مشاهد~~~~~~~~~~~عند باب الحلاق إإإ

[فيزيائية]

هي امرأة تقف باستحياء عند باب الحلاق الرجالي حيث يجلس طفلها على مقعد الحلاق كي يحلق شعره ...
تنظر عينها للساعة تارة وللشارع تارة أخرى ....باستحياء....

وأخرى ...تجلس في السيارة ,,تعبث بالبيبي بينما يحمل السائق طفلها وتحمل الشغالة الآخر داخل الحلاق ....
ويمسك السائق برأس أحدهم بينما تمسك الخادمة بالآخر انتظاراً لدوره....

وثالثة...جالسة في حلاق الرجال ...ممسكة بيد طفلها ..مستعجلة تنتظر دور ولدها بفارغ الصبر...

مشاهد رأيتها مرة أو مرتان ...تعجبت في الأولى ...وتعودت عيني عند آخر مرة ...
أين هو (الوالد)....هل هو مشغول كعادته ؟؟أم طلق (كليهما) وتخلى عن (الجمل بما حمل )؟؟
...أم توفاه الله ...؟؟إذن أين من يحل مكانه في المهام (الذكرية ) ؟؟.....

(حلاق الرجال)....(مدرسة الأولاد)...(المسجد..)...(النادي)....وأماكن كثيرة فارغة ...

مشاهد واقعية وأسئلة أكثر واقعية للمناقشة ليس إلا !!

[chillis]

الحين وايد شغلات تقوم بها المراه ما جات على الحلاق والعتب على الزوجه قبل الزوج لان هي سمحت لنفسها انها تقوم بالمهمه هذي وهو بعد ماعنده سالفه

[بصمة قطرية]

تعرضت لهالموقف مرة من سنين ..
كانوا اطفالي صغار ..!!
قريب العيد الأب مسافر علاج ..!!!!!

أمشي على مقولة ( هين قرشك ولا تهين نفســـك ) ~

[أبو الـمها]

بنات اخر زمن
المفروووض عيب البنت اتشيل ببي ؟ صراحه ماله لازمه

[ra3shat hadab]

عادي ماشوف فيها شي لو المرة عاونت زوجها في بعض الامور البسيطة والمقدور عليها، :omen2:

يعطيكم العافية

[woalf]

الحمد الله في حلاليق حق الاطفال ليش مايروحون حق الحلاليق الي حق الاطفال اهناك اكيد مراح تحتك بارجال لكن الم تستحي فصنع ماشأت هذا في حالات الظاروره وذا الرجال موجود اكيد ابوه راح ايوديه.............اثقلوا ياحريم انتوا الانوثه لا اضيعونها منكم

[خزامئ]

فيه بعضهم محتد والبعض تعود
اذا الزوج المسكين مايرجع الا الساعه 3 ويبغي له ساعه او ساعتين يرتاح فيها
ويش ايسوون لازم الام الي تحمل الباقي لين يكبرون العيال

[deema117]

عــــادي وما في أي شيء يسيء للمرأة

آنا عن نفسي أودي ولدي الحلاق ومب أوقف عند الباب

أدخل بنفسي معاه !!

ما في شيء يستدعي الاستغراب
:)

[بوخالد911]

كلكم راع ...........

[الصريحه]

والله صارت لي كم مره للأسف شكل ولدي مبهدل والابو لاهي بطلعاته. وماقدرت أتحمل شكله المبهدل واضطربت اروح لأقرب حلاق لبيتي وبسرعه حلقه وخلصوا اذا نكروا الابو ليصير شعر الولد لين كتفه

[wah2007]

عــــادي وما في أي شيء يسيء للمرأة

آنا عن نفسي أودي ولدي الحلاق ومب أوقف عند الباب

أدخل بنفسي معاه !!

ما في شيء يستدعي الاستغراب
:)


عادي ماشوف فيها شي لو المرة عاونت زوجها في بعض الامور البسيطة والمقدور عليها، :omen2:

يعطيكم العافية



التعـآون بين الزوج والزوجه مهـم ولكن .. هـ الحالات نشوفهـآ كثيييييير .. ونشكر الام على هـ الشي .. لكن وين الاب .. المفروض الاب هو اللي يودي عياله هالاماكن الرجاليه

هل الاب ماعنده وقت يودي عياله الحلاق مره في الاسبوع او الشهر ؟!
الاب مشغول لهذي الدرجه ؟! :eek5: ماظن !



اللـه يعين اطفال هـ الايام على آبـآئهم :rolleyes2:


ام نونيـه .. شكـرا ً عـ الموضوع

[وهم قطر]

قواكم الله يالحريم ومافيكم الا العافيه

اذا الولد صغير في حلاليق للصغار بالمولات وبتاخذين راحتج

ولو الولد 4 سنين ماعليه خوف لو تكون الخدامه وياه والأم في السياره

[D0ha]

وعزتي للي حظها عاثر ..امحق زمن

[ALRAYYAN]

عــــادي وما في أي شيء يسيء للمرأة

آنا عن نفسي أودي ولدي الحلاق ومب أوقف عند الباب

أدخل بنفسي معاه !!

ما في شيء يستدعي الاستغراب
:)

لا والله اختي اسمحيلي مب عادي .. ومب معناة ان الشخص يقوم بشي يعممه على الناس ويقول مافيها شي ولا يستدعي الاستغراب

اذا الوحده اضطرت مثل اختنا اللي زوجها مسافر للعلاج عسى الله يشفيه
هنا نقول لاحول ولا قوة المضطر يركب الصعب على مايقولون

لكن عادي ومافيها شي ولا يستدعي للاستغراب .. لا سلامتج

المراءه مالها حاجه بدخول مكان كله رجال يتحركون يمين ويسار وانت واقفه بتكونين ماسكه ولدج وبينج وبين الحلاق سم قليله وهذا مابي اقول مايجوز ولكن امر غير مستحب ابدا

ولا يستحب تواجد المراءه في مكان لايدخله الا الرجال الا للضروره

وياشييييييييييييييييييييييييين الرجال وهو قاعد في البيت وزوجته داخله بين الرجاجيل عشان تمسك الولد

بارك الله فيج

[مسك روز]

هي جات على الحلاق

اعرف وحده تروح الخياط تفصل ثياب لعيالها ..

[الجسراوي]

اذكر على العهد السابق كنا نستغرب من مشاهده شعر طلع جدام الشيله وكانت اطرافنا تتنمل اذا شفنا صورة لعاريه في الجرائد وكنا نتضايق اذا نشوف وحده كبيره في السن واهلها يعتبرونها بنت صغيره وتطلع بدون عبايه او بخنق او شيله وحتى في الفرجان اذا بتطلع من بيتهم وبتروح للجيران ....

الله يرحم حالنا
الصراحه انا لو شفت هالحرمه في الحلاق قاعه تحلق عادي عندي لاننا

تعوووودنا

ولذلك هرررررمنا

[مشتاقة لقطر]

اهمال الاب .. وتنصله من مسوولياته

[Only Me]

اكثرية الرجاجييل صايريين اتكاليين ( البعض منهم )

[قطر دزاين]

عادي ماشوف فيها شي لو المرة عاونت زوجها في بعض الامور البسيطة والمقدور عليها، :omen2:

يعطيكم العافية

تعاون زوجها بالي يسمح لها الشرع
اما اتخالط الرجال وتروح حلاق والحلاق جنبها يحلق الولد هذا حرام
ماله عمام او خوال لو قلنا الاب مو موجود او خادم لو تأزمت الامور اما تروح المراه للحلاق مزاحمه الرجال هذا لا يجوز

[المستقل]

اذكر على العهد السابق كنا نستغرب من مشاهده شعر طلع جدام الشيله وكانت اطرافنا تتنمل اذا شفنا صورة لعاريه في الجرائد وكنا نتضايق اذا نشوف وحده كبيره في السن واهلها يعتبرونها بنت صغيره وتطلع بدون عبايه او بخنق او شيله وحتى في الفرجان اذا بتطلع من بيتهم وبتروح للجيران ....

الله يرحم حالنا
الصراحه انا لو شفت هالحرمه في الحلاق قاعه تحلق عادي عندي لاننا

تعوووودنا

ولذلك هرررررمنا


كــــــــــلام من زمـــــــــــان ماسمعـــــــــــــــــــناه !!!:weeping:

[انا حره]

ماقول بس الا الله يخلف على الامهات الي حظهم عاثر الوحده تقعد تحن وده الحلاق وده الخياط

روحو ليله العيد سوق واقف ولا سوق العلي وشوفو النسوان مساكين بين الرجاجيل والله بعضهم منحرجين بس شيسوون يبون عيالهم يعيدون الابو لاهي والا كل يوم يقول بعدين !!!!!!!!1

انتو بعد يالنسوان لازم ماتخلون الرجاجيل على كيفهم حطوهم قدام الامر الواقع سويها مشكله اقلبيها هوووشه بس خلوووهم هم يودون عيالهم

[شبح الصمت]

يعطيج العافيه اختي كاتبة الموضوع

الأم الي تكلمتي عنها أهي الي ينطق عليها أسم أم أم أم الي تشيل نفسها وعيالها في حالة فقدان الزوج لها أو تخلي الأهل وهذه نسيمها الأم الحنونه الصبورة المكافحه المثابرة التي تحدت الزمن والوقت عشان عيالها ,,

أما بعض الأمهات البعض اهي لاهيه كله على التسوق والمكياج والكمبيوتر والتلفون ولا عندها وقت لعيالها هذه ننقد عليها وبشدة ,,

واليهال الخدامه تعابل لهم وتأكلهم ولا اهي مفتكره تقول توني صغيره ليش اتعب نفسي الحياة قدامي !!

الخدامه لها دور بس الأم لها الدور الكبير الكبير الكبير


ودي تدخلون على اليوتوب مقطع اسمه ( الطفلة التركية التي أبكت الملايين )

اتحداكم لو ما صحتوا لكم الي تبونه شوفوا المقطع وردو قولوا لي اش رايكم في الموقف وشوفوا الأم وشوف البنت عفويتها !!
مع السلامة

[فيزيائية]

الحين وايد شغلات تقوم بها المراه ما جات على الحلاق والعتب على الزوجه قبل الزوج لان هي سمحت لنفسها انها تقوم بالمهمه هذي وهو بعد ماعنده سالفه
س اذا اضطرت شتسوي ؟؟:(

تعرضت لهالموقف مرة من سنين ..
كانوا اطفالي صغار ..!!
قريب العيد الأب مسافر علاج ..!!!!!
أمشي على مقولة ( هين قرشك ولا تهين نفســـك ) ~
الله يعين
اللي اعرفه ان الحلاق يجي للبيت حتى
بس ياخذ دبل الدبل :rolleyes2:

عادي ماشوف فيها شي لو المرة عاونت زوجها في بعض الامور البسيطة والمقدور عليها، :omen2:
يعطيكم العافية
وعاادي تقوم بمهامه مثلا ؟؟
عيل هو شنو وظيفته تمثال بالبيت ؟؟

[فيزيائية]

الحمد الله في حلاليق حق الاطفال ليش مايروحون حق الحلاليق الي حق الاطفال اهناك اكيد مراح تحتك بارجال لكن الم تستحي فصنع ماشأت هذا في حالات الظاروره وذا الرجال موجود اكيد ابوه راح ايوديه.............اثقلوا ياحريم انتوا الانوثه لا اضيعونها منكم
الحريم ثقال والمسؤلية اثقل ...
ومافيه شي اكيد في زمن تلخبطت فيه المهام ّ!؟

فيه بعضهم محتد والبعض تعود
اذا الزوج المسكين مايرجع الا الساعه 3 ويبغي له ساعه او ساعتين يرتاح فيها
ويش ايسوون لازم الام الي تحمل الباقي لين يكبرون العيال
واجد رياييل يرجعون 3 و4 بس قايمين بدورهم واكثر..عالاقل في الويكند.

