استفسار : مسافرة مع أختي واشنطن دي سي أبي مساعدة

[بنت الأجوادQ]

أنا مسافرة مع أختي بعد كم يوم واشنطن دي سي نزور خالي يدرس هناك ..والصراحة هاذي أول مرة نروح وما نعرف وين الأماكن اللي لازم نزورها خصوصا أن أحنا مسافرين بروحنا وأكيد خالي بيكون مشغول في الجامعة يعني مش معانا طول الوقت... اللي راح هناك والا موجود ممكن تنصحوني بأماكن أروح لها.. وشكرا

[alwahesh]

روحو واشنطن العاصمه

البيت الابيض
البرج الطويل الي كانه قلم
متحف الفضاء
قلعة لنكولن
الطراد البرمائي او السياره البرمائيه متعه خياليه

كلها في نفس المنطقه


الباخره الكبيره فيها مطعم وعزف حي تقريبا ساعتين

-----------------------------------------------------------------------

بوتامك مول

مول رهيب واسعاره حلوه نفس اللاندمارك بس المساحه اكبر شوي

--------------------------------------------------------------------------

بوتاميك ريفر - نهر وشلال وصخور مائيه

هالمكان للرومانسيين فقط

----------------------------------------------------------
تايسون مول

نفس السيتي سنتر بس يمكن اكبر شوي ولكن الاسعار غاليه شوي وكلها ماركات
بالتكسي تقريبا 45 دولار من فيؤجينيا

----------------------------------------------------------------------------------

فيرجينيا تبعد اقل من نص ساعه وميزتها المطاعم الاسلاميه ذبح حلال وقهاوي فلسطينيه مع شيشه ودبكه وموسيقى حيه لايف وميزة فيرجينيا الاسواق الشعبيه الصينيه والفيتناميه وحتى الالكترونيات بالطن
----------------------------------------------------------------------------------------------

اهم شي الابتعاد عن الاماكن المشبوهه وخاصه مناطق اليهود وعدم المبالغه في التزيين والملابس الغاليه

[alwahesh]

وبعد عندهم حديقه عند المطار للي يحب يتفرج على الطيارات من اقرب مكان ( الاقلاع والديسن بارك )

تقريبا ارتفاع الطياره 20 متر او اكثر شوي

[بنت الأجوادQ]

مشكور أخوي الوحش... بس سؤال ثاني هل المواصلات سهلة في واشنطن ؟ او تنصحنا نأجر سيارة ؟ وشلون الأمان هناك؟

[خشوف]

تروحون وترجعون بالسلامه ان شاءالله يفيدونكم الاخوان

نبغي تقرير لاتنسين

[بنت الأجوادQ]

تروحون وترجعون بالسلامه ان شاءالله يفيدونكم الاخوان

نبغي تقرير لاتنسين

انشالله أختي من عيـــــــــــــــــوني *_*

[alwahesh]

مشكور أخوي الوحش... بس سؤال ثاني هل المواصلات سهلة في واشنطن ؟ او تنصحنا نأجر سيارة ؟ وشلون الأمان هناك؟

بالنسبه للمواصلات وخاصه التكاسي غاليه حيل وانا انصح باستخدام الشتل التابع للفندق

لان معظم الفنادق عندهم هالخدمه وبالمجان ولكن عيبنا ان احنا ما نسأل

وبالنسبه للأمان شبه معدوم للاسف والجرايم كل ثانيه وبكل انواعها وخاصه العنصريه


ولكن دايما الضامن الله سبحانه وتعالى ولكن ارد واقول تصرفات الشخص هي الي تسبب المشاكل مثل الملابس الغاليه الاكسسوارات وشنطة اليد الخ الخ

نصيحه من امريكي

يفضل عدم المشي بالقرب من الشوارع الرئيسيه لعدم التعرض لاطلاق النار من العنصريين
عكس بريطانيا وخاصه لندن لان اخطر مكان في لندن القطارات الي تحت الارض والدواعيس

