ملاحظة لإدارة المرور ؟؟..!!! يرجـــــى رفع الموضوع الاشارات المرورية

[Bo Khalid]

إلى مدير إدارة المرور المحترم

إدارة مرور الريان

أتقدم بملاحظي هذه لحل مشكلة الزحام التي تسببها الإشارات الغير إنسيابية والغير مدروسة والتي تبدء من إشارات السد مروراً بإشارات الوعب وإشارات فيلاجيو وإشارات المناصير حيث يتوجب على السائقين التوقف على كل إشارة بعدد 5 أو 6 اشارات مما يؤدي إلى عرقلة السير وعليه وجب التنويه من خلال هذا المنتدى لإعادة برمجتها لتصبح فترتها إنسيابية خصوصاً فترة الصباح والظهر

ارجو ان يضعون حل لهذا الموضوع الذي يهدر الأروح والوقت والمال

[jajassim]

تم ارسال الملاحظة الى قسم التخطيط والسلامة المرورية

وشكرا

[رذاذ]

سؤال واستفسار الحين ما طلع انه مافي مخالفات في منطقة الابراج ..

انا شغال في هالمنطقه وفي يوم جيت الدوام متاخر ولا لقيت موقف

طلعت من الدوام لقيت مخالفه مكتوب عليه رصـــــيف

انا لا اعقت حركه مرور احد ولا صكرت على احد بس صفيت فوق الرصيف الغير مخصص للمشاه

ومدير المرور الخرجي صرح لا مخالفات في منطقه الابراج .

اطلع الاقي المخالفه والشرطي ما عنده حل الا يخلص ددفتره في منطقه الابراج .

والله حرام ارحمونا ..

رحت المرور مدينه خليفة بقابل احد يشل المخالفه بس للأسف نفسيهم صج ما تسمح انك تكلم معاهم

اول ما جيت بدخل مكتب الاداره شموضوعك كذا زين استمارتك انتهت لا زين روح للنصر في الصوب الثاني

ورح للنصر اشرح له .. حولني ع واحد يمني واخر شي يقولي انتا صاف فوق الانتررولك وتخربوا .


الله كريم

[ALRAYYAN]

سؤال واستفسار الحين ما طلع انه مافي مخالفات في منطقة الابراج ..

انا شغال في هالمنطقه وفي يوم جيت الدوام متاخر ولا لقيت موقف

طلعت من الدوام لقيت مخالفه مكتوب عليه رصـــــيف

انا لا اعقت حركه مرور احد ولا صكرت على احد بس صفيت فوق الرصيف الغير مخصص للمشاه

والخرجي صرح لا مخالفات في منطقه الابراج .

لا اخوي .. صج لا مخالفات بس بشرط

ماتصف فوق الرصيف ولا تعيق حركة السير

يعني تخلي سيارتك طايره في الهوى نفس السحابه الصناعيه مالت ملاعب 2022

:nice:

[Grnas]

رذار : أذكر في داخل الموضوع وليس العنوان الرئيسي ذكر الخرجي بأن شروط عدم ايقاع المخالفة: عدم عرقلة السير و عدم ركن فوق الرصيف.

جاجاسم: ياريت تشوف حل لانسيابية الحركة مابين اشارات فيلاجيو إلى تقاطع ناصر بن سالمين: لأنه في الوقت الحالي تستغرق العملية 20 إلى 30 دقيقة مابين توقف في كل اشارة من الاشارات كل صباح ومابعد المغرب

[ALRAYYAN]

إلى مدير إدارة المرور المحترم

إدارة مرور الريان

أتقدم بملاحظي هذه لحل مشكلة الزحام التي تسببها الإشارات الغير إنسيابية والغير مدروسة والتي تبدء من إشارات السد مروراً بإشارات الوعب وإشارات فيلاجيو وإشارات المناصير حيث يتوجب على السائقين التوقف على كل إشارة بعدد 5 أو 6 اشارات مما يؤدي إلى عرقلة السير وعليه وجب التنويه من خلال هذا المنتدى لإعادة برمجتها لتصبح فترتها إنسيابية خصوصاً فترة الصباح والظهر

