؟؟قلت له روح صندوق زكاة ..وعطيته المقسوم ..وافكر كفيله شلون ينام قرير العين ؟؟
مثل هالموقف اترك لكم التعبير ؟


سبحان الله سيماهم في وجوههم
بمثل هالمواقف أتبع احساسي والحمدلله بالغالب ظني مايخيب
لانه المحتاج يبين عليه من ملامح وجهه، يعني حتى لو السائل لابس ابشع الملابس وهو اساسا مب محتاج يبين عليه،،، اما انك تحس بنفور من الشخص او قلبك ما يلين له... اما اللي صدق محتاج حتى لو ماسألني الحاجة تبين عليه،،

وبالاخير قلبك دليلك



اذا كبير بالسن وعنده عيال اشله مايروح الجمعيات الخيريه مابتقصر معاه

هذا نصب صارت وظيفه يشتغلون فيها الكل

انا مره

هندي بغى يكسر الدريشه مايعرف حتى يدق بهدوء قلت له اشتبي قالي بااكل عقب قلت له روح الا يفتح لي صدره وعليه لزقه يابلفيت مسوي عمليه زين ماحذفته باللي عندي


مااردهم لو شنو
الله لايعوزهم لحد من خلقه ويغنيهم عن الناس



أنا مع هالاخ ..

في كلا الحالتين راح اعطيه .. لاني يوم اعطيه، اعطيه لوجه الله

واللي بيطلب وهو مو محتاج .. فهذا ماكذب علي كذب ع نفسه .. وراح يجيه اليوم اللي يكون فيه صج محتاج ولا حد راح يعطيه ..

بالنسبه لصغار السن خلهم ع صوب .. انا ماشفت وان شاءالله ماشوف ..

بس أنا انصح اللي يشوف شايب في حاله قاعد او اتشوفه يالس يدور بين معصره والثانيه .. او اتحس من وجه ان محتاج ومسكين .. وعزة نفسه ماتسمح له يقول هات .. او اتشوف ثوبه قلبك يعورك او .. او

والله هالشياب لا تفرطون فيهم ترا فيهم الخير والبركه والله .. انزل وروح له وعطه من نفسك .. شوف الابتسامه شوف الرحمه اللي اتكون ع وجهه .. شوف وشوف ..

بعض الناس صدق محتاجه لا تنطرونهم يطلبون منكم .. دام عندكم روحوا عندهم ومدوا يدكم مع كلمة طيبه .. والله انها تسوا الدنيا ومافيها ..




والله العظيم اني احيانا اتمنى اني اكون ولد عشان اسوي امور ابي اسويها وماقدر اسويها بحكم اني بنت ..:weeping:

الله يوفقنا وياكم لعمل الخير يارب .. ويسهل علينا هالطريج يارب



الله يجزاكم خير جميـع أخواني وخواتي الي رديتوا ,,

وبخصوص موضوعي يشهد الله أنه مقصدي منه أنك ما نفر في وجه المحتاج من حاجته وتقربه لك لانه في ناس صدقوني محتاجين والحاجه أجبرتهم ,,

تخيلوا لو جاء ويقول لكم رجال كبير ,, أتمنى الارض تنشق وتبلعني ,, :weeping:


وقسم بالله كأنها صاعقه تجي على راسـك ,,

ومقصدي أنه في ناس بقوتهم وبصحتهم وبعافيتهم ولا يبون يسعون للرزق ,,

أتمنى من كل شخص يشوف له شيبـه محتاج يساعده بلي الله قدره عليه ولا ينفر في وجـه وأنا ما أحرض على التسؤل وإلا هالامور ,,

بس الأنسان الي تضيق به الدنيا لا تلومونه لو وصلت فيه أنه يسأل

" وَأَمَّا السَّائِلَ فَلا تَنْهَرْ "

الله عطاك أنفق أعط طلع ,,

ترى يوم تبي تعطي أحد أو أطلع مبلغ يجيك مثل الوساس واحد يقولك ادفع والثاني يقولك لا لا تدفع وايد صدقوني هالشيء موجود في داخل كل أنسان

الله يجعلنا ممن يقال لهم أدخلو من باب الريان والموجودين ووالديني والديني والديني وهلي كلهم يارب

أخواني خواتي

الي يبي يساعد في صندوق إعانة المرضى في " مستشفى الأمل "
هالصندوق للمرضى بمرض السرطان ( عفاكم الله وبعد عنكم وعن أهاليكم المرض )

وأغلب الي يسألون منهم لأنه دواء مرض السرطان غالي والدولة الحمد لله الحمد لله مب مقصره والاخصائيات أهناك مب مقصرين في بحث الحالة وأسقاط بعض المبالغ

فبادور في الخير يتحسب لكم إن شاء الله

[باسكن روبنز]

الله يسهلها ع كل مسلم ،

آنا آعطيهم وآدعي الله يفرجها عليهم وعلينا ،

والله لايبيلينا بمكانهم ،












والله العظيم اني احيانا اتمنى اني اكون ولد عشان اسوي امور ابي اسويها وماقدر اسويها بحكم اني بنت ..


