ورق حائط

[ام الحلوين]

اخواتي واخواني الاعزاء
وين احصل ورق حائط في قطر بسعر جيد او بالسعوديه او دبي؟
من وين تنصحوني

[البانوش]

شارع الاصمخ 8888888888888888888 محلات الستائر

[blueZircon]

اول شئ انصحج اختي لاتتعاملين مع المحلات اللي بطريق سلوى واولهم برافو ديزاين ,صح انه عنده اشكال حلوه بس ترى يضرب بالسعر . سويت غرفتي ب 7000 وثاني يوم مريت محلات نجمه لقيت نفس الورق بالضبط قالي بسويه لك ب 3500 , شوفي الفرق بالسعر شلوون :(

صج ان تركيب برافو يمكن يكون احسن من محلات النجمه لكن بعد الفرقيه كبيره وايد. أكتشفت ان برافو يجيب الورق من سوق التنين ب دبي مايكلفه ربع القيمه ويبيعه هني بالاضعاف.

انصحج اذا الكميه اللي تبينها كبيره روحي بنفسج سوق التنين واخذي من هناك وجيبيه الدوحه وهني في عمال يركبون الورق , عاده تركيب المتر الواحد يسوونه بخمس ريال ويمكن اقل.

اما اذا الكميه قليله روحي المحلات اللي بشارع الاصمخ ولا النجمه واشرطي عليه انه يعطيج ضمان عقب التركيب لمدة عالاقل ثلاث شهور

بالتوفيق

[بويعقوب]

في محل في شارع الاصمخ توني مركب ورق من عنده

سعره 40 للمتر المربع وياخذ له 8-10 ايام لانهم يطلبونه من دبي

بس من فتره شفت اعلان في الوسيط ( بيع ورق جدران)

اتصلت وقالي اسم المحل في النصورة بس نسيت واسعاره اتوقع قريب 40 ريال

واذا بتجيبه من دبي مابيكلفك شئ ..

اذا تبغي رقم الهندي باطرشة لك , هو عيار شوي بس باعلم وش تقول له :)

[الشمالي111]

بعد راعي اذن الموضوع

ابو يعقوب بغيت رقم الهندي ولاتهون

[دمي قطري]

شااارع الاصمخ الوررق رووعه صاار لي مرررركبتة في بيتي 4 سنين وشحلوووة وشزينة

[كود نمبر]

هلا اختي

شوفي محل قطر للديكور الي فيطريق سلوى عنده تصفيه لان على موقعهم ازاله
انا خذيته قبل اسبوعين بكل امانه شي راقي واسعار خياليه ان شالله باقي عندهم

بس شوفي حد يركب لج الورق

موفقه