ارجو ان يضعون حل لهذا الموضوع الذي يهدر الأروح والوقت والمال

في شارع في ابوظبي اتذكر فيه 8 اشارات وانا ماشي سيده

قال لي اللي معاي وهو شخص اماراتي لاتتعدى سرعة 80 كيلو مابتوقف في اي اشاره

جربت معاه وفعلا ماوقفت في اي اشاره لانها مرتبه ومحسوبه على الفتره الزمنيه مع السرعه وبالتالي الواحد ابدا مايوقف واذا وقف بيوقف في اشاره ولا اشارتين منهم

ياليت ربعنا يرتبون الامور اكثر من جذي شوي

[Bo Khalid]

تم ارسال الملاحظة الى قسم التخطيط والسلامة المرورية

وشكرا

جزاك الله خير أخوي على اهتمامك في الموضوع


ويا ريت تحول بعد هذي الملاحظة وهي كالتالي

مطبتان على خط سريع بين نادي السيلية إلى دوار معيذر أمس شفت حادث خشن والحمد لله السايق طلع بالسلامة وسبب الحادث هو وجود مطبات بإرتفاع غير قانوني وبدون ألوان على شارع سريع طولة يزيد عن 4 كيلو يفاجئ السائقين علماً بأن الإشارة الإرشادية للمطبة تبعد عن المطبة بين 10 إلى 20 متر فقط

الله يعوض السائق على خسارته المادية ونحمد الله على سلامة السائق

علماً بأن السيارة المدعومة موجودة جمب المطبات للي حاب يشوفها

تسوي خير لو توصل هذي الملاحظة بعد

[Bo Khalid]

سبحان الله

[بو خليفه 123]

لا اخوي .. صج لا مخالفات بس بشرط

ماتصف فوق الرصيف ولا تعيق حركة السير

يعني تخلي سيارتك طايره في الهوى نفس السحابه الصناعيه مالت ملاعب 2022

:nice:



هههههههههههه

اضحك الله سنك يابو ناصر


ياعوين المراجعين على نفسية افراد و ضباط ادارة المرور ..

[La Bella]

في شارع في ابوظبي اتذكر فيه 8 اشارات وانا ماشي سيده

قال لي اللي معاي وهو شخص اماراتي لاتتعدى سرعة 80 كيلو مابتوقف في اي اشاره

جربت معاه وفعلا ماوقفت في اي اشاره لانها مرتبه ومحسوبه على الفتره الزمنيه مع السرعه وبالتالي الواحد ابدا مايوقف واذا وقف بيوقف في اشاره ولا اشارتين منهم

ياليت ربعنا يرتبون الامور اكثر من جذي شوي

ربعنا أذا يبون يطبقون هذا النظام لازم الأستعانه بخبير خارجي ويعطونة ملايين عشان يسوي لهم الحسبة

[Bo Khalid]

ربعنا أذا يبون يطبقون هذا النظام لازم الأستعانه بخبير خارجي ويعطونة ملايين عشان يسوي لهم الحسبة

لا حول ولا قوة إلى بالله :weeping:

[عذب الكلام 1]

في مواصفات قياسيه خاصه للمطبات اذبحونا تكسرت مواترنا

[Bo Khalid]

في مواصفات قياسيه خاصه للمطبات اذبحونا تكسرت مواترنا



هم الله يسلمك يبون رقم عالمي في أكبر مطب يكسر عدد سيارات أكثر في العالم أقصد في الدوحة

[م. عبدالعزيز]

اعتقد التنسيق بين الاشاارات موجود مابين اشاره راماد الى اشاارات ماقبل دوار التلفزيون،، ولا مالاحظتوا هالشي؟
لاني كذا مره لاحظت اني امر عليهم مرور الكرام ويكونون مع بعض بالاخضر

