ما هذا الجنون يا مكتبة جرير أين حماية المستهلك؟؟ [الأرشيف]

العابد

30-03-2011, 11:44 PM

في تاريخ سبعة وعشرين من هذا الشهر أي قبل يومين فقط من الآن

رحت مكتبة جرير واشتريت شاحن للآيفون ب 44 ريال

لكن للأسف طلع الشاحن عطلان فأعدته اليوم يوم ثلاثين إلى المكتبة

وكانت المفاجأة أن السعر قد ارتفع من 44 إلى 55 ريال في غضون يومين فقط

هل يعقل يا عالم أن السعر يرتفع بهذه السرعة 11 ريال خلال يومين فقط

أين حماية المستهلك أين الرقابة على الأسعار

طبعا هذا الذي اتضح لي بطريق الصدفة

والخافي أعظم

airbus

30-03-2011, 11:48 PM

اخوي بعطيك نصيحة بخصوص الشاحن

غير الاصلي ماتشتري لان بيخرب الجهاز وللعلم سعره الاصلي ب100

وبالتوفيق

alwahesh

30-03-2011, 11:53 PM

اخوي بعطيك نصيحة بخصوص الشاحن

غير الاصلي ماتشتري لان بيخرب الجهاز وللعلم سعره الاصلي ب100

وبالتوفيق

:nice::nice::nice:

hamoor4ever

30-03-2011, 11:58 PM

جات على جرير اخوي

Ussop

31-03-2011, 12:05 AM

جرير ... ما آخذ من عندهم شيء إلا إذا كنت مضطر ...

أذكر مرة خذت شاشة سامسونج من PCone بحدود 1400 ورحت لجرير وشفت نفس الشاشة وكان سعرها 1650 الفرق حوالي 250 ريال، مع إن الشاشة نفسها مافيه أي فرق.

بوخالد911

31-03-2011, 12:09 AM

وليش ما اشتكيت واتصلت ع حماية المستهلك

؟؟

اتصل عليهم ولا تتاخررر

مهل

31-03-2011, 12:13 AM

خل المكتبه ،،، قول مب كل يوم بتشتري شاحن .

امس مريت صيدليه اشترى دوا .. هذا الدوى كل شهر اشتري منه علبه .. خذت الدوى و قلت له كم حسابك قالي ١٩٥ قلت له ياخوي تاكد من السعر قالي متاكد قلت له كل شهر اخذه و متاكد اني اخذه بـ ١٧٥ قالي صحيح بس الاسعار زادت و لو تروح لاي صيدليه بتلقاه نفس السعر حتى شوف لزقه السعر الي عليه مش من عندنا من الموزع الي يوزع كل ادويه على الصيدليات في قطر :rolleyes2:

يخرب بيت بيت بيت الاحتكار الي عايشين فيه :anger2:

:eek3:

بوخالد911

31-03-2011, 12:16 AM

تلفونهم : 8005000

http://shabaktqatar.com/vb/showthread.php?t=598

بوحارب

31-03-2011, 12:26 AM

الأسعار قاعدة تزيد في كل شي سلعه سلعه قطعة قطعة زنقه زنقه :(

Dawn

31-03-2011, 12:33 AM

الله يكون في عون المدرسين والمدرسات ..

ام السعف

31-03-2011, 01:37 AM

استاذي الفاضل :
يمكن غلطة طباعة الاسعار :(

صوت الضمير

31-03-2011, 01:41 AM

عليكم الاتصال على حماية المستهلك

والله انا كل ماشفت شي سعره غالي اكثر من المعقول اتصل لهم وابلغهم

وانا اللحين ناويه على التموين الغذائي والنصب في الاسعار

اجل علبة المضمضة اخذها من كارفور ب 19
ومنهم ب 25 ريال

عسى ماشر 6 ريال ...

