عـــلم ابناءك جدول الضرب !!

[ام السعف]

ان كان لإسمك فائدة فلجدول الضرب والعمليات الحسابية مليون فائدة وفائدة ،،

الإسلوب المتبع لمعرفة نواتج عمليات ضرب الأعداد هو الحفظ واللي ما يحفظ
ما يعرف يضرب ويقسم ويطرح او يقوم بأي عمليات حسابية ثانية ،،
وان قام بها تلقاه يقف عند اخطاء جدا سخيفة والسبب انه اخطأ في عملية الضرب
وبالتالي النتيجة كانت خاطئة بعد الجمع او الطرح ،،


من خلال هالموضوع اود في البداية اقدم الشكر لأحد اعضاء المنتدى الكرام اللي
تواصل معاي على الخاص من شهور ،، لفتح مثل هذا الموضوع ،، فمرسي جدا خالص استاذي الفاضل وفي ميزان حسناتك :shy:

والشكر لمن تواصل معاي لنفس الغرض على الخاص والإيميل بعد :nice:


نقول بسم الله

الطريقة هذه راح تعتمد عمليات الضرب من رقم 6 و طالع

يعني رقم 6 و 7 و 8 و 9 و 10

يعني من 6X 6 و 6x7 و 6x8 الى حاصل ضرب 6 في 10
7x6 و 7x7 و 7x8 الى حاصل ضرب7 في 10
8x6 و 8x7 و 8x8 8x9 الى حاصل ضرب 8 في 10
ونفس الشي للرقم 9 و 10 ،،


نشوف الصور


http://store0.up-00.com/Mar10/p8g56073.jpg

نفتح اليدين ونرقم كل صبع من الرقم 6 لين الرقم 10 سواء بدينا من الخنصر او الإبهام ،،الأمر متروك لكم ،،
الصورة بدات الترقيم من الخنصر برقم 6 والبنصر 7 الوسطى 8 السبابة 9 والإبهام 10


هناك قاعدة للعملية :
1-الأصابع المطبقة او المسكرة تعتبر عشرات ،، يعني كل صبع انزله تحت او نسكره
او انطبقه كل حسب لهجته راح نعتبره 10 فإن كانوا صبعين راح يكونون 20 ان كانوا
3 اصابع راح يكونون 30 ،،

2-
الأصابع المفرودة راح نضرب اصابع اليد اليمين في اصابع اليد اليسار ونطلع النتيجة ،،

3- نجمع حاصل ضرب الخطوة رقم 2 مع العشرات الموجودة عندنا في الاصابع المسكرة ،،

هناك ملاحظة جدا مهمة : لو سكرنا الصبع رقم 7 لازم الصبع اللي قبله يتسكر
يعني الصبع رقم 6 لازم يتسكر وياه ،، لو سكرنا الصبع رقم 9 لازم الاصابع
رقم 8 و 7 و 6 يتسكرون وياه في اليد اللي بنحتاج فيها للصبع المرقم ،،
الحين انشوف الطريقة ،،

[ام السعف]

المثال الأول

http://www.albdoo.com/vb/images/images_thumbs/e286b46458838a4bfea2a2a262926611.jpg

6x6
نطبق او نسكر الخنصرين ونترك باقي الاصابع مفرودة

1- عندنا صبعين مطبقين او مسكرين يعني عندنا 20
2- نضرب الأصابع المدودة في بعضها ،،
عندنا اربع اصابع في اليمين و اربع اصابع في اليسار مفرودة
4x4 = 16
3- 16+20 =36 وهو حاصل ضرب
6x6 = 36

ناخذ مثال ثاني

http://www.albdoo.com/vb/images/images_thumbs/dba9a3eb30a15bfed408f74de3f9f304.jpg


العملية تطلب ناتج ضرب 7x7 وبالتالي خلونا نلاحظ ان في اليدين
الصبعين اللي يحملون رقم 6 تسكروا الكترونيا :secret:

نطبق او نسكر اربع اصابع ونفرد 6
ومن ثم نجري عملية الضرب ،،1- عندنا اربع اصابع مسكرين يعني عندنا 40
2- عندنا ثلاث اصابع في اليد اليمين ومثلهم في اليد اليسار مفرودة يعني
3x3= 9
3- 9 + 40 = 49 وهو ناتيج عملية ضرب 7x7 =49

ناخذ مثال ثالث ،،

http://www.albdoo.com/vb/images/images_thumbs/ad6645d721d3ac48314c005993767abc.jpg

6x7
نسكر ثلاث اصابع و نفرد 7

1- عندنا ثلاث اصابع مسكرين يعني عندنا 30
2- عندنا اربع اصابع في اليد اليمين وثلاث اصابع في اليد اليسار مفرودة
يعني
3x4 = 12
3- 12+30= 42 وهو حاصل ضرب 6x7 = 42

ناخذ مثال اخير

http://www.albdoo.com/vb/images/images_thumbs/398c370ff5d5d3f2f306b535582a97f6.jpg


7x8

نطبق او نسكر خمس اصابع ونفرد 5

1- عندنا خمس اصابع مسكرين يعني عندنا 50
2- عندنا صبعين في اليد اليمين و ثلاث اصابع في اليد اليسار كلهم مفرودين
يعني 2x3= 6

3- 6+ 50 = 56 وهو حاصل ضرب 7x8= 56

[الرويـس]

ممكن شرح حي عن طريق الفيديو
:(

[ام السعف]

ممكن شرح حي عن طريق الفيديو
:(
:eek2:

ايه ممكن ليش لا

انتظرووونا ولا تذهبوا بعيدا لدينا ما يسركم :(

[NAF NAF]

بارك الله فيج وكثر الله من امثالج .. طريقه سهله للحفظ

[شيط ويط]

شغلانه

[chillis]

ياريت توضيح اكثر

[شيط ويط]

سؤال لو فيه واحد عنده اصبع مبتور وش الحل ؟ :secret:

[بو خليفه 123]

ممكن تغيرون الاصابع :(

[سهم عتيج]

ماشاء الله عليك.. مع اني حافظ جدول الضرب رقم رقم من واحد لين 12 حسب اللي تعلمناه قبل :)

بس هالطريقة عجيبة,, وأول مرة أعرفها.. وان شاء الله باعلم عيالي عليها..

مشكورة اختنا ام السعف على هالمعلومة الطيبة..

[بو خليفه 123]

ممكن الشخص الي تواصل معك بالخاص تعطونه باند :(

[بنت سيف]

طريقة حلوة أم السعف .. بس يبغي لها تفكير شوي من قبل الصغار ..

أنا أشوف الطريقة التقليدية .. أفضل..

جدول الضرب .. لكل رقم

تحياتي

بنت سيف

[المتحدث الرسمي]

مشكورة اختي على نقل الفكره

شكلج متلعوزه مع عيالج بسبة جدول الضرب:anger1: ... نفس مالعوزت الوالده الله يحفظها ايام الدراسه :shy: كرهت جدول الضرب من كثر ما كلت ضرب منها :nop:


طريقه حلوه و سهله و ان شالله تساعد الطلاب على حفظ الجدول اللي ..:rolleyes2:

[عابر سبيل]

طريقة جديدة و مبتكرة...

باحاول استفيد منها للعيال..

و ممكن..نحيلها الى بعض مدراء البنوك..
عشان يحسبون زيادات المعاشات المتظرة..
و كيف يستفيدون منها..
في زيادة الإقراض..
لشراء شوية اغراض:secret:

[Abo Sami]

جزاك الله الجنه .. طريقة حلوه وسهله

[ام السعف]

سؤال لو فيه واحد عنده اصبع مبتور وش الحل ؟ :secret:

يحسب خشمه من ضمن الاصابع :(

[الرويـس]

ممكن الشخص الي تواصل معك بالخاص تعطونه باند :(

باسمي وباسم بوخليفة وباسم شباب ثورة 29 مارس نطالب بتنحي (الشخص اللي ورا ام السعف) ..
:(

باند باند ارحل

[ام السعف]

بارك الله فيج وكثر الله من امثالج .. طريقه سهله للحفظ

جميعا اللهم آمين ،، خلج متابعة في طرق ثانية ان شاءالله ربنا
ايسر لنا الأمور وانحطها مع الفيديو ،،


شغلانه

بالعكس سهلة جدا يبي لك اتدرب نفسك وشوف اليهال اشلون بيقدلونك




ياريت توضيح اكثر

ان شاءالله بس انتهي من اللي عندي راح ارفق ملفات فيديو ما طلبت شي


ممكن تغيرون الاصابع :(

بصراحة يبي لها تغيير :(


ماشاء الله عليك.. مع اني حافظ جدول الضرب رقم رقم من واحد لين 12 حسب اللي تعلمناه قبل :)

بس هالطريقة عجيبة,, وأول مرة أعرفها.. وان شاء الله باعلم عيالي عليها..

مشكورة اختنا ام السعف على هالمعلومة الطيبة..

المنتل ماث او الريضيات الذهنية لها طرق كثيرة وعديدة اخوي سهم عتيج
امور للأسف على كثر الأموال اللي تصرف على التعليم ما عرفناها :(

واليوم نعتبرها معجزة لمجرد اتقانا لها ،،

الشكر لأخونا صاحب الظل الطويل اقصد صاحب الرسائل الخاصة
اللي يرجع له الفضل بعد الله في بروز هالموضوع ،،
وخلك متابع معانا هناك اضافات بعد ،،


ممكن الشخص الي تواصل معك بالخاص تعطونه باند :(

لا مب ممكن كلش ،، وياليت اشوفه في الموضوع :(

[موضي قطر]

تدرين عمري ماحبيت جدول الضرب لأن المدرسة
كانت تعصب وهي تشرح ..


جزاك الله خير :)

[ام السعف]

طريقة حلوة أم السعف .. بس يبغي لها تفكير شوي من قبل الصغار ..

أنا أشوف الطريقة التقليدية .. أفضل..

جدول الضرب .. لكل رقم

تحياتي

بنت سيف

كل شي يبي له تفكير يا بنت السيف

اول شي احنا الكبار نفهم الطريقة ونستسهلها وعقب نعلم الصغار

عني اشوف انها طريقة جدا ممتازة لتعليم الصغار جدول الضرب ،،
بعيد عن الطريقة التقليدية ،، في التفرة الأخيرة استخدمها بدل ما اجمع
الرقم على ناتج اخر ضرب عديدين من نفس الجدول :(




مشكورة اختي على نقل الفكره

شكلج متلعوزه مع عيالج بسبة جدول الضرب:anger1: ... نفس مالعوزت الوالده الله يحفظها ايام الدراسه :shy: كرهت جدول الضرب من كثر ما كلت ضرب منها :nop:


طريقه حلوه و سهله و ان شالله تساعد الطلاب على حفظ الجدول اللي ..:rolleyes2:

اقول لك الصج ؟

ما عانيت من عيالي في جدول الضرب ،، لأني دايما احاول اخلي معلوماتهم
تسبق اعمارهم ،، يعني ولدي بو 8 سنين تعلم الجمع والطرح وهو عمره 5 سنين
وتعلم جدول الضرب في الصيف قبل لا يدخل الصف الثاني ،،
واليوم العمليات الحسابية عنده مثل الماي بفضل من الله والاستاذ يعده عبقري
ما يدري ان الولد هذا اللي يدرسه اليوم متعود عليه في الصيف ،،


طريقة جديدة و مبتكرة...

باحاول استفيد منها للعيال..

و ممكن..نحيلها الى بعض مدراء البنوك..
عشان يحسبون زيادات المعاشات المتظرة..
و كيف يستفيدون منها..
في زيادة الإقراض..
لشراء شوية اغراض:secret:

يا هالبنوك في كل مكان ورانا،،
هم مب محتاجين جدول ضرب السيستم شغال عندهم مية مية :(


جزاك الله الجنه .. طريقة حلوه وسهله

اللهم آمين جميعا يارب


باسمي وباسم بوخليفة وباسم شباب ثورة 29 مارس نطالب بتنحي (الشخص اللي ورا ام السعف) ..
:(

باند باند ارحل

هو خله يدخل اول شي بعدين عطوه باند باند ( بتطفشونه ) :(

[ام السعف]

تدرين عمري ماحبيت جدول الضرب لأن المدرسة
كانت تعصب وهي تشرح ..


جزاك الله خير :)

غرامي الرياضيات وجدول الضرب والجبرا :(
اهم شي الضرب على كل الأصعدة هوايتي الأولى وصلت الى حد الاحتراف :(

ما حبيتي جدول الضرب قبل حبيه اليوم معانا :(

[بو خليفه 123]

طيب وشهي الي يميز طريقتك عن الطريقه المعتاده الي تعلمنا عليها ؟

غير الاصابع طبعاً .. :tease:

[حسن]

مساء الخير من بدري شكلك عندك خبر بيعطونه همشه علشان جذي تبين تعلمين الحساب

[n00r]

تذكرت الطريقه يوم كنا نحفظ جدول الضرب >>> يسونها اغنيه

بس هذي معقده فيها خنصر وبنصر هههههههه


تسلمين حبوبه على الطرح

[بو خليفه 123]

عابر سبيل اتوقع مدراء البنوك راح يبدعون بالتقسيم والطرح بعد تعديل الرواتب و ليس الضرب والزائد ..

[ام السعف]

الموقع التالي يا اخوان موقع جدا حلو وجدا فلة وجدا كشخة

للأطفال والكبار على شرط يتم مرافقة الأطفال وشرح طرق ثانية
لكيفية استخراج نتائج عمليات ضرب الأعداد ،، راح اكتفي بوضع الرابط وعليكم التجول
في الموقع والاستفادة من الدروس ،،
اضغط على الرابط التالي

http://t3leem.banaat.com/index.php

وهناك مواقع ممكن تتركون عيالكم يلعبون فيها
وتقعدون معاهم وتلعبون وياهم وراح تعود عليكم بالفايدة

موقع Math Magic

http://www.justforkidsonly.com/mathmagic.htm

موقع Math Games

http://www.aplusmath.com/games/index.html

[العقل المدمر]

احس الطريقه صعبه وتخربط واايد
مم .. يبي لها ممارسه عشان الواحد يتعود عليها
بعلم يهالنا بشوف ايش اسهل لهم هالطريقه او الحفظ :shy:

[intesar]

مفهوم أم السعف مو هذي نفس الطريقة اللي يستخدمونه في ذا ليرنينغ سنتر .. لأن دوم أشوف ولدي يستخدم اصابعه حتى في الجمع والطرح لهم طرق حلوة وسهلة وياريت المستقلات يستخدمونه ..بحيث انه ولدي ولله الحمد لا أشوفه ولا أدرسه ما شاء الله عليه وعليهم ..
تشكرين

[برق لمع]

هذي يبيلها منهج كامل ههههههه

[برق لمع]

وين ليرننغ سنتر ؟؟
هل هو معهد ولا مدرسة خاصة ؟

[بوخالد911]

يوالييج 1000 عافية للشررح


لا هنتي

[ام السعف]

ركز يالحبيب حسب ما يقول الأخ الكويتي في شرحه التالي في الرابط التالي في موقع يوتيوب

كل ما هو مطلوب منك انك تنسخ الجملة التالي و تلصقها في يوتيوب والجملة هي

القاعدة الصينية المبسطة لحفظ جدول الضرب

وجزاهم الله كل خير

[مرتبش]

طريقة جيدة
وسهلة ..تستاهل الناموس

[ام السعف]

يوالييج 1000 عافية للشررح


لا هنتي



ميرسي اوي خالص على المرور يا بوخالد :nice:


طيب وشهي الي يميز طريقتك عن الطريقه المعتاده الي تعلمنا عليها ؟

غير الاصابع طبعاً .. :tease:

انك بتعلم طريقة يديدة :(


مساء الخير من بدري شكلك عندك خبر بيعطونه همشه علشان جذي تبين تعلمين الحساب

وانت الصاج عندي خبر مؤكد ان الراتب يوم الخميس :(


تذكرت الطريقه يوم كنا نحفظ جدول الضرب >>> يسونها اغنيه

بس هذي معقده فيها خنصر وبنصر هههههههه


تسلمين حبوبه على الطرح

يا طيوبة لا اتشوفينه صعب شوفيه ان لازم تفهمينه ما يبي لج شي
اشوية تدريب بس اشوية مب وايد وراح تكتشفين انج عبقرية عن طريق
استخدام اصابعج ،،




احس الطريقه صعبه وتخربط واايد
مم .. يبي لها ممارسه عشان الواحد يتعود عليها
بعلم يهالنا بشوف ايش اسهل لهم هالطريقه او الحفظ :shy:

انت اكتب لهم جدول الضرب ،، بشكل عام جدول الضرب تكمن صعوبته
ما بعد رقم 6 ،، وقعده وفهمه الطريقة اشلون يقدر يستخدم اصابعه

وخذ القلم وعلم عليه الرقم وعقب اتبع معاه اسلوب الشرح وانه ذكي يفهم
مب اتعلمه واتكسر له مجاديفه ،، وشوفه ان ما فكك ارقام الكمبيوتر :secret:


مفهوم أم السعف مو هذي نفس الطريقة اللي يستخدمونه في ذا ليرنينغ سنتر .. لأن دوم أشوف ولدي يستخدم اصابعه حتى في الجمع والطرح لهم طرق حلوة وسهلة وياريت المستقلات يستخدمونه ..بحيث انه ولدي ولله الحمد لا أشوفه ولا أدرسه ما شاء الله عليه وعليهم ..
تشكرين

ليرننج سنر مب هذول اللي صوب قاعة المعارض ؟ والا غيرهم؟

بالنسبة لي لقيت صعوبة مع ولدي اللي عمره 8 سنين لأنه في الصيف
خذ دورة في مركز تنمية المهارات في العد والجمع بالطريقة الصينية

الطريقة هذي تخلي الاصابع العشرة في اليد عبارة عن 99
ويعطونه اسئلة سريعة بس يشوف اصابعه كان يجاوب
بسرعة لمجرد ما يشوف اصابعه ،

فالصبع الابهام في اليمين = 5 والصبع الابهام في اليسار = 50
ومن الخنصر للسبابة في اليمين كل صبع = 1
ومن الخنصر للسبابة في اليسار كل صبع = 10

فاليد اليمين فيها 9 ،، 5 في الابهام بروحه و 4 في الاصابع
الباقية،، اليسار فيها 90 ،، 50 في الابهام بروحه و 40 في الاصابع الباقية
فالمجموع 99 ،، من ضمن اربع دورات كان يروحها في الصيف
كان جدا مستمتع في مركز تنمية المهارات ،، لانه تعرف على شي يديد
احنا ما كنا انعرفه ،، ويرد البيت يتفلسف على الكل بما فيهم اخوانه
اللي في الجامعة :(


هذي يبيلها منهج كامل ههههههه

اممم ما عتقد سهلة وايد بس يبي لها ممارسة وفهم بتلقاها سهلة واايد


وين ليرننغ سنتر ؟؟
هل هو معهد ولا مدرسة خاصة ؟

الجواب عند ramo70 :telephone:

[ام السعف]

طريقة جيدة
وسهلة ..تستاهل الناموس

wooow
الناموس مرة وحدة ( مافي سيارة ) :shy:
تسلم وجزاك الله كل خير

[بـــــــنت النوخـّــــذه]

رياضيـــــــــــــــــــــــــــات
http://www.aroosqatar.net/vb/images/ehdaa_smilies/oh.gifhttp://www.aroosqatar.net/vb/images/ehdaa_smilies/oh.gifhttp://www.aroosqatar.net/vb/images/ehdaa_smilies/dance9bh.gifhttp://www.aroosqatar.net/vb/images/ehdaa_smilies/dance9bh.gif

[شيط ويط]

يحسب خشمه من ضمن الاصابع :(

يبيله منظره عشان يوقف قدامها :secret:

[غزلان]

طريقتج تنفع وقت الزنقه ام السعف اذا ماتوفرت الآله الحاسبه لجمع ثمن مشتريات كثيره

ميرسي خالص

[ام السعف]

رياضيـــــــــــــــــــــــــــات
http://www.aroosqatar.net/vb/images/ehdaa_smilies/oh.gifhttp://www.aroosqatar.net/vb/images/ehdaa_smilies/oh.gif

http://www.aroosqatar.net/vb/images/ehdaa_smilies/dance9bh.gifhttp://www.aroosqatar.net/vb/images/ehdaa_smilies/dance9bh.gif
اييه رياضيات

http://www.aroosqatar.net/vb/images/ehdaa_smilies/oh.gifhttp://www.aroosqatar.net/vb/images/ehdaa_smilies/oh.gif

************************************************** ******************************

شخصيا اتبع حركة الاصابع
بالطريقة التالية في الفيديو في تعليم عيالي او شرح الطريقة لهم،،

اللي يشرح الطريقة جدا هااادي شكله خالي من هموم الديون ولا هو منتظر يعرف
موازنة الدولة في 1 / 4 :(

انسخ الرابط السطر التالي والصقه في موقع يوتيوب

Key Skills - Numeracy (6, 7, 8 and 9 times tables)

[ظبيــღــه]

احب هالاشياا:shy:

متابعين معاج .. مع اني لو ركزت وقت حل الضرب .. اجيم
الجواب يطلع جذي بروحه:rolleyes2: .. اتوماتك :p

والله يعطيج العافيه عالمجهود ..وماعليج من المحبطين وعلي راسهم بوخليفه:anger1:

[ام السعف]

يبيله منظره عشان يوقف قدامها :secret:
:secret:


طريقتج تنفع وقت الزنقه ام السعف اذا ماتوفرت الآله الحاسبه لجمع ثمن مشتريات كثيره

ميرسي خالص

هي ميزتها انج ما تحتاجين لآلة حاسبة وراح تتعودين على الطريقة
وبتحفظين الجدول بشكل اسرع احترما للمخ اللي راح يستوعب
الطريقة ومن ثم راح يخزن المعلومة في مخه ،،

[الرويـس]

يصير ترفقين تصويت في الموضوع نقدر من خلاله نعرف مستوى مدى وصول البعض الى رضا عن عملية الضرب آنفة الذكر
:(

لاننا هرمنا على الجداول التقليدية ومافينا حيل لغيرها

[بـــــــنت النوخـّــــذه]

اييه رياضيات

http://www.aroosqatar.net/vb/images/ehdaa_smilies/oh.gifhttp://www.aroosqatar.net/vb/images/ehdaa_smilies/oh.gif

************************************************** ******************************

شخصيا اتبع حركة الاصابع
بالطريقة التالية في الفيديو في تعليم عيالي او شرح الطريقة لهم،،

اللي يشرح الطريقة جدا هااادي شكله خالي من هموم الديون ولا هو منتظر يعرف
موازنة الدولة في 1 / 4 :(

انسخ الرابط السطر التالي والصقه في موقع يوتيوب

Key Skills - Numeracy (6, 7, 8 and 9 times tables)




واي حد يبغي دروس خصوصيه بالرياضيات والمحاسبه بطرق مبسطه عندي http://www.aroosqatar.net/vb/images/ehdaa_smilies/dance9bh.gif

بس للنســـــــــــاء والشباب من السنوات الاولى إلى سن 11 سنه فقط

هيا نتعلم الرياضيات بالمهارات اليدويه والتفكير بعيدا" عن التلقين والحفظ http://www.aroosqatar.net/vb/images/ehdaa_smilies/dance9bh.gif

[ام السعف]

يصير ترفقين تصويت في الموضوع نقدر من خلاله نعرف مستوى مدى وصول البعض الى رضا عن عملية الضرب آنفة الذكر
:(

لاننا هرمنا على الجداول التقليدية ومافينا حيل لغيرها

انت من كل شي هرمت :(
من خان طيب الذكر والموقع الأمريكي الفلة اتييك هدية مجانية
قلت لي هرمنا :(

[بو خليفه 123]

فيه مدرسه خصوصيه فعلاً ؟

بس ماهيب صاحبة الاصابع الي بالدرس تكفون :shy:

[الرويـس]

انت من كل شي هرمت :(
من خان طيب الذكر والموقع الأمريكي الفلة اتييك هدية مجانية
قلت لي هرمنا :(

هيييييييييه .. انته فيييين يا بدر خان

:(

[ام السعف]

فيه مدرسه خصوصيه فعلاً ؟

بس ماهيب صاحبة الاصابع الي بالدرس تكفون :shy:

يحول طلبك الى بنت النوخذة


هيييييييييه .. انته فيييين يا بدر خان

:(

:(:(:(

************************************************** *****

اليكم يا اخوان موقع من اروع المواقع اللي وقعت مابين يدي ،،

صحيح هو يبي اشتراك ،، بس ممكن تتفقون مع بعض عيال خال وخالة
او عم وعمة واتسوون اشتراك جماعي علشان تقل الرسوم ،،

الاشتراك 79$ في السنة
350 ريال تقريبا في السنة للطفل الواحد ،، اعتقد حسب ما اذكر
ان التسجيل في خيار المدرس هي اللي تمنح اكثر من اشتراك ( اعتقد ) :(

احلى ما في الموقع انه عنده تمارين يسمح لك باستخدام طرفي المخ
Math for the left and right brain

والطريقة الصينية تعتمد على هالطريقة في تنشيط المخ والذاكرة
من خلال الرياضيات :(

الموقع هو

http://www.ixl.com/membership/

[شموع قطريه]

مشكوره حبيبتي على الشرح مع اني اشوف الطريقه التقليدية في الحفظ احسن .. الله يذكر مدرساتنا بالخير صج خلونا نحفظ الجدول صم .. كنا نسمع الجدول بطريقه جماعيه كل يوم في بداية الحصه لين حفظناه وطبعا العصا ماقصرت فينا خلتنا نصمه صم هههههههه والقصاص اللي كانوا يعطونا اياه .. اللي مب حافظه الجدول تنسخه 25 مره :(.. بس هالجيل يبيله نخترع طرق علشان يحفظونه لان المدرسات في المدارس المستقله مب مهتمين في هالموضع حفظوا الجدول ولا ماحفظوه بالطقاق اهم شي يحفظونهم الجواب للمسأله وبس .. تعليم دامر ومخرجات سيئه للأسف

[ام السعف]

مشكوره حبيبتي على الشرح مع اني اشوف الطريقه التقليدية في الحفظ احسن .. الله يذكر مدرساتنا بالخير صج خلونا نحفظ الجدول صم .. كنا نسمع الجدول بطريقه جماعيه كل يوم في بداية الحصه لين حفظناه وطبعا العصا ماقصرت فينا خلتنا نصمه صم هههههههه والقصاص اللي كانوا يعطونا اياه .. اللي مب حافظه الجدول تنسخه 25 مره :(.. بس هالجيل يبيله نخترع طرق علشان يحفظونه لان المدرسات في المدارس المستقله مب مهتمين في هالموضع حفظوا الجدول ولا ماحفظوه بالطقاق اهم شي يحفظونهم الجواب للمسأله وبس .. تعليم دامر ومخرجات سيئه للأسف

العفووو ،، المهم ان الطفل يعرف الناتج مب مشكلة
بالطريقة الحديثة او القديمة ... :nice:

[ضوى]

طريقة حلوة ، وللعلم للحين مب حافظة جدول الضرب الا بالجمع :)

[][ iMedia ][]

من الموضوع حسيت ان جدول الضرب اصعب من الكالكولاس :(
ههههه . . xD

[بنـ الدحيل ـت]

مبدعة بحق أم السعف

:)

هل رأيت طريقتي في جدول الضرب ..؟؟

[][ iMedia ][]

مبدعة بحق أم السعف

:)




Like :nice:

[HADi]

الله يجزاج خير على ما تقدميه اختي ..

الطريقه حلوه وسهله اذا الواحد مارسها وتعود عليها .. وفعلا ممكن تناسب بعض الاطفال وتسهل عليهم


بس في نقطه ..

اخاف لو اعلم ولدي يقعد طول عمره على هالحركه " اتخيل شكله لما يكبر ولا يعرف يحسب الا بصابعه " :)

انا حفظت جدول الظرب من ايام المدرسه ودربت نفسي على عمل مسائل حسابيه صغيره من رقمين بتخيل

بدال الورقه والقلم .. بس اذا اكثر اضيع .. يبيلها تدريب


مره شفت فيديوا لشخص يقوم بعمل مسائل حسابيه جداً معقده بأسلوب التخيل

عقل الانسان قادر على مثل هالامور واكثر بس يحتاج الى تدريب


اكرر شكراً لج على هالموضوع الطيب ..

[حدالكلمه]

طريقة حلوة

[بـ فيصل ـو]

الله يجزيك خير يا أم السعف.. يجعله ربي بميزان حسناتج.. ولا يحرمنا من مواضيعك الشيقه..

للي مافهم الطريقه.. تفضلو الفيديو التوضيحي على اليوتيوب..
http://www.************/watch?v=kV0pqV4zTQo

[بـ فيصل ـو]

بدل النجوم .. أكتب يوتيوب دوت كوم - بالانجليزي طبعاً

[ابوعلي]

يعطيج العافية اختي على الطريقة العجيبة بالرغم اني حافظ جدول الضرب

ولكن نجرب مع العيال

والاهم يكون الواحد حافظ جدول الضرب من 5 ونازل

[ام السعف]

طريقة حلوة ، وللعلم للحين مب حافظة جدول الضرب الا بالجمع :)

ولدي الله يحفظه مرة قال لي على طريقة اول مرة اعرفها
اعجبتني في طريقة الجمع او الطرح ،، مثل هالطرق اعتقد كانوا يدرسونها
الطلاب في المعهد التجاري ،، لأن اخوي كان يتكلم عن طرق عجيبة في الحساب :(

خليني من اشوفه اسئله عن الطريقة اللي قال لي عليها ،،

بالنسبة لي ان لقيت صعوبة ارجع لأقرب حاصل ضرب يكون على البال ابتدي منه:(


[ iMedia ][;7094830']
من الموضوع حسيت ان جدول الضرب اصعب من الكالكولاس :(
ههههه . . xD

انت ابتعد عن الكوكاكولا والجدول بيصير اسهل من الكالكولاس :(


مبدعة بحق أم السعف

:)

هل رأيت طريقتي في جدول الضرب ..؟؟


لا ما شفتها يصير نشوفها مع بعض ؟


طريقة حلوة

ايه حلوة وايد


الله يجزيك خير يا أم السعف.. يجعله ربي بميزان حسناتج.. ولا يحرمنا من مواضيعك الشيقه..

للي مافهم الطريقه.. تفضلو الفيديو التوضيحي على اليوتيوب..
http://www.************/watch?v=kV0pqV4zTQo

اللهم آمين يارب جميعا وجزاك الله كل خير على الفيديو :nice:

[ام السعف]

الله يجزاج خير على ما تقدميه اختي ..

الطريقه حلوه وسهله اذا الواحد مارسها وتعود عليها .. وفعلا ممكن تناسب بعض الاطفال وتسهل عليهم


بس في نقطه ..

اخاف لو اعلم ولدي يقعد طول عمره على هالحركه " اتخيل شكله لما يكبر ولا يعرف يحسب الا بصابعه " :)

انا حفظت جدول الظرب من ايام المدرسه ودربت نفسي على عمل مسائل حسابيه صغيره من رقمين بتخيل

بدال الورقه والقلم .. بس اذا اكثر اضيع .. يبيلها تدريب


مره شفت فيديوا لشخص يقوم بعمل مسائل حسابيه جداً معقده بأسلوب التخيل

عقل الانسان قادر على مثل هالامور واكثر بس يحتاج الى تدريب


اكرر شكراً لج على هالموضوع الطيب ..


شوف ،، الطريقة حلوة لتعويده على حفظ الجدول ،، يعني لو ما لقى
الورقة جدامه راح يلقى اصابعه ،، ومع الوقت انت اختبر مستواه في الحفظ
من غير ما يرجع لاصابعه ،،

قبل كانوا يعلمون العد بالاصابع او بالعداد الصيني الخشبي ،،
لكن مجرد ما يتعلم الطفل تلقى انه يستحي يتعامل مع العداد الخشبي ،،
وانت راح تلاحظ ان ولدك راح يتخلى عن اصابعه لمجرد انه تمكن من
الضرب بشكل متقن ،،

وفوق كل هذا انت خلك دعم له ،، يعني انت مستحيل بتستخدم يدينك
فخله يتحداك او سو له اوراق واطلب منه يحلهم في فترة زمنية معينة ،،

او عندك مواقع مرفقة في ما بين الردود راح تنفعك وايد في تطوير قدراته
في مجال الرياضيات ،،

واسمح لي احط المعلومة هذي :
يقول لك يا اخوي هادي ان الانسان لا يستخدم الا عشر مخه فقط
والبعض فقط يستخد 3% من مخه :(

والنسبة هذي متركزة في الجزئ الايمن اعتقد بينما الجزئ الايسر معطل
نهائيا ،، والرياضيات الذهنية ترفع من نسبة استخدام المخ في الشقين منه ،،

وهناك طريقة ينصحون فيها عطوها بنتي في مركز تنمية المهارات
لما تقعد الصبح من النوم حرم اصابع يدينك بالفتح والتسكير عدة مرات
يقول لك هذا من يقوي الذاكرة ،، استخدم الفرشاة بيدك اليسار لو كنت
متعود تستخدمها بيدك اليمين ،، استخدم يدك المعطلة بدل يدك اللي تتعود عليها،،

عود عيالك على الأمور هذي فراح تلقى صفاء وذاكرة جيدة جدا بإذن الله ،،

[ام السعف]

يعطيج العافية اختي على الطريقة العجيبة بالرغم اني حافظ جدول الضرب

ولكن نجرب مع العيال

والاهم يكون الواحد حافظ جدول الضرب من 5 ونازل

مثل ما هو معروف يا بو علي ان الطريقة هذي تعتبر من الطرق
المنشطة للذهن بالاضافة الى انها تساعد على حفظ الجدول ،،

هي مب جدول ضرب وبس الا فيها جمع وفيها تنشيق وترتيب للذاكرة ،،

خلونا انجربها مع عيالنا وانشوف شنهي السالفة ،،

ومثل ماقلت لأخونا هادي ،، الموضوع هذا فيه روابط لمواقع ممتازة
اليوم خليت ولدي يشتغل على موقع من هالمواقع ،، استصعب الموضوع
اول مرة في الأخير بدى يتأقلم مع المسائل عقب صار يمدح نفسه :secret:


الإنسان ما يتعلم في يوم وليلة ،، هو محتاج الى الممارسة
دايما الصعب راح يصير سهل بالممارسة والاستخدام ،،

حتى لو ما اتبعت الطريقة هذي واتبعنا الطريقة القديمة في الحفظ
لازم الطفل يستخدم اللي احفظه علشان ما ينساه ،،

فاللي ما اعجبته الطريقة ممكن يستعين بالمواقع الموجودة في
انه يطلب من عياله انهم يقضون ساعة في اليوم في حل المسائل
سواء كانت جمع او طرح او قسمة او ضرب
او كلها مع بعض ،، وان شاءالله بحيل الله وقوته النتائج جدا مبهرة بتكون ،،

[woalf]

الله ايوفك اخوي مشكور الحفض ابرك اتفتح الاعقول

[موضي قطر]

أم السعف


مشكورة وماقصرتي طبقتها على نفسي وكانت مفيدة وممتعه وطبقتها على بنت اختي الصغيرة استانست وبدت تحسب على اصابعها

الله يحفظك ويخلي لك كل غالي

[alrheeb2020]

سؤال لو فيه واحد عنده اصبع مبتور وش الحل ؟ :secret:

اصابع الريل ماتقصر :tease:

[ام السعف]

الله ايوفك اخوي مشكور الحفض ابرك اتفتح الاعقول

ويوفقك الجميع ،، احترم وجهة نظرك


أم السعف


مشكورة وماقصرتي طبقتها على نفسي وكانت مفيدة وممتعه وطبقتها على بنت اختي الصغيرة استانست وبدت تحسب على اصابعها

الله يحفظك ويخلي لك كل غالي

بالفعل ممتعة جدا الطريقة ،، ولدي حافظ الجدول لو بيكتبه بالترتيب
شرحت له الطريقة كم مرة بس ما كان عندي وقت كلش اعفس له
مخه لأن كان وراه مسابقتين لحفظ القرآن الإسبوع هذا راحة
ان شاءالله راح ابتدي معاه من الاسبوع الياي ،، وبسجل ملاحظتي
وبشوف مدى تطوره في حفظ الجدول وتسميعه عن غيب وبشكل ملخبط
ومن غير ترتيب ،،

وهذي رسالة لكل الأعضاء للي حاب يشاركنا بالنتائج
اللي ممكن يطلع فيها بعد شهر من تطبيق الطريقة مع عياله،،
نكون شاكرين له ،،:nice:

وربنا يوفقنا جميعا ،، ويخلي لج ويحفظ كل غالي على قلبج يا موضي ،،

[abn qatar]

الله يرحم التعليم سابقا نوصل الصف الرابع وحافظين جدول الضرب من 1 الى 12 الحين

في الاعداديه مايعرفون لا جدول ضرب ولايعرفون يكتبون اساميهم

[ام السعف]

اصابع الريل ماتقصر :tease:

ليش لا

ترى اللي يحرك اذنه عنده قدرة عالية على التركيز
وما بالك يستخدم مخه ويده وريوله

بيطلع عبقري شيط ويط :(

[ام السعف]

الله يرحم التعليم سابقا نوصل الصف الرابع وحافظين جدول الضرب من 1 الى 12 الحين

في الاعداديه مايعرفون لا جدول ضرب ولايعرفون يكتبون اساميهم

بس يعرفون انجليزي احسن منا

:(:(:(

[الجوكر90]

السلام عليكم
انا يوم كنت صغير تعلمت جدول الضرب ولله الحمد الحين فالجامعه مرتاح حدي
اعرف اضرب واقسم بدون الحاسبه طبعا مب كل الارقام بس في ارقام كبيره اقدر اقسمها بالراحه
حتى % اقدر اطلعه من المبالغ الكبيره بدون الحاسبه
يعني الي يتعلم الرياضيات مخه راح يكون نشيط ومفكر
وفي وايد طرق يعني اذا طريقه ماعجبت الصغير يقدر يشوف له طريقه ثانيه

ولاهنتي الشيخه ع الموضوع

[الرويـس]

في طريقة لعملية ضرب رقمين برقمين بطريقة سهلة وداهية ومن اختراع واحد
حاولت ارسلها على الخاص بس الخاص مغلق

[ام السعف]

السلام عليكم
انا يوم كنت صغير تعلمت جدول الضرب ولله الحمد الحين فالجامعه مرتاح حدي
اعرف اضرب واقسم بدون الحاسبه طبعا مب كل الارقام بس في ارقام كبيره اقدر اقسمها بالراحه
حتى % اقدر اطلعه من المبالغ الكبيره بدون الحاسبه
يعني الي يتعلم الرياضيات مخه راح يكون نشيط ومفكر
وفي وايد طرق يعني اذا طريقه ماعجبت الصغير يقدر يشوف له طريقه ثانيه

ولاهنتي الشيخه ع الموضوع

مشاركة حلوة وتستحق المتابعة والمراجعة،،

مب شرط الطريقة هذي ينجبر عليها الطفل

المهم ان الطفل يطلع حافظ بأي طريقة كانت ،،:nice:

[ام السعف]

موقع حلييووو ما يغلى عليكم

http://www.aplusmath.com/

[wadha-qa]

انا عقدتي جدول الضرب من ايام المدرسه حتى اذكر ايام الجامعه مقرر الرياضيات تعذبنا لان ممنوع الاله الحاسبه هههههه

[بو خليفه 123]

بعد اذنك ابله

أنا اقول بما انك شرحتي للطلاب الدرس .. نسوي لهم اختبار نصف الفصل

http://www.aplusmath.com/Flashcards/multiplication.html


و يا ويله الي يبرشم .. :nice:

[تحداني]

صباح الخير على الجميع


ما هذا ؟؟ :)
شكرا على الفكره الجميله .. وعلى الطريقه الجدا حديثه في عالم الأرقام
ممكن مع الأصابع تكون تغير وجه نظر آخر العنقود عندنا أسهل

يقول " من اهم معايير التعليم في العصر الحديث " هو توظيف التكنلوجيا لخدمه الانسان
دون إرهاق الدماغ .. لذلك يأبى هذا الصغير حفظ جدول الضرب بالطريقه الاعتياديه
ويمكن مع عالم الأصابع تستهويه الفكره ويغير الي في باله

بس محتاجين نطرح الموضوع اولا للنقاش وبعدها التطبيق
هذا الجيل تعبنا مع الحوار



صباحك الف سكر مع 200 الف تحيه .. ومليون ابتسامه


جملك الله برضى الرحمن

[بنـ الدحيل ـت]

لا ما شفتها يصير نشوفها مع بعض ؟

:nice:

أكيد حبيبتي

:)

تفضلي

http://www.qatarshares.com/vb/showthread.php?t=367145&page=3

[عذب الكلام 1]

متابع ابله وشكراا

[intesar]

لا ام السعف هذي مدرسة في المدينة التعليمية .. للي مستواهم شوي ضعيف ..
من أحسن المدارس بالدوحة عن تجربة

[ام السعف]

لا ام السعف هذي مدرسة في المدينة التعليمية .. للي مستواهم شوي ضعيف ..
من أحسن المدارس بالدوحة عن تجربة

اهااا،، اول مرة اسمع فيها ،، شكرا على التجاوب وجزاج الله كل خير ،،

بالتوفيق للملتحقين فيها ،،

اساتذتي الافاضل سيداتي الكريمات
لي عودة ان شاءالله قريبا للرد على مشاركتكم جميعا ،،

[بوحارب]

انا فالماث مب اوكي من وين اعلمهم :(

[ام السعف]

انا فالماث مب اوكي من وين اعلمهم :(

استاذي الفاضل بو حارب :
انت اللي ما تبي تكون اوكي ،، ما في شي يصير اوكي من نفسه :(

[بصمة قطرية]

تصدقين عاد ما أعرف هالطريقة ..:shy::shy::shy:

لازم اتعلمها ولا باخذ دروس خصوصية ..:secret:

ولدي درس في المدرسة الطريقة الصينية ..
وتقريباً قريبة من هاذي ..
كانوا يسوون لهم اختبارات وينحسب لهم الوقت ..
يعني خمس اسئلة في عشرين ثانية لازم تنحل ..
خلاص الولد تصير عنده سرعة بديهة ..
ويحل من غير تفكير ..
وكانوا المدرسين صينيين ..
في البداية كنا ندفع عليها رسوم وكان اختياري ..
بعدها المجلس الأعلى تكفل برسومها مع ان السعر كان رمزي اذا ما خاب ظني كان 200 ريال ..
متابعة لج أبلة ..
يعطيج العافية ما قصرتي ~:)
واذا بغيتي مساعده عطيني ping :nice:

[ام ناصر1]

ما شا الله حلوه الطريقة الصينية ....وما اذكر من جدول الضرب الا 2
والا في الماضي السحيق كنوا يحفظونا الجدول صم ...ونحفظ الحين ..نو واي
لقد هرمنا ...

[ام السعف]

تصدقين عاد ما أعرف هالطريقة ..:shy::shy::shy:

لازم اتعلمها ولا باخذ دروس خصوصية ..:secret:

ولدي درس في المدرسة الطريقة الصينية ..
وتقريباً قريبة من هاذي ..
كانوا يسوون لهم اختبارات وينحسب لهم الوقت ..
يعني خمس اسئلة في عشرين ثانية لازم تنحل ..
خلاص الولد تصير عنده سرعة بديهة ..
ويحل من غير تفكير ..
وكانوا المدرسين صينيين ..
في البداية كنا ندفع عليها رسوم وكان اختياري ..
بعدها المجلس الأعلى تكفل برسومها مع ان السعر كان رمزي اذا ما خاب ظني كان 200 ريال ..
متابعة لج أبلة ..
يعطيج العافية ما قصرتي ~:)
واذا بغيتي مساعده عطيني ping :nice:

الطريقة الصينية والا اليابانية ؟
لأني اتذكر ان عيالي اخواني و خواتي كانوا يتكلمون عن الرياضات على
الطريقة اليابانية ،،

اليوم ان شاءالله راح ابتدي مع ولدي الصغير وبنشوف مدى نجاح او فشل
الطريقة هذي مع الوقت وخاصة الهدف هو سرعة الرد من غير ما يرجع
لأصابعه ،،

[ام السعف]

ما شا الله حلوه الطريقة الصينية ....وما اذكر من جدول الضرب الا 2
والا في الماضي السحيق كنوا يحفظونا الجدول صم ...ونحفظ الحين ..نو واي
لقد هرمنا ...
اسم الله على عيالنا من التهرم :(

اذا جربتيها ممكن تعطينا النتيجة عقب شهر لو سمحت يا ام ناصر ؟


انا عقدتي جدول الضرب من ايام المدرسه حتى اذكر ايام الجامعه مقرر الرياضيات تعذبنا لان ممنوع الاله الحاسبه هههههه

تدري اكتشفت ان ما في شي اسمه عقدة
بالممارسة ممكن العقدة تنحل وتصير مثل السجية ما منها خوف ،،




صباح الخير على الجميع


ما هذا ؟؟ :)
شكرا على الفكره الجميله .. وعلى الطريقه الجدا حديثه في عالم الأرقام
ممكن مع الأصابع تكون تغير وجه نظر آخر العنقود عندنا أسهل

يقول " من اهم معايير التعليم في العصر الحديث " هو توظيف التكنلوجيا لخدمه الانسان
دون إرهاق الدماغ .. لذلك يأبى هذا الصغير حفظ جدول الضرب بالطريقه الاعتياديه
ويمكن مع عالم الأصابع تستهويه الفكره ويغير الي في باله

بس محتاجين نطرح الموضوع اولا للنقاش وبعدها التطبيق
هذا الجيل تعبنا مع الحوار



صباحك الف سكر مع 200 الف تحيه .. ومليون ابتسامه


جملك الله برضى الرحمن

بجمع السكر ،، واسمحي لي لو وزعته مع كل صباح للي يستحقونه
واتمنى التوفيق والنجاح لاخر العنقود ( وعطينا النتيجة وشوفي نتيجة اخوج او اختج )
وخبرينا


متابع ابله وشكراا

العفو وخلج متابعة على طول




أكيد حبيبتي

:)

تفضلي

http://www.qatarshares.com/vb/showthread.php?t=367145&page=3

اوبس
الموضوع مكرر

ان شاءالله في التكرار تعم الفائدة بشكل عام :nice:

[ام السعف]

السلام عليكم
انا يوم كنت صغير تعلمت جدول الضرب ولله الحمد الحين فالجامعه مرتاح حدي
اعرف اضرب واقسم بدون الحاسبه طبعا مب كل الارقام بس في ارقام كبيره اقدر اقسمها بالراحه
حتى % اقدر اطلعه من المبالغ الكبيره بدون الحاسبه
يعني الي يتعلم الرياضيات مخه راح يكون نشيط ومفكر
وفي وايد طرق يعني اذا طريقه ماعجبت الصغير يقدر يشوف له طريقه ثانيه

ولاهنتي الشيخه ع الموضوع

تسلم يالجوكر على هالمشاركة :nice:


في طريقة لعملية ضرب رقمين برقمين بطريقة سهلة وداهية ومن اختراع واحد
حاولت ارسلها على الخاص بس الخاص مغلق

هاهاها يالعيار :(

طرش اشوف الخاص مفتوح اليوم :(

[الشاااهين]

بارك الله فيج يا أم السعف انا كنت اشطر واحد في الرياضيات والانجليزي سبحان الله للحين احب هاالمادتين.

[ام السعف]

بارك الله فيج يا أم السعف انا كنت اشطر واحد في الرياضيات والانجليزي سبحان الله للحين احب هاالمادتين.

ويبارك فيك وفي عيالك

واكيد شاطر في التجارة بعد :nice:

[الشاااهين]

ويبارك فيك وفي عيالك

واكيد شاطر في التجارة بعد :nice:

الحمدلله
الشطاره اختي في التجاره بالخوف من رب العالمين وصدق التعامل مع الاخرين.

[الرويـس]

عمر الانقر كان كل يوم يصبح علينا بجدول الضرب .. من اول طالب لين آخر طالب
وكل واحد يقول رقم ضرب رقم والجواب واللي وراه واللي وراه واللي وراه ..

في اللي انضرب وفي الي تهزأ على الصبح وفي اللي انضرب على على على
حتى فهمنا الضرب (شكلا) وليس حفظا .. يعني الارقام المتشابهه مثلا حفظنا شكلها
6x6=36 وصارت نغمة ستة في ستة بستة وثلاثين .. سبعة في سبعة بتسعة واربعين .. وهكذا ..

[ام السعف]

الحمدلله
الشطاره اختي في التجاره بالخوف من رب العالمين وصدق التعامل مع الاخرين.

الله يبارك لك في كل شؤون حياتك انت وجميع امة محمد ،،


عمر الانقر كان كل يوم يصبح علينا بجدول الضرب .. من اول طالب لين آخر طالب
وكل واحد يقول رقم ضرب رقم والجواب واللي وراه واللي وراه واللي وراه ..

في اللي انضرب وفي الي تهزأ على الصبح وفي اللي انضرب على على على
حتى فهمنا الضرب (شكلا) وليس حفظا .. يعني الارقام المتشابهه مثلا حفظنا شكلها
6x6=36 وصارت نغمة ستة في ستة بستة وثلاثين .. سبعة في سبعة بتسعة واربعين .. وهكذا ..

اهاا
شكرا لك

5x6 بثلاثين يوم :(

[بصمة قطرية]

وينج ابلة وقفتي الدروس ..!! :secret:

[hasss1969]

اشوفها طريقة اسهل من اللي نستخدمها حاليا....لكن مشكلتها انك لازم
تستخدمي وترفعي اصابعك لو حبيت تجري العملية..وهذا فيه بعض الاحراج خصوصا لو كنتي في مكان عامل.وعني شخصيا طبقتها عمليا وافضل بكثير من الطريقة اللتي استخدمها حاليا.....
الله يعطيكي العافية وننتظر منك المزيد...

[ام السعف]

وينج ابلة وقفتي الدروس ..!! :secret:

خلص الدرس ،،
بس للأسف ما بديت مع ولدي للحين،، شرفوننا الإماراتيين وانشغل
وياهم وراحوا هم ودخل هو في اجازة الايستر :(

من ادبتي معاه ان شاءالله راح اكتب النتايج اول بأول ،،


اشوفها طريقة اسهل من اللي نستخدمها حاليا....لكن مشكلتها انك لازم
تستخدمي وترفعي اصابعك لو حبيت تجري العملية..وهذا فيه بعض الاحراج خصوصا لو كنتي في مكان عامل.وعني شخصيا طبقتها عمليا وافضل بكثير من الطريقة اللتي استخدمها حاليا.....
الله يعطيكي العافية وننتظر منك المزيد...

الله يعافيك :

امممم
عارفة ان الطرقة هذي تخليك تشغل مخك وتساعدها على استخدام
اكبر قدر من الذاكرة ،، فمجرد ما تنشط الذاكرة بتلقى مع الوقت ان
النتيجة راح تتوصل لها من غير ما ترفع اصابعك واتعد ،،


خلوننا انجربها على نفوسنا للي مب حافظ الجدول
ونجربها على عيالنا اذا حبينا انحفظهم الجدول ،،

[الدمعه]

عندي طريقه اسهل وكنت ابي احطها لج من فتره ونسيت ..
http://im2.gulfup.com/2011-04-14/1302767475911.jpg (http://www.gulfup.com/)

واتمنى يكون الشرح مفهوم ..

على عدد الارقام اللي تبينها حطي خطوط بالطول والعرض وعدي زوايا المربعات ..وجربي وقولي رايج :nice:


وسوري عالصوره ماعندي الا الرسام من عقب الفورمات :rolleyes2:

[ام السعف]

عندي طريقه اسهل وكنت ابي احطها لج من فتره ونسيت ..
http://im2.gulfup.com/2011-04-14/1302767475911.jpg (http://www.gulfup.com/)

واتمنى يكون الشرح مفهوم ..

على عدد الارقام اللي تبينها حطي خطوط بالطول والعرض وعدي زوايا المربعات ..وجربي وقولي رايج :nice:


وسوري عالصوره ماعندي الا الرسام من عقب الفورمات :rolleyes2:

واااووو. حلوة الطريقة بعد ،، نفس الخطوط اللي يتم تحزيمها بعد صفها
فكل اربع خطوط تتحزم على اربع حزم علشان تكون 4x4

شكرا دمعة :nice:

[الدمعه]

ايوه عليج نووور وسهله حق الصغار ...

[برق لمع]

صراحة طريقة روعة لكن للاطفال الكبار شوي يعني اللي بالاعدادي مثلا او خامس وفوق
شكرا لك

[ام السعف]

صراحة طريقة روعة لكن للاطفال الكبار شوي يعني اللي بالاعدادي مثلا او خامس وفوق
شكرا لك

بجربها على ولدي في الصف الثاني الإبتدائي ،، ومجرد ما اشوفه تمكن منها اشوي
بطبقها مع عيال اخواني واخواتي ان شاءالله علشان يتشجعون منه ،،
وبشوف تنفع معاهم او لا :shy:

عفوا لك ،،

[بصمة قطرية]

عندي طريقه اسهل وكنت ابي احطها لج من فتره ونسيت ..
http://im2.gulfup.com/2011-04-14/1302767475911.jpg (http://www.gulfup.com/)

واتمنى يكون الشرح مفهوم ..

على عدد الارقام اللي تبينها حطي خطوط بالطول والعرض وعدي زوايا المربعات ..وجربي وقولي رايج :nice:


وسوري عالصوره ماعندي الا الرسام من عقب الفورمات :rolleyes2:

عجبتني الطريقة واحسها ممتعه للطفل ..
غير عن الطرق العادية ..
ودام السالفة فيها رسم تغيير بيستمتع ~

يعطيج ألف عافية ~ :nice:

[ام السعف]

بسم الله الرحمن الرحيم


طبعا مثل ما وعدتكم اني راح اطبق الطريقة على العيال عندنا ،،

الطريقة استوعبوها بسرعة وطبقوها مع اي سؤال يوجه لهم

لكن هل الأطفال احفظوا الجدول بالطريقة هذي ؟

عني اقول لا ،، ما احفظوا الجدول بس صارت عندهم طريقة
يتوصلون للحل لو لقوا صعوبة في ايجاد الحل ،،

وهل عني اكتفيت بالطريقة هذي علشان ولدي يحفظ جداول الضرب ،،

بعد لا،، بما ان احنا في الصيف ،، يفضل عمل اوراق بجداول الضرب
مثلا ورقة لجدول 2 وورقة لجدول 3 لين جدول 12
ويتنخ منه نسخ كثيرة ،،

في البداية يطلب من الطفل انه يكتب الجداول بالطريقة اللي تناسبه
سواء يعد على يده يجمع اخر ناتج بمقدار عدد الجدول اللي يحله او انه
يستعين بصديق ،، مب مشكلة في المرحلة هذي ،،

في المرحلة الثانية ،، ينطلب منه انه يقرى الجدول بصوت عالي
مثلا 2*2= 4 2*3 = 6

المرحلة الثالثة ينسئل بشكل شفوي عن الجدول

المرحلة الرابعة ينعطي الأوراق الأولى اللي سوييناها له
ويحل الجدول عن غيب ،،

بالشكل هذا الطفل مع بداية رمضان ان شاءالله وهو فاهم الجدول
لو اتبعنا معاه المراحل الاربع يوميا ،،

وربنا يديم حفظ الجدول في العقول ،،