ممكن تأجير سياره مع السائق من كل الفنادق ولكن مكلفه بعض الشيئ بس افضل من التكاسي لعدم توافر التكاسي وتأخيرهم في الوصول بسبب كثرة الطلب عليهم

[alwahesh]

شتل = التنقل بالباص الخاص بالفندق

[captin]

بالتوفيق تروحون وتقضون وقت سعيد

دام خالكم يدرس هناك واكيد صار له فترة
ما راح يبخل عليكم في أي معلومة عن
المدينة واهم المعالم اللي فيها وطريقة المواصلات
وغيرها من أمور

موفقين ان شاء الله

[اخت جوجو]

تروحون وترجعون بالسلامة وانشالله تستمتعون :)

[QATAR2011]

نصيحه من امريكي

يفضل عدم المشي بالقرب من الشوارع الرئيسيه لعدم التعرض لاطلاق النار من العنصريين
عكس بريطانيا وخاصه لندن لان اخطر مكان في لندن القطارات الي تحت الارض والدواعيس



شو قصدك بالشوارع الرئيسيه:rolleyes2:
أنا اخبر اطلاق النار يكون في الاحياء المشبوهه الي يكثر فيها العنصريين ونسبة الإجرام والشوارع الداخليه ،،،،يعني بكلامنا العامي ( الدواعيس) ،، الصراحه شي يخوف
الله يحفظكم اختي

[alwahesh]

اخوي الغالي qatar2011

انا عشت في بريطانيا 5 سنوات تقريبا واذكر ايام الدراسه كانو ينصحونها ان ما ندخل الشوارع الفرعيه الي ما فيها كيمرات للمراقبه

وخاصه لندن لان صارت معاي تجارب شخصيه وخاصه من العرب هناك ( وصلت الي جرح وخياطه )

لاني دخلت سكه طولها اقل من 200 متر في اجول رود ومره في كروم ول رود
المهم امريكا وبعد الاحداث الشعب هناك معتقدين ان العرب كلهم بن لادن وانا ما الومهم لان عقليتهم بسيطه ويمشون ورا التيار

المهم

اذا رحت هناك بتعرف قصدي - الحياة في امريكا غير عن بريطانيا عادي تقطع الشوارع السريعه والسيارات تخفف ولا احد يهرن عليك ولا احد يأذيك مثل بريطانيا

[قطري شايب]

بالغت اخوي الوحش بسالفه الامان

الا امان مليون بالميه الا روحوا واستانسووووو وعيشو حياتكم ولحد بيكلمكم ولحد بيقرب صوبكم

وانا انصح اختي انكم تستاجرون سياره خصوصا ان التكاسي غاليه واجار السيارات بلاش وخصوصا دي سي العاصمة مايبي لها دلاله خريطه وانقز

[alwahesh]

قويه اخوي الشايب امان 100%


اذا وانت في الدوحه ما تقدر تخلي سيارتك شغاله او تخليها مكان مهجور ولو ساعه

اسأل معارض السيارات عن مشاكلهم معا الحراميه وتكسير السيارات وتخريبها وسرقات جنوطها

هذا غير محاولات كسر الخزاين


اعتقد سمعت عن المعتوه الي تهجم على 3 حريم في الكورنيش وحاول يسرقهم بالأكراه مستخدم السكين والساعه 10 الصبح غير السطو على باصات كروه والتكاسي وغير وغير وغير
انت اكيد عمرك ما طبيت امريكا اخوب ... اذا الامريكان يقولون الجرايم كل ثانيه وخاصه السطو المسلح


احنا كلنا لفينا العالم وما صار لنا شي والحمد لان الفضل لله ( اقصد القتل او العاهات المستديمه )



مجرد خواطر وسوالف ارجو ان لا ينقلب الحوار الى ....................؟؟؟

[قطري شايب]

ههههههههه. أبشرك عشت فيها سبع سنوات

ورايح شهر سبعه. اربك تخاويني بس

والحوار ماراح يتحول ....... لاتحاتي