دوا المرهم اخذه من هنا ب25 ريال من الحسا ب9 ريال

الصيدليات والجمعيات عندنا لاعبين لعبتهم لاحسيب ولارقيب

بصمة قطرية

31-03-2011, 02:02 AM

جرير اسعارهم أغلى من كل مكان ..!!
المفروض حماية المستهلك يشتغلون عليهم عدل ..
عشان يعرفون ان الله حق ..
بصراحة مصخوها كل مكان سعر ..
وكل يوم زايدين الأسعار ..
هاي لحين ما جات زياديات ولاشي وجذي ناهبينا ..
الله يكون في العون ..

Dawn

31-03-2011, 02:08 AM

عليكم الاتصال على حماية المستهلك

والله انا كل ماشفت شي سعره غالي اكثر من المعقول اتصل لهم وابلغهم

وانا اللحين ناويه على التموين الغذائي والنصب في الاسعار

اجل علبة المضمضة اخذها من كارفور ب 19
ومنهم ب 25 ريال

عسى ماشر 6 ريال ...

دوا المرهم اخذه من هنا ب25 ريال من الحسا ب9 ريال

الصيدليات والجمعيات عندنا لاعبين لعبتهم لاحسيب ولارقيب

شي طيب هالروح الايجابيه اختي

ممكن اعرف هل ترين ان هناك تعديل في الاسعار في الاغراض التي بلغتي عنها بعد الاتصال ام ان السعر يظل كما هو ؟

مشتاقة لقطر

31-03-2011, 02:14 AM

الله ييسرها ..

ترى بكل مكان ..

النهب ..

الله يكون بالعون

بصمة قطرية

31-03-2011, 02:33 AM

على فكرة ..
في 1 مارس كان اليوم الخليجي السادس لحماية المستهلك ..
وكان في فيلاجيو من بوابة كارفور ..
دخلت وسألتهم ..
شنو دوركم بالضبط ..؟؟
شنو بالضبط الشغلات اللي انتو عارضينها .. ؟؟
لأني كنت أشوف معروضات كثيرة ..
قالوا لي ان هاذي المنتجات الأصلية والتقليد ..
يعني بمجرد ما تلقى شي تقليد في أي مكان تبلغهم على طول ..
ونفس الشي بالنسبة للأسعار ..
سألتهم :
بالنسبة للمجمعات ..
هل راح يكون عندكم مكتب مثلاً في كل مجمع ..؟؟
قالوا لي لا طبعاً بس مجرد ما يجينا الإتصال نتصرف على طول ..

طبعاً وزعوا كتيبات كثيرة ..
وهذا الخط الساخن لهم :

44945550 _ 44945500
للشكاوي والاقتراحات ..
هاتف الوزارة :
44945555

للرسائل القصيرة أرسل كلمة مستهلك + نص الشكوى على الرقم :
92665
البيانات المطلوبة في حال الشكوى :
اسم الشاكي ..
صورة من الفاتورة او الضمان ..
اسم المحل المشتكي عليه وعنوانه ..
تفاصيل الشكوى ..

السيف5

31-03-2011, 03:01 AM

اعلان جميع مغاسل السيارات زادت اسعارها من 25 الى 30 ريال

اعتبارا من 1-4

طبعا هذا الغسيل العادي

abn qatar

31-03-2011, 05:38 AM

اخوي ابتعد عن اي شاحن غير الاصلي نصيحه اخويه لان اي شاحن غير اصلي مهما

كان سعره اقل من الاصلي مابينفع بيخرب الجهاز على طول

ALRAYYAN

31-03-2011, 06:42 AM

ياجماعه خفو على حماية المستهلك .. توهم مطلعين لكم قرار النص والعلكه

عطوهم مجال بعد 10 سنين يصدرون لكم قرار ثاني لاتصيرون جذي

الرحمه زينه:anger1:

abo saif

31-03-2011, 07:38 AM

السلام عليكم
شوف اخوي العابد
حماية المستهلك مالها اي تدخل على الاسعار، لان اقتصادنا معتمد على العرض والطلب
يعني سياسة الدولة الاقتصادية الجزئية والكلية هي اللي لها دور في الاسعار وكذلك العرض والطلب

أما في حالتك .... فأنا أرى إن دور حماية المستهلك تضمن لك تبديك المنتج وذلك... أنك ماخذت منتج سليم

أما السعر
احنا اقتصادنا حر ومعتمد على العرض والطلب
تحياتي لك

مساهمة بسFresh

31-03-2011, 07:41 AM

في تاريخ سبعة وعشرين من هذا الشهر أي قبل يومين فقط من الآن

رحت مكتبة جرير واشتريت شاحن للآيفون ب 44 ريال

لكن للأسف طلع الشاحن عطلان فأعدته اليوم يوم ثلاثين إلى المكتبة

وكانت المفاجأة أن السعر قد ارتفع من 44 إلى 55 ريال في غضون يومين فقط

هل يعقل يا عالم أن السعر يرتفع بهذه السرعة 11 ريال خلال يومين فقط

أين حماية المستهلك أين الرقابة على الأسعار

طبعا هذا الذي اتضح لي بطريق الصدفة

والخافي أعظم

اللي اعرفه ان حماية المستهلك موجودين بس يمكن مايدخلون المنتدى
اخوي انت جربت تتصل فيهم او تتواصل وياهم ولا بس كتبت في المنتدى؟

U Welcome

31-03-2011, 09:59 AM

جرير قبل اسبوعين اخترب شاحن اللابتوب hp

رحت عندهم قالوا لي ب 450 ريال وهذا سعره الموحد
رحت من باب السؤال لوكيل ال hp
وحصلت سعر الشاحن ب 300 ريال ومعاه ضمان واخو اللي كان عندي*

يعني الفرق 150 ريال في الشاحن

همر

31-03-2011, 10:00 AM

زين انك ماشريت الايفون نفسه من عندهم .. تصدقون انهم يبيعون اي فون صيني ؟!!!

وبنفس سعر الامريكي ؟!!

:omg:

واحد من الشباب شرى اي فون من جرير يوم شفناه الا خفيف اخف من العادي قلبناه الا مكتوب عليه بالصيني من ورى !!! مات الولد .. وتيتم الاي فون ...

الصريحه

31-03-2011, 10:08 AM

بس فالحين يقولون فيه تقشف واربطوا الحزام
والاسعار والتجار ماخذين راحتهم
على فكره افكر جديا اصير تاجره حد يبي يشاركني من الاخوات

المحقق كونان

31-03-2011, 10:43 AM

جرير
مره رحت اشتري واير hdmi
حصلت بو 1 متر بسعر 119 ريال
و حصلت بو 3 متر على 219 ريال

و رحت على محل بي سي ون الي في شارع سلوى
و حصلت نفس الواير و نفس الشركة بو 3 متر وسعره 149 ريال

قدها وقدود

31-03-2011, 11:05 AM

قبل لاتشتري اي شي روح اكثر من محل وشوف الاسعار وبعدين اشتر اللي تبيه

المهندس عبدالعزيز

31-03-2011, 11:31 AM

أنا ضد تثبيت الأسعار ، نحن في دولة ليست اشتراكية بل نحن في دولة رأس مالية حرة . لا يوجد في أمريكا أو كندا وأروبا ما يسمى بتثبيت اسعار السلع

التاجر رفع الأسعار نتيجة وجود عرض و طلب ونتيجة تكلفة الإيجار وتكاليف الموظفين...الخ

almaf1a

31-03-2011, 11:38 AM

البارحه ماخذ ماي صغير وعطيت الهندي ريال وانا ماشي
كنه مب عاجبه ويطالع ليكون رفعوا سعر الماي بعد

الكاسر99

31-03-2011, 01:34 PM

تلفونهم : 8005000

http://shabaktqatar.com/vb/showthread.php?t=598

أخوي الرقم غلط

عد الأرقام سبعه

بصمة قطرية

31-03-2011, 01:41 PM

أخوي الرقم غلط

عد الأرقام سبعه

هذا الخط الساخن لهم :

44945550 _ 44945500
للشكاوي والاقتراحات ..
هاتف الوزارة :
44945555

للرسائل القصيرة أرسل كلمة مستهلك + نص الشكوى على الرقم :
92665
البيانات المطلوبة في حال الشكوى :
اسم الشاكي ..
صورة من الفاتورة او الضمان ..
اسم المحل المشتكي عليه وعنوانه ..
تفاصيل الشكوى ..