عــــادي وما في أي شيء يسيء للمرأة
آنا عن نفسي أودي ولدي الحلاق ومب أوقف عند الباب
أدخل بنفسي معاه !!
ما في شيء يستدعي الاستغراب
:)
اسمحيلي يعني ادخل بعيالي في حلاق رجالي بحت وكل المتواجدين رجال شي يدعو للاستغراب !!:shy:

[فيزيائية]

كلكم راع ...........
وكلكم مسئول عن رعيته .......:weeping:

والله صارت لي كم مره للأسف شكل ولدي مبهدل والابو لاهي بطلعاته. وماقدرت أتحمل شكله المبهدل واضطربت اروح لأقرب حلاق لبيتي وبسرعه حلقه وخلصوا اذا نكروا الابو ليصير شعر الولد لين كتفه
الله يعينج ومشكورة على صراحتج ...



التعـآون بين الزوج والزوجه مهـم ولكن .. هـ الحالات نشوفهـآ كثيييييير .. ونشكر الام على هـ الشي .. لكن وين الاب .. المفروض الاب هو اللي يودي عياله هالاماكن الرجاليه

هل الاب ماعنده وقت يودي عياله الحلاق مره في الاسبوع او الشهر ؟!
الاب مشغول لهذي الدرجه ؟! :eek5: ماظن !

اللـه يعين اطفال هـ الايام على آبـآئهم :rolleyes2:

ام نونيـه .. شكـرا ً عـ الموضوع
العفو :)

[بصمة قطرية]

لا والله اختي اسمحيلي مب عادي .. ومب معناة ان الشخص يقوم بشي يعممه على الناس ويقول مافيها شي ولا يستدعي الاستغراب

اذا الوحده اضطرت مثل اختنا اللي زوجها مسافر للعلاج عسى الله يشفيه
هنا نقول لاحول ولا قوة المضطر يركب الصعب على مايقولون

لكن عادي ومافيها شي ولا يستدعي للاستغراب .. لا سلامتج

المراءه مالها حاجه بدخول مكان كله رجال يتحركون يمين ويسار وانت واقفه بتكونين ماسكه ولدج وبينج وبين الحلاق سم قليله وهذا مابي اقول مايجوز ولكن امر غير مستحب ابدا

ولا يستحب تواجد المراءه في مكان لايدخله الا الرجال الا للضروره

وياشييييييييييييييييييييييييين الرجال وهو قاعد في البيت وزوجته داخله بين الرجاجيل عشان تمسك الولد

بارك الله فيج

فعلاً أخوي هالشي مش طبيعي ..
والله لا يحدنا على هالأمور ..
الحمد لله عيالي كبروا ولو إضطريت اني اوديهم لأي سبب كان ينزل معاهم أخوهم الكبير وأنا أظل في السيارة ..
مهما يكون هالأماكن مش لنا والمفروض ما ندخلها ..


يعطيج العافيه اختي كاتبة الموضوع

الأم الي تكلمتي عنها أهي الي ينطق عليها أسم أم أم أم الي تشيل نفسها وعيالها في حالة فقدان الزوج لها أو تخلي الأهل وهذه نسيمها الأم الحنونه الصبورة المكافحه المثابرة التي تحدت الزمن والوقت عشان عيالها ,,

أما بعض الأمهات البعض اهي لاهيه كله على التسوق والمكياج والكمبيوتر والتلفون ولا عندها وقت لعيالها هذه ننقد عليها وبشدة ,,

واليهال الخدامه تعابل لهم وتأكلهم ولا اهي مفتكره تقول توني صغيره ليش اتعب نفسي الحياة قدامي !!

الخدامه لها دور بس الأم لها الدور الكبير الكبير الكبير


ودي تدخلون على اليوتوب مقطع اسمه ( الطفلة التركية التي أبكت الملايين )

اتحداكم لو ما صحتوا لكم الي تبونه شوفوا المقطع وردو قولوا لي اش رايكم في الموقف وشوفوا الأم وشوف البنت عفويتها !!
مع السلامة

صدقت أخوي ..
وفعلاً هالمقطع يقطع القلب ..:weeping:

الأم هي اللي تربي وتتعب وتعاني ..
الأم هي اللي تعطي وتعطي وتعطي ولا تنتظر إكرامية من حد ..
لو فرضنا الأب غايب لأي سبب من الأسباب راح تسد مكانه ..
وراح تكون لعيالها الأب والأم ..
في هالزمن محد ينفع حد لا أهل ولا غيرهم ..

[بصمة قطرية]

الله يعين
اللي اعرفه ان الحلاق يجي للبيت حتى
بس ياخذ دبل الدبل :rolleyes2:
؟؟

وقت العيد الحلاق مش متفرغ ييجي البيت عشان اثنين حتى لو خذ دبل ..!!

[فيزيائية]

قواكم الله يالحريم ومافيكم الا العافيه

اذا الولد صغير في حلاليق للصغار بالمولات وبتاخذين راحتج

ولو الولد 4 سنين ماعليه خوف لو تكون الخدامه وياه والأم في السياره

:weeping:

وعزتي للي حظها عاثر ..امحق زمن
:eek5:


لكن عادي ومافيها شي ولا يستدعي للاستغراب .
وياشييييييييييييييييييييييييين الرجال وهو قاعد في البيت وزوجته داخله بين الرجاجيل عشان تمسك الولد
بارك الله فيج
احيانا الغلط من الزوجة اللي تبي تقوم بكل شي وتريح راسها
واحيانا الزوج مايبغي يستوعب مسئوليته..

[فيزيائية]

بصمة....

مشكورة حبيبتي على ردودج اللي تثري الموضوع .

[qatari911]

يعطيج العافيه اختي كاتبة الموضوع

الأم الي تكلمتي عنها أهي الي ينطق عليها أسم أم أم أم الي تشيل نفسها وعيالها في حالة فقدان الزوج لها أو تخلي الأهل وهذه نسيمها الأم الحنونه الصبورة المكافحه المثابرة التي تحدت الزمن والوقت عشان عيالها ,,أما بعض الأمهات البعض اهي لاهيه كله على التسوق والمكياج والكمبيوتر والتلفون ولا عندها وقت لعيالها هذه ننقد عليها وبشدة ,,

واليهال الخدامه تعابل لهم وتأكلهم ولا اهي مفتكره تقول توني صغيره ليش اتعب نفسي الحياة قدامي !!

الخدامه لها دور بس الأم لها الدور الكبير الكبير الكبير


ودي تدخلون على اليوتوب مقطع اسمه ( الطفلة التركية التي أبكت الملايين )

اتحداكم لو ما صحتوا لكم الي تبونه شوفوا المقطع وردو قولوا لي اش رايكم في الموقف وشوفوا الأم وشوف البنت عفويتها !!
مع السلامة

فديت امي
الله يطول بعمرها ما نطلع من جزاها

[روعة الجوري]

في صالونات حق اليهال ليش الوحدة ما تروح وتودي ولدها

ولا خاله ولا عمه ولا جده

مول مول مول اذا اضطرت وولدها حليو ينزل مع الدريول وطبعا هي اكيد بتشوفه من جامة المحل

ولا اقول لكم خلو عندكم مكينة حلاقة للازمات تراها تنفع وحلاقة شعر اليهال بها سهلة

[ذيب ولد ذيب]

انا اشوفه شي طبيعي في هذا الزمن ,, ليش ؟؟

عندما تتخلى المرأه عن مسؤوليتها (الاساسيه) في رعاية ابنائها و ادارة منزلها ورعاية زوجها وتسلمه (للخادمه) وتنشغل بـ عملها أو زياراتها و تسوقها ووووو فـ من الطبيعي ان يتخلى الزوج عن مسؤوليته (الاساسيه) وينشغل بـ توافه الامور ,,

يبون المرأه تطلع من البيت دون داعي وتشتغل وتحضر دورات تعليميه وتدريبيه ووووووالخ وتترك بيت زوجها لساعات والخدامه شايله مهمة الزوجه وتبون الرجال يلتزم بمسؤولياته ؟؟

الله المستعان

[deema117]

لا والله اختي اسمحيلي مب عادي .. ومب معناة ان الشخص يقوم بشي يعممه على الناس ويقول مافيها شي ولا يستدعي الاستغراب

اذا الوحده اضطرت مثل اختنا اللي زوجها مسافر للعلاج عسى الله يشفيه
هنا نقول لاحول ولا قوة المضطر يركب الصعب على مايقولون

لكن عادي ومافيها شي ولا يستدعي للاستغراب .. لا سلامتج

المراءه مالها حاجه بدخول مكان كله رجال يتحركون يمين ويسار وانت واقفه بتكونين ماسكه ولدج وبينج وبين الحلاق سم قليله وهذا مابي اقول مايجوز ولكن امر غير مستحب ابدا

ولا يستحب تواجد المراءه في مكان لايدخله الا الرجال الا للضروره

وياشييييييييييييييييييييييييين الرجال وهو قاعد في البيت وزوجته داخله بين الرجاجيل عشان تمسك الولد

بارك الله فيج

مرحبا أخوي الريان . . احترم وجهة نظرك

وكلامي ما عممته على الكل ولكن كان رداً على الأخت صاحبة الموضوع لأنها لو شافتني

في يوم من الأيام لا داعي أنها تستغرب !

كل واحد عنده ظروفه وأسبابه وهذي شغلة بسيطة ما فيها تزاحم مع الرجال إذا كان فالحلاق

جزء مخصص للأطفال ( جزء يدخله الرجل والمرأة ) بدل ما تتكل على الآخرين في كل صغيرة

وكبيرة . . هذا ما أردت توضيحه

[فقيه زمانه]

لاحول ولا قوة الا بالله ... ياناس لاتسنون شي لاهوب في دينا ولا في سنعنا .... ما قول الا تميل على الرجال الي يخلي مرته تدخل عند الرجاجيل وتوقف حذا لحلاق ... والله اذكر في حلاق في احد المولات سوري شكله حلو والله دايماً من امر اودي ليهال الالعاب الا هو يسالف مع النسوان ... دارت الايام وديت عيال عندهم او سالت عنه قالوا تسفر ...:omg: ليش مادري بس الي فهمته من لحلاقين ان عليه قضية جنائية والله يستر علينا اجمعين ..

[بورغد]

انا اشوفه شي طبيعي في هذا الزمن ,, ليش ؟؟

عندما تتخلى المرأه عن مسؤوليتها (الاساسيه) في رعاية ابنائها و ادارة منزلها ورعاية زوجها وتسلمه (للخادمه) وتنشغل بـ عملها أو زياراتها و تسوقها ووووو فـ من الطبيعي ان يتخلى الزوج عن مسؤوليته (الاساسيه) وينشغل بـ توافه الامور ,,

يبون المرأه تطلع من البيت دون داعي وتشتغل وتحضر دورات تعليميه وتدريبيه ووووووالخ وتترك بيت زوجها لساعات والخدامه شايله مهمة الزوجه وتبون الرجال يلتزم بمسؤولياته ؟؟

الله المستعان
درر والله يالشيخ

[intesar]

كلن له عذره .. وما تعرفون ايش ظروفها ..

[ALRAYYAN]

مرحبا أخوي الريان . . احترم وجهة نظرك

وكلامي ما عممته على الكل ولكن كان رداً على الأخت صاحبة الموضوع لأنها لو شافتني

في يوم من الأيام لا داعي أنها تستغرب !

كل واحد عنده ظروفه وأسبابه وهذي شغلة بسيطة ما فيها تزاحم مع الرجال إذا كان فالحلاق

جزء مخصص للأطفال ( جزء يدخله الرجل والمرأة ) بدل ما تتكل على الآخرين في كل صغيرة

وكبيرة . . هذا ما أردت توضيحه

بارك الله فيج

[nadeemy]

المرأه القطريه اصبحت اتكاليه او كسوله الى ابعد الحدود
خادمه للاهتمام بالطفل منذ ولادته
مدرس خصوصي يهتم بمذاكرته
حلاق يقص شعره ( والله اني اتألم اذا شفت طفل عمره سنه او سنتين والحلاق والسائق يتعاونون عليه يمسكون راسه بقوه وبايادي خشنه علشان يثبتون راسه , والطفل يكاد يموت من الخوف والصياح باعلى صوته يبغي الفزعه , والام جالسه في السياره تهذر في التيلفون , جعلها الموت ان شاء الله )
اذن على ايش تحملين لقب ام ؟
ضحكني احد الزملاء الشاميين :
قال انا من تزوجت المرات اللي رحت فيها احلق شعري عند حلاق معدوده على الاصابع , لما تكون المدام مسافره او في المستشفى , هي اللي تحلق شعري وشعر الاولاد وهي احسن من الف حلاق , قلت له يا اخي احنا زوجاتنا ما يعرفون , قال : شو ما يعرفون هي بتصنع ذره ؟
قلت : يا اخي ما عندهم وقت زيارات ومجاملات ,
قال : ولووو انا واولادها اهم من هذا كله واهم من امها وابوها
السموحه يا القطريات حاولت ادافع عنكم , لكن الحجه كانت ضعيفه

[فيزيائية]

فديت امي
الله يطول بعمرها ما نطلع من جزاها
آآمين

في صالونات حق اليهال ليش الوحدة ما تروح وتودي ولدها

ولا خاله ولا عمه ولا جده
مول مول مول اذا اضطرت وولدها حليو ينزل مع الدريول وطبعا هي اكيد بتشوفه من جامة المحل

ولا اقول لكم خلو عندكم مكينة حلاقة للازمات تراها تنفع وحلاقة شعر اليهال بها سهلة
شكرا لردك ...

لاحول ولا قوة الا بالله ... ياناس لاتسنون شي لاهوب في دينا ولا في سنعنا .... ما قول الا تميل على الرجال الي يخلي مرته تدخل عند الرجاجيل وتوقف حذا لحلاق ... والله اذكر في حلاق في احد المولات سوري شكله حلو والله دايماً من امر اودي ليهال الالعاب الا هو يسالف مع النسوان ... دارت الايام وديت عيال عندهم او سالت عنه قالوا تسفر ...:omg: ليش مادري بس الي فهمته من لحلاقين ان عليه قضية جنائية والله يستر علينا اجمعين ..
الله يستر عالجميع ...

كلن له عذره .. وما تعرفون ايش ظروفها ..
صحيح...

[فيزيائية]

المرأه القطريه اصبحت اتكاليه او كسوله الى ابعد الحدود
خادمه للاهتمام بالطفل منذ ولادته
مدرس خصوصي يهتم بمذاكرته
حلاق يقص شعره ( والله اني اتألم اذا شفت طفل عمره سنه او سنتين والحلاق والسائق يتعاونون عليه يمسكون راسه بقوه وبايادي خشنه علشان يثبتون راسه , والطفل يكاد يموت من الخوف والصياح باعلى صوته يبغي الفزعه , والام جالسه في السياره تهذر في التيلفون , جعلها الموت ان شاء الله )
اذن على ايش تحملين لقب ام ؟
ضحكني احد الزملاء الشاميين :
قال انا من تزوجت المرات اللي رحت فيها احلق شعري عند حلاق معدوده على الاصابع , لما تكون المدام مسافره او في المستشفى , هي اللي تحلق شعري وشعر الاولاد وهي احسن من الف حلاق , قلت له يا اخي احنا زوجاتنا ما يعرفون , قال : شو ما يعرفون هي بتصنع ذره ؟
قلت : يا اخي ما عندهم وقت زيارات ومجاملات ,
قال : ولووو انا واولادها اهم من هذا كله واهم من امها وابوها
السموحه يا القطريات حاولت ادافع عنكم , لكن الحجه كانت ضعيفه

يعني الحين عشان وحدة تعرف تحلق لعيالها وزوجها طلعت اوكي وزينة ؟؟:omg:

والزوجة اللي ودت عيالها دعيت عليها وهي قد تكون ضحية زوج غير مسئول !!!!:omen2:

[بصمة قطرية]

المرأه القطريه اصبحت اتكاليه او كسوله الى ابعد الحدود
خادمه للاهتمام بالطفل منذ ولادته
مدرس خصوصي يهتم بمذاكرته
حلاق يقص شعره ( والله اني اتألم اذا شفت طفل عمره سنه او سنتين والحلاق والسائق يتعاونون عليه يمسكون راسه بقوه وبايادي خشنه علشان يثبتون راسه , والطفل يكاد يموت من الخوف والصياح باعلى صوته يبغي الفزعه , والام جالسه في السياره تهذر في التيلفون , جعلها الموت ان شاء الله )
اذن على ايش تحملين لقب ام ؟
ضحكني احد الزملاء الشاميين :
قال انا من تزوجت المرات اللي رحت فيها احلق شعري عند حلاق معدوده على الاصابع , لما تكون المدام مسافره او في المستشفى , هي اللي تحلق شعري وشعر الاولاد وهي احسن من الف حلاق , قلت له يا اخي احنا زوجاتنا ما يعرفون , قال : شو ما يعرفون هي بتصنع ذره ؟
قلت : يا اخي ما عندهم وقت زيارات ومجاملات ,
قال : ولووو انا واولادها اهم من هذا كله واهم من امها وابوها
السموحه يا القطريات حاولت ادافع عنكم , لكن الحجه كانت ضعيفه

أولاً : ماله داعي تدعي0 (الدعوة ترجع على صاحبها ) ..
وبعدين أصابع إيدك مب سوا ..!!
وبالنسبة لصديقك الشامي قول له إرتاح في قطريات أفضل من زوجتك ..
عشان قال لك هالشغلة عن زوجته صارت أفضل من القطريات ..
وانت على أي أساس شملت وقلت القطريات ..
أنا أعرف أحلق وياما حلقت لعيالي وعندي العدة كاملة ..
ولين عمر سنتين مستحيل أدخله حلاق ..
بس لما كبروا إختلف الوضع ..!!
في قطريات أفضل من غيرهم بكثير وما يتقارنون ..
مب شرط الوحده تتكلم وتقول ..
ياليت أخوي ما تعمم بكلامك وتقول ما قدرت أدافع عن القطرية ..
بإختصــار قول له زوجتي لا تقول زوجاتنا وحريمنا ..
لأنك ما تعرف الكل ..
ليش دوم تحبون تقللون من قدر القطرية ..!!؟؟
ليش دوم رياييلنا متحاملين علينا ..؟؟
اسمح لي على هالمداخلة بس جد كلامــك ضايقني ..!!!!
صحيح هو مش موجه لي بس يتكلم عن القطرية بصفة عامه ..!!!

[راعي ال VXR]

سأل طفل صغير أمه ..!!.. لماذا تبكين ؟…؟

قالت له: لأني امرأة….!

أجاب الطفل : لم أفهم

عانقته أمه وقالت لن تفهم أبدا....

لاحقا: سأل الطفل الصغير والده لماذا تبكي الأم بدون سبب….؟

لم يستطع والده القول إلا أن كل النساء يبكين بدون سبب ..

لم يجد الطفل الإجابة على سؤاله وليس هناك من يسأله سوى جده

سأل الطفل الصغير جدة لماذا تبكي النساء بسهوله..؟؟؟؟

قال الجد: عندما خلق الله المرأة جعل لها ما يميزها …!!

- جعل لها القوة الكافية لتتحمل أعباء الحياة والطيبة الكافية التي تبعث على الراحة.

- وأعطاها الله القوة الداخلية لتحمل الولادة والرفض الذي غالبا ما يأتي من أبنائها .

- وأعطاها الله الصلابة التي تسمح لها بأن تستمر في الوقت الذي يستسلم فيه الجميع وان تهتم بعائلتها أثناء المرض والإعياء بدون أن تشتكي.

- وأعطاها الإحساس القوي الذي يدفعها لمحبة أولادها في كل الظروف حتى عندما تعامل بقسوة من قبلهم.

- وأعطاها الله القوة لتتحمل أعباء زوجها (فخلقها من ضلعه لتحمي قلبه).

- وأعطاها الله الحكمة لتعلم بأن الزوج الجيد لا يؤذي زوجته ولكنه أحيانا يختبر قوتها وعزيمتها لتقف إلى جانبه بثبات.

- وأخيرا أعطاها الله قدرتها على البكاء استثناها بذلك حتى تبكي عندما تحتاج إلى ذلك هل رأيت يا بني الجمال في المرأة ليس بملابسها أو شخصيتها التي تمتلكها, أو تصفيفه شعرها.

[nadeemy]

يعني الحين عشان وحدة تعرف تحلق لعيالها وزوجها طلعت اوكي وزينة ؟؟:omg:

والزوجة اللي ودت عيالها دعيت عليها وهي قد تكون ضحية زوج غير مسئول !!!!:omen2:

والله يا اختي لو شفتي المنظر بعينك انك تدعين عليها باشد من ذلك
طفل بين يدي اثنين اغراب واحد ماسك في ايده مقص وموس والثاني ماسك راسه بكل ما اوتي من قوه وهو يصرخ من قمة راسه من الخوف والرعب
اختي مب عذر ان الزوج مشغول او غير مسئول او مهما يكون
هي ليش ما تحلقه في البيت وتفك الطفل من هالموقف المرعب

[فيزيائية]

والله يا اختي لو شفتي المنظر بعينك انك تدعين عليها باشد من ذلك
طفل بين يدي اثنين اغراب واحد ماسك في ايده مقص وموس والثاني ماسك راسه بكل ما اوتي من قوه وهو يصرخ من قمة راسه من الخوف والرعب
اختي مب عذر ان الزوج مشغول او غير مسئول او مهما يكون
هي ليش ما تحلقه في البيت وتفك الطفل من هالموقف المرعب

.....أشد من الموت ؟؟:eek5:
على فكرة لو هي نزلت مع الطفل راح يتصرف بنفس التصرف ...
بس لو كان معاه رجل (ابوه أو غيره...) بيسكت وبيخاف ...
والله فيه زوجات لهم الله يقومون بالدورين دورهم ودور ازواجهم ومب عاجب بعد لا الزوج ولا هله ولا المجتمع !!.:omen2:

[فيزيائية]

راعي ال vxr

شكرا لمداخلتك اللي اثرت الموضوع .

[فيزيائية]

بصمة قطرية ....
بعض الرياييل متحاملين على زوجاتهم بسبة عقدة الذنب اللي يحسون فيها من تقصيرهم نحو عيالهم وبيتهم .....

[ضوى]

لو هالحرمة لقت زوج سنع يحمل صفات الرجولة جنبها وسندها ومعاها بالطريق ماتوقع تجرات ودخلت الحلاق ، واذا مطلقه او ارملة فالله يعينها عالتربية وتحمل مسؤولية العيال اللي برقبتها ، الناس ظروف ودام المكان عام والمراة مضطرة ماتوقع هذا الفعل حرام او عيب او منكر ، اللي يبي يستنكر يستنكر وجود الحريم اللي نشوفهم بروحهم بكل مكان الجمعية ( مقاضي البيت ) مدارس العيال ( تسال عن عيالها ) السوق ( تجيب اغراض عيالها واغراضها ) سوق الخضرة ، سوق السمج ، بترول السيارة ، الكراجات .
تعتقدون شنهو اللي وصل المراة لهذا الشئ؟؟ هي تبي الشقى لنفسها ؟؟ والا الله رزقها بزوج مايحمل من صفات الرجولة الا اسمها فقط ؟؟

[nadeemy]

لو هالحرمة لقت زوج سنع يحمل صفات الرجولة جنبها وسندها ومعاها بالطريق ماتوقع تجرات ودخلت الحلاق ، واذا مطلقه او ارملة فالله يعينها عالتربية وتحمل مسؤولية العيال اللي برقبتها ، الناس ظروف ودام المكان عام والمراة مضطرة ماتوقع هذا الفعل حرام او عيب او منكر ، اللي يبي يستنكر يستنكر وجود الحريم اللي نشوفهم بروحهم بكل مكان الجمعية ( مقاضي البيت ) مدارس العيال ( تسال عن عيالها ) السوق ( تجيب اغراض عيالها واغراضها ) سوق الخضرة ، سوق السمج ، بترول السيارة ، الكراجات .
تعتقدون شنهو اللي وصل المراة لهذا الشئ؟؟ هي تبي الشقى لنفسها ؟؟ والا الله رزقها بزوج مايحمل من صفات الرجولة الا اسمها فقط ؟؟

كلامك صحيح اختي , والله يعين المراه اللي تقوم بكل هذه المهام مع وجود الزوج هذا ان وجدت
وبالتاكيد لم ينكر احد على المراه القيام بهذه المهام كونها مضطره ولا احد ادعى بحرمة هذا الامر
لكن محور النقاش كما اعتقد هو لماذا لا تقوم المراه ببعض الواجبات الاساسيه ؟ وتعتمد على الغير في ادائها , وابسطها حلاقة الطفل في البيت وتجنيبه هذه التجربه المروعه حتى وان كان الاب موجود خاصه اذا كان تحت الثلاث سنوات ؟

[بوحارب]

المرأة اخذت دور الرجل في كل شي

في الشغل والسواقة والتسوق والدوارة من مكان لمكان بدون شغل ولا مشغله

خليها توقف شوي عند الحلاق عادي مافيها شي

[المفترسه]

السبب يعود لبعض الازواج الذين فقدوا رجولتهم واصبحوا يحملون هرمون الذكوره فقط لانهم تخلوا عن مسؤولياتهم واتكلواعلى الخادمه والسائق والام لا حول لها ولا قوة

[ام السعف]

كل له ظروفه،، ما نقدر نحكم على ظروفه واحنا قاعدين مكاننا

لربما في المرتين كان الزوجين بالفعل مشغول ،،

يمكن بعد الأم من نفسها تبي اتوديه ،، او يمكن هذي من الاساس
شغلتها ،،

الاحتمالات كلها واردة ، اهم شي ننبه الى اهمية
دور الأب في مثل هالحالات ،،،

[فيزيائية]

أشكر مروركم وإثرائكم للموضوع ...

[نظرة شجاع]

المشكله ان بعض النساء او الزوجات يحبون يروحون لحلاق رجالي وبذات اذا الحلاق من جنسيه (....)

انا شفت وحده داخله حلاق تحلق ولدها والحلاق قريبه منها مابينهم شعره هي تمسك الولد وهو يحلق يعني من الاخر البعض منهم حتى لو ان لها زوج تبي تحتك خلونا نكون صريحين شوي عندها رغبه في الاحتكاك ومعصية الله عز وجل

واكبر دليل هنالك حلاقين للاطفال وتلقا النساء يذهبون لحلاق الرجال لماذا !!!!!
الجواب معروف

والبنت الى تخالط الرجال تعتبر خلوة محرمه مهما كانت الاعذار التي تتحجج بها التي من خلالها تريد ان توصل لمرامها

فسق وفجور الله يحمينا من اشباه الرجال الذين يرضون بذلك ويكفينا شر النساء التي ترضا لنفسها المخالطة

[بويعقوب]

كل واحد وله دوره المعين سواء اب او ام

والصراحة انا اشوفها مب معدلة ان المراه تدخل اي مكان فيه رجال وتتكلم معاهم

والله يصلح الحال

[ام جابر 1]

أولاً : ماله داعي تدعي0 (الدعوة ترجع على صاحبها ) ..
وبعدين أصابع إيدك مب سوا ..!!
وبالنسبة لصديقك الشامي قول له إرتاح في قطريات أفضل من زوجتك ..
عشان قال لك هالشغلة عن زوجته صارت أفضل من القطريات ..
وانت على أي أساس شملت وقلت القطريات ..
أنا أعرف أحلق وياما حلقت لعيالي وعندي العدة كاملة ..
ولين عمر سنتين مستحيل أدخله حلاق ..
بس لما كبروا إختلف الوضع ..!!
في قطريات أفضل من غيرهم بكثير وما يتقارنون ..
مب شرط الوحده تتكلم وتقول ..
ياليت أخوي ما تعمم بكلامك وتقول ما قدرت أدافع عن القطرية ..
بإختصــار قول له زوجتي لا تقول زوجاتنا وحريمنا ..
لأنك ما تعرف الكل ..
ليش دوم تحبون تقللون من قدر القطرية ..!!؟؟
ليش دوم رياييلنا متحاملين علينا ..؟؟
اسمح لي على هالمداخلة بس جد كلامــك ضايقني ..!!!!
صحيح هو مش موجه لي بس يتكلم عن القطرية بصفة عامه ..!!!



جزاااج الله خير
ماقصرتي

[ام جابر 1]

المشكله ان بعض النساء او الزوجات يحبون يروحون لحلاق رجالي وبذات اذا الحلاق من جنسيه (....)

انا شفت وحده داخله حلاق تحلق ولدها والحلاق قريبه منها مابينهم شعره هي تمسك الولد وهو يحلق يعني من الاخر البعض منهم حتى لو ان لها زوج تبي تحتك خلونا نكون صريحين شوي عندها رغبه في الاحتكاك ومعصية الله عز وجل

واكبر دليل هنالك حلاقين للاطفال وتلقا النساء يذهبون لحلاق الرجال لماذا !!!!!
الجواب معروف

والبنت الى تخالط الرجال تعتبر خلوة محرمه مهما كانت الاعذار التي تتحجج بها التي من خلالها تريد ان توصل لمرامها

فسق وفجور الله يحمينا من اشباه الرجال الذين يرضون بذلك ويكفينا شر النساء التي ترضا لنفسها المخالطة


لاحول ولاقوة الا بالله
ساعات الواحد يكتب كلام مايدري انه بيتحاسب عليه

[ام جابر 1]

الحين وين الخال او العم اذا الابو مب موجود
وحتى لو العم او الخال بيرضى حريمهم مايرضون
عني انا وعن تجربه زوجي كان مسافر للعلاج مع امه
محد سال عن عيالي وكنا قريب العيد

لاعم ولا خال
وديت عيالي سوق العلي يبون نعل
درت العمه وقالت ليش ماقلتي حق عمهم قلت لا عادي انا في السياره مب نازله
وسكرت من عندي اتصلت حق عمهم وقالت له هو زعل يقول ليش ماكلمتني
هو ادري ماراح يقصر وواثقه مليون في الاميه
بس مرته كلمتني وحسستني انها ازعلت افتكرت اني كلمته لانه قال لها اتصلي شوفيها اذا محتاجه شي
فالواحد في هالزمن الحمدلله يقدر يسوي كل شي دام الوحده محترمه نفسها محد راح يتعرض لها
وبعدين اول الرياييل يروحون البحر ويقعدون بالاشهر من اللي يتحمل المسؤوليه مب الام
مافيها شي للضروره
احنا مانعرف ظروف الناس

[يحفظك ربي]

عادي مافي مشاكل
انا كنت اودي اخوي الصغير للحلاق وانطره في السياره لان مرات وايد ابوي يكون مشغول ولا هو مايقصر اكيد
بس لو هو مشغول وكل شغل البيت على راسه ليش ما نساعده ؟

هرنت حق الهندي وقلت له سو جذي وجذي .. وعطيت اخوي الفلوس وقلت له يلا انزل
وتميت انطره في السياره لين ماخلص

امر جدا عادي :)

[ام جابر 1]

عادي مافي مشاكل
انا كنت اودي اخوي الصغير للحلاق وانطره في السياره لان مرات وايد ابوي يكون مشغول ولا هو مايقصر اكيد
بس لو هو مشغول وكل شغل البيت على راسه ليش ما نساعده ؟

هرنت حق الهندي وقلت له سو جذي وجذي .. وعطيت اخوي الفلوس وقلت له يلا انزل
وتميت انطره في السياره لين ماخلص

امر جدا عادي :)


صح كلامج مافيها شي اذا ساعدنا دام احنا نشوف عيالنا من بعيد
وعقب بيقولون ليش ماعلمتوا عيالكم على المسؤليه
مايعجبهم العجب
يبون تربية الصبيان نفس البنات صج الزمن تغير والمطلوب المراقبه
الحين هم يروحون المطاعم ويطلبون عادي ويدورون مع عيالهم في المجمعات وفي الالعاب عادي يات على هالشي
بس لانههم مايسوون هالشي بالذات فا اكيد ماراح يعجبهم

[يحفظك ربي]

يعني الحين عشان وحدة تعرف تحلق لعيالها وزوجها طلعت اوكي وزينة ؟؟:omg:

والزوجة اللي ودت عيالها دعيت عليها وهي قد تكون ضحية زوج غير مسئول !!!!:omen2:

:nice::nice:


أولاً : ماله داعي تدعي0 (الدعوة ترجع على صاحبها ) ..
وبعدين أصابع إيدك مب سوا ..!!
وبالنسبة لصديقك الشامي قول له إرتاح في قطريات أفضل من زوجتك ..
عشان قال لك هالشغلة عن زوجته صارت أفضل من القطريات ..
وانت على أي أساس شملت وقلت القطريات ..
أنا أعرف أحلق وياما حلقت لعيالي وعندي العدة كاملة ..
ولين عمر سنتين مستحيل أدخله حلاق ..
بس لما كبروا إختلف الوضع ..!!
في قطريات أفضل من غيرهم بكثير وما يتقارنون ..
مب شرط الوحده تتكلم وتقول ..
ياليت أخوي ما تعمم بكلامك وتقول ما قدرت أدافع عن القطرية ..
بإختصــار قول له زوجتي لا تقول زوجاتنا وحريمنا ..
لأنك ما تعرف الكل ..
ليش دوم تحبون تقللون من قدر القطرية ..!!؟؟
ليش دوم رياييلنا متحاملين علينا ..؟؟
اسمح لي على هالمداخلة بس جد كلامــك ضايقني ..!!!!
صحيح هو مش موجه لي بس يتكلم عن القطرية بصفة عامه ..!!!


:nice::nice:

كفيتوا