شبتسوين يعني؟ ،

[شبح الصمت]

الله يسهلها ع كل مسلم ،

آنا آعطيهم وآدعي الله يفرجها عليهم وعلينا ،

والله لايبيلينا بمكانهم ،



شبتسوين يعني؟ ،




اللهم آمين آمين

والله يرزقك على نياتك يارب ويفتح لك أبواب السعادة في الدنيا وأبواب الجنـه في الاخرة والحاضرين

[بـــــــنت النوخـّــــذه]

اذا كسرو خاطري عطيتم واذا شكلهم فيهم قوه وشباب وحيويه ويبين انه يترزق بس جذيه ما اعطيهم

مادري ماشفتو هالهندي كله لي وقفنا عند جمعيه من الجمعيات يجي يطق باب السياره والله اتلوع كبدي منه كله يشل قميصه ويطلع كيس مثل القصطره يابلفيت دم وموصل واير مادري وين كم مره اقوله لحظه بصورك بطرش الصوره للشرطه يشرد 00

عموما في ناس يستحقون وفيه ناس طالما فيهم قوه وعافيه يروحون يشتغلون افضل

[Miss Merna]

تتصلي على مكافحة التسؤل 44714220/44823455

[اميررة قطر]

الموقف الاول اكيد بساعده
والموقف الثاني لا

[نورالهدى]

بارك الله فيك
الحمدلله الذي رزقنا وعطانا وكفانا عن غيرنا
أكيد بعطي المقسوم بدون تفكير أو نقاش
واللي رد إنه يعرف مكان الجمعيات الخيريه
بعد لها مكانه عندنا
يعني لو كان محتاج وكسر نفسه للعبد ورده العبد
ألا تستحي ياعبد من الذي رزقك وأعطاك ولا تخاف أن يسلبك ما أنعم عليك
ويضعك مكانه
قادر على كل شيء رب العباد
وان كان كاذب فجزاءه عند رب العالمين
ويكفي ذله وانكساره
يارب أسترنا فوق الأرض وتحت الأرض ويوم العرض عليك يارب العالمين

[Abdulraman]

انا كم مرة صادني نفس الوقف وتخاف تظلمة وتقول نصاب
صحيح في اللي يخرب على المحتاج والحين اكثر الناس يفكرون ان كلهم ماخذينها مهنة
الله يفرجها على جميع المسلمين
اللهم امين

[بصمة قطرية]

لا حول ولا قوة الابالله ..
بالنسبة للموقف الأول بصراحة وأنا أٌقرأ تقطع قلبي ودمعت عيني ..:weeping:
أكثر دمعة تألمني هي دمعة رجل كبير في السن ..:(
أكيد إنه فعلاً محتاج ومضطر ..
الله يفرج كربة كل محتاج ..
مستحيل أرد حد أحاول أساعد باللي أقدر عليه ..
ولو في مجال إني آخذ رقمه عشان أحاول أجمع له ما راح أتردد ..
ما أحب أشوف شخص محتاج أبداً ..

الموقف الثاني بصراحة أحسه ما يستاهل المساعدة ..!!
يعني محتاج عشان سيجارة ..!!!!!!

للأســف التسول صـار موظة هالأيــام ..
وأغلبهم من خـارج البلد ..
نــادر ما تشوف قطري ..
ولو شفته تأكد ما حدته غير الحاجة ..

سبحان الله مرات ناس تشمئز من أشكالهم وتحس انهم نصابين ..
وفي ناس سبحــان الله تحس انك تتعاطف معاهم بطريقة غير طبيعية ..
وقلبك يعورك اذا ما قدرت تساعدهم ..

والله اني يوم أسمع دعوتهم أبكي ..:weeping:
وأقول الحمد لله على النعمة اللي احنا فيها ..

[غــ قطر ــلا]

موضوع جميل اخوي والله يعطيك العافيه

وبصراحه صرنا مانفرق بين الصادق والي يبي يلعب ويستغل الناس

لكن من تجربة شفتها بعيني في ناس مواطنين محتاجين وبأمس الحاجه للمساعدة ولكن بسبب الناس الإستغلاليه ما يقدرون يطلبون المساعدة من الناس المقتدرة والسبب إن الإستغلاليين خلوا الناس ايفكرون إن كل الي يطلبون المساعده (( طرارين )) وفي نفس الوقت لو طلبوا من الجمعيات الخيرية الجمعيات ماراح اتساعدهم بسهوله ويمكن بعد ما يعطونهم شي خير شر ..

[qtr121]

وأما السائل فلا تنهر... والله اعلم بالنيات وأعط القليل لترضي ربك ونفسك وتقطع طريق الشيطان وتكون اديت اللي عليك.