Arab!an

31-03-2011, 01:44 PM

اعتقد حماية المستهلك يعتبرون ان شغلتهم هي البحث عن المنتجات اللي انتهت صلاحيتها او التقليد .. اتوقع والله أعلم ان اسعار السلع صعبة عليهم شوي ..

La.Queen

31-03-2011, 02:46 PM

حمايه المستهلك .... انطر يا........................ لين يجيك الربيع

مع احترامي للكل...

انا حره

31-03-2011, 03:00 PM

صراحه في تفاوت بالاسعار بكل شي

الحليب مال الاطفال اخذه من سوبرماركت السعوديه ب33
وعند الصيدليه الي ورى بيتنا ب 36
وبالمخازن ب35

امكن تقولون فرق بريال او ريالين بس الحليب نستهلكه

والادويه صرت اخذها من الحسا لان عن جد فرق بالسعر وخاصه الي عنده ادويه كل يوم ياخذها

بصمة قطرية

31-03-2011, 03:28 PM

اعتقد حماية المستهلك يعتبرون ان شغلتهم هي البحث عن المنتجات اللي انتهت صلاحيتها او التقليد .. اتوقع والله أعلم ان اسعار السلع صعبة عليهم شوي ..

هذا اللي عرفته من كتيباتهم ..
لأن أغلب الكتيبات اللي وزعوها تتكلم عن التقليد والمنتهي الصلاحية ..!!!
لدرجة انهم كانوا عارضين المنتج الأصلي وبجنبه التقليد ..

بس ليش ما يكون لهم دور في تحديد الأسعار ..؟؟؟

vtc_4.8

31-03-2011, 03:37 PM

هالمكتبه خذو راحتهم زيادة عن اللزوم

com

31-03-2011, 03:55 PM

جرير اسعارهم أغلى من كل مكان ..!!
المفروض حماية المستهلك يشتغلون عليهم عدل ..
عشان يعرفون ان الله حق ..
بصراحة مصخوها كل مكان سعر ..
وكل يوم زايدين الأسعار ..
هاي لحين ما جات زياديات ولاشي وجذي ناهبينا ..
الله يكون في العون ..

مكتبة جرير في السعودية ارخص بوااايد .. هم مسوين حساب قطر غنية :telephone:

مستر بن

31-03-2011, 03:59 PM

الأسعار قاعدة تزيد في كل شي سلعه سلعه قطعة قطعة زنقه زنقه :(

خخخخخخخخ

بو حارب ,, اضافركــ طويلة ,,<<< ف توقيعكــ,,

وكل شيء الحين يزيد سعرة ,,

بصمة قطرية

31-03-2011, 04:04 PM

مكتبة جرير في السعودية ارخص بوااايد .. هم مسوين حساب قطر غنية :telephone:

فعلاً فرق كبير بين الأسعــار في قطر والسعودية ..
طاولة الكمبيوتر في جرير قطر بــ 120 ..
وفي الخُبر خذتها بــ 90 ريال .. !!!!
وكل الأسعار في كل الأقســام مختلفة ..!!!

cavok

31-03-2011, 04:29 PM

خللوكم من جرير فهي معروفه اسعارها دائما غالية --- وشغله ثانية ملينا من قولة ---حماية المستهلك ---

wadha-qa

31-03-2011, 05:41 PM

اصلا جرير حراميه فررق بين اسعار قطر و السعوديه
حتى العروض شكثرها في السعوديه وفرع قطر ما فيه عروض ولا تخفيضات

اخت جوجو

31-03-2011, 05:54 PM

دايما جذي جرير
وفروع جرير فالامارات والسعوديه وايد ارخص من الدوحة
بس ع الاقل وفرين لنا الاشياء اللي نبيها :s