[boamir]

في مواصفات قياسيه خاصه للمطبات اذبحونا تكسرت مواترنا

وانت جاي من مركز امن الريان ورايح صوب مدرسة قطر للسواقه
تخيل في الشارع نص مطبه ؟؟
هههههههههههه

والله صج نص الشارع مطبه والنص الثاني سيده يعني إلي جاي لازم يخفف عشان المطبه بس إلي رايح عادي طيران لأنه نص الشارع سيده والنص الثاني مطبه ههههههههههههههههههه

[boamir]

اعتقد التنسيق بين الاشاارات موجود مابين اشاره راماد الى اشاارات ماقبل دوار التلفزيون،، ولا مالاحظتوا هالشي؟
لاني كذا مره لاحظت اني امر عليهم مرور الكرام ويكونون مع بعض بالاخضر



صح كلامك اخوي وهالسبب إلي خلاني اخذ هالطريق بدل ماأروح من الخط السريع واطلع على دوار التضاامن الصبح
دوار التضامن زحمممممممه من قلب الصبح بس اخذ إشارات رمادا وانا رايح صوب إشارات السينما ماأوقف شوي واكثر شي الإشارات خضره وانا مكمل

[بوخالد911]

هلا

س لماذا لا يتم وضع كاميرات على الدورات لضبط من يقطع اشارة الدوار؟

[بوحارب]

هلا

س لماذا لا يتم وضع كاميرات على الدورات لضبط من يقطع اشارة الدوار؟



والله انك متفرغ :(

[ALRAYYAN]

هههههههههههه

اضحك الله سنك يابو ناصر


ياعوين المراجعين على نفسية افراد و ضباط ادارة المرور ..

:nice:

والله عندي حركه اصف فوق الرصيف واعيق حركة السير ولا حد يخالفني صار لي مطبقها 3 سنين

ومائدرش أئولها :tease:

[ALRAYYAN]

ربعنا أذا يبون يطبقون هذا النظام لازم الأستعانه بخبير خارجي ويعطونة ملايين عشان يسوي لهم الحسبة

اوكي انا موافق يجيبون خبير ويعطونه الهمجه .. بس انا صاحب الفكره .. لاينسوني :telephone:

[Bo Khalid]

اعتقد التنسيق بين الاشاارات موجود مابين اشاره راماد الى اشاارات ماقبل دوار التلفزيون،، ولا مالاحظتوا هالشي؟
لاني كذا مره لاحظت اني امر عليهم مرور الكرام ويكونون مع بعض بالاخضر





كلامك صحيح أخوص وهذا بعد ما طرحت الموضوع في المنتدى وما مر اسبوع إلا وهم معدلينه

نتأمل خير في الباقي :omen2:

[Bo Khalid]

وانت جاي من مركز امن الريان ورايح صوب مدرسة قطر للسواقه
تخيل في الشارع نص مطبه ؟؟
هههههههههههه

والله صج نص الشارع مطبه والنص الثاني سيده يعني إلي جاي لازم يخفف عشان المطبه بس إلي رايح عادي طيران لأنه نص الشارع سيده والنص الثاني مطبه ههههههههههههههههههه

ابتسم أنت في الريان :)

[Bo Khalid]

هلا

س لماذا لا يتم وضع كاميرات على الدورات لضبط من يقطع اشارة الدوار؟



الله يهديك الحين المخالفات الواضحة ما سو فيها شي تبي الحين يطلعلك واحد من المرور يتذاكا ويحط لك كمرات

شكلك شغال في المرور وتبي زيادة على الزيادة واحنا أنطق اصبع :telephone::victory:

[Bo Khalid]

اوكي انا موافق يجيبون خبير ويعطونه الهمجه .. بس انا صاحب الفكره .. لاينسوني :telephone:

لا تقول خبير

قول خبيرة عشان حقوق المرأة يطلعون لك الحين ويقولن ليش رجال مب أمرأة وهذي عنصرية :rolleyes2: